Хонь - (3/21-4/19)
Нийгмийн харилцаа холбоо өөрчлөгдөн өөр шинэ хүмүүстэй холбоо тогтоох бололтой. Дэлхийд алдартай илтгэгчийн лекц сонсч, тун сонирхолтой, огт мэддэггүй байсан асуудлын талаар олж мэднэ. Дахин суралцах нь амьдралын талаарх үзэл бодлыг өөрчлөх байх. Зөн совингоо чагна, өөрийн бодол өөртөө зөв. Санаанд оромгүй газар романтик учрал тохионо.
Дэлгэрэнгүй
Баасан, 2016 оны 06 сарын 03
Үхэр - (4/20-5/20)
Хуучин ажил хэрэгч төлөвлөгөө, харьцаа холбоогоо үргэлжлүүлэх мэдээ сонсоно. Таны байгуулсан шинэ гэрээ ашигтай байх болно. Энэ ажлаа эхлэхдээ бодитой харж бодитой сэтгээрэй. Гэр бүлдээ халуун дулаан уур амьсгал бүрдүүлэхийн тулд хүүхдүүдтэйгээ хамт тавилгаа өөрчилж байрлуулаарай. Шинэ түншүүдтэй эхлүүлэх ажил хэрэг одоохондоо тийм ч амжилттай болохгүй нь бололтой. Харин хуучны найз нөхөд төрөл төрөгсөд тань үнэтэй зөвлөгөө өгнө.
Дэлгэрэнгүй
Баасан, 2016 оны 06 сарын 03
Ихэр - (5/21-6/21)
Хоолны дэглэм, амьдралын хэв маягтаа анхаарал тавих цаг иржээ. Хэдийгээр хоолны дэглэм, амьдралын тогтсон хэв маягаа өөрчлөх хэцүү байдаг ч зуршлаа өөрчлөхөд 21-хэн хоног хангалттай байдгийг сана. Гэртээ ойр биеийн тамирын төвд бүртгүүлж, хувийн дасгалжуулагчтай болсноор асуудлаа хурдан шийдэх болно. Найз нөхөд болон хөршүүд тань гэнэт зочилж магадгүй тул хангалттай хоол хүнс базааж, бяцхан үдэшлэг зохио.
Дэлгэрэнгүй
Баасан, 2016 оны 06 сарын 03
Мэлхий - (6/22-7/22)
Амралтын өдөр дөхөж байгаа ч бизнесийн асуудал юм уу, хувийн бичиг цаасан дээрээ ажиллахад тохиромжтой өдөр. Энэ бүхэнд таны анхаарал дээд зэргээр төвлөрч чадах бөгөөд хэрэглээний болон логик сэтгэлгээний ачаар төвөгтэй асуудлууд хялбархан шийдэгдэх болно. Ирж буй өдрүүдэд ахмад настан юм уу эрх мэдэл бүхий албан тушаалтантай ярилцах нь сайн үр дүн авчирна.
Дэлгэрэнгүй
Баасан, 2016 оны 06 сарын 03
Арслан - (7/23-8/22)
Ажлын байранд төдийгүй гэр бүлийн гишүүдийн дунд сэв суух бололтой. Та ачаалалтай байгаа хэдий ч өнөөдрийг эрч хүчтэй өнгөрөөж чадна. Өнгөрсөнтэйгээ эвлэрч, өөрт байгаа эргэлзээгээ арилгаж чадвал жинхэнэ хүсэл мөрөөдөл, зорилгоо ойлгож эхэлнэ. Буд гараг таныг өөртөө цаг зав гарга хэмээн зөвлөж байна. Яруу найргаар өөрийгөө илэрхийлж, бүтээлч авъяас чадвараа хөгжүүлээрэй.
Дэлгэрэнгүй
Баасан, 2016 оны 06 сарын 03
Охин - (8/23-9/22)
Та өнөөдөр ямар нэг сонголт хийхээс илүү шууд шийдвэр гаргахыг илүүд үз. Ямар нэг зүйлийг хэт үгүйсгэж, бусдын санаа бодлыг сонсохыг хүсэхгүй бөгөөд энэ бүхнийг өөрчлөх сайхан боломж гарч ирнэ. Та хаашаа ч хамаагүй аялал зугаалгаар явахыг маш их хүсэх болно. Ажил төрөл бүтэмжтэй байх хэдий ч юун түрүүнд сайтар судалгаа шинжилгээ хийхийг сануулж байна. Хувиараа ажил эрхэлдэг охиныхон бизнес асуудалд ухаалаг хандахыг зөвлөе.
