“Улаанбаатар дулааны сүлжээ” төрийн өмчит хувьцаат компаниас албан байгууллага, аж ахуйн нэгжтэй байгуулах “Дулааны эрчим хүчээр хангах, хангагдах” гэрээний биелэлт 65.9 хувьтай байна. ААН-үүдтэй гэрээ байгуулах хугацаа 30-ний өдөр дуусч, халаалтыг 10 дугаар сарын 1-ний өдрөөс залгана.

Нийслэлийн Баянгол дүүргийн гуравдугаар хороонд Нарны хорооллын дөрөвдүгээр байранд есөн сартай хүүхдээ гэрт нь цоожилж, давхар цахилгаан зуухаа асаалттай мартсан дуудлага өчигдөр нийслэлийн Онцгой байдлын газарт иржээ.

Дөрвөн иргэнд орон сууцны оронд мөнгөн олговор олгохоор боллоо

Ким Кардашьяны хэт задгай хувцаслалт

Монгол Улсын Их Хурлын дарга Миеэгомбын Энхболд өнөөдөр /2016.09.20/ “Хоккайдо-Монголын эдийн засгийн харилцааг дэмжих нийгэмлэг”-ийн тэргүүн Ц.Такэбэ тэргүүтэй төлөөлөгчдийг хүлээн авч уулзав.
“Хоккайдо-Монголын эдийн засгийн харилцааг дэмжих нийгэмлэг”-ийн тэргүүн Ц.Такэбэ уулзалтын эхэнд Улсын Их Хурлын даргыг цаг гарган хүлээн авч уулзсанд талархал илэрхийллээ. Монгол Улсын Их Хурлын ээлжит сонгуулиар Монгол Ардын нам үнэмлэхүй ялалт байгуулсан явдалд тэрбээр баяр хүргээд шинээр байгуулагдсан Улсын Их Хурал Япон Улс, Монгол Улсын харилцаа, хамтын ажиллагааг бэхжүүлэн, өргөжүүлэх чиглэлээр ажиллана гэдэгт итгэлтэй байгаагаа тэмдэглэн хэлсэн юм.
Улсын Их Хурлын дарга М.Энхболд Хоккайдо дахь Монгол Улсын Өргөмжит Консул, “Хоккайдо-Монголын эдийн засгийн харилцааг дэмжих нийгэмлэг”-ийн тэргүүн ноён Ц.Такэбэ-тэй дахин уулзаж байгаадаа баяртай байгаагаа илэрхийлэв. Ноён Ц.Такэбэ Монгол, Япон хоёр улсын харилцааг хөгжүүлэх үйл хэрэгт олон жилийн турш үнэтэй хувь нэмрээ оруулсаар ирсэн явдалд Улсын Их Хурлын нэрийн өмнөөс болон хувиасаа чин сэтгэлийн талархал илэрхийлсэн юм. Япон Улсын Хоккайдо муж нь уур амьсгалын хувьд манай улстай төстэй бөгөөд энэ удаагийн “Хоккайдо-Монголын эдийн засгийн харилцааг дэмжих нийгэмлэг”-ийнхний Монгол Улсад ажиллаж байгаа айлчлалын үр дүнд хоёр орны эдийн засаг, бизнесийн харилцаа идэвхжин, хөрөнгө оруулалт нэмэгдүүлэх, мөн хоёр талын бизнес эрхлэгчид харилцан ашигтай хамтрах өргөн боломж нээгдэнэ хэмээн найдаж буйгаа Улсын Их Хурлын дарга хэллээ.

Мөн тэрбээр Монгол Улсын эдийн засагт үүссэн хүндрэлийг богино хугацаанд даван туулах томоохон сорилт тулгарч байгааг дурдаж, Монгол Улсын Ерөнхий сайд Ж.Эрдэнэбат энэ чиглэлд шуурхай ажиллаж байгаа бөгөөд ирэх 10 дугаар сард гадаадад хийх анхны айлчлалаа Япон Улсаас эхлүүлэхээр бэлтгэл ажилдаа ороод байгааг дурдсан юм.
Үргэлжлүүлэн талууд хоёр орны эдийн засаг, бизнесийн салбарын харилцаа, парламент хоорондын болон парламент дахь найрамдлын бүлгүүдийн хамтын ажиллагааны ач холбогдлын талаар харилцан ярилцаж, санал солилцлоо.

