Монголын уран бүтээлч М.Солонго гэдэг бүсгүйн зурсан зургуудыг блогч, нийтлэлчдийн “My Modern Metropolis” хэмээх сайтын хамт олон нийтэлж олны хүртээл болгожээ. Түвд болон монгол ардын зургийн аргаар өвөрмөц сэтгэлгээтэй зургийг зурсан нь анхаарал татаж байгаа юм. Өрнөдийн уран зургийн аргаар зурсан энэ бүсгүй Улаанбаатар хотод төрж, өсчээ. Тэрбээр өөрийнхөө тухай “Би жаахан байхдаа зурах их дуртай, тэрийгээ хөгжүүлэх боломж ч гарч байсан” гэжээ. Мөн өргөн уудам тал нутаг, өндөр уулс бас говь цөлтэй Монгол нутагт төрж өссөндөө би азтай хэмээн хэлсэн байна. М.Солонго АНУ-ын Жиоржиа мужийн Атланта хотод уран зураг, дизайны сургуулийн Саванна коллежид суралцаж байгаа.

  Шинэлэг сэтгэлгээ, уран бүтээл, урлагийн төрлийг дэмждэг гэдгээрээ хэрэглэгчиддээ танигдсан дэлхийн хэмжээний уг сайт М.Солонгын зургийг “Үнэхээр хосгүй төрлийг хөгжүүлж яваа” хэмээн тодотгожээ. Эдгээр зургийг зурахдаа усан будаг, өнгийн харандаа, графит, гуаш зэргийг түлхүү ашигласан байна.

   Түүний уран бүтээлээс хүргэж байна.