Өршөөлийн хуулийн хоригтой холбоотой асуудлын эцсийн хэлэлцүүлгийг хийх гэж байна. Үүнийг хаалттай хэлэлцэх шаардлагагүй. Тэртээ, тэргүй хориг хүлээж авах нь нээлттэй, хориг хүлээж авсантай холбогдуулаад байнгын хороонд ямар зүйл заалтыг нь авах уу, ямар зүйл заалтыг нь өршөөх үү, өршөөхгүй явах уу гэдэг асуудлууд нээлттэй яваад өнөөдөр Монгол Улс даяараа энэ өршөөгдөх, өршөөгдөхгүй юм байна гэдгийг мэдчихсэн. Хаалттай явуулах ямар ч шаардлага байхгүй. Нуугаад байх зүйл байхгүй. Нэмэлт өөрчлөлтөөр авлигал албан тушаалтай холбоотой хэргүүдийг өршөөх үү, өршөөхгүй юу гэсэн асуудлыг ярина. Тийм учраас нээлттэй ярих ёстой

Өөрөөр хэлбэл, авлига, албан тушаалын хэрэгтнүүдийг өршөөх үү, эс өршөөх үү гэдэг нь УИХ-ын гишүүдийн саналаар шийдэгдэх гэж байна.

Налайх дүүрэгт өчигдөр нэгэн ноцтой хүн амины хэрэг гарсан талаар эх сурвалж мэдээллээ.
Тодруулбал, гэр бүлийн хүчирхийллийн улмаас нөхөр нь эхнэрээ хөнөөсөн хэрэг гарч олныг сэртхийлгээд байгаа юм.
Энэ талаар ЦЕГ-ын холбогдох албаны хүнээс тодруулахад “ Налайх дүүрэгт ийм хэрэг гарсан нь үнэн. Гэхдээ эхнэрээ алсан гэгдэж буй нөхрийн хувьд талийгаачийг нас барахын өмнөх өдөр архи согтууруулах ундаа хэрэглэж, танхайрсаны улмаас эрүүлжүүлэгдсэн байсан. Түүнд хуулийн дагуу арга хэмжээ аваад маргааш нь гаргасан ч тухайн өдөр нь эхнэр нь амиа хорлосон байдалтайгаар олдсон байгаа. Тэгэхээр талийгаачийг гадны нөлөөтэй нас барсан уу, амиа хорлосон уу гэдгийг Шүүх шинжилгээгээр тогтооно. Хэргийг Налайх дүүргийн цагдаагийн хэлтэс шалгаж байна” гэв.
Эх сурвалжуудын хэлж буйгаар талийгаач бүсгүй нөхрийнхөө дарамтанд олон жил амьдарсан бөгөөд амиа алдахынхаа өмнөх өдөр мөн нөхөртөө зодуулж, бэртсэн байдалтай байсан байна.
Харин нөхрөө цагдаагийн байгууллагад гомдол гаргаж өгсөн ч тухайн өдрөө суллагдсан гэх мэдээлэл гарч байгаа юм.

