Архангай аймгийн Тариат сумын нутаг дахь Тэрхийн төмөр бетон гүүрэнд эвдрэл гарсан учир наадмын өмнө буюу долдугаар сарын 3-наас хаасан. Улмаар түр гүүр байршуулсан юм. Уг гүүрээр нэвтрэхэд зэвсэгт хүчний албан хаагчид тусалж байгаа аж.

Улсын хэмжээнд 2016 оны эхний хагас жилд 38689 эх амаржиж, 38867 хүүхэд төрүүлсэн байна. Харин нас баралт 8295 болж,
өмнөх оны мөн үеийнхээс 138 хүн буюу 1.7 хувиар өсчээ. 1000 хүн тутамд 12.9 хүүхэд төрж, 2.7 хүн нас барж, ердийн цэвэр өсөлт 10.2 болов. Өмнөх оны мөн үеийнхээс 1000 хүнд ногдох төрөлт 0.7 пункт, хүн амын ердийн цэвэр өсөлт 0.7 пунктээр буурч, нас баралт өмнөх оны мөн үеийн түвшинд байна.

Энэ оны эхний хагас жилд 1000 хүнд ногдох төрөлт улсын дунджаас Улаанбаатар хотод 1.8, Баян-Өлгий 1.5, Говьсүмбэр 1.0,
Ховд 0.7, Дорнод аймагт 0.6 пунктээр дээгүүр, харин Төв 6.1, Булган 5.5, Сэлэнгэ 4.2, Архангай 2.5, Завхан 2.3, Говь-Алтай 2.1, Сүхбаатар 2.1, Өмнөговь 1.5, Хэнтий 1.5, Дундговь 1.4, Хөвсгөл 1.3, Дорноговь 1.3, Баянхонгор 1.2, Өвөрхангай 1.2, Дархан-Уул 0.6, Увс 0.3, Орхон аймагт 0.3 пунктээр улсын дунджаас доогуур байна. 1000 хүнд ногдох нас баралт Дорнод 0.8, Дундговь 0.6, Баянхонгор 0.5, Хөвсгөл 0.5, Өвөрхангай 0.4, Увс 0.3, Сүхбаатар 0.3, Говь-Алтай 0.2, Завхан 0.2, Баян-Өлгий 0.1, Дорноговь 0.1, Сэлэнгэ аймагт 0.1 пунктээр улсын дунджаас дээгүүр, харин Ховд 0.3, Говьсүмбэр 0.3, Хэнтий 0.3, Өмнөговь 0.2, Төв 0.2, Архангай 0.1, Булган аймаг 0.1, Улаанбаатар хотод 0.1 пунктээр улсын дунджаас доогуур, Орхон, Дархан-Уул аймагт улсын дундажтай ижил түвшинд байна. Хүн амын ердийн цэвэр өсөлт Улаанбаатар хотод 1.9, Баян-Өлгий 1.4, Говьсүмбэр 1.3, Ховд аймагт 1.0 пунктээр улсын дунджаас дээгүүр бусад аймагт улсын дунджаас доогуур байна.

Зун бол тэр чигтээ амралт бус завгүй хэмнэлээ эвдэн бусдаас нэг шатаар ахих боломжийг авчирдагаараанэн таатай билээ. Энэ үеийг ашиглан зурагтын удирдлага, ухаалаг төхөөрөмжүүдээс түр ч болов холдон өөртөө цаг зав гаргаарай.

Амралт зугаалгын гэгддэг эдгээр өдрүүдэд гэрийнхээ хаяанд, эсвэл холгүй орших модны сүүдэрт, аль эсвэл бүр түргэн урсгалт голын хөвөөнд, тасралтгүй бороо орсон уйтгартай саарал өдрүүдэд дуртай номоо бариад суух нь танд яах аргагүй шинэ мэдрэмжийг өгч сайхан амралт болж чаддаг билээ.Иймдта бүхэндээ зориулан амралтаараа унших 20 номыг танилцуулж байна.
1. Хайрлах урлаг

