Монгол улсын Хөдөлмөрийн баатар, Ардын жүжигчин, Төрийн шагналт хөгжмийн зохиолч Д.Лувсаншаравын хөгжим, С.Лхамсүрэнгийн шүлэг “Маамуу нааш ир” дуу зохиогдсоны 60 жилийн ой энэ онд тохиож байна.

Ойн ажлын хүрээнд маргааш буюу 2016 оны 10 дугаар сарын 25-ны 11:00 цагт “Маамуу нааш ир” дууг Монгол орон даяар цэцэрлэгийн бүх хүүхдүүд нэгэн зэрэг дуулах юм байна. Мөн “Маамуу нааш ир” дууны хөшөөнд цэцэг өргөх ёслол 12.00 цагт болох бол тус ойд зориулсан “Хүндэтгэлийн тоглолт” 13:00 цагт Монголын Хүүхдийн ордонд болно гэж Нийслэлийн Хүүхэд, гэр бүлийн хөгжлийн газраас мэдээллээ.

ХОНЬ - (3/21-4/19)
Өнөөдөр алхам ухарч хамтрагчтайгаа ойр дотно харьцаа тогтооход анхаар. Санхүүгийн төлөвлөгөө гаргах, муу зуршлаасаа салахад тохиромжтой өдөр. Эмчилгээний цаг товло, эрч хүчээ ирэх сарын хүнд өдрүүдэд ашиглахаар нөө. Бусдын тусламжтай тулгарсан асуудпаа шийдвэрлэ. Дотоод сэтгэлээ нээж, чин сэтгэлээсээ байх хэрэгтэй.

ҮХЭР - (4/20-5/20)
Өнөөдөр тоо томшгүй олон үүрэг мөн хариуцлага чиний өмнө байна. Хийж эхлэхээсээ өмнө төлөвлөгөө гарга. Тэгвэл өөрийн бүх хариуцлагаа давах болно. Бусдын санаа бодлыг хүндэтгэж сур. Таны урам зоригийг сэргээж чадах захиа юм уу дуудлага ирнэ. Туршлага, мэдлэг чадвартаа найд. Үүний ачаар компаний удирдлагуудаас магтаал сонсоно. Эргэн тойрныхоо хүмүүсээс хамгийн итгэлтэйг нь ялгаж салга.

ИХЭР - (5/21-6/21)
Хэдийгээр хажуу дахь хүн чинь танд саад болж, төвөгтэй байдал гаргасан ч аль болох тайван байхыг хичээгээрэй. Ингэснээр таны нэр хүнд өсч, бүр албан тушаап ч ахиж мэднэ. Гайхалтай романтик учрал таныг хүлээж байна. Бизнесийн чухал уулзалт хийж байгаа бол утсаа унтраахаа мартав. Хамтрагч тань ойлгохгүй хэт их зүйл шаардаад байвал түр ч болов зайгаа барьж, амрахыг хичээ. Ингэснээр харилцаагаа хамгаалж үлдэхээс гадна харилцаа удаан үргэлжлэх болно.

МЭЛХИЙ - (6/22-7/22)
Энэ өдөр амралтаа авч гадагш явахад тун тохиромжгүй, ирж буй аялалын хөтөлбөрийг боловсруулахад ч таатай үе биш. Учир нь та төсвөө хэтрүүлэн үрэх магадлал өндөр байна. Коллеж дээр арга хэмжээ зохион байгуулах үүрэг авсан хүмүүсийн ажил төлөвлөсөн ёсоор явагдах болно. Оюутнуудын хувьд ганцаараа үзүүлэн хийж юм уу эсвэл бүлгээрээ хийх төсөлд оролцож дэвшилт гаргах хэрэгтэй. Болж буй санал зөрөлдөөн санаанд хүрэхээр шийдвэрлэгдэнэ.

АРСЛАН - (7/23-8/22)
Таныг сатааруулах зүйл ганц нэгээр зогсохгүй учир ажилдаа бүх анхаарлаа төвлөрүүлэхийн зэрэгцээ гэр ахуйн амьдралаа бүү гаргуунд нь хая. Бусдын юу бодож, юу мэдэрч байгааг нь үл тоож болохгүй. Гэхдээ өөрийнхөө төлөө тэднээс ангид байхыг хүсье. Мөрий тавьснаар халаас зузаарах нь бололтой. Учир нь та их азтай байна. Мөнгөө гэр ахуйдаа зарцуулаарай. Гэр бүлээрээ гадагш гарч хоол идэж цагийг сайхан өнгөрөөгөөрэй.

ОХИН - (8/23-9/22)
Өнөөдөр удаан хугацаанд уулзалдаагүй найз нөхөдтэйгээ уулзахыг хичээ. Мөн богино хугацааны аялал төлөвлөж, романтик болзоо зохиож, байгалийн сайханд амрахад маш таатай. Хэрвээ та орчин тойронтойгоо сайтар танилцаж чадвал зочдод хамгийн сайн хөтөч болж чадна. Хайр дурлалын харилцаа маш таатай байна. Тиймээс дуртай ресторандаа ширээ захиалж, оройг хоёулханаа хамтдаа өнгөрөө.

ЖИНЛҮҮР - (9/23-10/22)
Сэтгэлдээ ганцаардлыг мэдрэнэ. Энэ өдөр уран бүтээлээ хөгжүүлэхэд сайн. Магадгүй бусдын төлөө зүтгэснийхээ төлөө багахан шан харамж авна. Өнөөдөр тийм ч сайхан байхгүй ба бие тань сулран толгойд хэрэггүй бодол эргэлднэ. Элдэв бодлоо толгойноосоо гарган ажилдаа анхаарлаа хандуул. Тамхичин жинлүүрийнхний бие өвдөж магадгүй тул, яг одооноос тамхиа хаях нь дээр. Та найз нөхөддөө тусламжын гараа сунгаарай.

