УИХ-ын чуулганаар АН-ын сайд нарыг чөлөөлөх
асуудлыг хэлэлцэж эхэллээ. Зургаан сайдыг ажлаас нь чөлөөлөх асуудал эхнээсээ
шүүмжлэл дагуулсан юм. Э.Бат-Үүл гишүүн “Гэрээгээр байгуулсан хамтарсан Засгийн газраас нэг нь гарсан бол гэрээ
бүхэлдээ хүчингүй болох ёстой. Үндсэн хуулийн дагуу бол зөвхөн зургаан сайд биш
Засгийн газар ерөнхий сайдтайгаа хамт огцорно. Тиймээс эсэргүүцэж байна” гэв. Харин С.Баярцогт гишүүн "Олонхийн суудал авсан нам эвслээс нэр дэвшсэн хүнийг ерөнхий сайдаар томилно гэсэн заалт байдаг. Ерөнхий сайд бүрэн эрхийнхээ хүрээнд Засгийн газартаа хэнийг ч урьж, хэнийг ч авч болно гэж заасан байгаа. Тэгэхээр хууль бус гэж үзэж болохгүй" хэмээн няцаалаа. Мөн МАН-ын бүлгийн дарга Ө.Энхтүвшин "Энэ бол аль хэдийн яриад шийдвэр нь гарчихсан асуудал. Улс орны амьдрал хүндэрч байна шүү. Юмны үнэ өсч, хүйтэрч байхад ийм яриа ярих нь дэндүү уйтгартай байна" гэлээ.
Харин УИХ-ын гишүүн Д.Тэрбишдагва АН-ын сайд нарыг ажлаа тааруу хийсэн гэж дүгнээд сайд нараас чухам ямар ажил хийж амжуулсныг нь асуусан юм. АН-ын ажлаа өгөх гэж буй сайд нар бүгд өөрсдийн ажлыг "сайн" гэж дүгнэн, тайлбарлаж байна.
Харин УИХ-ын гишүүн Д.Тэрбишдагва АН-ын сайд нарыг ажлаа тааруу хийсэн гэж дүгнээд сайд нараас чухам ямар ажил хийж амжуулсныг нь асуусан юм. АН-ын ажлаа өгөх гэж буй сайд нар бүгд өөрсдийн ажлыг "сайн" гэж дүгнэн, тайлбарлаж байна.