Хамгийн эхний танилцуулах ном бол мөнхийн сэдэв болох “Хайр”-ын тухай ном юм. Гэвч энэхүү ном нь танд хайрын тухай бэлэн жорыг хэлж өгөхгүй боловч хэрхэн хайрлах арга замыг зааж өгөх болно. Уг номын зохиогч Эрих Фромм хүн хайранд суралцаж гэмээнэ бусдыг хайрлаж чаддаг болно хэмээсэн байдаг. Иймээс та ч бас хэрхэн зөв хайрлах аргад суралцаарай.
2. Франц хүмүүжлийн нууц: bebe өсгөхүй

Ээж та шөнө бүр хэд хэд босож, хүүхдээ хөхүүлэн дутуу нойртой хоноод, өглөө нь ажилдаа гүйж, орой нь хүүхэддээ санаа зовж яарсаар гэртээ харьдаг уу?Тэгвэл зарим орны ээж нар тэгж “зовдоггүй”, харин ч өөртөө анхаарч, нийгмийн амьдралд идэвхтэй оролцдог ба хүүхэд нь ч ээжийнхээ энэ байдлыг ойлгох мэт хэдхэн сартайгаасаа эхлээд шөнө сэрэлгүй унтаж сурсан байдаг гэвэл ямар байна?

Америкийн Уолл Стрит Журнал сонины сурвалжлагчаар ажиллаж байсан Памела Дракерман хэмээх бүсгүй франц хүмүүжлийн нууцыг таны өмнө нээж байна.
3. 1Q84

Унших ном болгон тань бүхнийг заасан сургаалийн шинж чанартай байж болохгүй шүү дээ. Амарч зугаалангаа уран зохиолын ном унших нь хамгийн сайхан амралт болно. Тиймээс Японы төдийгүй дэлхийн пост модерн уран зохиолын гол төлөөлөгч Мүраками Харүкигийн алдарт “1Q84” цуврал романыг танд санал болгож байна.

Зохиолч уг бүтээлийнхээ санааг 1995 онд Токио хотын метронд хорт хий тавьж олон хүний амь насыг сүйтгэсэн “Ум шинри кёо” шашны байгууллагын өдүүлсэн гэмт хэргийн бодит түүхээс сэдэвлэсэн хэмээдэг бөгөөд үүнээс гадна өөрт нь ихээр нөлөөлсөн кино, хөгжим, утга зохиолоос иш татаж, зохиолдоо шигтгэж өгснөөр уншихад энгийн ойлгомжтой хэрнээ аялгуу хэмнэл сайтай, нарийн мэдрэмж, төсөөлөхүй дагуулсан онцлог бүтээл болж чадсан хэмээн уншигчид дүгнэдэг
4. Гэрэл зураг сонирхогчдод зориулсан гарын авлага

Аялал зугаалгын салшгүй нэг хэсэг бол гэрэл зураг. Тиймээс бид танд дараах номыг санал болгож байна.Мэдээлэл, заавар, тэмүүллээр дүүрэн энэ ном таны зургийн аппарат юу хийж чадах болон түүнийг хэрхэн ашиглахыг тайлбарласан тул анхан шатны гэрэл зураг сонирхогчдын сайн нөхөр болж чадна. Мөн та уран сэтгэмжээ ашиглан өөрөө шийдвэр гаргаж зураг авах нь хэр таатай болохыг мэдрэхээс гадна зургаа хүссэнээрээ өөрчилж чаддаг болно. Энд энгийн фокуслахаас эхлэн нүд булаам тусгай эффектүүдийг хэрхэн бий болгохыг алхам алхмаар дэлгэрэнгүй тайлбарласан байгаа.
5. Баатар

Та бусдаас онцгой. Хэн болж, юу хийж бүтээхийн төлөө энэ ертөнцөд ирсэн шалтгаан чинь бусад долоон тэрбум хүний хэнтэй нь ч давхцахгүй. Танд өөрийн гэсэн амьдрах ёстой амьдрал, замнах ёстой аян зам бий. Энэ ном танд тэр аян замын тухай өгүүлнэ.

