Нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбат “Хүүхдийн шинэ жилийн баяр”-ыг зохион байгуулах тухай А/947 дугаар захирамж гаргалаа. Захирамжийн дагуу хөгжлийн бэрхшээлтэй хүүхдүүд болон зорилтот бүлгийн өрхийн 1000 хүүхдийн шинэ жилийн үйл ажиллагааг Монголын Хүүхдийн ордонд, Нийслэлд үйл ажиллагаа явуулж байгаа 32 халамж, асрамжийн төвүүдэд хүмүүжиж буй 1000 хүүхдэд зориулсан “Хүүхдийн шинэ жилийн баяр”-ын арга хэмжээг Олон улсын хүүхдийн “Найрамдал” зусланд тус тус зохион байгуулна.
“Хүүхдийн шинэ жилийн баяр”-ын арга хэмжээг зохион байгуулахад шаардагдах 77 сая 608 мянган төгрөгийг нийслэлийн Засаг даргын нөөц сангаас гаргахыг нийслэлийн Засаг даргын Тамгын газарт даалгав.
“Хүүхдийн шинэ жилийн баяр”-ын арга хэмжээг зохион байгуулахыг Нийслэлийн Засаг даргын Тамгын газрын Нийгмийн хөгжлийн бодлогын хэлтэст, нийслэлийн Хүүхэд, гэр бүлийн хөгжлийн газарт, Монголын хүүхдийн ордонд тус тус үүрэг болголоо.
Захирамжийн хэрэгжилтэд хяналт тавьж, нэгдсэн удирдлагаар хангаж ажиллахыг Нийслэлийн Засаг даргын Хөдөлмөр эрхлэлт, нийгмийн хамгааллын асуудал хариуцсан орлогч Ц.Буяндалайд даалгалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Ерөнхий сайдын хэвлэлийн төлөөлөгч Ц.Мөнхтөр мэдээлэл хийнэ.

“Мунзуй” Г.Нямдорж Н.Номтойбаярын талаар өргөдөл гаргажээ

”Марко Поло” ХХК, ”Гэрэлтжин” ХХК, ”Монгол даймонд” ХХК, ”Дорно Өргөө” ХХК-ууд хууль зөрчиж, нийтийн эзэмшлийн эрчим хүчний шугам сүлжээнд гэмтэл учруулан хэрэглэгчдийг хохироов.

Үндэсний үйлдвэрлэгч АПУ компанийн Алтанговь шар айраг олон улсын хэмжээнд дээгүүрт тооцогддог нэр хүндтэй тэмцээн болох World Beer Awards-аас АЛТАН медаль авч АЗИ тивийн Шилдэг шар айрагаар шалгарлаа.

Нийгмийн даатгалын ерөнхий газар Төрийн банк хамтран гадаадад амьдарч байгаа монголчуудыгаа нийгмийн даатгалд хамруулахаар болжээ. Энэ талаараа өнөөдөр НДЕГ-ын хурлын танхимд олон нийтэд мэдээлэл өгсөн юм.

Анх 2006 онд манай улс БНСУ-ын Засгийн газартай хамтран солонгос улсад ажиллаж амьдарч байгаа монголчуудыгаа нийгмийн даатгалд хамруулж байжээ. Ингэж хамруулахад улсын нийгмийн даатгалын санд нийтдээ 1 сая гаруй доллар хуримтлуулдаг байна. Харин энэ удаад 38 улсад амьдарч буй 160 гаруй мянган иргэнийг цахимаар нийгмийн даатгалд хамруулахаар тооцжээ. Ингэснээр нийгмийн даатгалын санд 10 гаруй сая доллар хуримтлагдах тооцоо гарсан гэдгийг хурлын үеэр НДЕГ-ын дарга Уртнасан хэлж байлаа.

Өнөөдөр УИХ-ын Хууль зүйн байнгын хорооны хуралдаан 09.00 цагаас “А” танхимд болно. Тус хуралдаанаар дараах асуудлуудыг хэлэлцэнэ.

Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай хуулийг хэрэгжүүлэх ажлыг зохион байгуулах комиссын тайлан;
Албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлгийн маягт, түүнийг бүртгэх, хянах, хадгалах журамд өөрчлөлт оруулах эсэх асуудал.

