Английн алдарт хөлбөмбөгчин Дэвид Роберт Жозеф Бекхэмийг мэдэхгүй хүн бараг л байхгүй гэхэд хэлсдэхгүй. Түүний гайхалтай ур чадвар, хаалттай цохиолт, алсын дамжуулалт зэргийн харсан хэн ч шүтэхгүй байхын аргагүй. Алдарт хөлбөмбөгчин маань хөлбөмбөгийн ертөнц дэх гайхалтай 20 жилээ өнгөрсөн хавар дуусгавар болгосон юм. Мөн түүнийг спортын одууд дундаас хамгийн загварлаг нэгэн бөгөөд охид, бүсгүйчүүдийн зүрхийг өөртөө сорзон мэт татдаг гайхалтай залуу гэдэг. Ингээд Дэвид Роберт Жозеф Бекхэмийн 24 баримтыг хүргэж байна
1.    Английн алдарт хөлбөмбөгчин Дэвид Роберт Жозеф Бекхэм нь 1975 оны тавдугаар сарын 2 –ны өдөр мэндэлжээ.
2.    Английн Лондон хотын зүүн нутаг Лейтстоун дахь Виффс Крос Университи Госпитал эмнэлэгт мэндэлжээ. Гал тогооны тавилга угсрагч Дэвид Эдвард Алан “Тед” Бекхэм ба үсчин Сандра Жеоржина Вест нарын хүү юм.
3.    2004 оны дэлхийн хамгийн өндөр цалинтай хөлбөмбөгчин.
4.    Англичуудаас анхны УЕФА Аваргуудын Лигийн 100 тоглолтонд оролцсон эрхэм.
5.    Google -ээс спортын бүхий л сэдвийн хайлтаас 2003 ба 2004 онуудад түүний тухай хамгийн ихээр хайгдаж байж.
6.    Дэлхий нийт түүний нэрийг спортын амжилтаар нь төдийгүй дэлхийн шилдгийн шилдэг брэндүүдийн сурталчилгаагаар нь, загварын ертөнцийн бэлгэ тэмдэг гэдгээр нь мэдэх билээ.
7.    Бекхэм 2000 оны арваннэгдүгээр сарын 15 -наас Английн шигшээн ахлагчаар ДАШТ - 2006 тэмцээний хасагдах шатны тоглолт хүртэл байх хугацаандаа 58 тоглолтод оролцжээ.
8.    Английн шигшээн 2008 оны гуравдугаар сарын 26-нд Францын шигшээтэй хийсэн тоглолтонд Бекхэм 100 дахь гараагаа бүртгүүлж байлаа.
9.    Одоогоор шигшээ багийн 115 тоглолтонд оролцсон, үүгээрээ эдүүгээ тоглож байгаа Англичуудаас хамгийн олон тоглолтонд оролцсон тоглогч юм.
10.    Бекхэм мэргэжлийн гарааны гэрээгээ Манчестер Юнайтед клубтэй 1992 онд 17 насандаа байгуулснаар эхлүүлжээ. Энэ туршид Юнайтед Премиер Лигт зургаа, Цомын аваргад хоёр удаа, УЕФА-гийн Аваргуудын лигт 1999 онд тус тус түрүүлсэн.
11.    Манчестер Юнайтедаас Реал Мадридтай 2003 онд гэрээ үзэглэсэнээр шинэ багтаа дөрвөн улиралыг үдэж, Ла лигт гэрээний сүүлийн улиралд түрүүлж байв.
12.    Бекхэм 2007 оны нэгдүгээр сард Реал Мадрид клубээс гарч Лос-Анжелес Галакси клубтэй таван жилийн гэрээ байгуулсан. Энэхүү гэрээ 2007 оны зургаадугаар сарын 1-нээс хүчин төгөлдөр болж MLS-ийн түүхэнд хамгийн өндөр цалин авах болсон юм.
