Энэ цаг үеийн хөлбөмбөгийн ертөнцийн хамгийн авьяаслаг тоглогчдын нэг бол Швед довтлогч Златан Ибрагимович юм. Тэрээр шигшээ багийнхаа хамтаар тив дэлхийн томоохон тэмцээнд түрүүлж үзээгүй ч гэсэн хувийн болон клубын төвшинд гайхалтай амжилтыг үзүүлээд байгаа юм. Ингээд Пари Сен Жермен клубын супер довтлогч Златан Ибрагимовичийн тухай 24 баримтыг хүргэж байна.

1.    Златан Ибрагимович нь 1981 оны аравдугаар сарын 3-нд мэндэлжээ. Өдгөө тэрээр 34 настай.
2.    Шведийн хөлбөмбөгчин бөгөөд Францын «Пари Сен-Жермен» болон Шведийн шигшээ багт довтлогчоор тоглодог.
3.    Ибрагимович хөлбөмбөгийн гараагаа 1990-ээд оны сүүлд Мальмё багаас эхэлжээ.
4.    Голландын Аякс багт 2002, 2004 оны лигийн аваргаар тодорч улмаар шигшээ багтаа дуудагдаж байв.
5.    Тэрээр Европийн хөлбөмбөгийн ертөнцөд хамгийн олон багт тоглосон довтлогч.
6.    Италийн Ювентус баг 16 сая еврогоор нуруулаг, хурдтай, ур чадвартай довтлогчийг эгнээндээ элсүүлж Франц довтлогч Давид Трезегетэй хоршуулан тоглуулж хоёр улирал дараалан лигийн түрүүг авчээ.
7.     Златан Ибрагимович Парист сардаа 30 мянган еврогоор байр түрээслэн амьдардаг
8.    Ибрагимович тоглосон лиг болгоныхоо Оны шилдэг тоглогчоор шалгарч 2007, 2009 оны УЕФА-гийн бэлгэдлийн багт нэрлэгдэж байсан.
9.    Тэрээр 2009 оны зун дахин багаа сольж Испанийн Барселона багт ирсэн. Гэвч Барселона дахь түүний ирээдүй бүрхэг байлаа.
10.    Барсад төдийлөн олон тоглолтод гараанд гарахгүй байсан Ибра Итали руу буцах шийдэр гаргасан. Энэ удаагийн түүний сонголт АС Милан байв.
11.    Милан 2011 онд Ибрагимовичийг Барселона багаас 24 сая еврогийн гэрээгээр элсүүлж мөн л лигийн түрүүг авч чадсан юм.
12.    Түүний өөрийн шийдвэрээр Пари Сен-Жермен баг 2012 оны долоодугаар сард гурван жилийн турш өөрийн эгнээндээ тоглуулах боломжтой болсон юм.
13.    Эгнээнд нь элсэж явсан баг болгон нь тухайн улирал бүрт нь түрүүлж байсан содон түүхийн эзэн бол "Ибракадабра” хочит Ибрагимович юм.
14.    Ибрагимович 2001 оноос хойшхи бүх ДАШТ болон ЕАШТ-д оролцож байсан хэдий ч баг нь амжилт тааруухан оролцдог байв.
15.    Тэр энэ цаг үеийн ур чадвар сайтай довтлон тоглогчдын нэг билээ.
16.    Түүний бөмбөг эзэмших техникийг харсан хэн ч алмайрдаг. Ибрагимовичийг магадгүй Кристиано Роналдогоос илүү техниктэй ч гэж ярилцдаг.
17.    Тэрээр талбай дээр гаргадаг ширүүн зан төрхөөрөө нэлээд алдартай нэгэн.
18.    Аваргуудын лигт тоглосон баг болгоныхоо нэрийн өмнөөс гоол оруулж чадсан.
19.    Ибрагимович хэдийгээр гайхалтай тоглогч ч гэсэн хөлбөмбөгчин бүрийн хүсэн мөрөөддөг Аваргуудын лигт нэг ч удаа түрүүлж үзээгүй.
20.    Европын тавцанд нэг улиралд хамгийн олон гоол оруулсан тамирчинд өгдөг “Алтан шаахай” шагналыг 2012 онд хүртэж байв.
21.    Түүнийг буруу цаг үедээ төрсөн гайхалтай тоглогч хэмээн фэнүүд нь ярилцдаг. Учир нь түүний хүртэж болох бүх шагналыг одоо цагийн лидерүүд болох Кристиано Роналдо болон Лионель Месси нар хувааж аваад байгаа.
22.    Тэрээр талбай дээр гайхалтай цохилт, хууралтаараа олныг бишрүүлдэг юм. Тийм ч учраас оны хамгийн гоёмсог гоол оруулсан тамирчинд өгдөг  Пушкашын нэрэмжит шагналын 2013 онд хүртсэн.
23.    Златан Ибрагимович яг одоогийн байдлаар нийт долоон өөр багийн өмсгөлтэй талбайд гарч үзээд байна. Магадгүй энэ тоо цаашдаа нэмэгдэх ч боломжтой.
24.    Ибрагимовичийн эхнэрийг Елена гэдэг. Хосууд хоёр хүүхэдтэй бөгөөд том хүү Макисмильян, бага хүү Винсентийн хамтаар амьдардаг.