Жүдо бөхийн насанд хүрэгчдийн 2017 оны багийн 5 дахь удаагийн УАШТ Спортын төв ордноо болж өндөрлөлөө. Тус тэмцээнд эрэгтэй 11, эмэгтэй 8-н баг оролцлоо. Монголын Жүдо Бөхийн Холбоо 2013 оноос эхлэн багийн төрлөөр насанд хүрэгчдийн улсын аварга шалгаруулах тэмцээнийг зохион байгуулж байгаа билээ.



Ингээд шагналт байранд шалгарсан баг, тамирчдыг танилцуулъя.



МЕДАЛЬТ БАЙРАНД ШАЛГАРСАН ЭМЭГТЭЙ БАГ:



1. Хан-Уул дүүрэг “Женко” +клуб


-52кг П. Буянхишиг
-52кг Б. Ойдовчимэд
-57кг М. Ичинхорлоо
-63кг Б. Мөнгөнчимэг
-63кг Ц. Сүнжидмаа
-70кг Б. Хулан
-70кг Ж. Ариунтуул
+70кг Ц. Наранжаргал
Дасгалжуулагч Ш. Цэвэлмаа, Г. Саранзаяа



2. Хил Хамгаалах Ерөнхий Газрын “Хилчин” спорт хороо


-52кг Ч. Аззаяа
-52кг Э. Гэрэлмаа
-57кг А. Цолмон
-63кг Б. Баасанжаргал
-70кг Б. Хонгорзул
+70кг Б. Мөнхтуяа
+70кг Г. Сарангоо
Дасгалжуулагч Д. Пүрэвсүрэн



3. Зэвсэгт хүчний “Алдар” спорт хороо



-52кг Г. Наранцэцэг
-57кг А. Цолмон
-57кг Б. Бүжидмаа
-63кг Б. Ганхайч
-70кг С. Адилцэцэг
-70кг А. Оюунгэрэл
+70кг Г. Гантогос
Дасгалжуулагч П. Нямлхагва, Д. Батсайхан



3. Шүүхийн Шийдвэр Гүйцэтгэх Ерөнхий Газрын харъяа “Сүлд” спорт хороо


-52кг М. Долгоржав
-57кг О. Лхагвахүү
-63кг Б. Долгорлхам
-63кг С. Лхагвадулам
-70кг Н. Нямтуяа
+70кг О. Мөнхцэцэг
+70кг Б. Золжаргал
Дасгалжуулагч Ц. Шийрэв



МЕДАЛЬТ БАЙРАНД ШАЛГАРСАН ЭРЭГТЭЙ БАГ:


1. Шүүхийн Шийдвэр Гүйцэтгэх Ерөнхий Газрын харъяа “Сүлд” спорт хороо


-66кг Г. Хэрлэн
-66кг Б. Мягмардорж
-73кг Ц. Цогтбаатар
-81кг О. Ууганбаатар
-90кг Э. Мөнхжаргал
+90кг Б. Серик
+90кг Б. Тэмүүлэн
+90кг А. Давааням
Дасгалжуулагч Ц. Шийрэв



2. Баянзүрх дүүрэг “Женко” клуб


-66кг Ё. Басхүү
-66кг М. Ганболд
-73кг Б. Батцэцэг
-81кг Г. Одбаяр
-81кг Б. Гаажадамба
-90кг О. Цэцэнцэнгэл
+90кг Н. Түвшинбаяр
+90кг Д. Сугаржаргал
Дасгалжуулагч Г. Энхбаяр



3. Зэвсэгт хүчний “Алдар” спорт хороо


-66кг А. Батсуурь
-66кг Д. Баярмагнай
-73кг Э. Түмэннасан
-81кг Д. Сандуйжав
-90кг Г. Алтанбагана
+90кг Ө. Дүүрэнбаяр
+90кг Б. Лхагвадорж
Дасгалжуулагч Д. Батсайхан



3. Уулын баяжуулах “Эрдэнэт” үйлдвэр ХХК-ийн “Хангарьд” спорт клуб


-66кг Д. Алтансүх
-66кг Н. Сэр-Од
-73кг Г. Балсанлхүндэв
-73кг Б. Батболд
-81кг Н. Дагвасүрэн
-90кг Ч. Баярмагнай
+90кг Б. Мөнх-Эрдэнэ
+90кг Т. Бат-Ирээдүй
Дасгалжуулагч Ж. Нямдорж

09:30 цагт: УИХ дахь МАН-ын бүлгийн дэд дарга Я.Содбаатар Ерөнхийлөгчийн сонгуулийн хуулийн төслийн талаар Төрийн ордонд мэдээлэл хийнэ. Утас: 99027444

Таеквондогийн УАШТ өнөөдөр эхэлнэ.

