Ц.Оюунгэрэл 45 мянгын Nokia утастай болжээ

Эдийн засгийн байнгын хорооны хуралдаанаар 9 бүлэг 53 зүйл бүхий барилгын тухай хуулийн шинэчилсэн найруулгын төслийг хэлэлцэх эсэхийг шийдлээ. Энэ үеэр БХБ-ын сайд З.Баянсэлэнгээс цөөн зүйлийг тодруулж амжлаа.

Элэгний шинжилгээнд үнэгүй хамрагдах хуваарь

ааа

Засгийн газрын ээлжит хуралдааны дараа Ерөнхий сайдын зөвлөх Ц.Мөнхтөр мэдээлэл хийдэг билээ. Тэрээр өнөөдөр мэдээлэл хийхдээ дэд сайд нарыг томилохгүй гэж мэдэгдлээ.

Учир нь Засгийн газрын яамдуудад долоон дэд сайдын суудал эзгүй байгаа юм. Тус суудалд томилох дэд сайдуудын нэрс тодорсон ч ирэх онд дэд сайдгүй явах зарчим баримтлахаа Сангийн сайд мэдэгдсэн. Ерөнхий сайдын зөвлөх Ц.Мөнхтөр энэ талаар “Дэд сайдгүй байна гэсэн зарчим барьж байгаа. Үүнийг УИХ дахь бүлгүүд дэмжсэн. Тийм учраас нэмж шинээр дэд сайдуудыг томилохгүй. 2016 оноос дэд сайдгүй байх төсөл явж байгаа. Хэрвээ дэмжигдвэл одоо үүргээ гүйцэтгэж байгаа дэд сайдууд 2015 он дуусахад чөлөөлөгдөнө гэсэн үг” гэлээ.

Эрчим хүч хэмнэлтийн тухай хуулийн төслийг хэлэлцэхийг дэмжлээ

БНСУ-ын нийслэл Сөүл хот, Монгол Улсын нийслэл Улаанбаатар хотууд ах дүүгийн найрамдалт харилцаатай болсны 20 жилийн ой энэ онд тохиож байна. Энэ хүрээнд НИТХ-ын дарга Д.Баттулгын урилгаар БНСУ-ын Сөүл хотын ИТХ-ын дарга ноён Пак-Нэ-Хаг тэргүүтэй төлөөлөгчид Улаанбаатар хотод айлчилж байна.
Өнөөдөр Сөүл хотын ИТХ-ын дарга болон төлөөлөгчдийг НИТХ-ын дарга Д.Баттулга болон НИТХ-ын төлөөлөгчид хүлээн авч уулзлаа. Уулзалтын эхэнд НИТХ-ын дарга Д.Баттулга, Бид Сөүл хоттой 1995 оноос хойш найрамдалт харилцаатай байж, олон салбарт хамтран ажиллаж ирлээ. Энэ оны 5 сард Нийслэлийн Засаг дарга Сөүл хотод зочлон, Улаанбаатар хотын Соёлын өдрүүд Сөүл хотод болсон бол ердөө 14 хоногийн өмнө Сөүл хотын дарга Улаанбаатар хотноо албан ёсны айлчлал хийж, хотууд цаашид ямар салбарт тэргүүлэх чиглэлээр хамтран ажиллахаа тодорхойлсон гэлээ.
Түүнчлэн Сөүл хоттой сурагч болон оюутан солилцооны чиглэлээр хамтран ажиллах сонирхолтой байгаагаа илэрхийлснээс гадна эрүүл мэндийн салбарт хамтран ажиллах хүсэлтэй байгаагаа уламжиллаа.
Сөүл хотын ИТХ-ын дарга Пак-На-Хаг, “Сөүл хот олон хотуудтай хамтын ажиллагаатай байдаг ч бидний хамгийн найрсаг сайхан харилцаатай хот бол Улаанбаатар хот юм. Сөүл хот Улаанбаатар хоттой эрүүл мэнд, нийгэм, соёл, эдийн засаг гээд бүхий л чиглэлд хамтын ажиллагаагаа өргөжүүлэн амжилттай ажиллаж байна. Цаашид ч хоёр хотын хамтын ажиллагааг бодлогын төвшинд дэмжинэ ажиллах болно” гэлээ.
Энэ үеэр НИТХ-ын Тэргүүлэгчдийн тогтоолоор Сөүл хотын ИТХ-ын дарга ноён Пак-На-Хаг Нийслэлийн Хангарди одонгоор шагнасныг НИТХ-ын дарга Д.Баттулга гардуулан өглөө гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монгол Улсад гэрэл зургийн алба үүсч хөгжсөний 80 жилийн ой энэ онд тохиож байгаа юм. Энэхүү ойн хүрээнд 10 дугаар сарыг гэрэл зургаар амьсгалсан сар болгох нь ээ.

