Өнгөрсөн зургадугаар сарын 6-наас эхлэн Толгойт өртөөнөөс Амгалан чиглэлд үйлчилж байсан “Railbus”-ийг 3,9 сая ам.доллараар худалдан авсан. Гэтэл УБТЗ-ын дарга Г.Сэрээнэндорж нарын тэргүүтэй 20 гаруй дарга нар хойд хэсгийнхээ замыг шалгах нэрийдлээр “Railbus”-тай явж байгаад Сэлэнгэ аймгийн хойд замд автобусаа эвдэлчихсэн байгаа аж. 

Сэлэнгэ аймгийн зам дээр эвдэрсэн “Railbus” дээр монгол, орос талын инженерүүд ирчихсэн буй бөгөөд оросын инженерүүд “Railbus”-ийг хүнд нөхцөлийн зам дээр явуулсан учраас одоо засвар авахгүй” гэжээ. Харин монгол  инженерүүд “Засвар авна” хэмээн хоёр талын инженерүүдийн дунд багагүй маргаан өрнөөд буй гэнэ. Уг төмөр замын автобус нийслэл хотод зорчиж байхдаа хоёр удаа эвдэрч байжээ. Сард 57 сая төгрөгийн ашиг олдог "Railbus” эрх ямбатай дарга нарын ая тухыг хангах гэж зориулалтын бус замаар явж байгаад дахин засал авахгүйгээр эвдэрсэн бололтой.

Эх сурвалж: medee.mn