Өнөөдөр УИХ-ын дараах ажлын хэсгүүд хуралдана. Үүнд:

Барилгын тухай /шинэчилсэн найруулга/ болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 10.00 цагаас “Г” танхимд;

“Юмжаагийн Цэдэнбалын мэндэлсний 100 жилийн ойг тэмдэглэн өнгөрүүлэх тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын хэсгийн хуралдаан 14.00 цагаас 334 тоот өрөөнд;

Олон улсын зах зээлд гаргасан Засгийн газрын үнэт цаасны арилжаагаар төвлөрсөн хөрөнгийн зарцуулалт, эргэн төлөлт болон санхүүжүүлсэн төсөл хөтөлбөрийн сонголт, хэрэгжилтийн явц байдлыг шалгасан Эдийн засгийн болон Төсвийн байнгын хорооны хамтарсан ажлын хэсгийн хуралдаан 14.00 цагаас “А” танхимд.

“Дэлхийн монголчуудын глобал нийгэмлэг”( World Mongolians Global Association) санаачлан Монголын боксын холбоо дэмжин, хамтран зохион байгуулах Монгол туургатны боксын анхдугаар их наадам энэ сарын 12-14-ний өдрүүдэд Улаанбаатар хотноо болох гэж байна. Монгол бөхийн өргөөнд болох энэ удаагийн тэмцээнд БНХАУ-ын ӨМӨЗО, ОХУ-ын Буриад, Халимаг, Тува, Монгол Улсын 18-40 насны шилдэг боксчид Олон улсын AIBA дүрмийн дагуу оролцоно. Тэмцээн 49 кг, 52 кг, 56 кг, 64 кг, 69 кг нийт 6 жинд явагдах бөгөөд жин тус бүрт Монгол Улсаас 4 бусад улсаас 1 тамирчин оролцоно.

Улсын Дээд Шүүхийн Эрүүгийн хэргийн танхимаас шинэчлэн найруулагдсан Эрүүгийн хууль болон Зөрчлийн тухай хуулийн талаар мэдээлэл хийсэн. Энэ үеэр Эрүүгийн хуулийн шинэчилсэн найруулгыг бэлтгэх ажлын хэсэгт орж ажилласан Улсын Дээд Шүүхийн шүүгч Б.Батцэрэнгээс зарим нэгэн зүйлийг тодрууллаа.

Онцгой байдлын газрын албан хаагчидтай орон нутгийн иргэд хүч хавсран хайж 7-ны өдрийн 04:30 цагт алга болсон иргэнийг эсэн мэнд олж, осголтын байдалтай байсан тул сумын хүн эмнэлэгт шилжүүлэн өгсөн байна.

БЗД-7 “13-р хорооллын гэрлэн дохиогоор хойшоо Сансар өгсөх замд зодоон болоод байна” гэсэн мэдээллийг 12-р сарын 07-нд авч шалгахад: Тус замд СХД-3 хороонд суух О /эр.36н/-гийн “Тoyota Prius-20” автомашинтайгаа явж байхад нь зам тавьж өгсөнгүй гэж ЧД-14 хороонд суух Э /эр.25н/ гэгч бусадтай бүлэглэн зодож танхайрсаныг таслан зогсоож БЗДЦХ-2 шалгаж байна.

Улаанбаатар хотын хэмжээнд 12-р сарын 07-ны өдрийн 05:00 цагаас 12-р сарын 08-ны өдрийн 05:00 цагийн хооронд иргэд, байгууллагаас Нийт 4260, удаа холбогдсоноос, гэмт хэрэг 155, зөрчлийн 1231, Зам тээврийн ослын 370, мэдээлэл шалгахад, гэмт хэргийн шинжтэй -84-н үйлдэл бүртгэгдсэнийг холбогдох нэгжүүд шалгаж байна.

№ Огноо Нийт гэмт хэрэг Илэрсэн гэмт хэрэг Хулгай
гэмт хэрэг Танхай
гэмт хэрэг ТХХАБАЖ зөрчих
1 2015.12.08 84 38 50 3 8
БГД-5 “..-р нэгдсэн эмнэлэгт хүн нас барсан байна” гэсэн мэдээллийг 12-р сарын 07-нд авч шалгахад: БГД-1. ..-р байрны ... тоотод суух Б /эр.56н/ 12-р сарын 05-ны өдөр архины хордлого оноштой хэвтэн эмчлэгдэж байгаад ил харагдах гэмтэл шархгүй нас барсан хэргийг БГДЦХ-2 шалгаж байна.