Хараагүй иргэдээ дэмжсэн түүхэн үйл явдал боллоо
Дэлхийн цагаан таягтны өдөр” буюу хараагүйчүүдийн эрхийг хамгаалах өдөр өнөөдөр тохиож байна.
Энэ өдрийг тохиолдуулан Боловсрол, соёл, шинжлэх ухааны яам, Монголын хараагүйчүүдийн үндэсний холбоо хөгжлийн бэрхшээлтэй суралцагчид боловсрол олгохтой холбоотой асуудалд хамтын ажиллагааг эхлүүлэх, хөгжлийн бэрхшээлтэй суралцагчийн сурч боловсрох эрхийг хангах, хөгжлийн бэрхшээлтэй суралцагчийн сургалтын орчинг сайжруулах, эрх зүйн орчинг боловсронгуй болгох зорилгоор өнөөдөр Харилцан ойлголцлын санамж бичиг байгуулж байна.
Уг санамж бичгийг Боловсрол, соёл, шинжлэх ухааны сайд Л.Гантөмөр, Монголын хараагүйчүүдийн үндэсний холбооны ерөнхийлөгч Д.Гэрэл, “Хөгжлийн бэрхшээлтэй иргэдийн боловсрол, хөгжил мэдээллийн технологийн төв”-ийн тэргүүн М.Баясгалан гарын үсэг зурж баталгаажууллаа.
Энэ үеэр БСШУ-ны сайд Л.Гантөмөр “Боловсрол, соёл, шинжлэх ухааны сайдын дэргэд хараагүй оюутан, суралцагчийн эрх ашгийг хамгаалах, тэдэнд дэмжлэг туслалцаа үзүүлэх, бодлого, төлөвлөлт, хэрэгжилтийг уялдуулан зохицуулах үүрэг бүхий орон тооны бус Зөвлөл байгуулагдаж байна” гэдгийг дуулгасан юм. Энэ үйл явдлыг “Хараагүй иргэдээ дэмжсэн түүхэн үйл явдал боллоо” хэмээн “Хөгжлийн бэрхшээлтэй иргэдийн боловсрол, хөгжил мэдээллийн технологийн төв”-ийн тэргүүн М.Баясгалан онцолсон юм.
Санамж бичгийг 2015 оны 10 дугаар сарын 15-ны өдрөөс 5 жилийн хугацаатай байгуулж байна. Санамж бичгийн хүрээнд:
 Тусгай хэрэгцээт боловсролын тухай хуулийн төсөл, төслийн танилцуулга, үзэл баримтлал боловсруулна.
 Боловсрол, соёл, шинжлэх ухааны сайдын дэргэд хараагүй оюутан, суралцагчийн эрх ашгийг хамгаалах, тэдэнд дэмжлэг туслалцаа үзүүлэх, бодлого, төлөвлөлт, хэрэгжилтийг уялдуулан зохицуулах үүрэг бүхий орон тооны бус Зөвлөл байгуулж ажиллуулна.
 Яамнаас тусгай сургуулиудын сургалтын орчинг сайжруулах, сургалтын үйл ажиллагааны хэвийн тогтвортой байдлыг ханган, эдгээр сургуулиудын харьяалалын асуудлыг шийдвэрлэнэ.
 Брайл бичгийн стандартыг боловсруулж батлуулна.
 Харааны бэрхшээлтэй суралцагчийн сурах бичгийг үе шаттай брайл, томруулсан үсгээр хослуулан хэвлүүлэх ажлыг хууль тогтоомжийн хүрээнд зохион байгуулна.
 Онлайн ярьдаг номын сангийн /www.talkingbooklibrary.mn/ веб сайтыг хөгжүүлэх, Windows , IOS , Android үйлдлийн системүүд дээр ажиллах программ хангамжуудыг зохион бүтээх, Онлайн ярьдаг номын сангийн /www.talkingbooklibrary.mn/ номын фондыг 82 нэр төрлийн номоор нэмэгдүүлнэ.
 Цэцэрлэг, сургуульд шаардлагатай сургалтын хэрэглэгдэхүүн, техник тоног төхөөрөмжийг олгох зэрэг ажлыг үе шаттай зохион байгуулах юм.

<iframe width=”560” height=”315” src=”https://www.youtube.com/embed/-HL5wMlQWCc” frameborder=”0” allowfullscreen></iframe>

ШӨХТГ-аас өнөөдөр хорт хавдар үүсгэх гол шалтгааны нэг болсон усны сав худалдаалдаг газруудаар явж танилцав.

https://www.facebook.com/batulzii.osor

НИТХ дахь МАН-ын бүлгээс Хотын дарга Э.Бат-Үүлийг огцруулах хүсэлтийг өчигдөр НИТХ-ын дарга Д.Баттулгад өргөн мэдүүлсэн билээ.

Жүжигчин Б.Мишээл хуримаа хийлээ /фото/
1 цаг 23 минутын өмнө

“Үүлэн үст” жүжигчин Б.Мишээл өнөөдөр хуримаа хийж байна. Бүсгүй хүн бүхний хүсэн хүлээдэг хорвоогийн хосгүй мэт эл өдөр цав цагаан даашинзтай, хайрттайгаа хамт хөтлөлцөн амьдралын эрээн бараан, сайхан үйл бүхнийг хамтдаа туулахын төлөө бие биендээ тангараг өргөх нь хосуудын аз жаргалын эхлэл.