ХИЛЭНЦ - (10/23-11/21)
Cap таны хайр дурлалыг илтгэдэг 5-р гэр болох Загасны орд руу шилжин орж байгаа тул өнөөдрийн уур амьсгалд жаргалтай, хөгжилтэй байдал зонхилно. Өөрт онцгой нэгэнд эсвэл хүүхдүүддээ дотоод сэтгэл зүрхээ дахин нээ. Бүтээлч Хилэнцүүд одоо чөлөөт төсөл төлөвлөгөөн дээр ажиллаж, урлагийн шилдэг бүтээлээ туурвих байх. Хөгжмийн концерт, уран зургийн үзэсгэлэнд оролцох эсвэл театрт жүжиг үзэн баяр хөөртэйгээр уран зөгнөлийн ертөнцөд умба.

НУМ - (11/22-12/21)
Хүсэл мөрөөдлөө биелүүлэхэд тааламжтай үе. Үйл явдал сайнаар эргэж магадгүй байна. Гэхдээ хамтран ажиллагсдадаа түрэмгий байдлаар хандахаас зайлсхий. Өөрт хамаагүй зүйлд бүү хутгалд. Гэрээгээр ажил авч нэмэлт орлого олсноор таны мөнгө санхүүгийн байдалд сайнаар нөлөөлөх бөгөөд таны амьдралын хэв маягт өөрчлөлт орно.

МАТАР - (12/22-1/19)
Одоогийн од эрхсийн дохиогоор оггхон ч чөлөө завгүй өдөр болох тул та төлөвлөгөө, арга барил, стратегээ ойлгомжтой болгох хэрэгтэй. Чухал ажлуудаа эн тэргүүнд хий. Та энэ салбарт шинээр ажиллаж байгаа бол найз нөхдийнхөө хүрээг тэл, одоогийн хичээл зүтгэл тань үнэ цэнэгүй байх болно. Ажлын цаг дууссаны дараа ажлын үүрэг хариуцлагаа орхин зугаа цэнгэлд дуртай залуус чөлөөт цагаа нийтийн дунд өнгөрүүл. Шинэ санаануудаа амьдралд хэрэгжүүлэн мөнгө хийхэд сайхан үе.

БУМБА - (1/20-2/18)
Хурал дээр мэргэжлийн зөвлөгөө сонсож байж шийдвэр гаргасан нь дээр. Өнөөдөр яаруу шийдвэр гаргах магадлал өндөр. Санхүүгийн байдал сайн хэвээр. Гэхдээ банкны үлдэгдлээ шалгахаас цааргалах хэрэггүй. Хэрэв та өөрийн мөнгөнд анхаарахгүй бол мөнгө нүдэнд харагдалгүй алга болж чаддаг гэдгийг сана. Хайр дурлал яг хар тамхи шиг байх болно. Үүнээс болж зөвхөн хүсэл, сэтгэл хөдлөлдөө удирдуулах байх.

ЗАГАС - (2/19-3/20)
Чухал санааг хэн нэгэнд санал болгох гэж байгаа бол няхуур нямбай байж аль талаас нь эхэлж ярихаа сайн бодохгүй бол та одоо яг галзуу хүн шиг байдалд байна. Нөхцөл байдалд тохируулан хувцаслаж өөрийн итгэлтэй байдлаа ихэсгэх хэрэгтэй. Хувийн төсөл төлөвлөгөө тань оновчтой байх тул одоо яг хэрэгжүүлэх мөч. Ажил, мэргэжилтэй тань холбоотой олон янзын сургалт, дамжаа байгаа учир та өөртөө итгэх байдал, чиг хандлагаа өсгөж чадна.

Өнөөдөр УИХ дахь намын бүлэг, ажлын хэсгүүдийн хуралдаан болно.

НЭГ.УЛСЫН ИХ ХУРАЛ ДАХЬ НАМЫН БҮЛГИЙН ХУРАЛДААН:

Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимд;

Улсын Их Хурал дахь Ардчилсан намын бүлгийн хуралдаан “Их эзэн Чингис хаан” танхимд.

ХОЁР.АЖЛЫН ХЭСГИЙН ХУРАЛДААН:

“Авлигатай тэмцэх, хариуцлага, шударга ёсыг бэхжүүлэх үндэсний хөтөлбөр батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан 10.00 цагаас 334 тоот өрөөнд;

“Авлигатай тэмцэх, хариуцлага, шударга ёсыг бэхжүүлэх үндэсний хөтөлбөр батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 14.00 цагаас 334 тоот өрөөнд;

Монгол Улсын олон улсын гэрээний тухай хуулийн шинэчилсэн найруулгын төслийг хэлэлцүүлэгт бэлтгэх үүрэг бүхий Аюулгүй байдал, гадаад бодлогын байнгын хорооны ажлын хэсгийн хуралдаан 14.00 цагаас “Их эзэн Чингис хаан” танхимд;

“Төрөөс мөнгөний бодлогын талаар 2017 онд баримтлах Үндсэн чиглэл батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 14.00 цагаас “В” танхимд;

Туул голын бохирдол, Түгээмэл тархацтай ашигт малтмалын олборлолтын талаар ирүүлсэн өргөдлийн дагуу иргэд, холбогдох албан тушаалтнаас тайлбар авах Өргөдлийн байнгын хорооны уулзалт 14.00 цагаас Нээлттэй сонсголын танхимд;

Монгол Улсын 2017 оны төсвийн төслийн талаар Байнгын хорооны санал, дүгнэлтийн төсөл боловсруулах үүрэг бүхий Эдийн засгийн байнгын хорооны ажлын хэсгийн хуралдаан 15.30 цагаас “В” танхимд.

