Улаан бурхан өвчний хүндрэлээс сэргийлдэг өндөр тунт А аминдэмийг энэ сарыг дуустал Өрхийн эрүүл мэндийн төвүүдээр дамжуулан зургаан сараас таван нас хүртэлх хүүхдүүдэд олгоно.



Жил бүрийн тав, арваннэгдүгээр сард А аминдэмийг уулгадаг бөгөөд



6-аас нэг настай хүүхдэд 100 000 олон улсын нэгж тунтай (цэнхэр өнгөтэй),
12-59 сартай буюу нэг наснаас 4 нас 11 сар 29 хоногтой хүүхдэд 200 000 олон улсын нэгж тунтайг (улаан өнгөтэй) уулгадаг юм байна.


Хүүхэд А аминдэм уух үедээ 6 сар хүрсэн байх ёстой. Харин таван нас хүрсэн бол уулгахгүй.

“Түрээсийн байр эзэмшигчдийн эрх ашгийг хамгаалах холбоо”-ноос 1971 оны тогтоолоор тухайн үеийн ЗСБНХУ (одоогийн ОХУ)-д олгосон байруудыг одоо оршин сууж буй иргэдэд нь хувьчлахыг Ерөнхийлөгч Ц.Элбэгдорж, УИХ-ын дарга М.Энхболд нараас шаардлаа.

Энэ оны гуравдугаар улирлын байдлаар Төрийн банкны нийт актив хоёр их наяд төгрөгт хүрсэн талаар тус банкны захирал Д.Баярсайхан “Зууны мэдээ”сонинд өгүүлжээ. Энэ нь манай банкны системд эхний тавд орох актив юм. Төрийн банкны нийт активт эзлэх чанаргүй зээлийн хэмжээ энэ оны гуравдугаар улирлын байдлаар 1.5 хувьтай байгаа аж. Монголын банкны системд чанаргүй зээлийн хувь одоогоор 4.1 байгаа юм. Өнгөрсөн есдүгээр сарын байдлаар Монгол Улсын хэмжээнд тэтгэвэр авагчдын 43 хувь нь буюу 156 мянга гаруй хүн Төрийн банкаар дамжуулан тэтгэврээ авч байгаа. Нийгмийн даатгалын сангийн мөнгөн хөрөнгийн 13.8 хувь нь Төрийн банкинд байршдаг билээ.

Өчигдөр буюу 11-р сарын 13-ны өдрийн оройн 22:00 цагийн орчимд “Under the dome” нэртэй БНХАУ-д нүүрлээд буй утааны гамшгийн талаар баримтат кино манай улсын мэдээллийн сувгуудаар нэгэн зэрэг цацагдсан. Тухайлбал, Ийгл, Боловсрол, UBS болон SBN гэх мэт нэр бүхий 10 орчим теллевиз нэгэн зэрэг нэвтрүүлсэн юм.

УИХ дахь МАН-ын бүлэг хуралдаж байна. Хуралдаанаар энэ долоо хоногт байнгын хороо,чуулганы хуралдаанаар хэлэлцэх хууль, тогтоолын төсөлд байр сууриа нэгтгэж байгаа юм. Хуралдаанаар хэлэлцсэн асуудлын талаар мэдээлэл хийхгүй гэж тус бүлгийн хэвлэлийн төлөөлөгч мэдээллээ.

МАН-ын бүлгийн хуралдаан 14:00 цагт эхэллээ. Хуралдаанаар гаалийн тариф, гаалийн татварын тухай нэмэлт өөрчлөлт оруулах тухай хуулийн төслийн танилцуулгыг сонсох аж. Мөн дэлхийн худалдааны байгууллагын худалдаа хөнгөвчлөх хэлэлцээрт Монгол Улс нэгдэн орох тухай асуудлыг хэлэлцэх юм. Түүнчлэн өвөлжилтийн бэлтгэл хангах асуудлаар салбарын сайд нартай бүлгийн гишүүд зөвлөлдөх юм байна.

УИХ дах МАН-ын бүлгийн хуралдаанд Барилга хот байгуулалтын сайд Г.Мөнхбаяр, Эрчим хүчний сайд П.Ганхүү нар оролцож байна.

