Улаанбаатар хотод инженерийн шугам сүлжээний ажил гүйцэтгэх зорилгоор зарим хэсгийн замуудыг түр хаахаар болжээ.

УИХ-ын гишүүн С.Ганбаатарын санаачилгаар “Эрүүл хүн үндэсний баялаг” уриан дор 3 дахь жилдээ Япон улсаас 30 хүний бүрэлдэхүүнтэй шүдний эмч нарын багийг урьж, нийт Дархан хотын 1500 гаруй хүүхэд багачуудад үнэ төлбөргүй үзлэг, эмчилгээ хийгээд байна.

Аймгийн Нэгдсэн эмнэлэгт болсон уг үзлэгийн нээлтэд УИХ-н гишүүний зөвлөх С.Зоригтбаатар оролцон, эмч нартай уулзаж, урилгыг хүлээн авч Дархан хотын иргэдэд үнэ төлбөргүй үйлчилж зөвлөгөө өгсөнд нь талархал илэрхийлсэн юм.

Японы шүдний эмч нар үзлэг, эмчилгээгээ энэ өвчлөлд өртөмтгий 0-7 хүртэлх бага насны хүүхдүүдэд хийж, насанд хүрэгчдэд анхан шатны тусламж зөвлөгөө үзүүлсэн. Үзлэгийн явцад хүүхдүүдийн дийлэнх нь шүд цооролттой байгааг онцолж амьдралын хэв маягаас үүдэн шүдээ илүү зөв, тогтмол хугацаатайгаар угааж хэвшихийг зөвлөсөн байна.

“Эрүүл хүн Үндэсний баялаг” уриан дор зохион байгуулсан урьдчилсан сэргийлэх үзлэгийг Дархан –Уул аймагт ийн боллоо.

Мөн тун удахгүй ОХУ-ын Буриад улсын нарийн мэргэжлийн болон Олон улсын зүрх судасны эмч нар бүрэн бүрэлдэхүүнээр ирж тус аймгийн иргэдийг үзэх юм.
Аймгийн нэгдсэн эмнэлгийн салбарт өнгөрсөн 3 жилд Улсын төсвөөс 3 тэрбум гаруй төсвийн хөрөнгө оруулалт хийгдсэн.


Үзлэгийн үеэр японоос ирсэн эмч нар болон иргэд, зохион байгуулагчид ямар сэтгэгдэлтэй байгааг сонирхсон юм.

1. Япон Эмч АЙЧИ мужийн анагаах ухааны сургуулийн шүдний танхимийн профессорАкира Сенда: Эмнэлэг, сургууль цэцэрлэг, аймаг даяараа үзлэгт маш сайн оролцлоо. Зохион байгуулалт маш сайн байлаа. Хүүхдүүдийн шүдний эрүүл мэндэд анхаарал тавьж байгаа Дархан-уул аймгийнханд талархаж байна.
2. Иргэн: Энд ирж хүүхдүүдийн шүдийг үзэж байгаа Япон эмч нартаа баярлалаа. Бас ийм боломжийг олгосон С.Ганбаатар гишүүнд талархлаа илэрхийлье.
3. Иргэн: Хүрэлцэн ирсэн эмч нартаа баярлалаа. Энэхүү үйл ажиллагааг зохион байгуулсан төр засгийнхандаа баярлаж байна. \
4. С.Ганбаатар гишүүний зөвлөх:С.Зоригтбаатар 32 хүний бүрэлдэхүүнтэй эмч нар Дархан-Уул аймагт 3 дахь жилдээ ажиллалаа. Бидний урилгыг хүлээж авсан эмч нартаа баярлалаа. Өнгөрсөн хугацаанд Дархан-Уул аймгийн эрүүл мэндийн салбарт 3 тэрбум төгрөгний хөрөнгө оруулалт хйисэн. Эмнэлэгийн бүх тоног төхөөрөмжийг шинэчиллээ. Гемодиализийн аппарат, түргэний 5 машиныг нийлүүлсэн нь эрүүл мэндийн салбарт гарсан том ахиц гэж бодож байна.

Нийтийн тээврийн шинэчлэлийг иргэд санаачилж, эхлүүлээгүй. Гэтэл албаны хүмүүсийн бүтэн хоёр жил гаруйн хугацаанд бодож, боловсруулж хийсэн нийтийн тээврийн “хуудуутай” шинэлчлэл, /бодлого/-ын хариуцлагыг иргэд хүлээж, амьдралд үүрч байна.

