Жил бүрийн аравдугаар сарын 29-нд дэлхий нийтээрээ тархины харвалт өвчинтэй тэмцэх өдрийг тэмдэглэдэг. Эл өдөр өнөөдөр тохиож байгаа юм.

Их хотын хямдрал 377” худалдаа өчигдөр Сүхбаатарын талбайд эхэлсэн билээ.

Монголын хөрөнгийн бирж, Монголын үнэт цаасны арилжаа эрхлэгчдийн холбоо, Үнэт цаасны хадгаламжийн төвлөрсөн хадгаламжийн төв, Арилжааны төлбөр тооцоо, Кастодиан банк, Төлбөр тооцооны банк, үнэт цаасны компани зэрэг Үнэт цаасны зах зээлийн мэргэжлийн оролцогч байгууллагууд хамтран “Үнэт цаасны зах зээлийн нээлттэй өдөрлөг” арга хэмжээг зохион байгуулж байна.

Тус өдөрлөгийн үеэр үнэт цаасны зах зээлийн мэргэжлийн байгууллагууд нэг цэгийн цогц үйлчилгээг үзүүлж байна.



Үүнд:



• Арилжаа болон хувьцаат компанийн талаарх мэдээлэл

• Засгийн газрын үнэт цаасны талаарх мэдээлэл, танилцуулга

• Ногдол ашгийн мэдээ

• Хөрөнгө оруулалтын зөвлөгөө

• Үнэт цаасны данс нээх үйлчилгээ

• Төлбөр тооцооны данс нээх үйлчилгээ

• Данс шүүх үйлчилгээ /Эрдэнэс таван толгой цэнхэр тасалбар, хувьцаатай эсэх/

• Үнэт цаастай холбоотой иргэдийн санал хүсэлт

• Үнэт цаасны зах зээлийн талаарх сургалт



Нээлттэй өдөрлөг 2016 оны 10 дугаар сарын 29-ны өдрийн 17:00 цаг хүртэл Монголын хөрөнгийн биржийн байранд үргэлжилнэ.

Ирэх даваа гарагт буюу аравдугаар сарын 31-ний өдөр “Монгол” бахархлын өдөр тохиож байгаа.

Орон нутгийн сонгууль энэ сарын 19-ний өдөр орон даяар явагдсан ч зарим газруудад ирц хүрээгүй. Мөн зарим газарт нэр дэвшигчдийн санал тэнцсэн.

Нийслэлийн 377 жилийн ойн хүрээнд зохиогдох арга хэмжээн хөтөлбөрийг танилцуулж байна.

АТГ-аас өнгөрсөн долоо хоногт эрх мэдэл бүхий албан тушаалтануудын Хөрөнгө орлогын мэдүүлгийг олон нийтэд ил болгосон. Тэгвэл Мэргэжлийн Засгийн газрын сайд нар ямар хөрөнгөтэйг онцлон хүргэж байна.

Ерөнхий сайд Ж.Эрдэнэбат Засгийн газрын 100 хоногийн хүрээнд танхимын сайд нарынхаа хамт сэтгүүлчидтэй “Зангиагүй уулзалт” хийсэн билээ. Тэрбээр энэ үеэр “Эрдэнэт” үйлдвэрийн 49 хувийн хувьчлал, гадны хөрөнгө оруулалт болон ам.долларын ханшийн өсөлтийн хүрээнд сэтгүүлчдийн асуултад хариулт өгсөн юм.

Тэгвэл Ерөнхий сайд Ж.Эрдэнэбат дээрх асуудалд ямар байр суурьтай буйгаагаа илэрхийлсэн 24 онцлох эшлэлийг хүргэж байна.

Үс шинээр үргээлгэх буюу засуулахад тохиромжгүй

өдөртөө 6-8 градус хүйтэн байна

Өнгөрсөн есдүгээр сард 50.9 тэрбум төгрөгийн ипотекийн зээлийг иргэдэд олгожээ.

Яг одоо: Чингис хаан олон улсын нисэх буудалд онц байдал зарлаад байна

Арабын нэгдсэн Эмират улсад өнөөдөр жүдо бөхийн “Абу Даби”-гийн Их дуулга тэмцээн эхэллээ.

