Улсын арслан Х.Мөнхбаатар зодог тайлна гэв
Түгээх
2016-02-19 08:51:03 - Спорт

munhbaatar

Монгол Улсын арслан Х.Мөнхбаатар Монгол бөхийн дэвжээнээс албан ёсоор зодог тайлахаар болжээ. Тэрээр наадмаас хойш заал, танхимын барилдаан болон Бичин жилийн цагаан сарын барилдаанд зодоглоогүй юм. Харин “Бичин жилийн анхны уралдаанд буурал морь минь түрүүлж азтай байлаа. Олон жилийн гомдол харуусал бага ч гэсэн арилах шиг” хэмээн цахим хуудаснаа бичсэн байсан юм.

Өнөөдөр болох зарим үйл явдал

02 дугаар сарын 19-ний Баасан гарагт 09.00 цагаас:

Улсын Их Хурлын ээлжит бус чуулганы нээлт;

Үндсэн хуулийн цэцийн гишүүнийг эгүүлэн татах талаарх Улсын дээд шүүхийн санал /үргэлжилнэ/.

НЭГ.БАЙНГЫН ХОРООНЫ ХУРАЛДААН:

02 дугаар сарын 19-ний Баасан гарагт:

1.Хууль зүйн байнгын хорооны хуралдаан 14.00 цагаас “Их Эзэн Чингис хаан танхим”-д:

Хэлэлцэх асуудал:

Эрүүгийн хэрэг шалган шийдвэрлэх тухай /шинэчилсэн найруулга/ болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/;

Хууль сахиулах тухай болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/;

Шүүхийн шийдвэр гүйцэтгэх тухай /шинэчилсэн найруулга/ болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/;

Үндсэн хуулийн цэцэд маргаан хянан шийдвэрлэх ажиллагааны тухай хуульд өөрчлөлт оруулах тухай хуулийн төсөл /Улсын Их Хурлын гишүүн Ш.Түвдэндорж 2016.02.08-ны өдөр өргөн мэдүүлсэн, хэлэлцэх эсэх/;

Эрүүгийн хуульд нэмэлт оруулах тухай хуулийн төсөл /Улсын Их Хурлын гишүүн Ш.Түвдэндорж 2016.02.08-ны өдөр өргөн мэдүүлсэн, хэлэлцэх эсэх/;

Монгол Улсын иргэний харьяаллын тухай /шинэчилсэн найруулга/ болон холбогдох бусад хуулийн төслүүд /Монгол Улсын Ерөнхийлөгч 2016.02.08-ны өдөр өргөн мэдүүлсэн, хэлэлцэх эсэх/.

2.Төсвийн байнгын хорооны хуралдаан 14.00 цагаас “Жанжин Д.Сүхбаатар танхим”-д:

Хэлэлцэх асуудал:

Татварын ерөнхий хууль /шинэчилсэн найруулга/-ийн төсөл /Засгийн газар 2016.02.05-ны өдөр өргөн мэдүүлсэн, хэлэлцэх эсэх/;

Аж ахуйн нэгжийн орлогын албан татварын тухай /шинэчилсэн найруулга/ хуулийн төсөл /Засгийн газар 2016.02.05-ны өдөр өргөн мэдүүлсэн, хэлэлцэх эсэх/;

Хувь хүний орлогын албан татварын тухай /шинэчилсэн найруулга/ хуулийн төсөл /Засгийн газар 2016.02.05-ны өдөр өргөн мэдүүлсэн, хэлэлцэх эсэх/;

Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай /Засгийн газар 2016.02.05-ны өдөр өргөн мэдүүлсэн, цахилгаан эрчим хүчийг татвараас чөлөөлөх тухай, хэлэлцэх эсэх/.

