Улаанбаатар хотын дулаан хангамжийн 3А,Б гол шугамыг ф600\500 болгон өргөтгөх ажлын хүрээнд Энхтайваны өргөн чөлөөний авто замыг зургадугаар сарын 6-наас эхлэн хэсэгчлэн хааж шугам хоолойн ажил хийж байгаа.

Энэ сарын 21-ээс 22-нд шилжих шөнө нийслэл хотод гал түймрийн дөрөв, орон нутагт гал түймрийн нэг дуудлагатай байлаа хэмээн ОБЕГ-ын Гамшгийн шуурхай удирдлагын газраас мэдээлэв.

Ирэх жил Завхан, Увс аймгууд Улаанбаатар хоттой хатуу хучилттай замаар холбогдох юм.



Өнөөдрийн байдлаар Солонготын даваанаас Их-уул, Тосонцэнгэлийн баруун дөрвөн зам хүртэлх замыг Хурдны зам ХХК тавьж байна.

Энэ сарын 21-ний өдрийн 10:15 цагт НОБГ-т “Нийслэлийн Баянгол дүүргийн 6 дугаар хороо, 10 дугаар хорооллын 30 дугаар байрны 6 дугаар давхраас бага насны хоёр хүүхэд унах гээд байна” гэсэн дуудлага иржээ.

Энэхүү дуудлагын дагуу нийслэлийн Аврах ангийн зургаан албан хаагч, хоёр автомашинтайгаар ажиллаж, тус байрны 23 тоотод оршин суух зургаан настай, эрэгтэй Б, зургаан настай эмэгтэй А нар тагтан дээр байсныг асран хамгаалагч Н-д хүлээлгэж өгсөн байна.

Улиастайн замд явган зорчигч М /эр.15н/ мөргөж гэмтээгээд хэргийн газрыг орхиж явсан хэргийг Баярнзүрх дүүргийн замын цагдаагийн тасгийн алба хаагчид шуурхай эрэн сурвалжлах ажиллагаа явуулан суудлын автомашины жолооч Ө болохыг тогтоож эрүүгийн хэрэг үүсгэн шалгаж байна. ЗЦГ-аас “Зам тээврийн хэрэг, осол гаргасан тохиолдолд сандарч, балмагдан хэргийн газрыг орхин явж өөрт хүлээлгэх хариуцлагаа улам хүндрүүлсээр байна. Техник хөгжсөн өнөө үед замын хяналтын камер, зам дагуух аж ахуй нэгж байгууллагын хяналтын камерт бичлэг үлддэг тул энэ төрлийн гэмт хэрэг илэрдэг.

Мэдээний эх сурвалж: http://time.mn/65428

Хэт даврагчид болон Засгийн газрын цэргүүдийн хооронд зэвсэгт мөргөлдөөн үргэлжилж буй Сири улсад Испанийн гурван сэтгүүлч сураггүй алга болжээ.

БЗД-ийн 23-р хороо “Улиастайн блокны үйлдвэрийн орчимд үл таних хүмүүст эд зүйлээ дээрэмдүүллээ” гэсэн мэдээллийг 07-р сарын 21-ний 03:00 цагт хүлээн авч шалгахад ”Б” /эр.33н/-ийг гэртээ харихаар явж байхад нь ”Э” гэгч нь /эр.31н/ бусадтай бүлэглэн зодож, “Iphone” гар утас, өмсөж явсан гутлыг нь дээрэмдснийг цагдаагийн алба хаагчид шуурхай эрэн сурвалжлж илрүүлэн БЗДЦХ-3-р хэлтэст шалгаж байна.

Увс аймаг байгуулагдсаны түүхт 90 жилийн ой, Монгол бөхийн их баяр, баруун бүсийн хурдан морины “Увс хурд-2015” баяр наадам долдугаар сарын 23-25-нд зохион байгуулагдана.

