Европын Холбооны санхүүжилтээр хэрэгжиж буй “Монгол Улсын техник, мэргэжлийн боловсрол, сургалтыг дэмжих төсөл-1”-ийн хүрээнд Хөдөлмөрийн яам “Dale Carnegie Training” олон улсын сургалтын байгууллагатай хамтран “Манлайлал, удирдлагын менежмент”-ийн сургалтыг амжилттай зохион байгууллаа. Сургалтад төрийн өмчийн 22, хувийн зургаа нийт 28 МСҮТ-ийн захирлууд хамрагдсан бөгөөд санхүүжүүлэгч төслийн багийн хүсэлтээр Хөдөлмөрийн яам, төрийн бус байгууллагын төлөөлөл ч оролцсон юм.

Сургалтад оролцогсод манлайлал, удирдлагын менежментийг хэрхэн хэрэгжүүлэх талаар шинэ мэдлэг авсан төдийгүй хичээлийн явцад суралцсан инновацийн процесс буюу асуудалд шинэлэг, бүтээлч шийдэл хайж олох ур чадварт суралцсан нь тэдний ажилд бодит дэмжлэг боллоо хэмээн ам сайтай байлаа. Хичээлийн үеэр өрнөсөн харилцан яриа, санал бодлоо солилцох үеэр захирлуудад байгууллага дээрээ шинэчлэл хийх боломж хязгаарлагдмал, төсвөөс хамааралтайгаар ажилтнуудаа тогтвортой, тогтмол эрч хүчтэй ажиллуулах, ажил даалгаж, хариуцлагатай байлгах тал дээр нийтлэг сул талууд байдаг нь ажиглагдсан хэмээн сургагч багш нар дүгнэсэн.

Захирлууд “Манлайлал, удирдлагын менежмент” сургалтаар олж авсан арга барилаа өөрсдийн ажил болон хамт олны дунд хэдийнэ хэрэгжүүлжээд эхэлснээс үзэхэд энэ удаагийн сургалт оролцогчдын манлайллын мэдлэгт нөлөөлж ур чадварыг дээшлүүлэхэд чухал ач холбогдолтой болжээ хэмээн үзэж байна.
- See more at: http://zasag.mn/m/ministry-of-labor/view/11764#sthash.khP3hGW5.dpuf

Засгийн газраас нэн яаралтай дэгээр хэлэлцүүлэхээр өргөн мэдүүлсэн Гаалийн болон нэмэгдсэн өртгийн албан татвараас чөлөөлөх тухай хуулийн төслийн хэлэлцэх эсэх асуудлыг хэлэлцлээ.

Засгийн газрын гишүүн, Хүнс, хөдөө аж ахуйн сайд Р.Бурмаа энэ талаарх хууль санаачлагчийн илтгэлдээ, 2015 оны ургац хураалтын дүнгээр нийтдээ 215.7 мянган тонн үр тариа, үүнээс 203.9 мянган тонн буудай хурааж аваад байна. Харин ирэх оны тариалалтад зориулж 335.7 мянган га талбайд чанар сайтай уринш боловсруулж бэлтгэсэн бөгөөд хаврын тариалалтад 48 мянган тонн орчим улаанбуудайн үр шаардлагатай байгаа юм. Гэвч ургац хураалтын дүнгээр дараа оны тариалалтад нийтдээ 28 мянган тонн улаанбуудайн үрийн нөөц бүрдээд байгаа хэдий ч 20 мянган тонн улаанбуудайн үр дутагдахаар байна. Энэ тооцоог үндэслэн Хүнсний аюулгүй байдлын үндэсний зөвлөлөөс 2016 онд 20 мянган тонн үрийн улаанбуудай импортлох зөвлөмж гаргасан. Иймээс импортоор оруулах үрийн улаанбуудайг Гаалийн болон нэмэгдсэн өртгийн албан татвараас чөлөөлөх зайлшгүй шаардлагын үүднээс чөлөөлөх уг хуулийн төслүүдийг боловсруулсан тухайгаа дурдлаа.

