Н.Жанцанноров
Энэ эрхмийг мэдэхгүй, танихгүй Монгол хүн гэж байхгүй биз. Өнөөгийн урлагийн ертөнцийн томоохон лидерүүдийн нэг. Мөн хөгжмийн зохиолчоосоо гадна гайхалтай лектор. Дагуулагч.

Н.Энхбаяр
Магтуулах, муулуулахын 2 зааг дээр аль алинд нь очиж үзсэн нэгэн. Гэхдээ л яахын аргагүй Монголын VIP. Тэвчээрийн хязгаар гэж байхдаггүй юм шиг байгаан манай хүнд.

Х.Баянмөнх
Алдарт 2 "Мөнх"-ийн нэг. Яс үндсээрээ янз бүрээр хэлүүлж байсан ч ялалт байгуулж чаддаг байсан хүчтэн. "Хагас зуун жилийн ганцаардал буюу миний ялалт" гэдэг домог болсон үгийг сийлсэн хүн дээ.

Ж.Оджаргал
Монголын хамгийн мундаг бизнесмэн хэн бэ гэвэл олон хүн "Эм-Си-Эс"-ийн Ж.Оджаргал гэх биз. Тэр нь ч үнэн. Өөрийн хөлс, хүч, ухаан, чадвараар өндөрлөгт хүрч, олон мянган хүмүүсийг тэжээж буй нэгэн. Мундаг, мундаг.

О.Гүндэгмаа
Эх орныхоо нэрийг дэлхийд цуурайтуулж яваа бүсгүй. Ард түмэн ч түүнээс илүү их амжилтыг хүлээж буй нь мэдээж.

Х.Цагаанбаатар
Спортлог гэр бүлийн тэргүүн. Дэлхийд чансаагаараа тэргүүлэхдээ тэргүүлж, удаалахдаа удаалж яваа хүчтэн. Гэхдээ эхний арваас хойшлоно гэж үгүй.

Г.Хонгорзул
Дараагийн Норовбанзад. Г.Хонгорзулыг маань дуулсны дараа хоолойндоо аппарат хийсэн үгүйг нь шалгаж байсан гэдэг. Магтах үг ч цөөднө.

Г.Батхүү
Жил жилийн наадмаар нэгэн дуу хаа сайгүй "будаа" болгоно. Энэ бол "Толин хул". Орос школтой, монгол сэтгэлгээтэй жентельмэн.

Д.Алтанхуяг
Дэлхийн шилдэг найман балетчины нэг. Сонгодог урлагийг сонгодог хийдэг нэг. Монгол түүгээр бахархдаг.

Э.Бадар-Ууган
Өө илүү илүү. Энэ хүний талаар олон зүйл ярих нь илүүц биз.

Д.Сосорбарам
Жүжиглэнэ ч, дуулна ч, бүжиглэнэ ч, "Нүцгэн биеийг алдаршуулна" ч. Манай хүнд ч бурхан авъяасын тунг хэтрүүлэн өгч, харамгүй хайрласан.