Баянгол дүүргийн прокурорын газраас тус дүүргийн Нийгмийн даатгалын хэлтэс болон Засаг даргын Тамгын газрын дэргэдэх Онцгой байдлын хэлтсүүдийн хяналтын улсын байцаагч нараас захиргааны зөрчлийн хэрэг бүртгэх ажиллагааг хуульд заасан үндэслэл журмын дагуу явуулж буй эсэхэд шалгалт хийлээ.

Шалгалтын явцад захиргааны хэрэг бүртгэлтийн ажиллагаа явуулсан 275 материалыг хянахад хуулийн заалт зөрчсөн олон зөрчил байна. Дүүргийн илэрсэн бөгөөд дүүргийн Нийгмийн даатгалын хэлтсийн эрх бүхий хяналтын улсын байцаагч нар тайлан гаргаж өгөх хугацаа зөрчсөн аж ахуйн нэгжүүдэд захиргааны шийтгэл ногдуулахдаа Монгол Улсын Захиргааны хариуцлагын тухай хуулийн 33 дугаар зүйл /Битүүмжилсэн эд зүйлийг дур мэдэн зарцуулах” гэсэн зөрчил бүхий заалттай/-ийн “33.3 дахь хэсэг” гэсэн хуулинд байхгүй заалтаар торгуулийн арга хэмжээ авсан, зөрчил гаргасан аж ахуйн нэгжүүдийг хуулинд заасан торгуулийн хэмжээнээс доогуур хэмжээгээр торгосон байна.

Захиргааны шийтгэл ногдуулсан дээрх зөрчил бүхий шийтгэврүүдээс прокурорын тогтоолоор 5 шийтгэврийг хүчингүй болгож, 84 шийтгэврүүдийг өөрчлөн зөвтгүүлсэн байна.

Дүүргийн прокурорын газар шалгалтын дүнг дүүргийн Нийгмийн даатгалын хэлтсийн хамт олны хурлаар хэлэлцүүлэн шалгалтаар илэрсэн зөрчлийг арилгуулахаар прокурорын шаардлага хүргүүлж, туслах прокурор Х.Саран нийгмийн даатгалын эрх бүхий хяналтын улсын байцаагч нарт “Захиргааны зөрчлийн хэрэг бүртгэх ажиллагаа, илэрсэн зөрчил дутагдлууд ба түүнд анхаарах асуудлууд” сэдвээр сургалт зохион байгуулж үр дүнтэй ажилласан байна.

Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан 2015 оны 08 дугаар сарын 11-ний өдөр батлагдсан “Өршөөл үзүүлэх тухай хууль”-д заасны дагуу Баянгол дүүргийн прокурорын газрын хяналтанд байсан ялтнууд, Цагдан хорих 461 дүгээр ангиас 186 ялтан, хорихоос өөр төрлийн ял шийтгүүлсэн 74 ялтан, тус дүүргийн Цагдаагийн 1, 2 дугаар хэлтсийн хяналтанд байсан хорих ял нь тэнссэн хорих ялаас хугацааны өмнө тэнсэн суллагдсан, насанд хүрээгүй этгээд болон жирэмсэн эмэгтэй, гурав хүртэлх насны хүүхэдтэй эх буюу ганц бие эцэгт хорих ял оногдуулсан шүүхийн шийтгэх тогтоол биелүүлэхийг хойшлуулсан зэрэг 193 ялтан хамрагдсан байна. Цаашид цагдан хорих 461 дүгээр ангид хоригдож байгаа хоригдогч нараас шийтгэх тогтоол хүчин төгөлдөр болсон Өршөөл үзүүлэх тухай хуульд хамрагдах боломжтой ялтнуудыг Өршөөлийн хуульд хамруулах ажлыг зохион байгуулан ажиллаж байна.

Хошин урлагийн тачаангуй бүсгүйчүүдийн нэг А.Туяа сүүлийн өдрүүдэд шинэ жилийн урилгад дарагдаад байгаа сурагтай. Учир нь, нуруулаг, царайлаг, галбирлаг бүсгүйгээр шинэ жилийн баяраа хөтлүүлэх хүсэлтэй хамт олон, албан байгууллагууд олон байдаг аж.


Тэгвэл цаг үргэлж гэрэлтсэн материалтай, цээж задгай богино даашинзаар гоёж, бахархал болсон хөх, хөлөөрөө гайхуулдаг бүсгүй энэ удаа цоо шинэ дүрд хувирчээ. Тэрбээр сайхан сэтгэлт Сантагийн дүрд хувирсан ч сурсан юмыг сураар боож болдоггүй гэгчээр тачаангуй төрх гаргахаа ч бас мартсангүй.

Худалдаа хөгжлийн банкны Сонгинохайрхан дүүрэгт байрлах Таван шарын салбарт өнөө өглөө хэсэг иргэд халджээ. Энэ талаарх мэдээ өнөө өглөөний 09.50 цагт цагдаагийн байгууллагад ирсэн байна. Эх сурвалжийн өгсөн мэдээллээр бол банкны ажилтан өглөө ирэхэд үл таних этгээд түүнийг даган орж буу тулгаж, сүрдүүлсэн гэв. Ингээд ойролцоогоор 300 сая төгрөгийг банкнаас дээрэмдсэн гэх мэдээлэл байна.

Тээврийн прокурорын газраас хэвлэл мэдээллийн хэрэгслээр гарсан зам тээврийн зарим осолд эрүүгийн хэрэг үүсгэж, мөрдөн байцаалтын ажиллагаа хийлгэж байна. Тухайлбал: Сонгинохайрхан дүүргийн Баянхошууны замд Киа Каренс маркийн автомашин, Тоёото Приус маркийн машинууд мөргөлдөж 7 хүн гэмтсэн, Сонгинохайрхан дүүргийн 26 дугаар хорооны нутаг, Улаан чулуутын хогийн цэг рүү өгсөх замд 2015 оны 11 дүгээр сарын 28-ны өдөр “Сутайн Буянт” ХХК-ны эзэмшлийн нийтийн тээврийн автобус осол гаргаж, нэг хүний амь насыг хохироож, 6 хүнийг гэмтээсэн талаар “shuud.mn”, “Zaluu.com” зэрэг сайтуудад мэдээлэл гарсан.

Эдгээр асуудалд Улаанбаатар хотын цагдаагийн газрын 3 дугаар хэлтсээс эрүүгийн хэрэг үүсгэж, мөрдөн байцаалтын ажиллагаа явуулж байгаа бөгөөд “Сутайн Буянт” ХХК-ны жолооч Р.Бадарч нь нийтийн тээврийн автобус жолоодож яваад нэг хүний амь насыг хохироож 6 хүний биед гэмтэл учруулсан гэмт хэрэг үйлдсэн байна.

Дээрх зам тээврийн ослыг шалгаж буй мөрдөн байцаалтын ажиллагаанд Тээврийн прокурорын газраас хяналт тавьж байна.

Завхан аймгийн Тосонцэнгэл сум дахь сум дундын прокурорын газраас Замын хөдөлгөөний аюулгүй байдлын тухай хууль шинэчлэн батлагдсантай холбогдуулан 2015 оны 12 дугаар сарын 09-ний өдөр тус сум дунд дахь Цагдаагийн хэлтсийн захиргааны зөрчлийн хэрэг бүртгэлтийн ажиллагаа явуулах эрх бүхий албан тушаалтнуудын захиргааны зөрчлийн хэрэг бүртгэлтийн ажиллагаа явуулж байгаа байдал, хууль зүйн үндэслэлийг шалгаж, шалгалтын дүнгийн талаар хамтарсан хурал зохион байгуулжээ.

Хамтарсан хурлаар захиргааны зөрчлийн хэрэг бүртгэлт явуулж байгаа эрх бүхий албан хаагчидад учирч байгаа хүндрэл бэрхшээл болон цаашид Замын хөдөлгөөний аюулгүй байдлын тухай хуулийн хэрэгжилтийг нэг мөр хангуулж, хэрэгжүүлэх олон нийтэд сурталчлан таниулах арга замын талаар хамтран хэлэлцэж нэгдмэл ойлголтонд хүрсэн байна.

Дээрх шалгалтын мөрөөр шинэчлэгдэн батлагдсан Замын хөдөлгөөний аюулгүй байдлын тухай хууль, Захиргааны хариуцлагын тухай хуулийн зөрчилдөөнтэй заалтуудыг үйл ажиллагаандаа хэрхэн хэрэгжүүлж ажиллах талаар Улсын Ерөнхий Прокурорын газраас чиглэл авахаар болж албан бичиг хүргүүлж ажилласан байна.