АН-ын Гүйцэтгэх зөвлөл өнөөдөр 17.00 цагаас хуралдахаар болжээ. Хуралдаанаар энэ сарын 16-нд хуралдах Үндэсний зөвлөлдөх хороогоор хуралдах асуудлыг хэлэлцэж магадгүй талаар эх сурвалж мэдээлж байна.

Баруун болон төвийн аймгуудын ихэнх нутгаар 11 дүгээр сарын 12-ны өдрөөс эхлэн цас орж, салхи 12-14 м/с хүртэл ширүүсч цасан шуурга шуурсан бол 13-ны өдөр баруун аймгуудын нутгийн зүүн хэсэг, төв, зүүн аймгуудын ихэнх нутаг, говийн аймгуудын зарим газраар цас орж, 14-16 м/с хүртэл ширүүсч цасан шуурга шуурсан.

Цаг агаарын энэхүү хүндрэлтэй нөхцөл байдлын улмаас автозам, даваа цасанд хаагдах, хальтиргаа гулгаа үүсэх, үзэгдэх орчин хязгаарлагдах зэрэг хүндрэл гарсан тул иргэдийн амь нас, эрүүл мэнд, эд хөрөнгийг авран хамгаалах зорилгоор Улаанбаатар хотоос гарах бүх чиглэлийн хот хоорондын болон олон улсын автозамын хөдөлгөөнийг Зам тээврийн хөгжлийн сайдын 2016.11.13-ны өдрийн 82 дугаар тушаалаар 11 дүгээр сарын 13-ны өдрийн 13:00 цагаас 14-ний өдрийн 10:00 цаг хүртэл хугацаагаар хязгаарласан юм.

Онцгой байдлын асуудал эрхэлсэн байгууллагын албан хаагчид цасан шуурганд төөрсөн, автомашинтайгаа цасанд суусан зэрэг иргэдийн дуудлагаар ажиллаж 70 гаруй иргэдийн эрүүл мэнд, амь нас, аюулгүй байдлыг ханган ажиллалаа.

Тухайлбал, Төв аймгийн Сэргэлэн сумын Хөшигт багийн “Үнэгтийн-Үзүүр” гэдэг газар малчин Б /31 настай, эрэгтэй/ 2016.11.13-ны өдрийн 15:30 цагийн үед малдаа гарч яваад сураггүй болсон тухай дуудлагаар сумын Засаг даргын Тамгын газрын даргаар ахлуулсан орон нутгийн иргэд, Багахангай дүүргийн Онцгой байдлын хэлтсийн албан хаагчид эрэн хайх ажиллагааг зохион байгуулж Баян сумын “Хэхэрийн хоолой” гэдэг газраас 1000 орчим малтай нь эсэн мэнд олж ар гэрийнхэнд нь хүлээлгэн өгсөн.

Нийслэлийн Багахангай дүүргийн 1 дүгээр хороо, дүүргийн төвөөс 5 км зайтай “Алсын худаг” гэдэг газраас иргэн Г өглөө малаа хариулахаар яваад сураггүй болсон тухай дуудлагаар /2016.11.13-ны өдрийн 16:02 цагт/ тус дүүргийн Онцгой байдлын хэлтсийн Гал түймэр унтраах, аврах 80 дугаар ангийн албан хаагчид ажиллаж тус дүүргээс 7 км зайд “Өндөр толгой” гэдэг газраас иргэн Г /45 настай, эрэгтэй/-г 500 гаруй бог малтай нь төөрсөн байсныг эсэн мэнд олж ар гэрийнхэнд нь хүлээлгэн өгсөн.

Мөн Төв аймгийн Баян сумын 1 дүгээр баг, Санд гэдэг газраас Багахангай дүүргийн төв рүү явж байсан гурван иргэн төөрсөн, автомашины шатахуун дуусан гэсэн дуудлагыг 21:50 цагт өгснөөр Багахангай дүүргийн Онцгой байдлын хэлтсийн Гал түймэр унтраах, аврах 80 дугаар ангийн албан хаагчид эрэн хайх ажиллагааг зохион байгуулж 23:30 цагт төв аймгийн Сэргэлэн сумын 3 дугаар баг, Даац гэдэг газарт 39 настай, эрэгтэй, 38 настай, эмэгтэй, 51 настай, эрэгтэй нарыг Вонго загварын автомашины шатахуун дуусч, төөрсөн байдалтай байсныг эсэн мэнд олж аюулгүй газар хүргэсэн