Уулзалтад Япон Улсаас Монгол Улсад суугаа Онц бөгөөд Бүрэн эрхт Элчин сайд Такэнори Шимизү болон албаны бусад хүмүүс байлцав хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

Д.ЭРДЭНЭБАТ ӨНӨӨДӨР МЭДЭЭЛЭЛ ХИЙНЭ

НМХГ-аас өнөөдөр лабораторийн шинжилгээгээр шаардлага хангахгүй нь тогтоогдсон импортын бараа, бүтээгдэхүүнийг танилцуулав. Үүнд:

Монголбанк өнөөдөр валютын дуудлага худалдаа зохион байгууллаа.

Улсын Их Хурлын гишүүн, Засгийн газрын гишүүн, Батлан хамгаалахын сайд Б.Бат-Эрдэнэ, БХЯ-ны стратеги бодлого төлөвлөлтийн газрын дарга бригадын генерал Г.Сайханбаяр, Зэвсэгт Хүчний Жанжин штабын дэд дарга, хошууч генерал Р.Сүхбат болон БХЯ, ЗХЖШ-ын удирдлагууд өнөөдөр Налайх, Төв аймаг дахь Зэвсэгт хүчний анги салбаруудын үйл ажиллагаатай танилцлаа. Анги салбаруудад ажиллах үеэр Ангийн захирагч нар ангийнхаа зохион байгуулалт, хийж хэрэгжүүлсэн ажлаа тоймлон танилцуулж, цаашид салбарын удирдлагын зүгээс авч хэрэгжүүлэх ямар ажил байгааг илэрхийлж байв.

нийслэлийн харьяа төрийн байгууллагад ажиллаж буй, орон сууц авахад урьдчилгаа төлбөрөө бүрдүүлэх боломжгүй албан хаагчдад урьдчилгаа төлбөрийн 50 хүртэлх хувийн дэмжлэг үзүүлэхээр тусгасан байна.

Засгийн газар өчигдөр 15 тэрбум төгрөгийн үнэ бүхий хоёр төрлийн бонд худалдаанд гаргасан.

Монгол Улсын Их Хурлын Тамгын газрын Ерөнхий нарийн бичгийн дарга Ц.Цолмон өнөөдөр /2016.09.20/ Бүгд Найрамдах Энэтхэг Улсаас Монгол Улсад суугаа Онц бөгөөд бүрэн Эрхт Элчин сайд Суреш Бабу тэргүүтэй төлөөлөгчидтэй уулзлаа.

Уулзалтын эхэнд УИХ-ын Тамгын газрын Ерөнхий нарийн бичгийн дарга Ц.Цолмон Элчин сайд Суреш Бабутай уулзаж танилцсандаа баяртай байгаагаа илэрхийлээд түүхэн болон соёлын хэлхээ холбоо, ардчиллын нийтлэг уламжлал, бүс нутаг болон олон улсын энх тайван, тогтвортой байдлыг сахин хамгаалах хоёр талын хамтын хүсэл эрмэлзлэлд суурилсан Монгол, Энэтхэгийн харилцаа, хамтын ажиллагаа “Стратегийн түншлэл”-ийн зарчмаар тууштай өргөжин хөгжиж байгааг тэмдэглэв.

Мөн тэрбээр, өнгөрөгч 4 дүгээр сард БНЭУ-ын Лок Сабхагийн дарга хатагтай Сумитра Махажан Монгол Улсад албан ёсны айлчлал хийсэн нь хоёр улсын парламент хоорондын харилцааны хөгжилд чухал ач холбогдол үзүүлсний зэрэгцээ АСЕМ-ийн Дээд түвшний уулзалтад БНЭУ өндөр ач холбогдол өгч оролцсонд талархал илэрхийлэв. Түүнчлэн УИХ дахь Монгол -Энэтхэгийн парламентын бүлэг байгуулагдаж, даргаар нь УИХ-ын гишүүн Б.Ундармаа сонгогдсоныг дуулгав.

