-
2016 оны 6 сарын 22
Ардчилсан намын дарга З.Энхболд, УИХ-ын гишүүн С.Эрдэнэ, С.Одонтуяа нар хөгжлийн бэрхшээлтэй иргэдийн төлөөлөл болон иргэдтэй уулзалт хийв
-
2016 оны 6 сарын 22
Хямралтай эвлэрэх бус сөрөх бодлого дутагдаж байна
-
2016 оны 6 сарын 22
Дорноговь аймгийн УИХ-ын сонгуулийн 13-р тойрогт МАН-наас нэр дэвшиж байгаа Б.Дэлгэрсайхан нь иргэдийн саналыг авахын тулд амлалт өгч эхэллээ. Тодруулбал, тэрээр Сайншанд сумын иргэдтэй уулзах үеэрээ “Маргаашнаас эхэлж яшиг хажууд байгаа Сүхбаатар аймгийн хуулж авчираад барчья л гэж бодож байна ” хэмээн хэлсэн байна. Мөн ”нэр дэвшээд гарсан ч гараагүй ч ингэж хөгжүүлж бодгийнмаа гэдгийг харуулах болно оо” хэмээн хэлсэн байна.
Эдгээр үйлдлүүд нь Сонгуулийн тухай хуулийн 70.5.4 зөрчиж байгаа юм.
70.5.4.сонгуулийн мөрийн хөтөлбөрт тусгагдаагүй аливаа зорилт, арга хэмжээг хэрэгжүүлэх талаар амлалт авах, ийм агуулга бүхий аливаа үйлдлийг сонгуулийн сурталчилгаанд ашиглахыг хориглоно гэж заасан байна.
Эх сурвалж: Дорноговь аймгийн АН-ын сонгуулийн штаб
-
2016 оны 6 сарын 22
”Сайн хашаа” хөтөлбөр сонгуулийн шоу биш
-
2016 оны 6 сарын 22
“Сайн дадлагажигч” хөтөлбөрийг хэрэгжүүлж, иргэдийг өндөр хөгжилтэй улс орнуудад мэргэжлээр нь дадлагажуулна
-
2016 оны 6 сарын 22
Монгол Улсын Сонгуулийн Ерөнхий Хорооноос эрхлэн Сонгуулийн тухай хууль болон түүнд оруулсан нэмэлт, өөрчлөлт, монгол, орос, англи хэл дээр хөрвүүлсэн байна.
-
2016 оны 6 сарын 22
МАН
-
2016 оны 6 сарын 22
Нийслэлийн ИТХ-ын сонгуулийн СХД-ийн 16 дугаар тойрогт Ардчилсан намаас нэр дэвшигч Баатарын МӨНХГЭРЭЛ сонгуулийн сурталчилгааныхаа хугацаанд олон хүн цуглуулж, үзэл суртлын уулзалт хийхээс аль болох зайлсхийж,иргэдийн аж амьдрал дундах харилцааг чухалчилж байна.
-
2016 оны 6 сарын 22
АТРЫН АЯН ЭРГЭН ИРЖ, ”МАХ СҮҮНИЙ АНХДУГААР АЯН” ЗОХИОН БАЙГУУЛНА
-
2016 оны 6 сарын 22
АРДЧИЛСАН НАМЫН ДАРГА З.ЭНХБОЛД БАЯНГОЛ ДҮҮРГИЙН 18, 19 ДҮГЭЭР ХОРООНЫ ИРГЭДТЭЙ УУЛЗАЛТ ХИЙВ
-
2016 оны 6 сарын 22
Хотын өмнөх Засаг дарга, газрын дарга нарын хууль бусаар газар олгосныг нотолсон, тэдний өөрсдийнх нь гарын үсэг бүхий шуугиан дагуулсан, хөдөлшгүй баримт, материалуудыг өнөөдөр төв талбайд дэлгэлээ. “Газраа алдвал бүхнээ алдана” нэртэй үзэсгэлэнг “Зүтгэл, сэтгэл, итгэл-Эх орон” ТББ олон жилийн турш цуглуулсан баримт, материалдаа үндэслэн гаргаж байгаа юм.
Газрын наймаа, гарын үсгээр хууль бус олголт хийсэн дарга нарын нэрийг өөрсдийнх нь зурагтай дэлгэсэн бөгөөд үүнд өмнө нь хотын даргаар ажиллаж байсан М.Энхболд, Г.Мөнхбаяр, Ц.Батбаяр, Т.Билэгт нар багтаж байна. Түүнээс гадна дээрх нэр бүхий дөрвөн даргын үед газар олгох асуудлыг нь тасралтгүй хариуцаж байсан Ц.Сандуйгийн нэр, гарын үсэгтэй бүхий хууль бусаар газар олгосон олон гэрчилгээ байгаа нь уг үзэсгэлэнгийн гол “үзвэр” болжээ.