Туйлын мөрөөдлөө биелүүлэхэд шаардлагатай бүх зан чанар бидэнд төрөлхөөс заяагдсан байдаг бөгөөд тийнхүү мөрөөдөлдөө хүрснээрээ бид амьдралынхаа зорилгыг биелүүлж, хорвоог өөрчилдөг болохыг та энэ номоос харах болно.
6. 365 үдэш

Амьдралын эх үндэс чухамдаа хүүхэд ахуй насанд л тавигдах ёстой гэдэгтэй санал нийлэхгүй хүннэгээхэн ч үгүй билээ. Энгийнээр тайлбарлавал та хүүхэддээ хэрхэн хандана, хүүхэд тань ирээдүйд тийм л хүн болно гэсэн үг. Тиймээс танд 365 үдшийг хүүхэдтэйгээ хамтдаауншиж, хамтдаа мөрөөдөж, хүүхдийнхээ оюун ухааны өсөлт хөгжилтөд анхаарахад тань дэм болох зорилгоор энэхүү номыг санал болгож байна.Таны халуун дулаан хайрыг мэдрэн, танин мэдэхүй, уран сэтгэмж, үлгэр домгийн ертөнцөөр хамт аялах бяцхан үрийнхээ баяр баясгалан гэрэлтсэн нүдийг нь олж харахаас илүү аз жаргал бий гэж үү.
7. Монгол нүүдэлчдийн тайлбар толь

Монголчууд бид зун болмогц байгалийн сайхныг мэдэрч, нүүдэлчин соёл ахуйдаа ойртохоор эх орныхоо дөрвөн зүг найман зовхист аялал амралтаа өнгөрөөдөг билээ. Энэ үедээ тауламжлалт зан заншил, соёл, хоол хүнсний өвөрмөц онцлог, ахуй амьдралын хэв маягийг илүү сайн мэдэрч ойлгоход тань энэхүү ном тусална.
8. Саран хөндий (сонсдог ном)

Хол ойрын аялал, аян замын уртад машиндаа сонгодог зохиолыг сонсонгоо байгалийн сайхныг мэдэрч явах нь амралтын олон сайхан мөчүүдийн нэг юм. Тиймээс бид танд Саран хөндий зохиолыг санал болгож байна. Зохиолын гол баатар Билл, Саксон хоёр ч бас нийгмийн хамгийн муу муухай бугшсан нүргээнт хотоос жинхэнэ аз жаргалаа олохгүйг ухааран их хотыг орхиж байгалийн онгон зэлүүд нутгийг зорихоор шийдэж байгаагаар дүрслэгддэг.
9. Грэйгийн амьдралын тавин сүүдэр (Fifty Shades of Grey)

Сургуулиа дөнгөж төгссөн Анастасия Стийл амжилт арвинтай бизнес эрхлэгч Крисчен Грэйтэй анх уулзсан даруйд тэдний амьдралыг эргэлтгүй өөрчлөх эмзэг харилцааны оч харважээ. Крисчений ер бусын эротик таашаалд цочирдож, эвгүйцсэн Ана түүнээс зан харилцаагаа өөрчлөхийг шаарддаг. Анаг авч үлдэхийн тулд Крисчен аргагүй зөвшөөрнө. Ана, Крисчен хоёрт хайр, дур хүсэл, дотносол, эд баялаг, гялалзсан ирээдүй гээд бүх юм байв. Гэвч Ана хайртай залуу нь тийм амар хүн биш болохыг, тэд хамтдаа байвал хэн хэн нь төсөөлөөгүй сорилтой тулахаа мэднэ. Ана өөрийн оршихуйг хөндөхгүйгээр Крисчений баян тансаг амьдралын хэв маягт зохицох учиртай болно. Харин Крисчен бүхнийг хянах гэдэг хэнээрхлээ даван туулахаас аргагүй болж, хар бараан өнгөрсөн амьдралынхаа ад зэтгэртэй тэмцэлдсээр байна. Тэдний хамтын хүч ямар ч саад бэрхшээл, азгүйтэл, өшөө хорслыг бүдгэрүүлэх шидтэй юм шиг санагдавч Анагийн сэтгэлийн гүн дэх айдас биелэх тавилантай аж.
10. Анна Каренина

Зуныг хайрын сэдэвтэй роман, зохиолгүйгээр төсөөлөхийн аргагүй. Нөхөрт гарсан баян хатагтай Анна Каренинагийн жавхаалаг офицер Вронскийд өгсөн эмгэлэлт, нууц дурлалын түүхийг уг номонд өгүүлнэ.

