Өчигдөр өглөө Хятадын баруун хэсэгт газар хүчтэй хөдөлсөн билээ. Энэхүү гамшигт амиа алдагсдын тоо 89-д хүрсэн бөгөөд энэ тоо өсч магадгүй талаар “Сянхуа” агентлаг мэдээллээ. Ганьсу мужийн Ланзоу хотоос зүүн өмнө зүгт 177 км-т Чабу хотод болсон газар хөдлөлтөд 628 хүн гэмтэж бэртсэн байна.

Испанийн шар айрагны тэмцээний ялагч хэтэрхий их шар айргийг хэт хурдан уусны улмаас амиа алджээ.

Палентлогичид 72 сая жилийн настай нугасан хошуут үлэг гүрвэлийн чулуужсан үлдэгдлийг Мексикийн цөлийн хойд хэсгээс олжээ. Сайтар хадгалагдсан хэмээн дүгнэж буй нугасан хошуут үлэг гүрвэлийн сүүл нь Мексикийн нутгаас анх удаа олдож байгаа аж.

Баянгол дүүргийн 16-р хороонд байрлах нэгэн караокед 10 гаруй охин биеэ үнэлдэг байсныг Баянгол дүүргийн цагдаагийн нэгдүгээр хэлтэс илрүүлжээ. Энэ караокег гаднаас нь харахад ямар нэгэн хаяг байхгүй, хувь хүмүүст захиалгаар үйлчилдэг байсан аж. Хэргийг тус дүүргийн цагдаагийн хэлтэс үргэлжлүүлэн шалгаж байгаа бөгөөд өнөөдөр 16.00 цагт мэдээлэл хийх юм байна.