“Boys Over Flower” драмын Гү Жүн Пюгийн дүрээрээ Монголчууд бидэнд танил болсон Азийн хамгийн залуухан, алдартай жүжигчдийн нэг Ли Мин Хогийн тухай сонирхолтой 24 баримтыг хүргэж байна.

1.    Ли Мин Хо 1987 оны зургадугаар сарын 22-нд Сөүл хотод төрсөн.

2.    Айлын бага хүү тэрбээр эцэг, эх, эгчийнхээ хамт амьдардаг.

3.    Түүний өндөр 187 см, жин 71 кг.

4.    Дуртай өнгө нь цагаан.

5.    Дуртай киноны төрөл нь Аймшгийн

6.    Тэрээр багадаа их хөдөлгөөнтэй, дүрсгүй байсан гэдэг.

7.    Боловсрол. Намсунг дунд сургуулийг дүүргэж, кино урлагийн Konkuk University-Motion Picture Art Major академийг жүжигчний мэргэжлээр төгссөн.

8.    Багийн мөрөөдөл. Ли Мин Хо багадаа хөлбөмбөгчин болохыг хүсдэг байсан. Харамсалтай нь тавдугаар ангид байхдаа бэртсэнээс хойш түүний мөрөөдөлд цэг тавигджээ.

9.    Тэрээр ахлах сургуулийн хоёрдугаар ангиасаа эхлэн кино  урлагт хөл тавьсан.

10.   Нэрт найруулагч Хан Жи Сун түүний авьяасыг олж харан жүжигчин болохыг зөвлөжээ.

11.   Амьдралынх нь хамгийн аймшигтай үе. 2006 онд тэрээр автомашины осолд орж хүнд гэмтсэн бөгөөд зургаан сарын турш хэвтэрт байсан.

12.    Нэрд гарсан нь. 2009 онд дэлгэцнээ гарсан “Boys Over Flower” кино нь түүний анхны гол дүр бөгөөд түүнд амжилт, нэр алдарыг авчирч, тэр Азид танигдсан.

13.   Тэрээр Гү Жүн Пюгийн дүрийн шалгаруулалтанд гурван ч удаа тэнцээгүй. Сүүлдээ найруулагч нь өөр хүнийг тоглуулья гэхэд маргааш чаддаг болоод ирнэ гэж гуйсаар байгаад энэ дүрийг авсан гэдэг.

14.    2011 онд Ли Мин Хо “City Hunter” олон кинонд тоглосон нь чамгүй амжилт олсон бөгөөд энэ кино Монголд “Ангууч” нэртэйгээр гарсан юм.

15.    Хамгийн сүүлд буюу өнгөрсөн жил тэрбээр “The Heirs” романтик инээдмийн драмд гол дүрд бүтээжээ.

16.    Түүний сайн найз нь “Давхар цохилт” киноны жүжигчин Чон Ил Ү.  Тэд дунд сургуульд байхаасаа эхлэн найзалсан.

17.    Ли Мин Хо муугүй дуучин. "My Everything", "Be My Last Love", "Say Yes" зэрэг дууг нь “Youtube”-дэж үзээд, ямар болохыг нь дүгнээрэй.

18.    Тэрээр Солонгосын олон шилдэг брэндийн нүүр царай болж байсан чадварлаг модель.

19.    Ли Мин Хо махан хоолонд нугасгүй.

20.     Тэрээр 2011 онд “City Hunter” кинонд хамтран тоглосон жүжигчин, загвар өмсөгч Пак Мин Ёнтой үерхэж байсан. Гэвч удалгүй тэд салах болсноо албан ёсоор зарлажээ.

21.    Түүнийг жүжигчин Song Hye Kyo-д хайртай гэх яриа байдаг. Учир нь Мин Хо түүнийг хамгийн сайхан эмэгтэй гэж боддогоо нуудаггүй байна.

22.    Тэрээр Холливудын кино оддоос Леонардо Ди Каприо, Аль Пачино шүтдэг.

23.    Мин хо усанд сэлэлт, туяалзуур жад, бие хамгаалах урлагаар хичээллэдэг.

24.     Сайхан үнэрт дуртай тэрээр үнэртэн цуглуулах хоббитой.

24tsag.mn