”Reuters” агентлагийн өнгөрсөн долоо хоногийн шилдэг зургууд

Нийслэлийн Засаг дарга бөгөөд Улаанбаатар хотын Захирагч Э.Бат-Үүл өнөөдөр Улаанбаатар хотод анх удаа зохион байгуулж байгаа “Иргэдийн оролцоо-Хотын маргааш” зөвлөлдөх санал асуулгын талаар Сэтгүүлчдэд мэдээлэл өглөө.

Хэвлэлийн бага хуралд Стэнфордын их сургуулийн Зөвлөлдөх ардчиллын төвийн захирал, Профессор Жэймс С. Фишкин, Стэнфордын их сургуулийн Зөвлөлдөх ардчиллын төвийн ахлах зөвлөх Г.Занданшатар нар оролцсон юм.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл, “Монгол Улсын Үндсэн хуульд орон нутгийн хурлыг Иргэдийн хурал гэж нэрлэнэ. Орон нутгийн эрх мэдлийг зохицуулахдаа улс төрийн намаас хамаарахгүй иргэдийн оролцоон дээр тулгуурлна гэдгийг маш тодорхой зааж өгсөн байдаг. Өөрөөр хэлбэл, иргэдийн оролцоон дээр тулгуурласан тогтолцоог орон нутгийн бүтэцэд байлгана гэсэн санааг Үндсэн хуулинд тусгаж өгсөн. Гэвч харамсалтай нь өнөөдрийг хүртэл орон нутгийн өөрөө удирдах байгууллагуудад улс төрийн оролцоо, намуудын оролцоотой төлөөллийн байгууллыг бий болгосоор ирсэн. Тиймээс бид иргэдийн төлөөллийн байгууллагаар орон нутгийн үйл ажиллагааг яаж удирдуулах вэ гэж эрэл хайгуул хийсний үр дүнд “Зөвлөлдөх Ардчилал” гэсэн энэ аргачлалыг сонгон авсан юм. Цаашид Улаанбаатар хотод хэрэгжүүлэх төсөл хөтөлбөр, бүтээн байгуулалтынхаа ажилд шаардагдах хөрөнгө, хэрэгцээ, зураг төсөл, газрын байршлыг хүртэл иргэдэд мэдээлж, тэднээр тодорхойлуулдаг болохоор ажиллаж байна” гэж онцлов.

“Зөвлөлдөх санал асуулга” дэлхийн 22 оронд хэрэгжиж тухайн улс, хотын онцлогоос хамаараад санал асуулгын үр дүнгээ өгөх хугацаа янз бүр байсан гэдгийг Стэнфордын их сургуулийн Зөвлөлдөх ардчилал хүрээлэнгийн захирал Жэймс Фишкин тайлбарласан юм. Улс орны хөгжлийг иргэдээрээ тодорхойлуулах санал асуулгыг илүү үр дүндэй болгохын тулд санал авах төслүүдийн мэдээллийг маш сайн боловсруулж, төслийн давуу талыг тодорхой зааж, шаардлагатай мэдээллүүдийг заавал оруулсан байх ёстойг хэллээ. Ингэснээр иргэдийн санал, байр суурийг бодитой тусгах боломж бүрдэнэ гэсэн юм.
Зөвлөлдөх санал асуулгаар
Улаанбаатар метро
Туул усан сан цогцолбор
Туулын хурдны зам
Хөнгөн үйлдвэрийн үйлдвэрлэл, технологийн парк
Барилгын материалын үйлдвэрлэл, технологийн парк
Эко парк байгуулах
Улаанбаатар хотын зүүн талд ачаа тээврийн нэгдсэн логистикийн төв байгуулах
Сургууль, цэцэрлэгийн барилгын дулаан техникийн шинэчлэлт
Угсармал орон сууцны барилгын дулааны алдагдлыг бууруулах
“Бага тойруу”-ийн хуучин барилгыг дахин төлөвлөн, барилгажуулах
Монгол наадам цогцолбор, Экологийн коридор байгуулах
Туул, Сэлбэ голын орчныг сэргээн сайжруулах
Улаанбаатар хотыг хийн түлшээр хангах
Экологийн коридор байгуулах гэсэн төслүүд дээр иргэдээс санал авч байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

“Дэлхийн монголчуудын глобал нийгэмлэг”-ээс санаачлан Монголын боксын холбоо дэмжин, хамтран зохион байгуулж буй “Монгол туургатан” боксын анхдугаар их наадам Бөхийн өргөөнөө үргэлжилж байна. Энэхүү тэмцээний 64 килограммын жинд улаан булангаас спортын мастер, Үндэсний шигшээ багийн тамирчин Ц.Отгон-Эрдэнэ, хөх булангаас “Ширэн бээлий” клубын тамирчин, спортын дэд мастер Г.Баярхүү нар тулалдаж Г.Баярхүү ялалт байгууллаа.
Спортын дэд мастер Г.Баярхүү нь битүү өрөлттэй, шаргуу тулалдаг тамирчин гэдгээрээ онцлогтой бөгөөд тулааны туршид бяраар илүүрхэж байсан юм. Өнөөдрийн тулаанд эхний 24 тулаан болох бөгөөд тэмцээн Олон улсын боксын холбооны дүрмийн дагуу тоглолт гурван минутаар гурван раундаар явагдах юм. Энэ удаагийн тэмцээнд БНХАУ-ын ӨМӨЗО, ОХУ-ын Буриад, Халимаг, Тува, Монгол Улсын 18-40 насны шилдэг боксчид Олон улсын AIBA дүрмийн дагуу оролцоно. Тэмцээн 49 кг, 52 кг, 56 кг, 64 кг, 69 кг нийт зургаан жинд явагдах бөгөөд жин тус бүрт манай улсаас дөрөв бусад улсаас нэг тамирчин оролцож буй.

Нийслэлийн Засаг даргын санаачилгаар Нийслэлийн Засаг даргын Тамгын газар Азийн сантай хамтран дэлхийн 22 улсад амжилттай явагдаж, нэвтэрсэн Зөвлөлдөх санал асуулгыг “Иргэдийн оролцоо-Хотын маргааш” нэр дор Улаанбаатар хотноо анх удаа зохион байгуулж байна. Нээлтийн ажиллагаанд нийслэлийн ИТХ-ын дарга Д.Баттулга, Стэнфордийн Их сургуулийн Зөвлөлдөх Ардчиллын төвийн захирал, Профессор Жэймс С.Фишкин, тус төвийн ахлах зөвлөх Г.Занданшатар, Нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбат, Нийгмийн хөгжлийн асуудал хариуцсан орлогч Ц.Энхцэнгэл, Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал болон нийслэлийн нутгийн захиргааны байгууллагын удирдлагууд, түүврээр сонгогдсон нийслэлийн иргэдийн 400 төлөөлөгч, Төрийн бус байгууллагууд оролцлоо. Нийслэлийн ИТХ-ын дарга Д.Баттулга нээж хэлсэн үгэндээ “Нийслэлийн шинэчлэлийн баг аливаа шийдвэр гаргахдаа иргэдээсээ асуух зарчмаар ажиллаж ирсэн. Харин энэ удаад бид ирэх жилүүдэд хэрэгжүүлэхээр төлөвлөсөн томоохон төсөл хөтөлбөрт иргэн таны саналыг авч, зөвлөлдөх гэж байна. Өөрөөр хэлбэл таны саналаар бид бүтээн байгуулалтын төсөл хөтөлбөрөө хэрэгжүүлнэ. Цаашид ч иргэдийн оролцоог хангасан, саналыг тусгасан шийдвэр гаргаж ажиллах болно” хэмээн тодотгон хэллээ.
Зөвлөлдөх санал асуулгын хуралдааныг Нийслэлийн ЗДТГ-ын дарга Ё.Гэрэлчулуун удирдаж байна. Эхний өдрийн хөтөлбөрийн дагуу Нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбат Улаанбаатар хотыг хөгжүүлэх мастер төлөвлөгөө, эдийн засаг санхүүгийн өнөөгийн нөхцөл байдал, Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал Улаанбаатар хотын эрүүл, аюудгүй байдлын төлөв, тулгамдсан асуудлын талаар танилцууллаа. Зөвлөлдөх санал асуулгад оролцогчдыг 20 бүлэгт хуваасан бөгөөд бүлэг тус бүр ирэх жилүүдэд нийслэлд хэрэгжүүлэхээр төлөвлөсөн томоохон 14 төслийн талаар мэдээлэл авч, харилцан санал солилцож байна. Нэгдсэн хуралдаанаар Барилгын материал, Байгаль орчинд нөлөөлөх байдал, Бизнес хөгжил, Аялал жуулчлал спорт, Арьс шир боловсруулах үйлдвэрүүд , Төр хувийн хэвшлийн түншлэл, Усны хангамж, Гол хамгаалах, Хог хаягдал, дахин боловсруулах асуудлаар мэргэжилтнүүд тодруулга өглөө.
Зөвлөлдөх санал асуулгаар санал асуулгын явцад хяналт тавих Зөвлөх хороо ажиллаж байгаа бөгөөд хорооны гишүүдээр Монгол Улсын Ерөнхий сайд асан Д.Содном, Гадаад хэргийн сайд асан Ц.Гомбосүрэн, Хас банкны ТУЗ-ийн дарга Ч.Ганболд, Монгол Улсын шинжлэх ухааны гавъяат зүтгэлтэн Философийн ухааны доктор, профессор Б.Даш-Ёндон, Гандантэгчинлэн хийдийн Хамба лам Д.Чойжамц, Монголын Урлагийн зөвлөлийн гүйцэтгэх зөвлөлТ.Ариунаа, MCS группын Ерөнхийлөгч Ж.Од, Нийтлэлч Б.Батбаяр, Алтан тариа ХК-ийн захирал П.Цэнгүүн, Монфэмнэт Үндэсний сүлжээ ТББ-ын ахлах зөвлөх Д.Сүхжаргалмаа, МУИС-ийн Ректор Р.Бат-Эрдэнэ нар ажиллаж байна. “Иргэдийн оролцоо-Хотын маргааш” Зөвлөлдөх санал асуулга 2 өдөр үргэлжилнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

