100 саяын цахим танхимаар Ерөнхийлөгч Ц.Элбэгдоржийн түүчээг өгүүлсэн Ховдын музейгээс сурвалжиллаа
Ховд аймаг бол олон угсаатны өлгий нутаг. Тиймдээ ч олон өвөрмөц , түүх дурсгал шингэсэн байдгаараа бусад аймгуудаас онцлог.
Ийн 11 угсаатны өлгий нутаг болсон Ховд аймгаар манай сурвалжлах баг зочилсон юм. Ингэхдээ олон зууны түүх соёл, өв уламжлалаа илтгэх аймгийн музейтэй тусгайлан танилцсаныг энэ удаагийн сурвалжлагаараа онцолж байна. Тус музейн барилгын хувьд хэдий хуучирж элэгдэж, чанарын шаардлага хангахгүй барилгын тоонд орсон ч яахын аргагүй түүх өгүүлсэн байдаг. Тухайлбал, Ардын хувьсгалын 40 жилийн ойгоор аймгийн хэмжээний 40 настай хүмүүс 14 хоногт музейн барилгаа барьсан гэдэг.
Хана нь чулуу, хоёр давхар энэхүү музейн хувьд Эртний түүхийн танхим, Галданбошигт хааны танхим, Баруун Монголчуудын уламжилт, соёл ахуйн танхим, Ерөнхийлөгч Ц.Элбэгдоржийн нэрэмжит танхим, Байгаль, газарзүйн танхим, Уламжлалт, шашин соёлын танхим зэрэг 9 танхимаас бүрджээ.
Эртний түүхийн танхим нь л гэхэд монгол нутагт оршин тогнож байсан эртний төрт улсуудын үед холбогдох түүхэн үзмэрүүд байна. Ховд аймгийн Мянгад сумаас олдсон Хүннү ваарнууд, Манхан сумын Тахилтын хотгороос олдсон зарим олдворууд, Түрэг улсын үед хамаарах руни бичээстэй чулуу, хүн чулуудыг дэлгэн үзүүлдэг байна.
Харин хамгийн сүүлд байгуулагдсан Ерөнхийлөгч Ц.Элбэгдоржийн нэрэмжит танхим нь өнгөрсөн оны 7-р сард нээгдсэн ерөнхийлөгчийн амьдрал үйл ажиллагааг харуулсан “цахим танхим”юм. Энэхүү танхимийг ерөнхийлөгч 100 сая төгрөгийн хөрөнгө оруулж байгуулжээ. Тус танхимын мэдээллийг Ерөнхийлөгчийн тамгын газраас буюу нийслэлээс шууд шинэчилдэг
Уламжлалт, шашин соёлын танхимд монгол орноо гурвантаа дэлгэрсэн бурхны шашин монголчуудын оюуны амьдралд хэрхэн нөлөөлсөн, шашны урлагийн бүтээл, хожуу дэлгэрэлтийн үе 16-19-р зууны шарын шашин дэлгэрэлтийн үед монгол урчуудын ур ухаан, гараар баригдсан олон тооны сүм хийдийн талаар болон бусад мэдээллийг багтаасан үзүүллэг тус танхимд байдаг.Ховд аймгийн музейд:18-20-р зууны бурхан, бурханы дэлгэмэл зургууд, шашны зан үйл, соёлыг илтгэсэн олон үзмэрүүд бий.
Үүнээс хамгийн сонирхол татаж байсан нь 17 настай онгон охины дунд чөмгөөр хийсэн гамлин , гавжаас дээш зэрэг цолтой 108 ламын духны ясаар хийсэн ясан эрх, 3 настай хүүхдийн зулайгаар хийсэн дамар зэрэг байв. Эдгээрийг шашны томоохон зан үйлд хэрэглэдэг гэдгийг музейн тайлбарлагч онцолж байв.
Байгаль, газарзүйн танхимын хувьд, Монгол орны Алтай нурууны төв хэсгийн өндөр уулын бүс нутаг болон говийн бүс нутгийн ан амьтан ургамлыг харуулсан үзмэрүүдийг дэлгэн үзүүлжээ. Улмаар 17-р зууны Ойрад монголчуудын их хаан Галдан бошигт хааны холбоотой түүхэн мэдээллүүд гээд олон сонирхолтой танхимаар зочилж болох нь ээ.
Цаашдаа Угсаатны зүйн музей болохыг зорин ажиллаж байгаа уг музейн хамт олон угсаатнууддаа зориулж аймгийнхаа 80 жилийн ойгоор Өв соёлын хүрээлэн хүртэл байгуулсан байна. Аймгийн санхүүжилтээр боссон Өв соёлын хүрээлэнд олон ястны ахуй амьдралыг дэлгэсэн гэр, эд хогшил, хувцас хэрэглэл байдгаараа онцлогтой гэдгийг сурвалжлагын багийнхан бидэнд танилцуулсан юм.
Ховд аймгийн музейн харьяа Өв соёлын хүрээлэнд Монголд амьдарч буй 8 угсаатны гэр сууцыг байрлуулсан байдгаас эртний нүүдэлчдийн гэр сууцын түүхийг харуулсан Жолом гэр, Ханан дугацаг 2-ыг захиалгаар хийлгүүлэн нэмж байрлуулсан байдаг. Улмаар 2014 онд Урц гэр, Хавчиг гэр, Сархигнан тоонот зэрэг гэрүүдийг хийж байрлуулснаар нүүдэлчдийн гэр сууцны үүсэл хөгжлийг Ховд аймгийн Өв соёлын хүрээлэнгээс үзэх боложтой болжээ.