Эрхэмсэг ноён Элчин сайд Суреш Бабу УИХ-ын Тамгын газрын Ерөнхий нарийн бичгийн дарга Ц.Цолмонд цаг гарган уулзаж буйд нь талархал илэрхийлээд хоёр орны харилцаа улам өргөн хөгжиж байгааг онцлохын зэрэгцээ УИХ-ын ээлжит сонгуулийн үр дүнд байгуулагдсан шинэ парламент, Засгийн газартай нягт хамтран ажиллахаа тэмдэглэв.

Тэрбээр, Хоёр орны парламент хоорондын харилцааг хөгжүүлэх чиглэлд хамтран ажиллах, парламентуудын найрамдлын бүлгийн гишүүдийг уулзуулж, танилцуулах ажлыг зохион байгуулах нь зүйтэй хэмээн үзэж буйгаа сонордуулав. Мөн хатагтай Сумитра Махажаны айлчлалын үеэр хоёр улсын хууль тогтоох байгууллагууд, эдгээрийн Тамгын газрууд хоорондын Хамтын ажиллагааны санамж бичгийг шинэчлэн байгуулсан нь талуудын цаашид хамтран ажиллах эрх зүйн үндсийг бататгасан чухал барим болсныг тэмдэглээд уг санамж бичигт тусгагсан ажлуудыг хэрэгжүүлэх тал дээр анхаарч ажиллахаа илэрхийлсэн юм.

Түүнчлэн БНЭУ-ын Соёлын харилцааны зөвлөл, Монгол Улсын Гадаад харилцааны яам, Монгол Улсын Их Сургуультай хамтран энэ сарын 27-29-ний өдрүүдэд Улаанбаатар хотноо “Чингис хаан, түүний өв уламжлал ба Энэтхэгийн соёл” сэдэвт Олон Улсын эрдэм шинжилгээний бага хурлыг зохион байгуулахаар ажиллаж байгаа бөгөөд энэхүү арга хэмжээнд УИХ дахь Монгол-Энэтхэгийн парламентын гишүүдийг оролцохыг урив.

Үргэлжлүүлэн талууд парламентын Тамгын гакрууд хоорондын хамтын ажиллагааны хүрээнд хийгдэх ажлууд болон Энэтхэгийн Лок Сабхагийн Тамгын газраас зохион байгуулах сургалтуудын талаар ярилцаж, санал солилцлоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Доллар 2,246 2,249

Евро 2,500 2,515

Фунт 2,900 2,990

Юань 338.00 339.00

Вон 1.96 1.98

Рубль 34.70 35.20

Иень 21.95 22.15

Гонконг доллар 280 295

Австрал доллар 1650 1700

Сингапур доллар 1625 1670

Хойд Солонгос улс сансарт хиймэл дагуул хөөргөхөөр болсон талаар тус улсын төрийн мэдлийн “KCNA” агентлаг мэдээллээ. Удирдагч Ким Чен Ун өчигдөр эрдэмтдийг хүлээн авч уулзах үеэрээ “Бид тун удахгүй хиймэл дагуул хөөргөх болно. Аль болох хурдан хиймэл дагуул хөөргөх хэрэгтэй. Тиймээ амжилттай болно гэдэгт итгэлтэй байна” гэж мэдэгдсэн байна.

Пхеньян хэзээ хиймэл дагуул хөөргөх нь тодорхойгүй байгаа юм. Өмнөд Солонгос “Пхеньян хиймэл дагуул хөөргөх нэрээр пуужингийн туршилт хийхийг санаархаж байна” гэж мэдэгджээ.

Нью Йорк хотноо болж буй НҮБ-ын Ерөнхий ассамблейн үеэр БНХАУ, Өмнөд Солонгос болон АНУ-ын удирдлагууд Хойд Солонгосын цөмийн хөтөлбөрийг хэрхэн царцаах асуудлаар хэлэлцжээ.

