"Инчон-2014" Азийн наадамд манай эрэгтэй шигшээ баг тун амжилттай яваа. Тэд хэсгээсээ 2-р байраар шалгарч шилдэг 8-д үлдээд байгаа юм. Ингээд манай шигшээ багийн гол тоглогч Т.Санчирын тухай 24 баримтыг хүргэж байна. 1. Тунгалагийн Санчир 1989 оны 4 сарын 8-нд Улаанбаатар хотноо төрсөн.
2. Багаасаа сагсан бөмбөгийн спортод дуртай байсан тэрээр наймдугаар ангиасаа сургуулийнхаа шигшээд багтсан юм.
3. Тэрээр есдүгээр ангиасаа хойш ердөө 2 см өссөн гэдэг. Т.Санчир одоо 190 см.
4. Т.Санчир Баянгол дүүргийн 40 дүгээр дунд сургуулийг дүүргэсэн бөгөөд сургуулийнхаа нэрийг улс, дүүргийн олон тэмцээнд гаргаж байжээ.
5. 2007 онд Т.Санчир “Отгонтэнгэр” их сургуульд урилгаар суралцав. Гэвч түүний дараа жил Ц.Цэвэрбал багшийнхаа санал тавьснаар ХҮДС руу шилжжээ.
6. Улмаар ХҮДС-ийн шигшээд багтан лигийн АШТ-д оролцох боломж нээгдсэн юм. Тухайн жилдээ Т.Санчир оюутны лигт тэргүүлсэн билээ.
7. Т.Санчир 2007 оноос лигт тоглож эхэлсэн. Түүний анхны баг бол “Таван толгой транс” компанийн “Ёлууд” баг юм.8. Тэрээр лигт тоглосон жилээ “Спортын цонх” сэтгүүлийн хамт олноос шалгаруулдаг шилдэг амжилт ахисан тоглогчоор тодорч байв.
9. Т.Санчир 2009 оноос улсын шигшээ багт тоглосон.
10. Тэрээр 2009 онд Зүүн Азийн АШТ, “Гуанжоу-2010” Азийн наадам, Наньжин, Инчоны Зүүн Азийн АШТ гэх мэт олон тэмцээн уралдаануудад эх орноо төлөөлөн оролцож байв.
11. Түүний лигт үзүүлсэн амжилтаас дурдвал 2007 онд “Ёлууд”, 2012 онд “Хүлгүүд” багт тоглож байхдаа мөнгөн медаль, мөн 2008, 2010 онд хүрэл медаль хүртжээ.
12. Хамгийн сүүлд буюу энэ жил тэрээр “Хасын хүлгүүд” багтайгаа “Үндэсний супер лиг”-т түрүүлсэн юм.
13. Тэрээр хоёр жил дараалан “Үндэсний супер лиг”-ийн онооны лидерээр тодорч байна.
14. Тамирчин залуу 2011 онд ХҮДС-ийг олон улсын худалдааны менежмент мэргэжлээр төгссөн.
15. Т.Санчир 2012 оноос Төрийн банкинд ажиллаж байгаа бөгөөд хамт олон нь түүнийг маш сайн ойлгодог гэнэ.
16. Тэрээр сагсан бөмбөгөөс гадна чөлөөт бөхөөр хичээллэж байв.
17. Түүний ээжийг С.Тунгалаг гэдэг. Тэрээр хүүгийнхээ тоглолтыг алгасалгүй үздэг гэнэ.
18. Т.Санчир найз охинтой. Хосууд 2010 онд сургуулийнхаа аялалын үеэр танилцжээ.
21. Харин NBA-ээс “Лос-Анжелес Лейкерс”-ийг дэмждэг. Учир нь тэрээр Коби Брайантыг шүтдэг аж.
22. Тэрээр цаашид хурд, хүчний тал дээр анхаармаар байгаагаа ярьсан байдаг. Мөн торгуулийн шидэлтийг өндөр хувьтай шидэхийг эрмэлздэг гэнэ.
23. Т.Санчир удахгүй эхлэх Үндэсний супер лигийн тэмцээнд “Гурван тамир” багт тоглохоор болсон.
24. Түүний шилжилт хөдөлгөөн 45 сая төгрөгөөр хийгдсэн байна.
24tsag.mn
Сэтгэгдэл (24)