Сүүлийн үеийн дэлгэцийн уран бүтээлд гол дүрээр шилэгдэх болсон Б.Мишээл “Орчлон” сургуулийг дүүргэсэн бөгөөд энэ жил СУИС-ийг амжилттай төгсөж өдгөө жүжигчний мэргэжлээр амжилттай ажиллаж, өөрийн карьераа ахиулж яваа залуу бүсгүй. Харин сүйт залууг М.Цэнгүүн гэдэг бөгөөд эх орондоо боловсрол эзэмшин хувиараа бизнес эрхэлж буй. Бид залуу хосуудын хуримын нандин агшныг гэрэл зургийн хальснаа буулгалаа. Намрын найртай сайхан өдөр ийн нэгэн шинэ өрх айл Монгол улсад нэмэгдлээ. Хосууддаа нийт уншигчдынхаа өмнөөс аз жаргал хүсэн ерөөе.

Японы Ерөнхий сайд Шинзо Абэ энэ сарын 22-нд манай улсад нэг өдрийн айлчлал хийгээд буцах аж.

Эбола вирусаар халдварласан Паулин Каферкиг бүрэн эдгэсэн гэж үзээд 9 сарын өмнө Лондон хотын эмнэлэгээс гаргажээ. Гэвч түүний халдвар дахин сэдэрч, биеийн байдал нь мууджээ.



Шотландын сувилагч Каферки нь Их Британид Эбола вурисаар өвчилсөн анхны хүн юм. Өчигдөр /X.14/ Лондон хотын “Royal Free” эмнэлэг “Каферкигийн биеийн байдал улам доройтсон. Тэрээр маш хүнд байдалд байгаа ба хүнд өвчтөний тасагт тусгаарлан эмчлүүлж байгаа” гэж мэдэгдсэн байна.

Францын нийслэл Парис хотноо олон улсын жүдо бөхийн холбоо буюу IJF-ийн олимпийн эрхийн оноо олгох ”Их дуулга” тэмцээн энэ сарын 17-18-нд зохион байгуулагдах гэж байна.

Тус тэмцээнд оролцох манай баг тамирчид өнөөдөр Парисыг зорьсон бөгөөд Монгол Улсын ардын багш, Гавьяат тамирчин Одвогийн Балжинням баг тамирчдаа удирдан явж байгаа юм.

Мэдээ
Ярилцлага
Нийтлэл
Ерөнхийлөгч
УИХ
Засгийн газар
VS
76:1
Гарц үг
Намууд
HOT news
Гадаад харилцаа
Хуулиуд

Үнэлэх:
Одоогийн үнэлгээ:
Сэтгэгдэл
Илгээх
Хэвлэх


Ц.Элбэгдорж, И.Гаук нар албан ёсны хэлэлцээ хийлээ

18 минутын өмнө

Ганцаарчилсан уулзалтын дараа Монгол Улсын Ерөнхийлөгч Ц.Элбэгдорж , ХБНГУ-ын холбооны Ерөнхийлөгч И.Гаук нар албан ёсны хэлэлцээ хийлээ.

Албан ёсны хэлэлцээний эхэнд Монгол Улсын Ерөнхийлөгч Ц.Элбэгдорж “Эрхэмсэг ноён холбооны Ерөнхийлөгч И.Гаук таныг Монгол Улсад төрийн айлчлал хийхээр ирсэнд гүн талархал илэрхийлье. ХБНГУ бол Европ дахь манай гол түнш орон гэж үздэг. Таны айлчлал Монгол Улсад анх удаа ардчилсан сонгууль явуулсны 25 жилийн ой тохиосон жилд болж байна. Хоёр орны хоорондох дээд хэмжээний айлчлал хоёр талын харилцаа, хамтын ажиллагаа, найрсаг уур амьсгалыг улам гүнзгийрүүлэхэд онцгой үүрэгтэй гэж үзэж байна. Таны энэ айлчлал хоёр орны харилцааг шинэ шатанд гаргахад чухал үүрэгтэй юм” гэлээ.

