Монгол Улсын түүхэнд ганцхан удаа Ерөнхийлөгч онц байдал зарласан байдаг. Энэ бол 2008 оны долдугаар сарын 1-нд үүссэн үймээний улмаас эмх замбараагүй байдал бий болж, үйл явдал холбогдох байгууллагын хяналтаас гарч эхлэх үед зарласан Ерөнхийлөгчийн зарлиг билээ. Ингээд өмнө нь хэвлэлээр гарч байгаагүй, уг зарлигийг бүрэн эхээр нь нийтэлж байна. Монгол Улсын түүхэнд “Хар мягмар гараг” хэмээн нэрлэгдсэн өдрийг монголчууд өнөө хэр мартаагүй. Цаашид ч мартах учиргүй. Тиймээс хэвлэлд анх удаа нийтлэгдэж байгаа тус зарлиг уншигчдад нэлээдгүй сонирхолтой байх биз ээ.
    Монгол Улсын түүхэнд ганцхан удаа Ерөнхийлөгч онц байдал зарласан байдаг. Энэ бол 2008 оны долдугаар сарын 1-нд үүссэн үймээний улмаас эмх замбараагүй байдал бий болж, үйл явдал холбогдох байгууллагын хяналтаас гарч эхлэх үед зарласан Ерөнхийлөгчийн зарлиг билээ. Ингээд өмнө нь хэвлэлээр гарч байгаагүй, уг зарлигийг бүрэн эхээр нь нийтэлж байна. Монгол Улсын түүхэнд “Хар мягмар гараг” хэмээн нэрлэгдсэн өдрийг монголчууд өнөө хэр мартаагүй. Цаашид ч мартах учиргүй. Тиймээс хэвлэлд анх удаа нийтлэгдэж байгаа тус зарлиг уншигчдад нэлээдгүй сонирхолтой байх биз ээ.
МОНГОЛ УЛСЫН ЕРӨНХИЙЛӨГЧИЙН ЗАРЛИГ

2008 оны 07 сарын 01 өдөр.         Дугаар 194.                       Төрийн ордон.Улаанбаатар хот.
    2008 оны долдугаар сарын 1-ний өдөр нийслэлийн Сүхбаатар дүүргийн нутаг дэвсгэрт бүлэг хүмүүс хүч хэрэглэсэн хууль бус үйл ажиллагааны улмаас нийтийн эмх замбараагүй байдал үүсч, хууль сахиулах байгууллагын ажилтнуудад халдан амь насанд нь заналхийлж, эд хөрөнгө устгах, галдан шатаах үйл ажиллагаа даамжирч, нийтийн эмх замбараагүй байдал бий болсон тул энэхүү онцгой нөхцөл, үр дагаврыг арилгах, хүн ам, нийгмийн амьдралыг хэвийн болгох зорилгоор Монгол Улсын Үндсэн хуулийн 33 дугаар зүйлийн 1 дэх хэсгийн 12-т заасан бүрэн эрхийнхээ дагуу, Онц байдлын тухай хуулийн 5 дугаар зүйлийн 3 болон 6 дахь хэсгийг баримтлан нийслэл Улаанбаатар хотын нутаг дэвсгэрт 2008 оны долдугаар сарын 01-ний өдрийн 24.00 цагаас эхлэн дөрөв хоногийн хугацаанд онц байдал зарласугай.

Онц байдлыг зарласан хугацаанд дараах арга хэмжээг авч хэрэгжүүлсүгэй.

1.Улсын онц чухал болон хүн амын амьжиргааны хангамжийн обьектуудыг хүч нэмэгдүүлэн хамгаадах.
2. Хууль тогтоомж зөрчиж зохион байгуулсан жагсаал, цуглаан, олон нийтийн бусад арга хэмжээг хуульд заасан арга, хүч хэрэгслээр шууд албадан тараах.
3.Улаанбаатар хотын төвийн хэсэгт тээврийн хэрэгслийн хөдөлгөөнийг хязгаарлах, тэдгээрт үзлэг хийх.
4. Нийтийн эмх замбараагүй байдал бий болгож, хүч хэрэглэсэн үйл ажиллагаа явуулсан буюу явуулж байгаа бүлэг хүмүүсийг албадан тараах, албадан саатуулах, тэдгээрийн зэвсэг, техник хэрэгслийг хураан авах.
5.Улаанбаатар хотын төвийн хэсэгт /Бага тойруу/ 22.00-08.00 цагийн хооронд хөл хорьж, зөрчсөн этгээдийг цагдаа буюу цэргийн эргүүл хөл хорих цаг дуустал, иргэний үнэмлэх, түүнтэй адилтах баримт бичиггүй бол хэн болохыг нь тогтоох хүртэл, гэхдээ 72 цагаас  илүүгүй хугацаагаар албадан саатуулах.
6. Дуу авиаг чангаруулах техник хэрэгслийн ашиглалтыг хориглох шаардлагатай бол түр хураан авах, Үндэсний олон нийтийн радио, телевизээс бусад телевизийн үйл ажиллагааг онцгой байдлыгцуцлах хүртэл зогсоох.
7. Согтууруулах ундааний зүйл худалдах, тараахыг хориглох.
8.Иргэдийн эзэмшилд байгаа гал болон хүйтэн зэвсэг, галт хэрэгсэл, аж ахуйн нэгж байгууллагын үйлдвэрлэлийн технилогид хэрэглэдэг тэсэрч дэлбэрэх, хүчтэй үйлчлэх химийн хорт болон цацраг идэвхт бодис, сургалтын зориулалттай байлдааны зэвсэг, техник хэрэгслэлийн ашиглалтад хяналт тогтоох.
9.Энэхүү зарлигийг хэрэгжүүлэхэд шаардагдах арга хэмжээг Онц байдлын  тухай хууль болон бусад хуулийн хүрээнд холбогдох байгууллагуудын хүч хэрэгслийг дайчлан удирдан зохион байгуулж, ажиллахыг Хууль зүй, дотоод хэргийн сайд /Ц.Мөнх-Оргил/-д үүрэг болгосугай.