С.Зориг агсны хэргээр арван сарын турш цагдан хоригдож, шалгагдсан Б.Булган өнөөдөр төрийн орноор орж, гишүүдтэй уулзжээ. Тодруулбал тэрбээр УИХ-ын гишүүн О.Баасанхүү нарын хуульч гишүүдтэй уулзсан байна.

УИХ-ын үдээс хойшхи хуралдаан Засгийн газрын цагаар үргэлжилж байна. Хуралдааны үеэр цэцэрлэг сургуулийн хүртээмжтэй холбоотой асуудлаар гишүүд санал солилцов.
Энэ үеэр С.Эрдэнэ гишүүн “ 2016-2017 оны хичээлийн жил эхлээд сар хагасын хугацаа өнгөрч байна. 2015 онтой харьцуулханд сургуульд 11816 хүүхэд нэмэгдсэн. Мөн аймаг, цэцэрлэгт хүүхдийн тоо нэмэгдсэн. Өмнөх Засгийн газар болох АН-ын хийж бүтээсэн зүйлсийг МАН зогсоох биш үргэлжлүүлэн хийх ёстой. Ардчилсан намын барьсан цэцэрлэг сургуулийн барилгыг бүгдийг нь одоогийн засгийн газар нурааж чадахгүй нь үнэн юм” хэмээв.
Үүий хариуд Монгол Улсын Засгийн газрын гишүүн Ж.Батсуурь “Засгийн газрын зүгээс 2017 онд 32 сургууль цэцэрлэгийн барилгыг эхлүүлэхээр акт бэлэн болгосон байгаа. Энэ бол 2017-2018 оны төсөвт цэцэрлэг сургуулийн хүртээмжийг нэмэгдүүлэхгүй гэсэн асуудал огт биш. Ойрын гурван жилийн хугацаанд шат дараалалтайгаар цэцэрлэг сургуулийн хүртээмжийг нэмэгдүүлэх тал дээр Засгийн газраас бодлого боловсруулсан. Мөн судалгаа явуулж байна. Харин царцсан барилгууд их бий. Үүнийг ээлж дараатай улсын төсөвт суулгаж, барьж дуусган . Энэ бүхнийг шийдвэрлэхээр одоогийн Засгийн газар мөрийн хөтөлбөрийнхөө дагуу ажиллаж байна” гэв.
УИх-ын гишүүдийн ирцийн тухай дэлгэрэнгүй мэдээлэл одоогоор алга байна.

Монголын биатлоны холбооны урилгаар Олон улсын биатлоны холбооны тэргүүн дэд ерөнхийлөгч, ОХУ-ын биатлоны холбооны дэд ерөнхийлөгч Виктор Майгуров, ОХУ-ын биатлоны холбооны гүйцэтгэх захирал Сергей Костин нар Төв аймагт баригдах биатлон бэлтгэлийн төвийн орчин нөхцөлтэй танилцахаар хүрэлцэн ирээд байна.

Аравдугаар сарын 25-ны өдөр Өндөрхаан-Чойбалсан чиглэлийн 143км хатуу хучилттай автозамын III-А, IV-А хэсгийн нийт 25км автозам ашиглалтад орлоо.

Монгол Улсын Ерөнхийлөгч Ц.Элбэгдорж Бүгд Найрамдах Турк Улсаас Монгол Улсад суугаа Онц бөгөөд Бүрэн эрхт Элчин сайд Мурат Карагөзийг нутаг буцах болсонтой нь холбогдуулан өнөөдөр хүлээн авч уулзлаа.



Элчин сайд Мурат Карагөз хүлээн авч уулзсан Монгол Улсын Ерөнхийлөгчид талархал илэрхийлээд Монголын талаар олон сайхан дурсамж өвөртлөн нутаг буцаж буйгаа дурдав. Тэрбээр хоёр улсын харилцаа, хамтын ажиллагааг дэмжин хөгжүүлэх ажилд бүх талаар тусалж дэмжин, хамтарч ажилласан Монголын төр засаг, ард түмэнд гүн талархал илэрхийлж байлаа.



