2015.5.17, Ням гараг / Билгийн тооллын: 29
Хаврын адаг цагаан луу сар
Гоё хүүхэн одтой, харагчин могой өдөр

Дижитал хамтлагийн ахлагч Ш.Батбаяр буюу Баавар болон Д.Манлайжаргал, М.Бадрал нарт холбогдох шүүх хурал хойшилжээ.

Өнгөрөг долоо хоногт төрийн үйлчилгээни түц машин ажиллахгүй олон иргэнийг бухимдуулаад авсан. Тэгвэл энэ талаарх гомдол “11-11” төв”-д ирсэн байна. Тэгвэл төрийн үйлчилгээний цахим машин ажиллахгүй байна гэсэн гомдолд Үндэсний дата төвөөс ТҮЦ машинуудыг үнэт цаасаар цэнэглэх ажлаас шалтгаалан үйл ажиллагаа нь түр саатсан гэх тайлбарыг өгчээ. Одоо бүх ТҮЦ машин хэвийн ажиллаж байна.

Өнөөдрийн байдлаар 115.6 мянган га-д үр тариа, үүнээс 112.7 мянган га-д улаанбуудай, 1.8 мянган га-д төмс, 0.8 мянган га-д хүнсний ногоо, 1.4 мянган га-д малын тэжээл, 10.4 мянган га-д тосны ургамал, нийтдээ 130.2 мянган га-д тариалалт хийж 32.5 хувийн явцтай байна. Үүнээс үр тарианы тариалалт 35.2 хувьтай яваа бол төмс, хүнсний ногооны тариалалт 9.9-13.5 хувьтай байгаа юм.

Бүгд Найрамдах Энэтхэг Улсын Ерөнхий сайд Нарендра Моди маргааш хүрэлцэн ирнэ. Тэрбээр Ерөнхий сайд Ч.Сайханбилэгийн урилгаар Монгол Улсад төрийн айлчлал хийх юм.

Монголын хөлбөмбөгийн холбоо /МХБХ/ жил бүр уламжлал болгон зохион байгуулдаг Үндэсний дээд лигийн тэмцээн энэ жилээс эхлэн “Хүрхрээ” үндэсний дээд лиг нэрийн дор явагдахаар болсон. “Хүрхрээ” үндэсний дээд лигийн тоглолтууд өнөөдрөөс эхэлж, амралтын өдөр бүр тоглолттой байх юм.

“Залуучуудын хөгжил-оролцоо” үндэсний чуулган Төрийн ордонд яг одоо болж байна. Хүн амын хөгжил, нийгмийн хамгааллын яамнаас зохион байгуулж буй энэхүү чуулганд нийслэлийн есөн дүүрэг, 21 аймгийн залуучуудын төлөөлөл болсон 18-35 насны залуучууд, эрдэмтэн судлаачид нийлсэн 600 гаруй зочид төлөөлөгч оролцож байгаа аж.

Таван давхар байрны хамгийн дээд давхрын цонхны тавцан дээр гараад суучихсан хүүгийн зургийн өнөөдөр нэгэн фэйсбүүк хэрэглэгч олон нийтэд дэлгэв. Тэрбээр “Энэ яасан айхавтар юм болоо вэ. Гэртээ түгжүүлсэн хүүхэд цонхныхоо нарийхан тавцан дээр гараад суучихсан байна. Тоглох юмсан гэж бодож явдаг насандаа яваа хүү гадуур гүйлдэж хөгжилдэж буй хүүхдүүдийг хараад тогломоор санагдаад ингэсэн юм болов уу. Хулгайч, дээрэмчдээс болоод хаалгыг нь тас түгжээд хүүхдээ гэртээ үлдээдэг айл зөндөө байгаа. Ядаж байхад цэцэрлэг нь ч хүрэлцээгүй. Хүрэлцээтэй цэцэрлэгтэй байдаг бол хүүхдийг гэртээ түгжих ямар хэрэг гарах билээ дээ. Бяцхан амь үхэл амьдралын дээсэн дөрөөн дээр сууж байна шүү дээ. Хажуу айлынх нь залуу балконоор нь дамжиж гэрт нь ороод энэ дөрвөн настай хүүг аварсан гэнэ. Гэрт нь бас 2 настай охин дүү нь байжээ. Азаар аврагджээ” хэмээжээ. Гэхдээ бид та бүхэнд муу мэдээ хүргэх гэсэнгүй. Хүүг хөрш айлынх нь залуу аварч чадсан байна.