Тэгвэл дээр нэр дурдсан дарга нарын гарын үсгээр олгосон нийт газрын үнэ хэд байв. Дэлхийн банкнаас үүнд судалгаа хийсэн бөгөөд нийт 26.9 их наяд төгрөгтэй тэнцэх хэмжээний нийтийн эзэмшлийн газрыг тэд ганцхан гарын үсгээр олгосон байгаа юм. Гэсэн атлаа энэ их мөнгөнөөс нийслэлийн төсөвт нэг төгрөг ч ороогүй нь олон зүйлд хардахад хүргэж байна.
26.9 их наяд төгрөгөөр 26 мянган цэцэрлэг барих боломжтой, мөн Улаанбаатар хотын 52 жилийн төсөвтэй тэнцэх хэмжээний хөрөнгө юм. Түүнээс гадна 8.5 “Чингис бонд”-той тэнцэнэ.
Үзэсгэлэн зохион байгуулж буй “Зүтгэл, сэтгэл, итгэл-Эх орон” ТББ-ын тэргүүн С.Отгонцэцэгтэй цөөн хором ярилцлаа.
-Та өөрийгөө танилцуулна уу?
-Намайг С.Отгонцэцэг гэдэг. Миний амьдарч байсан Баянгол дүүргийн 16 дугаар хорооны газрыг Газрын албаны дунд шатны ажилтан гурав хуваагаад авчихсан байсан. Нийтдээ 400 ам.метр газраа олж авахын тулд би 12 жил хөөцөлдсөн. 2012 онд л газраа баталгаажуулж авлаа. Энэ бол урт хугацаа. Олон жил газартай холбоотой асуудлаас болж өөрөө хохирч байсан. Надтай адилхан хууль бусаар газраа алдсан иргэд ч олон байдгийг мэдсэн. Тиймээс иргэд, аж ахуйн нэгжүүдэд газрын харилцаан дээр эрх зүйн туслалцаа үзүүлэх зорилгоор “Зүтгэл, сэтгэл, итгэл-Эх орон” Төрийн бус байгууллагаа нээсэн.
-Өнгөрсөн хугацаанд зөвхөн газрын харилцаагаар дагнан ажилласан юм уу?
-2008 он хүртэл “Эрс шинэчлэл” хөдөлгөөнтэй хамтарч ажилласан. Иргэдээс газрын харилцааны талаар ямар гомдол, санал байгааг асуудаг. Тэгээд өнгөрсөн хугацаанд цуглуулсан материалаар энэ үзэсгэлэнг гаргаж байна. Үе үеийн хотын дарга, 2012 оноос өмнө ажиллаж байсан дүүргийн Газрын албаны дарга, газар зохион байгуулагч нар бүгд намайг таньдаг болсон.Эдгээр баримтуудыг цуглуулах гэж олон газрын үүдийг татсан даа.
-Ямар зорилгоор энэ баримтуудыг дэлгэж байгаа вэ?
-Нэгдүгээрт, иргэн хүний хувьд хотынхоо төлөө идэвх зүтгэлтэй байх хэрэгтэй. Нөгөө талаас зөвхөн би газар эзэмших эрхээ баталгаажуулаад авчихсан юм чинь бусад нь хамаагүй гэж үзэж чадаагүй. Ер нь газрын харилцааг шударга явуулахад иргэдийн хяналт чухал. Тиймээс эдгээр баримтыг дэлгэн харуулах нь зүйтэй юм байна. Иргэд, аж ахуйн нэгж төрийн албан хаагчид ч мэдээсэй гэдэг үүднээс үзэсгэлэн гаргаж байна.
-Сонгуулийн сурталчилгааны үетэй таарч байгаа нь жаахан хардлага төрүүлээд байна л даа.