3.Аюулгүй байдал, гадаад бодлогын байнгын хорооны хуралдаан 14.00 цагаас “В” танхимд:

Хэлэлцэх асуудал:

“Санхүүгийн хамтын ажиллагааны Ерөнхий хөтөлбөрийн тухай” Монгол Улсын засгийн газар, Унгар Улсын засгийн газар хоорондын хэлэлцээрийг соёрхон батлах тухай хуулийн төсөл /Засгийн газар 2016.02.08-ны өдөр өргөн мэдүүлсэн, соёрхон батлах/;

Монгол Улсын Засгийн газар Азийн хөгжлийн банк хооронд байгуулах “Зээлийн батлан даалтын системийг дэмжих замаар эдийн засгийг төрөлжүүлэх ажлын байр бий болгох” төсөл, “Ургамал, малын эрүүл ахуй, хүнсний аюулгүй байдлыг хангах арга хэрэгслийг шинэчлэн сайжруулах” /Засгийн газар 2016.02.12-ны өдөр өргөн мэдүүлсэн, соёрхон батлах/;

Монгол Улс байнга төвийг сахих тухай /Монгол Улсын Ерөнхийлөгч 2015.10.20-ны өдөр өргөн мэдүүлсэн, хэлэлцэх эсэх үргэлжилнэ/.

Ховд аймгийн прокурорын газар Гэмт хэргээс урьдчилан сэргийлэх ажлын хүрээнд орон нутгийн хэмжээнд гэмт хэргийн шинжтэй гомдол мэдээлэл, эрүүгийн хэргийг хэрхэн шалгаж байгаа талаар иргэдийн санал хүсэлтийг сонсож, газар дээр нь шийдвэрлэх, Прокурорын байгууллагын чиг үүрэг, үйл ажиллагааг олон нийтэд сурталчлан, таниулах зэрэг олон талт ажлыг хийж гүйцэтгэхээр төлөвлөн, ажиллаж байна.

Дээрх ажлын хүрээнд тус аймгийн прокурорын газрын прокурорууд 2016 оны 01 дүгээр сарын 26-ны өдрөөс 2016 оны 1 дүгээр сарын 29-ний өдрүүдэд Ховд аймгийн Жаргалант сумын нутаг дэвсгэрт үйл ажиллагаа явуулж буй төрийн байгууллагуудын албан хаагчидтай уулзалт зохион байгуулж, яриа таниулга хийжээ. Тус арга хэмжээнд аймгийн Онцгой байдлын газар, “Ховд-Азза” Төрийн өмчит компани, Дулаан дамжуулах 2 дугаар станц, Иргэний нисэхийн Ерөнхий газрын харьяа Ховд олон улсын нисэх буудал, Татварын хэлтэс, Хөгжил политехник коллеж, Эрчим хүчний газар, “Бадамлах дөл” ХХК, “Шим-Ус” орон нутгийн өмчит улсын үйлдвэрийн газар, Аймгийн Нийгмийн халамж үйлчилгээний хэлтсийн 293 ажилтан, албан хаагчид хамрагдсан байна.

Уулзалтын арга хэмжээний үеэр аймгийн прокурорын газраас Прокурорын байгууллагын чиг үүрэг, прокурорын хяналтын ажлын онцлог, аймгийн прокурорын газрын талаар танилцуулгыг хийж, Улсын хэмжээнд 2015 онд бүртгэгдсэн гэмт хэргийн шинжтэй гомдол мэдээлэл, тэдгээрийн шийдвэрлэлт, өмнөх онтой харьцуулсан дүн, Ховд аймгийн хэмжээнд 2015 онд үйлдэгдсэн гэмт хэрэг, эрүүгийн нөхцөл байдал, тус аймгийн төрийн байгууллагын ажилтан, албан хаагчдаас үйлдсэн гэмт хэрэг, захиргааны зөрчил, түүний шалтгаан нөхцөлийн талаар мэдээлсэн байна.