”Мишээл экспо”-оос энэ оны хамгийн сүүлийн үзэсгэлэн худалдаа зарласан бөгөөд “Өвлийн гоёл 2015” үзэсгэлэн худалдаа баасан гарагт нээлтээ хийлээ. 100 гаруй байгууллагын нэгдсэн өвлийн хувцас, шинэ жилийн баярын бэлтгэлд зориулан ”ӨВЛИЙН ГОЁЛ 2015” үзэсгэлэн худалдаа энэ сарын 11-13 өдрүүдэд зохион байгуулагдаж байгаа юм байна. ”Өвлийн гоёл 2015” үзэсгэлэн худалдаанд нэхий үслэг эдлэл, ноос ноолуур болон гоо сайхны бараа бүтээгдэхүүн мөн гоёлын даашинз гоёл чимэглэл гацуур мод , баярын ширээний амттангууд гээд олон бараа бүтээгдэхүүнүүд дэлгэгджээ.Шинэ жилийн баярыг угтан зохион байгуулагдаж байгаа тус үзэсгэлэн худалдаа өнөөдөр өндөрлөх юм байна.

2015 оны цахим газар өмчлөлийн тавдугаар ээлж даваа гаригт буюу 12-р сарын 14-ний өдрийн 12.00 цагт эхлэх гэнэ. Энэ удаагийн цахим газар өмчлөлд шинээр Сүхбаатар дүүргийн Тоосгоны 1-р хэсгийн 16 нэгж талбарт, тоосгоны 2-р хэсгийн 149 нэгж талбарт, Баянзүрх дүүргийн Шарын аманд 204 нэгж талбарт иргэдэд цахим хэлбэрээр газар өмчлүүлнэ. Мөн 1,2,3,4-р ээлжинд хамрагдсан Баянзүрх, Хан-Уул, Сонгинохайрхан, Багануур, Багахангай дүүргийн нутаг дэвсгэрт нийт 7128 нэгж талбарт цахим газар өмчлөлийг явуулахаар боллоо.

Үнэлэх:Одоогийн үнэлгээ:
Сэтгэгдэл Илгээх Хэвлэх

Архангай аймагт хийгдсэн авто замын бүтээн байгуулалтыг хүлээж авлаа
31 минутын өмнө


Монгол Улсын Засгийн газрын 2014 оны 96-р тогтоолын дагуу “Гудамж” төслийг аймгийн төвүүдэд хэрэгжүүлэхээр шийдвэрлэж, Хөгжлийн банкны санхүүжилтээр Архангай аймагт нийт 8.7 км авто зам, 3.25 км дугуйн шинээр барьж, 7 уулзварын өргөтгөл шинэчлэлийн ажлыг “ОДНД” ХХК, “Готик голд” ХХК, “Архангайн автозам түншлэл” ХХК-ууд чанарын өндөр төвшинд хийж гүйцэтгэжээ.

Архангай аймаг, Цэцэрлэг хотод Гудамж төслийн хүрээнд хэрэгжсэн бүтээн байгуулалтын ажлыг хүлээн авах ёслолын ажиллагаа 2015 оны 12 дугаар сарын 12-нд болж, тус аймагт ажиллаж буй Монгол Улсын Ерөнхий сайд Ч.Сайханбилэг оролцлоо.

Тус аймгийн төв төсөл хэрэгжихээс өмнө 5.2 км хатуу хучилттай авто замтай байсан бөгөөд “Гудамж” төсөл хэрэгжсэнээр нийт 14 км хатуу хучилттай авто замтай болж, уулзварууд нь гэрлэн дохиотой дөрвөн зам болон тойрог хэлбэрийн зөв зохион байгуулалттай болжээ. Гадаад орны хотын жижшигт хүргэж замын тэмдэглэлээг цогцоор нь шийджээ тус төслийн гүйцэтгэлтэй танилцсаны дараагаар Ерөнхий сайд хэлээд манай орон нутаг, аймгууд олон улсын жишигт хүрсэн ийм гудамж талбайтай болоосой гэж хүсч байна, Энэ чиглэлээр Монгол Улсын Засгийн газар үргэлжлүүлэн ажиллах болно гэлээ.

Авто зам, уулзваруудыг өргөтөн шинэчлэхдээ мэргэжлийн байгууллагуудаас олгосон техникийн нөхцөлтэй уялдуулан цахилгаан болон усан хангамж, холбоо, гэрэлтүүлэг, дулааны шугам сүлжээг шинээр сувагчлал байгуулах, сувагчлалыг хүчитгэх, агаарын баганыг өндөрлөх, газрын кабелийг шилжүүлэх зэргээр цогцоор нь шинэчилсэн байна.

Энэхүү ёслолын ажиллагаанд УИХ-ын дэд дарга Р.Гончигдорж, УИХ-ын гишүүн, Зам тээврийн сайд М.Зоригт, Барилга, хот байгуулалтын сайд З.Баянсэлэнгэ, УИХ-ын гишүүн Н.Батбаяр, Х.Гарамгайбаатар, Д.Тэрбишдагва болон нутгийн иргэд, энэ ажлыг гүйцэтгэсэн компанийн ажилтнууд оролцлоо.



“Гудамж” төсөл нийслэл хотын авто замын түгжрэл, агаар хөрсний бохирдлыг багасгах, эдийн засгийн алдагдлыг бууруулах, эрүүл аюулгүй орчин бүрдүүлэх зорилгоор хотын гудамж-замын сүлжээг зөв төлөвлөн хөгжүүлж, өргөтгөн шинэчлэх ажлыг амжилттай хэрэгжүүлж байгаа. Тухайлбал, нийслэл хотод 24 уулзварыг хөдөлгөөний зөв зохион байгуулалтай болгож, нийт 20 гаруй км зам шинээр барьсан.

Мөн “Хүй долоон худаг” дахь “Монгол наадам” цогцолборт 5000 гаруй авто зогсоол, 12.6 га бүхий үйлчилгээний талбай барьж байгуулсан.

Түүнчлэн, Гандангийн дэнжийн гэр хорооллыг дэд бүтцээр хангах ажлыг эхлүүлсэн, Монголд анх удаа хурдны замууд барихаар зураг төсөл, Техник эдийн засгийн үндэслэлийг боловсруулж бэлэн болгосон.

“Гудамж” төсөл бол Чингис бондоос санхүүжиж байгаа. Тиймээс зөвхөн нийслэл хотод хэрэгжүүлээд зогсохгүй Монгол орон даяар үр дүнг нь хүргэх ёстой гэдэг үүднээс 2014 онд Засгийн газраас 96 тоот тогтоол гаргаж 21 аймагт хэрэгжүүлэхээр болсон. Ингээд төвийн бүсээс Архангай, баруун бүсээс Увс аймагт амжилттай хэрэгжиж, бүтээн байгуулалтын ажил өрнүүлсэн. Зүүн бүсээс Хэнтий аймагт зураг төслийн ажил нь хийгдсэн.