-Энэ үе бол иргэн бүр цаашлаад улстөрчид нийгмээрээ анхаарсан үе. Бусад үед төрийн албан хаагчдад хүсэлт тавихаар хариу өгдөггүй шүү дээ. Зөвшөөрлийг нэлээд зовж байж авлаа. Тэгээд ч сонгуулийн үетэй давхцах нь зөв юм уу ч гэж бодсон. Улаанбаатар хотын газрын харилцаан дээр шударга хүмүүс ажиллах ёстой. Надад байгаа баримтаас харахад худалдаа үйлчилгээний чиглэлээр 89 мянган м.кв газрыг хууль бусаар олгосон байдаг. Тэгээд сургууль, цэцэрлэг, нийтийн эзэмшил, ногоон байгууламж дээр олгосон газрыг дэлгэж тавих нь цаг үеэ олсон асуудал гэж бодож байна.
-Танай төрийн бус байгууллага хаанаас санхүүждэг вэ?
-Бид бичил бизнес, худалдаа эрхэлдэг. Хүн л юм чинь бид өөрсдийнхөө амьдралыг авч явах орлогын эх үүсвэртэй. Тэгээд ч энэ үзэсгэлэнг гаргахад их хэмжээний мөнгө зарцуулаагүй. Хамгийн хямд хулдаас дээр баримтаа хэвлэж, гаднах төмөр хүрээг түрээслэж байгаа.
-Та дэлгэсэн баримтуудаасаа жишээ болгон нэг газрыг тайлбарлаж өгөхгүй юу?
-Эх нялхсын хашаан дотор газар олгосон байсныг 2012 онд хүсэлт гаргаж газрын эрхийг цуцлуулж байсан. Энэ мэт эмнэлэг, сургуулийн газраас эрх мэдэлтнүүд яаж луйвардаж авсан баримт олон бий. Гэтэл жирийн иргэн би газрынхаа төлөө 12 жил тэмцсэн. Энэ хугацаанд эдийн засаг болоод эрүүл мэндээрээ маш их хохирсон. Тийм ч учраас энэ үзэсгэлэнг гаргахаар зориглосон юм.
“Зүтгэл, сэтгэл, итгэл-Эх орон” ТББ-ын дэлгэсэн материалуудаас заримыг нь онцолъё.
Чингисийн талбайн урд хэсгийг ямар хэмжээний мөнгөөр олгосныг тааварлашгүй. Гэхдээ Төрийн ордны зүүн талд байрлах хуучин хэвлэлийн үйлдвэрийн байр 24 тэрбум төгрөгөөр хувьчлагдсан гэсэн дүнтэй харьцуулбал тодорхой тоо гарч ирэх биз ээ.
Бяцхан хүүхдүүдийн оюуны болоод урлагийн их өргөө болсон Хүүхдийн ордоны өмнөх ногоон талбайг олгосон байв. Үүнийг ил болгож, асуудал гаргаагүй бол “Маамуу нааш ир” дууны хөшөө байхгүй, магадгүй Хүүхдийн ордны дэргэд шөнийн цэнгээний газар баригдсан байхыг ч үгүйсгэхгүй юм.
Х.БОЛД
-
2016 оны 6 сарын 22
АСЕМ-ын дээд түвшний уулзалтын дагалдах хурлуудын нэг Ази-Европын Хүнсний аюулгүй байдлын зөвлөлдөх уулзалт 6 дугаар 20- 21-ний өдрүүдэд Улаанбаатар хотноо болж өндөрлөлөө.
Уг чуулганд АСЕМ-ын гишүүн 17 орны хүнс хөдөө аж ахуйн асуудал хариуцсан төрийн болон төрийн бус байгууллагын төлөөлөл, Монгол дахь Элчин сайдын яамд, консулын газрууд, Европын холбоо болон бусад хүнс хөдөө аж ахуйн чиглэлээр төсөл хөтөлбөр хэрэгжүүлж байгаа 11 олон улсын байгууллагын төлөөлөгч оролцлоо.
-
2016 оны 6 сарын 22
УИХ-ЫН ДАРГА, АРДЧИЛСАН НАМЫН ДАРГА З.ЭНХБОЛД ЭМЧ НАРЫН ТӨЛӨӨЛӨЛ БОЛОН ИРГЭД СОНГОГЧИДТОЙ УУЛЗАЛТ ХИЙЛЭЭ
-
2016 оны 6 сарын 22
Хуулийн хүрээнд улс төрийн нам, эвслүүд сонгуулийн сурталчилгаа хийж байгаа. Хэдийгээр сурталчилгаа үргэлжилж байгаа ч нам, нэр дэвшигчийн талаар санал асуулга явуулах, нийтлэх, тараахыг хуульд заасанчлан маргаашаас эхлэн хориглож байгаа.