Аннагийн бүх зүйл бүтэмжтэй, хэргэм язгуур өндөр эр нөхөр, хайрт хүү, эд хөрөнгө хийгээд ихэс дээдсийн хүрээлэлд өөрийн байр сууриа олсон гээд бүх зүйл байх боловч сэтгэлийнх нь гүнд өчүүхэн гэмээр хоосон зай оршсоор ирсэн нь хайр сэтгэлийн аз жаргалд тэмүүлэх оргилуун хүслэн байлаа.
11. Маанаг

1868 онд бичигдсэн боловч өдгөө хүртэл хүн төрөлхтөн шимтэн уншсаар бүтээл бол Оросын нэрт зохиолч Достоевскийн “Маанаг” хэмээх энэхүү бүтээл билээ. Ганцхан зун ч гэлтгүй таны заавал унших номын жагсаалт байх ёстой энэхүү бүтээлдээ зохиолч төгс /идеальный/ хүний дүр бүтээх зорилго тавьсан гэдгээ өөрийн захидалдаа дурдсан байдаг. Харин хаанаас тийм хүнийг “төрүүлэх” билээ? Гажиж эвдэрсэн энэ нийгэмд тийм хүн төлөвшин бий болж чадах уу?.
12. 1984

“Мянга есөн зуун наян дөрөв” бол хар дарсан зүүд мэт айдас хүйдэс ноёлсон, бүхнийг эрхшээгч цагдаагийн улс ирээдүйд тогтож буй тухай өгүүлсэн, зөгнөлт роман юм.Энэхүү зохиолд дүрсэлснээр суртал ухуулга явуулсныхаа үрээр тухайн улс бүх иргэнийхээ амьдрал ахуй болоод бодол санаанд бүрэн хяналт тогтоогоод зогсохгүй, тэднийг өөрсдийнхөө бодлогын үүднээс л үг хэлдэг, бодож сэтгэдэг болгох арга журмыг хэрэгжүүлж байгаа нь дэлхийн утга зохиолд хэзээ ч хөндөгдөөгүй, ийм нарийн ширийн задлан дүгнэгдээгүй сэдэв юм. Иймээс энэхүү сонирхолтой зөгнөлт зохиолыг бид танд санал болгож байна.
13. Профессор Пнин

Дараагийн санал болгох зохиол бол оюун санааны баялаг ертөнцтэй ч ганцаардсан дундаж сэхээтэн худал хуурмаг, зохиомол амьдрал ноёрхсон бохир ертөнц, бэртэгчин соёл иргэншилтэй хэрхэн тулгарч байгаа зөрчлийг харуулсан бүтээл билээ.
14. Ясан хот

Өсвөр насныхны хайр дурлал, ээж охины харилцаанд тулгарч буй олон бэрхшээлтэй асуудлын тухай адал явдал уран зөгнөлт үйл явдлаар дамжуулан өгүүлэх энэхүү цуврал бол ахлах сургуулийн сурагчдын зуны амралтаараа унших номын жагсаалтад зүй ёсоор багтаж байгаа юм.
15. Бодит байдлын ид шид

Ид шид олон хэлбэртэй. Шинжлэх ухааны аргачлал хөгжөөгүй байхад бидний өвөг дээдэс ид шидийн далд хүчээр орчлон хорвоогоо тайлбарладаг байлаа. Эртний египетчүүд шөнө болж байгааг бурхан нарыг залгичихлаа хэмээн тайлбарладаг байсан бол викингчүүд солонгыг бурхадын дэлхийд ирэх гүүр гэж бодож байв. Байгалийн нууцуудыг энэ мэтээр үлгэр домгийн ид шидээс гадна өөр байдлаар тайлж ойлгож болдог. Тэр нь бодит байдлын ид шид буюу шинжлэх ухаан юм.