Жич: Монгол Улсын урт, дунд хугацааны хөгжлийн бодлогын асуудлууд, Тогтвортой хөгжлийн үзэл баримтлал ба Засгийн газрын үйл ажиллагааны хөтөлбөрт тусгагдсан зорилтуудын уялдааг хангах асуудлаар Засгийн газрын түвшинд зөвлөлдөх уулзалт 10.00 цагаас “В” танхимд;

Өнгөрсөн долоо хоногийн баасан гарагт шинэхэн гишүүдийн хөрөнгө орлого ил болсон. Тэгвэл гишүүдийн зарим нь 21 компанитай, жилийн 19 сая төгрөгийн орлоготой ч хэдэн зуугаар тоологдох хэмжээний өртэй хэмээн ХОМ-тээ дурджээ. Тодруулбал 76 гишүүний 18 нь арилжааны банкууд болон банк бус санхүүгийн байгууллагад 10 саяаас дээш төгрөгийн өртэй хэмээн мэдүүлсэн байна. Тэгвэл хадгаламжиндаа мөнгөтэй ч өрийн жагсаалтад багтсан гишүүдийг 24 баримтаар хүргэж байна.

Нийслэлийн Засаг дарга бөгөөд Улаанбаатар хотын Захирагч С.Батболд Дүүргийн иргэдийн Төлөөлөгчдийн Хурлын ээлжит сонгуулийн нэмэлт санал хураалттай холбогдуулан авах зарим арга хэмжээний тухай А/744 дүгээр захирамж гаргалаа. Тус захирамжийн дагуу сонгуулийн нэмэлт санал хураалт болон техникийн тооллого хийх өдөр буюу 2016 оны 10 дугаар сарын 23, 24-ний өдрүүдэд нийслэлийн нутаг дэвсгэрт архи, согтууруулах ундаа худалдах, түүгээр үйлчлэхийг түр зогсоолоо. Мөн замын хөдөлгөөний ачааллыг бууруулах, иргэдийг идэвхтэй саналаа өгөх нөхцөлийг бүрдүүлэх зорилгоор нийслэлийн нутаг дэвсгэрт үйл ажиллагаа явуулж байгаа хүнс, барилгын материал, мод, модон материал, түүхий эд, техникийн захууд болон худалдааны төвүүдийг 2016 оны 10 дугаар сарын 23-ны өдөр амарна. Тус захирамжийн хүрээнд Дүүргийн иргэдийн Төлөөлөгчдийн Хурлын ээлжит сонгуулийн нэмэлт санал хураалтын өдөр буюу 2016 оны 10 дугаар сарын 23-ны өдөр нийслэл, дүүргийн Засаг даргын Тамгын газраас нийтийг хамарсан арга хэмжээг бүртгэж, зөвшөөрөл олгохгүй юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

08.30 цагт ГХЯ-нд Монгол Улс НҮБ-д гишүүнээр элссэний 55 жилийн ойг тэмдэглэх хүрээнд Нийслэлийн ЕБ-ын 30 сургуулийн 180 орчим сурагчийн зохион байгуулсан НҮБ-ын жишиг хуралдааны хаалт болно.

09.00 цагт ”КЕМПИНСКИ” зочид буудлын ”Алтай” танхимд ЮНЕСКО-ийн Олон улсын ус зүйн хөтөлбөрийн Зүүн өмнөд Ази, Номхон далайн бүсийн удирдах хорооны 24-р хурал болно.

10.00 цагт Төрийн ордонд Монгол Улсын урт, дунд хугацааны хөгжлийн бодлогын асуудлууд, Тогтвортой хөгжлийн үзэл баримтлал ба Засгийн газрын үйл ажиллагааны хөтөлбөрт тусгагдсан зорилтуудын уялдааг хангах асуудлаар зөвлөлдөх уулзалт болно.

10.00 цагт Нийслэлийн хэвлэл мэдээллийн төвд Нийслэлийн сонгуулийн хорооноос мэдээлэл хийнэ.

10.00 цагт МҮЭХ-нд ”Гэр бүлийн хүчирхийлэл-Ажилчид, ажлын байранд үзүүлж буй сөрөг нөлөө” цахим судалгааг хийх ажилтнуудад зориулсан сургалт болно.

10.00 цагт Дэрэн компанид ”Дэрэн Кап-2016” Олон Улсын футзалын тэмцээний талаар мэдээлэл хийнэ. Утас: 99090271, 88118686

11.00 цагт ХЗДХЯ-нд Цагдаагийн ерөнхий газар, ШШГЕГ хамтран цаг үеийн асуудлаар мэдээлэл хийнэ.

11.00 цагт Шүүхийн ерөнхий зөвлөлөөс ”Шүүхийн байрны тулгамдсан асуудал” сэдвээр Баянзүрх, Чингэлтэй, Сүхбаатар дүүргийн иргэний хэргийн анхан шатны шүүх дээр мэдээлэл хийнэ.

