УИХ-ын чуулганы үдээс хойшхи хуралдаанаар Нийслэл хотын албан татварын тухай хуулийг хэлэлцэж байна. Өнгөрсөн хавао Нийслэл хот тусдаа татвартай байх ёстой саналын дагуу тус хуулийг Нийслэлийн удирдлагууд санаачлан, боловсруулж УИХ-д өргөн барьсан юм. Зарчмын зөрүүтэй саналаар санал хурааж байна.
Хуралдааны дэлгэрэнгүйг удахгүй хүргэнэ.

Их Британийн газрын тосны томоохон компани ВР дэлхийн эрчим хүчний талаарх нэгдсэн тайлан гаргажээ.

Ерөнхий сайдад тавьсан асуулгын хариуг хойшлуулав

Баасан, 6 сарын 12 2015
Бичсэн Ч.Ариунболд

Хэвлэх
Email
Ерөнхий сайдад тавьсан асуулгын хариуг хойшлуулав

Ерөнхий сайд Ч.Сайханбилэг өнөөдөр УИХ-ын чуулганы үдээс хойших хуралдаанд оролцож, УИХ-ын гишүүн Ц.Даваасүрэн нарын гишүүдийн Оюутолгой төслийн явцын талаарх асуулгад хариу өгөхөөр төлөвлөсөн байсан.

Чуулганы үдээс өмнөх хуралдааны төгсгөлд Ерөнхий сайд өнөөдрийн хуралдаанд оролцож чадахгүй болсон тул асуулгыг хариуг ирэх долоо хоногийн баасан гараг хүртэл хойшлуулах хүсэлт ирүүлснийг УИХ-ын дарга З.Энхболд танилцуулав.

Ц.Даваасүрэн нарын гишүүд энэ оны тавдугаар сарын 01-нд Ерөнхий сайдад асуулга хүргүүлсэн байна. Уг асуулгад “Оюутолгой” ХХК үйл ажилгаагаа эхэлснээс хойш хичнээн төгрөгийн борлуулалт хийж, Монгол Улсад хэдэн төгрөгийн татвар төлснийг тодруулахыг хүсчээ. Түүнчлэн Ерөнхий сайдын 2012 оны 45 дугаар захирамжаар байгуулагдсан ажлын хэсгийн хөрөнгө оруулалтын гэрээг сайжруулах талаар Рио тинто компанитай хийж буй хэлцлийн агуулга, үр дүн ямар байгааг асуусан байна. Мөн Шадар сайд, Сангийн сайд, Уул уурхайн сайдын хамтарсан тушаалаар байгуулсан Оюутолгой компанийн зардлын хэтрэлтийг шалгах ажлын хэсгийн дүгнэлтийн талаар болон Засгийн газар хөрөнгө оруулагчтай “Эвлэрлийн гэрээ” байгуулж, 2 тэрбум ам.долларын хэтрэлтийг цайруулах санал тавьсан эсэхэд хариу өгөхийг хүсчээ.

УИХ-ын чуулганы хуралдаан 14.00 цагт Нийслэл хотын албан татварын тухай хуулийн төслийн анхны хэлэлцүүлгээр үргэлжилнэ.

Ирээдүйн өв сангийн тухай хуулийн төслийг өргөн барилаа

БНХАУ-ын эрдэмтэн судлаачдын бүтээсэн шинэ эмийн бүтээгдэхүүнийг сүүлийн шатны туршилтанд оруулж эхлээд байна.

Үндэсний их баяр наадам айсуй. Монголчуудын хувьд үндэсний баяр наадам, сар шинийн баяраар Монгол үндэсний хувцсаараа гоёдог уламжлалтай. Өнгөрсөн хоёр жилд хүннү захтай, торгон, даавуун материал бүхий дээл зонхилж байсан. Тэгвэл энэ жилийн наадмын загвар үндэсний шинжийг агуулсан хэрнээ байнга давтагддаг, өмнөх хэвшмэл хэв маягийг эвдэх нь.

Ч.Хүрэлбаатар : Чингис Самурай бондоос мөнгө хуссан хулгайч нарыг үүгээр өршөөх гэж байна

ТӨСЛИЙН ЗОХИЦУУЛАГЧИЙН СОНГОН ШАЛГАРУУЛАЛТАД УРЬЖ БАЙНА

Үндсэн хуулийн Цэцийн тухай болон Үндсэн хуулийн Цэцэд маргаан хянан шийдвэрлэх ажиллагааны тухай хуулийн төслүүдийг УИХ-д өргөн барив

<iframe width=”420” height=”315” src=”https://www.youtube.com/embed/8eXT_ywUuZg” frameborder=”0” allowfullscreen></iframe>

Үндсэн хуулийн цэцийн дүгнэлтүүдийг хэлэлцэв

Баасан, 6 сарын 12 2015
Бичсэн Б.Туул

Хэвлэх
Email
Үндсэн хуулийн цэцийн дүгнэлтүүдийг хэлэлцэв

УИХ-ын чуулганы өнөөдрийн хуралдаанаар Хуульчийн эрх зүйн байдлын тухай хуулийн зарим зүйл, заалт Үндсэн хуулийн холбогдох зүйл, заалтыг зөрчсөн эсэх тухай маргааныг хянан шийдвэрлэсэн тухай Үндсэн хуулийн цэцийн энэ оны 08 дугаар дүгнэлтийг хэлэлцлээ.