Хараа булаам зургууд, ангайм гайхам баримтуудаар дүүрэн “Бодит байдлын ид шид” ном байгаль ертөнцийн үй түмэн үзэгдлийн тайлбарыг агуулжээ. Амьдралынхаа ихэнх хугацааг шинжлэх ухааны гайхамшгуудыг насанд хүрэгчдэд тайлбарлахад зориулсан Ричард Докинс бээр нэрт зураач Дэйв МакКийнтэй хамтран шинжлэх ухааны гайхамшгуудаас бүхий л насныханд түгээхээр эл номдоо хамтран ажиллажээ. Юмс юунаас бүтдэг юм бол? Орчлон хэдэн настай вэ? Яагаад ийм олон янзын амьтан, ургамал байдаг юм бэ? Хамгийн анхны хүн хэн байсан бэ? Энэхүү гайхалтай зурагт ном манай гариг болон түүнээс цаана орших орчлон хорвоогийн тухай гарын авлага болох буй за.

Xөдөлмөр эрхлэлтийн байгууллагад
бүртгэлтэй ажил хайгч иргэд 2016 оны 6 дугаар
сарын эцэст 45.4 мянга болсны 24.1 мянга нь
эмэгтэйчүүд байна. Эдгээр бүртгэлтэй ажил
хайгчдын 32.8 мянга нь ажилгүй иргэд байгаа
нь өмнөх оны мөн үеийнхээс 21 хүн буюу 0.1
хувиар өсч, өмнөх сарынхаас 0.9 мян.хүн
буюу 2.8 хувиар буурсан байна. Бүртгэлтэй
ажилгүй иргэдийн 17.4 мянга буюу 53.2 хувь
нь эмэгтэйчүүд байна. Аймаг, нийслэлийн
хөдөлмөр эрхлэлтийн байгууллагад 2016 оны
эхний хагас жилд ажилгүй 64.3 мян.иргэн
шинээр бүртгүүлж, бүртгэлтэй байсан 13.4 мян.
иргэн ажилд зуучлагдан орж, 50.9 мян.иргэн
ажил идэвхтэй хайхгүй байгаа шалтгаанаар
бүртгэлээс хасагдсан нь өмнөх оны мөн
үеийнхээс шинээр бүртгүүлсэн ажилгүй иргэд
5.7 мян.хүн буюу 9.6 хувиар, ажилд зуучлагдан
орсон иргэд 2.4 мян.хүн буюу 22.0 хувиар
өсчээ. Харин ажил идэвхтэй хайхгүй байгаа
шалтгаанаар бүртгэлээс хасагдсан иргэд
өмнөх оны мөн үеийнхээс 11.9 мян.хүн буюу
18.9 хувиар буурчээ.

гамшигт нэрвэгдсэн ард иргэдэд зориулагдсан хандив, тусламжийг олгох явцад хяналт тав

Нийслэлийн Засаг дарга бөгөөд Улаанбаатар хотын Захирагч С.Батболд өнөөдөр Азийн хөгжлийн банкны Монгол дахь суурин төлөөлөгчөөр шинээр томилогдсон хадагтай Еланда Фернанда Ломмен болон Азийн хөгжлийн банкны Хот байгуулалтын мэргэжилтэн Арнауд Хэкман нарыг хүлээн авч уулзлаа.

Тулгар төрийн 2225, Их Монгол Улс байгуулагдсаны 810, Ардын хувьсгалын 95 жилийн үндэсний их баяр наадмын хүчит бөхийн барилдаанд Хил Хамгаалах Ерөнхий Газрын харъяа “Хилчин” спорт хорооны бөхчүүд амжилттай барилдан цолоо ахиулсан.

Зуны 31 дүгээр Олимпийн наадам хэдхэн хоногийн дараа Бразил улсын Рио де Жанейро хотноо эхэлнэ.