Завхан аймгийн Тосонцэнгэл сумын Оргих багийн “Их мухар” гэдэг газар /сумын төвөөс урд зүгт 25 км-т/ 70-22 УБН улсын дугаартай “Мазда” загварын суудлын автомашин цасанд сууж, эвдэрсэн тухай дуудлагаар /2016.11.13-ны өдрийн 08:25 цагт/ тус аймгийн Онцгой байдлын газрын албан хаагчид ажиллаж автомашиныг татан гаргаж сумын төвд чирж авчран аюулгүй болгосон.

Дорнод аймгийн Баянтүмэн сумын Жаргалант багийн “Цагаан чулуут” гэдэг газар /аймгийн төвөөс баруун урагш 30 км/-т иргэн Б 31-79 ДОР улсын дугаартай “Аксент” загварын автомашин эвдэрч, цасанд суусан тухай дуудлагаар /2016.11.13-ны өдрийн 17:16/ тус аймгийн Онцгой байдлын газрын Эрэн хайх аврах ангийн албан хаагчид ажиллаж иргэн Б /70 настай эрэгтэй/, Э /40 настай эрэгтэй/, Т /21 настай эрэгтэй/, Б /20 настай эрэгтэй/ нарыг аварч, автомашиныг цаснаас татан гаргасан. /4 иргэн/

Дорнод аймгийн Хэрлэн сумын 2 дугаар багийн нутаг “Дэхт” гэдэг газрын орчимд иргэн Г /60 настай, эрэгтэй/ “Ниссан ипсум” загварын автомашинтай цасанд суусан дуудлагаар /2016.11.13-ны өдрийн 21:15 цагт/ тус аймгийн Онцгой байдлын газрын Эрэн хайх, аврах ангийн албан хаагчид ажиллан, “Портер” загварын 37-68 ДОР улсын дугаартай автомашинд /4 хүн/, “Ниссан ренеза” загварын 96-41 ДОА улсын дугаартай автомашинд /2 хүн/ нийт 6 иргэнийг аварч, 2 автомашиныг цаснаас татан гаргасан.

Дорнод аймгийн Сэргэлэн сумын “Ар хоолой” багийн нутаг “Галын гол” гэдэг газaр иргэн Б /29 настай, эрэгтэй/, А /40 настай, эрэгтэй/ нар 39-06 ДОР улсын дугаартай, Карина загварын автомашинтай цасанд суусан тухай дуудлагаар /2016.11.13-ны өдрийн 17:30/ тус аймгийн Онцгой байдлын газрын Эрэн хайх, аврах ангийн албан хаагчид ажиллан 39-06 ДОР улсын дугаартай, Карина загварын автомашинд /2 хүн/, “Субару фростер” загварын 28-99 ДОР улсын дугаартай автомашинд /6 хүн/, “Хонда фит” загварын 48-99 ОРО улсын дугаартай автомашинд /4 хүн/, “Портер” загварын 43-74 ДОР улсын дугаартай автомашинд /5 хүн/, “Ниссан сани” загварын 39-06 ДОР улсын дугаартай автомашинд /3 хүн/ нийт 20 иргэнийг аварч, 3 автомашиныг цаснаас татан гаргаж аюулгүй болгосон.

Дорнод аймгийн Матад сумын Буянбадрах багийн нутаг “Очиртын говь” гэдэг газaр /аймгаас зүүн урагш 75 км-т/ нийт 5 хүнтэй “Портер” загварын автомашинтай цасанд суусан тухай дуудлагаар /2016.11.13/ тус аймгийн Онцгой байдлын газрын Эрэн хайх аврах ангийн албан хаагчид ажиллаж “Бонго“ загварын 21-34 ДОР улсын дугаартай автомашинтай 5 хүн цасанд суусан байсныг татан гаргасан.