Өв соёлын хүрээлэнгийн хувьд Соёл, спорт аялал жуулчлалын яам байгуулагдсантай холбоотой 170 орчим сая төгрөгөөр байгуулагдсан ч 2015 онд яамгүй болсоноор музейн хөрөнгө оруулалт буурсан гэдгийг тус музейн захирал .
Мөн тэрбээр “Музей ашгийн төлөө гэхээсээ илүү олон хүнд хүрч үйлчлэх нь чухал. Музей хүмүүст түүх, соёлын өвийн талаар боловсрол олгох үүрэгтэй. Бидний хувьд энэ үүргээ чухалчилж, хүүхэд багачууд хийгээд цэргүүдэд сургалт явуулдаг уламжлалтай. Мөн хөдөө орон нутгуудад нүүдлийн музей явуулж хүүхдүүдэд үнэгүй үзүүлдгээрээ бусад музейгээс онцлогтой” гэв.
Дашрамд хэлэхэд, энэ жил улс орон даяар “Өв соёлыг өөрсдөө хөтлөх, дурсгалын үзлэг тооллого” гэж явж байгаа юм байна. Өөрөөр хэлбэл, яам болоод аймгаас тодорхой хэмжээний санхүүжилт олгоод аймаг, сумдуудаар явж түүх соёлын үл хөдлөх дурсгалын үзлэг тооллого хийж байгаа аж.
Энэ ажлын хүрээнд өнгөрсөн хавар Ховд аймгийн Мянгат сумаас хадны оршуулга олдсон байна. Улмаар Түрэгийн үеийн маш ховор олдвор олдсон учир музейн хамт олон Үндэсний музейд холбогдох бичиг баримтаа явуулж сэргээн засуулах ажилд орсон гэдгээ дуулгалаа.
Мөн эмээл, нум сум, ваар, хувцас австай бүрэн хэмжээний олдвор олдсон байна. Цаашлаад Дөргөн сумаас арслан, зааны яс илэрсэн аж. Тиймээс архелиогийн олдвор ухах эрхгүй байдаг аймгийн музейн хамт олон өдгөө холбогдох байгууллага руу мэдэгдсэн байдалтай байгаа гэнэ.
Ийн бидний сурвалжлах баг сонирхолтой өв соёлыг хадгалж чадсан, содон түүхийн түүчээ болсон Ховд аймгийн музейд ийн зочилж, ихэд сэтгэл хангалуун буцсан юм.

Тухайн өдөр бар, туулай, бич, тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм тан найруулах, лусыг тахих, өглөг өгөх, бурхныг тахих, төмөр, шаврыг цутгах, чимэг зүүх, залбирал үйлдэх, хэв сийлэх үйл, өлзий хутгийг үйлдэх, засал хийлгэх, номын явдлыг үйлдэх, эд хураах, номын өглөг өгөх хийгээд угаал үйлдэх, эд гаднаас авах тэргүүтэнд сайн хийгээд амирлангуй, дэлгэрэнгүй, эрхшээх үйл бүхэнд сайн. Бэлбэсний газар очих, үс авахуулах, угаал үйлдэх, нялхсыг гадагш гаргах, найрамдах, бэрийн үйл, хатуу үйл, үхээрийн үйлд муу. Замд гарвал тус хэрэг нь шим үгүй болой. Үс шинээр үргээлгэх буюу засуулахад эд мал баялаг төгөлдөр болно. Өдрийн сайн цаг нь хулгана, үхэр, туулай, морь, бич, тахиа болой.

