Сүүлийн жилүүдэд хүүхэд, залуучууд маань спортын үнэ цэнийг ойлгож, сонирхож хичээллэдэг  болжээ. Түүгээр ч барахгүй спортын янз бүрийн сонин содон төрлүүдийг сонгож түүнийгээ дэмжиж бас хичээллэж байна. Тэгвэл тэрхүү спортын ертөнцийн 24 “Сонин хачин” үйл явдал, дахин давтагдашгүй рекорд, баримт жишээнүүдийг та бүхэндээ хүргэж байна.
1.    Саран дээр тоглосон цорын ганц спортын төрөл бол гольф юм. 1971 оны хоёрдугаар сарын 6 –нд Америкийн сансрын нисэгч Алан Шефард саран дээр бууж, гольфийн бөмбөг цохисүүлийн жилүүдэд хүүхэд, залуучууд маань спортын үнэ цэнийг ойлгож, сонирхож хичээллэдэг  болжээ. Түүгээр ч барахгүй спортын янз бүрийн сонин содон төрлүүдийг сонгож түүнийгээ дэмжиж бас хичээллэж байна. Тэгвэл тэрхүү спортын ертөнцийн 24 “Сонин хачин” үйл явдал, дахин давтагдашгүй рекорд, баримт жишээнүүдийг та бүхэндээ хүргэж байна.он байна.
2.    Загас барих нь дэлхийн хамгийн их хүн оролцдог спортын төрлийн нэг ажээ.
3.    Спортод цахилгаан мэдээний харилцаа 1871 онд анх нэвтэрчээ. Энэ үед Лондон хотын морин уралдааны ялагчийг таван минутын дотор Калкутта хот руу дамжуулж байжээ.
4.    1898 онд Британид болсон дарвуулт завины уралдааны талаар радиогоор дамжуулсан нь спортын анхны хөтөлбөр байсан гэнэ.
5.    Гимнастик МЭӨ 900 онд анх бий болсон гэж үздэг байна. Грекийн тамирчид хөгжмийн аянд хувцасгүй дасгал сургуулилт хийдэг байснаас гадна олимпийн наадамд гадуур хувцасгүй оролцдог байжээ.
6.    Америкийн бэйсболлын лигийн нэг улирлын тоглолтод 850 мянган бөмбөг хэрэглэдэг байна. Учир нь талбайгаас гарсан бөмбөгийг үзэгчид авчихдаг аж.
7.    Америк хөл бөмбөг, рэгбигийн бөмбөгийг синтетик материалаар хийдэг бөгөөд анх гахайн ширээр хийдэг байжээ.
8.    Гар бөмбөгийн спортыг анх 1895 онд Массачусеттс муж улсад Уилльям Жорж санаачилжээ.
9.    NBA-д тоглож байсан хамгийн өндөр тоглогч Мануте Бол болон Георге Муресан нар 231 см өндөр байжээ.
10.    “MLB”-ийн түүхэн дэх хамгийн олон буюу 4256 цохилтыг 1985 Пэт Рөүз хийж байжээ. “Чарли Хастл” хочоороо алдартай бэйсболын спортын ахмад тамирчин, менежер Петер Эдвард Рөүзийн тогтоосон энэхүү амжилтыг эвдэхийг хүсвэл улирал тутам 212 цохилтыг хийж нийт 20 гаран жил хөдөлмөрлөх хэрэгтэй гэнэ.
11.    Хөлбөмбөгийн хамгийн олон улаан карттай тоглолт. Аргентиний хөлбөмбөгийн “Claypole” болон “Victoriano Arenas” багийн хооронд болсон тоглолтын үеэр шүүгч Дамияань Рубино хоёр багийн 22 тоглогч төдийгүй сэлгээний тамирчдад нийт 36 удаагийн “улаан карт” оноосон нь хөлбөмбөгийн түүхэн дэх онцлохгүй байхын аргагүй “дээд амжилт” байлаа.
12.    Мэргэжлийн Америк хөлбөмбөгийн түүхэн дэх хамгийн хол зайд гүйсэн тоглолт. Магад Америк хөлбөмбөгийн түүхэнд дахин хэний ч тогтоож үл чадах энэхүү дээд амжилтыг “New York Jets” багийн захын хамгаалагч Антонио 99.7 метр зайд тогтоожээ.
13.    Тулааны урлагийн ММА -ын бүх цаг үеийн хамгийн хурдан нокаут ердөө 2 секунд болжээ. Алдарт боксчин Рёохэй Масуда энэхүү амжилтыг тогтоосон. Хоёрхон секундэд болж өнгөрсөн эл тоглолт Такахиро Киройши ба Рёохэй Масуда нарын хооронд өрнөсөн юм.
14.    Хамгийн удаа үргэлжилсэн теннисний тэмцээн. “Time Magazine” сэтгүүлийн спортын онцлох “Топ - 10” тоглолтоор нэрлэгдэж байсан энэ тоглолт урьд хожид байгаагүй дээд амжилтыг ийнхүү тогтоож гурван өдрийн турш буюу нийт 11 цаг 05 минут үргэлжилснээрээ одоогоор теннисний спортын түүхэн дэх ”давтагдашгүй” амжилтаар нэрлэгддэг байна. Тоглолт 70 - 68 харьцаатайгаар Жон Иснерийн ялалтаар өндөрлөсөн.