Дорнод аймгийн Чойбалсан сумын “Хулстай” багийн нутаг “Танкийн саад” гэдэг газaр /аймгаас зүүн хойш 25 км-т/ нийт 18 хүнтэй, “Приус”, “Фургон” загварын автомашинууд цасанд суусан тухай дуудлагаар /2016.11.13-ны өдрийн 23:55/ тус аймгийн Онцгой байдлын газрын Эрэн хайх аврах ангийн албан хаагчид ажиллаж “Приус-10“ загварын 54-84 ДОА улсын дугаартай автомашинд 3 хүн, Фургон автомашинд 12 хүн, нийт 15 хүнийг аварч, 2 автомашиныг цаснаас татан гаргасан.

Дорнод аймгийн Баянтүмэн сумын Өлзийт багийн “Цайдам” гэдэг газар /аймгийн төвөөс хойш 10 км/-т иргэн Х-гийн автомашин эвдэрсэн, цасанд суусан тухай дуудлагаар /2016.11.14-ний өдрийн 03:50 цагт / тус аймгийн Онцгой байдлын газрын Эрэн хайх аврах ангийн албан хаагчид ажиллаж “Приус-20“ загварын 33-31 УБА улсын дугаартай автомашиныг татан гаргаж сумын төвд авчирч аюулгүй болгосон гэж Онцгой байдлын ерөнхий газраас мэдээллээ.

ОХУ-ын Ульяновск хотод 2017 оны наймдугаар сарын 11-15-ны өдрүүдэд “Первый международный Фестиваль национальных видов спорта стран СНГ”, “Тусгаар тогтносон орнуудын үндэсний спортын төрлүүдийн олон улсын анхдугаар наадам” болох болжээ.

Азербайжан улсад энэ онд болсон Тусгаар тогтносон орнуудын Хамтын нийгэмлэг байгуулагдсаны 25 жилийн ойн ёслолын үеэр явагдсан Тусгаар тогтносон орнуудын Биеийн тамир, спортын Зөвлөлийн ээлжит хуралдаанаар Биеийн тамир, спортын салбарт хамтран ажиллах тухай Гэрээний дагуу дээрх спортын наадмыг зохиохоор шийдвэрлэсэн байжээ.

Тусгаар тогтносон орнуудын үндэсний спортын төрлүүдийг хөгжүүлэх, соёлын харилцан солилцоог хөгжүүлэх зорилгоор бүстэй барилдаан, нум сум харвалт, масс-рестлинг, туухай өргөлт, самбо, орос даам, олс таталт, саваа шидэлт, мини бөмбөгтэй хоккей, лаптуу бөмбөг цохилт гэсэн 10 төрлөөр болох тус наадамд Азербайжана, Беларусь, Казахстан, Киргиз, ОХУ, Тажик, Туркмен улсуудын багууд өнөөдрийн байдлаар оролцохоор мэдүүлгээ өгөөд байгаа тус наадмын нээлтийн ёслолын найруулгыг олимпийн наадмын мөнгөн медальт, уран гулгагч Илья Абербах хийхээр болжээ.

Тус наадамд мянга орчим тамирчид 40 багц медалийн төлөө өрсөлдөнө.

Монгол Улсын Биеийн тамир, спортын тухай хуулийн 10 дугаар зүйл, Нийслэлийн Засаг дарга бөгөөд Улаанбаатар хотын Захирагчийн 2016-2020 оны үйл ажиллагааны хөтөлбөр, Нийслэлийн эдийн засаг, нийгмийн 2016 оны зорилтыг хэрэгжүүлэх зорилгоор Нийслэлийн Засаг даргын 2013 оны А/333 дугаар захирамжаар Нийслэлийн Иргэдийн спортын V наадмыг 2016 оны 03 дугаар сараас 11 дүгээр сарын 13-ны хооронд спорт явган аялал, ширээний шагайн наадгай, хийн дасгал аэробик, олс таталт, волейбол, сагсан бөмбөг гэсэн спортын 7 төрлөөр хэсэг, хороо, бүс, дүүрэг, нийслэл гэсэн 5 үе шаттайгаар амжилттай явагдаж өндөрлөлөө.