11.00 цагт Нийслэлийн хэвлэл, мэдээллийн төвд Улаанбаатар хотын 377 жилийн ойн арга хэмжээний талаар мэдээлэл хийнэ.

11.00 цагт “Үндэсний мэдээллийн төв”-д АТГ улс төрийн нөлөөлөөр шударга бус ажиллаж байгаа талаар мэдээлэл хийнэ.

12.00 цагт СТӨ-нд МУГЖ, Зууны манлай эстрадын дуучин Б.Сарантуяа удахгүй хийх тоглолтынхоо талаар мэдээлэл хийнэ.

”Монгол ньюс” мэдээллийн төв

11.00 цагт Монголын үнэт цаасны арилжаа эрхлэгчдийн холбооноос цаг үеийн асуудлаар мэдээлэл хийнэ.

12.00 цагт “Соёл иргэншил залуусын нэгдэл”-ээс бага тархины хавдрын эсрэг “Хүүхдийн саруул ирээдүйн төлөө” аяны талаар мэдээлэл хийнэ.

Орон нутаг, дүүргийн Иргэдийн төлөөлөгчдийн сонгууль энэ сарын 19 нд болсон ч ихэнх тойрогт ирц хүрээгүй учир нэмэлт санал хураалтыг өчигдөр явуулж билээ. Энэ удаагийн Орон нутгийн сонгуулиар нийслэлд АН Баянгол, Баян-Зүрх, Сүхбаатар дүүрэгт ялалт байгуулсан бол МАН бусад зургаан дүүрэгт ялалт байгуулсан байна.

МАН энэ удаагийн сонгуульд сөрөг хүчиндээ үнэхээр үхлийн цохилт өгөв. Нөгөөдүүл нь ч ингэж ялагдах магадлал байсан учир сэтгэлзүйн хувьд бэлэн сууцгаалаа. Мөн 2000 онд нэг удаа ийм үхлийн цохилт авч асан туршлага ч бий л дээ. Тиймээс сндарч мэгдсэнгүй. Харин ялагдлын шалтгаан гэвэл өөр хэрэг. Энэ удаа л гэхэд АН доторхи “атамануудын” нь зодоон дээр “ах нам”-ын амлалтууд гол нөлөө үзүүлжээ.

2016.10.24, Даваа гараг / Билгийн тооллын: 24
Намрын адаг шар нохой сар
Долоон улаан мэнгэтэй Шарагчин туулай өдөр

Аргын тооллын: 2016.10.24, Даваа гараг
Наран ургах шингэх: 07.25-17.47
Үс засуулбал: Өвчин эмгэг ирнэ
Барилдлага: Рашаан
Шүтэн барилдлага: Тийн мэдэхүй

Тухайн өдөр хонь, гахай жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, гарагийг тахих, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, улаа гаргах, хиншүү хярвас гаргах, уул овоо тахихад муу. Өдрийн сайн цаг нь хулгана, бар, туулай, морь, хонь, тахиаболой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.

БАРУУН АЙМГУУДЫН НУТГААР: Үүлэрхэг. Шөнөдөө ихэнх нутгаар, өдөртөө нутгийн зүүн хэсгээр цас орно. Салхи баруун хойноос секундэд 6-11 метр, шөнөдөө зарим газраар өдөртөө нутгийн өмнөд хэсгээр секундэд 14-16 метр хүрч шороон болон цасан шуурга шуурна. Хүйтэрч Алтай, Хангайн уулархаг нутгаар шөнөдөө 11-16 градус, өдөртөө 4-9 хүйтэн, Алтайн өвөр говиор шөнөдөө 2 градус хүйтнээс 3 градус дулаан, өдөртөө 4-9 градус дулаан, бусад нутгаар шөнөдөө 7-12 градус, өдөртөө 0-5 градус хүйтэн байна.

ТӨВИЙН АЙМГУУДЫН НУТГААР: Үүлэрхэг. Ихэнх нутгаар цас орно. Салхи баруун өмнөөс хойш эргэж секундэд 7-12 метр, зарим газраар секундэд 14-16 метр хүрч цасан шуурга шуурна. Хүйтэрч Хангай, Хөвсгөлийн уулархаг нутгаар шөнөдөө 10-15 градус, өдөртөө 5-10 градус, бусад нутгаар шөнөдөө 4-9 градус, өдөртөө 1-6 градус хүйтэн байна.

ЗҮҮН АЙМГУУДЫН НУТГААР: Үүлшинэ. Шөнөдөө нутгийн хойд хэсгээр, өдөртөө ихэнх нутгаар цас орно. Салхи зүүн өмнөөс баруун хойш эргэж секундэд 6-11 метр, өдөртөө зарим газраар секундэд 12-14 метр хүрч шороон болон цасан шуурга шуурна. Шөнөдөө бүх нутгаар 3-8 градус, өдөртөө нутгийн хойд хэсгээр хүйтэрч 0-5 градус хүйтэн, бусад нутгаар 2-7 градус дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орно. Салхи зүүн хойноос секундэд 5-10 метр. Шөнөдөө 4-6 градус хүйтэн, өдөртөө 0-2 градус дулаан байна.

ГОВИЙН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө нутгийн зүүн хэсгээр хур тунадас орно. Салхи зүүн өмнөөс баруун хойш эргэж секундэд 6-11 метр, зарим газраар түр зуур секундэд 16-18 метр хүрч шороон шуурга шуурна. Шөнөдөө бүх нутгаар 2 градус дулаанаас 3 градус хүйтэн, өдөртөө нутгийн хойд хэсгээр 2-7 градус, бусад нутгаар 6-11 градус дулаан байна.

