09:00 цагт: Гадаад харилцааны яамны байранд “Монгол, Хоккайдогийн бизнес форум” болно.

10:00 цагт: НМХГ-ын хурлын танхимд он гарснаар импортоор орж ирсэн, шаардлага хангаагүй устгасан бараа бүтээгдэхүүний талаар мэдээлэл хийнэ.

10:00 цагт: Хөдөлмөр, нийгмийн хамгааллын яамны 10 давхрын хурлын танхимд Дэлхийн сонсголгүй иргэдийн эрхийн өдрийг тохиолдуулан Монголын сонсголгүй иргэдийн холбоо болон төрийн бус байгууллагуудын төлөөллүүд хэлэлцүүлэг хийнэ.

11:00 цагт: “Зууны мэдээ” сонины “Үндэсний мэдээллийн төв”-д Монголын шатрын холбоо, Монгол туургатан шатрын холбоо хамтран “Их нүүдэл 2016” олон улсын тэмцээн зохион байгуулах талаар мэдээлэл хийнэ.

11:30 цагт: МН мэдээллийн төвд ”Гэр хорооллын дахин төлөвлөлтийн” улмаас хохирсон иргэд олон нийтэд хандаж мэдээлэл хийнэ.

14:00 цагт: Бүгд Найрамдахчуудын Олон Улсын Хүрээлэн, Канад Улсын Гадаад хэргийн яамны дэмжлэгтэйгээр 2016 оны УИХ-ын cонгуулиар нэр дэвшиж, кампанит ажлаа өрнүүлж буй эмэгтэйчүүдийн талаар “Тэгш боломж” баримтат кино бүтээсэн бөгөөд уг киноны нээлтийн үйл ажиллагаа Туушин зочид буудлын 5 давхарт хэвлэл мэдээллийн байгууллагад нээлттэй болно.

Батлан Хамгаалах Их Сургуулийн түүхт 95 жилийн ой энэ өдрүүдэд тохиож байгаа билээ. Ойн хүрээнд:

12:00 цагт: Гэрэл зургийн үзэсгэлэнгийн нээлт
15:00 цагт: БХИС төгссөн болон ажиллаж байсан төрийн түшээд, бизнесменүүдийн уулзалт, тугандаа хүндэтгэл үзүүлэх ажиллагаатай.

12 долоо хоног буюу 3 сарын хугацаатай, жилийн 15.70%-ийн хүүтэй, 28 долоо хоног буюу 6 сарын хугацаатай, жилийн 16.40%-ийн хүүтэй Засгийн газрын богино хугацаат үнэт цаасыг анхдагч зах зээлийн арилжааны захиалгыг Монголын хөрөнгийн биржийн гишүүн үнэт цаасны компаниудаар дамжуулан авч байгаа билээ. Маргааш буюу есдүгээр сарын 20-ны өдөр дээрх арилжаа явагдах ажээ.



Засгийн газрын үнэт цаасны товч мэдээлэл: 1. Үнэт цаас гаргагчийн нэр: Монгол Улсын Сангийн яам
2. Үнэт цаас гаргах зорилго: Төрийн сангийн мөнгөн хөрөнгийн удирдлага
3. Үнэт цаасны санал болгох хүрээ: Олон нийтэд санал болгох
4. Үнэт цаасны төрөл: Засгийн газрын энгийн үнэт цаас
5. Нэрлэсэн үнэ: 100,000
6. Хямдруулсан үнэ: 96,513.00
7. Нийт гаргах тоо: 50,000 ширхэг



Хүүгийн хувь хэмжээ: Долоо хоног бүр арилжигдах Засгийн газрын жижиглэнгийн үнэт цаасны хүүгийн хувь хэмжээг зах зээлийн жишиг хүүг үндэслэн Сангийн яам тогтооно.



Захиалга авах хугацаа: Монголын хөрөнгийн бирж нь тус арилжааны саналыг хуанлийн 6 хоногийн турш авах бөгөөд 6 дах хоногийн 11 цагт арилжааг хаана.