Мөн Баян-Өлгий, Ховд, Баянхонгор, Булган, Говь-Алтай аймагт төслийн нэгжийнхэн газар дээр нь ажиллаж, судалгаа, төлөвлөлт хийж байгааг “Гудамж” төслийн захирал Б.Батболд танилцууллаа

Халзанбүргэдэй-Солонготын даваа чиглэлийн 100 км хатуу хучилттай автозамын хөдөлгөөнийг нээх ёслолын ажиллагаа Архангай аймгийн Тариат суманд болж Монгол Улсын Ерөнхий сайд Ч.Сайханбилэг оролцсон юм.

Ерөнхий сайд Архангай аймагт ажилласан хоёр дахь өдрөө тус аймагт шинээр баригдсан Авто тээврийн төвийн нээлтэд оролцлоо.

Монгол Улсын Засгийн газраас тодорхой төслүүдийг хэрэгжүүлнэ. БНСУ-ын хөнгөлөлттэй зээлийн хүрээнд хот хоорондын зорчигч тээврийн тохь тухтай шинэ 200 автобусыг ирэх жил нийлүүлнэ. Авто тээврийн энэ төвийн үйлчилгээ өргөжиж, баруун хязгаарын бүс нутгийг Улаанбаатар хоттой холбох гол зангилаа болно гэдэгт итгэлтэй байгаагаа Ерөнхий сайд энэ үеэр илэрхийллээ.



Ерөнхий сайд энэ өдөр аймагт шинээр баригдсан зам болон цэцэрлэг, спорт сургууль, шинэ орон сууцны хороололтой танилцлаа.

Архангайд бусад аймаг, орон нутаг жишээ авмаар олон сайн ажил байна. Монгол Улсын спортын анхны төрөлжсөн сургууль Цэцэрлэг хотод байгуулагдаж, хоёр дахь жилдээ ажиллаж байна. Жүдо, чөлөөт бөхийн танхим, усан сан, хөлбөмбөгийн талбайтай энэ сургууль дэргэдээ 100 хүүхдийн дотуур байртай бөгөөд Ерөнхий сайд танилцлаа. Багш сурагчидтай уулзахдаа, Архангай аймагт спортын төрөлжсөн, сурах орчин бүрдсэн сургууль байгуулагдаж, олон хүүхэд суралцаж байгаад баяртай байна. Ирээдүйн олимп, дэлхийн аваргууд энэ сургуулиас, хүүхэд залуучууд та бүхний дундаас төрнө гэдэгт итгэлтэй байна.

Спортоос гадна хүүхдийн урлагийн авьяасыг хөгжүүлэхэд анхаарч, хүүхэд бүрийн хөгжлийн төлөө ажиллаж байгаа тус сургуулийн хамт олонд Ерөнхий сайд Ч.Сайханбилэг талархал илэрхийлж, багш, сурагчдад өндөр амжилт гаргаж, зорилгынхоо оройд хүрэхийг ерөөлөө.



Архангай аймагт сүүлийн 22 жилд 36 айлын орон сууц баригджээ. Харин 2013 оноос хойш 1000 гаруй айлын орон сууц босчээ. Цэцэрлэг хотод хэрэгжүүлж эхэлсэн түрээсийн орон сууцны хөтөлбөрийг Улаанбаатар болон бусад аймаг, орон нутагт турших хэрэгтэй юм байна. Энэ чиглэлээр судалгаа хийж асуудал боловсруулан Засгийн газрын хуралдаанд танилцуулахыг Барилгаг, хот байгуулалтын сайд З.Баянсэлэнгэ болон ТОСК-ийн гүйцэтгэх захирал А.Гантулгад өглөө.





Орон сууцны нэгдүгээр давхарт хүүхдийн цэцэрлэг байгуулсан нь зөв жишиг болжээ гэдгийг цэцэрлэгийн үйл ажиллагаатай танилцах үеэрээ Ерөнхий сайд хэлээд тус цэцэрлэгт хувиасаа нэг сая төгрөгийн үнэ бүхий тоглоом бэлэглэхээ хэлж байлаа.

Манай сайт долоо хоног бүрийн эцсээр улс оронд онц сонирхолтой ямар үйл явдал тохиов. Мөн шалгагдаж байгаа хэргүүдийн шийдвэрлэлт зэргийг тоймлон хүргэдэг болоод удаж байна. Тэгвэл энэ долоо хоногт олон үйл явдал зэрэг давхацлаа. Тиймээс энэ долоо хоногийн тоймыг ийн хүргэхэд бэлэн боллоо.



Н.Энхбаярыг Шадар сайдад нэр дэвшүүлэв

МАХН-ын дарга Н.Энхбаярыг Шадар сайд болгох гэж байна гэх цагаахан хардлага аль эртнээс үргэлжилсэн гэхэд болно. Гэвч тухайн үед Н.Энхбаяр өөрөө шадар сайд болохгүй хэмээн мэдэгдсэн талаарх шум гарч эхэлсэн.

Улмаар шадар сайдад Ц.Оюунбаатарыг томилж багагүй хугацаа өнгөрсөн ч Г.Шийлэгдамбын асуудлаас болж ЭМСЯ нэг хэсэг эзгүйрэх дээрээ тулав.



Тиймээс энэ асуудалд МАХН дахин шийдвэр гаргахаас өөр аргагүй байдалд оров. Өөрөөр хэлбэл, шадар сайдаар хэн жинхлэхэв, ЭМСЯ-аар хэн овоглох ёстойв гэх мэтийн асуудлуудыг нэг тийш болгох шаардлагатай болсон.



Тэгвэл өнгөрсөн пүрэв гарагт МАХН-аас албан ёсоор Н.Энхбаярыг Шадар сайдад, Л.Оюунбаатарыг Эрүүл мэнд, спортын сайдад нэр дэвшүүлэх хүсэлтээ Ерөнхий сайдад хүргүүллээ. Л.Оюунбаатар сайд өөрөө Шадар сайдаас огцрох хүсэлтээ Ерөнхий сайд болон намынхаа Гүйцэтгэх товчоонд гаргажээ. Харин Ерөнхий сайд өнөөдрийг хүртэл МАХН-ын хүсэлтэд хариу өгөөгүй байна.



Л.Болормаа агсан дагзны яс нь хугарснаас болж харвалт өгч амиа алджээ

“Mining Journal” сэтгүүлийн эрхлэгч Л.Болормаа өнгөрсөн сарын 20-ны өдөр зуурдаар нас барсан. Тухайн үед түүнийг гадны нөлөөтэй амиа алдсан гэж хэвлэлүүд мэдээлж байсан ч урьдчилсан байдлаар харвалтын улмаас амиа алдсан гэх дүгнэлт гарсан юм.



Тэгвэл энэ сарын 11-нд Л.Болормаа агсанд хийсэн задлан шинжилгээний хариу гарсан юм. Шүүх шинжилгээний хүрээлэнгийн нарийн шинжилгээгээр түүний нас барсан шалтгааныг дагзны яс нь хугарсанаас үүдэн харвалт өгч амиа алдсан гэж тогтоосон байна. Харин талийгаачийн дагзны яс юунаас болж хугарав гэдгийг тогтоохоор Чингэлтэй дүүргийн цагдаагийн хэлтэс эрүүгийн хэрэг үүсгэн шалгаж эхэлжээ. Мөн энэ талаар мэргэжлийн эмч ”Энэ төрлийн гэмтэл савж унахад эсвэл гаднын нөлөөллөөс болдог” гэж тайлбарлажээ. Одоо цагдаагийнхан түүний нас барсан шалтгааныг тогтоохоор ажиллаж байна. Тиймээс олон нийтэд цагдаагийн байгууллагаас албаны мэдээллийг өгөх биз ээ.



Согтуу аав хүүхдүүдээ цонхоор шидэхийг завдаж, алба хаагчид руу хутга барьж дайрав

Төрсөн эцэг нь согтуудаа агсам тавьж хоёр хүүхдээ цонхоор шидэхийг завдсан хэрэг гарлаа. Тодруулбал, Сонгинохайрхан дүүргийн 16 дугаар хорооны 26 дугаар байрны 8 давхарт айлын цонхоор хүн унах гэж байна гэсэн дуудлага оройн 21:50 цагт нийслэлийн Онцгой байдлын газарт иржээ.



