“Залуусын хөгжлийн санаачилга- ЗГ-ийн мөрийн хөтөлбөрт” зөвлөгөөн орон даяар эхэллээ

88 хувь нь шалгалтад унажээ

Буудлага спортын ахмадын улсын аварга шалгаруулах тэмцээн Батлан хамгаалахад туслах нийгэмлэгийн Техник спортын төвд өнөөдөр эхэллээ. Тэмцээн 40-49, 50-59, 60-69, 70-79, 80-с дээш гэсэн насны ангилалаар явагдах ба ахмад тамирчид хийн урт, гар буу, хэвтээ 60 сумны дасгалын эрэгтэй, эмэгтэй төрөлд өрсөлдөнө. Өнөөдөр тэмцээний урт бууны дасгалууд явагдах бол маргааш гар бууны төрөлд өрсөлдөнө.

УИХ-ын Тамгын газрын Ерөнхий нарийн бичгийн даргын захирамжаар Тамгын газрын бүтэц, зохион байгуулалтыг өчигдөр шинэчлэн баталжээ.

Ингэхдээ улс орны эдийн засгийн хүндрэлтэй нөхцөл байдлыг харгалзан шинэ бүтцээр Тамгын газрын нийт орон тоог 10 хувиар бууруулсан байна.

Өөрөөр хэлбэл УИХ-ын Тамгын газар өмнө нь 8 хэлтэс, 1 төв, нийт 197 орон тоотой ажиллаж байсан бол шинэ бүтэц, зохион байгуулалтаар 7 хэлтэс, нийт 178 орон тоотой ажиллахаар болжээ.

УИХ-ын Тамгын газар нь УИХ, түүний гишүүд, Байнгын, дэд, түр хорооны үйл ажиллагаанд мэргэжил, арга зүй, техник, зохион байгуулалтын туслалцаа үзүүлэх, ажиллах нөхцлөөр хангах үндсэн чиг үүрэгтэй. Хуулиар заасан энэхүү чиг үүргээ цомхон, чадварлаг бүтцээр шуурхай, чанартай гүйцэтгэх шаардлагыг үндэс болгон Тамгын газрын бүтэц, зохион байгуулалтыг ийнхүү шинэчилжээ. Тамгын газрын үйл ажиллагааны чиглэл, шинэ бүтэц, зохион байгуулалтыг өчигдөр нийт ажилтнууддаа танилцуулж, өнөөдрөөс шинэ бүтэц, зохион байгуулалтаар ажиллаж эхэлсэн аж.

107 тэрбумын өртэй 4000 аж ахуйн нэгжийн дансыг

Фото: Марсын гадаргуу

2017 онд БНСУ-ын их дээд сургуулиудад 4 жилийн баклавр болон 2 жилийн мэргэжлийн зэргээр суралцах оюутан залуусыг сонгон шалгаруулах БНСУ-ын Засгийн газрын тэтгэлэгт хөтөлбөр зарлагдлаа.

1992 онос хойш Монгол улсын нийт 178 хүн уг хөтөлбөрөөр БНСУ-д доктор, магистр баклаврын зэргээр суралцаж төгссөн байна. 2016 оны тэтгэлэгт хөтөлбөрт баклавраар 6 хүн, доктор болон магистрын зэргээр 17 хүн нийт 23 хүн Монголоос шалгарч БНСУ-д суралцаж байгаа юм байна.


Энэ жилийн хувьд Монгол улс дахь БНСУ-ын элчин сайдын яамаар дамжуулж 3 хүн баклаврын хөтөлбөрт шалгаруулж авах ба материалыг 2016 оны 9 дүгээр сарын 27-ны өдрөөс 10 дугаар сарын 4-ний өдрийн хооронд элчийн сайдын яаман дээр хүлээж авах юм байна. Харин байгалийн болон инженерийн мэргэжлээр орон нутгийн их дээд сургуулиудад суралцах 4 жилийн баклаврын хөтөлбөр, 2 жилийн мэргэжлийн коллежид суралцах залуусын материалыг тухайн сургуулиуд нь өөрсдийн хуваарийн дагуу хүлээн авч тодорхой тооны оюутнуудыг сонгон шалгаруулж авах юм байна.


Ерөнхий шаардлагын хувьд өргөдөл гаргагч нь өөрөө болон эцэг эх нь Монгол улсын иргэн байх, 25 нас хүрээгүй байх, дунд сургуулиа дүүргэсэн байх ёстой юм байна.


БНСУ-ын засгийн газрын тэтгэлэгээр төгсөгчдийн холбоо (KGSP Alumni Mongolia) өөрсдийн фэйсбүүк цахим хуудсаар дамжуулан мэдээлэл өгч уулзалт, семинар зохион байгуулж байгаа юм байна.


Дэлгэрэнгүй мэдээллийг та бүхэн доорх хаяг, холбоосоор аваарай.