Үндсэн хуулийн цэцийн дүгнэлтийг Үндсэн хуулийн цэцийн гишүүн Ш.Цогтоо, Хууль зүйн байнгын хорооны санал, дүгнэлтийг УИХ-ын гишүүн Х.Тэмүүжин нар танилцуулав. Дээрх танилцуулгатай холбогдуулж гишүүдийн зүгээс ямар нэг асууж тодруулах зүйл гараагүй тул санал хураалт явуулсан юм. Мөн үеэр Хуульчийн эрх зүйн байдлын тухай болон Захиргааны хэрэг хянан шийдвэрлэх тухай хуулийн зарим заалт Үндсэн хуулийн холбогдох заалтыг зөрчсөн эсэх тухай маргааныг хянан шийдвэрлэсэн тухай Үндсэн хуулийн цэцийн энэ оны 09 дүгээр дүгнэлтийг авч хэлэлцэж, санал хураалт явуулав. Үүний дараагаар Нийслэл хотын албан татварын тухай хуулийн төслийн анхны хэлэлцүүлгийг эхлүүлсэн ч цайны цаг болсон тул хуралдаан түр завсарлалаа. Чуулганы үдээс хойшхи хуралдаан 14 цагаас эхлэх бөгөөд Нийслэл хотын албан татварын тухай хуулийн төслийн анхны хэлэлцүүлгийг үргэлжлүүлнэ.

Улсын Их Хурлын чуулганы өнөөдрийн /2015.06.12/ үдээс өмнөх нэгдсэн хуралдаан Захиргааны ерөнхий хууль болон холбогдох бусад хуулийн төслүүдийн анхны хэлэлцүүлгээр үргэлжилж, байнгын хорооноос гаргасан зарчмын зөрүүтэй саналын томьёолол болон ажлын хэсгээс гаргасан найруулгын саналаар санал хураалт явуулав.

Улсын Их Хурлын гишүүн Ө.Энхтүвшин асуултдаа, хуулийн төсөлд субьектив зүйл их байна. Жишээ нь “гадагшаа, дотогшоо” чиглэсэн, “ялимгүй” зэрэг үгнүүдийг юу гэж ойлгох юм бэ. “Улс төрийн шийдвэр гаргах ажиллагаа” гэж байгаа нь мөн ойлгомжгүй байна. Түүнчлэн захиргааны шийдвэр гаргах хугацаа тодорхойгүй байгаагийн зэрэгцээ “шуурхай” гэж байгааг яг ямар хугацаанд гэж ойлгох вэ гээд ойлгомжгүй зүйлүүд их байна гэсэн шүүмжлэлийг хэлсэн юм.

Улсын Их Хурлын гишүүн Х.Тэмүүжин, “гадагшаа” болон “дотогшоо” чиглэсэн гэдэг ойлголт 2003 оноос хойш маш тодорхой болсон ойлголт. Захиргааны үйл ажиллагааны тухай ерөнхий хуулиар захиргааны байгууллага хувь хүний асуудлыг зохицуулахгүй. Зөвхөн иргэнтэй гадагш чиглэсэн, иргэнтэй харилцаанд орж байгаа харилцаан дээр захиргааны албан тушаалтан, захиргааны байгууллага үйл ажиллагаагаа хэрхэн яаж явуулахыг нарийвчлан зохицуулж өгч байгаа. Энэ хууль хэрэгжээд эхэлбэл дараа дараагийн асуудал амьдралын хэрэгцээнээс шалтгаалаад зохицуулаад явах боломжтой. Хуулиар анх удаа захиргааны үйл ажиллагаа тодорхойлогддог тогтолцоо руу шилжиж байгаа гэсэн тайлбарыг өгөв.

Улсын Их Хурлын гишүүн А.Бакей, хуулийн хэрэгжилтийн асуудлыг яаж зохион байгуулах талаар гишүүд ихээхэн анхаарал хандуулсан. Энэ хууль 2016 оны 7 дугаар сарын 1-нд хүчин өгөлдөр үйлчилж эхэлнэ. Хууль хүчин төгөлдөр болж үйлчилж эхлэх хүртэлх хугацаанд хуулийн хэрэгжилтийн бэлтгэлийг хангах асуудал дээр тодорхой ажил хийгдэх ёстой гэлээ.