Дэлгэрэнгүй
Баасан, 2016 оны 06 сарын 03
Жинлүүр - (9/23-10/22)
Хэрвээ та ямар нэгэн маргаанд холбогдсон бол болгоомжтой бай. Маргаанд зөв зүйл байгаагүй гэдгийг та ойлгоогүй бол асуудал үүсэж болзошгүй. “Амьдар, амьдралд боломж өг” өнөөдрийн хамгийн сайхан уриа байх болно. Таны ажил дээр бага зэрэг асуудал үүсэх хэдий ч та түүнийг төвөггүй зохицуулах болно. Таны оюун ухаан хүсч байсан зүйлд тань итгэл найдвар өгнө.
Дэлгэрэнгүй
Баасан, 2016 оны 06 сарын 03
Хилэнц - (10/23-11/21)
Онцгой сонголт хийх хэрэгтэй байгаа Хилэнцүүдэд оюуны дасгал, эрчимжүүлэх арга барил тодорхой хэмжээгээр тус болох байх. Нотлох баримт дээр тулгуурлан хурдан шийдвэр гаргадаг чадварын ачаар өнөөдөр алдаа, асуудал бүрийг амархан шийдэх боломжтой. Таны санхүүгийн төвөгтэй байдал ойр дотны хүмүүсийг тань залхааж мэднэ. Хэрвээ та бүхнээ дайчилж чадвал үүнд санаа зовох хэрэггүй. Үдэш та маш сайхан алхам хийж, баяр хөөр бусдад бэлэглэнэ.
Дэлгэрэнгүй
Баасан, 2016 оны 06 сарын 03
Нум - (11/22-12/21)
Үдээс өмнө суугаа ажил хийдэг хүмүүсийн сэтгэл санаа хоёрдож, анхаарал суларсанаас болж алдаа эндэгдэл гаргаж болзошгүй байна. Дэлгүүр хэсэх, найз нөхдийнхөөрөө айлчлах болон зочид хүлээн авахад таатай өдөр. Та өнөөдөр олны дунд өөрийн авьяас чадвараараа онцгойрон ялгарах эсвэл сонирхолтой хүнтэй танилцах бололтой.
Дэлгэрэнгүй
Баасан, 2016 оны 06 сарын 03
Матар - (12/22-1/19)
Санаандгүй асуудлууд гарч ирнэ. Хайр дурлалын харилцаа, ажил хэргийн нууцлагдмал байдал танд ил болж ирнэ. Мэдээллийг олж мэдэх нь зарим хүмүүсийн сэтгэлийг шархлуулах шалтгаан болно. Хэрэв ямар нэгэн аюул тохиолдоход үүнийг та зайлуулах аргагүй бөгөөд ёс зүйн хувьд зөв гэж үзсэн зүйлээ л хий. Насаар ахмад болон туршлагатай хүнээс зөвлөгөө ирнэ. Энэ зөвлөгөө таныг ирээдүйд тууштай зогсоход туслах болно.
Дэлгэрэнгүй
Баасан, 2016 оны 06 сарын 03
Загас - (2/19-3/20)
Өнөөдөр аливаад нухацтай хандсанаар маш өндөр зохион байгуулагдсан хэв маяггай байна. Санаанууд болон төлөвлөгөөнүүдээ өөртөө итгэлтэйгээр амархан тайлбарласнаар маргаангүй нөлөөлөх ёстой хүмүүстээ нөлөөлж чадна. Хүссэн хүслээ биелүүлж чадах ч өөрийн зөн совин, бодлоо дагадаг шигээ өөрийн эргэн тойронд байгаа хүмүүсийнхээ ухаалаг үгсийг сонсох цаг зав гарга. Өдрийн цагаар нэр хүнддээ хор хөнөөлтэй ямар нэгэн юм хийх гэсний хэрэггүй.

