-
2015 оны 12 сарын 02
Сонгуулийн хуулийн төслүүдийг нэгтгэх ажлын хэсгийг А.Бакей ахална
-
2015 оны 12 сарын 02
УИХ-ын гишүүн М.Сономпил 50 нас хүрлээ
-
2015 оны 12 сарын 02
Цэргүүдээр төмөр зам бариулах асуудлаар АН-ынхан дотооддоо зөрчилдөж эхлэв. УИХ-ын дарга, З.Энхболд өнгөрсөн сард Гашуун Сухайт, Сайншанд, Бичигт-Хөөтийн чиглэлд тавих төмөр замын ажилд 10 мянган цэргийг дайчлах төсөл хэрэгжүүлэхээр болсноо сүр, дуулиантайгаар зарласан. Уг ажлыг улсын төсвийн 24 тэрбум төгрөгөөр гүйцэтгэнэ. Мөнгөө ч ирэх оны төсөвт суулгуулчихсан байгаа. Үүнийг нь сөрөг хүчин болох МАН-ынхан анхнаасаа дэмжихгүй гэдгээ хэлсэн. Тэгвэл АН дотор ч уг төслийг дэмжихгүй хүн олон байгаа аж. Тодруулбал, Хотын дарга Э.Бат-Үүл “Төмөр зам барих ажилд цэргүүдийг татан оруулах нь хувийн хэвшлийг дампууруулсан үйлдэл болно” хэмээн ихэд бухимдан ярьсан нь өчигдөр цахим ертөнц дэхь олон нийтийн анхаарлыг ихээхэн татлаа.
-
2015 оны 12 сарын 01
Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооны өнөөдрийн /2015.12.01.Мягмар гараг/ хуралдаан 11 цаг 25 минутад гишүүдийн 52.6 хувийн ирцтэй эхлэв. Байнгын хороо өнөөдөр 4 асуудал хэлэлцэн шийдвэрлэлээ.
Хамтын тэтгэврийн тухай хуулийн төслийн эцсийн хэлэлцүүлгийг хийв
Байнгын хорооны хуралдааны эхэнд Хамтын тэтгэврийн тухай хуулийн төслийн эцсийн хэлэлцүүлгийг хийлээ. Хамтын тэтгэврийн тухай хуулийн төслийг эцсийн хэлэлцүүлэгт бэлтгэсэн талаарх Ажлын хэсгийн танилцуулгыг Улсын Их Хурлын гишүүн А.Бакей танилцуулав. Улсын Их Хурлын нэгдсэн хуралдааны анхны хэлэлцүүлгээр гишүүдийн олонхын дэмжлэг авсан зарчмын зөрүүтэй болон найруулгын чанартай саналын томьёоллыг төслийн холбогдох зүйл, хэсэг, заалтад нэмж тусган хуулийн төслийн эцсийн хувилбарын төслийг бэлтгэсэн байна.
Хуулийн төслийг анхны хэлэлцүүлгээр нь батлахыг дэмжих нь зүйтэй гэж үзлээ
Мөн хуралдаанаар Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийв. Улсын Их Хурлын гишүүн С.Эрдэнэ хэлэлцүүлгийн шатанд зарчмын зөрүүтэй санал байхгүй тул хуулийн төслийг анхны хэлэлцүүлгээр нь батлах нь зүйтэй гэсэн горимын санал гаргасныг гишүүд дэмжсэн юм.
Ингэснээр анхны хэлэлцүүлгээр нь батлахыг дэмжих санал хураалт явуулсныг хуралдаанд оролцсон гишүүд 100 хувь дэмжиж чуулганы нэгдсэн хуралдаанаар хэлэлцүүлэхээр тогтов.
Хөдөлмөрийн тухай хуулийн төслийн анхны хэлэлцүүлгийг хийв
Байнгын хорооны хуралдаанаар Хөдөлмөрийн тухай /шинэчилсэн найруулга/ болон холбогдох бусад хуулийн төслүүдийн анхны хэлэлцүүлгийг хийлээ. Хуулийн төслийг анхны хэлэлцүүлэгт бэлтгэсэн талаарх ажлын хэсгийн танилцуулгыг Улсын Их Хурлын гишүүн А.Тлейхан танилцуулав.
Ажлын хэсгийн танилцуулгатай холбогдуулан Улсын Их Хурлын гишүүн А.Бакей, Ё.Отгонбаяр, Д.Сумьяабазар нар асуулт асууж хариулт авсны дараа Ажлын хэсгээс гаргасан зарчмын болон найруулгын чанартай саналын томьёололууд болон дагалдах хуулийн төслүүийн талаар гаргасан зарчмын зөрүүтэй саналын томьёоллоор санал хураалт явуулж, хуулийн төслийн анхны хэлэлцүүлгийг хийсэн талаарх байнгын хорооны санал дүгнэлтийг чуулганы нэгдсэн хуралдаанд Улсын Их Хурлын гишүүн А.Тлейхан танилцуулахаар болов.