БНСУ-ын Элчин сайдын яам: http://mng.mofa.go.kr/worldlanguage/asia/mng/bilateral/notice/index.jsp

БНСУ-ын Засгийн газрын тэтгэлэгээр төгсөгчдийн холбоо: https://www.facebook.com/KGSPAlumniMongolia

БНСУ-ын Засгийн газрын мэдээллийн сайт:

http://www.studyinkorea.go.kr/

Зарлагдсан тэтгэлэгт хөтөлбөрийн холбогдох материал татаж авах:

https://drive.google.com/drive/folders/0B5Z4raCaMzgfVmlSd0VEMm1ublU?usp=sharing

потектэй холбоотой өөр нэг мэдээлэл байна. Таван хувийн зээл авахаар нэгэнт хүсэлтээ өгсөн хүмүүст зээл олгохоор болжээ. Монголбанкны Захирлуудын зөвлөлөөс таван хувийн хүүтэй орон сууцны зээлийн санхүүжилтийг зогсоох шийдвэр гаргаж, 2016 оны есдүгээр сарын 5-ны өдөр бүх банкны гүйцэтгэх захирлуудад мэдэгдсэн байгаа. Тэгвэл уг мэдэгдэл хүргүүлэхээс өмнөх таван хувийн зээлүүдийн хүсэлтийг шийдвэрлэж өгөхийг банкууд хүсчээ. Төв банк уг хүсэлтийн дагуу 2016 оны есдүгээр сарын 14-ний байдлаар ирүүлсэн 1,948 зээлдэгчийн 92.2 тэрбум төгрөгийн зээлийг олгохоор шийдвэрлэжээ. Гэхдээ хоёр үе шаттайгаар олгохоор шийдвэр гарсан байна. Эхний ээлжид нэн тэргүүнд олгох үндэслэл бүхий 739 зээлдэгчийн 44.7 тэрбумыг олгохоор болжээ.

ОХУ-ын “РЖД” нийгэмлэгийн удирдлагууд УБТЗ-ын дарга, ерөнхий инженерийн асуудлыг хэлэлцэх шаардлагагүй гэж үзэн хэлэлцэх асуудлын жагсаалтаас хассаныг

Улаанбаатар төмөр замын даргын асуудал монголчуудын төдийгүй оросуудын сонирхлыг татсан асуудал байлаа. Хувь нийлүүлсэн нийгэмлэгийн даргын асуудалд Монгол, Оросын Засгийн газар нэлээд нухацтай хандаж, хэд хэдэн хүний нэр сонсогдож байсан ч одоогийн даргыг нь улираахаар болжээ.

Тодруулбал, ОХУ-ын Москва хотноо өчигдөр /2016.09.27/ Монгол, Оросын хувь нийлүүлсэн нийгэмлэг Улаанбаатар төмөр зам /УБТЗ/-ын ерөнхий хорооны хурал хуралдсан билээ. Зам тээврийн хөгжлийн яамнаас УБТЗ-ын дарга, ерөнхий инженерийг солих саналыг боловсруулан дээрх хурлаар хэлэлцэх асуудлын жагсаалтад багтаагаад байсан юм. Тэгвэл ОХУ-ын “РЖД” нийгэмлэгийн удирдлагууд УБТЗ-ын дарга, ерөнхий инженерийн асуудлыг хэлэлцэх шаардлагагүй гэж үзэн хэлэлцэх асуудлын жагсаалтаас хассаныг эх сурвалж мэдээллээ. УБТЗ-ын ерөнхий хорооны орлогч дарга, Зам тээврийн хөгжлийн дэд сайд Б.Цогтгэрэл УИХ-ын дарга, Ерөнхий сайд нартай зөвшилцсөний дагуу Д.Жигжиднямааг замын даргад нэр дэвшүүлсэн ч ийнхүү оросуудын зүгээс Монголын Засгийн газрын хүсэлтийг хүлээж аваагүй байна.

Ингэснээр одоогийн УБТЗ-ын дарга Л.Пүрэвбаатар, ерөнхий инженер Г.Сэрээнэндорж нар үүрэгт ажлаа үргэлжлүүлэн хийх боломжтой болжээ. Л.Пүрэвбаатар дарга нь гурван жилийн бүрэн эрхийн хугацаатайгаар УБТЗ-ын даргаар 2014 оны нэгдүгээр сард томилогдосноос хойш 1,9 жил ажиллаж байгаа юм. Түүнийг анх томилогдох үед УИХ-ын гишүүн асан Г.Батхүүгийн хүн гэсэн яриа гарч байсан юм. Монгол, ОХУ-ын Засгийн газар хооронд хийсэн гэрээнд УБТЗ-ын даргыг гурав, гурван жилийн хугацаатайгаар ээлжлэн томилно гэж тусгагсдан байдаг. Гэхдээ УБТЗ-ыг сүүлийн 20 гаруй жил Монголын талаас томилж ирсэн бөгөөд энэ хугацаанд долоон хүнийг даргаар томилжээ. Энэ жишгээр ч УБТЗ-ын ерөнхий хорооны орлогч дарга, Зам тээврийн хөгжлийн дэд сайд Б.Цогтгэрэл УИХ-ын дарга, Ерөнхий сайд нартай зөвшилцсөний дагуу Д.Жигжиднямааг замын даргад нэр дэвшүүлж, БТЗ-ын ерөнхий инженерийн албан тушаалыг Оросын талд өгөхөөр тохиролцсон гэсэн яриа гарсан ч ОХУ-ын “РЖД” нийгэмлэгийн ерөнхийлөгч О.В.Белозёров дээрх асуудлыг хэлэлцэх шаардлагагүй гэж үзсэн байна.