Захиалга хүлээн авах цаг: Баасан гарагаас Мягмар гарагийн 10:00 цаг хүртэл



Арилжаа хийгдэх: Монголын хөрөнгийн биржийн арилжааны системд нийт захиалгыг хүлээн авсны дараа нийт ирсэн саналыг Сангийн яаманд цахим хэлбэрээр хүргүүлэх бөгөөд Сангийн яамнаас баталгаажуулсны үндсэн дээр хуваарилалтыг хийх ажээ.

Маргааш буюу есдүгээр сарын 20-ны Мягмар гарагт дараах байршлуудад цахилгаан эрчим хүч түгээдэг шугам тоноглолд урсгал засвар хийх тул та бүхэн хэрэглээгээ түр зохицуулна уу.
Баянзүрх дүүрэг

11:00-17:00 цагт: 11-р хороо Эмийн ургамлын 1-5, Усан сангийн 1-4-р гудамж, Ургах наран хороолол, Нью сервер, Харганат, Дэлхий Ази цогцолбор, Эрчим арт, Мобиком, Дөл түшиг, Хүү-Эрдэнэ, Мегавүүд ХХК-ууд, УСУГ-ын Завсрын усан сан, Бумбат, 284-р ЦА, Ногоон зоорь болон эдгээрийн ойр орчмоор,
Сүхбаатар дүүрэг

10:00-18:00 цагт: 1, 11, 12, 13-р хороо Рашаант, Хангайн гудамж, Ус өргөх насос, Сансар худалдааны төв, Макс хүнс, Санколл, Инкозон, Зоос одон тэмдэг, Оргил деко, Фортуна стар, Хүжийн гал констракшн, Гэрэлт жин, Эрчим инженеринг, Бэрэн констракшн ХХК-ууд болон эдгээрийн ойр орчмоор,
Баянгол дүүрэг

11:00-18:00 цагт: 6-р хороо 10-р хороолол П.Н.Шастины нэрэмжит Улсын III төв эмнэлэг,
Хан-Уул дүүрэг

10:30-18:00 цагт: 9-р хороо Буянт-Ухаагийн 4-6-р гудамж, Бархүү, Кэй Си Би ХХК болон эдгээрийн ойр орчмоор
Налайх дүүрэг

08:30-20:00 цагт: Минжин, Мираж, Тахилга, Тэнгэрийн илч, Сан жуулчин, Тэрэлж жуулчин, UB-2, Гацуурт, Талын сондор, Тэрэлж, Монгол алт, Лайт саунд, Тэлмэн кэмп, Ламиран дацан, Жавхлант ХХК-ууд, Иргэн Отгонбаяр болон эдгээрийн ойр орчмоор

09:30-17:00 цагт: Жавхлант, Тэрэлж, Тэрэлж жуулчин ХХК-ууд тэр орчмын хэрэглэгчид.

Цахилгаан эрчим хүчээр түр хязгаарлагдах хэрэглэгчдийг байршлаар нь баримжаалан жагсааж байгааг анхаарна уу. Цаг агаарын болон болзошгүй аваар саатлаас шалтгаалан хуваарьт өөрчлөлт орох магадлалтай ба өөрчлөгдсөн тохиолдолд УБЦТС ТӨХК-тай байгуулсан гэрээнд бүртгэлтэй утсаар холбогдож ААН, үйлдвэр, компаниудад мэдээлэх болно.

Цахим үйлчилгээ: my.tog.mn
Мэдээлэл, лавлагаа авах утас: 70047004

21,23-нд баруун аймгуудын хойд хэсгээр, төвийн аймгуудын зарим газраар, 22-нд баруун аймгуудын нутаг, зүүн аймгуудын нутгийн зарим газраар, 24-нд нутгийн баруун хагаст бороо, хугацааны эцсээр хур тунадас, Хангай, Хөвсгөлийн уулсаар нойтон цас орно. Салхи 22-нд Алтайн уулсаар, 23,24-нд ихэнх нутгаар секундэд 14-16 метр хүрч ширүүснэ. Хангай, Хөвсгөл, Хэнтэйн уулархаг нутгаар шөнөдөө 0-5 градус, өдөртөө 11-16 градус, Их нууруудын хотгор болон говийн бүс нутгийн өмнөд хэсгээр шөнөдөө 10-15 градус, өдөртөө 23-28 градус, бусад нутгаар шөнөдөө 4-9 градус, өдөртөө 16-21 градус дулаан байна. 23-нд нутгийн хойд хэсгээр, 24-нд нутгийн баруун хагаст хүйтэрнэ.