Си Зиньпинийг огцорсон тухай худал мэдээ дамжуулсан сэтгүүлчдийг халжээ

Сонгууль дөхөөд ирмэгц популимз гэдэг үг мода болсон. Хэвлэл мэдээллийн хэрэгслүүд энэ үгийг их хэрэглэх болж, үүнтэй зэрэгцэн улстөрчид ч бие биеэ популист хэмээн цоллох боллоо. Гэтэл популимзийг зөвхөн улстөрчид хийдэг нь өрөөсгөл ойлголт аж. Энд би өөр нэгэн “популист”-уудын тухай бичих гэсэн юм.

Нийслэлийн Иргэдийн Төлөөлөгчдийн Хурлын 2013 оны 13/48 дугаар тогтоол, Нийслэлийн Өмч хувьчлах комиссын 2015 оны 29 дүгээр тогтоолоор “Улаанбаатар таймс” сонины хэвлэх үйлдвэрийн барилгыг нээлттэй дуудлага худалдаагаар хувьчлахаар шийдвэрлэсэн билээ. Үүний дагуу 2015 оны арваннэгдүгээр сарын 30-ны өдөр нээлттэй болсон дуудлага худалдаагаар энэхүү барилгыг Монгол Улсын иргэн Абдул Карим Забон та 24 тэрбум төгрөгөөр үнэлж, худалдан авахаар болсон.

Гэвч хэвлэх үйлдвэрийн барилгыг хувьчилж авахаасаа татгалзаж, гэрээгээ цуцлахаар шийдсэнээ мэдэгджээ. Чухам таны шийдвэрийг юу ингэж өөрчилснийг мэдэхгүй юм. Хэрэв цахим сүлжээгээр тархсан элдэв үг яриа, сошиал ертөнцөд үзэл бодлоо илэрхийлсэн иргэдийн олон талын байр суурь таныг ийм шийдвэр гаргахад хүргэсэн бол туйлын харамсалтай байна.

Монгол Улс бол ардчилсан орон. Хүн бүрийн үг хэлэх, үзэл бодлоо чөлөөтэй илэрхийлэх эрх нь хуулиар баталгаажсан улс. Иргэд нь хэн нэгний харцаар 100 хувь нэг байр суурь илэрхийлдэг, эсвэл санаа бодлоо хэлэхээсээ айж эмээдэг дарангуйллын нийгмээс хэдийнэ ангижирсан эрх чөлөөт орон.

Хүн төрөлхтөн интернэтийн эрин зуунд амьдарч, хүмүүс цахим сүлжээнд хэнээс ч хараат бусаар оршин байж, үгээ хэлж, үзэл бодлоо илэрхийлдэг болсон байна. Нэрээ нууж, нүүрээ халхавчилсан хэн ч, юу ч хамаагүй ярих, хэлэх эрхийг “сошиал сүлжээ” л хүмүүст олгожээ. Магадгүй цахим ертөнцөд сэтгэцийн хувьд эрүүл бус, террорист, фашист, коммунист, нацист үзэлтнүүд ч цөөн хэсгийг бүрдүүлж байхыг үгүйсгэхгүй. Тэд юу бодсоноо хэлнэ, баримталж буй байр суурь нь хичнээн ичгүүр сонжуургүй байлаа ч илэрхийлнэ. Энэ бол зөвхөн монголчуудад илрээд буй “өвчин” бус дэлхий нийтээрээ ийм цаг үетэй нүүр тулсан байна.

Өнөөдөр Монгол Улсад цахим сүлжээнд “амьдрагсад” найз, нөхөд, энгийн иргэнээс эхлээд Ерөнхийлөгчөө хүртэл элдвээр хэлж, заналхийлнэ. Хотын дарга миний хийж буй ажил, явуулж буй үйл ажиллагааг шүүмжилнэ, харлуулна. Гэвч энэ бол ардчилсан улсад хорьж, цагдаж болохгүй эрх чөлөөний л нэг.