Ойн хөтөлбөр:

Аравдугаар сарын 04. 12:00 цагаас “Ертөнцийг гэрлээр бичих урлаг” номын нээлт В.Баттулгай

Аравдугаар сарын 05. 12:00 цагаас Монгол улсад гэрэл зургийн алба үүсч хөгжсөний 80 жилийн ой баярын арга хэмжээг тэмдэглэн өнгөрүүлэх тухай Хэвлэлийн бага хурал – Монгол Ньюс

Аравдугаар сарын 05-06. 11:00 цагаас Даваасамбуу “Жаранг түүхэлсэн агшин” үзэсгэлэн нээлт Q art gallery-д

Аравдугаар сарын 07-08 ны өдөр. 11:00 цагаас Б.Болор-Эрдэнэ “Нүд-2” үзэсгэлэн нээлт Q art gallery-д

Аравдугаар сарын 09-10 ны өдөр. 12:00 цагаас Нийт гэрэл зурагчдын хамтарсан үзэсгэлэн Q art gallery-д

Аравдугаар сарын 10 ны өдөр. 12:00 цагаас “Монголын гэрэл зурагчид 80 жил” номын нээлт Q art gallery-д

Аравдугаар сарын 11 ны өдөр. 13:00 цагаас Баярын хурал – Улсын Филармоны концертын танхимд

Аравдугаар сарын 11 ны өдөр. 16:00 цагаас Дурсгалын зураг авалт. Чингисийн талбайд

Аравдугаар сарын 11 ны өдөр. 17:00 цагаас Хүлээн авалт – Туушин зочид буудалын Соёмбо танхимд

Аравдугаар сарын 13-15ны өдөр. 13:00 цагаас Гэрэл зургийн техник хэрэгсэл, сурталчилгаа, үзэсгэлэн

Аравдугаар сарын 14 ны өдөр. 12:00 цагаас Г.Ган-Өлзий “Нүүдэлчин Монгол” үзэсгэлэн нээлт Blue moon art gallery-д зохион байгуулахаар төлөвлөжээ.

Гаалийн тариф, гаалийн татварын тухай хууль болон Гаалийн тухай хуульд нэмэлт, өөрчлөлт оруулах тухай хуулийн төслийг өргөн мэдүүлнэ

УИХ-ын дарга хуулийн төсөл нэн яаралтай хэлэлцүүлэх тухай захирамж гаргалаа

Монгол Улсын Их Хурлын дарга Зандаахүүгийн Энхболд 2015 оны 10 дугаар сарын 06-ны өдөр Хуулийн төсөл нэн яаралтай хэлэлцүүлэх тухай 204 тоот захирамж гаргалаа. Монгол Улсын Их Хурлын тухай хуулийн 11 дүгээр зүйлийн 11.2 дахь хэсэг, Монгол Улсын Их Хурлын чуулганы хуралдааны дэгийн тухай хуулийн 161 дүгээр зүйлийн 161.1 дэх хэсгийг үндэслэн захирамж гаргажээ. Үүнд:
1. Монгол Улсын Засгийн газраас 2015 оны 10 дугаар сарын 06-ны өдөр Улсын Их Хуралд өргөн мэдүүлсэн Монгол Улсын 2015 оны Төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд нэмэлт, өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд нэмэлт, өөрчлөлт оруулах тухай, Монгол Улсын нэгдсэн төсвийн 2015 оны төсвийн хүрээний мэдэгдэл, 2016-2017 оны төсвийн төсөөллийн тухай хуульд өөрчлөлт оруулах тухай хуулиудын төслийг Монгол Улсын Ерөнхий сайдын хүсэлтийг үндэслэн хэлэлцэх асуудлыг тов, дарааллыг харгалзахгүйгээр Улсын Их Хурлын чуулганаар нэн яаралтай хэлэлцүүлсүгэй.
2. Энэ захирамжийн 1 дэх заалтад заасан хуулиудын төслийг Байнгын хорооны болон нэгдсэн хуралдаанаар хэлэлцүүлэх бэлтгэл хангахыг Монгол Улсын Их Хурлын Төсвийн байнгын хороонд даалгасугай гэжээ хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Баянзүрх дүүргийн Улиастай орчимд 4,4 баллын хүчтэй газар хөдлөлт болжээ