Хууль санаачлагчийн илтгэлтэй холбогдуулан Улсын Их Хурлын гишүүн Д.Ганхуяг салбарын сайдаас асуулт асууж тодруулан Улсын Их Хурлын гишүүн Я.Санжмятав саналаа хэлсэн юм. Ингээд санал хураалт явуулахад байнгын хорооны хуралдаанд оролцсон гишүүд санал нэгтэйгээр Гаалийн болон нэмэгдсэн өртгийн албан татвараас чөлөөлөх тухай хуулийн төслүүдийг хэлэлцэхийг дэмжсэн тул энэ талаарх байнгын хорооны санал, дүгнэлтийг чуулганы нэгдсэн хуралдаанд оруулж хэлэлцүүлэхээр тогтлоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.

”Fantastic production”найруулагч Б.Тамирийн бүтээл “Миний ах атаман” адал явдалт кино ОХУ-ын Буриадад ихээхэн амжилт олоод байгаа билээ. Харин атаман гэдэг үг орос хэлэнд Казахын цэргийн дарга атаман гэсэн утгаар хэрэглэгддэг тул нэрийг нь “Ах дүүс”, “Миний ах хүнд гар”, “Миний ах хулиган” зэргээр өөрчилж буй гэнэ. Нэгэнт Буриадад ийм амжилттай байгаа тул ”Fantastic production”-иас кинондоо орос клип хийлгэхээр Буриадын “LUXOR” хамтлагт захиалга өгчээ. Хамтлагийн дуучин Артур Шмыгин, Алагуй Егоров нар долоо хоногийн дотор “Миний ах” нэртэй дуу хийсэн нь манайхны санаанд ихэд нийцсэн аж. Шинэ клипийг энэ сарын 21-нд олны хүртээл болгосноос хойш олон мянга хүн үзээд байгаа гэнэ.

“Миний ах атаман” кино ирэх жил Казахстанд нээлтээ хийх бөгөөд мөн Казахстаны хамтлагаар шинэ дуу хийлгэж төлөвлөгөөтэй байгаа аж.

УИХ-ын чуулганы өнөөдрийн үдээс хойшхи хуралдаанаар “Гацууртын ордын төрийн эзэмшлийн хувь тогтоох тухай” УИХ-ын тогтоолын төслийн хэлэлцэх эсэх хэлэлцүүлгийг үргэлжлүүлэн хийв.

Гацууртын алтны үндсэн орд нь Сэлэнгэ аймгийн Мандал сумын нутагт оршдог бөгөөд ашиглалтын тусгай зөвшөөрөл эзэмшигч нь “Сентерра гоулд Монголиа” ХХК юм. Тус орд нь 50 036,05 кг буюу 50 тонн алтны нөөцтэй. Хязгаарлагдмал тодорхой нөхцөлд үр ашигтай нөөц нь 25 тонн, нийт 75 тонн алтны нөөцтэй.

Тус орд дээрх хэмжээний харьцангуй өндөр агуулга бүхий хүдэртэй. Ирээдүйд тухайн бүс нутгийн хөгжилд нөлөөлөхуйц, дэд бүтэц харьцангуй сайн хөгжсөн, цаашид ордын хэмжээнд нөөц өсөх магадлалтай юм. Гацууртын ордын төслийг хэрэгжүүлэхдээ толгой компани болох “Сентерра Гоулд Монголиа” ХХК нь “Бороо гоулд” ХХК-ийн үлдэгдэл хөрөнгийг ашиглах бөгөөд үлдсэн хөрөнгө оруулалтыг зээл болон бусад эх үүсвэрээс зохицуулах аж.

Гацууртын алтны үндсэн орд нь ашиглалтад ороход бэлэн болсон төсөл бөгөөд нийт 9-10 жил алт олборлох болон боловсруулах үйлдвэрлэл явуулна. Нийт хөрөнгө оруулалтын зардал нь 215.9 сая ам.доллар, үйл ажиллагааны зардал нь 1026.2 сая ам.доллар, 1769.2 сая ам.долларын борлуулалт хийж, 433,6 сая ам.долларын татвар, төлбөр, хураамж төлөх бөгөөд 1000 орчим ажлын байр бий болох юм. Иймд Гацууртын алтны үндсэн ордын төрийн эзэмшлийн хувь хэмжээг Ашигт малтмалын тухай хуулийн 5 дугаар зүйлийн 5.5, 472 дугаар зүйлийг үндэслэн тогтоож, эдийн засгийн эргэлтэд оруулах зайлшгүй шаардлага үүссэн аж.