Волейболын спортыг сонирхдог залуусыг эрүүл, идэвхтэй амьдралд уриалан, волейболын спортоор хичээллүүлэн багийн ажиллагаанд сургаж, эрүүл чийрэг, шинэ залуу тамирчдыг нээн илрүүлэх зорилгоор Монголын Волейболын Залуучуудын Холбооноос зохион байгуулдаг “D” зэрэглэлийн Улсын аварга шалгаруулах тэмцээн өнгөрсөн амралтын өдрүүдэд ИЗОУИС, УСУГ, “Хүч” спорт хорооны зааланд болж, шилдгүүдээ тодрууллаа. Тус тэмцээнд нийслэлийн дүүргээс 4, хөдөө орон нутгаас 26, төрийн байгууллагаас 2 баг, ААН байгууллагаас 3, боловсорлын салбараас 8, волейболын клубээс 4, ТББ-аас 1 , Найз нөхөд хамт олноороо баг бүрдүүлж орсон 8 багийн 600 гаруй тамирчид оролцож хоёр бүсэд хуваагдан, гурван зааланд өрсөлдсөн юм.

Тэмцээний эрэгтэй төрлийн тэргүүн байранд “Сэлэнгэ Зүүн Хараа”, удаах байранд “Мөрөн Алтай”, “Өмнөговь /Говийн Өгөөж/ багууд тус тус шалгарлаа. Харин эмэгтэй төрлийн тэргүүн байранд “Ганзам” баг, удаах байранд “Зэвсэгт хүчний 0353-р анги”, “БХИС” багууд тус тус шалгарч шилдгээр тодорсон юм.

Тэмцээний хаалтын үеэр Монголын волейболын залуучуудын холбооны үүсгэн байгуулагч Ч.Отгонбаяртай ярилцлаа.

-”Медальд хүрэх зам” ”D” зэрэглэлийн тэмцээн сайхан болж өндөрлөлөө. Энэ удаагийн тэмцээний онцлог юу байв?

-Энэ удаагийн “D” зэрэглэлийн улсын аварга шалгаруулах тэмцээнд нийт 58 багийн 600 гаруй тамирчид оролцож, тэмцээн маань хоёр өдрийн турш гурван зааланд зэрэг болсноороо онцлогтой байлаа. Мөн манай холбооноос зохион байгуулдаг “D”, “C” зэрэглэлийн улсын аварга шалгаруулах тэмцээнүүд зохиогдож эхэлснээсээ хойш маш олон хүнийг хамарч чадсан тэр дундаа хөдөө орон нутгаас Ховд, Завхан, Өмнөговь, Хөвсгөл, Булган, Төв, Говьсүмбэр, Дорноговь, Дархан, Баянхонгор, Архангай, Өвөрхангай, Сүхбаатар, Сэлэнгэ гэх мэт маш олон аймгийн баг тамирчид зорин ирж оролцож байгаа нь манай тэмцээний чанарыг өндөрт өргөж байна. Мөн энэ удаагийн тэмцээнд оролцож баруун, зүүн бүсээс эхний гурваар гарч ирсэн эрэгтэй 6, эмэгтэй 6 нийт 12 баг ирэх аравдугаар сарын 21-23-нд болох “C” зэрэглэлийн тэмцээнд оролцох эрхээ авч байгаа юм.

-“D” зэрэглэлийн тэмцээнийг анх яагаад зохион байгуулахаар болсон бэ?

-Улаанбаатар хотод мэргэжлийн тамирчдаасаа илүү сонирхогчийн түвшинд тамирчдаа эхлээд бэлтгэх ёстой. Дараа нь тэр бэлтгэсэн тамирчдаа ур чадвараар нь ангилан түвшин түвшинд нь тэмцээнийг зохион байгуулах юм бол өрсөлдөөн гарна. Клубын аварга шалгаруулах тэмцээнд гэхэд ур чадваргүй тоглогчид байна. Тамирчин болж төлөвшөөгүй тоглогчид мэр сэр харагддаг. Тэдгээр тамирчдад шат дамжлагатай ритингээ өсгөж дээшээ улсын чанартай тэмцээнд ордог байх хэрэгтэй. Энгэснээр тэмцээний нэр хүнд болоод өрсөлдөөнийг жигд болгож өгнө. Энэ маань юуг хэлээд байна вэ гэхлээр, ур чадвараар нь ангилсан тэмцээн ховор байгаагийн нэг илрэл юм.