Нийгмийн даатгалын үндэсний зөвлөлийн гишүүдийг сонгох тухай асуудлыг хэлэлцэв
Нийгмийн даатгалын үндэсний зөвлөлийн гишүүнд нэр дэвшүүлсэн төлөөллөөс “Юу Си Жи” ХХК-ийн ерөнхий захирал Д.Ганбаяр, Тайж группын ерөнхий захирал Л.Ганпүрэв нар хамгийн олон санал авсан тул Улсын Их Хурлын 2012 оны 50 дугаар тогтоолд өөрчлөлт оруулах тухай Улсын Их Хурлын тогтоолын төслийг чуулганы нэгдсэн хуралданаар хэлэлцүүлэхийг дэмжлээ.
Мөн байнгын хорооны хуралдаанаар Эмнэлгийн тусламж үйлчилгээний тухай хуулийн төсөл болон Улаан загалмайн тухай хуулийн төслийн бэлтгэл хангах, хэлэлцүүлэгт бэлтгэх үүрэг бүхий ажлын хэсгийг тус тус байгуулав хэмээнУлсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2015 оны 12 сарын 01
Найман намын төлөөлөл Улс төрийн намын тухай хуулийн төслийг эсэргүүцлээ
-
2015 оны 12 сарын 01
УИХ дахь Эдийн засгийн байнгын хороо болон Төсвийн байнгын хорооны хамтарсан хуралдаанаар Хөгжлийн банкинд хийсэн шалгалтын дүнг хэлэлцэх байсан ч ирэх долоо хоног хүртэл хойшлууллаа.
Хуралдааны эхэнд УИХ дахь АН-ын бүлгийн дарга Б.Гарамгайбаатар ”Хөгжлийн банкинд шалгалт хийсэн ажлын хэсгийн ахлагч УИХ-ын гишүүн Л.Энх-Амгалан хөдөө томилолттой явна. Мөн тус ажлын хэсгийн нэгдсэн дүгнэлт гараагүй байна. Тиймээс хуралдааныг хойшлуулах санал гаргаж байна” гэж хэлэв.
Харин УИХ дахь МАН-ын бүлгийн дарга С.Бямбацогт ”Хөгжлийн банкинд хийсэн шалгалтын асуудлыг улс төржүүлж байна. Тэгэхээр уг асуудлыг ойрын хугацаанд яаралтай хэлэлцэж, шийдвэрлэх ёстой. МАН-ын гишүүдийн компани ”Хөгжлийн банк”-аас мөнгө авсан мэтээр иргэдэд буруу, зөрүү ойлголт төрүүлээд байна. Тиймээс уг асуудлыг ард иргэдэд нээлттэйгээр хэлэлцэх хэрэгтэй. Ажлын хэсэг дүгнэлтээ яаралтай гаргаж УИХ-д оруулж ирэх хэрэгтэй” гэлээ.
Харин ажлын хэсгийн гишүүн УИХ-ын гишүүн Ч.Хүрэлбаатар ”Уг асуудлыг одоо хэлэлцээд шийдвэрлэх хэрэгтэй. Хөгжлийн банкинд хийсэн шалгалтын дүнг хэлэлцэх гэхээр АН-ынхан зугатаж байна. Өмнөх долоо хоногт картаа сугалж хурал хаяж гарсан. Тэгэнгүүтээ МАН-ынхан Хөгжлийн банкнаас мөнгө авсан гэж зохион байгуулалттайгаар гүтгэж байна. Манай намын гишүүдийн оролцоотой компаниуд хууль журмынх нь дагуу Хөгжлийн банкнаас зээл авсан. Ямар ч компани, аж, ахуй нэгж хуулийн дагуу зээл авч үйл ажиллагаагаа явуулах эрхтэй. Хамгийн гол нь бид уг асуудлыг ярих гээгүй. Мөнгө дутсан болон өөр бусад ноцтой зөрчлүүдийг ярих гэж байна. Түүнээс биш ”Тэр компани хэдэн төгрөгийн зээл авсан” гэж ярихгүй. Тухайлбал, ”Говь” компанийн 8 сая хувьцаанаас 10 ширхэгийг л эзэмшдэг манай намын дарга М.Энхболдын талаар ”МАН-ын даргын хувьцаа эзэмшдэг компани зээл авсан” гэж ярьж, бичиж байна. ”Говь” компани бол 16 мянган хувьцаа эзэмшигчтэй. Гэтэл түүний 000.1 хувьд хүрэхгүй хувьцаа эзэмшдэг хүнийг оролцуулан ярьж улс төржүүлж байна. Хөгжлийн банкинд хийсэн шалгалтын дүнг аудитын дүгнэлт, Үндэсний аюулгүй байдлын зөвлөмжийн дагуу оруулж ирсэн” гэлээ.