-
2016 оны 6 сарын 21
Сонгуулийн ерөнхий хороо өнөөдөр сонгуулийн бэлтгэл ажлын явц болон сонгуулийн сурталчилгаа хуулийн хүрээнд хэрхэн явагдаж байгаа асуудлаар хуралдлаа.
-
2016 оны 6 сарын 21
”БАЙЛГУУЛЛАГЫН ЦЭЦЭРЛЭГ”-ИЙГ ДЭМЖИЖ БАЙНА
-
2016 оны 6 сарын 21
Дулмаа эмээ ордонтой болно
-
2016 оны 6 сарын 21
ЕРӨНХИЙ САЙД ОХУ-ЫН ТАТАРСТАНЫ ЕРӨНХИЙЛӨГЧИЙГ ХҮЛЭЭН АВЧ УУЛЗЛАА
-
2016 оны 6 сарын 21
УИХ-ын дарга, Ардчилсан намын дарга, УИХ-ын сонгуулийн 70 дугаар тойрогт нэр дэвшигч З.Энхболд, УИХ-ын гишүүн С.Одонтуяа, НИТХ-ын 5 дугаар тойрогт Ардчилсан намаас нэр дэвшигч Ц.Гомбосүрэн нар өнөөдөр /2016.06.21/ Баянгол дүүргийн сургуулийн багш нарын төлөөлөлтэй уулзалт хийв.
С.Одонтуяа: УИХ боловсролын чиглэлээр чухал хуулиудыг баталж чадсан
Уулзалтын эхэнд УИХ-ын гишүүн С.Одонтуяа хэлэхдээ, энэ удаагийн УИХ-аар төрөөс боловсролын талаар баримтлах бодлого болон Боловсролын тухай хуулиудыг баталсан нь боловсролын салбарт хийсэн чухал ажлуудын нэг байв. Ирэх дөрвөн жилийн хувьд Ардчилсан намын мөрийн хөтөлбөрт хүүхэд залуучуудын боловсрол, төлөвшилийн чиглэлээр бид олон ажлуудыг хийхээр тусгасан байгаа гэлээ.
Амаргүй 4 жилд амжуулсан ажлуудаа танилцуулав
УИХ-ын дарга Баянгол дүүргийн багш нартай хийх уулзалтын эхэнд өнгөрсөн 4 жилд хийсэн ажил болон Ардчилсан намын мөрийн хөтөлбөрөө танилцуулав. Ардчилсан нам өнгөрсөн 4 жилийн хугацаанд Монгол Улсын уул уурхай гэх ганц тулгууртай эдийн засгийг олон тулгууртай болгох ажлуудыг эхлүүлж, суурийг нь тавилаа. 2012-2016 онд бид юу хийж чадав? Бид энэ хугацаанд мөнгөний бодлогын шинэчлэл хийж, 8 болон 5 хувийн хүүтэй ипотекийн зээлийг иргэдэд олгож, малчдад 10 хувийн малчны зээл, гэрийн хороололд амьдарч буй иргэдэд “Сайн хашаа” хөтөлбөрийн 5 хувийн зээлийг олгох хөтөлбөрийг хэрэгжүүлж байна. Мөн 1680 үйлдвэрийн төслийг дэмжиж, үйлдвэржилтийг эрчимжүүлсэн. Мөн 82 мянган өрх орон сууцанд орсон байна. Мөн өнгөрсөн 3 жилийн хугацаанд нийтдээ 2720 км зам тавьсан. Энэ ондоо 1284 км замыг нэмж тавьснаар энэ 4 жилийн хугацаанд 4000 гаруй км замыг ашиглалтад оруулж байна. Гэтэл 1921-2012 он хүртэлх 91 жилд нийт 2964 км зам тавьж байжээ. Үүнээс гадна Ардчилсан намын хийсэн, бүтээсэн бүхэн тоо, статистикаар харагдаж байгааг танилцуулав. Мөн 573 мянган хүн ажилласан жилээ нэмэгдүүлж, нийслэлийн эрчим хүчний хүчин чадлыг 521 мВт-ээр нэмэгдүүлснээр 163,000 айл өрхийг цахилгаан дулаанаар шинээр хангах боломж бүрдсэн байна.