-Тэмцээн зохион байгуулж эхэлснээс хойш “D” зэрэглэлийн тамирчдын ур чадварт ямар өөрчлөлт гарч байна вэ?

-Анх “D” зэрэглэлийн тэмцээнийг хийж эхэлсэн үеийг бодвол тамирчдын ур чадвар хамаагүй дээшилж байгаа. Учир нь баг тамирчдын бэлтгэл жигдэрч, тэмцээндээ маш их ач холбогдол өгдөг болсон байна. Мөн хөдөө орон нутгаас орох багийн тоо эрс нэмэгдсэн.Энэ удаагийн тэмцээнд л гэхэд нийт 58 багийн 600 гаруй тамирчид оролцлоо.

-Танай холбооноос ойрын хугацаанд ямар ямар тэмцээн зохион байгуулахаар төлөвлөж байгаа вэ?

-“С” зэрэглэлийн УАШТ маань ирэх аравдугаар сарын 21-23-нд болно. Харин “B” зэрэглэлийн УАШТ арваннэгдүгээр сарын 4-6-нд болно.

-“B” зэрэглэлийн тэмцээнд ямар тамирчид оролцох боломжтой вэ?

-“С” зэрэглэлийн тэмцээний эхний зургаан баг болон клубуудын 2-р зиндааны тамирчид, спортын мастер тамирчид оролцох боломжтой.

”С” зэрэглэлийн тэмцээнд оролцох эрхээ авсан багууд:

Т.Гэрэл

Булган аймгийн Засаг даргыг АТГ-ынхан шалгаждуусав

Коксжих нүүрсний экспорт өсөв

Х.БАТСАЙХАН



АНУ-ын Нью-Мексико мужийн нутагт 1949 онд үл мэдэгдэх нисдэг биет унаж сүйрчээ. Тэр үед нисдэг биет дотроос хүн төрхтэй, 90 см-ээс өндөргүй биетэй хэд хэдэн амьтан гарч ирсэн тухай яриа дэгдээд нам дарагдсан аж. Хэсэг хугацааны дараа үүнтэй адил хоёр ч сүйрэл Аризона мужид болов. АНУ-ын ТТГ энэ тухай мэдээллийг олон нийтээс нууцлан хав дарж байсан ч эцсийн эцэст бүх зүйл олон нийтэд дэлгэгдсэн билээ.


Үл таних нисдэг биетээр ирсэн одой амьтад нь харийн иргэншлийн тагнуулууд болох нь тодорхой болсон юм. Эхний сүйрлээс 16 харь гаригийн хүний шатсан цогцос гарсан бол гурав дахиас нь нэг хүний цогцос бараг бүтнээрээ олдсоныг Чикаго дахь Розенвельдын санд хадгалж байгаа аж. Нисдэг биетээс бидний мэдэхгүй утга үсэг бүхий мэдээлэл дамжуулах төхөөрөмж олджээ.


Гэтэл, ТТГ хамгийн чухал мэдээллийг дэлгэлгүй үлдээсэн нь илэрч, жинхэнэ шуугиан тарилаа. Эхний хөлгийн 16 гишүүн шатаагүй, амьдаараа олзлогдсон болох нь тодорхой болов. ТТГ-ын ажилтнууд тэднийг манай гариг дээр ямар санаа зорилго өвөрлөн ирснийг асууж байцаасан боловч тэд юу ч яриагүй (ярьж чадахгүй байсан гэвэл илүү онох биз) аж. Нэг нь л харин нарны аймгийн зургийг үзүүлэхэд хуруугаараа Сугар гаригийг заасан байна. Энэ үед сэргэлэн ажилтнуудад тэднийг Буд гаригийнхтай төстэй орчинд байлгах санаа төржээ. Тэгээд нүүрсхүчлийн хий бүхий Буд гаригийн агаартай орчинд оруулахад харийн амьтад илт сэргэж, гэртээ байгаа мэт тааламжтай байжээ. Энэ талаар тухайн үеийн бараг бүх хэвлэл мэдээллийн хэрэгслээр бичигдсэн ч АНУ-ын Зэвсэгт хүчин, Засгийн газрын зүгээс ямар ч няцаалт хийгээгүй юм.


Энэхүү мэдээлэл одоо ч гэсэн олон хүний сэтгэлийг догдлуулсаар байгаад гайхах юмгүй. Нууцлаг амьтдын эхний эгнээнд харь иргэншлийн амьтан ордог болох нь нэгэнт тогтоогджээ.

Төв аймгийн Улаан Загалмайн хорооноос гоц халдварт өвчин гарсан Баян, Баянцагаан, Баянжаргалан, Мөнгөнморьт, Баянхангай зэрэг сумдын бүст хорио цээр тогтоон ажиллаж байгаа 57 албан хаагчдад хөнжил, гудас, дулаан хувцас, ариун цэврийн хэрэглэл зэрэг эд материалын тусламжийн барааг аймгийн Онцгой байдлын газарт хандивлажээ.