УЛААНБААТАР ХОТ: Үүлшинэ. Цас орно. Салхи зүүн өмнөөс баруун хойш эргэж секундэд 6-11 метр, өдөртөө зарим үед секундэд 14-16 метр хүрч цасан шуурга шуурна. Шөнөдөө 4-6 градус хүйтэн, өдөртөө хүйтэрч 0 градус орчим байна.

Цээжээр халуун оргиж түлэгдэх шиг болон хорсох хичнээн таагүй билээ. Цээж хорсох таагүй өвчнийг олон хүн өөр мэдэрдэг. Цээж хорсонгуут хүмүүс аяга ус яаралтай авч, сод хийж хутгаад ганц амьсгаагаар залгина. Зүгээр болчих шиг боллоо. Тэгээд л ажлаа хийсээр одно. Гэтэл маргааш нь дахиад цээж хорсоно. Та содтой усаар зөвхөн шинж тэмдгийг арилгаж байгаа болохоос биш өвчнийг анагааж байгаа хэрэг биш гэдгээ мэдэх үү? Сод бол эм биш. Зүгээр л давсны хүчлийн үйлчилгээг багасгаж байгаа юм. Байнга сод уувал гэдэс дотор нүүрсхүчлийн хий үүсч, энэ нь ходоодны салстыг сэдрээж өвчнийг улам гааруулдаг. Цээж хорсох нь ихэнхдээ хоол боловсруулах замын ноцтой өвчний илрэл байдаг.

Яагаад?

Ихэнхдээ цээж хорсох нь буруу хооллосноос эхтэй. Ялангуяа их ажилтай, эсвэл яаруу сандруу хүмүүс сууж тайван хооллохын оронд явдал дундаа иддэг. Энэ нь даамжирсаар өвчинд хүргэнэ. Цээж хорсох үндсэн шалтгаануудын нэг нь илүүдэл жин. Хүн их идсээр ходоод нь сунадаг. Мөн таргалж эхэлнэ. Улмаар гэдэс доторх даралт тун өндөр болдог. Энэ бүхэн мөн цээж хорсохын эхлэл. Дээр нь архи их уух, кофе уух, шоколад их идэх, хийжүүлсэн ундаа юм уу халуун ногоотой хурц хоол их иддэг бол эрт орой хэзээ нэгэн цагт цээж хорсоно. Цээж хорсох механизм туйлын энгийн. Хүн хоол идэхэд улаан хоолойгоор дамжин ходоод руу ордог. Хоол ходоод руу орох үед улаан хоолой ба ходоодны дунд байрлах хавхлаг нээгдэж хаагдаж байдаг. Энэ хавхлаг дутуу хаагдсанаар ходоодны хүчил улаан хоолой руу орж ирэн түлнэ. Ингээд цээж хавиар түлэгдэж хорсох эвгүй мэдрэмж төрдөг.

Ямар арга хэрэглэх вэ?

Хэрэв цээж хорсох явдал олонтаа давтагдаж, та өөрөө эмчилгээ хийлгэхгүй байгаа бол ойрын хугацаанд ходоодны шархлаа үүсч мэднэ. Тиймээс сод уухын оронд эмчид очоорой. Цээж хорсох өвчнийг хоолны дэглэм барьснаар эмчилдэг. Ихэнхдээ хүнсний ногоо, бүдүүн ширхэгтэй үр тарианы бүтээгдэхүүн зэргийг иддэг. Ер нь цээж хорсох өвчтэй болохгүйн тулд их идэхээс сэргийл. Хүн их идэж таргалснаас дотор эрхтнүүд өөхөлж багтаж ядан улмаар гэдэс доторх даралт өндөр болдог. Энэ нь ходоодны хавхлагууд гүйцэд хаагдахад саад учруулдаг. Эсвэл тарган биш байлаа ч цээж хорсолт үүсгэдэг хүнсний зүйлс, тухайлбал архи, кофе, шоколад, хийжүүлсэн ундаа, халуун ногоотой болон өөх тостой хоол зэргийг багаар хүртэж сурах хэрэгтэй. Мөн аль болох ойр ойр, бага багаар иднэ. Унтахын өмнө хоол идэж огт болохгүй. Жингээ байнга хянаж, архи тамхийг мартвал зохино. Заримдаа сүү цээж хорсохыг дардаг боловч өвчнийг нь биш шинж тэмдгийг нь дардаг гэдгийг бүү март. Гэхдээ содыг бодвол хоргүй.

Сум, дүүргийн Иргэдийн хурлын төлөөлөгчийг сонгох нэмэлт санал хураалт өнөөдөр болж байгаа бөгөөд санал хураалт 22.00 цагт дуусна. Үүний дараа нэмэлт санал хураалт явуулж байгаа хэсэг, тойргийн хороод саналын хуудсыг тоолж, дүнгээ гаргана. Энэхүү дүн өнөөдөртөө багтан гарах боломжтой аж.



Сонгуулийн ерөнхий хороо аймаг, нийслэлийн Сонгуулийн хороодоос тогтмол мэдээлэл авч нэгтгэх аж.

Дүүргийн ИТХ-ын нэмэлт санал хураалтын 12.00 цагийн ирцийн байдлыг нэгтгэн Нийслэлийн сонгуулийн хорооноос мэдээлэл хийлээ.

Өглөө 07.00 цагаас эхэлсэн нэмэлт санал хураалтад нийслэлийн хэмжээнд нийт 21017 иргэн саналаа өгч, ирц нийт 50.4 хувьд хүрсэн байна. Энэ сарын 19-нд явуулсан санал хуралтаар нийслэлийн нийт 48 хувь нь санал өгсөн байсан юм.