Хэлэлцүүлгийн шатанд УИХ-ын гишүүн Ц.Даваасүрэн, ”Манай улс эдийн засгийн хурдацаараа дэлхийд 3-т жагсаж байгаа мөртлөө хамгийн их өртэй 10 улс орны жагсаалтад орсон байна” гэхэд Ерөнхий сайд Ерөнхий сайд Ч.Сайханбилэг, ”Гаргаж байгаа эрдэс баялгийн хэмжээ хэвэндээ байгаа ч дэлхийн зах зээл дээр үнэ ханш унасан нь эдийн засагт ихээхэн нөлөөлж байна. Тиймээс гадагш нийлүүлж буй эрдэс баялгийн түүхий эдийнхээ хэмжээг нэмэгдүүлэх шаардлага үүсээд байна. Бусад улс орнууд ч ийм жишгээр ажиллаж байна” гэв.

УИХ-ын гишүүн Р.Гончигдорж төслийг дагалдаж гарах нийгмийн үнэ цэнийг тодорхой болгож оруулж ирээгүйгээс төслийн үр дүн дорвитой сонсогдохгүй байна. Орж ирэх бэлэн мөнгөний хэмжээгээр төслийн үнэ цэнийг ярьж болохгүй гэсэн бол УИХ-ын гишүүн Г.Уянга тогтоолын төслийг хэлэлцэхийг дэмжихгүй гэдгээ илэрхийлээд 50 тонн алтны төслийнхөө оронд Ноён ууланд аялал жуулчлалын төсөл хэрэгжүүлэх саналтай байгаагаа хэллээ. Харин УИХ-ын гишүүн С.Ганбаатар энэ саналаа татаж аваач ээ гэсэн юм. Гишүүд асуулт тавьж, байр сууриа хэлсний дараа тогтоолын төслийг хэлэлцэхийг дэмжих санал хураалт явууллаа. Гишүүдийн олонхийн саналаар Гацууртын ордод төрийн эзэмшлийн хувийг тогтоох тухай тогтоолын төслийг хэлэлцэхийг дэмжив.

Нийслэлийн ИТХ-ын ээлжит 33 дугаар хуралдаан өнөөдөр болж хуралдаанаар нийслэлд тээврийн хэрэгслийг зориулалтын автомашинаар зөөж шилжүүлэх, түр саатуулах хашаа /байр/ ажиллуулах, үйл ажиллагааны төлбөрийн хэмжээг хэлэлцэн тогтоолоо.

Нийслэлийн Засаг даргын Зам тээвэр дэд бүтцийн асуудал хариуцсан орлогч Н.Гантөмөр энэхүү асуудлыг танилцуулахдаа “Замын хөдөлгөөний аюулгүй байдлын тухай” шинэ хууль батлагдсантай холбогдуулан Хууль зүйн сайдын 2015 оны 08 дугаар сарын 28-ны өдрийн тушаалаар “Тээврийн хэрэгслийг зөөж шилжүүлэх, түр саатуулах журам”-ыг баталсан. Шинэ хуулиар НИТХурал нь харьяа нутаг дэвсгэрийн хэмжээнд тээврийн хэрэгслийг зөөж шилжүүлэх, тээврийн хэрэгслийг түр саатуулах хашаа /байр/ ажиллуулах шийдвэр гаргах, төлбөрийн хувь хэмжээг тогтоохоор заасан. Иймд хуулийг хэрэгжүүлэх, баталсан журмыг мөрдүүлэх зорилгоор энэхүү асуудлыг өргөн барьж байгааг онцлон хэллээ.