Улаанбаатар хот тохижилтын 2016 оны ажил, “АСЕМ-11” уулзалтын бэлтгэлийг хангах ажлын хүрээнд нийслэлийн хэмжээнд ногоон байгууламжийн ажлыг төлөвлөлтийн дагуу хийж байна. Улаанбаатар хотын гудамж талбай, цэцэрлэгт 5 дугаар сард 480 мянган ширхэг мод, сөөгийг тарьж, 950 мянган метр квадрат зүлэгт талбайг самнан, 2100 мянган мод сөөг, 950 мянган метр квадрат зүлгэнд усалгаа хийж, 150 мянган метр квадрат талбайн модны тогоог сэргээн хөрсийг сийрэгжүүлэв.

Мөн төвийн 13 гудамжинд нийслэлийн Байгаль орчин ногоон хөгжлийн газраас 6 нэр төрлийн 1483 мод, сөөгийг нүхэнд болон тусгай саванд тарьж байрлуулаад байна.

Хотын хэмжээнд энэ жил нийт 350 мянган метр квадрат талбайд зүлэг тарихаас Наадамчдын зам дагууд 80000 метр квадрат талбайг зүлэгжүүлэх ажил эхлээд байна. Зүлэгний үрлэгээг 6 дугаар сарын 05-10-ны хооронд хийхээр төлөвлөн ажиллаж байгаа бөгөөд 06 сарын 05-наас гудамж талбайг цэцэгжүүлэх ажлыг хийж эхэлнэ гэж Улаанбаатар хотын Захирагчийн ажлын албанаас мэдээллээ.

09:00 цагт: ЭМСЯ дээр Эх хүүхдийн эндэгдлийн тулгамдсан асуудлаар уулзалт зохион байгуулна.

09.00 цагт: Авто тээврийн үндэсний төвд ”Унадаг дугуй ба эрүүл мэнд” сэдэвт хэлэлцүүлэг болно. Хэлэлцүүлэгт ЗТЯ, ЭМСЯ, НАЗГ, БОНХАЖЯ, Монголын авто замчин залуучуудын холбоо, Нийгмийн эрүүл мэндийн хүрээлэнгийнхэн оролцоно.

09:30 цагаас 17:00 цагийн хооронд АҮЯ-ны хурлын танхимд Аж үйлдвэрийн яам, Үндэсний аж үйлдвэрийн зөвлөлөөс хамтран зохион байгуулж буй ”ХАР ТӨМӨРЛӨГИЙН ҮЙЛДВЭРЛЭЛИЙН САЛБАРЫГ ХӨГЖҮҮЛЭХ ХЭРЭГЦЭЭ, ШААРДЛАГА, БОЛОМЖ” сэдэвт эрдэм шинжилгээний хурал болно.

11.00 цагт: Жуковын талбайд Баянзүрх дүүргийн Хөдөлмөрийн хэлтэс, Баянзүрх дүүргийн Нийгмийн даатгалын хэлтэс хамтран “Баянзүрхчүүд баялагийг бүтээнэ” өдөрлөг зохион байгуулна.

15:00 цагт: Төрийн ордонд Ерөнхийлөгчийн Тамгын газрын дарга П.Цагаан ”Эх хэл, түүх, соёлоо судлах, хөгжүүлэх ажлыг дэмжих тухай” сэдвээр мэдээлэл хийнэ.