Ингээд уг асуудлыг хэлэлцэхийг хойшлуулах эсэхээр санал хураахад хуралдаанд оролцсон нийт гишүүдийн олонх нь дэмжив.
Т.Энхэлээ
-
2015 оны 12 сарын 01
Улсын Их Хурлын Нийгмийн бодлого, боловсрол, соёл, шинжлэх ухааны байнгын хороонд харьяалагдах Мянганы хөгжлийн зорилтууд болон ядуурлыг бууруулах асуудлын дэд хороо өнөөдөр /2015.12.01/ хуралдаж “Тогтвортой хөгжлийн зорилтууд 2030” хөтөлбөрийн танилцуулгыг сонслоо. Дэд хорооны хуралдаанд Монгол Улс дахь НҮБ-ын төрөлжсөн байгууллагуудын суурин төлөөлөгчид оролцов.
-
2015 оны 12 сарын 01
Б.Чимидийн нэрэмжит Монгол Улсын Их Хурлын шагналд 5 бүтээлийн нэрийг дэвшүүлэв
-
2015 оны 12 сарын 01
Ерөнхийлөгч Үндсэн хуулийн 33 дугаар зүйлд байгаа бүрэн эрхийнхээ хүрээнд хориг тавьсан. Энэ нь Үндсэн хуулийн Цэцийн шийдвэртэй огт хамаагүй. УИХ-ын тогтоолтой холбоотой. УИХ энэ асуудлыг дахин хэлэлцээд Үндсэн хуулийн Цэц их суудлын хурлаараа асуудлыг авч хэлэлцэх боломж байна гэсэн санаатай, ийм хориг тавьсан. Тиймээс Ерөнхийлөгч Үндсэн хууль зөрчсөн эсэхийг ярих нь зохимжгүй юм. Хоёрдугаарт шүүхийн зохион байгуулалттай холбоотой асуудал Үндсэн хууль зөрчсөн үү үгүй юу гэж. Ийм зохион байгуулалтыг өргөн барьсан Ерөнхийлөгч өөрөө Үндсэн хууль зөрчиж байгаа юм шүү. Тиймээс адилхан Үндсэн хуулийн маргаантай гэж ойлгож болно” гэсэн юм.
-
2015 оны 12 сарын 01
Нийслэлийн зарим чиг үүргийг Хархоринд шилжүүлэх асуудлаар хэлэлцэнэ
-
2015 оны 12 сарын 01
Зарим нутагт өвөлжилт хүндрэх төлөвтэй байна
Энэ оны 11 дүгээр сарын 20-ны байдлаар нийт нутгийн 80 гаруй хувь нь цасан бүрхүүлтэй, ялангуяа Увс, Завхан, Төв, Сүхбаатарын ихэнх, Баян-Өлгий, Говь-Алтай, Баянхонгор, Хөвсгөл, Архангай, Булган, Өвөрхангай, Сэлэнгэ, Хэнтий, Дундговь, Дорноговийн зарим сумдын нутагт цасны зузаан 7-12 см, Увсын Улаангом, Хөвсгөлийн Цагаан-Үүр, Завханы Яруу, Баянхайрхан, Булганы Рашаант, Баянхонгорын Жаргалант, Төвийн Жаргалант сумдад 13-22 см байна.
Нийт нутгийн 40 орчим хувьд нь өвөлжилт хүндрэх эрсдэл ихтэй. Үүнээс Увс аймаг бүхэлдээ, Булганы ихэнх, Архангайн хойд, Төв аймгийн баруун хагас, Дархан-Уул, Сэлэнгийн өмнөд хэсэг хамгийн их эрсдэлтэй, Завхан, Хөвсгөл, Хэнтий, Сүхбаатар, Дорноговийн зарим нутгаар мөн эрсдэл ихтэй байна гэж Цаг уур, орчны шинжилгээний газраас сэрэмжлүүлж байна.
12 дугаар сарын цаг агаарын урьдчилсан мэдээгээр эрсдэл ихтэй байгаа нутгийн хойд хагаст олон жилийн дунджаас хүйтэн байх ба цас ихэнх нутагт дунджийн орчим, зарим газраар ахиу орохоор байгаа нь нөхцөл байдлыг улам хүндрүүлж, өвөлжилтөд таагүй нөлөөлөхөөр байна.