Улаанбаатар хотын Захирагчийн ажлын алба, Нийтийн үйлчилгээний Улаанбаатар нэгтгэл ОНӨААТҮГ, Баянзүрх, Баянгол, Чингэлтэй, Хан-Уул, Сүхбаатар дүүргийн Засаг даргын Тамгын газар хамтран Төв цэнгэлдэх хүрээлэнгийн тохижилт, талбайн цэвэрлэгээний ажлыг баяр наадмын өмнөх болон тэмдэглэн өнгөрүүлэх өдрүүдийн хугацаанд амжилттай сайн зохион байгууллаа.
Төв цэнгэлдэх хүрээлэнгийн гадна, дотор талбайн цэвэрлэгээний зураглал, төсвийн хуваарилалтын дагуу 6-р сарын 25-ны өдрөөс эхлэн Тохижилт үйлчилгээний байгууллагуудад Төв цэнгэлдэх хүрээлэнгийн гадна, дотор талбай болон наадамчдад зориулсан авто машины зогсоолууд болон Их эзэн Чингис хааны нэрэмжит талбай, нийт 172.2 мянган м2 талбайг цэвэрлэсэн байна. Мөн нийтийн үйлчилгээний байгууллагууд ногоон байгууламжийн арчилгаа, усалгаа болон зэрлэг ургамлыг устгах ажлуудыг хийжээ. Хог цэвэрлэгээ, тохижилтын ажилд Улаанбаатар хотын Захирагчийн ажлын албаны Тохижилт, хог хаягдлын удирдлагын хэлтсээс дүүргүүдийг нэгдсэн удирдлагаар ханган хяналт тавьж ажилласан байна. Наадмын өдрүүдээр 215 зам талбайн үйлчлэгч, 69 жолооч, инженер техникийн ажилчид 309.7 тн хогийг цэвэрлэжээ. Мөн зам цэвэрлэгээний тусгай зориулалтын автомашинаар 7-р сарын 9-12-ны хугацаанд өдөрт 2-3 удаа цэнгэлдэх хүрээлэнгийн гадна талбайн автозам болон цэнгэлдэхийн дотор талын гүйлтийн замын тоосыг соруулж угааснаар цэнгэлдэх орчмын агаарын чийгшилтийг нэмэгдүүлж нийслэлчүүдийн ая тухтай орчинд наадамлах нөхцөл бүрдсэн байна. Түүнчлэн Төв цэнгэлдэх хүрээлэнд нийтийн бие засах газрууд хэвийн ажилласан бөгөөд бохир соруулах ажлыг тогтмол хийж гүйцэтгэсэн, Төв цэнгэлдэх хүрээлэнгийн гадна талбайд 200ш хогийн савыг дүүргүүдэд хүлээлгэн өгч байршуулсан, дотор талбайд 40ш тэргэнцэр байрлуулах ажлыг зохион байгуулсан гэж Улаанбаатар хотын Захирагчийн ажлын албанаас мэдээллээ. Үндэсний Их баяр наадмыг тэмдэглэн өнгөрүүлэх ажлын хүрээнд Улаанбаатар хотын Захирагчийн Ажлын Албанаас “Ногоон эко систем” ТББ-тай хамтран Төв цэнгэлдэх хүрээлэнгийн гадна талбайд “Цэмцгэр наадацгаая” үйл ажиллагааг зохион байгуулж, сайн дурын 100 оюутан энэхүү үйл ажиллагаанд нэгджээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Өнгөрсөн оны аравдугаар сард Сандэй плаза ХХК-ны галын аюулгүй байдлыг хангуулах үүргээ зохих ёсоор биелүүлээгүй улмаас Сандэй худалдааны төвийн В1 корпуст гал гарсан.

Хөвсгөл аймагт бага насны хүүхэд буун суманд оногдож амиа алдсан золгүй хэрэг гарчээ. Тодруулбал, энэ сарын 16-ны өдөр тус аймгийн Түнэл сумын Ёлгос гэх газарт зургаан настай хүү буугаар оролдож байгаад сум алдсан байна. Энэ үед ойролцоо байсан гурван настай эмэгтэй дүү М нь тухайн суманд оногдож амиа алджээ.

Ардчилсан намын ҮЗХ-ны хуралдааныг өнөөдөр 11.40 цагт үргэлжлүүлэхээр болсон ч цуцлагдсан байна. Ардчилсан намын Үндэсний зөвлөлдөх хороо /ҮЗХ/-ны хуралдаан өчигдөр 19 цаг өнгөрч байхад эхэлсэн бөгөөд ҮЗХ-ны хуралдаан 139 гишүүний ирцтэйгээр хуралдаанаа нээсэн юм. Ардчилсан намын ҮЗХ нь нийт 210 гаруй гишүүнтэй. Иймээс өнөөдрийн хуралдаанд ирсэн гишүүдийн ирц 50 гаруй хувьтай байна гэсэн үг юм.