Дуудлагаар Аврах ангийн 9 аврагчтай бүлэг хүрэлцэн очиход 27 натай эрэгтэй архи ууж, гэр бүлийнхэнтэйгээ муудалцаж, гэрийнхээ хаалгыг дотроос нь түгжин хүн оруулахгүй 2-6 насны хоёр хүүхдийг цонхоор шидэх гэж байсныг аврагчид 9 давхарын айлын цонхоор доош буун тус айлын гал тогоо, зочны өрөөний цонхыг хагалан дотогш орж хүүхдүүдийг аюулгүй болгосон байна. Аврах ажиллагааг зохион байгуулж байхад согтуугаар хүүхдээ цонхоор шидэх гэж байсан 27 настай иргэн Б аврагчид руу хутга барин дайрч байсан байна. Аврагчид аврах ажиллагааг шуурхай зохион байгуулсан бөгөөд 2 хэсэгт хуваагдан хаалганы гадна Б-г саатуулж байхад нь зарим нь цонхоор орж 2 хүүхдийн амийг аварч цагдаагийн байгууллагад эсэн мэнд хүлээлгэн өгчээ.



Батлан хамгаалах яамны удирдлагууд гадаад руу айлчлал хийхдээ төсвийн мөнгөөр хэн нэгнийг тансаглуулдаг байжээ

Авлигатай тэмцэх газар Батлан хамгаалах яамны удирдлагуудтай холбоотой иргэнээс ирүүлсэн өргөдөл, гомдлын мөрөөр хяналт шалгалт явуулав.



Тус яамны удирдлагууд нь гадаад улсад албан ёсны айлчлал хийхдээ өөрийн хамаарал бүхий этгээдийг дагуулан явж, нислэгийн тийзний зардлыг төсвийн хөрөнгөөс гаргаж шийдвэрлэсэн нь Дипломат байгууллагын тухай хуулийн 5 дугаар зүйлийн 5.2, Монгол Улсын Ерөнхийлөгчийн 2015 оны 07 дугаар сарын 08-ны өдрийн 119 дүгээр зарлигаар батлагдсан “Төрийн ёслолын журам”-ын 40 дүгээр зүйлийн 40.6 дахь хэсгийг тус тус зөрчсөн байна.



Иймд дээрх зөрчлийг арилгуулах арга хэмжээ авснаар Батлан хамгаалах яамны төсвийн хөрөнгөөс хууль бусаар гаргаж шийдвэрлэсэн нийт 6.198.100 төгрөгийг төсвийн орлогод буцаан төлүүлэхээр болов.



Д.Дорлигжав Д.Булганы талаар дорвитой мэдээлэл өгсөнгүй

С.Зориг агсаны эхнэр Д.Булганыг яллагдагчаар татаад байгаа талаар хэвлэл мэдээллүүд онцолсон. Тэгвэл Д.Булганыг саатуулсан асуудлаар Хууль зүйн сайд Д.Дорлигжав энэ сарын 8-нд мэдээлэл хийлээ.



Тэрбээр ”Юуны өмнө Хууль зүйн сайд гэдэг хүн бол шалгаж байгаа хэргийн хавтаст хэргийг үзэж хараад тэглээ, ингэлээ нийтэд зарлаад байж болдоггүй. Зүгээр л мэдээлэл авдаг. Шалгах ажил ямар шатандаа байна, ямар хүч хэрэгслээр ажиллаж байна гэдэгтэй танилцдаг. Би ийм л хэмжээнд мэдээлэл авсан. Д.Булганыг барьж хорьсон хэргийн тухайд надад хэвлэлээр гарсан мэдээллээс өөр нарийн мэдээлэл алга. Энэ хэрэгт Үндэсний аюулгүй байдлын зөвлөлөөр батлагдсан цагдаа, тагнуулаас бүрдсэн ажлын хэсэг байдаг. Энэ ажлын хэсэг прокурорын байгуулын шууд хяналт дор үйл ажиллагаагаа явуулдаг. Юу болоод яагаад баривчлав гэдэг дээр илүү мэдээлэл алга. Хууль зүйн сайд гэдэг хүн бол шалгаж байгаа хэргийн хавтаст хэрэгтэй танилцдаггүй. Зүгээр л мэдээлэл авдаг. Шалгах ажил ямар шатандаа байна, ямар хүч хэрэгслээр ажиллаж байна гэдэгтэй танилцдаг. Би ийм л хэмжээнд мэдээлэл авсан” гэв.



Н.Номтойбаярыг авлига, хүчин, танхайн хэрэг үйлдсэн байхад хууль хяналтынхан түүний хамгаалалтын албан ажилтнууд шиг авирлаж байна гэв

“Мунзуй” хочит Г.Нямдорж УИХ-ын гишүүн Н.Номтойбаярын талаар өргөдөл бичиж түүнийгээ Ёс зүйн хороо болон УИХ-ын гишүүн, УИХ-ын дарга З.Энхболдын нэр дээр хүргүүлэхээр болсон. Тэрбээр өргөдөлдөө Н.Номтойбаярын хувийн амьдрал хийгээд улс төр дэх ажил хэргийнх нь талаар бичжээ.



Мөн УИХ-ын гишүүн Н.Номтойбаярыг авлига, хүчин, танхайн болон бусад олон төрлийн гэмт хэргийг үйлдсээр байхад хууль хүчний хяналтын байгууллагууд түүний хамгаалалтын албаны ажилтнууд шиг аашилж, түүнтэй сөргөлдсөн хүн бүрийг буруутган яллаж, өөнтөглөдөг боллоо хэмээн дурьджээ. Түүнчлэн төрийн эрх барих дээд байгууллага болсон УИХ-ын гэмт хэрэгтэн орогнодог газар биш бөгөөд Н.Номтойбаярын өдүүлсэн гэмт хэргүүдэд ёс зүйн болон хуулийн хариуцлага хүлээлгэж өгөхийг миний бие хүсч байна гэжээ. Түүнчлэн тэрбээр 22 үндэслэл бүхий баримтыг өөрөө нотолно гэсэн нь багагүй асуудал дэгдээж мэдэхээр байна.



Абдул Карим хувьчлалаасаа татгалзсан нь долоо хоногийн эхэнд шуугиан тарив

Хэвлэх үйлдвэрийн барилгыг 24 тэрбум төгрөгөөр худалдаж авсан Абдул Карим энэхүү хувьчлалаасаа татгалзах хүсэлтээ албан ёсоор өгсөн.



Тэгвэл Абдул Каримын дэнчин болгож тавьсан 710 сая төгрөгийг дуудлага худалдаанд оролцох журмын дагуу улсын орлого болгосон.



Харин түүнээс хотын дарга Э.Бат-Үүл албан ёсоор уучлал гуйж, түүнийг хэвлэлээр янз бүрээр бичсэнд уучлалт гуйхын сацуу хуулийн байгууллагад хандахыг зөвлөлөө.

Монголын хөлбөмбөгийн холбооны 2015 оны шилдгийн шилдгүүдийг тодруулах “Алтан бөмбөг” ёслолын арга хэмжээ өчигдөр(XII.12) “Шангри Ла” зочид буудлын хүндэтгэлийн танхимд боллоо. Энэ өдөр нэгэн чухал онцлох мэдээллийг Нийслэлийн Засаг дарга бөгөөд Улаанбаатар хотын захирагч Э.Бат-Үүл дуулгалаа. Тэрбээр ирэх онд хөлбөмбөгийн нийслэлийн цомын тэмцээнийг 1 тэрбум төгрөгийн шагналын сантайгаар зохион байгуулах болсныг мэдэгдсэн юм.