Улаанбаатар хотын Замын цагдаагийн газрын мэдээлж байгаагаар “Замын хөдөлгөөний дүрэм”-ээр удаан зогсохыг хориглосон газарт зайлшгүй зогсолтоос бусад хэлбэрээр зогсож хөдөлгөөнд саад учруулсан тээврийн хэрэгслүүдээс болж замын хөдөлгөөний ачаалал нэмэгдэж байна. Тиймээс нийслэлийн ИТХ-аас гаргасан журмын дагуу дүрэм зөрчиж зогссон автомашиныг ачиж журамлах, дугуй түгжих арга хэмжээг хэрэгжүүлж эхэлсэн. Цагдаагийн ерөнхий газрын шийдвэрээр Улаанбаатар хотын Цагдаагийн газар дээрх 80 гаруй зориулалтын чирэгч, ачигч автомашин бүхий 14 аж ахуйн нэгжтэй гэрээ байгуулан, хяналт тавин ажиллаж байгаад 8 сараас түр зогсоосон. Замын хөдөлгөөний түгжрэл, саатал нь иргэдийн бухимдал үүсэх олон талын шалтгаан болж байна. Мөн автомашиныг нь хааж зогссон болон замын хөдөлгөөнд саад учруулсан тээврийн хэрэгслийг иргэдийн хүсэлтийн дагуу холдуулах шаардлага үүсдэг гэж тайлбарлав.

Нийслэлийн ИТХ-аас нийслэлийн хэмжээнд замын хөдөлгөөний аюулгүй байдлыг хангах, зам тээврийн ослоос урьдчилан сэргийлэх, түгжрэл саатлыг бууруулах зорилгоор 08:00-20:00 цагийн хооронд хориглосон газарт зогсож бусдын хөдөлгөөнд саад учруулсан тээврийн хэрэгслийг зөөж шилжүүлж байхаар шийдвэрлэж, хориглосон газарт зогссон тээврийн хэрэгслийг зөөж шилжүүлэх гудамж замуудыг баталлаа. Нийслэлийн хэмжээнд нийт 163 гудамж байдгаас 77 гудамжийг энэхүү тогтоолд оруулан батлав. Мөн зориулалтын автомашинаар тээврийн хэрэгсэл зөөж шилжүүлэх төлбөрийг мотоцикл 30 000 төгрөг, суудлын автомашин, микробус, 3,5 тонн хүртэлх жинтэй ачааны автомашин, автобус 60 000 төг, 3,5 тонноос дээш жинтэй том оврын тээюрийн хэрэгслийг 90 000 төгрөгөөр зөөж шилжүүлдэг байхаар тогтоолоо. Түүнчлэн түр саатуулах хашаа /байр/-ны нэг хоногийн төлбөрийг мотоцикл 3000, суудлын автомашин болон 3,5 тонн хүртэлх жинтэй бүх ачааны машин 5000, 3,5 тонноос 24 тонн хүртэлх жинтэй ачааны автомашин болон дунд оврын автобус 10 000, тусгай зориулалтын том оврын тээврийн хэрэгсэл, хүнд механизми 20 000 төгрөг байхаар тус тус батлав.

Тээврийн хэрэгслийг зориулалтын автомашинаар зөөж шилжүүлэхдээ тухайн байршлаас 10 км-аас дотор зөөж шилжүүлэх, зөөж шилжүүлсний дараа 24 цагийн дотор тээврийн хэрэгслээ буцаан авбал түр саатуулах хашаа /байр/ -ны төлбөрөөс чөлөөлөх, түр саатуулах хашаа /байр/, түүний зогсоолын нийт талбайн хэмжээг 2000 м²-аас доошгүй байх, зориулалтын чирэгч, ачигч автомашины нийт тоог 100-аас ихгүй байхаар тогтоолоо. Журам 2016 оны 1 дүгээр сарын 1-ний өдрөөс эхлэн хэрэгжих юм.