Түүнчлэн ” Прокурорын газрын танилцуулга”, “Тамхины хяналтын тухай хууль”, “Хүүхдийн эрхийн тухай”, “Согтууруулах ундааны зүйлийн хор хөнөөл”, “Гэмт хэргийн тухай ойлголт, урьдчилан сэргийлэх арга” гэсэн нэртэй 5 төрлийн 600 ширхэг санамж, зөвлөмж /брошюр/-ыг тараажээ.

Мөн тус аймгийн прокурорын газраас 2016 оны 2 дугаар сарын 3-ны өдөр Ховд аймгийн хэмжээнд хорих ял эдлэхээс хугацааны өмнө тэнсэн суллагдсан, шүүхээс хорих ял нь тэнсэгдсэн ялтнуудад дахин гэмт хэрэг, зөрчил үйлдэхээс урьдчилан сэргийлэх, тэднийг нийгэмшүүлэх, захиргааны хяналтыг сайжруулах, батлан даагчийн үүрэг хариуцлагыг өндөржүүлэх зорилгоор сургалт зохион байгуулжээ.

Сургалтын үеэр аймгийн Прокурорын газрын Ял эдлүүлэх ажиллагаанд хяналт тавих туслах прокурор, хууль цаазын ахлах зөвлөх Г.Баяраа “Гэмт хэргийн хор уршиг, түүнээс урьдчилан сэргийлэх арга”, Аймгийн Цагдаагийн газрын Олон нийттэй харилцах ажил хариуцсан ахлах байцаагч, цагдаагийн хошууч М.Оюунсүрэн “Хяналтанд байгаа ялтан, тэдний батлан даагчдын эрх, үүрэг, анхаарах асуудал” сэдвээр яриа таниулга хийж , оролцогчдын санал, хүсэлтийг сонсож, санамж, зөвлөмж тараасан байна.

Н.Энхбаярыг Шадар сайд болгох асуудал яригдаж эхлэх үед МАХН-ын Ерөнхий нарийн бичгийн даргыг түр орлон гүйцэтгэгч Ц.Шаравдорж мэдээлэл хийж, намын даргаа “Өршөөлийн хуульд хамрагдаж, ялгүй болсон” хэмээж байсан. Тэгвэл Ерөнхийлөгчийн хүний эрх хуулийн бодлогын зөвлөх Ч.Өнөрбаяр “Н.Энхбаярын ялтайд тооцох хугацаа дуусаагүй” болохыг тайлбарлажээ. Ингээд тэдний байр суурийг “24 VS 24” буландаа онцолж байна.

Тухайн өдөр хонь, бич, тахиа, могой, морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр усан балин гаргах, газар лус тахих, эм найруулах, тарни тоолох, хатуу үйл, согтууг номхотгох, хулгай, дээрмийг дарах, дайсныг номхотгох үйл, эд хураах, номын өглөг хийгээд угаал үйлдэх, эд гаднаас авах тэргүүтэнд сайн. Газар ухах, мод огтлох, цөөрөм, худаг малтах, модон тээрэм босгох, хурал цуглаан хийхэд муу. Замд гарвал тус хэрэг нь шим үгүй болой. Зүүн нүд татвал хувцас олдоно, баруун бол элчтэй учирна. Өдрийн сайн цаг нь бар, туулай, могой, бич, нохой, гахай болой. Үс шинээр үргээлгэх буюу засуулбал өвчин эмгэг ирнэ.

2016 оны 02 дугаар сарын 18-ны 20 цагаас 02 дугаар сарын 19-ний 20 цаг

хүртэлх цаг агаарын урьдчилсан мэдээ:

БАРУУН АЙМГУУДЫН НУТГААР: Үүлшинэ. Шөнөдөө нутгийн зүүн хэсгээр бага зэргийн цас орж, зөөлөн цасан шуурга шуурна. Өдөртөө цас орохгүй. Салхи баруун хойноос секундэд 5-10 метр, нутгийн өмнөд хэсгээр секундэд 12-14 метр хүрч ширүүснэ. Завхан голын эхээр шөнөдөө 48-53 градус, өдөртөө 30-35 градус, Их нууруудын хотгор, Идэр, Тэс голын хөндий, Хүрэн бэлчир орчмоор шөнөдөө 37-42 градус, өдөртөө 23-28 градус, Алтайн өвөр говиор шөнөдөө 14-19 градус, өдөртөө 1-6 градус, бусад нутгаар шөнөдөө 22-27 градус, өдөртөө 9-14 градус хүйтэн байна.