Элчин сайд Мурат Карагөз Монголд 2013 оноос хойш ажилласан бөгөөд энэ богино хугацаанд хоёр улсын харилцааг хөгжүүлэхэд оруулсан хувь нэмрийг Монгол Улсын Ерөнхийлөгч онцлоод, дараагийн Элчин сайд илүү ихийг хийж бүтээнэ гэдэгт найдаж буйгаа дурдлаа.



Элчин сайд Мурат Карагөзийн хэлснээр түүний ажилласан хугацаанд хоёр улсын хоорондын батлан хамгаалах, соёл урлаг, боловсролын салбарын харилцаа өргөжин тэлж, оюутан солилцоо нэмэгдсэн байна. Тэрбээр Монголд ажиллах хугацаандаа эдийн засгийн хамтын ажиллагаа, худалдааг өргөжүүлэхэд хүчин чармайлт гарган ажиллаж, цаашид энэ салбарт анхааран ажиллах хэрэгтэйг дурдсан.



Монгол Улсын Ерөнхийлөгч Элчин сайдаар дамжуулан Туркийн Ерөнхийлөгч Режеп Тайип Эрдоган болон тус улсын ард түмэнд маргааш буюу 29-ний өдөр тохиох Турк Улсын үндэсний баярын халуун мэнд дэвшүүлээд, Элчин сайд Мурат Карагөзийн цаашдын ажилд амжилт хүссэнээр уулзалт өндөрлөлөө.

УЛСЫН ОНЦГОЙ КОМИССИЙН ДАРГЫН ҮҮРЭГТ АЖЛЫН ХҮРЭЭНД ОБЕГ-ЫН ЧИГЛЭЛЭЭР:

- Баян-Өлгий аймгийн Өлгий суманд 2016 оны 7 дугаар сард болсон үерийн хор уршгийг цаг алдалгүй арилгаж иргэдийн хэвийн амьдрах нөхцлийг бүрдүүлэв.

- 2016 оны эхний хагас жилд гарсан ой хээрийн түймэр, хүчтэй шуурганы улмаас Баянхонгор, Дорнод, Сүхбаатар аймгийн орон гэргүй болсон айл өрхөд улсын нөөцөөс 100,0 сая төгрөгийн өртөг бүхий 40 гэр олгов.

- Улс орны хэмжээнд өвөлжилтийн бэлтгэл хангах асуудлыг хариуцан ажиллаж бэлтгэлийг зохих түвшинд хангууллаа.

- Баруун аймгуудад гарсан бог малын өвчний тархалтыг зогсоож 10,2 сая малыг вакцинжуулж дуусав.

- Улсын Онцгой комисс, “Газар хөдлөлтийн гамшгаас урьдчилан сэргийлэх байнгын ажиллагаатай зөвлөл”-ийн үйл ажиллагааг тогтмолжуулав.

- Онцгой байдлын чиглэлээр үйл ажиллагаа явуулах анхны жижиг оврын хиймэл дагуул хөөргөх асуудлыг шийдвэрлэв.

- Иргэд, олон нийтийг гамшгаас хамгаалах мэдлэг дадлага, насан туршийн боловсролтой болгох зорилго бүхий “Нийслэлийн иргэдийг гамшгаас хамгаалах сургалтын төв”-ийн үйл ажиллагааг эхлүүлэхэд бэлэн болгов.

- 2016 оны эхний хагас жилд тохиолдсон зуд, ой хээрийн түймэр, хүчтэй шуурганы улмаас хохирсон орон нутгийн иргэдэд нөхөн олговор олгох, орон гэргүй болсон айл өрхөд гэр олгох ажлыг зохион байгуулав.

- “Гамшгийн эрсдэлийг бууруулах Сэндайн үйл ажиллагааны цар хүрээ баримт бичиг”-ийн хэрэгжилтийг хангах, бүс нутгийн хэмжээнд гамшгийн эрсдэлийг багасгах зорилготой “Гамшгийн эрсдэлийг бууруулах Азийн сайд нарын II бага хурал”-ыг 2018 онд Улаанбаатар хотноо зохион байгуулахаар болов.