Сэлэнгэ аймгийн Алтанбулаг сумын Цөх багийн нутаг “Сэнж чулуу” гэдэг газарт энэ сарын 8-ны өдөр ой, хээрийн түймэр гарсан.

О.Амгаланбаатар: Хүлээлттэй байсан 27 жилийн гомдлоо хүүхэдтэй болохоос нааш үл мартана

Дэлхий дахинаа “Олон Улсын Музейн Өдөр” –ийг жил бүрийн 5–р сарын 18- нд Олон Улсын Музейн Зөвлөл /ICOM /-өөс зохион байгуулдаг. 2015 оны музейн өдрийг “Музей тогтвортой нийгмийн төлөө” / Museum for a sustainable society / уриан дор зохиогдож байна. Энэ өдөр дэлхийн олон зуун музейнүүд нийтийг хамарсан сонирхолтой ажлууд зохиодог.

Найрсаг Улаанбаатар хөтөлбөрийн хүрээнд энэ жилийн ”Гэгээн муза” наадам 5 сарын 17-23 -ны өдрүүдэд зохион байгуулагдах гэж байна. Улаан хивсний ёслолын ажиллагаа 23-ны 15:00 цагт болох бол 16:00 цагт Академийн шагнал гардуулах ажиллагаа болох ажээ.

Энэ сард хаах замын хуваарь

Бидний ертөнц үзэсгэлэн дэлгэгдэнэ

Нутгийн захиргааны байгууллагаас гаргасан шийдвэртэй холбогдуулан иргэдийн саналыг сонсоно

Кикбоксын УАШТ маргааш эхэлнэ

”Asia’s Got Talent” уралдаанд оролцож, Азийн шилдэг авьяастнуудтай өрсөлдөн дэд байр эзэлсэн Ардын урлагийн ”Хөсөгтөн” хамтлаг өнөөдөр эх орондоо ирлээ. Тэднийг монгол урлаг, өв соёлоо бишрүүлж, авьяасаа гайхуулсан хэмээн олон арван бишрэн шүтэгчид нь угтаж авсан байна.

Монгол Улсын “Автотээврийн өөрөө явагч хэрэгслийн албан татварын тухай хууль, Агаарын бохирдлын төлбөрийн тухай хууль”-ийн дагуу автотээврийн болон өөрөө явагч хэрэгслийг эзэмшиж байгаа хувь хүн, хуулийн этгээд албан татвар төлдөг. Хуульд хувь хүн автотээврийн болон өөрөө явагч хэрэгслийн албан татварыг жилд нэг удаа тухайн жилийн зургадугаар сарын 01-ний дотор төлөх үүрэгтэй бол албан байгууллага, аж ахуйн нэгж эхний хагас жилээр албан татварыг төлөх ба жилийн албан татварыг урьдчилан төлөх боломжтой гэж заасан байдаг.

Дөрвөн настай охин О-г төрсөн эцэг Т.Цогт, хойд эх Г.Маралмаа нар нь зодож, амь насыг нь хөнөөсөн харамсалтай хэрэгт Дүүргийн нэгдүгээр прокурорын газраас яллах дүгнэлт үйлдэж, шүүхэд шилжүүлсэн билээ. Тэдэнд холбогдох хэргийн шүүх хурал энэ сарын 21-нд Дүүргийн эрүүгийн хэргийн нэгдүгээр шүүхэд болох юм.

Х.Тэмүүжин: Шүүгч, прокурорууд шоронгийн харгалзагчдаар өөрсдийгөө харгалзуулахаа мэдээгүй байгаа