УИХ-ын чуулганы нэгдсэн хуралдаантай

Үс засуулбал: Идээ ундаа элбэг олдоно

Улаанбаатарт өдөртөө 19 хэмийн хүйтэн байна.

“Алт-2” үндэсний хөтөлбөр хэрэгжүүлнэ

Монгол Улсын Засгийн газраас ”Алт-2” үндэсний хөтөлбөр хэрэгжүүлэх тогтоол батлахаар болов. Хөтөлбөрийн хэрэгжилтийг улсын хэмжээнд зохион байгуулах үүрэг бүхий Ажлын албыг Уул уурхай, хүнд үйлдвэрийн сайдаар ахлуулан байгуулах юм.

Засгийн газрын 2016-2020 оны үйл ажиллагааны хөтөлбөрийг хэрэгжүүлэх, эдийн засгийг сэргээх зорилгоор “Алт-2” хөтөлбөрийг хоёр үе шаттайгаар 2020 он хүртэл хэрэгжүүлнэ. Хөтөлбөрийн үр дүнд жилд олборлох алтны хэмжээг 2-3 тонноор тогтвортой нэмэгдүүлж, 2020 онд 25 тоннд хүргэх боломжтой юм. Хөтөлбөрийг хэрэгжүүлснээр ашигт малтмалын нөөц ашигласны төлбөр хэлбэрээр жилд дунджаар 33-59 тэрбум төгрөгийг улсын төсөвт оруулж, геологийн эрэл хайгуулын ажлын үр дүнд Монгол Улсын алтны бэлтгэгдсэн нөөцийг 100-150 тонноор нэмэгдүүлэх боломжтой гэж Засгийн газар үзэж байна.

Манай улс өмнө нь “Алт хөтөлбөр” болон “Алт-2000 хөтөлбөр”-ийг 1992-2000 онд хэрэгжүүлж байсан юм. Үндэсний статистикийн хорооны 2015 оны мэдээгээр манай улсын алтны үйлдвэрлэл ДНБ-ний 2.6 хувь, экспортын орлогын 9.1 хувийг эзэлж байгаа юм.

Нийслэлийн Иргэдийн Төлөөлөгчдийн Хурлын Тэргүүлэгчдийн 2017 оны А/19 дүгээр тогтоолоор Улаанбаатар хотын хэмжээнд энэ сарын 20-ныг хүртэл архи, согтууруулах ундаа худалдан борлуулах, түүгээр үйлчлэхийг хориглосон.

Монгол Улсын харцага цолонд хүндэтгэл үзүүлэх хүчит 224 бөхийн барилдаан Монгол бөхийн өргөөнд энэ сарын 22-нд болно. Өнгөрсөн жилийн барилдаанд харцага Ө.Даваабаатар түрүүлсэн билээ.



Дашрамд дурдахад, 2003 онд бий болгосон тус цолыг анх М.Баяржавхлан, Э.Батбаатар нар хүртэж байсан бол түүнээс хойш 45 харцага цолтон төржээ. Хамгийн отгон харцага гэвэл өнгөрсөн жилийн баяр наадмаар Т.Баасанхүү, Б.Бат-Өлзий, Н.Жаргалбаяр, Х.Гантулга нар зургаа давж тус цолыг хүртсэн юм.

Баянгол дүүргийн Хоёрдугаар хорооны нутаг дэвсгэрт таван хүн архинд хордож нас барсантай холбогдуулан Мэргэжлийн хяналтын газрын болон Улаанбаатар хотын цагдаагийн газраас архи согтууруулах ундаа худалдан борлуулдаг болон түүгээр үйлчилдэг газруудад хяналт шалгат хийж байгаа.

Аюулгүй байдал, гадаад бодлогын байнгын хороо хуралдлаа. Хуралдаанаар Төрийн ордны барилгын өнөөгийн төлөв байдлын дүгнэлт, чанар, аюулгүй байдлын шаардлагыг хангах зарим арга хэмжээний талаар” Засгийн газрын Хэрэг эрхлэх газрын даргын мэдээллийг сонслоо. Төрийн ордны барилга 1947 онд анх барьж эхлэн, 1951 онд ашиглалтад оруулжээ. Нийт 19 блокоос бүрдсэн Төрийн ордны барилгад холбогдох байгууллагын 13 мэргэжлийн хүмүүсийн бүрэлдэхүүнтэй дэд ажлын хэсэг дөрвөн сарын турш нарийвчилсан үзлэг, шалгалт хийжээ. Шалгалтаар барилгын үндсэн хийц, бүтцэд илэрсэн зөрчил, дутагдлын улам даамжирч, ашиглалтын үеийн аюулгүй байдал алдагдаж, хүний амь нас эрсдэж болзошгүй нөхцөл байдалтай болсон байна.