2015 оны 10 дугаар сарын 14-ний 20 цагаас 10 дугаар сарын 15-ны 20 цаг

хүртэлх цаг агаарын урьдчилсан мэдээ:

БАРУУН АЙМГУУДЫН НУТГААР: Үүлэрхэг. Шөнөдөө нутгийн хойд хэсгээр, өдөртөө зарим газраар хур тунадас орно. Салхи баруун өмнөөс хойш эргэж секундэд 7-12 метр, зарим газраар секундэд түр зуур 18-20 метр хүртэл ширүүсч шороон шуурга шуурна. Баян-Өлгийн нутгаар шөнөдөө 3-8 градус хүйтэн, өдөртөө 3-8 градус, Говь-Алтай, Баянхонгорын өмнөд хэсгээр шөнөдөө 1-6 градус, өдөртөө 14-19 градус дулаан, бусад нутгаар шөнөдөө 3 градус хүйтнээс 2 градус дулаан, өдөртөө 7-12 градус дулаан байна.

ТӨВИЙН АЙМГУУДЫН НУТГААР: Үүлшинэ. Шөнөдөө Хөвсгөлийн уулсаар, өдөртөө нутгийн хойд хэсгээр хур тунадас орно. Салхи баруун өмнөөс хойш эргэж секундэд 6-11 метр, шөнөдөө нутгийн баруун хэсгээр, өдөртөө зарим газраар секундэд түр зуур 18-20 метр хүртэл ширүүсч шороон шуурга шуурна. Хангай, Хөвсгөл, Хэнтэйн уулархаг нутаг, Туул, Тэрэлж голын сав газраар шөнөдөө 0-5 градус хүйтэн, өдөртөө 7-12 градус дулаан, бусад нутгаар шөнөдөө 4 градус дулаанаас 1 градус хүйтэн, өдөртөө 13-18 градус дулаан байна.

ЗҮҮН АЙМГУУДЫН НУТГААР: Үүлшинэ. Хур тунадас орохгүй. Салхи баруун өмнөөс секундэд 5-10 метр, өдөртөө зарим газраар секундэд 12-14 метр хүртэл ширүүснэ. Шөнөдөө нутгийн хойд хэсгээр 0-5 градус хүйтэн, бусад нутгаар 0-5 градус, өдөртөө бүх нутгаар 17-22 градус дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Багавтар үүлтэй. Хур тунадас орохгүй. Салхи баруун өмнөөс секундэд 5-10 метр. Шөнөдөө 2-4 градус хүйтэн, өдөртөө 17-19 градус дулаан байна.

ГОВИЙН АЙМГУУДЫН НУТГААР: Багавтар үүлтэй. Хур тунадас орохгүй. Салхи баруун өмнөөс секундэд 6-11 метр, өдөртөө зарим газраар секундэд 16 метр хүртэл ширүүсч шороон шуурга шуурна. Шөнөдөө Дундговийн нутгаар 0-5 градус, бусад нутгаар 4-9 градус, өдөртөө бүх нутгаар 18-23 градус дулаан байна.

УЛААНБААТАР ХОТ: Үүлшинэ. Хур тунадас орохгүй. Салхи баруун өмнөөс секундэд 6-11 метр, өдөртөө зарим үед секундэд 16 метр хүртэл ширүүсч шороон шуурга шуурна. Шөнөдөө 2-4 градус, өдөртөө 16-18 градус дулаан байна.