- НҮБ-ын Гамшгийн эрсдэлийг бууруулах газраас хэрэгжүүлж буй “Аюулгүй, гамшигт тэсвэртэй хотууд” уриалгад Улаанбаатар, Дархан, Эрдэнэт хотууд нэгдэж, Европын Холбооны санхүүжилтээр хэрэгжүүлэх “Тогтвортой, гамшигт тэсвэртэй хот бий болгох” төсөлд Улаанбаатар хот хамрагдахаар боллоо.

- “Гамшгийн эрсдэлийг бууруулахад статистик тоо мэдээлэл боловсруулах, солилцох тогтолцоог сайжруулах”, “Монгол Улсын газар хөдлөлтийн гамшгаас урьчилан сэргийлэх чадавхийг бэхжүүлэх”, “Зуд болон ой хээрийн түймэртэй тэмцэх олон нийтийн чадавхийг бэхжүүлэх” зэрэг төсөл хөтөлбөрүүдийг НҮБ болон бусад олон улсын байгууллагуудтай хамтран хэрэгжүүлхээр тохиролцов.

- БНХАУ-ын Засгийн газрын буцалтгүй тусламжаар “Онцгой байдлын албанд нийлүүлж байгаа ой, хээрийн гал түймэр унтраах автомашин, тоног төхөөрөмж, багаж хэрэгсэл нийлүүлэх төсөл”-ийн гэрээний дагуу нийлүүлэгдэх 1,2 сая доллар буюу 2,8 тэрбум төгрөгийн өртөг бүхий 6 автомашин, 30 тоног төхөөрөмж, 2400 ширхэг багаж хэрэгслийг Төв, Сүхбаатар, Дорнод, Хэнтий, Баянхонгор аймгийн болон нийслэлийн Багануур дүүргийн гал унтраах ангиудад хуваарилж, холбогдох сургалтуудыг зохион байгууллаа.
- Хан-Уул дүүргийн нутаг дэвсгэрт Онцгой байдлын албан хаагчдын 72 айлын орон сууцыг ашиглалтанд оруулав

МЭРГЭЖЛИЙН ХЯНАЛТЫН ЧИГЛЭЛЭЭР:

- Орхон голын бохирдлын асуудлаар МХЕГ-аас хяналт шалгалт хийж байгаль орчинд хөнөөлтэй үйл ажиллагаа явуулж байгаа аж ахуйн нэгжүүдийн үйл ажиллагааг таслан зогсоох, буруутай этгээдээр хохирлыг барагдуулах, хууль хяналтын байгууллагаар шийдвэрлүүлэх арга хэмжээ авав.

- Мал, мах, махан бүтээгдэхүүний экспортыг нэмэгдүүлэх зорилгоор БНХАУ-ын хорио цээрийн албаны удирдах албан тушаалтнуудтай уулзаж Монгол Улсын өмнөд хилийн дагуу 3 боомтоор мал, мах, малын гаралтай түүхий эд экспортлох тохиролцоонд хүрэв. Гэвч манайд малын өвчин гарсны улмаас энэ ажил одоогоор зогсонги байдалтай байна.

- Хөдөө орон нутагт ажиллах явцдаа аймгуудын мэргэжлийн хяналтын болон хилийн мэргэжлийн хяналтын албаны үйл ажиллагаатай танилцаж Өмнөговь аймгийн Цогтцэций сумын нутаг дахь Таван толгойн уурхайгаас засмал зам хүртэлх 13.4 км зам тавиулах асуудлыг шийдвэрлэлээ.

ШУДАРГА ӨРСӨЛДӨӨН, ХЭРЭГЛЭГЧИЙН ТӨЛӨӨ САЛБАРААР:

- Иргэд, хэрэглэгчдэд шударга өрсөлдөөн, хэрэглэгчийн эрх ашгийг хамгаалах чиглэлээр зөвлөгөө өгөх, тэдний өргөдөл, гомдлыг шуурхай барагдуулах нөхцөлийг бүрдүүлэх зорилгоор “Хэрэглэгчийн төв 1800-1284”-ийг байгуулах шийдвэр гаргав. Мөн аж ахуйн нэгж, бизнесийн байгууллагуудын дэргэд хэрэглэгчийн санал гомдлыг шийдэх “Хэрэглэгчдэд үйлчлэх төв”-ийг байгуулах ажлыг эхлүүлж цаашдаа улсын хэмжээний нэгдсэн сүлжээ бий болгох төлөвлөгөөтэй ажиллаж байна.

