Дэлхийн А зэрэглэлийн реппер Fat Joe манай улсын Төв цэнгэлдэх хүрээлэнд тоглолтоо хийж, “Zone X” төслийн шанг татахад хэдхэн хоног үлдлээ.

Тэрбээр алдаршиж эхэлсэн цагаасаа өдийг хүртэл уран бүтээлээ туурвиж, цаг үеэ мэдэрч яваа хөдөлмөрч нэгэн юм. Мөн шоу ертөнцөд олон залуу уран бүтээлчийн продюсероор ажилласан бийлэгжүү нэгэн. Энэ утгаараа монголд түүнийг урьж авчрахад чамгүй үнэ төлжээ.

Зөвхөн тоглолтын тайзны ард гэхэд түүнд зориулан мини баар засах нөхцөл тавьсан бөгөөд зоогийн ширээнд нь 30 сая төгрөг зарцуулахаар байна.

Зохион байгуулагчид түүний тоглолтыг амжилттай хийсэн тохиолдолд 50Cent, Eminem, Snoop Dogg зэрэг домгуудыг урьж авчрах боломж үүсэх тухай мэдэгдээд байна.