2016.6.3, Баасан гараг / Билгийн тооллын: 28
Зуны эхэн харагчин могой сар
Зургаан цагаан мэнгэтэй улаан луу өдөр

Аргын тооллын: 2016.6.3, Баасан гараг
Наран ургах шингэх: 05.56-21.45
Үс засуулбал: Хэрүүл тэмцэл ирнэ
Барилдлага: Түлэх
Шүтэн барилдлага: Тийн мэдэхүй

Тухайн өдөр хонь, бич, тахиа, могой, морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр цэрэг татах, эм засал хийлгэх, авшиг авах, бэрийн үйл, дайсныг дарахад болон хуран чуулах, үс угаахад сайн. Зүүн нүд татвал хувцас олдох, баруун нүд татвал тэмцэл болох, баруун чих хангинавал сайн, зүүн нь хангинавал өчүүхэн нэгнийг үзэх, тагнай загатнах, бие татвал үзэсгэлэн болох, хөлийн шөрмөс татвал үг, асуулт болох болой. Өдрийн сайн цаг нь бар, луу, могой, бич, тахиа, гахай болой. Үс шинээр үргээлгэх буюу засуулбал хэрүүл тэмцэл ирнэ.

2016 оны 06 дугаар сарын 02-ны 21 цагаас 06 дугаар сарын 03-ны 21 цаг

хүртэлх цаг агаарын урьдчилсан мэдээ:

БАРУУН АЙМГУУДЫН НУТГААР: Солигдмол үүлтэй. Шөнөдөө Алтай, Хангайн уулархаг нутгаар, өдөртөө Хангайн уулсаар бороо орно. Салхи баруун хойноос секундэд 5-10 метр, өдөртөө зарим газраар секундэд 12-14 метр хүрч ширүүснэ. Шөнөдөө Алтай, Хангайн уулархаг нутгаар 4-9 градус, бусад нутгаар 9-14 градус, өдөртөө Алтай, Хангайн уулархаг нутгаар 15-20 градус, Их нууруудын хотгороор 24-29 градус, бусад нутгаар 19-24 градус дулаан байна.

ТӨВИЙН АЙМГУУДЫН НУТГААР: Үүлэрхэг. Нутгийн баруун хэсгээр бороо орно. Салхи зүүн өмнөөс баруун хойш эргэж секундэд 6-11 метр. Шөнөдөө Хангай, Хөвсгөл, Хэнтэйн уулархаг нутаг, Туул, Тэрэлж голын хөндийгөөр 5-10 градус, бусад нутгаар 10-15 градус, өдөртөө сэрүүсч Хангай, Хөвсгөлийн уулсаар 15-20 градус, бусад нутгаар 22-27 градус дулаан байна.

ЗҮҮН АЙМГУУДЫН НУТГААР: Багавтар үүлтэй. Бороо орохгүй. Салхи зүүн өмнөөс секундэд 7-12 метр. Шөнөдөө Хэрлэн, Халх голын саваар 7-12 градус, бусад нутгаар 10-15 градус, өдөртөө бүх нутгаар 27-32 градус дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Бороо орохгүй. Салхи зүүн өмнөөс секундэд 7-12 метр. Шөнөдөө 9-11 градус, өдөртөө 28-30 градус дулаан байна.

ГОВИЙН АЙМГУУДЫН НУТГААР: Үүлэрхэг. Шөнөдөө нутгийн баруун хэсгээр, өдөртөө ихэнх нутгаар бороо орно. Салхи зүүн хойноос секундэд 7-12 метр. Шөнөдөө бүх нутгаар 11-16 градус, өдөртөө сэрүүсч нутгийн зүүн хэсгээр 21-26 градус, баруун хэсгээр 17-22 градус дулаан байна.