2016.9.20, Мягмар гараг / Билгийн тооллын: 19
Намрын дунд улаагчин тахиа сар
Таван шар мэнгэтэй Хөхөгчин могой өдөр

Аргын тооллын: 2016.9.20, Мягмар гараг
Наран ургах шингэх: 07.36-21.54
Үс засуулбал: Сайн нөхөртэй нөхөрлөнө
Барилдлага: Арвидах
Шүтэн барилдлага: Хүрэлцэхүй

Тухайн өдөр үхэр жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, сүм дуганыг сэргээх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, гөлөг тэжээхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Тэрсүүд өдөр. Үс шинээр үргээлгэх буюу засуулбал “Сайн нөхөртэй учирах” хэмээх сайн.

БАРУУН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө нутгийн хойд хэсгээр бороо орно. Салхи баруун өмнөөс хойш эргэж секундэд 6-11 метр. Алтай, Хангайн уулархаг нутгаар шөнөдөө 0-5 градус, өдөртөө 15-20 градус, Алтайн өвөр говиор шөнөдөө 11-16 градус, өдөртөө 25-30 градус, бусад нутгаар шөнөдөө 4-9 градус, өдөртөө 18-23 градус дулаан байна.

ТӨВИЙН АЙМГУУДЫН НУТГААР: Солигдмол үүлтэй. Шөнөдөө бороо орохгүй, өдөртөө Хөвсгөл, Хэнтийн уулсаар бага зэргийн бороо орно. Салхи баруун өмнөөс секундэд 5-10 метр. Хангай, Хөвсгөл, Хэнтэйн уулархаг нутгаар шөнөдөө 1-6 градус, өдөртөө 14-19 градус, бусад нутгаар шөнөдөө 4-9 градус, өдөртөө 18-23 градус дулаан байна.

ЗҮҮН АЙМГУУДЫН НУТГААР: Үүлшинэ. Зарим газраар бороо орно. Салхи баруун өмнөөс секундэд 5-10 метр. Шөнөдөө Хэнтий, Дорнодын хойд хэсгээр 1-6 градус, бусад нутгаар 4-9 градус, өдөртөө бүх нутгаар 17-22 градус дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Бороо орохгүй. Салхи баруун өмнөөс секундэд 6-11 метр. Шөнөдөө 2-4 градус, өдөртөө 18-20 градус дулаан байна.

ГОВИЙН АЙМГУУДЫН НУТГААР: Үүлшинэ. Нутгийн зүүн хэсгээр бороо орно. Салхи баруун өмнөөс секундэд 5-10 метр. Шөнөдөө Өмнөговийн нутгаар 8-13 градус, бусад нутгаар 5-10 градус, өдөртөө бүх нутгаар 21-26 градус дулаан байна.

УЛААНБААТАР ХОТ: Багавтар үүлтэй. Бороо орохгүй. Салхи баруун өмнөөс секундэд 5-10 метр. Шөнөдөө 5-7 градус, өдөртөө 19-21 градус дулаан байна.

Бразилийн Рио де Жанейро хотноо болсон Зуны XV паралимпийн наадамд эрхээ авсан найман тамирчин, таван дасгалжуулагчийн хамт оролцож, өндөр амжилтыг үзүүлсэн. Жүдоч Б.Ууганхүү пауэрлифтингийн төрлөөр анх удаа оролцсон Э.Содномпилжээ нар хүрэл медаль хүртэж, паралимпийн медальтан болсон. Мөн байт харвааны холимог багт “Бээжин 2008” паралимпийн аварга, Хөдөлмөрийн баатар Д.Баатаржав, хоёр дахь наадамдаа оролцсон Б.Оюун-Эрдэнэ нар 40 орноос чансаагаараа шилдэг 16-д багтаж, Герман, Польшийн багийг хожин IV байр эзлэв. Паралимпийн наадмын хөнгөн атлетикийн бөөрөнцөг түлхэлт, зээрэнцэг шидэлтээр анх удаа оролцсон Г.Цогтгэрэл бөөрөнцөгөөр V байр эзлэхдээ Азийн рекордыг хоёр удаа шинэчлэн тогтоолоо.