ТӨВИЙН АЙМГУУДЫН НУТГААР: Үүлшинэ. Шөнөдөө ихэнх нутгаар бага зэргийн цас орж, зөөлөн цасан шуурга шуурна. Өдөртөө цас орохгүй. Салхи баруун хойноос секундэд 5-10 метр, зарим газраар секундэд 12-14 метр хүрч ширүүснэ. Дархадын хотгороор шөнөдөө 34-39 градус, өдөртөө 22-27 градус, Хэнтэйн уулархаг нутаг, Хараа, Ерөө, Туул, Тэрэлж голын хөндийгөөр шөнөдөө 25-30 градус, өдөртөө 14-19 градус, бусад нутгаар шөнөдөө 20-25 градус, өдөртөө 10-15 градус хүйтэн байна.

ЗҮҮН АЙМГУУДЫН НУТГААР: Үүлшинэ. Зарим газраар бага зэргийн цас орж, зөөлөн цасан шуурга шуурна. Салхи баруун хойноос секундэд 5-10 метр, зарим газраар секундэд 12-14 метр хүрч ширүүснэ. Шөнөдөө Хэрлэн голын эхээр 22-27 градус, бусад нутгаар 18-23 градус, өдөртөө бүх нутгаар 10-15 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун хойноос секундэд 7-12 метр. Шөнөдөө 24-26 градус, өдөртөө 10-12 градус хүйтэн байна.

ГОВИЙН АЙМГУУДЫН НУТГААР: Үүлшинэ. Шөнөдөө зарим газраар, өдөртөө нутгийн зүүн хэсгээр бага зэргийн цас орж, зөөлөн цасан шуурга шуурна. Салхи баруун хойноос секундэд 5-10 метр, зарим газраар секундэд 12-14 метр хүрч ширүүснэ. Өмнөговийн нутгаар шөнөдөө 13-18 градус, өдөртөө 4-9 градус, бусад нутгаар шөнөдөө 17-22 градус, өдөртөө 8-13 градус хүйтэн байна.

УЛААНБААТАР ХОТ: Үүлшинэ. Шөнөдөө бага зэргийн цас орно. Өдөртөө цас орохгүй. Салхи баруун хойноос секундэд 6-11 метр. Шөнөдөө Яармаг-Сонгины орчмоор 26-28 градус, бусад хэсгээр 21-23 градус, өдөртөө 12-14 градус хүйтэн байна.

Дорноговь аймгийн прокурорын газраас Аймгийн цагдаагийн газрын Хэрэг бүртгэх, Мөрдөн байцаах тасагтай хамтран түдгэлзүүлсэн хэргийн тооллого явуулжээ. 2016 оны 1 дүгээр сарын 29-ний өдрийн байдлаар тус аймгийн цагдаагийн газар болон прокурорын газрын хяналтанд нийт 53 хэрэг түдгэлзээтэй байна.

