Польш улсад болж байгаа буудлага спортын Гран-при тэмцээнээс МУГТ О.Гүндэгмаа спорт гар буу болон хийн гар бууны дасгалаас хошой мөнгөн медаль хүртлээ. Мөн залуу тамирчин Ө.Өлзийням хийн гар бууны дасгалд 383 оноогоор 4-р байранд шалгарсан юм. Энэ амжилтаараа тэрбээр “Олон улсын хэмжээний мастер”-н болзол биелүүллээ. Тус тэмцээнд Монгол улсын буудлагын шигшээ баг О.Гүндэгмаа, Т.Баярмаа, Ө.Өлзийням гэсэн тамирчдын бүрэлдэхүүнтэй оролцож байгаа юм. Польш улсад хамтарсан бэлтгэл хийж байгаа буудлагын тамирчид 3 сарын 29-нөөс Берлин хотол болох олон улсын тэмцээнд дахин оролцох юм байна.