СТАНДАРТ ХЭМЖИЛ ЗҮЙН ЧИГЛЭЛЭЭР:

- Монгол Улс Европын холбооны стандартын байгууллагын хамтрагч гишүүн болов. Хамтрагч гишүүн болсноор Европын холбооны бүх стандартын техникийн хорооны үйл ажиллагаанд оролцох эрхтэй болж улмаар СХЗГ нь монголын бизнесийн эрхлэгчдийн үйл ажиллагааг цахилгаан техникийн олон салбар чиглэлийн стандартаар хангах эрх нээгдэв.

- Германы Засгийн газрын буцалтгүй тусламжаар 2017-2019 онд хэмжил зүйн салбарт 600 мянган еврогийн өртөг бүхий төсөл хэрэгжүүлэхээр тохиров.

Хууль эрх зүйн орчинг боловсронгуй болгох хүрээнд:

- “Хэрэглэгчийн эрхийг хамгаалах тухай” хуулийн шинэчилсэн найруулгын, “Хэмжил зүйн тухай”, “Стандартчилал, техникийн зохицуулалт, итгэмжлэлийн тухай” хуулийн шинэчилсэн найруулгын, Гамшгаас хамгаалах тухай хуулийн шинэчилсэн найруулгын, Онцгой байдлын албаны тухай анхдагч хуулийн төслүүдийг УИХ-ын чуулганаар хэлэлцүүлэхэд бэлэн болгов.

ЧӨЛӨӨТ БҮСИЙН АСУУДЛААР:

- Чөлөөт бүсүүдийн өнөөгийн байдалд судалгаа хийж “Замын Үүд”-ийн чөлөөт бүсийн үйл ажиллагааг эхлүүлэх боломжтой гэж үзэн БНХАУ-ын талтай хил дамнасан чөлөөт бүс байгуулах талаар яриа хэлэлцээ хийж байна.

Монгол Улсын Шадар Сайд У.Хүрэлсүх нь өөр танхимд мөн Шадар сайдын үүргийг гүйцэтгэж байхдаа эхлүүлсэн ажлаа өнгөрөгч 100 хоногт гүйцээж хэрэгжүүлсэн нь харагдаж байна. Тухайлбал Онцгой байдлын албан хаагчдын 72 айлын орон сууцыг ашиглалтад оруулсан, Онцгой байдлын албанд БНХАУ-ын Засгийн Газрын буцалтгүй тусламжаар 2.8 тэрбум төгрөгийн тоног төхөөрөмж хүлээн авсан, “Аюулгүй, гамшигт тэсвэртэй хотууд” уриалгад Улаанбаатар, Дархан, Эрдэнэт хотууд нэгдсэн зэрэг хэд хэдэн ажил байгаа юм.

Монгол Улсын Ерөнхийлөгч Ц.Элбэгдорж өнөөдөр Азийн оюутны аварга, Азийн элсний наадмын мөнгөн медальт Монгол Улсын сагсан бөмбөгийн шигшээ баг тамирчдыг хүлээн авч уулзлаа.

Уулзалтад Монголын Сагсан бөмбөгийн холбооны ерөнхийлөгч, Монгол Улсын гавьяат дасгалжуулагч Ц.Цэвэрбал, Монголын Оюутны спортын холбооны гүйцэтгэх захирал Ч. Эрдэнэтуяа, Монголын Сагсан бөмбөгийн холбооны нарийн бичгийн дарга Б.Дамба, багийн ахлагч Д.Гоошоохүү, багийн ахлах дасгалжуулагч С.Тулга, шүүгч Б.Ганзориг тэргүүтэй албаны хүмүүс, тэмцээний үнэ цэнтэй тоглогч Э.Дөлгөөн, тэмцээний гарааны шилдэг тоглогч А.Тэмүүжин, тамирчин А.Гансүх, Г.Чинбат, М.Даваадорж, А.Бямбадорж, О.Энхбаатар, Ц.Отгонжаргал, Б.Батзолбоо, О.Цэлмэг, А.Сүхбат нарын зэрэг шигшээ багийн тамирчид оролцов.