15.    “NBA”-ийн түүхэнд нэг тоглолтод “100 оноо” авсан амжилт. Алдарт Уилт Чэмберлэйн 1962 онд энэ гайхалтай рекордыг тогтоожээ. Үндэсний сагсан бөмбөгийн холбооны түүхэн дэх мартагдашгүй басхүү давтагдашгүй энэхүү дээд амжилтыг өдгөө та бид сайн мэдэх болсон билээ. Мэргэжлийн сагсан бөмбөгийн шилдэг тоглогч Уилт Чэмберлэйний тогтоосон энэхүү дээд амжилт “Philadelphia Warriors” болон “New York Knicks” багийн харьцааг 169 - 147-гоор өндөрлөхөд онцгой нөлөөтэй байсан юм.
16.    “The King” нэрээрээ танигдсан мотоспортын Америкийн шилдэг нисгэгч Ричард Петти нь “NASCAR”-ийн түүхэн дэх №1 ялагч юм. Тэрээр карьерийнхаа туршид тус уралдаанд нийт 200 удаа түрүүлсэн гэсэн үзүүлэлтээрээ олны хүндэтгэлийг хүлээсэн шилдэг тамирчнаар өргөмжлөгддөг билээ.
17.     “Chicago Black Hawks” багийн болоод хоккейн спортын түүхэн дэх гайхалтай тамирчин Виллиам Мозиенкогийн гаргасан дээд амжилтыг одоогоор эвдсэн хүн байхгүй байгаа бөгөөд тэрээр 21 секундын дотор дараалсан гурван “гоол” -ыг хийж чадсанаараа нэр хүндтэй тамирчдын нэгт зүй ёсоор тооцогддог юм.
18.    Дөрөв хөллөн 100 метрт хурдан гүйж дэлхийн рекорд тогтоосон тамирчин. Японы иргэн Кеничи Ито ямайкийн алдарт ойрын зайн гүйгч Усэйн Болттой адил амжилт гаргажээ. Ито бол хөнгөн атлетикийн зуун метрийн гүйлтэнд дэлхийн рекордыг тогтоосон юм. Болт зуун метрийг 9,58 секунд, харин япон залуу 17,47 секундэнд туулсан байна. Гэхдээ Ито дөрөв хөллөн гүйжээ.
19.    Долоовор хуруун дээрээ суниаж дэлхийн рекорд тогтоожээ. Хятадын иргэн Чи Гуйжон дасгал хийхдээ бусдаас илүү ажээ. Дэлхийг эргүүлэхэд Архимедэд тулах цэг хэрэгтэй байсан бол, харин Чид суниахад түүнд зөвхөн долоовор хуруу л хэрэгтэй гэжээ. Тэрээр 30 секундэнд 41 удаа суниаж Гиннессийн номонд оржээ.
20.    Нэг минутанд 347 цохидог эр. Зөвхөн нэг минутын дотор л Энтони Келли хэмээх австрали эр Владимир Кличкогийн хэдэн тулаанд хийсэн цохилтын нормыг гүйцэтгэсэн байна. Хэрвээ тоогоор илэрхийлэх юм бол, Тони дундажаар секундэд зургаан удаа цохидог гэсэн үг юм. Минутанд 347 удаа цохилт хийх нь түүнд харанхуй гудамжинд таагүй нөхдүүдтэй учраа олоход нь туслах бөгөөд дэлхийн рекорд тогтооход энэ нь хангалттай ажээ.
21.    Америкийн нэгэн залуу болох Кори Лоу үндэсний шигшээ багт тоглодоггүй ч энэ нь түүнд сагсан бөмбөгийн трюк хийхэд саад болдоггүй байна. Тэрээр 33,45 метрийн зайнаас цагираганд бөмбөг шидэн оруулснаар Гиннессийн номонд оржээ. Рекорд тогтоохын тулд үзэгчдийн суудал руу авирахад хүрчээ, учир нь стандарт талбай нь дөнгөж 28 метр ажээ.
22.    Турникнээс чигчий хуруугаараа суниадаг залуу. Хятад залуу чигчийн долоовор хуруун дээрээ суниадаг хүсүүсээс санаа аван суниасан байна, гэхдээ түүний рекордыг эвдэлгүй, харин хэлбэрийг нь өөрчилж суниасан байна. Тэрээр турникэн дээр хагас минутанд 16 удаа чигчий хуруугаараа суниасан байна.
23.    Уулын спорт бол хамгийн тэвчээр хатуужил шаардсан спортын төрөл юм. Тэр дундаа эмэгтэй хүн уг спортоор хичээллэнэ гэдэг гайхалтай зүйл юм. Тэгвэл Японы Жунко Табей 1975 онд Эверестийн оргилд авирч, тус оргилд гарсан хамгийн анхны эмэгтэй уулчин болжээ.
24.    Урд цаг боксыг гудамжны танхайчуудын спорт гэдэг байжээ. Тэрч бүү хэл нударган зодооны хамгийн сонирхолтой төрлүүдийн нэг болох боксыг 1901 онд хуулийн дагуу спортын төрөл болгож байжээ.