Дүүргүүдийн ирцийн хувь 12 цагийн байдлаар:

Багануур 52.8

Багахангай 71.2

Баянгол 51.6

Баянзүрх 49.7

Налайх 61.2

Сонгинохайрхан 48.5

Сүхбаатар 51.7

Хан-Уул 52.4

Чингэлтэй 47.7

Нийт 50.4 хувьд хүрсэн байна.

Санал хураалт 22.00 цагаас өндөрлөнө.

Зохиолч Б.Шүүдэрцэцэг өнөөдөр Сөүл дэх уншигчидтайгаа уулзалт өдөрлөг хийх гэж байна. Сөүл дэх түүний уулзалтыг БНСУ дахь Монгол оюутны холбоо Солонгос дахь Гадаад ажилчдыг дэмжих төвтэй хамтран зохион байгуулж байгаа аж.

Орон нутгийн сонгуулийн нэмэлт санал хураалт болон техникийн тооллого болж байна. Үүнтэй холбогдуулан зах, худалдааны төвүүд амарна.

Ройтерс: Өнгөрсөн долоо хоногийн шилдэг гэрэл зургууд

Улсын Дуурь Бүжгийн Эрдмийн Театрын уран бүтээлчид П.И.Чайковскийн “Хунт нуур” балетыг энэ амралтын өдрөөр тоглох гэж байна. Балетыг 41 дэх жилдээ 144,145 дахь удаагаа ийнхүү тоглох аж.



Алдарт зохоилч П.И.Чайковский энэхүү балетаа 1875 онд бичжээ. Улмаар гурван бүлэг дөрвөн үзэгдэлт тус балетыг анх 1877 онд Москвад тоглож байсан аж. Харин манай тайзнаа анх 1975 оны зургадугаар сарын 28-нд тоглож байсан билээ.



П.И.Чайковский Үзэсгэлэнт гүнж Одетта-ын тухай Германы эртний нэгэн домгоос сэдэвлэн “Хунт нуур” балетаа бичсэн гэдэг. Үзэсгэлэнт гүнж Одетта болон ханхүү Зигфрид хоёрын хайр сэтгэлийн тухай өгүүлэх эл бүжгэн жүжигт хорон санаат Ротбардын хун болгон хувиргасан гүнж Одеттаг гунигт бүжгээ хийж байхыг ан хийж явсан ханхүү Зигфрид хараад дурладаг. Тэр бүсгүй зөвхөн шөнийн цагаар л хүн төрхөндөө хувирдаг байж. Ингээд дурласан ханхүү хорон санаатантай тулалдаж хайртай бүсгүйгээ сулладаг.



Эл балетыг энэ сарын 24-ны 17.00 цагт УДБЭТ-ын тайзнаа тоглоно.

Нийслэлийн хэмжээнд он гарсаар Нийслэлийн Онцгой байдлын газарт нийт 38 хүүхэд гал түймэрт өртлөө гэсэн дуудлага иржээ. Үүнээс Онцгой байдлын албан хаагчид цаг алдалгүй шуурхай ажилласнаар 27 хүүхдийг эрүүл мэнд, амь насаа алдахаас авран хамгаалсан байна. Харин долоон хүүхэд түлэгдэж, дөрвөн хүүхэд нас барсан гэсэн харамсалтай мэдээлэл байна.


Иймд эцэг эх, томчуудын хайхрамжгүй байдлаас бага насны хүүхдүүд гал түймэрт өртөж түлэгдэж, гэмтэж, эрүүл мэнд амь насаа алдсан тохиолдол гарч байгаа тул нийт эцэг эхчүүд, томчуудыг гэр, орон байрныхаа галын аюулгүй байдлыг хангаж, ахуйн ослоос урьдчилан сэргийлж бага насны хүүхдэд тавих хараа хяналтыг сайжруулах, харгалзах хүнгүйгээр гэрт нь цоожилж үлдээхгүй байж, хүүхдэд тавих хараа хяналтаа дээшлүүлэхийг Нийслэлийн онцгой байдлын газраас анхааруулж байна.