Зам тээврийн ослоос урьдчилан сэргийлэх, түгжрэл саатлыг бууруулах зорилгоор 08:00 цагаас 20:00 цагийн хооронд хориглосон газарт зогссон тээврийн хэрэгслийг зөөж шилжүүлэх гудамж замуудыг доорх хүснэгтээс харна уу гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монголчууд Коби Брайнтын талаарх мэдээллийг илүүтэй хайжээ

Ажил хэргийн хамтарсан уулзалт зөвлөгөөн хийлээ

Дорнод аймгийн Прокурорын газрын 2015 оны 4 дүгээр улирлын төлөвлөгөөнд тусгагдсаны дагуу аймгийн прокурор Т.Ууганбаатар, Цагдаагийн газрын удирдлага, Онцгой байдлын алба, хүний эрхийн комиссын Дорнод аймаг дахь салбарын ажилтан, албан хаагчид, урлагийн багаас бүрдсэн 18 хүний бүрэлдэхүүнтэй ажлын хэсэг тус аймгийн Гурванзагал, Дашбалбар, Чулуунхороот, Чойбалсан сумдад 2015 оны 12 дугаар сарын 07-ны өдрөөс 12 дугаар сарын 12-ны өдрийг дуустал 5 хоногийн хугацаанд ажилласан байна.

Аймгийн Прокурорын газраас эдгээр сумдын Гэмт хэргээс урьдчилан сэргийлэх ажлыг зохицуулах салбар зөвлөлөөс 2014 он, 2015 оны байдлаар хийж хэрэгжүүлсэн ажлыг шалган танилцан, зааварчлага өгөхийн зэрэгцээ сумдын иргэд, хөдөлмөрчидтэй уулзалт ярилцлага зохион байгуулж, Монгол улсын Прокурорын байгууллагаас баримталж буй бодлого, дэвшүүлсэн зорилго, зорилт, үр дүн, цаашид авч хэрэгжүүлэх арга хэмжээний талаар танилцуулсан бөгөөд 9 төрлийн гарын авлага, хэвлэмэл хуудаснуудыг тарааж, сонирхсон асуултанд хариулт өгчээ.

Мөн ажлын хэсгийн бүрэлдэхүүнд орж ажилласан аймгийн Цагдаагийн газар, Онцгой байдлын алба, хүний эрхийн комиссийн эрх бүхий албан тушаалтнуудаас өөрсдийн үйл ажиллагааны чиглэлээр тус тусын мэдээлэл хийж иргэдийн санал хүсэлтийг сонссон бөгөөд энэхүү үйл ажиллагаанд сумдын төр захиргааны байгууллага болон ард иргэд өргөнөөр, идэвхи санаачлагатай оролцжээ.

Дээрх 4 сумдаас гадна 2015 оны хагас жилийн байдлаар аймгийн Прокурорын газраас бусад 7 сумдын гэмт хэргээс урьдчилан сэргийлэх ажлыг зохицуулах салбар зөвлөлийн үйл ажиллагаатай танилцаж шалгасан бөгөөд 2015 оны 12 дугаар сарын 14-ний өдөр нийт сумдын гэмт хэргээс урьдчилан сэргийлэх салбар зөвлөлд гэмт хэргээс урьдчилан сэргийлэх ажлыг сум орон нутагт хэрхэн зохион байгуулж ажиллах талаар зааварчлага, урьдчилан сэргийлэх ажлыг эрчимжүүлэх тухай прокурорын мэдэгдэл тус тус бичиж хүргүүлсэн байна.

Сэлэнгэ аймгийн прокурорын газраас хорих ялаас хугацааны өмнө тэнсэн суллагдсан болон хорих ял нь тэнсэгдсэн этгээдэд тавих хяналтыг хууль тогтоомжийн дагуу явуулж байгаа эсэхийг 2015 оны 12 сарын байдлаар цагдаагийн газар, хэлтэс, тасгуудад шалгалт хийжээ.