Түдгэлзээтэй байгаа 53 хэргийг эрүүгийн хэрэг үүсгэсэн он цагийн дарааллаар нь авч үзвэл: 2004, 2007, 2009 оны тус бүр 1 хэрэг, 2011 оны 6, 2012 оны 4, 2013 оны 5, 2014 оны 10, 2015 оны 25 хэрэг байх бөгөөд зүйл ангиар нь задалж үзвэл Эрүүгийн хуулийн тусгай ангийн 145 дугаар зүйлд заасан “Бусдын эд хөрөнгийг хулгайлах” гэмт хэрэг 43 буюу нийт түдгэлзээтэй хэргийн 83.1 хувийг эзэлж байна.Эрүүгийн хуулийн тусгай ангийн 145 дугаар зүйлд заасан “Бусдын эд хөрөнгийг хулгайлах” 43 хэргийн 1 хэрэг нь Эрүүгийн байцаан шийтгэх хуулийн 205 дугаар зүйлийн 205.1-д заасан үндэслэлээр, 42 хэрэг нь 205 дугаар зүйлийн 205.1.1 дэх хэсэгт заасан үндэслэлээр түдгэлзүүлсэн хэргүүд байна.2015 оны тайлангийн эцэст тус аймгийн прокурорын газрын хяналтанд нийт 48 хэргийн үлдэгдэлтэй байсанаас 12 хэрэг буюу 25 хувь нь эзэнгүй өмчлөх эрхийн эсрэг гэмт хэргүүд байх ба тэр дундаа 11 хэрэг нь эзэнгүй “Бусдын эд хөрөнгийг хулгайлах” хэргүүд байжээ.2016 оны 2 дугаар сарын 1-ний өдрийн байдлаар нийт 33 эрүүгийн хэрэгт дугаар олгосноос 15 хэрэг буюу 45.4 хувь нь өмчлөх эрхийн эсрэг гэмт хэргүүд байх ба тэр дундаа 14 хэрэг нь эзэнгүй “Бусдын эд хөрөнгийг хулгайлах” хэргүүд байгаа нь цаашид хулгайлах гэмт хэргээс урьдчилан сэргийлэх, эзэнгүй хулгайн гэмт хэрэгтэй тэмцэхэд онцгой анхаарлаа хандуулж, эзэнгүй хэргүүдийн эзэн, холбогдогчийг олж тогтоон, хохирогчийн эрхийг хамгаалах талаар үр дүнтэй ажил зохион байгуулах шаардлагатай гэсэн дүгнэлтэнд хүрчээ.Иймд тус прокурорын газраас аймгийн хэмжээнд эзэнгүй хэргийг илрүүлэх, эзэн холбогдогчийг олж тогтоох, хулгайн гэмт хэргээс урьдчилан сэргийлэх үйл ажиллагааг эрчимжүүлж бусад байгууллага, албан тушаалтнуудтай хамтран ажиллаж, тодорхой зохион байгуулалтын арга хэмжээг авч хэрэгжүүлэх зохиосон ажил, хүрсэн үр дүнгийн талаар 2016 оны 3 дугаар сард танилцуулах ажлын чиглэлийг Аймгийн Цагдаагийн хэлтэст албан бичгээр хүргүүлж, биелэлтэнд хяналт тавин ажиллаж байна.

Болд-Эрдэнэ Тэргэл

БГД-ийн 16-р хороо 2-60 айлын 1 давхарт гал гарч байна гэсэн дуудлага нийслэлийн Онцгой байдлын газарт өнөөдөр 13:23 цагт ирсэн. Дуудлагын дагуу Гал түймэр унтраах 10 дугаар ангийн гал унтраах 1, 2 дугаар тасгийг очиход 5 давхар байшингийн өрөөнд эд зүйл шатаж байсныг унтраасан байна. Гал түймрийн улмаас барилгын өрөөнүүд, орц утаажилт ихтэй иргэд угаартаж амь насаа алдах эрсдэлтэй байсан тул 1-14 насны 15 хүүхэд, 37 том хүнийг аврах ажиллагааг яаралтай зохион байгуулж аюулгүй газарт гарган амь насыг нь аварлаа гэж нийслэлийн Онцгой байдлын газраас мэдээллээ.