Энэ оны 9 дүгээр сарын 17,18-ны өдрүүдэд АНУ-ын Нью-Йорк хотын Манхэттэн дүүрэг, Нью-Жерси хотын Сийсайд цэцэрлэгт хүрээлэн болон Элизабет хотод тус тус болсон дэлбэрэлтүүд хоорондоо уялдаа холбоотой талаар АНУ-ын эрх бүхий байгууллагууд мэдээлэв. Нью-Йорк хотод болсон дэлбэрэлтэд 29 иргэн өртөж, эмнэлгийн анхан шатны тусламж авчээ. Харин Нью-Жерси хотод болсон хоёр дэлбэрэлтэнд ямар нэгэн иргэн өртөөгүй байна.

Дээрх гурван тохиолдлоос гадна дэлбэрэлт хийх зориулалт бүхий хэд хэдэн төхөөрөмжийг АНУ-ын холбогдох байгууллага илрүүлж, аюулгүй болгожээ.

Вашингтон дахь манай улсын ЭСЯ-ны мэдээлснээр дээрх цуврал дэлбэрэлтэд монгол иргэн өртөөгүй байна.

Улаанбаатар болон Хөшигийн хөндий хүртэл БНХАУ-ын Засгийн газраас олгосон хөнгөлөлттэй зээлийн хүрээнд Монголын анхны хурдны авто замыг барьж байна.

Тус авто замын трассын урт 30.4 км бөгөөд 2 урсгал, 6 эгнээтэй байх юм. Бүтээн байгуулалтын ажлыг 34 сарын хугацаанд “Чайна Тиэсижу Инженеринг Сивил групп” ХХК гүйцэтгэж, 2018 оны 7 дугаар сард ашиглалтад хүлээлгэн өгөхөөр төлөвлөж буй аж.

Харин газар чөлөөлөлт удааширсанаас зарим ажил саатаж буйг албаныхан онцолж байна. Улаанбаатар-Хөшигийн хөндийн чиглэлийн хурдны авто замын төсөлд Монголын 12 авто инженер ажиллаж байгаагаас гадна гүйцэтгэлийн ажилд Монголын талаас 100 гаруй ажилтан хамрагджээ.

Энэ сарын 21, 23-нд баруун аймгуудын хойд хэсгээр, төвийн аймгуудын зарим газраар, 22-нд баруун аймгуудын нутаг, зүүн аймгуудын нутгийн зарим газраар, 24-нд нутгийн баруун хагаст бороо, хугацааны эцсээр хур тунадас, Хангай, Хөвсгөлийн уулсаар нойтон цас орно.

Салхи 22-нд Алтайн уулсаар, 23,24-нд ихэнх нутгаар секундэд 14-16 метр хүрч ширүүснэ. Хангай, Хөвсгөл, Хэнтэйн уулархаг нутгаар шөнөдөө 0-5 градус, өдөртөө 11-16 градус, Их нууруудын хотгор болон говийн бүс нутгийн өмнөд хэсгээр шөнөдөө 10-15 градус, өдөртөө 23-28 градус, бусад нутгаар шөнөдөө 4-9 градус, өдөртөө 16-21 градус дулаан байна. Энэ сарын 23-нд нутгийн хойд хэсгээр, 24-нд нутгийн баруун хагаст хүйтэрнэ хэмээн Ус цаг уур, орчны хүрээлэнгээс манайд мэдээллээ.

Цахим гэмт хэрэгтэй тэмцэх алба хуурамч хаяг ашиглан, бусдыг залилан мэхэлж байсан бүлгийг илрүүлжээ.

“Торгоны зам”-ын тэргүүн туршлагаас танилцуулна

Замын цагдаагийн газрын ЖШУХ дээр энэ сарын 19-ний өдөр нийт 382 дуудлага, мэдээ мэдээлэл хүлээн авснаас, зам тээврийн ослын 301 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 16 бүртгэгдэж, 23 хүн хүнд, хөнгөн гэмтсэн. Зам тээврийн осолд сургуулийн өмнөх насны 3 хүүхэд, сургуулийн насны 2 хүүхэд өртсөн байна.