-
2017 оны 10 сарын 19
АЗХ-ны ерөнхийлөгчид Б.Хайдавмөнх хүч үзнэ
-
2017 оны 10 сарын 19
Монгол Улсын Их Хурлын дарга М.Энхболд Төрийн албаны зөвлөлийн дарга Б.Цогоогийн урилгаар манай улсад айлчилж буй Бүгд Найрамдах Энэтхэг Улсын Төрийн албаны төв комиссын дарга, доктор Давид Р.Суемлехийг хүлээн авч уулзлаа.
УИХ-ын дарга М.Энхболд түүх, соёл, үнэт зүйлийн олон зууны уламжлалт хэлхээ холбоотой Энэтхэг Улсын төрийн албаны төв байгууллагын тэргүүнтэй уулзаж байгаадаа баяртай байна гээд, хоёр орны харилцаа, хамын ажиллагаа олон салбарт амжилттай хөгжиж буйд сэтгэл хангалуун байгаагаа уулзалтын эхэнд илэрхийлэв.
Тэрбээр “БНЭУ-ын Ерөнхий сайд Нарендра Моди 2015 оны тавдугаар сард манай улсад айлчлах үеэр хоёр орны хамтын ажиллагааг Стратегийн түншлэлийн түвшинд хөгжүүлэх баримт бичигт гарын үсэг зурсан нь Монгол, Энэтхэгийн харилцаанд нэгэн шинэ үеийг нээсэн. Таны айлчлал энэхүү баримт бичигт тусгагдсан зорилтуудыг хэрэгжүүлэх нэгэн чухал алхам, төрийн байгууллагууд, төрийн албан хаагчид, Төрийн албаны төв байгууллага хоорондын найрсаг харилцаа, хамтын ажиллагааг гүнзгийрүүлэн хөгжүүлэхэд чухал ач холбогдолтой арга хэмжээ болно гэдэгт итгэж байна. Төрийн албаны арвин баялаг түүх, уламжлалтай та бүхнээс бидэнд сурах зүйл их бий” хэмээн онцоллоо.
Ноён Давид Р.Суемлех цаг зав гарган хүлээн авч уулзаж буйд нь УИХ-ын дарга М.Энхболдод талархал илэрхийлээд, манай хоёр орны харилцаа худалдаа, эдийн засаг, соёл, боловсролын гээд олон салбарт амжилттай хөгжиж байна. Цаашид төрийн албаны төв байгууллагуудын хамтын ажиллагаа өргөжин гүнзгийрнэ гэдэгт итгэлтэй байгаа бөгөөд энэ үйл хэрэгт өөрийн хувь нэмрийг оруулахад бэлэн байна гэлээ.
УИХ-ын дарга М.Энхболд Монгол Улсын Төрийн албаны зөвлөлийн үйл ажиллагааны бүтэц, зохион байгуулалт, үндсэн зарчим, онцлог, УИХ-аар хэлэлцэх гэж буй Төрийн албаны тухай хуулийн шинэчилсэн найруулгын талаар товч танилцуулаад, төрийн албан хаагчдыг сургах, давтан бэлтгэхэд анхаарлаа хандуулахыг хүслээ. Ноён Давид Р.Суемлех монгол оюутнуудыг бакалаврын болон магистрын түвшний сургалтад, төрийн албан хаагчдыг давтан сургах чиглэлээр манай Засгийн газраас хөтөлбөрүүд хэрэгжиж байгаа. Үүнийг цаашид үргэлжлүүлж, хамрагдах хүрээг өргөжүүлэх талаар анхаарах болно гэв.
БНЭУ-аас Монгол Улсад суугаа Онц бөгөөд Бүрэн эрхт Элчин сайд Суреш Бабу “Энэтхэгийн их, дээд сургуульд Монголын 40 оюутныг, төрийн албан хаагчдад зориулсан богино болон дунд хугацааны сургалтад 150 хүнийг жил бүр хамруулах хөтөлбөрийг Энэтхэгийн соёлын харилцааны зөвлөлөөс хэрэгжүүлж байгаа. Сургалтын зардлыг манай Засгийн газар 100 хувь хариуцдаг. Энэ хөтөлбөрүүдэд монголчуудыг өргөнөөр хамруулах нь чухал байна” хэмээн онцоллоо.