”Барилга Орон сууц 2015” үзэсгэлэн яармаг “Мишээл экспо” төвд өнөөдөр нээлтээ хийх гэж байна. Үзэсгэлэнгээс үеэр 10 хувьд хамрагдах боломж мөн, орон сууцны үнэ хэр буурсан талаарх бодитой мэдээллийг олж авах боломжтой юм байна. ”Барилга Орон сууц 2015” үзэсгэлэн яармагт 40 гаруй байгууллага оролцоно гэсэн мэдээлэл иржээ. Үзэсгэлэн яармаг өнөөдөр 12 цагт эхлэх бөгөөд гурав хоног үргэлжилнэ.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл 2015-2016 оны хичээлийн шинэ жил эхлэх гэж байгаатай холбогдуулан замын хөдөлгөөний ачааллыг бууруулах зохион байгуулалтын түр арга хэмжээ авахаар А/674 дугаар захирамж гаргалаа. Хичээлийн шинэ жилийн өмнөх хоёр долоо хоногт орон нутгаас нийслэлийг зорих иргэдийн тоо эрс нэмэгддэг бөгөөд автозамын хөдөлгөөнд ачаалал үүсч иргэд цаг хугацаа алдах эрсдэлтэй болдог. Тиймээс өмнөх жилүүдэд авч хэрэгжүүлж байсан түр зохицуулалтыг хэрэгжүүлж байгаа юм. 9 дүгээр сарын өмнөх хоёр долоо хоногийн амралтын өдрүүдэд автомашины улсын дугаарын сүүлийн оронг тэгш, сондгойгоор ялган замын хөдөлгөөнд оролцуулна. 08 сарын 22-н буюу бямба гарагт өглөөний 0800 цагаас 2000 цагийн хооронд автомашины улсын дугаарын сүүлчийн орон тэгш тоогоор (0, 2, 4, 6, 8) төгссөн автомашин автомашин хөдөлгөөнд оролцоно. Харин 08 сарын 23-н буюу ням гарагт сондгой тоогоор (1, 3, 5, 7, 9) төгссөн автомашин хөдөлгөөнд оролцоно гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн иргэд өөрсдийн оршин суугаа нутаг дэвсгэрийн аюулгүй амьдрах орчин нөхцлийг бүрдүүлэх, бие биетэйгээ танилцах, ажил амьдралын туршлагаа хуваалцах, харилцан мэдээ мэдээлэл солилцох, гэмт хэрэг, зөрчлийг бууруулах, урьдчилан сэргийлэх зорилгоор сайн дурын үндсэн дээр нэгдэж, энэ чиглэлээр нутгийн захиргааны байгууллага болон цагдаагийн байгууллагатай хамтран ажиллах тогтолцоог бүрдүүлэх, зорилгоор жил бүрийн 8 дугаар сарын 22 ны өдөр “Хөршийн өдөр” арга хэмжээг зохион явуулахаар боллоо.
Нийслэл хотод орон нутгаас шилжин ирэгсдийн тоо нэмэгдэж, хэт төвлөрөл бий болж хөрш зэргэлдээ айл өрх, иргэд бие биенээ таньж мэдэхгүйгээс найрсаг дулаан харилцаа холбоо алдагдсан, гудамж талбай, гэр, орон сууц, ахуйн хүрээнд үйлдэгдэж байгаа гэмт хэрэг, зөрчлийн тоо нэмэгдэж Монгол Улсын Үндсэн хуулиар баталгаажсан иргэний эрүүл, аюулгүй, амар тайван орчинд амьдрах нөхцлийг бүрдүүлэх шаардлага гарч тус цагдаагийн газраас “Хөршийн хяналт” хөтөлбөрийг боловсруулан Нийслэлийн Иргэдийн Төлөөлөгчдийн Хурлын Тэргүүлэгчдийн 2015 оны 07 дугаар сарын 03-ны өдрийн 126 дугаар тогтоолоор батлуулан, 2020 он хүртэл нийслэлийн хэмжээнд хэрэгжүүлэх болно.

Тус хөтөлбөрийг хэрэгжүүлсэнээр:

• Ахуйн хүрээнд үйлдэгдэж байгаа гэмт хэрэг, зөрчил буурна.
• Аюулгүй амьдрах нөхцөл боломж бүрдэнэ.
• Нийслэлийн иргэд, оршин суугчдын нийгмийн хариуцлага нэмэгдэнэ.
• Айл хөршийн нэгдлийг бий болгож тэдэнд өөрсдөөрөө бахархах сэтгэл төрүүлнэ.
• Холбогдох байгууллагуудыг шуурхай мэдээллээр хангах боломж бүрдэнэ.
• Иргэд, оршин суугчдаас ирүүлэх гэмт хэрэг, зөрчлийн талаарх мэдээ, мэдээлэл нэмэгдэнэ.
• Цагдаагийн байгууллагад идэвхтэй дэмжлэг үзүүлэх ухамсар төлөвшинө,
• Цагдаагийн байгууллагын ажил үйлчилгээг иргэдэд шуурхай хүргэх нөхцөл бүрдэнэ.
• Гэмт хэрэг, зөрчлөөс урьдчилан сэргийлэх ажилд иргэд, оршин суугчдын оролцоо дэмжлэгийг үнэлж, дүгнэдэг, урамшуулах нөхцөл бүрдэх зэрэг үр дүн хүрэх юм.