Риогийн наадамд амжилттай оролцсон Монгол Улсын баг 160 орноос 75 байрт жагссан амжилтыг үзүүлсэн юм.

Паралимпийн наадамд оролцсон Монголын баг тамирчид энэ сарын 22-ны өдрийн 24.00 цагт Бээжингийн нислэгээр Улаанбаатарт газардана.

Олон нийтийн сүлжээгээр 2016 оны 9 дүгээр сарын 17-ны өглөө БНХАУ-ын Эрээн хотын гаалийн байцаагч болон монгол эмэгтэй хоорондын зөрчилдөөний талаарх зураг, бичлэг цацагдаад байсан билээ.

Уг асуудлыг тодруулахаар Монгол Улсаас БНХАУ-ын Эрээн хотод суугаа Консулын газар Эрээн хотын Гаалийн цагдаагийн газрын удирдлагатай холбогдон ажиллаж байгаа бөгөөд хятадын талын өгсөн мэдээллээр Хөх хотын Гаалийн дарга яаралтай шалгах үүрэг өгсний дагуу Эрээн хотын Гаалийн газрын дарга уг хэргийг шалгаж байгаа ажээ. Монгол эмэгтэйтэй зүй бусаар харьцсан хятадын гаалийн байцаагчийг одоогийн байдлаар ажлаас нь чөлөөлөөд байгаагаас гадна ахлах байцаагч, тасгийн даргад нь мөн хариуцлага тооцоод байгаа юм байна. Эрээн дэх Консулын газрын зүгээс хятадын тал хэргийг шалгах ажиллагаа дууссаны дараагаар нэмэлт мэдээлэл авахаар ажиллаж байгаа болно.

Энэ дашрамд иргэдэд сэрэмжлүүлэхэд сүүлийн үед Эрээн хотын авто замын боомтын орох талд монгол иргэд татвараас зугтах зорилгоор барааг бусдад дайж оруулдаг, наймаа хийдэг үйлдэл нэмэгдэж байгаатай холбоотойгоор хятадын гаалийн байгууллагаас тухайн тохиолдол бүрийг Эрээн хотын Улаанхад дүүргийн цагдаагийн газарт мэдэгдэж, хариуцлага тооцуулж байхаа мэдэгдсэн тул манай иргэд хятадын гаалийн байгууллагын хууль ёсны шаардлагыг биелүүлж байхыг анхааруулж байна.

Нью-Йорк хотын цагдаа нар Холбооны мөрдөх товчооны /ХМТ/ ажилтнуудтай хамтран тус хотод бямба гарагт болсон дэлбэрэлтэд холбоотой байж магадгүй гэж сэжиглэж буй таван хүнийг баривчилжээ.

Эдгээр таван хүнийг Бруклин болон Статен-Айлэнд дүүргүүдийг холбодог гүүрээр автомашинтай явж байхад нь саатуулсан байна. ХМТ-ны ажилтнууд тэднийг хэсэг хугацаанд ажигласны дараа баривчилжээ. Баривчлах ажиллагаанд 10 гаруй зэвсэглэсэн цагдаа нар оролцсон байна. Гүүрээр өнгөрөх автомашины хөдөлгөөнийг хаажээ.

Сануулан дурдахад, бямба гарагийн орой орон нутгийн цагаар 20:30 цагт Нью-Йорк хотын Манхэттэн дүүргийн Челси гэдэг хороололд дэлбэрэлт болсны улмаас 29 шархадсан билээ. Одоо тэд бүгд эмнэлгээс гарсан байна.