БХБЯ-ны гаргасан урьдчилсан тооцоогоор Төрийн ордны барилгын 1951, 1961 хэсгийг буулгаж, дахин барихад ойролцоогоор 38,8 тэрбум төгрөг, 1981 оны хэсгийг хүчитгэн засварлахад 3.6 тэрбум төгрөг, нийт 42.4 тэрбум төгрөгийн хөрөнгө оруулалт шаардлагатай гэсэн тооцоо гаргажээ. Харин 2018 оноос Төрийн ордны барилгыг үе шаттайгаар буулгаж, дахин засварлахад боломж бүрдэнэ гэж үзэж байгаа аж.

Байнгын хорооны хуралдаанаар дээрх асуудлыг хэлэлцээд Засгийн газарт чиглэл өглөө.

Д.Загджавыг дэд сайдаар томилох саналыг хүргүүлэхээр болжээ

Монголбанк өнөөдрийн гадаад валютын дуудлага худалдаагаар 361.16 төгрөгийн хаалтын ханшаар 9.0 сая юанийг нийлүүлсэн байна.

Нийслэлийн Иргэдийн Төлөөлөгчдийн Хурлын Тэргүүлэгчдийн 2017 оны А/19 дүгээр тогтоолын хэрэгжилтийг хангах ажлын хүрээнд Багахангай дүүргийн Засаг даргын 2017 оны А/08 дугаар “Хүнсний аюулгүй байдлыг хангах зарим арга хэмжээний тухай” захирамжаар ажлын хэсгийн бүрэлдэхүүнийг 9 хүний бүрэлдэхүүнтэй байгуулав.

Ажлын хэсэг 2017 оны 01 дүгээр сарын 17-ны өдөр дүүргийн нутаг дэвсгэрт худалдаа үйлчилгээ эрхэлдэг 11 байгууллагаас архи 3432, пиво 2968, дарс 114, оргилуун дарс 16 нийт 6530 ширхэг архи согтууруулах ундааг тоолон лацдаж дүүргийн хэмжээнд түр хугацаагаар архи согтууруулах ундаагаар үйлчлэх худалдан борлуулахыг хориглолоо.

Дүүргийн веб сайтад дүүргийн Засаг даргын захирамж, ажлын хэсгийн хуралдааны талаарх мэдээлэл болон сэрэмжлүүлэг, битүүмжилсэн согтууруулах ундааны тоо холбогдох мэдээ мэдээллийг байршуулаад байна. Дүүргийн Засаг даргын 1/69 дүгээр албан бичгээр дүүргийн нийт байгууллагуудад ажилтан албан хаагчиддаа уг асуудлын талаар мэдээлэх чиглэл хүргүүллээ.

Дүүргийн Эрүүл мэндийн төвд архи согтууруулах ундаатай холбоотой хордлогын шинж илэрсэн тухай дуудлага мэдээлэл одоогоор ирээгүй.

Нийслэлийн шуурхай удирдлагын төвд дүүрэгт зохион байгуулсан ажлын талаарх мэдээллийг тухай бүр хүргэн ажиллаж байна гэж Багахангай дүүргийн Засаг даргын Тамгын газраас мэдээллээ.

Монгол Улсын Үндсэн хуулийн цэц 2017 оны 1 дүгээр сарын 18-ны өдөр Сонгуулийн тухай хуулийн 97 дугаар зүйлийн 97.4, 99 дүгээр зүйлийн 99.5 дахь хэсэг Үндсэн хуулийн Арван зургадугаар зүйлийн 9 дэх заалт, Арван есдүгээр зүйлийн 1 дэх хэсгийг, Сонгуулийн тухай хуулийн 103 дугаар зүйлийн 103.5 дахь хэсэг Үндсэн хуулийн Арван зургадугаар зүйлийн 14 дэх заалт, Арван есдүгээр зүйлийн 1 дэх хэсгийг тус тус зөрчсөн эсэх тухай маргааныг Дунд суудлын хуралдаанаар хянан хэлэлцлээ.

Хуралдаанаар Сонгуулийн тухай хуулийн 97 дугаар зүйлийн 97.4 дэх хэсгийн “Саналыг санал тоолох төхөөрөмжөөр тоолох бөгөөд санал тоолох төхөөрөмжөөс гарсан дүнгийн хуудас нь тухайн хэсгийн санал хураалтын дүн байна.”, 99 дүгээр зүйлийн 99.5 дахь хэсгийн “Санал тоолох төхөөрөмжид уншигдсан саналын хуудас нь хүчинтэй саналын хуудас байна.” гэсэн нарийвчилсан зохицуулалт нь хуульд тусгах шаардлагатай хэм хэмжээ байх ба иргэний сонгох, сонгогдох эрхийг; мөн уг хуулийн 103 дугаар зүйлийн 103.5 дахь хэсгийн “Сонгуулийн дүн гарсан бол санал хураалтыг хүчингүйд тооцохгүй.” гэсэн заалт холбогдох асуудлаар аливаа этгээд шүүхэд нэхэмжлэл гаргах эрхийг тус тус хязгаарлаагүй байх тул Үндсэн хуулийн холбогдох заалтыг зөрчөөгүй гэж дүгнэжээ.