Замын цагдаагийн газрын ЖШУХ-т өчигдөр нийт 333 дуудлага, мэдээ мэдээлэл хүлээн авснаас 260 нь зам тээврийн ослынх байсан байна.

“Сондор хилэн” төвийн багш, захирал С.Төмөрбат: Монгол хүний нэр төрөө эрхэмлэдэг сэтгэл зүй хэл сурахад их дөхөмтэй байдаг

Бидний дунд англи хэл сурах гэж оролдоод удаа дараа бүтэлгүйтсэн, өөрийгөө авьяас чадваргүй хэмээн голж шантарч яваа хүн хичнээн их байдгийг таашгүй. Тэдгээр хүмүүст “Нэг сарын хугацаанд англи хэлний дүрэм, цагууд, яриаг маш цэгцтэй сайн зааж сургаад зогсохгүй ямар ч залхуу, тогтож сууж чаддаггүй хүнийг сургаж дөнгөдөг гэнэ” гэх яриа итгэмээргүй “даажигнал” ч юм шиг санагдаж болох. Гэхдээ олны үг ортой гэдэг. “Сондор хилэн” төвийн захирал, С.Төмөрбат багш дээрх сургалтыг явуулдаг бөгөөд үр дүн нь маш сайн гарч байгааг дуулаад эрхгүй сониучирхлаа. Англи хэл сурахыг хүсдэг ч зөв арга барилаа олоогүй, өөрийгөө бүрэн дайчилж чаддаггүй олон хүнд бидний яриа хэрэг болох болов уу. Хэвлэл мэдээллээр төдий л сурталчилгаа хийдэггүй тэдний хувьд төгсөгчдийн сэтгэгдэл, аман яриа хамгийн хүчтэй “PR”. Харин сайн сургаж чаддагийнх нь баталгаа нь хэд хэдэн зузаан хавтас дүүрэн төгсөгчдийн талархсан, санаанд оромгүйгээр англи хэл сурсан тухай гараар бичсэн сэтгэгдлүүд аж.
-Хэд хэдэн сургалт дамжсан ч англи хэл сурсангүй гэх хүмүүс олон байдаг. Харин хүнийг өөрийн эрхгүй мэрийлттэй болгож, үр дүнтэй сайн сургаж байгаа эрчимжүүлсэн сургалтын хөтөлбөрийг боловсруулахад таны олж харсан, үндэслэсэн зүйл юу байв?
-Миний хувьд 1995 онд их сургуулиа төгссөнөөс хойш багш хүн хаана ажиллаж болох тэр бүх газарт ажиллаж байсан. Тэгэхдээ нэг жил англи хэл үзсэн хүн, 10 жил хэл үзсэн бүр их сургуулиа төгсөөд ирсэн хүмүүс яг адилхан түвшинд байгаатай олон удаа таарч байлаа. ЕБС-ийн дунд ангиасаа англи хэл үзэж, их сургуульд бас 3-4 жил үзсэн хэрнээ санал бодлоо энгийн түвшинд илэрхийлж чадахгүй, шалгалт авахад хангалттай дүн өгч чаддаггүй.Англи хэл сурсан ч биш сураагүй ч биш хоёрын хооронд байгаа иймэрхүү хүмүүст зориулж, нэг сарын эрчимжүүлсэн тусгай хөтөлбөр боловсруулаад 2006 оны 2 дугаар сард сургалтын төвөө байгуулж байлаа.
Тухайн үед эргэлзээ төрж байсан ч сургалтаа явуулаад ирэхэд гайхмаар үр дүн харагдсан. Нууц нь юу байв гээд эргээд бодохоор хүмүүсийн хэрэгцээ шаардлага хамгийн гол хүчин зүйл болж өгсөн байдаг. ЕБС , их сургуульд хүүхдүүд зөвхөн англи хэл гэдэг хичээл үзэхгүй. Маш олон хичээл үзэж, өөр өөр шалгалтууд өгнө. Англи хэл түүнийх нь нэг л хэсэг. Харин миний оюутнууд англи хэл сурахгүй бол болохгүй нь гэдгийг эд эсээрээ мэдэрчихсэн, хоолойн дээр нь тулчихсан хүмүүс байдаг. “Би 2500 долларын ажилд ормоор байна. Гэтэл 20 настай охин миний урдуур орчихлоо. Тэр надаас англи хэлээрээ л илүү” гэдэг. Тэр хүн сурах агуу их хүсэлтэй, харин би чин сэтгэлээсээ заагаад өгье гэсэн хүсэлтэй. Энэ хоёр хүсэл нийлээд эцэст нь гайхалтай үр дүнг бий болгодог.
-Төгсөгчдийн сэтгэгдэлүүдийг харж байхад нэг сарын турш маш их даалгавар өгдөг, нойргүй хонох энүүхэнд байдаг нь ажиглагдсан. Энэ дундаас хүн юм сурна гэхээр үнэндээ амаргүй санагдсан...
-Бид англи хэл сурахаар ирж байгаа хүмүүст нэгдүгээрт ажил, амьдралаа 100 хувь зохицуулаад, нэг сарын хугацаанд өөр зүйлд сатаарахгүй байх бүх арга хэмжээг аваад ирээрэй гэж хэлдэг. Өглөөний 9 цагаас оройны 16.30 хүртэл хичээллэж, хариад ч маш их даалгавар хийх учраас баяр тэмдэглэх, найз нөхөдтэйгээ уулзах ямар ч боломж гарахгүй. Хоёрдугаарт англи хэл сурах маш их хэрэгцээ шаардлага, хүсэл зорилготой байх ёстой. “Сарын дотор сурна гэдэг ч худлаа байх, гэхдээ яахав суугаад үзье” гэсэн хүмүүс их ирдэг. Эхний өдөр хүмүүстээ би та нар өөрсөддөө ямар шаардлага тавих вэ гэдгээ ярилцдаг.
Тэгээд энэ шаардлагыг биелүүлж чадна гэсэн хүмүүс нь үргэлжлүүлж, шөнө даалгавар хийгээд нойргүй сууж чадахгүй ачаалал даахгүй гэсэн хүмүүс нь явж болно оо гэдэг. Үнэхээр суръя гэсэн хүмүүстээ хайр хал хоёрыг зэрэгцүүлнэ дээ. Болж байгаа хүмүүсээ магтана, урамшуулна, юм хийгээд байгаа мөртлөө үр дүн гарахгүй байгаа хүмүүстэй жич уулзана, өөр арга барил хэрэглэнэ.
Нэг сарын хугацаанд чи үнэхээр зовно, зовсны эцэст жаргана гэж би оюутнууддаа хэлдэг. Надад итгэ, өөртөө итгэ, сарын дараа ямар болохоо хараарай гэж хэлдэг. Үр дүнгээ сар бүр үзэж байгаа болохоор би хичээлээ дэндүү итгэлтэй заадаг юм. Яахав өөрийгөө дайчилж чаддаггүй, юмыг хойш нь тавьдаг цөөн нэг хүн замаасаа сэмээрхэн гараад явчихдаг. Харин дийлэнх нь багштайгаа хамтдаа зүтгээд үр дүн гаргаж чаддаг.