УЛААНБААТАР ХОТ: Үүлшинэ. Бороо орохгүй. Салхи зүүн өмнөөс секундэд 7-12 метр. Шөнөдөө 12-14 градус, өдөртөө 24-26 градус дулаан байна.

Дэлхийн өрсөлдөх чадварын үнэлгээний “IMD” төв энэ оны тайлангаа гаргажээ. Эдийн засгаар дэлхийд өрсөлдөх чадвартай улс орны жагсаалтыг нийтэлдэг уг тайланд манай улс өнгөрсөн жилийнхээс гурван байр ухарч 60 дугаарт бичигджээ.

Улаанбурхан-улаанууд өвчний эсрэг вакцинжуулалт 88.1 хувьтай байна. Вакциныг 14 хоногийн хугацаатай эхлүүлсэн ч дахин сунгаж энэ сарын 31-нийг хүртэл хийсэн юм.

Долларын ханш өнөөдрийн байдлаар 1995 төгрөгтэй тэнцэж байна.

ИНЕГ-ын албан тушаалтнууд хөрөнгөө хуудуутай мэдүүлжээ

УИХ-ын дарга З.Энхболд Япон Улсын парламентын Төлөөлөгчдийн танхимын дарга Т.Ошиматай уулзалт хийв

Монгол Улсын Ерөнхийлөгч Ц.Элбэгдорж Олон улсын хүүхдийн эрхийг хамгаалах өдрийг тохиолдуулан олон хүүхэд төрүүлж, өсгөн хүмүүжүүлсэн ээжүүдийг ”Алдарт эх” I, II одонгоор шагнах тухай зарлиг гаргасан.

Ерөнхий сайд Ч.Сайханбилэг Олимпийн наадамд оролцох тамирчдаа зоригжууллаа

Баярын өдрөөр гамшиг ослын дуудлага ирээгүй

“Улаанбаатар-Марафон” олон улсын гүйлтийн тэмцээнтэй хамтруулан Чингисийн талбайд “Хүүхдийн аюулгүй байдлыг хангая” арга хэмжээг зохион байгуулахаар болжээ.

Зам тээврийн яам, Эрүүл мэнд спортын яам, Байгаль орчин ногоон хөгжил, аялал жуулчлалын яам, Улаанбаатар хотын Захирагчийн ажлын алба, Монголын автозамчин залуучуудын холбоо хамтран “Унадаг дугуйн үндэсний мастер төлөвлөгөө” боловсруулж, УИХ, Засгийн газрын үйл ажиллагааны мөрийн хөтөлбөрт тусгахаар болжээ.

Тус мөрийн хөтөлбөрөөр дамжуулан нийслэлд унадаг дугуйн замын сүлжээ бий болгохоор зорьж байгаа юм. Энэхүү ажлын эхлэл болгож энэ сарын 3-ны өдрөөс долдугаар сарын 3-ны хооронд Улаанбаатар хотод “Унадаг дугуй ба эрүүл мэнд” аян өрнүүлэхээр болсон байна.

Монгол Улс болон Япон Улсын яамд хоорондын хамтын ажиллагааны санамж бичигт гарын үсэг зурлаа

Монгол Улсын Их Хурлын дарга Зандаахүүгийн Энхболд 2016 оны 06 дугаар сарын 1-3-ны өдрүүдэд Япон Улсад ажлын айлчлал хийж байна. Тэрээр өнөөдөр Японы Ерөнхий сайд Ш.Абэтай уулзалт хийсний зэрэгцээ Монгол Улсын Хөдөлмөрийн яам, Япон Улсын Эрүүл мэнд, хөдөлмөр, нийгмийн халамжийн яам хоорондын “Хөдөлмөрийн салбар дахь хамтын ажиллагааны санамж бичиг”-т гарын үсэг зурах ёслолд оролцов.