ХОНЬ - (3/21-4/19)
Бага зэрэг ядарч уцаартай байвал гэрээсээ гарахгүй байхыг зөвлөж байна. Сайхан ном уншиж, компьютер тоглон кино үзсэнээр таны сэтгэл сэргэх болно. Хэрэв та гунигтай байдлаасаа гарч чадахгүй байгаа бол уран зураг зурах, ном зохиол бичиж, хөгжим зохиох зэргээр бүтээлч ажил хийх гээд оролдоод үз. Энэ бүхнийг хийсний дараа таны сэтгэл санаа дээрдэж, танд дарамт болоод байсан бүх зүйлийг өөрөөсөө авч хаяж чадна. Сэтгэл зүйн дасгал хийж, тоглоом тоглож чангаар хашгирч өөрийгөө тайвшруул.
Дэлгэрэнгүй
НЯМ, 2015 ОНЫ 12 САРЫН 13
ҮХЭР - (4/20-5/20)
Танилууд болон найз нөхөдтэйгээ харилцахдаа болгоомжтой бай. Учир нь хожим ноцтой асуудал үүсгэх зөрчилдөөн гарахыг үгүйсгэхгүй. Таны биеэ барих чадвар, хүлээцтэй зангаас түнштэйгээ харилцаагаа сайжруулах эсэх хамаарна гэдгийг сана. Ятгалганд бүү авт. Та хэрэв амар тайван байхыг хүсч байгаа бол ямар нэг хүчтэй дайсагнасан асуудлаас хол байх хэрэгтэй. Мөнгө төгрөгтэй асуудал таныг болон бусдын сэтгэлийг зовоох болно. Таны байр сууринд атаархан хорлохыг хүсдэг хүмүүсээс болгоомжил.
Дэлгэрэнгүй
НЯМ, 2015 ОНЫ 12 САРЫН 13
ИХЭР - (5/21-6/21)
Төлөвлөгөөг зоригтой хэрэгжүүл. Сонирхолтой хүмүүстэй уулзана. Энэ ялдамд холбоогоо бүү тасал. Гэр бүлд үл ойлголцох байдал, xэрүүл маргаан гарна. Ажил, хичээл дээрээ хамгийн гол нь дээд зэргийн хэв журам сахих явдал чухал. Өнөөдрийг гэрийн асуудлаа шийдэх, юм урлан бүтээх, орй дотныхонтойгоо харилцаж өнгөрөөгөөрэй. Дуу хөгжим сонсож, уран зохиолын ном уншаарай.
Дэлгэрэнгүй
НЯМ, 2015 ОНЫ 12 САРЫН 13
МЭЛХИЙ - (6/22-7/22)
Эрүүл мэнд эрс муудаж болзошгүйг од эрхэс анхааруулж байна. Таны талаар муу хүмүүс таагүй цуурхал тараана. Хувийн амьдралдаа чухал шийдвэр гаргахаас өдөр эхлэнэ. Зөвхөн өөртөө найд. Найзуудын зөвлөлгөө, тусламж нь алдаанд хүргэж, байдлыг улам л хүндрүүлнэ. Төрөл төрөгсөдтэйгээ, ойрын хүнтэйгээ урьдын маргааныг эцэслэхийг хичээх хэрэгтэй. Эмчилгээний арга хэмжээг урьдчилан ав. Архаг өвчтэй хүмүүс өөрийн эрүүл мэндээ хянаж бай. Таагүй зүйлсийг сэтгэл зүрхэндээ ойр бүү хүлээж ав.
Дэлгэрэнгүй
НЯМ, 2015 ОНЫ 12 САРЫН 13
АРСЛАН - (7/23-8/22)
Ганц бие Арслангууд хайр дурлалын адал явдлын аянд гарч өөрийн төгс төгөлдөр сайхныг бүхэнд харуулна. Харин та дур булаам байдлаа хэн нэгэнд бус бүх хүмүүст харуулж чадвал энэ нь танд ашигтай. Мөн хайр дурлалын харилцааны эхлэл юм уу шинэ хүүхэд мэндлэх магадлалтай байна.
Дэлгэрэнгүй
НЯМ, 2015 ОНЫ 12 САРЫН 13
ОХИН - (8/23-9/22)
Туйлын таагүй өдөр. Ноцтой өдөөн хатгалга, түрэмгий адал явдал, өөдгүй хууран мэхлэлт болно. Романтик адал явдалтай учрах боловч удаан үргэлжлэхгүй. Найз нөхөд, хамаатнуудтайгаа муудалцаж болзошгүй. Хэрүүл маргаан ихэвчлэн анхааралгүй байдлаас болж гарах тул сонор сэрэмжтэй бай. Өнөөдрийн таагүй байдал орой төгсгөл болох бөгөөд та өдрийн болсон явдлаа эргэцүүлэн бодож тунгаах болно.
Дэлгэрэнгүй
НЯМ, 2015 ОНЫ 12 САРЫН 13
ЖИНЛҮҮР - (9/23-10/22)
Гэр бүлийн дараалсан баярууд тохиолдоно. Бэлэг дурсгалын зүйлс худалдан авах шаардлага гарна. Бэлэг сонгохдоо шинэ технологи ашиглан хийсэн өвөрмөц, эсвэл гоё ганган зүйлс худалдан ав. Санхүүгийн гачигдал руу өөрийгөө татах тул худалдан авалтаас татгалз. Тиймээс өөрийн боломж бололцоогоо сайн анхаараарай. Шинэ ажил тань идэвх, чармайлт, танилын өргөн хүрээ ажлын холбоо үүсгэхийг шаардана. Түүнээс гадна гэртээ илүү цаг гаргахыг гэр бүлийнхэн тань хүсэх болно.
Дэлгэрэнгүй
НЯМ, 2015 ОНЫ 12 САРЫН 13
ХИЛЭНЦ - (10/23-11/21)
Өвөрмөц сэтгэлгээ энэ цаг үеийн нууц болно. Хилэнцүүд өнөөдөр ер бусын сонирхолтой санаа дэвшүүлэн гаргаж ирэх бөгөөд энэ нь дэмжигдэх магадлал өндөртэй байна. Өнөөдөр том наймаа хийхээс татгалзсан нь дээр. Яагаад гэвэл дараа нь худалдаж авсан зүйл тань таалагдахгүй, мөнгөө дэмий үрлээ гэж харамсах бололтой. Хилэнцийн ордны эрчүүдийн урам хугарна.
Дэлгэрэнгүй
НЯМ, 2015 ОНЫ 12 САРЫН 13
НУМ - (11/22-12/21)
Уран бүтээлчид нэр алдар олж тэдний бүтээл урт хугацааны турш алдарших магадлалтай. Олон нийтийн ажилтнуудыг мөн багагүй алдар нэр хүлээж байна. Гэрлэлтээ батлуулвал азтай байна гэдэгтээ бүү эргэлз. Зарим чухал шийдвэрийг удаан бодож гаргах гэснээсээ болж амаа барих үе байдаг. Амьдралын чухал асуудлыг дотны хүндээ ярьж зөвлөгөө авах нь зохистой.
Дэлгэрэнгүй
НЯМ, 2015 ОНЫ 12 САРЫН 13
МАТАР - (12/22-1/19)
Хосуудын харьцаа хайр дурлал гэхээсээ илүү найз нөхдийн гэмээр нэгэн хэмийн уйтгартай болжээ. Хайртдаа бэлэг бэлэглэхээ бүү март. Тэгвэл тэр таны хайр сэтгэлд эргэлзэхээ болино. Та орлогын үүсвэрүүдийг сайн олж байгаа тул материаллаг байдлаа засахад бүрнээ тохирсон цаг юм. Зорилгодоо хүрч нэмэгдэл урамшуулал авах тэмдэглэлт үйл явдал нь таны мөнгө үрэх шалтгаан болно. Иймээс үүнийг зохицуулах хэрэгтэй.
Дэлгэрэнгүй
НЯМ, 2015 ОНЫ 12 САРЫН 13
БУМБА - (1/20-2/18)
Сарын дундуур таны хайр сэтгэл, сэтгэл хөдлөм энхрий байх бололтой. Магадгүй хайртуудын сэтгэл зүрхийг холбох нандин нууц гарч ирэх бололтой. Жижиг сажиг хэрүүлээс болж хоёр зүрхнийхээ холбоог бүү тасал.
Дэлгэрэнгүй
НЯМ, 2015 ОНЫ 12 САРЫН 13
ЗАГАС - (2/19-3/20)
Мөнхийн үнэнийг ухамсарлах, оюун санаагаа хөгжүүлэх, цэвэрлэхэд таатай өдөр. Хуучин алдаануудаа засах, хөнгөмсөг байдал шунал уур хилэнгээсээ татгалзах боломжийг олгож байна. Найз нөхөдтэйгээ анхааралтай харьцаарай. Зөрчилдөөнтэй нөхцөл байдал урдаас тааварлахын аргагүй хүндхэн байдалд орж болзошгүй. Хамтрагчаа ойлгохгүй хүсэл тань бүдүүлэг авир гаргахад хүргэнэ.