-Таны олон жилийн туршлагаас харж байхад хүмүүс англи хэл сурахдаа юун дээр алдаа гаргаж байна?
-Хамгийн гол нь сурах арга барил. Ширээн дээр хоол ч байсан, хор ч байсан ялгаагүй бүгдийг аваад ам руугаа хийгээд байгаатай яг адилаар, хэзээ хаана хэрэглэхээ мэдэхгүй англи хэлээр юу л байна, тэр бүхнийг толгой руугаа хийгээд байдаг. Нэг ёсондоо толгойгоо хогийн сав болгож орхидог. Харин бид, бүгдийг эхнээс нь маш цэгцтэй заан, нэг дүрэм үзлээ гэхэд юунд хэрэгтэй, яриатай яаж холбогдох вэ гээд л цогцоор нь заадаг. Даалгавараа эргээд нэхэл хатуутай шалгана. Хийхгүй бол хичээлд суулгахгүй хөөнө шүү гэхээр хийгээд ирдэг. Үнэндээ дээхнэ үеийн дектатурын аргыг хэрэглэдэг гэх үү дээ. Зөвхөн багшид үзүүлэхийн төлөө биш, өөрийнхөө төлөө хийж ир гэсэн зарчмыг, бид суралцагсдынхаа тархинд суулгаж өгдөг. Хичээл заах явцад судалгааны зүйлүүд маш их гарч ирнэ.
Багш хүн 400 мэргэжил эзэмшсэн байх ёстой гэдэг шүү дээ. Заримдаа би дуулна, шүлэг уншина, жүжиглэнэ, орилно гээд гадаад хүний сэтгэл хөдлөлийг их гаргадаг. Монгол хүний бүрэг ичимтгий зангаар хэл сурахгүй, галзуу юм шиг чөлөөтэй бай гэдэг. Амаа хөдөлгөж байж л хэлтэй болноо л гэсэн үг.
-Энэ сэтгэгдэлүүдийг уншиж байхад, зөвхөн хэл сурах биш маш олон зүйлийг суралцаад гардаг гэсэн байна. Цаашдын хүсэл мөрөөдөл итгэл найдварыг нь та хөглөж өгдөг бололтой юм?
-Тийм шүү. Хэл сурахаас гадна, цаг барих, тогтож суух, өөрийгөө дайчилж сурах, зорилготой болох, гээд олон чухал чанаруудыг суулгаж өгдөг.. Өдөр болгон шалгалт авна, даалгавраа хийгээгүйгээс хангалтгүй дүн авсан хүмүүсийн нэрийг чангаар дуудна. Тэгэхээр хүүхэд ч бай, насанд хүрсэн хүн ч бай нэг юм бодно. Хүнийг сурахаас аргагүй байдалд оруулдаг гэж хэлж болно. Хамт сурч байгаа хүмүүс нь адилхан юу ч мэдэхгүй орж ирсэн хэрнээ мэрийгээд, сайн үр дүн гаргаж байхад би яагаад чаддаггүй юм гэсэн бодолд эрхгүй автуулдаг. Ингэж монгол хүний нэр төрөө эрхэмлэдэг сэтгэлзүй дээр тоглох нь маш үр дүнтэй байдаг.
-Бүтэн өдрийн гүнзгий ангийнхаа хөтөлбөрийн талаар манай уншигчдад сонирхуулаач?
-Бүтэн өдрийн 1 дүгээр шатны ангийг төгссөн оюутнууд маань, олж авсан мэдлэгээ гүнзгийрүүлэн энэ эрчээрээ илүү ихийг сурмаар байна гэсэн хүсэлт тавьдаг байсан. Шавь нарынхаа удаа дараагийн хүсэлтээр сүүлийн 5 жилд судалгаа хийн сургалтын хөтөлбөрөө боловруулсаны дүнд энэ ангиа нээгээд байна. Гэхдээ заавал манай төвийн нэгдүгээр шатны төгсөгчид гэлтгүй англи хэлний ахисан дунд түвшиний мэдлэгтэй хүмүүст зориулсан анги гэж хэлж болно.
- Энэ ангид сурснаар ямар шатны мэдлэг олж авах вэ?
- Бүтэн өдрийн 1 дүгээр шатны сургалтад анхан, завсар дунд, ахисан дунд зэрэг 4 шатны ангийг эзэмшээд төгсдөг бол, бүтэн өдрийн 2 дугаар шатны сургалтад, ахисан дунд гүнзгий гэсэн хоёр шатны мэдлэгийг эзэмшээд төгсөнө. Өөрөөр хэлбэл энэ сургалтыг төгсөөд TOEFL, IELTS-ийн бэлтгэлд шууд сурах боломжтой гэсэн үг. Нэг ёсондоо дүрэм, орчуулга, сонсгол ярианы хичээлүүдээ мэдээлэл, мэдлэг, чадвар, дадал болтол нь цогцоор заадгаараа энэхүү сургалт маань онцлог болж байна.
-Шавь нарынхаа хүсэлтээр энэ ангиа нээсэн гэсэн. Төгсөгчид нь хэр сэтгэл хангалуун байна вэ?
- Үнэндээ миний төсөөлж байснаас ч илүү сэтгэл хангалуун төгсч байгаад багш хүний хувьд баяртай байна. “Сондор хилэн” сургалтын төв маань сүүлийн үеийн судалгаан дээр тулгуурлан сургалтын хөтөлбөрөө боловсруулдаг.