УИХ-ын дарга М.Энхболд өнөөдөр НҮБ-ын Хүүхдийн сангийн Монгол дахь Суурин төлөөлөгч ноён Роберто Бенесийг хүлээн авч уулзлаа.

УИХ дахь Монгол-Францын парламентын бүлгийн дарга Л.Болд, УИХ дахь Монгол-Францын парламентын бүлгийн гишүүн Ц.Даваасүрэн нар өнөөдөр БНФУ-ын парламентын Сенатын танхимын гишүүн, Сенатын танхим дахь Франц-Монголын парламентын бүлгийн дарга Франсуа Пие, Сенатын танхимын гишүүн Филип Мүие нарыг хүлээн авч уулзав.

Зооноз өвчин судлалын үндэсний төвөөс өнөөдөр боомоор өвчилсөн хоёр иргэний талаарх мэдээллийг өглөө.

Өнөөдрийн байдлаар Говьсүмбэр, Төв аймгийн гурван суманд шүлхий өвчний 3 голомт, Дорнод аймгийн нэг суманд малын боом өвчний нэг голомт байна.

Өсвөр үеийн олон улсын “DREАMER-S” чөлөөт бөхийн тэмцээн анх удаа “Буянт-Ухаа” спортын ордонд амжилттай болж өнгөрлөө. Тэмцээнийг МЧБХ, “Женко” чөлөөт бөхийн клуб, Япон улсын “ICHISHI” клуб хамтран зохион байгуулж зочин талаас олимпийн 3 удаагийн аварга, дэлхийн 13 удаагийн аварга С.Ёшидагийн нэрэмжит “ICHISHI” клубын 27 өсвөрийн бөх ирж оролцлоо.

Японы багийн ахлагчаар Цү хотын Иргэдийн төлөөлөгчдийн хурлын төлөөлөгч Ватанабе, дасгалжуулагчаар домогт бөх С.Ёшидагийн төрсөн ах Хэдита, Одомури, дасгалжуулагч-шүүгчээр Окино нар ирсэн байв. МЧБХ-ны ерөнхий нарийн бичгийн дарга О.Баянмөнх тэмцээнийг нээж үг хэлэхдээ “Дэлхийд цуутай японы чөлөөт бөхийн тамирчдын залуу халаа болох японы өсвөрийн бөхчүүдтэй хамтарсан бэлтгэл сургуулилт хийж тэмцээн хийж байгаа нь манай өсвөрийн бөхчүүдийн ур чадварын дээшлүүлэхэд тодорхой хувь нэмэр болж байна. Энэ тэмцээнийг санаачилж зохион байгуулсан “Женко” клубын удирдлагад талархлаа илэрхийлж байна.

Манай холбооноос өсвөрийн бөхчүүдийн тэмцээний тоог олшруулах чиглэлээр явуулж байгаа бодлого, үйл ажиллагаанд хүрээнд ийм хамтарсан тэмцээн болж байгаа нь дэмжүүштэй үйл явдал болж байна.” гэж онцлон тэмдэглэсэн. Тэрбээр японы багийн бүрэлдхүүнд МЧБХ-ны дурсгалын зүйл гардуулсан. Японы Цү хотын Иргэдийн төлөөлөгчдийн хурлын төлөөлөгч Ватанабе баяр хүргэж үг хэлэхдээ “Манай хотын “ICHISHI” клубын өсвөрийн бөхчүүд танай “Женко” клубын урилгаар танай нийслэл хотод ирж 12 хоногийн хамтарсан бэлтгэл хийж олон улсын тэмцээнд оролцож байгаад бид баяртай байна. Манай хоёр орны өсвөрийн бөхчүүд харилцан туршлага солилцож байгаа нь бидний хойч ирээдүй найдвартай байна гэсэн итгэлийг төрүүлнэ. Хэн их хичээнэ, тэр амжилт хүрнэ гэдгийг өсвөрийн бөхчүүд ойлгоосой гэж бодож байна.” гэлээ.