ХБНГУ-ын холбооны Ерөнхийлөгч И.Гаук хариу хэлсэн үгэндээ “Эрхэмсэг ноён Ерөнхийлөгч өө, Монгол Улсад төрийн айлчлал хийхээр ирсэндээ миний бие туйлын их баяртай байна. Хоёр орны харилцаа, хамтын ажиллагаа сайн хөгжиж байгаад баяртай байдаг. Монгол Улс ардчиллын төлөө тууштай тэмцэж ирсэнд бид мөн талархаж байдаг” гээд хоёр талын харилцаа, хамтын ажиллагаа цаашид ч гүнзгийрэн хөгжинө гэдэгт итгэлтэй байгаагаа тэмдэглэв.

Хоёр талын харилцаа соёл, боловсрол, эдийн засаг, иргэд хоорондын харилцаа зэрэг олон талд суурилан амжилттай хөгжиж байгааг албан ёсны хэлэлцээний үеэр талууд тэмдэглэлээ.

Албан ёсны хэлэлцээнд Монголын талаас Гадаад хэргийн сайд Л.Пүрэвсүрэн, Монгол Улсаас ХБНГУ-д суугаа Онц бөгөөд Бүрэн эрхт Элчин сайд Ц.Болор, УИХ-ын гишүүн Д.Эрдэнэбат, Ерөнхийлөгчийн Тамгын газрын дарга П.Цагаан, Сангийн дэд сайд С.Пүрэв, Германы талаас ХБНГУ-ын холбооны Ерөнхийлөгчийн Тамгын газрын дарга, Төрийн нарийн бичгийн дарга Давид Гилл, Холбооны эдийн засаг, эрчим хүчний яамны Төрийн нарийн бичгийн дарга Маттиас Махниг, ХБНГУ-аас Монгол Улсад суугаа Онц бөгөөд Бүрэн эрхт Элчин сайд Герхард Тийдеманн, Холбооны Ерөнхийлөгчийн Тамгын газрын Гадаад харилцааны асуудал эрхэлсэн захирал, Элчин сайд Лизелорэ Цюрус, Холбооны Ерөнхийлөгчийн ажлын албаны дарга Иоханнес Штурм нарын зэрэг албаны хүмүүс оролцлоо.

УИХ-ын чуулганы нэгдсэн хуралдаанаар Хуульзүйн байнгын хорооны даргыг сонгох, чөлөөлөх тухай асуудлыг хэлэлцэв.

БОНХАЖЯ-ны Тусгай хамгаалалттай нутгийн удирдлагын газар, НҮБХХ-ийн “Тусгай хамгаалалттай газар нутгийн сүлжээг бэхжүүлэх нь” төсөл, Германы сэргээн босголтын банкны “Биологийн олон янз байдлыг хамгаалах, уур амьсгалын өөрчлөлтөд дасан зохицох” төслүүд хамтран “Тусгай Хамгаалалттай Газар Нутгийн Үндэсний Чуулган”-ыг дөрөв дэх удаагаа “Тусгай хамгаалалттай газар нутаг - Олон улсын болон Монгол Улсын төрийн бодлого” сэдвийн хүрээнд зохион байгуулж байна.

Чуулганы зорилго: Тусгай хамгаалалттай газар нутгийн талаарх төрийн бодлого, хөтөлбөр, олон улсын конвенцийг хэрэгжүүлэхэд салбарын оруулж буй хувь нэмрийг үнэлэх, түүний хамгаалалтын менежментийг сайжруулахад олон улсын хамтын ажиллагааг хөгжүүлэх зорилтыг тодорхойлоход оршино.

Чуулган 2 өдөр үргэлжлэх ба нэгдсэн хуралдаан, хэлэлцүүлэг гэсэн 2 хэсгээс бүрдэнэ.

Нэгдсэн хуралдаанаар оролцогчид илтгэж тавьж туршлага хуваалцах бол, хэлэлцүүлгийн үеэр Тусгай хамгаалалттай газар нутгийн үндэсний хөтөлбөрийн нэмэлт, өөрчлөлтийн төсөл болон тусгай хамгаалалттай газар нутгийн менежментийн үр ашгийг дээшлүүлэх талаар олон улсын болон бүс нутгийн түвшинд хамтын ажиллагааг өргөжүүлэх сэдвийн хүрээнд харилцан санал солилцох юм.