Сүүлийн 5 жилд судалсаны үндсэнд, гарсан хөтөлбөр учраас төгссөн оюутнууд маань яг бидний хүсч хүлээж байсан сургалт боллоо гэлцэж байна.
Яагаад энэ анги маань хүмүүсийг баярлуулаад байна вэ гэхээр, боловсруулсан хөтөлбөртөө байгаа юм. Оюутнуудаа дадлагажуулах дүрмээ өөрийн болгох хүртэл нь, өдөр бүр дүрмийн хичээл ордог. Нэг сэдвийн хүрээнд гурван улсыг харьцуулсан орчуулга хийнэ. Тухайн улсын түүх соёл, төрийн дуулал, ёс заншил нь ямар байдаг талаар харьцуулсан сэдвийн хүрээнд мэдээлэл өгдөг. Мэдээллийг нь мэдлэг болгож, мэдлэгийг нь чадвар, чадварыг нь дадал болтол унших, бичих, ярих, сонсох гэсэн 4 дадлыг цогцоор нь орж байгаа учраас энэхүү сургалт маань үр дүнтэй болж байна. Өнөөдөр бид мэдээллийн эрин зуунд амьдарч байна. Тэр ч утгаараа нийгэмтэйгээ хөл нийлүүлэн алхаж, сүүлийн үед гарч байгаа мэдээллүүдийг орчуулан сургалтын хөтөлбөртөө ашиглахыг бид гол зорилгоо болгон ажилладаг.
-Бүтэн өдрийн гүнзгий ангид ямар мэдлэгтэй хүн суралцаж болох вэ. Таны сургалтад суугаагүй ч, гүнзгийрүүлсэн мэдлэг олж авахыг хүсч байгаа хүмүүс хамрагдаж болно биз дээ?
-Бололгүй яахав. Манай бүтэн өдрийн 1 дүгээр шатны сургалтад хамрагдаагүй ч, дундаас дээш шатны англи хэлний мэдлэгтэй хүмүүс, манай сургалтын төвд ирээд шалгалт өгөх хэрэгтэй. Шалгалт өгөөд тэнцвэл бүтэн өдрийн гүнзгий ангид хамрагдах боломжтой. Ер нь аль ч сургалтын төвүүдэд очсон дахиад л 26 цагийг давтан заадаг өөр юм сурмаар байдаг гэсэн олон хүнтэй таарч байлаа. Яалтчгүй үзэж судалсан зүйлээ дахин дахин үзэх сонирхолтой биш шүү дээ. Тиймээс манай бүтэн өдрийн гүнзгий анги нь 26 цагийг заахгүй харин 26 цаг дээр суурилаад англи хэлний гүнзгий түвшиний бүх дүрмийг үзэж судалж дуусгана.
-Орон нутгаас суралцахыг хүсэгчид хэр их ирдэг вэ. Ажлаа зохицуулаад сурья гэвэл танай сургалт орон нутгийнханд илүү тохиромжтой санагдлаа?
-Тэгэлгүй яахав. Орон нутгаас хүмүүс цаг заваа зарцуулаад очвол яах вэ гэж их ярьдаг. Манай сургалтын төвийн бүх сургалтуудын эхлэх өдөр, дуусах өдөр нь тодорхой байдаг. Яг эхлэх өдрөө эхлэдэг болохоор орон нутгийнхан ажил амьдралаа зохицуулаад суралцах бүрэн боломжтой. Энэ дашрамд хэлэхэд зуны гурван сарын хуваарь гарсан байгаа.
–Танай сургалтын төвийн орчин их сайхан юм. Сурахад орчин бас их чухал байх шүү?
- Мэдээж сайн багш, шилдэг аргачлал, боловсронгуй хөтөлбөрөөс гадна тав тухтай сургалтын орчин их чухал. Улаанбаатар хотын А бүсэд орших, Энхтайвны гүүрний зүүн хойд талд, Сөүл рестораны баруун талд шинээр баригдсан 13 давхарын 6-н давхарт “Сондор хилэн” төв саяхан нүүж ирсэн. Шинэ байранд ороод суралцагсдынхаа цаг зав, түвшинд тааруулсан шинэ шинэ сургалтын хөтөлбөрүүд боловсруулж, суралцагсдаа хүлээж авахад бэлэн болоод байна.
Хэл сурахад өөрийн хичээл зүтгэл яах аргагүй чухал нөлөөтэй ч нөгөө талаас өөрийг нь эрхгүй хурцалж, дайчлуулж чадах багшийн уран арга чухал түлхэц болдог гэлтэй. “Багшлах бол миний ясны хобби” гэж хэлсэн Төмөрөө багш 7 дугаар ангиасаа эхэлж багш болохыг мөрөөдөж, түүндээ ч хүрчээ. Зөвхөн хичээл заах биш хүмүүст давхар итгэл найдвар, хүсэл мөрөөдлийг өгч чаддаг ийм хүн л хүнд юм сургаж чаддаг юм байна даа гэж эрхгүй бодсон билээ.
Ирэх сарын сургалтууд 10 сарын 03 -нд эхлэнэ.