Уг шигшээ багийн тамирчид өнгөрсөн 9 дүгээр сарын 18-25-нд Улаанбаатар хотноо болсон Азийн оюутны аварга шалгаруулах эрэгтэйчүүдийн сагсан бөмбөгийн 6 дугаар тэмцээнд оролцон аварга болж алтан медаль хүртсэн байна. Энэхүү тэмцээнд Монгол Улс, БНХАУ, Хонконг, Макао, Тайвань, БНСУ, Казахстаны оюутны шигшээ багийн тамирчид оролцжээ.

Уулзалтад оролцогсод Монгол Улсын Ерөнхийлөгчийн 2015 онд гаргасан Багийн спортыг дэмжин хөгжүүлэх тухай 144 тоот зарлигийг хэрэгжүүлэн эх орондоо зохион байгуулсан Ази тивийн оюутны аварга шалгаруулах тэмцээнд ялалт байгуулж, Азийн оюутны аварга сагсан бөмбөгийн баг болсон амжилтаа танилцуулсан юм. Энэ нь Ерөнхийлөгчийн зарлигийг амьдралд ойртуулан хэрэжүүлж буйн тод илрэл хэмэн тамирчид үзэж байгаа юм байна.

Энэ 2016 оны хувьд Монголын баг тамирчид олон улсын хэмжээнд хүүхэд, залуучууд, насанд хүрэгчдийн 5 тэмцээнд оролцож 4 медаль хүртсэн байна. Монгол Улсын Ерөнхийлөгчийн Багийн спортыг дэмжин хөгжүүлэх тухай зарлиг ийнхүү үр дүнгээ үзүүлж, Монголд багийн спорт амжилттай хөгжихөд урам өгч, дэм болж байгааг уулзалтад оролцсон тамирчид, дасгалжуулагчид хэлж байлаа.

Мөн Монголын сагсан бөмбөгчид төрөөс ямар нэг дэмжлэг авалгүй өөрсдөө зөв менежмент гарган хараат бусаар 12 жилийн турш ажиллаж амжилтад хүрч байгаагаа танилцуулав. АНУ-аас 3 жилийн хугацаанд МВА зэрэгт тоглож байсан 45 легионер тамирчин авчирч тэднээс багагүй зүйл суралцжээ.

Социализмын үед, 1975 онд болсон ах дүү армиудын спартакиад Монголд сагсан бөмбөгийн төрлөөр тухайн үед болсон хамгийн том тэмцээнд тооцогддог юм байна. Сүүлийн жилүүдэд клубууд олширч, мэдээлэл сайжирснаар хүүхэд, залуус сагсан бөмбөгийн спортоор хичээллэх нь их болжээ. Сагсан бөмбөгийн холбооноос Монгол Улсын 331 суманд өсвөрийн хүүхдүүдийн тэмцээн явуулах, нийслэлийн цэцэрлэгүүд дээр 5-6 наснаас нь сургах төсөл хэрэгжүүлэхээр бодож байгаа юм байна. Монголын багийн спорт социализмын үеэс төдийлөн ахиагүй байгаад дүгнэлт хийх хэрэгтэй гэж тэд үзжээ. Ахиц гаргахын тулд спортын чиглэлийн хуулиудад өөрчлөлт оруулах хэрэгтэй байгааг ч тэмдэглэлээ.