Холбооны Бүгд Найрамдах Герман Улсын Ерөнхийлөгч ноён Иоахим Гаук, хатагтай Даниела Шадт нар өнөөдрөөс эхлэн 10 сарын 16-ныг хүртэл Улаанбаатар хотод төрийн айлчлал хийх гэж байна. Үүнтэй холбогдуулан өнөөдөр 18:00 цагаас эхлэн Энхтайваны өргөн чөлөө, Чингисийн талбай, Чингисийн өргөн чөлөө зэрэг замуудын хөдөлгөөнийг тодорхой хугацаанд хязгаарлах тул замын хөдөлгөөнд оролцож буй жолооч Та бүхэн хоёр өдрийн хугацаанд хувийн авто машинаас татгалзаж, нийтийн тээврийн хэрэгслийг сонгож хөдөлгөөнд оролцож, цагдаагийн алба хаагчдын тавьсан хууль ёсны шаардлагыг биелүүлэн бусад замын хөдөлгөөнд оролцогч нартаа хүндэтгэлтэй хандана уу.

Энэ сарын 14-ний өдөр Улаанбаатар хотын Замын цагдаагийн газрын Жижүүрийн шуурхай удирдлагын хэлтэс нийт 375 дуудлага мэдээ мэдээлэл хүлээн авснаас зам тээврийн ослын 228 дуудлага бүртгэгдэв. Үүнээс хөдөлгөөний аюулгүй байдал ашиглалтын журмын эсрэг гэмт хэрэг 10 бүртгэгдэж, 14 хүн хүнд, хөнгөн гэмтжээ. Согтуугаар тээврийн хэрэгсэл жолоодсон 67 жолоочийг журамлан гарч болзошгүй осол хэргээс урьдчилан сэргийлж ажиллаа гэж Улаанбаатар хотын Замын цагдаагийн газраас мэдээллээ.

МЗХ-ны ”Спирт үү? Спорт уу” аяны хүрээнд хэрэгжүүлж буй ”Унадаг дугуйтай Улаанбаатар” хөтөлбөрөөр унадаг дугуйн сонирхолтой аялал, парадыг зохион байгуулдаг уламжлалтай.

Эрүүл мэнд, спортын сайд Г.Шийлэгдамба ХӨСҮТ-ийн захирал Д.Нямхүүг ажлаас нь чөлөөлжээ.

1, 5 тэмдэглээтэй хуванцар савыг хүнсний зориулалтаар хэрэглээрэй

Сэлэнгэ аймгийн Мандал сумын “Түнхэл” багийн Гачууртын алтны уурхайн сахиулаар ажилладаг

Цагдаагийн Ерөнхий газраас зохион явуулж буй “Ургац-2015 “ нэгдсэн арга хэмжээний хүрээнд Замын цагдаагийн газрын Орон нутаг хурдны замын хяналтын хэлтсийн зохицуулагч цагдаагийн ахмад Б.Эрдэнэсүх нь 2015 оны 10 дугаар сарын 12-13 нд шилжих шөнө Төв аймгийн нутаг Жаргалант сумын харалдаа хяналт шалгалт хийж байх хугацаандаа Х.Truek маркийн 39-04 дугаартай авто машины жолооч А нь бусадтай бүлэглэн 12000 кг ноосон дотор 5,3 тн самар нууж Улаанбаатар хот руу оруулах гэж байсныг илрүүлэн Төв аймгийн Баянчандмань сумын Цагдаагийн хэсэгт шилжүүллээ. Тухайн хэрэгт эрүүгийн хэрэг үүсгэн шалгаж байна.

Тогтоолын төслийг анхны хэлэлцүүлгээр нь батлах горимын саналыг дэмжлээ

Малын генетик нөөцийн тухай хуулийн төслийг хэлэлцэхийг дэмжлээ

Суудлын авто машины цонх хагалж, эд зүйл хулгайлсан этгээдийг үйлдэл дээр нь илрүүлжээ.

Та бидний өдөр тутам амьдрал ахуйдаа хэрэглэдэг усны савны асуудал гамшгийн хэмжээнд очсоныг мэргэжлийн байгуулагынхан нотлоод байгаа. Тиймээс ШӨХТГ-ын зүгээс энэ тал дээр дорвитой ажил эхлүүлэх, стандарт чанарын шаардлага хангахгүй савнуудыг хэрэглээнээс гаргах тал дээр ажил эхлүүлж байна. Хорт хавдар гэх аймшигт өвчний эх үндэс болоод буй уг савыг та бид өдөр тутам хэрэглэснээр хэдэн жилийн дараа гэхэд хүмүүсийн дийлэнх хувь нь хавдар өвчтэй болох нөхцөл байдал бий болоод байна. Маргааш өглөө 9 цагт вокзалын сүү сүүн бүтээгдэхүүн зардаг хүмүүс, Нарантуул захын сав суулга худалдаалдаг хүмүүс дээр очих, гэр хорооллын худаг болон айлуудаас энэ савны талаарх ойлголт, нөхцөл байдлыг тодруулах үүднээс нөхцөл байдалтай танилцах гэж байна.