БЗД-18-р хороонд байрлах цайны газарт хүн хутга барьж танхайраад байна” гэсэн мэдээллийг 07-р сарын 21-ний 11:20-д авч шалгахад: БЗД-18-р хороонд оршин суух ”Б” /эр.22н/-ыг тус цайны газрын эзэн, ”Т” /эр,32н/ хэл амаар доромжилж, ална гэж заналхийлэн, хоолойд нь хутга тулган танхайрсныг БЗДЦХ-2-р хэлтэс шалгаж байна.

Монгол Услын эрүүгийн хууль

181 дүгээр зүйл. Танхайрах

181.1.Бусдыг илтэд үл хүндэтгэн хүч хэрэглэх буюу хүч хэрэглэхээр заналхийлж, нийгмийн хэв журмыг ноцтой зөрчсөн бол хөдөлмөрийн хөлсний доод хэмжээг тавин нэгээс нэг зуу дахин нэмэгдүүлсэнтэй тэнцэх хэмжээний төгрөгөөр торгох, гурваас дээш зургаан сар хүртэл хугацаагаар баривчлах, эсхүл гурван жил хүртэл хугацаагаар хорих ял шийтгэнэ.

181.2.Энэ хэргийг:
181.2.1.догшин авирлаж;
181.2.2.нийгмийн хэв журам хамгаалах үүргээ биелүүлж байгаа цагдаагийн ажилтан, төрийн болон олон нийтийн төлөөлөгч, танхайрсан үйлдлийг таслан зогсоох гэсэн иргэнийг эсэргүүцэж;
181.2.3.урьд нь энэ хэрэгт шийтгүүлсэн этгээд;
181.2.4.давтан;
181.2.5.бүлэглэж үйлдсэн бол гурваас дээш таван жил хүртэл хугацаагаар хорих ял шийтгэнэ.

181.3.Энэ хэргийг онц аюултай гэмт хэрэгтэн, түүнчлэн зэвсэг, зэвсгийн чанартай бусад зүйл хэрэглэж үйлдсэн бол таваас дээш найман жил хүртэл хугацаагаар хорих ял шийтгэнэ.

Нийслэлийн Засаг даргын 2013-2016 оны үйл ажиллагааны хөтөлбөрт тусгагдсаны дагуу нийслэлийн удирдлагын зөвлөлийн хуралдааны шийдвэрээр Улаанбаатар хотын Ногоон хөгжлийн стратеги төлөвлөгөөг боловсруулах ажлын хэсгийг байгуулж, ажлын хэсгийн даргаар нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэ ажиллаж байна.

НИТХ-ын Тэргүүлэгчдийн 7 дугаар сарын 4-ны өдрийн тогтоолоор гэр бүлийн хүчирхийлэл, ахуйн хүрээнд үйлдэгдэж байгаа гэмт хэрэг зөрчлөөс урьдчилан сэргийлэх зорилгоор “Хөршийн хяналт” хөтөлбөр, түүнийг хэрэгжүүлэх үйл ажиллагааны журмыг баталсан. Тус хөтөлбөрт хөршийн баярын өдрийг тэмдэглэх, хөршийн харилцааг сайжруулах арга хэмжээ авч хэрэгжүүлэхээр тусгасан байна.

Шуурхай мэдээ: Прокурорууд хар тамхины хэрэгт холбогдож саатуулагдлаа

Монгол Үндэсний соёл, уламжлалыг сурталчлах, сүсэгтэн олонд зориулсан буддын шашны зан үйлийг сэргээх, Монголын анхдугаар Богд Өндөр гэгээн Занабазарын соёлын өвийг дэлгэрүүлэх, аймгуудын аялал жуулчлалын бүтээгдэхүүнийг сурталчлах, байгаль орчныг хамгаалах үйлсэд уриалах хамтын ажиллагааг сайжруулах зорилгоор Нийслэлийн Засаг даргын Тамгын газраас Даншиг наадмам зохион байгуулахаар боллоо. Наадмын нэгдсэн үйл ажиллааг ирэх сард Улаанбаатар хотноо зохион байгуулахаар төлөвлөж байгаа бөгөөд энэхүү үйл ажиллагааг жил бүр уламжлал болгохоор шийдвэрлэлээ.