УИХ-ын дарга М.Энхболд уулзалтын төгсгөлд соёл, боловсролын уламжлалт харилцаагаа эрчимжүүлэх, парламент хоорондын хамтын ажиллагааг парламентын гишүүд, найрамдлын бүлэг, Тамгын газар хооронд өргөжүүлэх нь чухал байгааг тэмдэглэлээ.
Уулзалтад УИХ-ын гишүүн, УИХ дахь Монгол, Энэтхэгийн найрамдлын бүлгийн дарга Б.Ундармаа, Төрийн албаны зөвлөлийн дарга Б.Цогоо, Төрийн албаны зөвлөлийн гишүүн Б.Баатарзориг, С.Цэдэндамба, Гадаад харилцааны яамны Ази, Номхон далайн орнуудын газрын захирал Э.Сарантогос нарын зэрэг албаны хүмүүс оролцлоо гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.
-
2017 оны 10 сарын 19
Ц.Цогзолмаа: Сурах бичгийн асуудлыг цэгцлэх ажлын хэсэг байгуулна
-
2017 оны 10 сарын 19
УИХ-ын чуулганы хуралдаанаар Барилга хот байгуулалтын сайдаар Х.Баделханыг томилох асуудлыг хэлэлцэв.
-
2017 оны 10 сарын 19
Х.Баделхан: Ипотекийн зээлийг боловсронгуй болгоход анхаарч ажиллана
-
2017 оны 10 сарын 19
Эргэлт буцалтгүй хоёр хуваагдсан МАН-ынхны дутууг гүйцээж, дундуурыг дүүргэх үүрэг парламент дахь АН-ын есөн гишүүнд оногдоод байгаа. Тэдэнгүйгээр УИХ-аас шийдвэр гарахад хэцүү болж, МАН дотоод хагарлаа даван туулахад нэн шинэдэх байв.
-
2017 оны 10 сарын 19
УИХ-ын чуулганы нэгдсэн хуралдаан гишүүдийн 53.2 хувийн ирцтэйгээр эхэллээ. Хуралдаанаар хэлэлцэх асуудлыг УИХ-ын дарга танилцуулан батлав.
-
2017 оны 10 сарын 19
УИХ-ын нэгдсэн чуулганаар Монгол Улсын Засгийн газрын гишүүнийг томилох
-
2017 оны 10 сарын 19
УИХ-ын чуулганы өчигдрийн хуралдаанаар Засгийн газрын долоон гишүүний томилгоог хэлэлцэж, Шадар сайдаар Ө.Энхтүвшинг, ЗГХЭГ-ын даргаар Г.Занданшатарыг, Сангийн сайдаар Ч.Хүрэлбаатарыг, Батлан хамгаалахын сайдаар Н.Энхболдыг, БОАЖ-ын сайдаар Н.Цэрэнбатыг, Гадаад харилцааны сайдаар Д.Цогтбаатарыг, Хууль зүйн сайдаар Ц.Нямдорж, ХНХ-ын сайдаар С.Чинзориг нарыг томилсон юм. Тэгвэл шинэ сайдуудад хэн, ямар үг дайсныг багц 24 буландаа онцолж байна.
-
2017 оны 10 сарын 19
УИХ-ын чуулганы нэгдсэн хуралдаан өнөөдөр 10.00 цагаас зарлагджээ. Чуулганы хуралдаанаар томилогдоогүй үлдсэн долоон сайдыг үргэлжлүүлэн томилох юм.
-
2017 оны 10 сарын 19
Монгол Улсын Ерөнхийлөгчийн санаачилгаар Агаарын бохирдлыг бууруулах Үндэсний чуулганыг Монгол Улсын Ерөнхийлөгчийн Тамгын газраас Орчны бохирдлыг бууруулах үндэсний хороо, БОАЖЯ, ЭМЯ, Эрчим хүчний яам, Барилга, хот байгуулалтын яам, Нийслэлийн Засаг даргын Тамгын газар, Дэлхийн эрүүл мэндийн байгууллагатай хамтран 2017 оны 10 дугаар сарын 23-ны өдөр зохион байгуулах гэж байна.
