Архангай аймгийн Тариат сумын харьяат шинээр улсын начин хүртсэн Д.Адъяабат болон Говь-Алтайн Тонхил сумын харьяат улсын начин Б.Суманчулуун нарын бөхчүүдээс авсан шинжилгээнээс допингийн төрлийн бодис илэрсэн байна. Тэд өнгөрсөн улсын баяр наадмаар тав даван улсын начин цолонд хүрээд байсан юм. Бөхчүүдээс допингийн шинжилгээг авахдаа хоёр шилэнд авдаг. БНСУ руу илгээсэн эхний "А" сорьцоос дээрх хоёр бөхөд допингийн төрлийн бодис илэрсэн юм байна. Хоёр бөх шинжилгээний хариуг хүлээн зөвшөөрөөгүй учир дахин "Б" сорьцыг дахин шинжилгээнд өгөх хүсэлт гаргаж өөрсдийн зардлаар БНСУ руу явуулсан боловч хариу нь мөн л допингийн төрлийн бодис илэрлээ гэж гарчээ. Тийм учраас Монголны Үндэсний бөхийн холбооны дүрмийн дагуу өнөөдөр хоёр бөхийн шинжилгээнээс допингийн төрлийн бодис илэрсэн болохыг нийтэд зарласан юм. Харин Д.Адъяабат, Н.Суманчулуун нарын хувьд уг шинжилгээний хариуг хүлээн зөвшөөрөхгүй байгаа гэнэ. Тэдний хувьд гэмтэлтэй байсан болохоор эмчилгээ хийлгэсэн, нэг нь хагалгаа хийлгэсэн гэдэг тайлбарыг өгсөн байна.  Н.Адъяабат нь энэ жилийн улсын баяр наадмаар улсын дархан аварга Г.Өсөхбаяраар тав давж цолонд хүрсэн. Б.Суманчулууны хувьд Говь-Алтай аймгийн Цээл сумын харъяат улсын гарьд Ж.Бат-Эрдэнээр тав давж начин цолонд авчээ.