БҮТЭН ӨДРИЙН АНГИУД

1. Насанд хүрэгчдэд зориулсан
БҮТЭН ӨДРИЙН ЭРЧИМЖҮҮЛСЭН АНГИ
2. Хүүхдүүдэд зориулсан
БҮТЭН ӨДРИЙН ЭРЧИМЖҮҮЛСЭН АНГИ
3. Бүтэн өдрийн ангийг төгсөгчидөд зориулсан
БҮТЭН ӨДРИЙН ГҮНЗГИЙ АНГИ



ЦАГИЙН АНГИУД

1. Өглөөний анги 06.30-08.30 08.30-10.30
2. Өдрийн анги 10.30-12.30 12.30-14.30 14.30-16.30
3. Оройн цагийн анги 16.30-18.30 18.30-20.30 20.30-22.30


ТУСГАЙ СУРГАЛТУУД

1. VIP СУРГАЛТ
2. БАЙГУУЛЛАГЫН СУРГАЛТ
3. ЭЕШ-д БЭЛТГЭХ АНГИ
4. Монгол багштай ЯРИАНЫ АНГИ
5. Гадаад багштай ЯРИАНЫ АНГИ
6. ГАНЦААРЧИЛСАН СУРГАЛТ
7. ХАГАС САЙН ӨДРИЙН СУРГАЛТ
8. БҮТЭН САЙН ӨДРИЙН СУРГАЛТ
9. МОНГОЛ БИЧГИЙН СУРГАЛТ


 Хаяг: Энхтайвны гүүрний зүүн хойно Park place-ийн 6 давхарт. (Шинээр баригдсан 13-н давхар барилга)
 Утас: 9911-2414, 9999-2414, 99283293, 98103020.
 WEB: www.sondorkhilen.mn
 PAGE: http://www.facebook.com/Sondorkhilen English language center

С.Жавхлан ахмадын баярыг угтаж тойргийн иргэдээ их цэвэрлэгээнд уриалав

Ам.долларын ханш өнгөрсөн долоо хоногоос чангарч эхэллээ.

ЮНЕСКО жил бүрийн есдүгээр сарын 28-ны өдрийг “Мэдээлэл олж авах түгээмэл эрхийн олон улсын өдөр” болгон тэмдэглэж байхаар өнгөрсөн онд шийдвэрлэсэн.