Энэхүү наадам нь Нийслэлийн Нийтийн Биеийн тамир, спортын хорооноос дэвшүүлсэн “Биеийн тамир, спортыг айл өрх, иргэн бүрт” зорилтын хүрээнд “Өдөр тутмын биеийн тамир – Өнөөгийн нийслэлчүүдийн өнгө төрх” гэсэн уриан дор явагдаж, багийн бүрэлдэхүүн тухайн хорооны иргэн байх ба зөвхөн цахим үнэмлэхийг үндэслэн уг наадамд оролцуулах, 31-ээс дээш настай нийслэлийн иргэн байх, тухайн төрлийн спортын дэд мастераас дээш цолтой тамирчин 45-аас дээш настай байх, наадмын нэг төрөлд нэг тамирчин орох, шалгарсан баг тамирчид үндсэн бүрэлдэхүүнээрээ шат шатны тэмцээнд оролцох зэрэг нь иргэдийн идэвхи санаачлагыг өрнүүлэх, хөршийн холбоог сайжруулах онцлогтой байсан нь нийслэлийн иргэдийн бие бялдрыг хөгжүүлж, нийтийн биеийн тамир, спортоор хичээллэх боломжийг олгож байгаа үйл ажиллагаа боллоо.

Нийслэлийн шигшээ тэмцээнд спортын 7 төрлөөр 9 дүүргийн 152 хорооны 1402 иргэн хамрагдсан бол Нийслэл, дүүргийн Иргэдийн спортын V наадмын хэсэг, хороо, бүс, дүүрэг, нийслэлийн шатанд нийлээд 4377 байгууллагын 87000 гаруй иргэн хамрагджээ.

Наадмын шигшээ тэмцээн, нээлт, хаалтын ажиллагаанд:

Нийгмийн хөгжлийн асуудал хариуцсан төслүүдийн удирдагч - Нийслэлийн Засаг даргын орлогч Ш.Анхмаа,
Нийслэлийн Нийтийн биеийн тамир, спортын хорооны дарга Ж.Ганболд,
Нийслэлийн Нийтийн биеийн тамир, спортын хорооны ахлах мэргэжилтэн А.Болдмаа,
Багахангай дүүргийн Биеийн тамир, спортын хорооны дарга Г.Жамсран,
Баянгол дүүргийн Биеийн тамир, спортын хорооны дарга Б.Дамба,
Сонгинохайрхан дүүргийн Биеийн тамир, спортын хорооны дарга Ц.Ганхүү,
Чингэлтэй дүүргийн Биеийн тамир, спортын хорооны дарга Р.Очирпүрэв нар оролцлоо.

Ширээний шагайн наадгайн тэмцээний

эмэгтэйчүүдийн төрөлд:
1-р байранд: Чингэлтэй дүүргийн 6 дугаар хорооны баг
2-р байранд: Баянгол дүүргийн 16 дугаар хорооны баг
3-р байранд: Хан-Уул дүүргийн 14 дүгээр хорооны баг
эрэгтэйчүүдийн төрөлд:
1-р байранд: Багахангай дүүргийн 1 дүгээр хорооны баг
2-р байранд: Баянзүрх дүүргийн 15 дугаар хорооны баг
3-р байранд: Чингэлтэй дүүргийн 6 дугаар хорооны баг
Олс таталтын тэмцээний

эмэгтэйчүүдийн төрөлд:
1-р байранд: Сүхбаатар дүүргийн 27 дугаар хорооны баг
2-р байранд: Баянгол дүүргийн 23 дугаар хорооны баг
3-р байранд: Баянзүрх дүүргийн 12 дугаар хорооны баг

эрэгтэйчүүдийн төрөлд:
1-р байранд: Хан-Уул дүүргийн 9 дүгээр хорооны баг
2-р байранд: Багануур дүүргийн 1 дүгээр хорооны баг
3-р байранд: Баянзүрх дүүргийн 27 дугаар хорооны баг
Хийн дасгалын тэмцээний
55-аас дээш насны ангилалд:
1-р байранд: Сонгинохайрхан дүүргийн 1 дүгээр хорооны баг
2-р байранд: Сүхбаатар дүүргийн 11 дүгээр хорооны баг
3-р байранд: Чингэлтэй дүүргийн 6 дугаар хорооны баг
31 - 55 хүртэлх насны ангилалд:
1-р байранд: Чингэлтэй дүүргийн 6 дугаар хорооны баг
2-р байранд: Налайх дүүргийн 2 дугаар хорооны баг
3-р байранд: Сүхбаатар дүүргийн 12 дугаар хорооны баг

