Үнийн хөөрөгдлийг зогсоох, шатахууны үнийг буулгахад Засгийн газраас ямар нэгэн үйлдэл хийхгүй байгаад дургүйцсэн 2000 гаруй хүн Сүхбаатарын талбайд жагсаж байна. Тэд Засгийн газар МҮЭХ-ноос тавьсан шаардлагын хариуг өнөөдөртөө багтааж өгөхгүй бол Төрийн ордноос хэнийг ч гаргахгүй байхаар шийджээ. Жагсагчид Төрийн ордныг гурав тойрч гороолсны дараа ордны дөрвөн хаалгыг хааж зогсохоор болсон байна. Засгийн газраас ямар нэгэн хариу өгөхийг хүлээж, эсэргүүцлээ илэрхийлэхээр хөдөө орон нутгаас олон хүн ирсэн гэж манай эх сурвалж мэдээллээ. Мөн "Гал үндэстэн" холбоо, Амлалт нэхэх ард түмний хөдөлгөөнийхөн, “Өмнийн говь” компанийн ажилчид энэ цугларалтанд оролцож байна.