Мэргэжлийн хяналтын ерөнхий газрын Хөдөлмөр, нийгмийн хамгааллын хяналтын газраас орон даяар өрнүүлж байгаа “Хүний төлөө-Зөв тус” аяны хүрээнд “Асбестын аюулаас сэргийлэх нь” сэдэвт сургалт-хэлэлцүүлэг 2015.10.14-ний өдөр МХЕГ-т боллоо.

Асбесттай харьцдаг ажилчид, үйлдвэрийн эмч, улсын байцаагч нар сургалтад хамрагдсан байна. Хөдөлмөр, Эрүүл мэнд, спорт, Байгаль орчин ногоон хөгжил, аялал жуулчлалын яам, Гаалийн ерөнхий газар асбесттай холбоотой өвчлөлөөс урьдчилан сэргийлэх, импортоор оруулах тусгай зөвшөөрөл, аюултай хог хаягдлыг зайлуулах, хилээр орж ирж байгаа бүтээгдэхүүний хэмжээ, төрлийн талаар танилцуулж, Анагаахын шинжлэх ухааны үндэсний их сургуулийн хийсэн судалгааны дүн, аюулгүй ажиллагаанд баримтлах зарчмын талаар хичээл заав. Мөн Хөдөлмөрийн яамны боловсруулж байгаа аюулгүй ажиллагааны журмын төслийг хэлэлцэн, хэрэглэгч байгууллагуудаас санал авсан байна.

Олон улсын хавдрын эрдэм шинжилгээний агентлаг асбестыг хавдар үүсгэдэг бодисын ангилалд оруулсан. Дэлхийн эрүүл мэндийн байгууллагын 2010 онд гаргасан судалгаагаар дэлхийд 125 сая хүн асбесттай харьцдаг бөгөөд жил бүр 107,000 хүн хорт хавдраар, үүний 4000 нь маш ховор тохиолддог цээж, хэвлийн гялтан хальсны хортой хавдрын улмаас нас барж байна.

Манай улсын хувьд хорт хавдар үүсгэдэг химийн бодисыг 40 гаруй жил ашигласан, аюулгүй ажиллагааны болон ажилтны эрүүл мэндийг хамгаалах талаар тогтоосон дүрэм, журам хангалтгүй байгаагаас эрсдэлд орж болзошгүй байгаа юм.
- See more at: http://zasag.mn/m/inspection/view/11159#sthash.52v5mdVt.dpuf

Монгол Улсын Ерөнхийлөгчийн Хүний хөгжил, нийгмийн бодлогын зөвлөх Р.Болд Исламын бүгд найрамдах Иран Улсын Гадаад хэргийн яамны Олон улсын судалгаа, боловсролын төвийн гүйцэтгэх захирал Хади Солейманпоур, тус улсаас БНХАУ-д суугаа ЭСЯ-ны шинжлэх ухаан хариуцсан нэгдүгээр нарийн бичгийн дарга Али Биниаз нарыг хүлээн авч уулзлаа.

Уулзалтад ШУА-ийн дэд ерөнхийлөгч Т.Дорж, Монгол Улсаас Иран улсад суугаа Онц бөгөөд Бүрэн эрхт Элчин сайд О.Дамбийням нар байлцлаа.

Уулзалтын үеэр Ерөнхийлөгчийн зөвлөх Р.Болд “Монгол, Иран хоёр орны харилцаа одоогоос 2500 жилийн өмнө эхэлсэн гэсэн шинжлэх ухааны мэдээ, баримт байдаг. Монголын тулгар төр болох Хүннү гүрний язгууртнууд 2300 жилийн тэртээ перс хивс, гар урлалын зүйл хэрэглэж байсан нь археологийн судалгаагаар тодорхой болсон. Мөн одоогоос 1500 жилийн өмнө буюу 506 онд Перс, Византи улсуудын хооронд байгуулсан эвийн гэрээг монголчуудын өвөг дээдэс Хүннү нар зуучилж байсныг батлах түүхэн баримт бий. Иран бол эртний түүхтэй орон, иранчууд бол өндөр соёл, уламжлалтай үндэстэн гэдгийг бид сайн мэднэ. Монгол, Иран хоёрт төстэй зүйл олон байдаг. Хоёулаа тодорхой хугацаанд дэлхийн бодлогыг тодорхойлж байсан. Хоёулаа их түүхтэй эзэнт гүрнүүд байсан.