Аэробикийн тэмцээний
55-аас дээш насны ангилалд:
1-р байранд: Сүхбаатар дүүргийн 11 дүгээр хорооны баг
2-р байранд: Чингэлтэй дүүргийн 6 дугаар хорооны баг
3-р байранд: Сонгинохайрхан дүүргийн 12 дугаар хорооны баг
31-55 хүртэлх насны ангилалд:
1-р байранд: Налайх дүүргийн 2 дугаар хорооны баг
2-р байранд: Сонгинохайрхан дүүргийн 14 дүгээр хорооны баг
3-р байранд: Чингэлтэй дүүргийн 6 дугаар хорооны баг

Волейболын тэмцээний
эмэгтэйчүүдийн төрөлд:
1-р байранд: Баянзүрх дүүргийн 18 дугаар хорооны баг
2-р байранд: Налайх дүүргийн 7 дугаар хорооны баг
3-р байранд: Багахангай дүүргийн 1 дүгээр хорооны баг
эрэгтэйчүүдийн төрөлд:
1-р байранд: Чингэлтэй дүүргийн 19 дүгээр хорооны баг
2-р байранд: Налайх дүүргийн 19 дүгээр хорооны баг
3-р байранд: Сүхбаатар дүүргийн 14 дүгээр хорооны баг

Сагсан бөмбөгийн тэмцээний
эмэгтэйчүүдийн төрөлд:
1-р байранд: Баянзүрх дүүргийн 6 дугаар хорооны баг
2-р байранд: Хан-Уул дүүргийн 2 дугаар хорооны баг
3-р байранд: Чингэлтэй дүүргийн 16 дугаар хорооны баг
эрэгтэйчүүдийн төрөлд:
1-р байранд: Багануур дүүргийн 1 дүгээр хорооны баг
2-р байранд: Сонгинохайрхан дүүргийн 19 дүгээр хорооны баг
3-р байранд: Налайх дүүргийн 2 дугаар хорооны баг
нар тус тус эхний гурван байрт шалгарч цом, алт, мөнгө, хүрэл медалийг эзэд боллоо.

Нийслэлийн Иргэдийн спортын V наадмын бүх үе шатуудад баг тамирчдаа амжилттай зохион байгуулж оролцуулсан хороодыг шалгаруулж, дараах хороодод ”Шилдэг хороо” шагнал гардуулсан.
Багахангай дүүргийн Б.Гэрэлмаа даргатай 1-р хороо,
Баянгол дүүргийн Ё.Ариунзул даргатай 2-р хороо,
Баянзүрх дүүргийн П.Мандахбаяр даргатай 4-р хороо,
Налайх дүүргийн С.Медальбек даргатай 4-р хороо,
Сонгинохайрхан дүүргийн Л.Бямбадорж даргатай 9-р хороо,
Сүхбаатар дүүргийн Ц.Долгормаа даргатай 12-р хороо,
Хан-Уул дүүргийн С.Сарангуа даргатай 16-р хороо,
Чингэлтэй дүүргийн С.Отгонсүрэн даргатай 4-р хороо
Нийслэлийн шигшээ тэмцээнд нийлбэр дүнгээр:
1-р байрт Чингэлтэй дүүрэг
2-р байрт Налайх дүүрэг
3-р байрт Баянзүрх дүүрэг
4-р байрт Сүхбаатар дүүрэг шалгарсан байгууллагуудыг цом, өргөмжлөл, мөнгөн шагналаар шагнав.
Тусгай байранд Сонгинохайрхан, Хан-Уул, Баянгол, Багануур, Багахангай дүүргүүд шалгарлаа гэж Нийслэлийн Нийтийн биеийн тамир, спортын хорооноос мэдээллээ.