Хэрэв өмчтэй болсны төлөө танд ямар нэгэн байдлаар бодит заналхийлэл, дарамт шахалт ирсэн бол хууль хяналтын байгууллагад хандаж, шалгуулах боломж бий. Учир нь Монгол Улс иргэдээ яс үндэс, гарал угсаа, хөрөнгө чинээ, үзэл бодлоор нь ялгаварлан гадуурхахгүй гэдгээ Үндсэн хуулиараа тунхагласан билээ. Тиймээс ардчилсан Монгол Улсын иргэн төдийгүй Монгол Улсад бизнес эрхэлж буй гадаадын иргэдийн хэний ч эрх, эрх ашиг хуулиар хамгаалагддаг гэдгийг танд хэлмээр байна.

Нийслэлийн Засаг даргын захирамжийн дагуу шинэ жилийн баярыг тэмдэглэн өнгөрүүлэх ажлыг зохион байгуулах нийслэлийн ажлын хэсгийг байгуулсан. Ажлын хэсгийн даргаар нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл ажиллаж байна. Шинэ жилийн баярыг тэмдэглэн өнгөрүүлэх ажлын хүрээнд Улаанбаатар хотын төв талбайд жил бүр сүндэрлэдэг сүлд модыг засч эхэллээ. Сүлд модны гэрлийг энэ сарын 15-ны өдөр асаах төлөвлөгөөтэй байгаа юм. Харин 12 дугаар сарын 31-ний үдэш Чингисийн талбайд нийслэлчүүд шинэ оноо угтах баярын цэнгүүн болно.
Мөн дүүргүүд шинэ жилийн баярын үйл ажиллагааны хүрээнд нутаг дэвсгэртээ иргэд, олон нийтийг хамарсан нийтийн цэнгүүн зохион байгуулах юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Эерэг 24: Гэр бүлээрээ хөгжлийн бэрхшээлтэй Монголын нэгэн ”эмзэг” бүлээс суравжиллаа

Хүний амьдрал гэдэг эрээнтэй бас бараантай. Өвчин эсвэл гай зовлон хэнд ч тохиолдож болно. Ид хийж бүтээх насандаа хэн нэгний буруу үйлдлээс болж биеэрээ, амьдралаараа шархалж яваа хүмүүс хорвоо дээр бишгүй л байна. Гагцхүү тэдгээр хүмүүст нэг ч гэсэн хүний тус илүүддэггүй гэдэг. Тэдэнд урмын үг, сэтгэлийн тэнхээ хайрлах энэрэнгүй үйлс алхам бүрт нь хэрэгтэй байдаг. Тийм ч учраас манай сайт Эерэг 24 булангаараа дамжуулж сайхан амьдрал, Монголын гэрэлт ирээдүйн төлөө хөлс хүчээ зориулж байдаг баялаг бүтээгчид хийгээд эмзэг, хөгжлийн бэрхшээлтэй иргэдийн аж амьдрал, амжиргааны түвшин, эрүүл мэндийн тулгамдсан асуудлуудыг дэлгэдэг уламжлалтай.

Энэ удаагийн ЭЕРЭГ 24 буланд маань бусдын хайхрамж болгоомжгүй үйлдэл, төрийн албаныхны хэнэггүй байдлаас болж хохирсон энгийн нэг иргэн Г.Баянсан оролцлоо.

Түүнтэй уулзахад хийж бүтээх сэтгэлээр жигүүрлэсэн, зөвхөн өөрийгөө бус өрөөлийн төлөө бүхнийг хийж бүтээх чин эрмэлзэлтэй байгаа нь илхэн байсныг нуух юун. Дөнгөж 30 гарч яваа энэ залуугийн хувьд хөгжлийн бэрхшээлтэй хань, үр хүүхдийнхээ төлөө шүд зуун амьдарч байна.

Тэд энгийн нэгэн гэр бүл шиг бус ч бусдын л адил хоёр идэж, хоосон хонохгүйн төлөө нэгнээрээ түшиг тулгуур хийн энэ амьдралын төлөө зүтгэсээр. Гурвуулаа хөгжлийн бэрхшээлтэй иргэд гэсэн тодотголтой учир төрөөс олгодог грүппийн хэдэн төгрөгөө авч амьжиргаагаа залгуулдаг.