“Миний эхнэр тагнуулч”, “Марко поло”, алдарт найруулагч Кристофер Копполагийн “Deadbeats” тэргүүтэй олон шилдэг кинонд туслах дүр бүтээсэн авьяаслаг жүжигчин бол А.Баярцэцэг. Түүнийг жүжигчин гэдгээр нь хүмүүс андахгүй. Тэрбээр дэлхийн хамгийн үзэсгэлэнтэй бүсгүйчүүдийг шалгаруулдаг “Miss world 2016” тэмцээнд ирэх арванхоёрдугаар сард эх орноо төлөөлөн оролцох юм. Үзэсгэлэн гоо, авьяас билэг, мэдлэг оюуныг хослуулсан Алтангэрлийн Баярцэцэгт “Miss world Mongolia”-гийн ялагчийн титмийг гардуулах ёслол өчигдөр боллоо. Өнгөрсөн жил 11 дэх титмийн эзнээр тодорсон Н.Ану А.Баярцэцэгт титмээ шилжүүлэн өгсөн нь ёслолын ажиллагааны хамгийн сэтгэл хөдөлгөсөн мөч байв.
Дэлхийн тавцанд олон орны авьяаслаг үзэсгэлэнтэй бүсгүйчүүдтэй өрсөлдөж эх орныхоо нэрийг таниулсан Н.Ану найздаа амжилт хүсээд “ Өнөөдөр А.Баярцэцэгтээ титмээ шилжүүлэн өгч байгаадаа сэтгэгдэл маш өндөр байна. Энэ титэм 11 гоо бүсгүй зүүсэн маш хүндэтгэлтэй титэм юм. Титэм бол миний мөрөөдөл байсан. Дэлхийн олон орны авьяаслаг бүсгүйчүүдтэй өрсөлдөж байхад ганцхан зүйлээр их бахархдаг юм билээ. Тэр бол Монгол соёл. Бид хоёр олон жилийн өмнөөс найзалж ирсэн. Дэлхийн миссийн тэмцээнд эх орноо төлөөлөн А.Баярцэцэг маань оролцохоор болсон нь маш оновчтой сонголт. Учир нь тэр бол маш мэдлэг боловсролтой , авьяаслаг бүсгүй. Мисс байна гэдэг амаргүй. Хүнээс гоо сайхан, мэдлэг оюун, авьяас билэгийг шаарддаг шалгуур өндөртэй мэргэжил. Манай улс дэлхийд олон зүйлээр нэрээ таниулж байгаад баяртай байдаг. “Miss world 2016” бол Монголчуудын оролцож болох хамгийн том тэмцээний нэг гэж хувьдаа боддог. Ингээд А.Баярцэцэгтээ дэлхийд нэрээ таниулаад титмээ зүүгээд ирээрэй. Амжилт хүсье” гэлээ.
1951 оноос зохион байгуулагдаж уй Дэлхийн миссийн тэмцээнд Манай улс 2005 оноос үндэсний гоо бүсгүйгээ оролцуулж эхэлсэн түүхтэй. Энэ жил 12 дахь удаагаа А.Баярцэцэгийг илгээх гэж байна. “Miss world” бол хамгийн олон орны бүсгүйчүүд оролцдог цар хүрээгээрээ дэлхийд тэргүүлдэг гоо сайхны олимп юм.
Титэм шилжүүлэх ёслолын үеэр 12 дахь титмийн эзэн А.Баярцэцэг “ Титэм авч байгаад сэтгэгдэл өндөр байна. Дэлхийн миссийн тэмцээнд би ганцаараа оролцоогүй. Гурван сая хүнээ төлөөлөн оролцож байгаа учраас бид бүгдээрээ энэхүү тэмцээнд оролцож байгаа юм шүү. Амжилт гэдэг бол титэм зүүх биш. Бусдын сэтгэл зүрхэнд хэр их орон зай үлдээсэнд оршдог гэж би үздэг. Сар гаруйн хугацаанд үргэлжлэх “Miss world 2016” –д эх орноо сурталчилан таниулах нь миний хувьд маш том зорилго. Та бүхэндээ баярлалаа” гэснээр тэрбээр тайзыг орхилоо.
Дэлхийн миссийн тэмцээн буюу “Miss world 2016” нь ирэх арванхоёрдугаар сарын 18-нд АНУ-ын Мэрилэнд мужид болох юм. Үүнтэй холбогдуулан тус ёслолын үйл ажиллагааг “Аsian future” компани зохион байгуулж байна.

Сум, дүүргийн Иргэдийн хурлын төлөөлөгчдийн сонгуулийн санал хураалт өнөөдөр эхэллээ. Энэ удаагийн сонгуулийн талаарх мэдээллийг аймаг, дүүргийн сонгуулийн хороодоос дараах утсаар холбогдож авах боломжтой.

Сонгууль зохион байгуулахаар улсын хэмжээнд 1765 тойргийн хороо, 2082 хэсгийн хороо ажиллаж байгаа юм байна. Сонгуульд зориулж нийт 1765 төрлийн хоёр сая гаруй саналын хуудас хэвлүүлж хэсгүүдэд хүргэгджээ. Мөн сонгуулийг 13,9 тэрбум төгрөгөөр зохион байгуулахаар төсөвлөсөн байна.

СУМ, ДҮҮРГИЙН ИТХ-ЫН 2016 ОНЫ ЭЭЛЖИТ СОНГУУЛИЙГ ЗОХИОН БАЙГУУЛАХ АЙМАГ, НИЙСЛЭЛ, ДҮҮРГИЙН СОНГУУЛИЙН ХОРООДЫН УТАСНЫ ЖАГСААЛТ























