ХӨСҮТ–ийн хашааэд Био аюулгүйн гуравдугаар зэрэглэлийн лаборатори байгуулах барилгын шав тавих ёслолын ажиллагаа боллоо. Тус үйл ажиллагаанд ЭМЯ, ХӨСҮТ болон гүйцэтгэгч компанийн хамт олон ороцсон юм.Тус арга хэмжээний үеээр Эрүүл мэндийн дэд сайд Ж.Амарсанаа хэлсэн үгэндээ “ Сүүлийн жилүүдэд хүн амд үзүүлэх эмнэлгийн тусламжийн үр нөлөө хүртээмжийг сайжруулах чиглэлээр ЭМЯ-аас авч хэргэжүүлж буй олон бүтээн байгуулалтын нэг нь “Био аюулгүйн гуравдугаар зэрэглэлийн лаборатори” байгуулах юм.
Өвчнийг цаг алдалгүй оношилох, эмчилгээг хянах, анагаах ухааны ололт амжилтыг практикт нэвтрүүлэх, эрдэм шинжилгээ судалгааны ажлыг явуулах болон нийгмийн эрүүл мэндийн тулгамдсан асуудлуудыг шийдвэрлэхэд лаборатори голлох үүрэг гүйцэтгэдэг.
ЭМЯ, ДЭМБ-ын мэргэжилтнүүдтэй хамтран “Монгол Улсад лабораторийн тусламж үйлчилгээг 2010-2015 онд хөгжүүлэх стратеги төлөвлөгөө” боловсруулан Эрүүл мэндийн сайдын тушаалаар батлан гаргасан ба энэ төлөвлөгөөнд тусгагдсан нэг ажил нь Эрүүл мэндийн салбарт био аюулгүйн гуравдугаар зэрэглэлийн лаборатори бүхий ХӨСҮТ-ийн нэгдсэн лабораторийн барилга барих асуудал байсан юм. Лабораторийн тусламж үйлчилгээнд орчин үеийн шинжлэх ухаан технологийн дэвшил асар хурдацтай нэвтэрч байна. Лаборатори нь хөрөнгө мөнгө их шаардсан өвөрмөц салбар боловч шинэчлэлийн засгийн газраас манай асуудалд онцгой анхаарч шаардлагатай хөрөнгө оруулалтыг цаг алдалгүй хийж байна.
Дээрхи стратеги төлөвлөгөөний дагуу зөвхөн 2013-2014 онуудад аймгуудад оношилгооны төв байгуулсанаас гадна УИХ, Үндэсний аюулгүй байдлын зөвлөл, ЗГ-ын дэмжлэгэтэйгээр улсын төсвийн хөрөнгө оруулалтаар энэ лабораторийг байгуулах ажил шийдэгдсэн хэмээгээд тусгай зориулалтын буюу био аюулгүй байдлыг хангасан халдварт өвчний лабораторийг барьж байгуулах нь мэргэжлийн өндөр ур чадвар шаардсан ажил бөгөөд гүйцэтгэгч компани хариуцлагатай нягт нямбай ажиллаж төлөвлөсөн хугацаанд нь тус обектийг ашиглалтанд оруулж хүлээлгэж өгнө гэдэгт найдаж байна.
Мөн ХӨСҮТ-ийн хамт олон гүйцэтгэгч компанид мэргэжлийн зүгээс зөвлөгөө өгч, эмнэлгийн үйлчилгээнд саад болохгүй ажиллах тал дээр онцгой анхаарах шаардлагатайг сануулсан юм.
