Томуугийн эсрэг дархлаажуулалт өнөөдрөөс албан ёсоор эхэлж байна. Энэ талаар Эрүүл мэндийн сайд Ж.Чинбүрэн дараах мэдээллийг өглөө. 

Тэрбээр "Сэрүүний улирал гараад эхлэхээр л томуугийн өвчлөл нэмэгддэг. Эмнэлгийн ачаалал 2-3 дахин нэмэгддэг. Томуугаар ахмад настан, архаг өвчтэй хүмүүс, 5 наснаас доош хүүхдүүд өвддөг.

Өрхийн эрүүл мэндийн төвүүд, сумын эрүүл мэндийн төвүүд нь иргэддээ вакцинжуулалт хийдэг гол цэгүүд юм.

Энэ эрүүл мэндийн төвүүдэд вакцинжуулалтыг 70 хувьд хүртэл хийж чадсан баатрууд маань энд ажилладаг. 11 сард томуугийн өвчлөл, улаанбурханы өвчлөлтэй хавсраад нэлээд ноцтой болж болзошгүй байгааг хиймэл оюун ухаан, эрдэм шинжилгэ судалгааны тоо баримтууд, олон жилийн өвчлөлийн явцыг дүгнээд өвчлөх нь тодорхой байгаа. Жилд 700-700 мянган иргэн томуугийн өвчлөлөөр өвддөг" гэв.

Д.Батчулуун