Манай сурвалжлах баг Шархадны хоёрдугаар буудалд байрлах 17-р хорооны иргэн Г.Баянсан гэх айлд очиж ээлжилт сурвалжлага, мэдээллээ ийн бэлтгэлээ.

Биднийг очиход 3-хан настай бяцхан хүү нь эцэг, эхийгээ хүлээн тоглож сууна. Тэр хүү ээжийнхээ адил өвчнөөр өвчилсөн, маш их зовиур шаналалыг энэ бяцхан биендээ тээж явна. Олигтой тоглох тоглоомгүй ч ундааны бөглөөг ашиглан байшин, бас өөрийн мөрөөддөг вант улсаа байгуулж буйг хараад миний, таны ч сэтгэлд эмзэглэл тогтохоор байсныг хэлэх нь зүйтэй биз ээ.

Ингээд хүүгийн аав, хөгжлийн бэрхшээлтэй иргэн Г.Баянсантай ярилцлаа.

-Хэзээнээс , юу тохиолдоод хөгжлийн бэрхшээлтэй болчихов. Анх эмнэлгийн байгууллагаас ямар онош тавьсан бэ?

-Би 2011 онд Цайз захын хавьцаа нийтийн байранд нэгэн таньдаг айлындаа байсан. Ингээд наадмын үеэр шөнийн 22.00 цагийн үед тухайн байрнаасаа гарч яваад машинд дайруулж нилээн хол шидэгдсэн байдаг. Ер нь хаа газрын нийтийн байр замтай маш ойрхон, бараг хаалгаар гарангуут замтайгаа ”золгосон” байдалтай байдаг л даа.

Ингээд машинд мөргүүлчихээд 15 минутын дараа сэргээд арай гэж босоод нөгөө айлдаа эргэж орсон. Тэр үед миний нүүр ам цус болчихсон маш хэцүү байдалтай байсныг санаж байна. Харамсалтай нь яг ямархуу машин намайг мөргөчихөөд зугтсаныг харж чадаагүй.

Тэгээд маргааш нь цагдаагийн байгууллагад хандсан. Гэвч цагдаагийн байгууллага яг ямар машин байсныг санаад ир гээд буцаасан. Үнэхээр санах боломжгүй байсан учир эргэж цагдаад очоогүй.

Тухайн өдрөө энд, тэндээ шалбарсан бие бага зэргийг зовиуртай байсан ч маргаашнаас нь цавьнаас юм татаж байгаа юм шиг өвдөх болсон. Тиймээс ГССҮТ-ийн эмнэлэгт очиж аарцагны зураг авахуулсан.

Гэтэл ГССҮТ-ийн эмч зөөлөн эдийн гэмтэлтэй гэж гарч ирж байна, дахиад зураг авахуул гэсэн. Эмчийн хэлсний дагуу дахин зураг авахуулсан ч зөөлөн эдийн гэмтэл гэснээс өөр онош хэлээгүй. Би ч итгээд хэсэг хугацааг өнгөрөөсөн. Гэхдээ өвдөлт намдахгүй, хөл дээрээ сайн явж ч чадахаа больсон. Ингээд гуравдахь удаагаа ГССҮТ-ийн эмч,Монгол Улсын хүний гавьяат эмч М.Шагдарсүрэнд үзүүлээд, аарцагны зураг авахуулсан. М.Шагдарсүрэн эмч мөн л зөөлөн эдийн гэмтэл, гайгүй гэж хэлсэн. Ингээд би гэртээ ирээд 10 гаруй хоноход баруун хөлний гуя маань эрс томороод байсан. Би арга бараад таньдаг эгчийгээ дуудаад эмийн сангаас тарианы зүү авахуулж хатгуулж үзтэл цус олгойдож эхэлсэн. Бид ч түргэн дуудаж Шинэ Гэмтлийн эмнэлэгт очсон. Гэтэл хуучин эмнэлэгрүү оч гээд буцаасан. Улмаар хуучин Гэмтлийн эмч нар үзээд ”Сонгдо” орж зураг авахуулаад ир гэж хэлсэн.