УИХ-ын ээлжит бус чуулганыг нээхэд хоёр гишүүнээр ирц дутаж байгаа тул УИХ-ын дарга З.Энхболд ажилдаа ирээгүй гишүүдийн нэрсийг тойргоор нь дуудлаа. Үүнд УИХ дахь МАН-ын бүлгийн 26 гишүүн, мөн бие даагч УИХ-ын гишүүн С.Ганбаатар, Х.Болорчулуун, Ц.Даваасүрэн, УИХ-ын гишүүн Ч.Улаан, О.Баасанхүү, Г.Уянга, Д.Тэрбишдагва, Ц.Цолмон, З.Баянсэлэнгэ нарын нэрийг дуудаж, ажилдаа шалтгаангүйгээр ирэхгүй байгааг сануулав.

Зудтай сумдын малчдад эрүүл мэндийн үзлэг хийж байна

Архангай аймгийн Тариат, Хангай, Цахир, Өндөр-Улаан сум зудын байдалтай байгаа аж. Тиймээс тус аймгийн Засаг дарга захирамж гаргаж, эдгээр сумын алслагдсан багийн малчдад газар дээр нь эмнэлгийн тусламж үйлчилгээ үзүүлэх, эм, тариагаар хангах, өвчин хүндрэхээс сэргийлэх зорилгоор ажлын хэсэг томиллоо. Тус аймгийн Ондгой байддын газар, Эрүүл мэндийн газар, дээрх сумдын эмнэлгийн эмч, сувилагч нараас бүрдсэн ажлын таван хэсэг энэ сарын 17-20-нд Тариат, Хангай, Цахир, Өндөр-Улаан сумын алслагдсан багт ажиллаж байна.

Өглөө 09.00 цагт товлосон байсан УИХ-ын ээлжит бус чуулганы нээлт ирц бүрдэхгүйгээс 14.00 цаг болж хойшлогдсон. Гэвч одоо хэр нь ээлжит бус чуулганыг нээх боломжгүй, ирц хоёр гишүүнээр дутсан хэвээр байна. Тодруулбал, 76 гишүүнээс 37 нь ирсэн, ирц хоёр гишүүнээр дутаж байгаа учраас гишүүд энэ хооронд танхимд орж гаран явж байна. УИХ-ын гишүүн О.Баасанхүү, Г.Уянга нарыг ээлжит бус чуулганы нээлтэд оролцох хүсэлтийг Ардчилсан намын бүлгээс тавьж, гуйжээ. Гэсэн ч тэд орж ирэхгүй ээлжит бус чуулганыг нээх хугацаа гурван цаг орчимоор саатсан хэвээр байна.

УИХ дахь МАН-ын бүлгийн хувьд олонхийн бүлэг ирцээ бүрдүүлэх ёстой гэсэн байр сууринаасаа ухраагүй, ирц бүрдэх эсэхийг тандаж сууна.

Үдээс өмнө зарласан байсан ээлжит бус чуулганы нээлтэд УИХ дахь Ардчилсан намын бүлгийн 34 гишүүн, Шударга ёс эвслийн бүлгээс хоёр гишүүн, ИЗНН-аас нэг гишүүн ирснээр 37-д хүрсэн. Ээлжит бус чуулганыг нээхэд 39 гишүүн ирж, ирцэнд орсон байх ёстой юм.

“Ирвэс хамгаалах сан”-гийн биологич Т.Лхагвасүмбэрэл агсны хэрэг мөрдөн байцаалтын шатанд үргэлжилж байгаа.