Дэлхийн эрүүл мэндийн байгууллагаас антибиотикийн мэдлэг, хандлагыг сайжруулах хүрээнд “Антибиотикийг хариуцлагатай хэрэглэе” долоо хоногийн аяныг өнөөдрөөс эхлэн энэ сарын 20-ныг дуустал дэлхий нийтээр тэмдэглэн өнгөрүүлэхээр боллоо. Үүнтэй холбогдуулан Эрүүл мэндийн яамнаас энэ өдрүүдийг Улаанбаатар хотноо тэмдэглэн өнгөрүүлэхээ мэдэгдлээ. Ингэхдээ Эрүүл мэндийн яам, бусад эрүүл мэндийн байгууллагууд хамтран эмч эмнэлгийн мэргэжилтнүүдийн антибиотикийн талаарх мэдлэг хандлагыг дээшлүүлэхэд чиглэсэн уриалга, сургалт сурталчилгаа, антибиотикын зөв сонголт, хариуцлагатай жор бичилт, зохистой хэрэглээг төлөвшүүлэхээр сургалт явуулах юм байна. Сургалтад эмч эмнэлгийн мэргэжилтнүүдийг түлхүү хамруулахаар болсон аж. Эрүүл мэндийн сайд А.Цогцэцэг “Антибиотикийг зөвхөн хүн хэрэглээд зогсохгүй мал, гахай, тахиа загасны аж ахуйд өргөн хэрэглэх болсон. Ингээд амьтдад хэрэглэсэн эмийн бодис бүрэн гадагшлаагүй байхад түүнийгээ хүнсэнд хэрэглэдэг. Гэтэл эмийн үлдэгдэл хүнсний бүтээгдэхүүнээр дамжин хүний эрүүл мэндэд хохирол учрах аюултай” хэмээн ярилаа.

Сонирхуулахад, Дэлхийн эрүүл мэндийн байгууллагаас нянгийн тэсвэржилтийн нөхцөл байдлын судалгааг 12 улсад явуулахад судалгаанд хамрагдсан хүмүүсийн 64 хувь нь буруу буюу ханиад томууны үед антибиотикийг хэрэглэдэг байна. Мөн антибиотикийн тэсвэржилтээс улбаалан зарим бэлгийн замын халдварт өвчин эмчлэгдэхгүй байх магадлалтайг Дэлхийн эрүүл мэндийн байгууллагаас анхаарууллаа.

Мөн Их зохиолчийн төрсөн нутаг болох Төв аймгийн Баяндэлгэр суманд түүний гэр музейг байгуулах, Д.Нацагдоржийн амьдарч байсан гэрийн буйрын орчимд аялал жуулчлалын цогцолбор байгуулахаар төлөвлөж

Ам.долларын өсөллтэй холбогдуулан ХНХ-ын сайд Н.Номтойбаяр өөрийн твиттер хуудсаараа дамжуулж байр сууриа илэрхийлжээ. Тэрбээр “Юаны/хэний нөлөөллөөр хөөсрөв? Банк/бүлэглэлийн хуйвалдаан биш үү?! Гэмт хэргийн шинжтэй энэ үйлдлийг холбогдох газар нь шалгах хэрэгтэй” хэмээжээ.

Тэрбээр өмнө нь хүү тогтоох тал дээр арилжааны банкууд хуйвалдаж байж магадгүй хэмээн байнгын хорооны хуралдаанд оролцох үеэрээ мэдэгдэж байсан. Энэ удаад ч гэсэн ам.долларын ханшны асуудал дээр хуйвалдаан байгаа хэмээн хардаж байгаагаа илэрхийлээд байна.

Ам.долларын өсөллтэй холбогдуулан ХНХ-ын сайд Н.Номтойбаяр өөрийн твиттер хуудсаараа дамжуулж байр сууриа илэрхийлжээ. Тэрбээр “Юаны/хэний нөлөөллөөр хөөсрөв? Банк/бүлэглэлийн хуйвалдаан биш үү?! Гэмт хэргийн шинжтэй энэ үйлдлийг холбогдох газар нь шалгах хэрэгтэй” хэмээжээ.

Тэрбээр өмнө нь хүү тогтоох тал дээр арилжааны банкууд хуйвалдаж байж магадгүй хэмээн байнгын хорооны хуралдаанд оролцох үеэрээ мэдэгдэж байсан. Энэ удаад ч гэсэн ам.долларын ханшны асуудал дээр хуйвалдаан байгаа хэмээн хардаж байгаагаа илэрхийлээд байна.