Ингээд ”Сонгдо” дээр очиж зураг авахуулахад бүдүүн чөмөгний цууралт гэж онош тавьсан. Энэ онош, зурагаа аваад буцаад ГССҮТ-д очиход энэ чин цагаан зураас л байна. Ямар ч цууралт биш гээд бас хүлээж аваагүй. Ингээд ”Сонгдо” дээр эргээд очиход ”Бид нар худал дүгнэлт гаргаагүй. Итгэхгүй бол ”Нэгдүгээр эмнэлэг”-т ороод оношлуул” гэсэн. Нэгдүгээр эмнэлэгт очиход ”цагаан зураас” л байна гэж хэлсэн. Ингэж явсаар байгаад эргээд ГССҮТ-д ирээд гуяндаа хоёр дусал хийлгэсэн. Гэтэл гуянаас маань шингэн ялгарч, тухайн үед 500гр хиртэй шингэн авахуулж байсан. Тэгсэн эмч нар нь чөмөгний чин доторх гадагшилж байна, одоо энэ шингэнийг чин авчихсан учир зүгээр болчихно. Дасгал хөдөлгөөн сайн хий гэж зөвлөөд эмнэлгээс гаргасан. Гэтэл өнөөдөр ийм л байдалтай болчихоод сууж байна.


-Тэгэхээр ГССҮТ-өөс буруу онош тавьж, цаг хугацаа алдсан гэж ойлгож болох уу?
-ГССҮТ-ийн эмч М.Шагдарсан ”Би эмчийн хувьд хэлж байна. Яс чинь төлжинө. Физик эмчилгээ хий л гэж” хэлсэн. Эмчид итгээд гэртээ маш эрчимтэй эмчилгээ хийлгэж,дасгал хөдөлгөөн ч сайн хийсний эцэст хөлийн эрхий хуруу хөдөлж эхэлсэн. Ингээд уламжлалт эмчилгээ хийлгээд бүр мөсөн эдгэчих санаатай хувийн эмнэлэгт үзүүлэхэд ”чөмөг чинь эрхий хүртлээ хайлчихсан байна” гэх зүйлийг хэлсэн. Маргааш нь би ГССҮТ-д очиж уйлж, хашгачиж багагүй асуудал үүсгэсэн. Гэтэл эмч нар нэгэнт ийм болсон юм чин хагалгаанд орж, хиймэл эрхтэн суулга. Эсвэл хөлөө тайруул гэдэг зүйл л хэлж байсан.

Ингээд 2012 онд 1-р эмнэлэгт хагалгаа хийлгэж чөмөгний толгой авахуулж, ясны анхан шатны остемлеттэй учир антибиотикитэй цемэнт чөмгөнд суулгасан. Хагалгаанд орсоноос хойш өдий хүртэл яс идээлэн идээт үрэвсэл байнга гардаг болсон. Үүнээс үүдэн буглаа гуяны энэ тэрүүгээр гарч ирдэг болоод байгаа. 

-Хөлнөөс буглаа гэхээр идээ гардаг гэсэн үг үү?
-Тийм. Идээ бээрээс гадна ясны хэлтэрхийнүүд гарч ирж 40 хэм хүртэл халуурдаг болсон. Халуурч, тарчлах болгондоо муу гэрийнхнийгээ их зовоож байна даа.

-Та эрүүл байхдаа ямар ажил хийж байсан бэ?
-2004 онд ”Альфа моторс буюу 4x4” компанид засварчинаар ороод 2011 онд бэртэх хүртлээ ажилласан. Зун, намар нь ажлаад өвөл, хавар нь хөдөө эмээ, өвөөдөө тусалдаг байлаа.

-Одоо ер нь таны өвчин эдгэх магадлал хэр байгаа вэ. Хагалгааны зардал төлбөрийг судалж үзсэн үү?
-”Сонгдо”-гийн гаргасан чөмөгний цууралттай гэх онош зөв байсан. Чөмөгний цууралтаар чөмгөн дахь тос нь гадагшилж гуяндаа буглаа үүсгээд байсан юм билээ. Онош нь бол тодорхой болсон. Тухайн үед гэмтлийн эмч нар буруу онош тавьж, хугацаа алдсанаас болж өдийг хүртэл хөгжлийн бэрхшээлтэй явлаа.

