Дэлхийн хөгжмийн ертөнцийг байлдан дагуулагч, хүчтэй, хөдөлмөрч бас мэдрэмжтэй эмэгтэй. Тэр бол Бейонсе Жизель Ноулз юм. Түүнд байгалиас заяасан авьяас, авьяасаа алт болгох чадвар аль аль нь бий. Ингээд 24tsag.mn  сайт  Бейонсе Ноулзын тухай 24 баримтыг хүргэж байна.

1.    Америкийн дуучин, жүжигчин Бейонсе 1981 оны 9 дүгээр сарын 4-нд Хьюстонд төрсөн.

2.    Тэрээр бага сургуульд байхдаа дуулах авьяасаа нээсэн.

3. Тэр дунд, ахлах сургуульд суралцаж байхдаа сургуулийнхаа найрал дууны хамтлагт дуулж, сүүлийн хоёр жил гоцлол дуучны үүрэг гүйцэтгэсэн аж.

4.    Ахлах ангидаа тэр авьяаслаг охин Лативиа Робенсонтой танилцаж, найз Келли Роулендтэйгээ нийлж хамтлаг байгуулахаар шийдсэн байна.

5.    Охидын хамтлаг эхэндээ “Girl’s Tyme” нэртэй, зургаан гишүүнтэй байжээ.

6.    Бейонсегийн аав амжилт гаргаж чадахгүй байсан “Girl’s Tyme”  хамтлагийн гишүүдийн цомхотгож “Destiny’s child” хамтлагийг байгуулсан юм.

7.    Destiny’s Child хамтлаг LaToya Luckett, Kelly Rowland, LaTavia Roberson, Beyonce Knowles нарын дөрвөн үндсэн гишүүнтэйгээр 1990 оноос уран бүтээлээ эхэлсэн.

8.    Хамтлагийн нэрийг Бейонсегийн ээж өгсөн. Тина Ноулз Библийн сударыг нээхэд хамгийн түрүүнд туссан үг нь Destiny’s Child гэдэг үг байжээ.

9.    Beyonce Knowles хамтлагийн гоцлол дуучин байсан ба Хамтлагийн хамгийн нэр хүндтэй гишүүнд тооцогддог байсан.

10.    Destiny’s Child хамтлагийн гишүүд 2000 оноос зөрчилдөж эхэлсэн бөгөөд 2003 онд тэд таран гишүүд тус тусын соло карьераа хөөх болжээ.

11.    Хамгийн сайн найз Келли Роуленд, Мишель Уильямс нараасаа хагацсан нь түүнд хүнд цохилт болж, сэтгэл санаагаар унасан ч энэ тухайгаа хэнд ч ярьдаггүй байжээ. Гэвч хэдэн жилийн дараа охид учраа ололцож, нөхөрлөлөө хадгалж үлдсэн юм.

12.    Beyonce-ын анхны соло албум болох dangerous Love 2003 онд гарсан юм. Түүний “Baby Boy”, “Crazy in Love” дуу нь “Грэмми”-гээс таван ч шагналыг эзэндээ авчрав.

13.    Дуучин бүсгүй соло уран бүтээлээ эхэлснээсээ хойш алдарт продюссер, реппэр  Jay Z-тэй хамтран ажиллах болсон бөгөөд тэд энэ үедээ үерхэж эхэлсэн гэдэг.

14.     Хосуудын хайр дурлалын романс тун нууцлаг өрнөсөн бөгөөд тэднийг учиртай гэх цуурхал 2005 оноос дэгдэж эхэлсэн байдаг.

15.    Олны хэл амнаас хол байх дуртай хосууд 2008 онд гэр бүл найз нөхдийнхөө хүрээнд хуримласан.

16.    Жей Зи, Бейонсе хоёр 2012 оны нэгдүгээр сарын 7нд Blue Ivy Carter охиноо өлгийдөн авсан.

17.    Бейонсе өөрийн амьдралаар баримтат кино хийсэн.

18.    Тэрхүү баримтат кинондоо Бейонсе өмнө нэг удаа хүүхдээ алдаж байсан тухайгаа ярьсан байдаг.

19.     Бейонсе хэд хэдэн кинонд гол ба туслах дүр бүтээж жүжиглэх авьяастайгаа баталсан. “Мөрөөдлийн охид” киноны дүр нь хамгийн алдартай.

20.     Бейонсе нь нийтдээ 17 удаа Грэммийн шагнал хүртсэн бөгөөд 2000 онд Америкийн шилдэг уран бүтээлч, шилдэг эмэгтэй дуучин болж байсан юм. Мөн 2013 онд Time сэтгүүлээс гаргасан 100 нөлөө бүхий хүний жагсаалтыг тэргүүлсэн байдаг.

21.    Урлагийнхан дуучин бүсгүйг тун хөдөлмөрч бүсгүй хэмээн тодорхойлдог. Учир нь тэр зөвхөн чанартай, шинэлэг бас өвөрмөц бүтээл гаргахын төлөө л хөдөлмөрлөдөг.

22.    Өнгөрсөн жил тэрээр ерөнхийлөгч Б.Обамагийн тангараг өргөх ёслол дээр ам барьж дуулсан. Түүний ам барьсан нь 24 цагийн дараа илчлэгджээ.

23.    Дээрх үйл явдал 70 мянган хүнийг хуурсан гэх шүүмжлэлийг түүнд авчирсан бөгөөд үүнээс болж Бейонсийг Hollywood.com сайт 2013 оны хамгийн азгүй одоор нэрлэсэн юм.

24.    Тэрээр хамгийн сүүлд ерөнхийлөгч Б.Обаматай нэр холбогдоод авсан. Бейонсе цуурхал дэгдээсэн сэтгүүлчийг шүүхэд өгчээ.
 

24tsag.mn