Харин мэдээлэл гаргагчдын үндэслэл болгож буй сонгууль зохион байгуулах техник ажиллагаатай холбоотой зарим тойрог, хэсгийн хороонд гарсан алдаа, зөрчил нь Үндсэн хуулийн цэцийн харьяалан шийдвэрлэх маргаан биш болохыг Үндсэн хуулийн цэц уг хуралдаанаас гарсан 01 дүгээр дүгнэлтдээ дурджээ.

Берлиний загварын долоо хоног эхэллээ

Швейцарын Холбооны Улсын Давос хотноо энэ сарын 17-20-ны өдрүүдэд болох Дэлхийн эдийн засгийн 47 дугаар чуулга уулзалтад болж байна. Энэ удаагийн чуулга уулзалтад 80 орчим улсын төр, засгийн өндөр, дээд хэмжээний төлөөлөгч, олон улсын 40 орчим байгууллагын удирдлага болон улс төр, хувийн хэвшил, иргэний нийгмийн 2600 гаруй төлөөлөгч оролцож байгаа юм. Ингээд чуулга уулзалтад хэн хэн ирснийг хүргэж байна.

Нийслэлийн эрүүл мэндийн газраас хүргэж буй энэхүү зөвлөмжийг сонирхоорой. Модноос нэрж гаргадаг учраас энэ төрлийн бодисыг метилийн спирт гэж нэрлэдэг. Энэ нь автомашин болон бусад салбарын үйлдвэрлэлд хэрэглэдэг, маш хортой бөгөөд өчүүхэн хэмжээгээр хэрэглэхэд сохрох, солиорох, үхэлд хүргэх аюултай.

Өнгөгүй, шингэн, спирт төст үнэртэй учраас хүн андуурч уух тохиолдол байдаг. Метилийн спирт нь хүний биед арьс салст, амьсгал, хоол боловсруулах замаар нэвтэрч орох боломжтой гэж нийслэлийн Эрүүл мэндийн газраас мэдээллээ.



Хордлогын улмаас хүний биед дараах шинж тэмдэг илэрнэ

Амьсгалын тогтолцоонд

-Амьсгал хүнд болох

-Амьсгал удаашрах

-Уруул хөхрөх

-Амьсгал зогсох хүртэл шинж илэрнэ.

Нүдэнд

-Хүүхэн хараа өргөсөх

-Нүд бүрэлзэх

-Хараа муудах болон, хараагүй болох

Зүрх судасны тогтолцоонд

-Цусны даралт буурах

-Зүрх зогсох

Мэдрэлийн тогтолцоонд

-Ядарч, сульдах

-Толгой өвдөх

-Толгой эргэх

-Явж чадахгүй болох

-Хөөрлийн байдалд орох

-Ухаангүй болох

-Таталт өгөх

Ходоод гэдэс

- Дотор муухайрах

- Бөөлжих

-Гэдэс базлах

-Гүйлгэх

-Арьс салст шарлах

-Цус алдах

АВАХ АРГА ХЭМЖЭЭ

Дээрх шинжүүд илэрвэл яаралтай түргэн тусламж /103/ дуудах, хамгийн ойр байрлах эмнэлэгт хандах
Хэрвээ өвчтөн архи согтууруулах ундаа хэрэглэсэн бол түүний шил, сав болон архины үлдэгдлийг асгалгүй байлгаж байх
Юм уух чадвартай бол их хэмжээний шингэн уулгаж, бөөлжүүлэх
Түргэн тусламж иртэл өвчтөний амьсгалын замыг чөлөөлөх, шаардлагатай бол хиймэл амьсгал хийх

БНТУ-ын 2017-2018 оны хичээлийн жилийн магистр, докторын тэтгэлэгт хөтөлбөрт бүртгэх ажил эхэлжээ.

Монголын төр, нийгэм, цэргийн нэрт зүтгэлтэн, БНМАУ-ын баатар, Хөдөлмөрийн баатар, Маршал Ю.Цэдэнбалын мэндэлсний 100 жилийн ойд зориулсан “Хүмүүсийн дурсамж” гурван боть “Би тангарагтаа үнэнч байсан”, “Сүүлийн долоон жил” гэсэн таван номын нээлт өнөөдөр Тусгаар тогтнолын ордонд боллоо. Нээлтэд ойг тэмдэглэн өнгөрүүлэх комиссын дарга, ЗГХЭГ-ын дарга Ж.Мөнхбат болон УИХ-ын гишүүд, “Ю.Цэдэнбал” сангийн төлөөлөл оролцлоо.