Монголд дараалсан 2 удаагийн хагалгаанд орох шаардлагатай байгаа. Энэ нь цаг хугацааны хувьд их хол зайтай. Магадгүй үрэвсэл нь дарагдахгүй бол хөлөө тайруулж ч магадгүй гэсэн. Харин БНСУ-ын эмнэлэгт би өвчнийхөө түүхийг явуулахад ”Намайг эмчлэх бүрэн боломжтой. 100 хувь хөл дээр чинь босгоод өгнө” гэх хариуг ирүүлсэн. Эмчилгээний зардалд 39 сая төгрөг хэрэгтэй. Ирж, очих зардал, физик эмчилгээтэйгээ нийлээд 50 гаруй сая төгрөг хэрэгтэй байгаа юм. Монголын ард түмнээсээ ихийг хийж бүтээх эрмэлзэлтэй, монгол залуу гэр бүлийг дэмжиж тусламжийн гараа сунгахыг гуйж байна.

-Та грүппид байдаг уу?
-Одоогоор грүппид байдаг. Зүгээр сууж чадахгүй Баянзүрх дүүргийн хөгжлийн бэрхшээлтэй иргэдийн зөвлөл гэгчийг санаачилж байгуулаад, үүнийхээ гүйцэтгэх захирлаар нь ажиллаж байгаа. Монголд хөгжлийн бэрхшээлтэй иргэдийн асар олон төрийн бус байгууллага, холбоод байдаг ч манайх төртэй уялдаа холбоотой ажиллаж, төрөөс цалинждаг гэдгээрээ анхдагч.

Баянзүрх дүүрэгт маань 8 мянга гаруй хөгжлийн бэрхшээлтэй иргэд байдаг. Тэднийхээ эрх ашгийг хамгаалж, тэдэнд бага ч гэсэн итгэл найдвар хайрлахын төлөө ажиллаж байна.

-Гэр бүлийн чинь хүн, бас хүүхэд чин хөгжлийн бэрхшээлтэй юм байна. Юунаас шалтгаалж ийм өвчтэй болсон юм болоо?
-Гэр бүлийн хүний маань өвчний онош Монголд тогтоогддоггүй. Арьс өнгөний өвчин л гэж явдаг. Нарийн мэргэжлийн эмч нар байдаггүй учир оношийг нь гаргаж чаддаггүй. Хүүхэд маань 6 сар хүртэл мэдэгдэхгүй байж байгаад хөдөлгөөнд орсоноос хойш гар, хөлөөр нь өвчний шинж тэмдэг илэрч эхэлсэн.

Орой гутлаа тайлахаараа ”Ааваа яая аа” гээд л хөлөө үлээлгэх гээд гүйж ирдэг нь маш өрөвдөлтэй байдаг. Болдог бол өөрийгөө эмчлүүлэхийн хажуугаар хүүхэд, эхнэрийнхээ өвчний оношийг ч болтугай тогтоолгоод ирмээр байх юм.

Энэ хүрээд бидний ярилцлага өндөрлөв. Монгол эр хүн нүдэндээ нулимстай болсон явдал, зовлон шаналалаа ийн ярилаа.

Монголчууд минь   “Нэг гэр бүл монголын ирээдүй “ хандивын аянд нэгдэж Монголын ирээдүй болсон залуу гэр бүлийг дэмжихийг уриалж байна.

”Улаанбаатар таймс” сонины хэвлэх үйлдвэрийн барилгыг Монгол Улсын иргэн Абдул Карим 24 тэрбум төгрөгөөр худалдаж авсан нь олны анхаарлыг татсан үйл явдал болсон. Тэгвэл энэхүү хувьчлалын дуулиан өнөөдөр ч намжаагүй байгаа юм. Ингээд дуулиан дэгдээгээд буй Абдул Карим гэгч болон хэвлэх үйлдвэрийн хувьчлалтай холбоотой 24 баримтыг хүргэж байна.

Өдрийн сайн цаг нь хулгана, үхэр, туулай, морь, бич, тахиа болой. Үс шинээр үргээлгэх буюу засуулбал өлзийтэй сайн.