Энэ ажлын хүрээнд 3 удаа салбар хуралдаан, хэлэлцүүлэг хийх юм. Эдгээрийн эхнийх нь болох “Гэр хороололд үүсч буй агаарын бохирдол, түүнийг шийдвэрлэх арга зам” салбар хуралдаан өнөөдөр Ерөнхийлөгчийн дэргэдэх Иргэний танхимд боллоо.
Салбар хуралдааныг Монгол Улсын Ерөнхийлөгчийн Байгаль орчин, хот, хөдөөгийн хөгжлийн бодлого, агаарын бохирдлын асуудал хариуцсан зөвлөх Д.Пүрэвдаваа, Монгол Улсын Ерөнхийлөгчийн Тамгын газрын дэд дарга Б.Саруул нар хөтлөн явуулав.
Монгол Улсын Ерөнхийлөгчийн зөвлөх Д.Пүрэвдаваа хуралдааныг нээж хэлсэн үгэндээ “Монгол Улсын Үндсэн хуульд зааснаар эрүүл, аюулгүй орчинд амьдрах, орчны бохирдол, байгалийн тэнцэл алдагдахаас хамгаалуулах нь Монгол Улсын иргэн бүрийн үндсэн эрх байдаг билээ. Уг эрхийн хүрээнд Монгол Улсын Ерөнхийлөгч, ҮАБЗ-ийн тэргүүн Х.Баттулгын санаачилгаар Агаарын бохирдлыг бууруулах, төвлөрлийг сааруулах шийдлийг хамтран хэлэлцэх, шаардлагатай арга хэмжээний санал зөвлөмжийг боловсруулж шийдвэрлүүлэх зорилготой Агаарын бохирдлыг бууруулах Үндэсний чуулганыг 2017 оны 10 дугаар сарын 23-ны өдөр Төрийн ордны Их танхимд зохион байгуулах гэж байна.
Уг арга хэмжээг Монгол Улсын Ерөнхийлөгчийн Тамгын газар, Орчны бохирдлыг бууруулах үндэсний хороо, БОАЖЯ, ЭМЯ, Эрчим хүчний яам, Барилга, хот байгуулалтын яам, Нийслэлийн Засаг даргын Тамгын газар, Дэлхийн эрүүл мэндийн байгууллага, ТББ-ууд, олон нийтийн оролцоотойгоор зохион байгуулна. Өнөөдөр “Гэр хороололд үүсч буй агаарын бохирдол, түүнийг шийдвэрлэх арга зам” салбар хуралдаан болж байна. Маргааш “Тээврийн хэрэгсэл, орчны бохирдлоос үүсч буй агаарын бохирдол, түүнийг шийдвэрлэх арга зам”, баасан гаригт “Төвлөрлийг сааруулах, түүнийг шийдвэрлэх арга зам” гэсэн 3 салбар хуралдааныг зохион байгуулна.
Улаанбаатар хотын гэр хорооллын өрхүүдийн хэрэглэж буй түүхий нүүрсний хэрэглээ нь агаарын бохирдлын 80 орчим хувийг эзэлж байна. Статистик мэдээг дурдвал 2017 оны байдлаар Улаанбаатарт 380 орчим мянган айл өрх амьдардгаас 166 мянган өрх гэр бүл буюу 33,6 хувь нь төвлөрсөн дулааны системд холбогдсон, 201 мянган өрх буюу 52,8 хувь нь ердийн галлагаа, 9900 өрх буюу 2,6 хувь нь нам даралтын зуух, 3800 өрх буюу 0,99 хувь нь цахилгаан халаагуур ашиглаж байна.
Агаарын бохирдолд санаа зовнидог, энэ чиглэлд сэтгэл зүрхээ зориулж үйл ажиллагаа эрхлэгчид, эрдэмтэн судлаачид та бүгд тулгамдаж буй асуудал, бэрхшээл, өнөөгийн нөхцөл байдлыг бодитой үнэлж, цаашид шийдвэрлэх арга замыг хэлэлцэн ажлын уялдаа холбоогоо бэхжүүлэхэд чухал ач холбоглолтой арга хэмжээ болно гэдэгт итгэлтэй байна” гэлээ.