ҮЗХ энэ удаагийн хуралдаанаараа дараах асуудлыг хэлэлцэн шийдвэрлэхээр төлөвлөжээ.


2016 оны УИХ-ын сонгуульд оролцсон тухай мэдээлэл,
Ардчилсан намын даргыг томилох тухай,
Намын үндсэн дүрмийн шинэчилсэн найруулгын төслийг бэлтгэх ажлын хэсгийг байгуулах,
Ардчилсан намын VI их хурлын товыг зарлах тухай,
Ардчилсан намын VI их хурлын бэлтгэл ажлыг хангах ажлын хэсгийг байгуулах тухай,
Ардчилсан намын 2012-2016 оны үйл ажиллагаанд үнэлэлт дүгнэлт гаргах ажлын хэсэг байгуулах

Харин Намын Их хурал 12 дугаар сарын 05-06 болохоор боллоо.

Өнгөрсөн нэгдүгээр сард Баянгол дүүргийн 15-р хорооны нутаг дэвсгэрт орон сууцны байрны орцонд өндөр настай эмээг дээрэмдэж, улмаар шатаар чирч биед нь хүнд гэмтэл учруулсан хэрэг гарсан билээ.


Хэргийг гурван залуу нийлж байгаад үйлдсэн бөгөөд тэднийг шуурхай эрэн сурвалжилсаны үр дүнд баривчилж цагдан хорьсон. Хэргийг 1990 онд төрсөн Дорнод аймгийн харьяат А.Мөнх-Эрдэнэ, Увс аймгийн харьяат Л.Амаржаргал, 1995 онд төрсөн Увс аймгийн харьяат А.Баатар нар шунахайн сэдлээр дээрэмдсэн гэдгээ хүлээн зөвшөөрсөн байдаг.

Тэгвэл тэднийг шүүх хурал энэ сарын 22-нд буюу ирэх баасан гарагийн 13.00 цагт Баянгол дүүргийн эрүүгийн хэргийн анхан шатны шүүхэд болно.

Тэднийг шүүх хурал энэ сарын 6-нд болох байсан ч хойшилогдсон. Учир нь улсын яллагч Д.Эрдэнэчимэг нь гадаадад ажлаар явсан гэх шалтгаанаар энэ сарын 22-ны 13.00 цаг хүртэл хойшлуулах шийдвэрийг шүүх бүрэлдэхүүн гаргажээ. Хохирогч 74 настай Ц-гийн хувьд хүнд бэртэл авсан бөгөөд биеийн байдал нь дээрдэхгүй одоо ч хүний гарт сахиуртай байгаа аж.

Наадмын өдрүүдээр Яаралтай түргэн тусламжийн төвд 12 000 гаруй дуудлага иржээ

Монголын уяачдын баяр, Монголын шигшмэл хурдан морьдын “Их хурд-7” уралдаан долдугаар сарын 24-нд Хүй долоо худагт болно.

Япон Улсын олон улсын хамтын ажиллагааны байгууллага (ЖАЙКА)-аас “Монгол Улсад газар хөдлөлтийн гамшгаас урьдчилан сэргийлэх чадавхийг бэхжүүлэх” техникийн хамтын ажиллагааны төслийг хэрэгжүүлэх баримт бичигт Онцгой байдлын ерөнхий газрын дарга, бригадын генерал Т.Бадрал, ЖАЙКА-ын Монгол дахь суурин төлөөлөгчийн газрын дарга Сато Мүцүми нар гарын үсэг зурлаа.
Энэхүү төслийг Японы Улсын олон улсын хамтын ажиллагааны байгууллага (ЖАЙКА), нийслэлийн Онцгой байдлын газартай хамтран 1.6 жилийн хугацаатай хэрэгжүүлсэн “Улаанбаатар хотын газар хөдлөлтийн гамшгийн эрсдэлээс сэргийлэх чадавхийг бэхжүүлэх” төслийн үргэлжлэл болгон гурван жилийн хугацаатай хэрэгжүүлэх юм.