Тэмцээний нээлтийн ажиллагаанд МЧБХ-ны дэд ерөнхийлөгч, “Буянт-Ухаа” спортын ордны захирал С.Мөнхсүх оролцлоо. Тэмцээнд “Их Шавь” биеийн тамирийн дээд сургууль, БТСДуС, “Дархан-Хасу-Мегастарс”, “Женко” клуб, Багахангай дүүргийн “Хангай” цогцолбор сургууль, Налайх дүүргийн “Голомт” цогцолбор сургууль, Сонгино-Хайрхан, Сүхбаатар, Чингэлтэй дүүрэг, Архангай аймгийн Биеийн тамир, спортын дунд сургууль, Дархан-Уул аймаг, тус аймгийн Шарын гол сум, Баянхонгор, Өвөрхангай аймаг, Дорноговь аймгийн “Говийн бөх”, Хэнтий аймгийн “Хөх эрчис” клуб, Орхон аймгийн “спортын “Ирээдүйн одод” спортын дунд сургууль зэрэг 20 спорт хороо, клубын 250 гаруй өсвөрийн бөхчүүд өрсөлдлөө.

“ICHISHI” клубын урилгаар “Женко” клуб, Баянхонгор аймаг, Чингэлтэй дүүрэг зэрэг хэд хэдэн клубын 25 өсвөрийн бөх энэ сарын сүүлчээр Цү хотод очиж 14 хоногийн хамтарсан бэлтгэл хийж өсвөр үеийнхний уламжлалт олон улсын тэмцээнд хоёр дахь удаа оролцох юм байна.