Кембриж их сургуулийн спортын багийнхан нүцгэн зураг авхуулжээ



Кембриж их сургуулийн спортын багийнхан хөрөнгө босгохын тулд нүцгэн зураг авахуулжээ. Үүнд усанд сэлэлт, хоккей, хөлбөмбөг зэрэг спортын багийн тамирчид орсон байна.

2

3

4

5

6

7

8

9

Ирэх оны төсвийн тухай хуулийг өнгөрсөн пүрэв гарагт баталлаа. Энэ хуульд төсвийн зарлагад хэмнэлтийн зарчмыг баримтална гэж заасан. Тодруулбал байгууллагын хэвийн үйл ажиллагааг алдагдуулж, өр төлбөр үүсгэсэн, төрийн хөрөнгийг үр ашиггүй зарцуулсан бол төрийн албан хаагчийг ажлаас чөлөөлөх хариуцлага тооцно гэж заажээ. Энэ заалт хэрэгжвэл 11 их наяд төгрөгийн алдагдалд хүргэсэн, төрийн өмчит ААН-үүдийн удирдлагууд бүгд халагдах нь.

Төрийн байгууллагуудын үйл ажиллагааны зардлын үр ашгийг сайжруулах, төсвийн зардлыг хэмнэх, үйл ажиллагааны орлогоо давуулан биелүүлэх идэвх, санаачилгыг бий болгох зорилгоор

Бүх шатны төсвийн захирагч нарт төсвийн зардлаа хэмнэсэн, үйл ажиллагааны орлогоо давуулсан бол уян хатан захиран зарцуулах эрх олгох;
Бүтэц зохион байгуулалтыг чиг үүргийн давхардалгүй, төрийн үйлчилгээг иргэдэд үр дүнтэй хүргэх зорилгоор шинэчлэн зохион тогтоох эрхийг олгох заалтууд ч дээрх хуульд багтжээ.

Нийслэлийн захирагчийн ажлын албанаас гадна зар сурталчилгааны журмыг шинэчлэн боловсруулан батлуулахаар ажиллаж байна.

Булган аймгийн Хангал сумын уугуул, үндэсний бөхийн XX зууны ууган дархан аварга, үндэсний спортын ууган гавьяат, дархан аварга Б.Түвдэндорж агсны 100 жилийн ой энэ онд тохиож байгаа билээ.

Энэ оны эхний есөн сарын мэдээгээр насанд хүрээгүй хүмүүс гэмт хэрэгт холбогдсон болон хүүхдийн эрх ашиг хохирсон гэмт хэрэг буурчээ.


2016 оны эхний есөн сарын байдлаар 1016 хүүхэд ямар нэгэн гэмт хэрэг, халдлагад өртөж хохирсон байна. Энэ хүүхдүүдийн 3.9 хувь буюу 25 нь нас барж, 337 буюу 53.2 хувь нь гэмтжээ. Энэ нь өмнөх оны мөн үеийнхээс буурсан үзүүлэлт аж.



Харин насанд хүрээгүй хүмүүс үйлдсэн гэмт хэрэг 18.6 хувиар буюу өмнөх оны мөн үеэс 152 хэргээр буурчээ. Хүүхдүүд бусдын эд хөрөнгийг хулгайлах, бусдын бие махбодид гэмтэл учруулах, дээрэмдэх, танхайрах гэмт хэргийг голчлон үйлджээ. Хүүхдүүд амар хялбар аргаар мөнгө олох, бусдад уруу татагдах болон санамсаргүй тохиолдлоор гэмт хэрэгт холбогдож байгаа аж. Тиймээс эцэг, эх, асран хамгаалагчид хүүхдэдээ тавих анхаарлаа сайжруулж, таны хүү, охин ямар хүмүүстэй найзалж, нөхөрлөж хаагуур, юу хийж явааг мэдэх, хүүхдээ гэмт хэргийн холбогдогч, хохирогч болохоос урьдчилан сэргийлэх хэрэгтэй юм.

Ойрын өдрүүдэд цас ихэнх нутгаар үргэлжлэн орж буй. Үүний улмаас хальтиргаа гулгаа ихэсч хөл гараа хугалсан хүний тоо өнгөрсөн нэг хоногт 100-д хүрчээ.