Гишүүд асуулт асууж хариулт авсны дараа Захиргааны ерөнхий хууль болон холбогдох бусад хуулийн төслүүдийг эцсийн хэлэлцүүлэгт бэлтгүүлэхээр Хууль зүйн байнгын хороонд шилжүүлэв.

Зусланд гарсан иргэдийн аюулгүй байдлыг хангана

Дэлхийн хамгийн олон хэрэглэгчтэй нийгмийн сүлжээнүүдийг нэг “Твиттер”-ийн Гүйцэтгэх захирал Дик Костоло ажлаа өгч байгаа тухай компанийн зүгээс албан ёсоор мэдээллээ.

Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсийнхэн 17 сая төгрөг хуурамчаар үйлдсэнийг илрүүллээ. Тодруулбал, манай улсын иргэн У, Г нарын бүлэг этгээдүүдсүүлийн 2-3 жилийн хугацаанд их хэмжээний хуурамч мөнгөн дэвсгэрт үйлдэж арилжаанд нэвтрүүлсэн нь тогтоогджээ. Хэдийгээр мөрдөн байцаалтын явцад тэд 17 сая төгрөг хуурамчаар үйлдсэнээ хүлээгээд байгаа ч ЭЦГ-ын Эдийн засгийн гэмт хэрэгтэй тэмцэх хэлтэст “хуурамч төгрөг илэрлээ” гэсэн гомдол, мэдээлэл нэмэгдэн ирсээр байгаа аж. Тэгэхээр дээрх этгээдүүд 17 саяас ч илүү хэмжээний хуурамч мөнгө нийлүүлсэн байх магадлалтай учир хэргийг үргэлжлүүлэн шалгаж байна.

Зууны манлай дуучин, МУГЖ Б.Сарантуяа, дуучин Н.Ганхуяг нар 1990-ээд оны үед хамтран “Чиний үгүйд”, “Хавар” нэртэй дуунуудаа дуулж олны таашаалд хүрч байсан. Тэд Хөх тэнгэр хамтлагт байхдаа хамтран амьдарч байсан ч тус тусынхаа амьдралыг хөөн салж байсан түүхтэй. Салснаасаа хойш нэг тайзан дээр гарч хамтран дуу дуулалгүй 20 гаран жил болсон тэднийг үзэгчид дахин хамтран дуулахыг хүлээсээр ирсэн.

Дүүргийн 2 дугаар прокурорын газраас Сонгинохайрхан дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, дүүргийн Цагдаагийн 1, 2, 3 дугаар хэлтэс, Хөдөлмөрийн хэлтэс, Иргэний бүртгэлийн тасагтай хамтран тус дүүрэгт оршин сууж байгаа хорих ял нь тэнсэгдсэн болон хорих ялаас хугацааны өмнө тэнсэн суллагдсан захиргааны хяналтад байгаа этгээдүүдтэй уулзалт, өдөрлөгийг 2015 оны 06 дугаар сарын 10-ны өдөр “Соёмбо” кино театрт зохион байгуулсан байна.

Азийн хөгжлийн банкны санхүүжилтээр ЭМЯ-тай хамтран хэрэгжүүлж байгаа “Эрүүл мэндийн салбарын хөгжил хөтөлбөр-4” төслийн хүрээнд Хүнсний аюулгүй байдлын үндэсний лавлагаа лаборатори /ХАБҮЛЛ/-ийн Эмийн хяналтын лабораторийг “Сорилтын болон шалгалт тохируулгын лабораторид тавих ерөнхий шаардлага MNS ISO/IEC 17025 стандарт”-ын дагуу итгэмжлүүлэхээр АНУ-ын ANAB (ANSI-ASQ) үндэсний итгэмжлэлийн байгууллагатай 2015 оны 1-р сард гэрээ байгуулсан билээ.

Төв цэвэрлэх байгууламжийг засварлахын тулд нийслэлийнхний хэрэглээний усыг гурав хоног таслах, эсвэл Туул гол руу бохироо хийхээс өөр аргагүй нөхцөл байдал бий болсон тухай Ус сувгийн удирдах газрьн дарга С.Үнэн хэд хоногийн өмнө мэдэгдсэн. Дараахан нь Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал хэрэглээний усыг хязгаарлахгүй. Туул гол руу бохир урсгахгүй хэмээн мэдэгдсэн. Цэвэрлэх байгууламжийн засварын ажил маргааш эхлэх гэж байхад албаны хүмүүс зөрүүтэй байр суурь илэрхийлсэн хэвээр байна.

Хүүхдийн эрхийн төлөөх олон улсын томоохон ТББ-уудын нэг “Save the Children” Пакистаныг орхих шаардлага хүлээж авсан тухай “BBC” агентлаг мэдээллээ.