Тухайн өдөр луу жилтнээ аливаа үйлийг хийхэд эерэг сайн. Эл өдөр сахиус тахих, угаал үйлдэх, сан тавих, бэрийн үйл, өлзийг өгүүлэх, балин өргөх, огторгуйн үүд сахих, их хүмүүнтэй уулзах, буяны үйл, мал адгуус муулах үйл, сүм, дуган, суврага босгох хийгээд мод, шорооны үйл хийх, эрэл эрэх, хураан цуглуулах бүхий л үйлд өлзийтэй сайн. Хиншүү хярвас гаргах, өвчтөнийг анх гадагш гаргах, байшингийн суурь тавих, дээвэр тавих, нүүдэл хийх, нохой худалдах, худалдан авахад муу. Өвчин болвол машид сэрэмжилж, хянамгай бай. Замд гарвал тус хэрэг бүхэн бүтнэ. Нүд татвал эцэг, эхэд айхуй шалтгаан ирэх, баруун чих хангинавал бүсгүй хүмүүнтэй маргалдана. Зүүн чих хангинавал идээ, ундаа олдоно. Нохой уливал гэнэтийн зочин ирнэ. Энэ өдөр хэрээ дуугарвал дээд угсаат хүмүүний хэл ам ирэх. Тагнай эрвэгнэвэл хэрүүл тэмцэл болно. Хөлийн мах татвал буянтай гэж номлосон. Өдрийн сайн цаг нь морь, хонь, нохой, гахай, үхэр, луу болой. Үс шинээр үргээлгэх буюу засуулбал хэл ам, хэрүүл тэмцэл ирнэ.

2015 оны 12 дугаар сарын 13-ны 08 цагаас 20 цаг хүртэлх цаг

агаарын урьдчилсан мэдээ:

Нутгийн зүүн хагаст үүлэрхэг. Бусад нутгаар багавтар үүлтэй. Говь болон зүүн зүгийн ихэнх нутаг, төвийн нутгийн зүүн хэсгээр цас орж, цасан шуурга шуурна. Салхи зүүн зүгийн нутгаар баруун өмнөөс хойш эргэж, бусад нутгаар баруун хойноос секундэд 7-12 метр. Дархадын хотгор, Идэр, Тэс голын хөндий, Хүрэн бэлчир орчмоор хүйтэрч 18-23 градус, Хөвсгөл, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон голын сав газраар 11-16 градус, говийн бүс нутгийн өмнөд хэсгээр 3-8 градус, бусад нутгаар 7-12 градус хүйтэн байна.

УЛААНБААТАР ХОТ: Үүлэрхэг. Цас орж, цасан шуурга шуурна. Салхи баруун хойноос секундэд 7-12 метр. 9-11 градус хүйтэн байна.

УИХ-ын шинэ долоо хоногийн үйл ажиллагааны хуваарь /2015.12.14-18/

Улсын Их Хурлын даргын дэргэдэх Зөвлөлийн 2015.12.11-ний өдрийн хурлаар батлав.

2015 ОНЫ 12 ДУГААР САРЫН 14-ӨӨС 18-НЫ ӨДРҮҮДЭД НАМ, ЭВСЛИЙН БҮЛЭГ, АЖЛЫН ХЭСЭГ, БАЙНГЫН ХОРОО БОЛОН ЧУУЛГАНЫ НЭГДСЭН ХУРАЛДААНААР ХЭЛЭЛЦЭХ АСУУДАЛ, ХУВААРЬ

НЭГ.УЛСЫН ИХ ХУРАЛ ДАХЬ НАМ, ЭВСЛИЙН БҮЛГИЙН ХУРАЛДААН:

12 дугаар сарын 14-ний Даваа гарагт:

Улсын Их Хурал дахь Ардчилсан намын бүлгийн хуралдаан “А” танхимд;

Улсын Их Хурал дахь Монгол ардын намын бүлгийн хуралдаан “Б” танхимд;

Улсын Их Хурал дахь МАХН-МҮАН-ын “Шударга ёс” эвслийн бүлгийн хуралдаан “В” танхимд.

(Санал тоолох машиныг ашиглан санал авах, тоолох дүн гаргах үйл явцыг Сонгуулийн Ерөнхий хороо танилцуулна).

ХОЁР.АЖЛЫН ХЭСГИЙН ХУРАЛДААН:

12 дугаар сарын 14-ний Даваа гарагт:

Хяналтын тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын хэсгийн хуралдаан 13.00 цагаас “В” танхимд;

Хуульчийн эрх зүйн байдлын тухай хуулийн хэрэгжилтэд хяналт шинжилгээ хийх үүрэг бүхий Хууль зүйн байнгын хорооны ажлын хэсгийн хуралдаан 13.30 цагаас 334 тоот өрөөнд;

Гааль, татварын ерөнхий газрын эрх зүйн байдлын тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Төсвийн байнгын хорооны ажлын хэсгийн хуралдаан 14.00 цагаас “А” танхимд;

Гэр бүлийн тухай /шинэчилсэн найруулга/ болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 14.00 цагаас “Г” танхимд;

“Улс төрийн санхүүжилт: Сонгуулийн санхүүжилт шинэчлэлийн асуудал” сэдэвт Төрийн байгуулалтын байнгын хорооны хэлэлцүүлэг 15.00 цагаас “Б” танхимд;

Худалдааны тухай хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 15.00 цагаас 4 давхрын Нээлттэй сонсголын танхимд;

Татварын хууль, тогтоомжид нэмэлт, өөрчлөлт оруулах тухай хуулийн төслүүдийг хэлэлцүүлэгт бэлтгэх үүрэг бүхий Улсын Их Хурлын даргын захирамжаар байгуулсан ажлын хэсгийн хуралдаан 16.30 цагаас “А” танхимд.

12 дугаар сарын 15-ны Мягмар гарагт:

Төрийн албаны тухай /шинэчилсэн найруулга/ болон Төрийн албаны тухай хуульд нэмэлт, өөрчлөлт оруулах тухай хуулийн төслүүдийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын дэд хэсгийн хуралдаан 11.00 цагаас “Г” танхимд;

Эрүүгийн хэрэг шалган шийдвэрлэх тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан 13.30 цагаас 334 тоот өрөөнд;

Олон улсын зах зээлд гаргасан Засгийн газрын үнэт цаасны арилжаагаар төвлөрсөн хөрөнгийн зарцуулалт, эргэн төлөлт болон санхүүжүүлсэн төсөл хөтөлбөрийн сонголт, хэрэгжилтийн явц байдлыг шалгасан Эдийн засгийн болон Төсвийн байнгын хорооны хамтарсан ажлын хэсгийн хуралдаан 15.00 цагаас “В” танхимд;

Сонгуулийн хуулийн төсөл, Монгол Улсын Их Хурлын сонгуулийн тухай хуульд нэмэлт, өөрчлөлт оруулах тухай хуулийн төслүүдийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын дэд хэсгийн хуралдаан 15.00 цагаас “Б” танхимд.

12 дугаар сарын 16-ны Лхагва гарагт:

Гэр бүлийн хүчирхийлэлтэй тэмцэх тухай хуулийн төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан 09.00 цагаас 334 тоот өрөөнд;

Хүүхдийн эрхийн тухай /шинэчилсэн найруулга/ болон Хүүхэд хамгааллын тухай хуулийн төслүүдийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын дэд хэсгийн хуралдаан 09.30 цагаас “Г” танхимд;

Төсвийн албаны эрх зүйн байдлын тухай хуулийн төслийг хэлэлцүүлэгт бэлтгэн үүрэг бүхий Төсвийн болон Төрийн байгуулалтын байнгын хорооны хамтарсан ажлын хэсгийн хуралдаан 13.00 цагаас 4 давхрын Нээлттэй сонсголын танхимд;

Монгол Улсын Хүний эрхийн үндэсний комиссын тухай хуульд нэмэлт, өөрчлөлт оруулах тухай хуулийн төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 13.30 цагаас 334 тоот өрөөнд;

Эрүүгийн хэрэг шалган шийдвэрлэх тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан 15.30 цагаас 334 тоот өрөөнд.

12 дугаар сарын 18-ны Баасан гарагт:

Тариалангийн тухай /шинэчилсэн найруулга/ болон холбогдох бусад хуулийн төслийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын дэд хэсгийн хуралдаан 10.00 цагаас “Г” танхимд.