Дэлхийн оюутны спортын “Универсиад” XXVIII дугаар их наадамд амжилттай оролцож буудлагын төрөлд алт, мөнгө, хүрэл медалийн эзэн болсон Э.Бадамгарав, Э.Даваахүү болон П.И.Чайковскийн нэрэмжит олон улсын тэмцээнээс эрэгтэй гоцлол дууны төрөлд Тэргүүн байр, Алтан медаль, Гранпри хүртсэн МУГЖ Г.Ариунбаатар нарт “Эх нутгийн иргэд ТББ”-ын тэргүүн, Улсын их хурлын Дэд дарга М.Энхболд, “Төв аймгийн нутгийн залуучуудын холбоо”-ны тэргүүн Г.Сурмаа нар удирдах зөвлөлийн гишүүн эрхмүүдийн хамт хүлээн авч хүндэтгэл үзүүллээ.

Дундговь аймгийн Сайхановоо сум, Онгийн хийд орох замд энэ сарын 8-ны өдрийн 17:00 цагийн үед жуулчдын автомашин осол гаргажээ. Осол болох үеэр уг машинд Нидерландын хоёр, Хонг-Конгийн нэг иргэн, хөтөч-орчуулагч, жолооч нар байсан бөгөөд ослын дараа бүгд машины лүүкээр гарчээ. Тэднийг гарахтай зэрэгцэн машин дэлбэрч бүгдийнх нь бичиг баримт эд хэрэгсэл шатсан байна.

Монголын дугуйн холбооноос зохион байгуулах холын зайн дугуйн уралдаан энэ сарын 24-нд эхэлнэ. Ес хоног үргэлжлэх уг тэмцээнд оролцох тамирчид Төв аймгийн Лүн, Өвөрхангайн Хархорин, Хужирт, Архангайн Цэцэрлэг зэрэг сумаар дарайн өнгөрөх бөгөөд нийт 825 км зам туулах юм байна.

2015 он гарсаар гадаадын хөрөнгө оруулалттай 146 компани шинээр бүртгүүлсэн болохыг Улсын Бүртгэлийн Ерөнхий Газраас мэдээллээ. Харин энэ оны эхний хагас жилд гадаадын хөрөнгө оруулалттай 20 компани татан буугдсан байна.

Улаанбаатар хотын дулаан хангамжийн 3А,Б гол шугамыг ф600\500 болгон өргөтгөх ажлын хүрээнд Энхтайваны өргөн чөлөөний авто замыг зургадугаар сарын 06-наас эхлэн хэсэгчлэн хааж шугам хоолойн ажил хийж байгаа. Тус ажлын сүүлийн шатны ажил долдугаар сарын 13-ны 23:00 цагаас эхэлсэн бөгөөд Улсын их дэлгүүрээс Баруун дөрвөн зам хүртэлх авто замыг түр хаагаад байна. Шугам хоолойг өргөтгөх ажил 08 дугаар сарын 14-ний 06:00 цаг хүртэл үргэлжилнэ.

Энэ жил БНСУ-д хөдөлмөрийн гэрээгээр ажиллах хүсэлтэй 6000 иргэн бүртгүүлжээ. Гэвч эдгээр иргэдээс 10 үе шаттайгаар шалгаруулан 600 нь л БНСУ-руу явах юм.

Амгалан дулааны станцын нээлт өнөөдөр болно. Албан ёсны нээлтэд Ерөнхий сайд Ч.Сайханбилэг, Улаанбаатар хотын захирагч бөгөөд нийслэлийн засаг дарга Э.Бат-Үүл нарын албан хүмүүс оролцох юм.