Байгаль, цаг уур, нийгэм өөрчлөгдөж байдаг. Харин хүн төрөлхтөний түүх аливаа өөрчлөлтөд өртөх ёсгүй. Түүх түүхээрээ үлдэх учиртай. Ард түмнүүдийн түүх бол аугаа, арилшгүй зүйл.

Монголын Ил хаант улсын хаан Хүлэгийн дэргэд шадарлаж байсан Персийн Рашид ад Дин, Монголын Болд Чинсан нарын тэргүүлсэн түүхчид “Судрын чуулган” хэмээх алдарт бүтээлийг туурвисныг бүгд сайн мэднэ. Иран, Монгол хоёулаа газар нутаг томтой, ард иргэд нь авьяаслаг, махруу, хөдөлмөрч юм.

Бидэнд энэ их түүх, уламжлалыг гээлгүй цаашид хөгжүүлэх түүхэн үүрэг ногдож байна. Ирэх 2016 онд хоёр орны хооронд дипломат харилцаа тогтоосны 45 жилийн ой тохионо. Энэ ойд зориулж хоёр талын соёл, боловсролын харилцааг хөгжүүлж, соёлын өдрүүд харилцан зохион байгуулах гэх мэт олон ажил хийх шаардлагатай гэж үзэж байна” гээд ирэх жил Улаанбаатарт болох Олон улсын Монгол судлаачдын 11-р их хуралд Ираны эрдэмтэн, судлаачдаас оролцохыг урилаа.

Монгол Улсын Ерөнхийлөгч Ц.Элбэгдорж 2012 онд Исламын бүгд найрамдах Иран Улсад айлчилсан юм. Энэ айлчлал хоёр улсын харилцааг шинэ шатанд гаргах эхлэлийг тавьсан гэдгийг уулзалтын үеэр дурдлаа.

Энэхүү айлчлалын мөрөөр хоёр улсын Ерөнхийлөгч нар ярьж тохиролцон Монгол Улсын ШУА, Исламын бүгд найрамдах Иран Улсын ГХЯ-ны хооронд хамтран ажиллах Санамж бичгийг 2013 онд байгуулсан байна. Санамж бичгийн хүрээнд тусгагдсан ажлуудыг бүрэн дүүрэн, амжилттай гүйцэтгэх нь чухал бөгөөд Монгол Улсад хийж буй Ираны төлөөлөгчдийн айлчлал ч үүнтэй холбогдож байгаад Ерөнхийлөгчийн зөвлөх Р.Болд талархал илэрхийлэв.

Иранчууд Монголын Ил хаант улсын Өлзийт хааны бунхныг 700 гаруй жилийн турш арчлан хамгаалж, улмаар ЮНЕСКО, дэлхийн өвд бүртгүүлсэнд мөн талархал илэрхийллээ.

Хоёр орны шинжлэх ухаан, судалгааны хамтарсан хорооны хуралдаан болон Иран улстай хамтарч Их эзэн Чингис хааны мэндэлсэн өдрийг тохиолдуулан хийх олон улсын эрдэм шинжилгээний хурал энэ аравдугаар сарын сүүлээр болох юм. Эдгээр арга хэмжээ нь хоёр орны түүх, соёлын харилцааг шинэ шатанд гаргах нэгэн сэжим гэдгийг хоёр тал тэмдэглэж байлаа.

Ноён Хади Солейманпоур хоёр тал харилцаагаа шинэ шатанд гүнзгийрүүлэн хөгжүүлэхийн зэрэгцээ хоёр орны эртний түүхэн уламжлал, түүх, соёлын нандин өвийн талаар Монголын шинэ залуу үеийнхэнд илүү танилцуулан ойлгуулах нь чухал болохыг уулзалтын үеэр тэмдэглэж байсан юм.

Нийслэлийн 376 ойг угтаж “Их хотын хямдрал” худалдааг 3 дахь жилдээ Чингисийн талбайд зохион байгуулах гэж байна. Энэхүү хямдралт худалдаанд оролцох аж ахуйн нэгжүүдийн төлөөлөлтэй өнөөдөр нийслэлийн удирдлагууд уулзлаа.