Төрөөс аж үйлдвэрийн талаар баримтлах бодлогыг хэрэгжүүлэх дунд хугацааны стратегийг баталлаа

Онцгой албан татварын тухай хуульд нэмэлт оруулах тухай хуулийн төслийг УИХ-д өргөн барина

Эдийн засгийн байнгын хорооны өнөөдрийн хуралдаанаар Барилгын тухай хуулийн шинэчилсэн найруулгын төслийг хэлэлцэх эсэхийг хэлэлцэж дэмжлээ.

Аж ахуйн нэгжид барилга барих тусгай зөвшөөрлийг 28 хоногт олгодог байсныг 10 хоногт багтаан шийдвэрлэдэг болгохоор хуулийн төсөлд тусгасан хэмээн БХБ-ын сайд З.Баянсэлэнгэ мэдээлэв.

Хуулийн төсөлтэй холбогдуулан УИХ-ын гишүүн Б.Гарамгайбаатар хуулийн төсөлд зам, эрчим хүчний салбартай хамтран ажиллах зохицуулалтыг хэрхэн тусгасан талаар тодруулсан. БХБ-ын сайд З.Баянсэлэнгэ, Монгол Улс барилгын зөвшөөрөл олгох үзүүлэлтээрээ дэлхийн 185 орноос 121 дүгээр байранд, зүүн Ази, номхон далайн бүсийн 24 орноос 21 дүгээр байранд орсон байна. Энэ нь барилгын тусгай зөвшөөрөл олгоход хэр их хүндрэлтэй байгаа вэ гэдгийг харуулж байна. Манай яам үйл ажиллагаа явуулдаг бус бодлого тодорхойлогч болохоор төлөвлөж байгаа учраас барилгын тусгай зөвшөөрөл олгох асуудлыг төрийн бус байгууллагаар гүйцэтгүүлэх хэлбэрт шилжихээр төлөвлөж байна. Хуулийн төслийг эрчим хүч, автозам зэрэг холбогдох бүхий л салбартай нягт уялдаатай боловсруулсан хэмээн хариулав.

Мөн С.Одонтуяа гишүүн, Хуучны байшин нураах асуудлаар Мэргэжлийн хяналтын дүгнэлт гаргадаг. Гэтэл бусад оронд хуучин байшингаа аль болох түүхийн өв гэдгээр нь хадгалж үлдэхийг хичээдэг. Тиймээс хэзээний, ямар хуучин байшин нураах, алийг нь хадгалж үлдэх талаар нарийн журам гаргах хэрэгтэй гэсэн санал хэлэв.

Ийнхүү санал хураалт явуулахад хуралдаанд оролцсон гишүүдийн 80 хувь хуулийн төслийг хэлэлцэж, батлах нь зөв гэж үзлээ.

Загастайн давааг хоёр сар хаана

“Эгийн голын усан цахилгаан станц” төслийн урьдчилсан шатны дэд бүтцийн ажлын концессийн гэрээ байгуулах зөвшөөрөл олголоо

“Намрын ногоон өдрүүд” үзэсгэлэн худалдааны үеэр 1,2 тэрбум төгрөгийн борлуулалт хийжээ

Д.Содном: Парламентийг хоёр танхимтай болгож 7 жилээр сонгоё

Эрчим хүчний алдагдлыг бүрэн зогсоож жилд 15 тэрбумыг хэмнэнэ

Байнгын хороо цэцийн дүгнэлтийг хүлээн зөвшөөрөх боломжгүй гэж үзэв