13.    Бекхэм Спайс Гёлз хамтлагийн гишүүн Викториа Адамстай гэрлэсэн. Тэд гурван хүү, нэг охинтой болжээ. Одоо Калифорнийн Беверли Хиллзэд амьдардаг.
14.    Тэрээр европын топ зэрэглэлийн багууд болох Манчестер Юнайтэд, Реал Мадрид, Милан мөн Лос Анжелес Галакси, ПСЖ зэрэг клубүүдэд тоглож байлаа.
15.    Алдарт хөлбөмбөгчин хятад ханзаар “Амьдрал, үхэл гэдэг хувь тавилангаар, зэрэг зиндаа, эд баялаг гэдэг тэнгэрийн төөргөөр зурагддаг” хэмээн шивүүлсэн. Тэрээр цээж, хөл, гарандаа нэлээд хэдэн шивээстэй бөгөөд хамгийн сүүлд охинтой болохдоо нэрийг нь Харпер хэмээн цээжиндээ шивүүлсэн байдаг.
16.    Английн шигшээ багийн экс ахлагч, Францын ПСЖ клубийн хагас хамгаалагч Дэвид Бекхэм 2013 оны тавдугаар сард 38 насандаа их спортоо орхижээ.
17.    Девид Бекхэм бусадтай харьцуулахад үнэхээр сайхан хувцасладаг. Донж, хаягийг нь тохируулж хувцаслахдаа тэр гарамгай.
18.    Англи залуу Америк амьдралын хэв маягийг ч өөртөө бий болгож чадсан нэгэн. Бас тэр Америкийн үндэсний сагсан бөмбөгийн холбооны үнэнч ‘’фанат’’. Ялангуяа Лэйкерсийн тоглолтыг алгасалгүй үздэг.
19.    Хөлбөмбөгийн супер од маань хүмүүнлэгийн үйлсэд идэвхтэй оролцдог сайхан сэтгэлтэй нэгэн. Ялангуяа хүүхдийн сайн сайхны төлөө гараа сунгахаас хэзээ ч хойш суудаггүй.
20.    Дэвид үнэхээр сайхан инээмсэглэдэг. Түүний секси инээмсэглэсэн зургууд үүнийг гэрчилнэ.
21.    Их Британийн Ерөнхий сайд Дэвид Камерон түүнийг зодог тайлахад “Тэр бол Английн төдийгүй дэлхий нийтийн шүтээн болсон тоглогч. Түүнд Их Британи, Умард Ирландын нэгдсэн вант улсын иргэд талархан мэхийх ёстой. Дэвид Бекхэмийн тоглолтын хэв маяг Английн шигшээд үгүйлэгдэн” гэж хэлж байжээ.
22.    Дэвид Бекхэмийн том хүү Бруклин “Арсенал” багтай гэрээ байгуулсан тухай Daily Star мэдээлсэн. 15 настай хүүгийн Лондоны багтай байгуулсан гэрээ нэг жилийн хугацаатай гэнэ.
23.    Д.Бекхэмийн хайртай гэргээ Виктория Бекхэм хуучин Спайс Гёлз хамтлагт дуулдаг байсан бөгөөд өдгөө загварын ертөнцийн томоохон загвар зохин бүтээгч болжээ.
24.    Дэлхийн хамгийн алдартай хос, үлгэр жишээ Бекхэмийн гэр бүл 2010 онд томоохон асуудалд орж байжээ. “In Touch Weekly” сэтгүүлд Дэвид Бекхэм эхнэрээ хуурсан тухай нийтэлсэн юм. Энд 2007 онд Д.Бекхэм, Ирма Ники гэх дуудлагын охинтой хэдэн шөнийг өнгөрүүлсэн байж болзошгүй тухай бичсэн. Харин Бекхэм “In Touch Weekly” сэтгүүлийг нэр хүндэд нь халдаж, гүтгэсэн хэмээн шүүхэд өгч байжээ.