Уг санамж бичигт гарын үсэг зурснаар Монгол, Япон Улсууд харилцан тохиролцож ажиллах хүч илгээх, хөдөлмөр эрхлэлт, ур чадвар дээшлүүлэх мэргэжлийн боловсролын сургалтад манай улсын дадлагажигчид хамрагдах цар хүрээ өргөжин, баталгаажих юм. Өнөөдрийн байдлаар Монгол Улсаас Япон Улсад 1500 гаруй дадлагажигч ажиллаж байна.

Тус санамж бичигт гарын үсэг үзэг зурсан УИХ-ын гишүүн, Хөдөлмөрийн сайд Г.Баярсайхан хэлэхдээ, Монгол Улсын Их Хурлын дарга болон Японы Ерөнхий сайд Ш.Абэ нар оролцон Японы Ерөнхий сайдын өргөөнд Монгол Улсын Хөдөлмөрийн яам, Япон Улсын Эрүүл мэнд, хөдөлмөр, нийгмийн халамжийн яам хоорондын “Хөдөлмөрийн салбар дахь хамтын ажиллагааны санамж бичиг”-т гарын үсэг зурлаа. Энэ нь хоёр улс хоорондын технологи, хүн солилцоо болон цаашдын хөдөлмөрийн зах зээлийг хөгжүүлэхэд ихээхэн хувь нэмэр оруулна. Мөн хоёр орны Засгийн газар хоорондын анхны Санамж бичиг гэдгээрээ онцлогтой. Ингэснээр Хөдөлмөрийн яам Япон Улсад өндөр технологи, япон соёл, ноу-хауг суралцах залуучуудыг эхний ээлжинд хэлний сургалтад бүртгэж эхэлнэ. Ийнхүү зохих журмын дагуу бүртгэгдсэн залуусыг Япон Улсад дадлагажигчаар илгээх ажлыг даруй эхэлнэ. Дадлагажигч ажилчдыг бид ихэвчлэн бүтээн байгуулалтын, үйлдвэрийн, дэд бүтэц, эрүүл мэндийн салбарт ажиллуулахаар төлөвлөж байна гэлээ.

Түүнчлэн УИХ-ын дарга З.Энхболд болон Японы Ерөнхий сайд Ш.Абэ нар Монгол Улсын Уул уурхайн яам, Япон Улсын Эдийн засаг, худалдаа, аж үйлдвэрийн яам хоорондын “Цэвэр нүүрсний технологийн солилцоог дэмжих хамтын ажиллагааны санамж бичиг”-ийг үзэглэх ёслолд оролцов. Энэхүү санамж бичигт гарын үсэг зурснаар Монгол Улсад үр ашигтай нүүрсний хэрэглээг дэмжих зорилгоор цэвэр нүүрсний технологийн солилцоог гүнзгийрүүлэх, хамтарсан судалгааг дэмжих, нүүрс хийжүүлэх технологи болон хагас коксжсон шахмал түлшний үйлдвэрлэлийн төсөл хэрэгжүүлэх зэргээр хоёр улс хамтран ажиллах боломж бүрдэх юм. Нүүрс бол Монгол Улсын чухал баялгийн нэг мөн. Өнөөдөр Монгол Улс 173 тэрбум тонн геологийн нөөцтэй. 34 сая тонн батлагдсан нөөцтэй бөгөөд цаашдаа ч энэ тоо нэмэгдэнэ. Нүүрс бол эрчим хүчний нөөцөөрөө цаашид 170 гаруй жил дэлхийд ашиглагдах боломжтой гэсэн судалгаа бий. Дэлхий нийтэд түүхий нүүрсний хэрэглээг багасгах хандлага байгаа ч цаашид нүүрсний технологийг дээшлүүлэн, боловсруулалтын түвшнийг сайжруулж ашиглахаас өөр гарцгүй. Манай улсын өмнө цаашид нүүрсийг үр ашигтай ашиглах шаардлага бий. Энэ чиглэлийн анхны алхам тавигдаж байна. Шинэ нүүрсний цэвэр технологи нь нүүрсийг хийжүүлэн, гарсан хийгээр нь эрчим хүч үйлдвэрлэхээрээ ялгаатай. Монгол Улс цаашид нүүрс, химийн үйлдвэрийг хөгжүүлэх зорилт тавин ажиллаж байгаа хэмээн Засгийн газрын гишүүн, Уул уурхайн сайд Р.Жигжид хэллээ.