зурхай

Наймдугаар сарын 21-ний Баасан гарагт дараах байршлын хэрэглэгчдийг цахилгаан эрчим хүчээр тэжээдэг шугам тоноглолд засвар хийх тул хэрэглэгчид та бүхэн цахилгаан хэрэглээгээ түр зохицуулна уу.

Ойрын өдрүүдэд ихэнх нутгаар өдөртөө дулаарна.

Улаанбаатар хотод инженерийн шугам сүлжээний ажил гүйцэтгэх зорилгоор 2015 оны 08 дугаар сарын 21-23-ны хооронд авто зам хаах хуваарь

Орон нутгаас ирэх автобусны тоог нэмжээ

Их Британийн Ерөнхий сайд Д.Камерон амарч байгаа гэнэ. Гэтэл саяхан интернэтэд тавигдсан түүний зураг хүмүүсийн гайхпыг төрүүлжээ. Дэлхийн нөлаө бүхий улстөрч амралтаараа “Easy- Jet” компанийн онгоцоор Португалийг зорьсон байна.

<iframe width=”560” height=”315” src=”https://www.youtube.com/embed/eACRnmdt6SI” frameborder=”0” allowfullscreen></iframe>

Нийслэлийн Сүхбаатар дүүргийн дөрөвдүгээр хороонд оршин суудаг өндөр настай эмэгтэйг онц хэрцгийгээр хөнөөсөн хэрэг гарсан талаар бид мэдээлсэн. Албаны эх сурвалжийн мэдээллээр “Гэртээ ганцаараа амьдардаг, 70 настай эмэгтэй ор сураггүй алга болчихлоо. Гэртээ нохой нь хуцаад байна” гэсэн дуудлага Цагдаагийн байгууллагад энэ сарын 18-ны өдөр ирсэн байна. Үүний дагуу цагдаагийн бие бүрэлдэхүүн дуудлага өгсөн газар очиход 70 настай эмэгтэйг онц хэрцийгээр буюу хоолойг нь хэрчиж хөнөөжээ.

“Говийн бүсийн аймгуудын ахмад тамирчдын спортын бага наадам” Дорноговь аймагт болжээ.

Завхан аймгийн Улиастай суманд наймдугаар сарын 13-18-нд УИХ-ын гишүүн Я.Санжмятавын урилгаар АНУ-аас мэс заслын их эмч нарын баг, болон БНСУ-ын дотор, уламжлалт, шүд, хүүхдийн их эмч нар ирж, иргэдэд үнэ төлбөргүй үйлчилгээг үзүүлжээ.

Үнэт цаасны зах зээлийн арилжаанд гадаадын хөрөнгө оруулагчдын оролцооны идэвхийг 2015 оны эхний 7 сарын байдлаар авч үзэхэд өмнөх оны мөн үеэс 2.5 дахин нэмэгдэж, 5.5 тэрбум төгрөгт хүрсэн байна. Мөн дотоодын хөрөнгө оруулагчдын арилжааны идэвх өмнөх оны мөн үетэй харьцуулахад 28 дахин нэмэгдэж, нийт 323 тэрбум төгрөгт хүрчээ.

Исламын шашинтай орнуудын хүрээлэн буй орчны мэргэжилтнүүд болон шашны тэргүүн нар чулуужсан нүүрс, газрын тосны олборлолт, хэрэглээгээрээ тэргүүлдэг АНУ, БНХАУ зэрэг чинээлэг орнуудыг 2050 гэхэд хүлэмжийн хий ялгаруулахаа больж, байгаль орчинд ээлгүй хэрэглээгээ бүрмөсөн зогсоохыг шаарджээ.

АН-ын бүлэг хуралдана
30 мин

УИХ дахь АН-ын бүлэг өнөөдөр хуралдана. Хуралдаанаар Засгийн газрын зарим сайд нарын томилогооны асуудал болон цаг үеийн асуудлыг хэлэлцэх бололтой. УИХ-ын дарга, АН-ын дарга З.Энхболд ээлжит бус чуулганыг өндөрлүүлсний дараагаар Увс аймагт болсон АН-ын баруун бүсийн чуулганд оролцоод ирсэн билээ. Өнөөдөр хуралдах АН-ын бүлгийн хуралдаанд Ерөнхий сайд болон намын удирдлагууд оролцох аж.

Мэргэжлийн боловсрол, сургалтын салбарын багш, удирдах ажилтны IX бага хурал энэ сарын 25-26-нд Сэлэнгэ аймгийн Сүхбаатар хотод болно.