Уг чуулганаас дараах үр дүн гарахаар хүлээгдэж байна. Үүнд:

1. Чуулганд оролцогчид Монгол орны тусгай хамгаалалттай газар нутгийн талаар Дэлхийн тогтвортой хөгжлийн зорилтууд, Ногоон хөгжлийн бодлого, Тусгай хамгаалалттай газар нутгийн үндэсний хөтөлбөр болон “Тусгай хамгаалалттай газар нутгийн тухай” хуулийн төсөлд хэрхэн тодорхойлсон талаар нэгдсэн мэдээлэл, ойлголттой болсон байна.

2. Дээрх бодлого, хөтөлбөрийн хэрэгжүүлэхэд холбогдох талуудын оролцоо, авч хэрэгжүүлэх арга хэмжээг зөвшилцөн тохирсон байна.

3. Тусгай хамгаалалттай газар нутгийн менежментийн үр ашгийг дээшлүүлэх талаар олон улсын болон бүс нутгийн түвшинд хамтын ажиллагааг өргөжүүлэх чиглэл тодорхойлогдсон байна.

Чуулганыг УИХ-ын гишүүн, Засгийн газрын гишүүн, БОНХАЖ-ын сайд ноён Н.Батцэрэг нээж үг хэлсэн бөгөөд салбарынхандаа цаашид хийх болон хийж буй ажлынхаа талаар санал бодлоо хуваалцлаа.

БОНХАЖ-ын сайд Н.Батцэрэг: Монгол Улсын нийт газар нутгийн 17.4 хувийг тусгай хамгаалалттай газар нутаг эзэлж байгаа бөгөөд бид 30 хувь хүргэх зорилго, зорилт тавин ажиллаж байна.

Энэ нь Төв Азийн экологийн тэнцвэрт байдлыг хадгалахад чухал нөлөөтэй. Мөн бид тусгай хамгаалалттай газрынхаа тоог нэмэгдүүлэх асуудлаар Засгийн газарт 4 газрын нэр оруулахаар бэлтгэж байна.

Байгаль хамгаалагчдын орон тоо, унаа машин, багаж хэрэгсэл гээд ажиллах орчин нөхцөл, нийгмийн асуудлыг шийдвэрлэх олон асуудал байна.

Байгалийн болон хүний хүчин зүйлсийн нөлөөгөөр байгаль орчин хэдийгээр доройтож байгаа ч цаг уур, орчны өөрчлөлтөд дасан зохицох шаардлага бий болсон тул бид олон улсаас хөрөнгө босгох асуудалд онцгой анхаарч байна.

БОНХАЖЯ-ны Төрийн нарийн бичгийн дарга Ц.Цэнгэл:

Бид Тусгай хамгаалалттай газар нутгийн хэмжээг нэмэгдүүлэх, уг газарт аялал жуулчлалын бүс бий болгох, ингэхдээ биологи, амьтан, ургамлын төрөл зүйлийг авч үлдэх, зохистой ашиглах, нөхөн сэргээх, иргэдийн амьжиргааг дэмжих, шинжлэх ухааны суурь судалгааг сайн хийх хэрэгтэй байна гэлээ.

Мөн ирэх оны 7 дугаар сард БНЧехУ-аас манай улсад 4 тахийг тээвэрлэн нутагшуулна. Эдгээр тахийг НҮБ-ийн энхийг сахиулагчдын онгоцоор Хустайн нуруунд тээвэрлэн авчрах бөгөөд уг онгоцоор Хустайн нуруунд нутагшиж буй 4 тахийг говийн дархан цаазат “Б” хэсэгт нутагшуулах ажлыг зохион байгуулна. Энэ ажлын хүрээнд манай 4 мэргэжилтэнг БНЧехУ-ын холбогдох албаны хүмүүс тээвэрлэлтийн чиглэлээр сургахаар боллоо.

Чуулганд УИХ-ын БОХХААБХ, ЭЗБХ-ны гишүүд, холбогдох яамд, гадаад улсын элчин сайдын яамд, ОУ-ын байгууллагууд, ЮНЕСКО-гийн Монголын үндэсний комисс, Хил дамнасан тусгай хамгаалалттай газар нутгийн төлөөлөл, Хамгаалалтын захиргаад, аймгийн БОАЖГ, Орчны бүсийн менежментийн зөвлөл, ТББ, хувийн хэвшил, судлаачдын төлөөллийн гээд нийт 280 гаруй зочид төлөөлөгчид оролцлоо.