Энэхүү арга хэмжээнд Монгол Улсаас Япон Улсад суугаа Онц бөгөөд Бүрэн Эрхт Элчин сайд С.Хүрэлбаатар, УИХ-ын гишүүн, Хуульзүйн байнгын хорооны дарга Д.Ганбат, УИХ-ын гишүүн, Хөдөлмөрийн сайд Г.Баярсайхан, Засгийн газрын гишүүн, Уул уурхайн сайд Р.Жигжид, УИХ-ын даргын зөвлөх Ц.Буянцогтоо, Б.Баярсайхан, “Монголын төмөр зам” төрийн өмчит хувьцаат компанийн гүйцэтгэх захирал Д.Ганбат, Дадлагажигч ажилтны шилжилт хөдөлгөөний төвийн дарга Ш.Батдэлгэр, ГХЯ-ны Ази, Ойрхи Донод, Африкийн газрын дэд захирал Г.Бямбасүрэн болон албаны бусад хүмүүс байлцав хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

УИХ-ын дарга З.Энхболд Япон Улсын парламентын Зөвлөхүүдийн танхимын дарга М.Ямазакитай уулзалт хийв

Автомашингүй өдрийг тохиолдуулан нийслэлийн зарим автозамуудыг маргааш өглөөний 08:00 цагаас оройн 18:00 цагийн хооронд хэсэгчлэн хаахаар болжээ. Тээврийн хэрэгслийн хязгаарлалт нь тусгай дуут болон гэрлэн дохиогоор тоноглогдсон албан үүргээ гүйцэтгэж яваа шуурхай албаныхаас бусад тээврийн хэрэгсэлд хамаарах бөгөөд энэ өдөр томоохон зах худалдааны төвүүд амарна. Дараах байрглуудад автомашины хөдөлгөөн хязгаарлана. Үүнд:

Жил бүрийн зургадугаар сарын эхний долоо хоногийн бямба гаригийг бүх нийтийн биеийн тамир, спортыг дэмжих зорилгоор “Автомашингүй өдөр” болгон нийтийг хамарсан урлаг спортын арга хэмжээ зохион байгуулдаг уламжлалтай. Энэ жилийн “Автомашингүй өдөр” 6-р сарын сарын 4-ны өдөр тохиож байгаа ба энэ өдөр зохион байгуулагдах үйл ажиллагааны тухай Замын цагдаагийн газраас өнөөдөр мэдээлэл хийлээ.

Тогтвортой хөгжлийн зорилтуудыг Улаанбаатар хотод тодорхойлох, Монгол улсын Тогтвортой хөгжлийн үзэл баримтлалыг хэрэгжүүлэхэд шаардагдах урт хугацааны бодлогын баримт бичиг болон хөгжлийн зорилтуудад хүрэх үйл ажиллагааны төлөвлөгөөг боловсруулах чиглэлээр НҮБ-ын Хөгжлийн хөтөлбөр, нийслэлийн Засаг даргын Тамгын газар хамтран ажиллах санамж бичиг байгууллаа. Хамтын ажиллагааны санамж бичигт нийслэлийн Засаг дарга бөгөөд Улаанбаатар хотын захирагч Э.Бат-Үүл, НҮБ-ын Хөгжлийн хөтөлбөрийн Суурин төлөөлөгч Биата Транкман нар гарын үсэг зурав.