Нийслэлийн Засаг дарга бөгөөд Улаанбаатар хотын захирагч С.Батболд хэлсэн үгэндээ нийслэл хотынхон Монгол Улсын ДНБ-ний 65,4 хувийг бүтээж, аж ахуйн нэгжүүдийн 70 хувь, их дээд сургуулийн 95 хувь төвлөрдөг. Улсын ачааллын 80 хувийг үүрдэг Улаанбаатарт нийт сургууль, цэцэрлэгийн 29-хөн хувь ногддог гэлээ. Нийслэлийн агаарын бохирдлын 80 хувь нь гэр хорооллоос, 10 хувь нь тээврийн хэрэгслээс, 6 хувь нь Дулааны цахилгаан станцууд, нам даралтын зуухнаас, 4 хувь нь шороо тоос, хөрсний бохирдлоос үүсдэг юм байна. Иймд нийслэлийн гэр хорооллыг одоо байгаагаас нэмж тэлэхгүй, нийслэлд хөдөө орон нутгаас шилжин ирэгсдийн тоог хязгаарлаж, зөвхөн стандартад заасан зуух борлуулах, гэр хорооллын шөнийн цахилгааны тарифыг тэглэх, цахилгаан халаагуурыг дэмжих, гэр хорооллыг дахин төлөвлөж барилгажуулах зэрэг арга хэмжээг авч хэрэгжүүлж буйг Нийслэлийн Засаг дарга бөгөөд Улаанбаатар хотын захирагч С.Батболд хэллээ.
Хэлэлцүүлгийн үеэр “Гэр хорооллоос үүдэлтэй агаарын бохирдлын өнөөгийн байдал, түүнийг бууруулах чиглэлээр хэрэгжүүлж буй арга хэмжээ, шийдвэрлэх арга зам”, “Гэр хорооллыг дахин төлөвлөн барилгажуулах үйл ажиллагаа”, “Гэр хорооллын агаарын бохирдол эх хүүхдийн эрүүл мэндэд”, “Гэр хорооллын хэрэглэгчдийн орой, шөнийн тарифт хөнгөлөлт үзүүлэх тухай”, “Гэр хорооллын агаарын бохирдлыг бууруулахад иргэдийн оролцоо” зэрэг сэдвээр илтгэл сонсч хэлэлцүүлэг өрнүүллээ.
Илтгэгчид гэр хорооллыг цахилгаан халаалтад шилжүүлэх, орой, шөнийн тарифт хөнгөлөлт үзүүлэх, халаалтын зуухтай зарим томоохон хэрэглэгчийг төвлөрсөн дулаанд холбох, жижиг галлах системд тоосны шүүлтүүр хийх зэрэг аргуудын талаар тайлбарлан ярьцгаав.
-
2017 оны 10 сарын 19
Улсын Их Хурлын чуулганы өчигдрийн (2017.10.18) үдээс хойших нэгдсэн хуралдаанаар Монгол Улсын Засгийн газрын гишүүдийг томилох тухай асуудлыг үргэлжлүүлэн хэлэлцлээ.
-
2017 оны 10 сарын 18
УИХ-ын чуулганы хуралдаанаар Засгийн газрын гишүүдийн томилгоог хэлэлцэж байна.
-
2017 оны 10 сарын 18
УИХ-ын чуулганы хуралдаанаар Засгийн газрын гишүүдийн томилгоог хэлэлцэв. Энэ үеэр гишүүд нэр дэвшигчээс асуулт асууж, санал хэлэв.
-
2017 оны 10 сарын 18
УИХ-ын чуулганы нэгдсэн хуралдаанаар Засгийн газрын гишүүдийг томилох асуудлыг хэлэлцэж байна. Үүнтэй холбоотойгоор гишүүд сайдад нэр дэвшигчдээс асуулт асууж, байр сууриа илэрхийлсээр байгаа юм. Энэ үеэр УИХ дахь АН-ын бүлгийн дарга Д.Эрдэнэбат “Бид уг нь ойлголцсон байсан. Та харамсалтай нь тохиролцооны Засгийн газар байгуулчихлаа гэдгийг Ерөнхий сайдад шууд хэлье. Энэ бол алдаа. Олон нийтийн дэмжлэгийг авах байсан боломжоо та алдсан” гэх зэргээр байр сууриа илэрхийлэв.