Японы “NHK World” телевиз Ариунаа Сүригийн тухай баримтат кино хийнэ

Англи хэл дээр өргөн нэвтрүүлгийн үйлчилгээ үзүүлдэг Японы олон улс дахь ганц телевиз болох “NHK World” Монголын дизайнер Ариунаа Сүригийн тухай баримтат кино бүтээхээр болсон байна. Тодруулбал, Ази тивийн олон улс үндэстнүүдийн тухай бэлтгэн хүргэдэг нэгэн төслийнхөө хүрээнд Монгол Улсыг төлөөлж “Агiunaa Suri” брэндийг сонгон баримтат нэвтрүүлэг хийхээр болжээ. Уг нэвтрүүлэг нь дэлхийн 150 орны 210 гаруй сая айл өрхөд хүрэх аж. Тэрбээр энэ тухай өөрийн цахим хуудаснаа “Монгол Улсаа, цаашилбал өв уламжлал, урлагсоёл, хувцас загварыгдзлхий дахинд ахин нэг удаа сурталчлан таниулах болсондоо баяртай байна” гэсэн байна. Киноны зургийг Японд болон Монголд зохион байгуулах үйл ажиллагаануудын үеэр авахаар бэлтгэл ажлаа эхлүүлсэн байна.

МОНЦАМЭ агентлагийн нэрэмжит “Мэдээний шилдэг сурвалжлагч” шагнал бий боллоо

Н.Энхбаяраас илүү эрх мэдэлд санаархагч

Тоёота ажиллагаагүй суудлын бүстэй үйлдвэрлэсэн гурван сая машинаа эргүүлэн татна

Багануурт боомоор хун өвчилсөн байж болзошгүй

Нийслэлийн Багануур дүүрэгт оршин суудаг 33 настай, эрэгтэй боомоор өвчилсөн байж болзошгүй гэнэ. Тэрбээр хоёрдугаар сарын 13-нд үхрийн чанасан өвчүү эвдэх явцдаа эрхий хуруугаа зүсэж, тэр хэсэгт нь хоёр хоногийн дараа 0.5х0.5 см хэмжээтэй цэврүүнүүд үүсчээ. Улмаар шарх нь лугшиж өвдөн, хавагнасан байна. Өдгөө Багануур дүүргийн Нэгдсэн эмнэлгийн Халдвартын тасагт хэвтэн эмчлүүлж иуй аж. Өвчтөнөөс сорьц аван, лабораторид шинжилж, эх уурхайг илрүүлэх судалгаа хийж байгаа гэж ЗӨСҮГ-ийнхөн хэлэв. Мөн Хөвсгөл аймгийн Их-Уул сумын Шивээ багийн Бэрх хэмээх газар нэг үхэр галзуурсан байдалтай үхсэн байсныг аймгийн Мал эмнэлэг, ариун цэврийн лабораторид шинжлэхэд онош нь батлагдсан байна. Өдгөө голомтод аймгийн зоонозын мэргэжилтнүүд ажиллаж байгаа аж.

Дашрамд дурдахад, БНХАУ-д хоёр, ОХУ- д нэг хүн зика вирусийн халдвар авсан нь лабораторийн шинжилгээгээр батлагдсан болохыг ЭМСЯ-ны Шуурхай удирддагын төв мэдээлэв.

Архинд хордсон нэг хун нас баржээ

Хоёрдугаар сарын 9-16-нд нийт 543 хүн архинд их, бага хэмжээгээр хордон нийслэлийн харьяа эмнэлгүүдэд ирснээс 13 нь хэвтэн эмчлүүлсэн бол нэг нь нас баржээ. Энэ нь өнгөрсөн долоо хоногийнхоос 24.1 хувиар нэмэгдсэн үзүүлэлт аж. Амбулаториор нийт 19.998 хүн үйлчлүүлсний 2292 нь томуу, томуу төст өвчтэй байжээ. Уг өвчний тархалт өмнөх долоо хоногийнхоос мөн л 4.9 хувиар илүү байна.

Тэгвэл угаарын хийд ес, эмэнд тав, химийн бодисонд хордсон гурван хүн Хорддогын яаралтай тусламжийн төвд хандан тусламж, үйлчилгээ авсан байна. Угаарын хийд өртсөн хүмүүсийн олонх нь гал түлэх явцдаа хордсон бол дөрвөн хүн амиа хорлох зорилгоор эм уужээ.