БАРИМТ 1
2005 оны тавдугаар сарын 20-нд мэндэлсэн. Өнөөдөр 21 нас хүрч байна.
БАРИМТ 2
Улаанбаатар хотын унаган хүү.
БАРИМТ 3
Түүнийг Мөнхболдын Содбаяр гэдэг.
БАРИМТ 4
Айлын том, доороо 1 дүүтэй.
БАРИМТ 5
Тэрбээр багаасаа л компьютер, техниктэй ойрхон байж, цахим спортод шимтжээ. Энэ байдлыг нь ч гэр бүлийнхэн нь дэмждэг, ойлгодог байсан учир өнөөдрийн өндөрлөгт хүрсэн.
БАРИМТ 6
"Techno" гэдэг нэрний тухайд Technoblade гэх алдартай, одоо байхгүй болсон Youtuber-ийг үздэг байснаас нь болжээ. 4K гэдэг нь түүний анхны дуртай тоглогч болох Stewie2K-ээс санаа авч,4-ийн тоогоор бичихэд гоё харагдаж байсан болохоор ийм нэртэй болжээ.
БАРИМТ 7
Түүний хамгийн дуртай skin нь AWP-ASIIMOV ажээ. Энэ нь AWP буун дээр төгс зохицдог гэж тэр боддог.
БАРИМТ 8
Анх CSGO 2018 онд худалдаж авч тоглож байсан. Тухайн үед гадаад тоглогч нарын Highlight, Vlog, тэмцээн гэх зүйлс нь тоглох хүсэл, урам зориг маш их өгдөг байжээ.
БАРИМТ 9
Түүний хамгийн анхны мэргэжлийн том баг бол CHECKMATE. 2020 онд багтаа орсон.
БАРИМТ 10
2022 онд IHC багт нэгдэж, улмаар 2023 оноос өнөөг хүртэл TheMongolZ багтаа хүчин зүтгэж байна.
БАРИМТ 11
Тэр өдөрт тогтмол 8-10 цагийн бэлтгэл хийдэг. Бэлтгэлийн байр гэвэл хотод байрлалтай, хангамжын хувьд сайн байдаг.
БАРИМТ 12
Түүний хамгийн их урам зориг авсан үе гэвэл 2022 оны PGL RMR тэмцээнд тоглож, хамгийн том тэмцээн болох MAJOR тэмцээнд шалгарсан нь байжээ.
БАРИМТ 13
Тэрбээр найз охингүй. Нэгэн удаа тэр "Эмэгтэй хүнд хамгийн чухал зүйл бол ухаалаг бас үнэнч байх ёстой гэж боддог" хэмээж байжээ.
БАРИМТ 14
Тэр чөлөөт цагаараа юм судалж, шинэ мэдээлэл авах дуртай.
БАРИМТ 15
Дуртай хамтлаг нь LE SSERAFIM, NewJeans. Дуртай дуучин гэвэл Juice WRLD, Rokit Bay нар ажээ.
БАРИМТ 16
Багтайгаа "YaLLa Compass 2024", "Esports World Cup 2025" тэмцээнүүдэд аваргалсан.
БАРИМТ 17
Түүний зах зээлийн үнэ 533,752 ам.доллар байна.
БАРИМТ 18
Түүний инста хаяг нь techno4cs юм. 109 мянган дагагчтай.
БАРИМТ 19
Тэрбээр "Esports World Cup 2025" тэмцээний хамгийн үнэ цэнтэй тоглогч болж байсан.
БАРИМТ 20
М.Содбаяр нь мэргэжлийн багт 2075 өдөр тасралтгүй тоглож байна.