ЯлангуяаОХУ-ын Онон балжийн БЦГ-тай хиллэдэг Сохондын шим мандлын нөөц газар, Хөвсгөл нуурын БЦГ-тай хиллэдэг Тункены БЦГ, Сийлхэмийн БЦГ-тай хиллэдэг Салюгемын БЦГ, Монгол Дагуурын ДЦГ-тай хиллэдэг Даурский ДЦГ болон Мөнххайрханы БЦГ-тай хиллэдэг БНХАУ-ын Шинжан Уйгарын өөртөө засах орны Алтай аймгийн ТХГН-ын төлөөлөл, БНЧехУ-ын Прагийн амьтаны хүрээлэнгээс захирал оролцож байна.

2015 оны наймдугаар сарын 6-ны өдөр МАН-ын сайдуудыг танхимаасаа хөөснөөр “ШИЙДЛИЙН” гэгдэх Засгийн газар шинээр “ШИВШГИЙН” гэх авах дөхөж, Ч.Сайханбилэг танхимаа дахин шинэчиллээ.

Онцгой байдлын ерөнхий газар, Швейцарийн хөгжлийн агентлаг, Тогтвортой бичил уурхай төслөөс хамтран “Хүний эрхэд суурилсан уул уурхайн аврах ажиллагаа” сэдэвт сургалт болж байна.



Онцгой байдлын албаны алба хаагчдад бичил уурхайчдын үйл ажиллагаа, түүнийг тойрсон хүний эрх болон жендерийн тэгш байдал, тэдэнд тохиолддог аюул, осол, уул уурхайн аврах ажиллагааны талаархи мэдлэгийг дээшлүүлэх, үйл ажиллагаандаа хүний эрхийн зарчмыг баримтлан ажиллах хандлагыг бий болгох, хүний эрхэд суурилсан төрийн үйлчилгээг бичил уурхайчдад хүргэх чадавхийг бэхжүүлэхэд сургалтын зорилго оршиж байна.



Сургалтад төв, орон нутгийн Онцгой байдлын газар, анги, байгууллагын сургалт сурталчилгаа, урьдчилан сэргийлэх асуудал хариуцсан мэргэжилтнүүд, Уул уурхайн ангийн албан хаагчид хамрагдаж байгаа юм. “Хүний эрхэд суурилсан уул уурхайн аврах ажиллагаа” сэдэвт сургалт 2015 оны 10 дугаар сарын 14-18-ны өдрүүдэд үргэлжилнэ.

Улсын Филармони 44 дэх үзвэрийн жилийн нээлтийнхээ хүрээнд Дэлхийн суут хөгжмийн зохиолчдын шилдэг бүтээлүүдээс үзэгч түмэндээ толилуулах “Сонгодог хөгжим” зорилтот төслийг хэрэгжүүлж буй бөгөөд тус төслийн хүрээнд нийт 6 тоглолт тоглогдохоос 10 - р сарын 15 буюу өнөөдөр орой 19.00 цагт Филармонийн тайзнаа Морин хуурын чуулгын “Дэлхийн хөгжмийн дээжис” сонгодог хөгжмийн концерт тоглогдох гэж байна. Тоглолтын хөтөлбөрт Г. Свиридовын “Тройка”, “Романс” В.А.Моцартын “Серенада” Д. Шостаковичийн “Романс” А. И. Хачатурян “Сэлэмт бүжиг” М. К. Огинскийн “Полонез” зэрэг алдарт бүтээлүүдийг Морин хуурын чуулгын нийт уран бүтээлчид болон морин хуурч Х. Батзаяа, Б. Уянга, Р. Амарбаяр эвэр бүрээч С. Одсүрэн, төгөлдөр хуурч Э. Намуун, ятга хөгжимчин О. Мөнхтогтох зэрэг гоцлол хөгжимчид Удирдаач Түвшинсайхны удирдлага дор хөгжимдөж дэлхийн суут бүтээлүүдээр та бүхний сонорыг мялаах болно.

Хүүхдийн найрал дууны төгсгөлийн шатны шалгаруулалт маргааш болно

НИТХ-ын дарга Д.Баттулга хэвлэлийн хурал хийх зар тараалаа. Уг хурал 13.00 цагт нийслэлийн Засаг даргын Тамгын газрын байранд болох аж.