Уулзалтын эхэнд нийслэлийн удирдлагууд өнгөрсөн жил “Их хотын хямдрал” худалдаанд аж ахуйн нэгжүүд идэвхитэй оролцож, иргэддээ олон бэлэг барьж 1 тэрбум төгрөгийн борлуулалт хийж, 300 мянган иргэнд ажил үйлчилгээгээ сурталчилсан. Энэ жил ч идэвхтэй оролцоно гэдэгт итгэлтэй байна гэж онцолсон.

Аж ахуйн нэгжийн удирдлагууд “Төр хувийн хэвшлийн хамтын ажиллагааг сайжруулж, иргэддээ бараа бүтээгдэхүүн үйлчилгээгээ сурталчлах, зарж борлуулах боломжийг олгодог нийслэлийнхэндээ баярлалаа” гэсэн юм.

Энэ үеэр Нийслэлийн Засаг дарга Э.Бат-Үүл “Их хотын хямдралтай худалдаанд оролцдог аж ахуйн нэгжүүддээ баярлалаа.Та бүхний ажил хөдөлмөрийн үр дүн, төлсөн татвараар төрөлх хотын маань хөгжил дэвшил ахидаг. Нийслэлийн нэг хувийн татварыг аваад бид юунд хэрхэн яаж зарцуулсанаа та бүхэндээ, иргэддээ эргэн тайлагнах болно. Энэ мөнгө иргэдийн эрүүл аюулгүй, тохилог, дулаан сайн сайхан амьдралыг бий болгоход зарцуулагдах юм. Та бүхний ажил үйлс үргэлж өөдрөг байх болтугай. Их хотын хямдралтай худалдаандаа идэвхитэй оролцоорой” гэж уриаллаа гэж Улаанбаатар хотын Захирагчийн ажлын албанаас мэдээллээ.

АНУ-ын Дипертаментийн Хүн худалдаалах гэмт хэрэгтэй тэмцэх, хяналт тавих, хэлтсийн гадаад харилцаа хариуцсан ажилтан Sara Scott, АНУ-ын Бүс нутгийн аюулгүй байдлын хэлтсийн олон улсын асуудал хариуцсан ажилтан Kristy Mordhorst, АНУ-ын Элчин сайдын яамны Улс төрийн хэлтсийн ажилтан Жеймс Моффитт, АНУ-ын Элчин сайдын яамны Улс төрийн мэргэжилтэн М.Хоролсүрэн, нар 2015 оны 10-р сарын 14-ны өдөр Улсын Ерөнхий прокурорын газарт айлчиллаа.

Тэднийг Улсын Ерөнхий прокурорын туслах, Гадаад харилцаа, Эрх зүйн туслалцааны хэлтсийн дарга Г.Ганзориг хүлээн авч Монгол Улсын прокурорын байгууллагаас Хүн худалдаалах гэмт хэрэгтэй тэмцэхэд авч хэрэгжүүлж байгаа асуудлын талаар ярилцлаа.

Түүнчлэн 2015 оны 10-р сарын 16-нд тухайн сэдвээр өргөн хүрээнд дугуй ширээний ярилцлага хийхээр товлосон бөгөөд тус арга хэмжээнд прокурорын байгууллагын зарим удирдах албан тушаалтнууд болон бусад хуулийн байгууллагын төлөөллүүд оролцох юм.

“Олон нийтэд тулгуурласан гамшгийн эрсдэлийг бууруулах үндэсний дэд хөтөлбөр”-ийн хүрээнд Онцгой Байдлын Ерөнхий газар, “Дэлхийн зөн-Монгол” Олон улсын байгууллага хамтран Монгол оронд болдог аюулт үзэгдлээс урьдчилан сэргийлэх “Аврагч мазаалайн зөвлөмж” нэртэй DVD-г төв орон нутгийн Онцгой Байдлын Газрын сургалт сурталчилгаа, урьдчилан сэргийлэх асуудал хариуцсан мэргэжилтнүүдэд хүлээлгэн өглөө.

Эрчим хүч хэмнэлтийн тухай хуулийн төслийн талаар хэлэлцүүлэг болов

Өндөр үнэтэй эмийг даатгалаас санхүүжүүлэх боломжийг судалж үзэхийг үүрэг болгов