Өнөөдөр АН-ын УИХ дахь бүлгийн гишүүд хуралдаж Хадгаламжийн даатгалын тухай хуульд өөрчлөлт оруулахаар ярилцлаа. 1995 онд анх батлагдсан энэ хуулийн дагуу эдийн засгийн хямралын үед банкуудын хадгаламжийн эрсдлийг төр хариуцсаар байсан юм.

   Өнөөдөр АН-ын УИХ дахь бүлгийн гишүүд хуралдаж Хадгаламжийн даатгалын тухай хуульд өөрчлөлт оруулахаар ярилцлаа. 1995 онд анх батлагдсан энэ хуулийн дагуу эдийн засгийн хямралын үед банкуудын хадгаламжийн эрсдлийг төр хариуцсаар байсан юм. Өнөөдрийг хүртэл нийт 340 гаруй тэрбум төгрөгийг иргэдийн нөхөн төлбөрт төлсөн тооцоо гарчээ. Тиймээс энэ жилээс банкууд дүрмийн сангийнхаа нэг хувийг, цаашид 10 хувийг хадгаламжийн эрсдлийн санд байршуулах хуулийн төслийг бэлтгэхээр болсон байна. Өмнө хэрэгжиж байсан Хадгаламжийн даатгалын тухай хуулийн хугацаа 2011 оны арваннэгдүгээр сард дууссан тул хуулийг сунгахын хажуугаар нэлээд олон өөрчлөлт оруулахаар ярьж байгаа гэж АН-ын бүлгийн дарга Ч.Сайханбилэг хэллээ. Мөн байгаль орчныг хамгаалах тухай 18 хуульд шинэчилсэн найруулга хийж, давхардсан заалтуудыг цэгцлэхээр ажлын хэсэг гаргасан байна.