ГУРАВ. БАЙНГЫН ХОРООНЫ ХУРАЛДААН:

12 дугаар сарын 15-ны Мягмар гарагт:

1.Төсвийн байнгын хорооны хуралдаан 09.00 цагаас “А” танхимд:

Хэлэлцэх асуудал:

Улсын тэмдэгтийн хураамжийн тухай хуульд өөрчлөлт оруулах тухай, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай /Засгийн газар 2015.07.09-ний өдөр Барилгын тухай /шинэчилсэн найруулга/ хуулийн хамт өргөн мэдүүлсэн, анхны хэлэлцүүлэг, санал, дүгнэлтээ Эдийн засгийн байнгын хороонд хүргүүлнэ/;

Онцгой албан татварын тухай хуульд өөрчлөлт оруулах тухай, Улсын тэмдэгтийн хураамжийн тухай хуульд өөрчлөлт оруулах тухай хуулийн төслүүд болон ““Импортын барааны гаалийн албан татварын хувь, хэмжээ батлах тухай” Улсын Их Хурлын 1999 оны 6 дугаар сарын 3-ны өдрийн 27 дугаар тогтоолд өөрчлөлт оруулах тухай” Улсын Их Хурлын тогтоолын төсөл /Засгийн газар 2015.11.27-ны өдөр өргөн мэдүүлсэн, анхны хэлэлцүүлэг/;

Аж ахуй нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн С.Бямбацогт нарын 16 гишүүн 2015.11.18-ний өдөр өргөн мэдүүлсэн, хэлэлцэх эсэх/;

Аудитын сэдэв батлах тухай” байнгын хорооны тогтоолын төсөл.

2.Хууль зүйн байнгын хорооны хуралдаан 09.00 цагаас “Б” танхимд:

Хэлэлцэх асуудал:

Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай хуулийг хэрэгжүүлэх ажлыг зохион байгуулах комиссын тайлан;

Албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлгийн маягт, түүнийг бүртгэх, хянах, хадгалах журамд өөрчлөлт оруулах эсэх асуудал.

3.Төрийн байгуулалтын байнгын хорооны хуралдаан 14.00 цагаас “А” танхимд:

Хэлэлцэх асуудал:

Хяналтын тухай болон холбогдох бусад хуулийн төслүүд /Улсын Их Хурлын гишүүн А.Бакей нарын 9 гишүүн 2014.06.10-ны өдөр өргөн мэдүүлсэн анхны хэлэлцүүлэг/;

Үндэсний баяр наадмын тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Л.Эрдэнэчимэг нарын 3 гишүүн 2015.07.09-ний өдөр өргөн мэдүүлсэн, хэлэлцэх эсэх/.

12 дугаар сарын 16-ны Лхагва гарагт:

1.Эдийн засгийн байнгын хорооны хуралдаан 09.00 цагаас “А” танхимд:

Хэлэлцэх асуудал:

Барилгын тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.07.09-ний өдөр өргөн мэдүүлсэн, анхны хэлэлцүүлэг/;

Монгол Улсын Төв банк /Монгол банк/-ны тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн С.Дэмбэрэл, Б.Гарамгайбаатар нар 2015.08.21-ний өдөр өргөн мэдүүлсэн, хэлэлцэх эсэх/.

2.Аюулгүй байдал, гадаад бодлогын байнгын хорооны хуралдаан 14.00 цагаас “А” танхимд:

Хэлэлцэх асуудал:

Элчин сайдыг томилох тухай асуудал /ОХУ/;

Монгол Улсын Төрийн цэргийн бодлогын үндэс баримт бичиг болон Зэвсэгт хүчний байгуулалтыг 2015 он хүртэл хөгжүүлэх хөтөлбөрийн хэрэгжилтэд хяналт-шинжилгээ хийх, цэргийн зэвсэглэл, техникийн хадгалалт, хамгаалалтын байдалд шалгалт хийж санал, дүгнэлт гаргах, шийдвэрийн төсөл боловсруулах ажлын хэсгийн санал дүгнэлт /үргэлжлэн хэлэлцэнэ/.

ДӨРӨВ.ЧУУЛГАНЫ НЭГДСЭН ХУРАЛДААН:

Элчин сайдыг томилох тухай асуудал /ОХУ/;

Онцгой албан татварын тухай хуульд өөрчлөлт оруулах тухай, Улсын тэмдэгтийн хураамжийн тухай хуульд өөрчлөлт оруулах тухай хуулийн төслүүд болон ““Импортын барааны гаалийн албан татварын хувь, хэмжээ батлах тухай” Улсын Их Хурлын 1999 оны 6 дугаар сарын 3-ны өдрийн 27 дугаар тогтоолд өөрчлөлт оруулах тухай” Улсын Их Хурлын тогтоолын төсөл /Засгийн газар 2015.11.27-ны өдөр өргөн мэдүүлсэн, анхны хэлэлцүүлэг/;

Гаалийн тариф, гаалийн татварын тухай хуульд нэмэлт оруулах тухай, Нэмэгдсэн өртгийн албан татварын тухай хуульд нэмэлт оруулах тухай хуулийн төсөл /Улсын Их Хурлын гишүүн С.Оюун нарын 11 гишүүн 2015.09.14-ний өдөр өргөн мэдүүлсэн, анхны хэлэлцүүлэг/;

Хяналтын тухай болон холбогдох бусад хуулийн төслүүд /Улсын Их Хурлын гишүүн А.Бакей нарын 9 гишүүн 2014.06.10-ны өдөр өргөн мэдүүлсэн анхны хэлэлцүүлэг/;

Ард нийтийн санал асуулга явуулах тухай хуульд өөрчлөлт оруулах тухай хуулийн төсөл /Улсын Их Хурлын гишүүн Н.Батбаяр 2015.11.06-ны өдөр өргөн мэдүүлсэн, анхны хэлэлцүүлэг/;

Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Д.Батцогт нарын 17 гишүүн 2015.11.06-ны өдөр өргөн мэдүүлсэн, анхны хэлэлцүүлэг/;

Барилгын тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.07.09-ний өдөр өргөн мэдүүлсэн, анхны хэлэлцүүлэг/;

“Зарим газар нутгийг улсын тусгай хамгаалалтад авах тухай” Улсын Их Хурлын тогтоолын төсөл /Засгийн газар 2015.10.23-ны өдөр өргөн мэдүүлсэн, хэлэлцэх эсэх/;

“Гацууртын ордын төрийн эзэмшлийн хувь тогтоох тухай” Улсын Их Хурлын тогтоолын төсөл /Засгийн газар 2015.10.23-ны өдөр өргөн мэдүүлсэн, хэлэлцэх эсэх/;

“Авлигатай тэмцэх, хариуцлага, шударга ёсыг бэхжүүлэх үндэсний хөтөлбөрийг батлах тухай” Улсын Их Хурлын тогтоолын төсөл /Монгол Улсын Ерөнхийлөгч 2015.11.19-ний өдөр өргөн мэдүүлсэн, хэлэлцэх эсэх/;

Oлон улсын гэрээний тухай /шинэчилсэн найруулга/ хуулийн төсөл /Засгийн газар 2015.10.14-ний өдөр өргөн мэдүүлсэн, хэлэлцэх эсэх/;

Гааль, татварын ерөнхий газрын эрх зүйн байдлын тухай болон холбогдох бусад хуулийн төслүүд /Засгийн газар 2015.11.27-ны өдөр өргөн мэдүүлсэн, хэлэлцэх эсэх/;

Хувь хүний орлогын албан татварын тухай хуульд өөрчлөлт оруулах тухай хуулийн төсөл /Засгийн газар 2015.11.27-ны өдөр өргөн мэдүүлсэн, хэлэлцэх эсэх/;

Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төсөл/Засгийн газар 2015.11.06-ны өдөр өргөн мэдүүлсэн, хэлэлцэх эсэх/;

Аж ахуй нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн С.Бямбацогт нарын 16 гишүүн 2015.11.18-ний өдөр өргөн мэдүүлсэн, хэлэлцэх эсэх/;

Монгол Улсын Төв банк /Монгол банк/-ны тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн С.Дэмбэрэл, Б.Гарамгайбаатар нар 2015.08.21-ний өдөр өргөн мэдүүлсэн, хэлэлцэх эсэх/;

Үндэсний баяр наадмын тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Л.Эрдэнэчимэг нарын 3 гишүүн 2015.07.09-ний өдөр өргөн мэдүүлсэн, хэлэлцэх эсэх/;

Монгол Улсын Ерөнхий сайдын мэдээлэл: Эдийн засгийн ил тод байдлыг дэмжих тухай хуулийн хэрэгжилтийн явцын талаар.