Авлигатай тзмцэх газрын шинэ дарга нар их л ширүүн байна. Ажилтнуудаа толгой дараалан халж байгаа явдал зогсох янз одоогоор лав харагдахгүй байгаа юм. Сэлэм эргүүлэхгүй, толгой бөндөсхийхгүй өдөр гэж байхаа больсон бололтой. Дарга нь Н.Ганболд гэх цагдаагийн "ноомой" хурандаа бий. Орлогч нь АН-ын хүчтэй дэмжлэгээр гарч ирсэн "мэргэжлийн тагнуулч" гэх Б.Хурц гэж нөхөр бий. Хүмүүсийн ярьж буйгаар бол жинхэнэ даргын үүргийг Ч.Хурц нь гүйцэтгэдэг юм байх. Өөрийг нь шалгаж байсан мөрдөн байцаагчдыг тэргүүн ээлжинд ажлаас чөлөөлснөөс үзвэл улс төрийн зорилгоор дарга нарыг нь томилсон ч юм шиг. Зарим хэвлэлд бичсэнээр Ч.Хурц таалаагүй хүмүүсээ "саналаараа зайлчихвал зүгээр шүү" гэж дарамталсан ч гэх шиг. Энэ мэт элдэв яриа хөөрөөнөөс үзвэл АТГ-ын шинэ удирдлага олон түмний хүсээд байгаа үр дүнг авчрахгүй нь бололтой. Хамгийн сүүлд сонин мэдээ дууллаа. Ийм мэдээллийг нотлоход амаргүй байдаг учраас баттай бус мэдээлэл гэж үзэхэд бас хэцүү. Гэхдээ юу сонссоноо хуваалцъя. Саяхан Б.Хурц МАН-ынханд "агсам" тавьсан юм байх. "Танайхнаас таван хүн шоронд хийсэн байхад сонгуульд ялахыг чинь харъя л даа" гэж. Үнэн худлыг бүү мэд.
Сонгууль дөхсөнтэй холбоотойгоор бас нэг хоржоонтой яриа дууллаа. Ард түмний гавьяат, ард түмний хөдөлмөрийн баатар ч гэдэг бил үү. Арго багш МАН-ынханд нэгэн мессэж илгээжээ. "Та нар намайг УИХ-ын сонгуульд нэр дэвшүүлчих. Тэгвэл МАН-д элслээ. Би хаанаас ч нэр дэвшсэн нэг суудал чирээд ирнэ" гэж ярьсан сурагтай.
Энэ мэт сонгуультай холбогдсон хоржоонтой мэдээлэл ирэх оны зургаадугаар сарыг дуустал үргэлжлэх биз ээ.

Г.Энх