2013 онд хэрэгжүүлж дууссан “Улаанбаатар хотын газар хөдлөлтийн гамшгийн эрсдэлээс сэргийлэх чадавхийг бэхжүүлэх” төслийн хүрээнд нийслэлийн газар хөдлөлтийн эрсдэлийн нэгдсэн зураглал гаргах, гамшгаас хамгаалах удирдлагын төлөвлөлтийг сайжруулах, газар хөдлөлтөд тэсвэртэй барилга, байгууламжийн технологи боловсруулах, холбогдох байгууллага, иргэдийн гамшгаас хамгаалах чадавхийг сайжруулах дадлага сургуулилтыг зохион байгуулах зэрэг ажлуудыг хийж гүйцэтгэсэн.

Харин уг төслийн үргэлжлэл болсон “Монгол Улсад газар хөдлөлтийн гамшгаас урьдчилан сэргийлэх чадавхийг бэхжүүлэх” төслийн хүрээнд гамшгийн эрсдлийг бууруулах засаглалыг бэхжүүлэх, газар хөдлөлтөд тэсвэртэй барилга байгууламжийг хүчитгэх технологи нэвтрүүлэх, иргэдэд гамшгаас хамгаалах боловсрол олгоход дэмжлэг үзүүлэх юм.

Төслийг Онцгой байдлын ерөнхий газар хариуцаж, Барилга, хот байгуулалтын яам, Боловсрол, соёл, шинжлэх ухааны яам, Мэргэжлийн хяналтын ерөнхий газар, нийслэлийн Онцгой байдлын газар, Нийслэлийн Ерөнхий төлөвлөгөөний газартай хамтран хэрэгжүүлнэ гэж Нийслэлийн Онцгой байдлын газраас мэдээллээ.

Туул голд хүн живсэн дуудлага өчигдөр цагдаагийн байгууллагад иржээ

Нийслэлийн Засаг даргын санаачилгаар Зүүн хойд Азийн хотын дарга нарын форумыг Улаанбаатар хотноо 2014 онд анх удаа зохион байгуулж форумд оролцогчид Улаанбаатар хотыг 2030 он хүртэл хөгжүүлэх ерөнхий төлөвлөгөө, томоохон зорилт хөтөлбөрүүд, шинэ санал санаачилгыг дэмжээд цаашид бүс нутгийн хамтын ажиллагаагаа өргөжүүлж, Зүүн хойд Азийн хотын дарга нарын форумыг тогтмол зохион байгуулж байхаар шийдвэрлэсэн. Энэ шийдвэрийн дагуу 2015 оны 9 сард Зүүн хойд Азийн хотын дарга нарын форумыг “Хотын ногоон хөгжил” сэдвээр Улаанбаатар хотод зохион байгуулж форумаас хамтарсан илтгээлт гарган, НҮБ-ийн нэгдсэн чуулганд өргөн барьсан юм. Харин энэ жил Зүүн хойд Азийн хотуудын дарга нарын форумыг 3 дахь удаагаа “Хотын эрчим хүчний үйлдвэрлэл, хангамж, чиг хандлага” сэвдийн дор 2016 оны 08 дугаар сарын 4, 5-ны өдрүүдэд Улаанбаатар хотод зохион байгуулна. Энэхүү ажлын хүрээнд Чингисийн талбайд 2016 оны 8 дугаар сарын 3, 4-ий өдрүүдэд эрчим хүчний хэмнэлттэй, шинэ дэвшилтэд технологи бүхий бараа бүтээгдэхүүнийг сурталчлах үзэсгэлэн зохион байгуулахаар болжээ. Үзэсгэлэнд оролцох хүсэлтэй аж ахуй нэгж байгууллага, иргэдийг Нийслэлийн Агаарын чанарын албанд бүртгэж байгаа юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Баянзүрх дүүргийн Өмч, газрын харилцааны албаны дарга Н.Батсүх энэ сарын 10-ны өдөр БНХАУ-ын иргэн Л-ээс 200 гаруй сая төгрөгийн хахууль авсан нь тогтоогдсон.

”Эрдэнэт үйлдвэр” ХХК-ийн ерөнхий захирлын нэгдүгээр орлогчоор Б.Шинэбаатарыг томилжээ. Энэ шийдвэрийг “Эрдэнэт үйлдвэр” ХХК-ийн ТУЗ-ийн хурлаас гаргасан байна.