Шалгалтанд нийт 52 ялтны хувийн хэрэг материалыг татаж хянаснаас эрх бүхий этгээдүүдээс захиргааны хяналтыг тавихдаа хувийн хэрэг материалд генетик мэдээллийн нэгдсэн санд дээж авсан тэмдэглэл, сахилга хүмүүжлийн талаарх тэмдэглэлийг хөтлөөгүй, цагдаагийн байгууллагын дарга, хэв журмын тасгийн дарга нарын зүгээс захиргааны хяналтанд байгаа хүнтэй тогтмол хугацаанд уулзаж тэмдэглэл хөтлөөгүй зөрчлийг нийтлэг гаргасан Мандал сум дах сум дундын цагдаагийн хэлтэст прокурорын шаардлага хүргүүлж, аймгийн цагдаагийн газрын хэсгийн төлөөлөгч, хэсгийн байцаагч нарт хувийн хэрэг материалын бүрдүүлбэр хөтлөхдөө анхаарах асуудлуудаар зөвлөмж гарын авлага бэлтгэж хүргүүлсэн байна.

Завхан аймгийн прокурорын газраас Завхан аймгийн Улиастай сумын Бүрэн дунд боловсролын 3, 4 дүгээр сургуулиас гэмт хэргээс урьдчилан сэргийлэх талаар зохиож буй ажлыг шалгаж, шалгалтаар илэрсэн зөрчлийг арилгуулахаар прокурорын мэдэгдэл бичиж, ахлах ангийн сурагчид болон багш, ажилтнуудын нийт 120 хүнийг оролцуулж сургалт зохион байгуулжээ. Энэ ажлын хүрээнд Прокурорын байгууллагын чиг үүрэг, хяналтын үйл ажиллагааны талаар танилцуулж, тодорхой төрлийн гэмт хэргүүдийн тухай ойлголт, түүнээс урьдчилан сэргийлэх арга замын талаар болон Хүүхдийн эрхийг хамгаалах тухай хуулиар мэдээлэл хийж, гарын авлага, санамж, зөвлөмж тараан өгч гэмт хэргээс урьдчилан сэргийлэх ажил явуулжээ.

Шинэчлэлийн Засгийн газрын шийдвэрээр хүүхэд бүрт сард 20 мянган төгрөгийг олгох болсон байдаг. Гэвч энэ 12 дугаар сард хүүхдийн 20 мянган төгрөги одоог хүртэл ээж, хүүхдүүдийн дансанд ороогүй байгаа.

Тэгвэл ”хүүхдийн” 20 мянган төгрөг энэ сарын 25-ны дотор олгох талаар НХҮЕГ-аас мэдээллээ.

Тус газарт “12 дугаар сарын хүүхдийн мөнгө олгохгүй байна” гэсэн гомдол их ирсэн байна. Иймээс НХҮЕГ-аас “Энэ сарын 25-ны өдөр Төрийн сангийн гүйлгээ хаана. Үүнээс өмнө буюу 25-нд багтаж, 12 сарын хүүхдийн мөнгө иргэдийн дансанд орно” гэж мэдэгджээ.

Хоёр хоногийн өмнө охиноо орцонд хэвтүүлж орхиод явсан хэрэг гарчээ. Охиныг нэгэн эмэгтэй олж ЭХЭМҮТ-д хүргэж өгчээ.

Одоогоор охин тус эмнэлгийн Эрчимт эмчилгээний тасагт хэвтэн эмчлүүлж байгаа бөгөөд бусдаас хандив тусламж гуйж байна. Учир нь охины биеийн байдал муу, уушги нь битүү хатгалгаатай, хоёр нүд нь бага зэрэг цагаа унасан байна. Эх нялхасын эмч, сувилагч нар одоо эмчилгээг нь сайн хийж байгаа. Хамгийн гол нь энгийн тасаг руу шилжихээр харах хүн байхгүй, бас pampers хувцас хунар хэрэгтэй болоод байгаа аж. Мөн нүдийг нь бага дээр нь эмчилүүлвэл эмчлэгдэх боломжтой гэсэн. Тиймээс та бүхэн минь чадах чинээгээрээ энэ бяцхан охинд гараа сунган туслахыг “Ээж бүхний дуу хоолой” ТББ-ын ээжүүдийн зүгээс хүсч байна.

“Охины хувьд харанхуй орцонд унтаж байсан бөгөөд сэрээд маш их айсан бас айдаснаасаа болоод их уйлж байна. Хүн тэвэрхээр энгэрт наалдаад өмөлзөөд байдаг. Бас мөөмөө санаад байгаа бололтой энгэр тэмтэрч ам нь өмөлзөөд хайгаад байгаа” хэмээн охиныг эргэж тойрч асарч байгаа Баярцэцэг хэмээх бүсгүй ярьжээ.

