Эр хүн олон эмэгтэйтэй бэлгийн харилцаанд орох нь гэр бүлийн амьдралд муугаар нөлөөлдөг ч эрүүл мэндийн хувьд маш сайн үр дүнтэй байдгийг саяхан явуулсан судалгааны дүнгээс харж болохоор байна. Монтреалын их сургуулийн сексологичдын мэдээлж буйгаар 21 эмэгтэй хүнтэй харьцаанд орсон эрэгтэй хүн түрүү булчирхайн хорт хавдрын эсрэг дархлаатай болж, аминд хүрэх нэг аюулаас бүрэн хамгаалагддаг гэнэ. Судалгаанд оролцсон эрчүүдийн 20-иос дээш тооны эмэгтэйтэй сексийн харилцаанд орсон нь ганцхан сексийн хамтрагчтай эрчүүдээ бодвол түрүү булчирхайн хорт хавдар тусах тохиолдол маш бага байжээ. Тэдгээр эрчүүдийн ердөө тавны нэг нь л түрүү булчирхайн хорт хавдар тусах магадлалтай байсан нь эрүүл мэндийн шалтгаантай аж.

Доктор Мари Элизи Парентийн ярьж буйгаар бэлгийн олон хамтрагчтай буюу олон эмэгтэйтэй унтсан эрчүүдийн үрийн шингэний ялгаралт сайн байх бөгөөд үүний нөлөөгөөр хорт хавдрын эсрэг дархлаа нь сайжирдаг гэнэ. Хорт хавдар судлалын сэтгүүлд гарсан судалгааг 2005-2009 оны хооронд 3200 эрэгтэйн дунд явуулсан байгаа юм. Судалгааны явцад түрүү булчирхайн хорт хавдартай эрчүүд аливаа өвчин эмгэг тусах нь хоёр дахин их байдгийг олж тогтоов.

Тэгвэл хамгийн хачирхалтай нь огт бэлгийн харилцаанд орж байгаагүй буюу зандан эрчүүд түрүү булчирхайн хорт хавдар тусах эрсдэл хоёр дахин их байдаг аж. Энгийн эрчүүдийн хувьд ийм байхад ижил хүйстэн эрчүүд бэлгийн харилцаанд орох тусмаа хорт хавдар эрсдэл нь өндөр байна. Энэ бүхний шалтгаан нь үрийн шингэний ялгаралттай хамт хорт хавдар үүсгэгч шингэний болорын хэмжээ буурдагтай шууд холбоотой аж. Харин ижил хүйстнүүдийн хувьд эсрэг үр дүн гарсан учрыг олж чадаагүйгээ Монтреалын эрдэмтэд учирлалаа.