Тэгвэл УИХ-ын гишүүн Д.Оюунхорол АН-ын бүлгийн дарга Д.Эрдэнэбатийн хэлсэн үгийг хэтэрхий улстөржсөн өнцгөөс хандаж байна хэмээн үзэж, Засгийн газрыг огцруулахаас өмнөх байр суурь, хэлсэн үгнээсээ АН-ынхан буцаж байгаад харамсаж байгаагаа илэрхийлсэн юм.
Тэрбээр ”Нэр нь орж ирсэн бүх сайд нарт баяр хүргэе. АН-ын гишүүдийн хэлж ярьж байгааг сонсоод ичиж сууна. Засгийн газрыг огцруулаад У.Хүрэлсүхийн Засгийн газрыг 100 хувь дэмжиж хамтарч ажиллана гэж хэлчихээд өнөөдөр АН-ынхан үгнээсээ буцаж байгааг ойлгохгүй байна. Огцруулахад нь 100 хувь оролцчихоод, өвөл хаяанд ирчихээд байхад ярьсан хэлснээсээ буцаж улс төр хийх нь арчаагүй үзэгдэл юм. Та бүхэн мэдээж сөрөг хүчнийхээ үүргийг гүйцэтгэж байгааг ойлгож байна. МАН муухай л харагдаж байвал та бүхэнд сайхан байгаа байх. Засгийг газрыг яаралтай байгуулах цаг үе ирээд байна. У.Хүрэлсүх Ерөнхий сайдын хувьд танхимдаа ажиллах сайд нараа бодож оруулж ирсэн. Төрийн ажил гэдэг залуу, ахмад, дунд гурван үеэс бүрдсэн залгамж чанараа гээлгүй явах ёстой. Ингэж байж ч суралцана. МАН-ын үнэт зүйл боловсон хүчиндээ байдаг. Манай намын үнэт зүйл эв нэгдэл дээрээ тогтдог. МАН-ын үнэт зүйл гэдэг бол төрийн ажлын дадлага туршлага оюуны үнэт зүйл дээрээ тулгуурладаг. Тийм учраас эдгээр болзлыг хангасан хүмүүсийг Монголын төрд сайдаар оруулж ирсэн гэдэгтэй санал нийлж байна. Бид ажлаа муу хийж унаагүй. Олон хүчин зүйл үүнд нөлөөлсөн. Үүнийгээ бид дотроо ярилцах ёстой байсан. АН-ынхан тавлаж байгаа юм шиг хэлж байна л даа. Энэ нь манай бүлгийн 65 гишүүн дор бүрээ нэгийг бодох цаг нь ирсэн гэдгийг харуулж байна. Ө.Энхтүвшин, Н.Нямдорж, Н.Энхболд, Д.Лүндээжанцан нарын хувьд монголын парламентын амьд архив, өв тээгчид нь гэж би бодож байна. Бид энэ өв тээгчдээсээ суралцах ёстой. Шинэ залуу гишүүдэд хандаж хэлэхэд хаана, хэзээ, юу ярьж, хэлэхээ бодож сур” гэсэн юм.
-
2017 оны 10 сарын 18
БАОЖ-ын сайдаар Н.Цэрэнбатыг томиллоо
-
2017 оны 10 сарын 18
УИХ-ын Тамгын газрын Захиргаа, аж ахуйн асуудал хариуцсан нарийн бичгийн дарга П.Цэрэн өнөөдөр (2017.10.18) БНСУ-ын Олон улсын хамтын ажиллагааны агентлаг (KOICA)-ийн үнэлгээний багийн төлөөлөгчдийг хүлээн авч уулзав.
-
2017 оны 10 сарын 18
Чуулган: Сайд нарын томилгоог үргэлжлүүлэн хэлэлцэнэ
-
2017 оны 10 сарын 18
Засгийн газрын ээлжит хуралдаан өнөөдөр Төрийн ордны А танхимд 15 цагаас болно. Засгийн газрын хуралдааны танхимд болдог. Гэвч энэ удаад өргөтгөсөн байдлаар хуралдах болсон тул Төрийн ордны А танхимд хуралдааныг зохион байгуулахаар болсон байна.
-
2017 оны 10 сарын 18
Я.Санжмятав ОУПХ-ны Ассамблейн 137 дугаар чуулганд үг хэллээ