З.Энхболд: Улаанбаатар хотод 24 уулзварыг шинэчилснээр иргэд шатахуунаас жил бүр 25.3 тэрбум төгрөг хэмнэж байна
Мөн өнгөрсөн хугацаанд Улаанбаатар хотод 24 уулзварыг шинэчлэн барьсан, ингэснээр иргэд зөвхөн шатахуунаас жил бүр 25.3 тэрбум төгрөг хэмнэж байгаа юм. Мөн УИХ-ын дарга хэлэхдээ, хэдийгээр энэ хугацаанд дэлхийн зах зээл дээр түүхий эдийн үнэ унасан жилүүд байсан ч 127 цэцэрлэг, 79 сургууль, 33 спорт заал ашиглалтад оруулсныг дурдав. Мөн тус хугацаанд орон нутагт эрх мэдлийг олгосны зэрэгцээ 2012 онтой харьцуулахад орон нутгийн төсөв 2.5 дахин нэмэгдсэний зэрэгцээ ахмад настнуудыг дэмжин тэтгэврийг 2013, 2015, 2016 онд нэрлэсэн үнээр нэмж чаджээ.
“Сайн оюутан” хөтөлбөр эцэг эхчүүдийн нуруун дээрх ачааллыг хөнгөвчилнө
УИХ-ын дарга, Ардчилсан намын дарга З.Энхболд үргэлжлүүлэн “Сайн оюутан” хөтөлбөрийг онцлон танилцуулав. Тэрээр хэлэхдээ, өнөөдөр зарим эцэг эхчүүд, эмээ өвөө нар цалин болон тэтгэврээрээ хүүхдийнхээ сургалтын төлбөрийг төлдөг. Тэд өндөр хүүтэй зээл авч буй энэ асуудлыг өөрчилж оюутнуудад зориулан сургалтын төлбөрийн зээл олгох “Сайн оюутан” хөтөлбөрийг хэрэгжүүлж эхэлсэн. Энэ хөтөлбөрт оюутнууд хамрагдсанаар сургалтын төлбөрийн зээлийг 10 жил хүртэлх хугацаатай авах боломжтой болно. Мөн эцэг эхчүүд, эмээ өвөө нар нь сургалтын төлбөрт зориулан авсан цалин, тэтгэврийн зээлийн үлдэгдлийг шинэ нөхцөлтэйгээр оюутны зээлд шилжүүлж болно гэв.
Монгол хүүхдийн олон улсад өрсөлдөх чадварыг нэмэгдүүлэх STEAM
хөтөлбөрийг хэрэгжүүлнэ
Дэлхийн өндөр хөгжилтэй улс орнуудад ЕБС-ийн сурагчид STEAM-ийн дагуу ямар ч тохиолдолд математик, шинжлэх ухаан, инженер технологи, урлагийн чиглэлийн боловсролыг бүгд эзэмшиж байна. Энэ нь тэднийг дэлхийн зах зээл дээр өрсөлдөх чадварыг нэмэгдүүлж байна. Гэтэл манай ЕБС-ын сурагчид дээрх чиглэлд анхаарахгүй бол олон улсад өрсөлдөх чадваргүй болно. Иймээс бид Боловсролын салбарын шинэчлэлийн хувьд, “Зөв Монгол хүүхэд”, “Цөм” хөтөлбөр “Авьяас”, “Ном”, “Багшийн хөгжил” хөтөлбөрүүдийг үргэлжлүүлэхийн зэрэгцээ STEAM–Science, Technology, Engineering, Arts and Mathematics лабораторийг нэвтрүүлнэ. Мөн Япон Улсад 1000 инженер бэлтгэх ажлыг хийнэ. Дэлхийн шилдэг 100 сургуульд суралцуулах ажил үргэлжилнэ. Хэрвээ ийм хөтөлбөрт тэнцсэн бол мөнгийг нь улсаас төлж байгаа. Монгол залуусынхаа сэтгэлгээг хөгжүүлсэн, барууны орнуудын хүүхдүүдийн сурч мэдэж байгаа мэдлэг боловсролыг олгох асуудал дээр улсаас хөрөнгө мөнгө харамгүй зарцуулна гэв. Ер нь Ардчилсан намын мөрийн хөтөлбөрийн эцсийн зорилго нь хөгжлийн зүтгэх хүч болсон баялаг бүтээгчдээ дэмжиж, Монгол хүний үнэ цэнийг нэмэгдүүлэх явдал юм. Хөдөлмөрийн хүндэт медаль болон Алтангадас нь Монгол хүний үнэ цэн биш. Монгол хүний орлого чухал гэлээ. Уулзалтын төгсгөлд багш нар боловсролын чиглэлээр асуулт асууж, хариулт авлаа хэмээн Ардчилсан намын сонгуулийн штабаас мэдээлэв.
-
2016 оны 6 сарын 21
Иргэн Хорлоо түрээсийн орон сууцыг сонгожээ