Хэрвээ энэ охинд туслах сайхан сэтгэлтэй хүмүүс байвал 96025757 холбогдоорой.

“Эрдэнэс Тавантолгой” ХК-ийн үйлдвэрчний эвлэлийн тэргүүлэгч гишүүдтэй уулзав

“Мөрөөдлийн театрын” жүжигчин О.Дөлгөөн уран бүтээлдээ эргэн орсон билээ. Тэрээр хөөрхөн хүүгийн ээж болж урлагийн тайзаа түр хойшлуулаад байсан юм. Эргэн ирэхдээ тайз дэлгэцийн олон уран бүтээлээр үзэгчидтэйгээ уулзсан бөгөөд сүүлд “Ромео, Жульетта” жүжгийн Жульеттагийн дүрийг бүтээж УДЭТ-т ажиллаж байгаа. Энэхүү дүрээрээ ч үзэгчдээс өндөр үнэлэгээ авч карьер нь тун ч сайн өссөн. Тэгвэл олны анхааралд орох болсон залуу жүжигчин О.Дөлгөөний нэрийг барьж луйвар хийсэн хэрэг гарчээ. Энэ тухай О.Дөлгөөн өөрийн цахим хуудаснаа ихэд бухимдсан, сандарсан байдалтай нийтэлжээ. Тэрээр жүжигчин бүсгүйгийн нэрийг барьсан этгээд хуурамч цахим хуудас ашиглан бусдаас мөнгө авчээ. Үүнийг түүний цахим хуудасны найз нь хэлснээр мэдсэн гэнэ. Өнөөгийн манай нийгэм дэндүү арчаагүй, аймшигтай болжээ. Бусдын нэрийг барьж мөнгө залилан авах зориг зүрх хаанаас нь гардаг гэмээр. Ийм төрлийн гэмт хэргийг хуулиар заасан байдаг. Тэрээр хэн нэгний нэр төрд санаатай халдах зорилгоор зарын болон бусад төрлийн вэб сайтуудад худал мэдээлэл тарааж хүний эрх, эрх чөлөө, алдар хүнд, нэр төрийн эсрэг гэмт хэрэг үйлдсэн бол хариуцлагыг хуулийн дагуу хүлээдэг байна. Залилан, луйвар хийж байгаа хүмүүс өөрсдийгөө хэзээ ч баригдахгүй гэж боддог бололтой. Ямартай ч жүжигчин О.Дөлгөөн өөрийн цахим хуудсаараа ийн сэрэмжүүлсэн байна.

Монгол Улсын Ерөнхийлөгчийн цомын төлөөх чансаа өндөр, шигшмэл 128 бөхийн барилдаан болно
Administrator 2015-12-23 16:47:00

Монголчууд Үндэсний эрх чөлөө, тусгаар тогтнолоо сэргээн мандуулсны 104 жилийн ойд зориулсан Монгол Улсын Ерөнхийлөгчийн цомын төлөөх чансаа өндөр шилдэг 128 бөхийн барилдаан энэ жил тав дахь удаагаа энэ 12 дугаар сарын 29-нд Бөхийн өргөөнд болно.

Өмнөх дөрвөн удаагийн барилдаанд Улсын аварга С.Мөнхбат хоёр, Улсын заан М.Өсөхбаяр, Улсын харцага Б.Пүрэвсайхан нар тус бүр нэг удаа түрүүлж цомын эзэн болж байв. Энэ жилийн хувьд улсын баяр наадам болон заалны барилдаануудад тогтмол амжилт үзүүлсэн шилдэг 128 бөх уран мэхийг уралдуулж хүч чадлаа үзэхээр болоод байна.

Нийслэлд өчигдөр гал түймрийн 2, орон нутагт гал түймрийн 1 дуудлагатай байлаа.