Хөвгүүд 42 кг

1. Таяёо Ёшида /“ICHISHI” клуб/

2. О.Дэлгэрбаяр /Баянхонгор аймаг/

3. Б.Цэндсайхан /Сонгино-Хайрхан дүүрэг/

4. Я.Үржинжав /Хэнтий аймаг/

56 кг

1. Б.Ууганбаяр /Баянхонгор аймаг/

2. М.Сүхбат /”Дорноговь аймаг, “Говийн бөх” клуб/

3. Э.Энххүслэн /БТСДуС/

4. Б.Буд /”Их Шавь” биеийн тамирийн дээд сургууль/ 68 кг

1. Э.Бямбадорж /Баянхонгор аймаг/

2. А.Цэрэн-Очир /”Дархан-Хасу-Мегастарс” клуб/

3. Б.Гонгор /Баянхонгор аймаг/

4. Ч.Онон /БТСДуС/

Охид 41 кг

1. Ханама Сакура /“ICHISHI” клуб/

2. Б.Хулан /“ICHISHI” клуб/

3. Б.Хонгорзул /Архангай аймаг, Биеийн тамир, спортын дунд сургууль/

3. Б.Хишигсүрэн /Баянхонгор аймаг/

44 кг

1. Т.Цээням /Баянхонгор аймаг/

2. Д.Отгонжаргал /”Женко” клуб/

3. Б.Мөнхчимэг /Налайх дүүрэг, “Голомт” цогцолбор сургууль/

4. Ариачка /“ICHISHI” клуб/

48 кг

1. М.Мөнхгэрэл /Женко/

2. Ө.Пүрэвсүрэн /Баянхонгор аймаг/

3. Яма Мого /“ICHISHI” клуб/

4. Б.Эрдэнэсувд /”Женко” клуб/

59 кг

1. Б.Энхтүвшин /Чингэлтэй дүүрэг/

2. Б.Энхтүвшин /Чингэлтэй дүүрэг/

3. Б.Хонгорзул /Баянхонгор аймаг/

4. Рака Натами /“ICHISHI” клуб/

+65 кг

1. Надеко Ямамото /“ICHISHI” клуб/

2. Б.Намуунзаяа /Налайх дүүрэг/

3. Д.Түмэнхүслэн /”Женко” клуб/

4. П.Баяржаргал /БТСДуС/

Хөвгүүд, охидын холимог жин 28 кг

1. Т.Түмэнжаргал /Хэнтий аймаг/

2. Нисики Ёнаширо /“ICHISHI” клуб/

3. П.Отгонбат /Налайх дүүрэг, “Голомт” цогцолбор сургууль/

4. Фита Шимода /“ICHISHI” клуб/

36 кг

1. М.Нарангарав /Архангай аймаг, Биеийн тамир, спортын дунд сургууль/

2. Г.Доржваанчиг /Орхон аймаг, “Ирээдүйн одод” спортын дунд сургууль/

3. С.Ууганбаяр /”Дархан-Хасу-Мегастарс” клуб/

4. Г.Дарханбаяр /”Дархан-Хасу-Мегастарс” клуб/

38 кг

1. Харуна Морикава /“ICHISHI” клуб/

2. Мия Наканаши /“ICHISHI” клуб/

3. Э.Мөнхжин /Баганхангай дүүрэг, “Хангай” цогцолбор сургууль/

4. Ш.Эрдэнэ-Очир /Орхон аймаг, “Ирээдүйн одод” спортын дунд сургууль/

АН-ын нууц бичлэг цацагдав

Төрийн албаны зөвлөлөөс төрийн жинхэнэ албаны мэргэшлийн шалгалтад бэлтгэж байгаа иргэдэд хандаж мэдээлэл гаргажээ.

Хан-Уул дүүргийн 11 дүгээр хороо, Богдхан ууланд аяллаар явсан дөрвөн залуу төөрч сураггүй болсон байна.

Онцгой байдлын ерөнхий газраас АНУ-ын Элчин сайдын яам, Аляскийн үндэсний гвард, Номхон далайн тусгай ажиллагааны командтай хамтран зохион байгуулж байгаа Гамшгийн удирдлага сургалт, дадлага сургууль өнөөдөр Хууль сахиулах их сургууль дээр эхэллээ.

Өнөөдөр нийслэлийн Засаг даргын Нийгмийн хөгжлийн асуудал хариуцсан орлогч Ш.Анхмаа БНСУ-ын Мокпу хотын орлогч захирагч И Ингум болон бусад албаны хүмүүсийг хүлээн авч уулзлаа. Уулзалтаар Мокпу хотод манай улсын соёлын төвийг байгуулах болон нийслэл Улаанбаатар болон Мокпу хотуудын соёл, эрүүл мэнд, эдийн засаг, аялал жуулчлалын хамтын ажиллагааны талаар ярилцлаа. Мокпу хотын орлогч захирагч И Ингум “Энэ удаагийн уулзалтаар дамжуулан цаашдаа илүү өргөн хүрээгээр зөвхөн спорт соёл урлагаас гадна олон талын үйл ажиллагаагаар хамтран ажиллах боломж нээгдэж байна гэж харж байна. Манай хот нь өнө эртний түүхтэй бөгөөд Солонгос улсын аялал жуулчлалын гол хотуудын нэг юм. Тиймээс Улаанбаатар болон манай Мокпу хотуудын хоорондын найрамдалт, нөхөрсөг харилцаа илүү батжин бэхжинэ гэдэгт итгэлтэй байна. Мөн Монгол оюутан, сурагчид манай хотод очиж илүү их сайн сурна гэдэгт итгэлтэй байна. Хэдийгээр бидний уулзалт богино хугацаатай байгаа боловч цаашдаа илүү өргөн хүрээгээр хамтран ажиллаж байх болно гэдгийг хэлэхийг хүсч байна.” гэлээ.

Засаг даргын орлогч Ш.Анхмаа Мокпу хотод Монголын соёлын төвийг байгуулах гэж байгаа явдалд талархал илэрхийлж, Улаанбаатар хот Мокпу хоттой аялал жуулчлал, эрүүл мэнд, соёл, эдийн засгийн чиглэлээр харилцан ашигтай хамтын ажиллагааг хөгжүүлэхдээ баяртай байгаагаа илэрхийллээ. Уулзалтын дараагаар талууд цаашид хамтран ажиллах хамтын ажиллагааны санамж бичигт гарын үсэг зурлаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

БНМАУ-ын баатар, Хөдөлмөрийн баатар, Монголын худалдаа аж үйлдвэрийн банкны ерөнхий хорооны дарга агсан Юмжаагийн Цэдэнбалын мэндэлсний 100 жилийн ойг тэмдэглэлээ.