Уулзалтын үеэр Монгол Улсын Ерөнхийлөгч Ц.Элбэгдорж хэлэхдээ “Өнөөдөр та бүхэн Монгол Улсын Ерөнхийлөгчтэй уулзлаа. Цаашаа спорт хариуцсан сайд, байгууллагынхантай уулзаж, гишүүдтэйгээ ажиллаж байж асуудал шийдэгдэнэ. Манайхан спорт, тамирчид гэхээр бөх, морь, сур гурвынхаа хойноос л явдаг. Спортын бусад төрлийг хаяад байгаа. Тиймээс бид сагс, хөлбөмбөг, гар бөмбөг зэрэг багийн спортыг дэмжихээр оролдоод байгаа юм. Энэ санаачилгыг хамгийн дээрээсээ, төрөөс эхэлж гаргах ёстой гэж би бодож байгаа.

Та бүхэнд тодорхой, ашигтай, тустай саналууд байгаа бол түүнд дэмжлэг үзүүлэхэд бэлэн байна. Манайхан хуулийн төсөл боловсруулаад санаа амарчихдаг. Гадаадаас спортын зарим төрөл дээр легионер тамирчин авч ирэх, иргэн болгох зэрэг санаа байж болно.

Хэцүүгүй амьдрал гэж байхгүй учраас та бүхэн зорилго тавиад, тууштай ажиллахад амжилтад хүрнэ гэж би бодож байна.

Хүүхдүүдийн дунд заалны хөлбөмбөгийн тэмцээн зохион байгуулж байгаатай адилаар тийм зүйл хийж болох байх. Цэцэрлэгээс эхлэх хэцүү байж мэднэ. Дунд сургуулиас нь эхлээд хүүхдүүд нас насныхаа ангиллаар тэмцээнд оролцдог хөдөлгөөн өрнүүлэх юм бол их зөв болох байх гэж бодож байна. Спортод элэгтэй явсан хүмүүсийн нуруун дээр л энэ бүхэн явж байгаа. Спортод элэгтэй аж ахуйн нэгжүүдийг, улс төр, нийгмийн зүтгэлтнүүдийг дэмжиж байх хэрэгтэй. Тийм бодол надад байна. Тэр үүднээс өнөөдөр ажлын дундуур та бүхэнтэй уулзъя гэж бодсон юм.

Би спортынхонд цагаан атаархаж явдаг хүн. Дуртай юмаа хийгээд, тоглоод, хүндэтгэл хүлээгээд явах хамгийн сайхан, гайхалтай биз дээ. Тоглох дуртай олон сая хүмүүсээс ялгарах нь хамгийн хэцүү байх. Та нар бол ховор хувь заяатай, азтай улсууд юм гэж бодож байгаа.

Монголчууд багийн спортод амжилт гаргаж чадахгүй гэдэг худлаа. Нэг баг болоод зүтгэхэд бид нар амжилт гаргана. БНХАУ, Казахстан, Тайваний тамирчдын жин ямар билээ. Монгол ямар билээ.

Энэ дотроос монголчууд сахилга, зохион байгуулалтаараа ялгарах ёстой. Монгол хүн онцлог гэдэгт би хувьдаа итгэдэг. Үнэхээр зорилго тавиад явах юм бол бид хэнээс ч дутахгүй гэж боддог. Хамгийн гол нь сахилга, зохион байгуулалт. Багаар ажилладаг, өрсөлддөг, бие биеэ дэмждэг чадвар юманд хүргэх болов уу гэж найдаж байгаа.

Та бүхнийгээ дэмжиж ажиллана. Хамтарч ажиллана. Их баярлалаа. Бүгдэд нь баяр хүргэе” гэлээ.

Энэхүү уулзалтын үеэр Ази тивийн түвшинд аваргын амжилт үзүүлсэн баг тамирчид Монгол Улсын 4 дэх Ерөнхийлөгч Ц.Элбэгдоржид 4 дугаартай цагаан өнгийн өмсгөл, аваргын тэмцээнд оролцсон тоглогчдын гарын үсэгтэй бөмбөг, ялсан баг өөртөө авч үлддэг сагсан бөмбөгийн торыг дурсгал болон өгсөн юм.

Уулзалтын дараа баг тамирчид, дасгалжуулагчид Монгол Улсын Ерөнхийлөгчтэй Есөн хөлт цагаан тугийн дэргэд дурсгалын зураг татууллаа.