Нийслэлийн Чингэлтэй дүүргийн 12 дугаар хороо, Булгийн 19 дүгээр гудамжид иргэн Б-ийн “Пуссо” загварын ачааны автомашин, иргэн Г-ийн “Mаети” загварын ачааны автомашин шатаж байна гэсэн дуудлагыг 2015.12.23-ны өдрийн 13:01 цагт хүлээн авч Гал унтраах, аврах 10 дугаар ангийн 8 албан хаагч,

Нийслэлийн Сонгинохайрхан дүүргийн 9 дүгээр хороо, Баянхошууны тойргийн дэргэд иргэн Х-ийн гүний худгийн байр шатаж байна гэсэн дуудлагыг 2015.12.23-ны өдрийн 20:30 цагт хүлээн авч Гал унтраах, аврах 29 дүгээр ангийн 8 албан хаагч тус тус ажиллаж унтраасан.

Өвөрхангай аймгийн Арвайхээр сумын 5 дугаар багийн нутагт байдаг Ардчилсан намын байрны сахиул айлын гэр шатаж байна гэсэн дуудллагыг 2015.12.23-ны өдрийн 19:55 цагт хүлээн авч Гал унтраах, аврах 12 дугаар ангийн 7 албан хаагч ажиллаж унтраасан. Уг гал түймэрт Р /3 настай, эрэгтэй/, А /2 настай, эмэгтэй/ нар өртөж нас барсан байна.

УИХ-ын чуулганы нэгдсэн хуралдаан товлосон хугацаанаасаа нэг цагаар хоцорч эхэллээ.

Хуралдааны эхэнд Гацууртын ордын төрийн эзэмшлийн хувь хэмжээ тогтоох тухай УИХ-ын тогтоолын төслийг хэлэлцэж эхлээд байна. УИХ дахь МАХН-МҮАН-ын Шударга ёс эвслийн бүлэг энэхүү хуулийн төслийг бүлгийн төвшинд хэлэлцэж, саналаа нэгтгэх шаардлага байна гэж үзэн, завсарлага аваад байсан ч хугацаа нь дууссан юм.

2015 онд цахим ертөнцөд хамгийн эрэлттэй байсан эрхмүүдийг танилцууллаа

Төсвийн байнгын хороо хуулийн төслийн анхны хэлэлцүүлгийг дэмжив

Онцгой байдлын салбарт энэ онд аврах, гал унтраах техник, тоног төхөөрөмж, багаж хэрэгсэл, албан хаагчдын хувцас, хэрэгслийн шинэчлэл, хангалтыг сайжруулахад зориулж 20 тэрбум төгрөгийн хөрөнгө оруулалт хийгдлээ.

Мөн энэ онд Австри Улсын Засгийн газрын урт хугацааны хөнгөлөлттэй зээлийн хүрээнд Онцгой байдлын байгууллагын техникийн хүчин чадлыг дээшлүүлэх, тоног төхөөрөмжийг шинэчлэх төслийг амжилттай хэрэгжүүлж 12 тэрбум төгрөгийн өртөг бүхий Гал унтраах, аврах ажиллагааны болон ой, хээрийн түймэр унтраах иж бүрэн багаж, тоноглол бүхий автомашин, техник хэрэгсэл эхнээсээ нийлүүлэгдээд байна.

Дээрхи хөрөнгө оруулалтууд нь хийгдсэнээр Онцгой байдлын албаны чадавхи өмнөх жилийнхээс даруй 2,3 дахин өссөн нь томоохон үзүүлэлт болж байна.

Албан хаагчдын нийгмийн хамгааллын чиглэлээр:

Онцгой байдлын асуудал эрхэлсэн байгууллагын нийгмийн хамгааллын хөтөлбөрийн хүрээнд албан хаагчдын нийгмийн асуудлыг шийдвэрлэхэд дэмжлэг үзүүлэх зорилгоор Онцгой байдлын ерөнхий газар, Төрийн орон сууцны корпорацийн хооронд 2015-2017 онд хамтран ажиллах санамж бичигт гарын үсэг зурлаа.

Санамж бичгийн хүрээнд эхний ээлжинд Онцгой байдлын албаны 300 гаруй албан хаагч орон сууцаар хангагдах юм.