2016.09.02



Д/д


№


Овог, нэр


Сонгуулийн хороонд

эрхлэж буй албан тушаал


Сонгуулийн хороотой харилцах



Утасны дугаар


Факс


Гар утас



АРХАНГАЙ АЙМАГ



1


1


А.Ариунтуяа


Дарга


70322772





99079676



2


2


Ц.Самдан


Нарийн бичгийн дарга


99339566



БАЯН-ӨЛГИЙ АЙМАГ



3


1


А.Даримхан


Дарга


70422595


70422595


99422176



4


2


Х.Бахыт


Нарийн бичгийн дарга


99422626



БАЯНХОНГОР АЙМАГ



5


1


Д.Юндэнбазар


Дарга


70440002


70440002


96446969



6


2


Т.Норов


Нарийн бичгийн дарга


88220014



БУЛГАН АЙМАГ



7


1


Д.Наранбаяр


Дарга


70342236





93079306



8


2


Б.Одхүү


Нарийн бичгийн дарга


99227199



ГОВЬ-АЛТАЙ АЙМАГ



9


1


А.Мөнхтөр


Дарга


70484560


70484560


99488949



10


2


А.Амарзаяа


Нарийн бичгийн арга


99488304



ДОРНОГОВЬ АЙМАГ



11


1


Н.Хонгорзул


Дарга


70523141


70523141


99136734



12


2


Д.Мөнхтуяа


Нарийн бичгийн дарга


96672445



ДОРНОД АЙМАГ



13


1


П.Бат-Өлзий


Дарга


70584681


70584681


99589993



14


2


Б.Оргилсайхан


Нарийн бичгийн дарга


89778789



ДУНДГОВЬ АЙМАГ



15


1


О.Чулуунбат


Дарга


70592282





99080660



16


2


Ц.Ганзориг


Нарийн бичгийн дарга


88204379



ЗАВХАН АЙМАГ



17


1


Ч.Дэмчигсүрэн


Дарга


70463656


70462280


99994645



18


2


Н.Эрдэнэцэцэг


Нарийн бичгийн дарга


99469632



ӨВӨРХАНГАЙ АЙМАГ



19


1


Т.Гончигдорж


Дарга


70324073


70324073


99993689



20


2


А.Адъяа


Нарийн бичгийн дарга


99329364



ӨМНӨГОВЬ АЙМАГ



21


1


Ж.Сүх-Эрдэнэ


Дарга


70532406





99070781



22


2


Ц.Бурмаа


Нарийн бичгийн дарга


88113461



СҮХБААТАР АЙМАГ



23


1


Ж.Түвшинжаргал


Дарга








99058927



24


2


Ч.Алтаннавч


Нарийн бичгийн дарга


99023575



СЭЛЭНГЭ АЙМАГ



25


1


Э.Оюунболд


Дарга


70363966


70363966


99492021



26


2


Д.Бямбаа


Нарийн бичгийн дарга


99498338



ТӨВ АЙМАГ



27


1


М.Отгонбат


Дарга


70273623


70273623


99055966



28


2


Г.Мөнхгэрэл


Нарийн бичгийн дарга


86868626



УВС АЙМАГ



29


1


Б.Эрдэнэсүрэн


Дарга


70453923


70453923


99108449



30


2


Ц.Баттулга


Нарийн бичгийн дарга


96884144



ХОВД АЙМАГ



31


1


Л.Батбаяр


Дарга


70432105


70432105


99432145



32


2


Д.Чинбат


Нарийн бичгийн дарга


99029815



ХӨВСГӨЛ АЙМАГ



33


1


Б.Болд


Дарга


70382700


70382700


99034867



34


2


П.Лхагважав


Нарийн бичгийн дарга


99382700



ХЭНТИЙ АЙМАГ



35


1


Ж.Ганбаатар


Дарга


70562412


70562412


98113204



36


2


Б.Жавхланбаяр


Нарийн бичгийн дарга


88041704



ДАРХАН-УУЛ АЙМАГ



37


1


Ч.Энхбат


Дарга








99135644



38


2


С.Алтандолгион


Нарийн бичгийн дарга


99379143



ОРХОН АЙМАГ



39


1


Д.Мөнхболд


Дарга


70355438


70355438


99350910



40


2


С.Даваадорж


Нарийн бичгийн дарга


99355333



ГОВЬСҮМБЭР АЙМАГ



41


1


Д.Тамир


Дарга


70543225


70543225


99018158



42


2


Б.Цэцгээ


Нарийн бичгийн дарга


88065822



НИЙСЛЭЛ



43


1


Ү.Ганболд


Дарга


328715


328715


99103821



44


2


Т.Батдорж


Нарийн бичгийн дарга


99115028



БАЯНГОЛ ДҮҮРЭГ



45


1


Г.Батбаяр


Дарга


361627 70120318


70123132


88102552



46


2


Д.Дэлгэрмаа


Нарийн бичгийн дарга


99095325



БАЯНЗҮРХ ДҮҮРЭГ



47


1


О.Бат-Өлзий


Дарга


267151


458203


99248262



48


2


Ч.Мэндсайхан


Нарийн бичгийн дарга


88888812



СОНГИНОХАЙРХАН ДҮҮРЭГ



49


1


О.Бат-Ирээдүй


Дарга


70170111


70170111


99136073



50


2


Г.Оюунбилэг


Нарийн бичгийн дарга


91910303



СҮХБААТАР ДҮҮРЭГ



51


1


Б.Бат-Эрдэнэ


Дарга


70070107


70070107


91912522



52


2


Д.Баасанбат


Нарийн бичгийн дарга


99117090



ХАН-УУЛ ДҮҮРЭГ



53


1


У.Ичинноров


Дарга


70002260





99293671



54


2


Ч.Отгонжаргал


Нарийн бичгийн дарга


96661719



ЧИНГЭЛТЭЙ ДҮҮРЭГ



55


1


А.Дамцагдорж


Дарга


70106677





99115330



56


2


М.Энхчимэг


Нарийн бичгийн дарга


99785404



НАЛАЙХ ДҮҮРЭГ



57


1


М.Баттулга


Дарга


70232419 70232252


70232419






58


2


Б.Уртнасан


Нарийн бичгийн дарга


88187999



БАГАНУУР ДҮҮРЭГ



59


1


Д.Цэрэннадмид


Дарга


70212181





99062667



60


2


Ц.Гэрэлцэцэг


Нарийн бичгийн дарга


99044984



БАГАХАНГАЙ ДҮҮРЭГ



61


1


Э.Эрдэнэтуяа


Дарга


70491311


70491311


88030892 94030892



62


2


В.Уранчимэг


Нарийн бичгийн дарга


99155541


.