Эрсдэл ихтэй байгаа дээрх газар нутгийн өвс тэжээлийн хүрэлцээ, хангалтыг сайтар тооцоолох, өвс тэжээл нийлүүлэх, зөөвөрлөх, хуваарилах, хүртээх ажлыг эртнээс зохион байгуулах, хүмүүнлэгийн тусламж, дэмжлэгийг татан оруулах зэрэг арга хэмжээг одооноос авч хэрэгжүүлэх шаардлагатай байгаа талаар Монгол Улсын Шадар сайд Ц.Оюунбаатар танилцуулсан байна.
Өвөлжилтийн бэлтгэл хангуулсан дүнг хэлэлцээд дараах арга хэмжээг авахаар шийдвэрлэлээ
Хөдөө аж ахуйн болон төв суурин газруудын 2015-2016 оны өвөлжилтийн бэлтгэл хангуулсан дүн, Засгийн газрын тогтоолын биелэлтийн талаар Монгол Улсын Шадар сайд Ц.Оюунбаатар танилцууллаа.
Отроор өвөлжих өрхийн тоо 2,2 мянга, малын тоо 1,5 сая толгойгоор нэмэгдэж байгаатай холбогдуулан отроор яваа малчдад эрүүл мэндийн тусламж үйлчилгээний хүртээмжийг нэмэгдүүлэх арга хэмжээ авах,
Авто замын засвар, арчлалтын компаниудын гүйцэтгэсэн ажлын санхүүжилтийн үлдэгдлийг яаралтай шийдвэрлэх,
Орон нутагт дулааны үнэ нэмэгдсэн, байгууллагын халаалтыг нийтийн халаалтад шилжүүлснээс үүдэн үүссэн зардлын зөрүү, түлш, халаалтын өрийг зохицуулж, шийдвэрлэх,
Булган аймгийн төвийн дулааны халаалтын зуухны хүчин чадлыг нэмэгдүүлэхэд шаардагдах хөрөнгийн асуудлыг шийдвэрлэх,
Увс аймгийн төв, Өвөрхангайн Бүрд, Гучин-Ус, Хужирт суманд аваарийн дизель станцын техникийн найдвартай ажиллагааг хангах арга хэмжээ авах,
Улсын хэмжээнд нийт сумын 40 хувьд өвөлжилт, хаваржилтын байдал хүндрэх эрсдэлтэй байгааг тооцон гамшгаас хамгаалах төлөвлөгөөнд тодотгол хийж, бэлэн байдлыг хангах зэрэг арга хэмжээ авахыг холбогдох яам, агентлаг, аймгийн Засаг дарга нарт үүрэг болголоо.
-
2015 оны 12 сарын 01
АСЕМ-ын зочид төлөөлөгчдөд гар урлалын бүгээгдэхүүн бэлэглэнэ
-
2015 оны 12 сарын 01
Монгол Улсын Ерөнхийлөгч Ц.Элбэгдорж Францын нийслэл Парис хотноо болж буй Уур амьсгалын өөрчлөлтийн асуудлаарх НҮБ-ын суурь Конвенцийн талуудын Төр, засгийн тэргүүн нарын 21 дүгээр уулзалт, хуралдаанд оролцож байна. Уг хуралдаанд Монгол Улсын Ерөнхийлөгч Ц.Элбэгдорж үг хэлэх юм. Уг арга хэмжээнд Монгол Улсын Ерөнхийлөгчийн Аюулгүй байдал, гадаад бодлогын зөвлөх А.Баттөр оролцож байна.
Талуудын 21 дүгээр чуулганд 195 орны Засгийн газрын төлөөлөл, иргэний нийгэм, хувийн хэвшил, хэвлэлийн төлөөлөгч зэрэг нийт 50 мянга орчим төлөөлөгчид оролцож байгаа бөгөөд чуулганы үйл ажиллагаа, яриа хэлэлцээ 12 дугаар сарын 11-ний өдрийг хүртэл үргэлжилнэ.
-
2015 оны 12 сарын 01
Байнгын хороодын өнөөдрийн хуралдааны хуваарь /2015.12.01/
БАЙНГЫН ХОРООНЫ ХУРАЛДААН:
12 дугаар сарын 01-ний Мягмар гарагт:
1.Хууль зүйн байнгын хорооны хуралдаан 09.00 цагаас “А” танхимд:
Хэлэлцэх асуудал:
“Үндсэн хуулийн цэцийн 2015 оны 14 дүгээр дүгнэлтийн тухай” Улсын Их Хурлын тогтоолд тавьсан Монгол Улсын Ерөнхийлөгчийн хоригийг хэлэлцэх;
Эрүүгийн хууль /шинэчилсэн найруулга/ болон холбогдох бусад хуулийн төслүүд /Засгийн газар 2015.02.05-ны өдөр өргөн мэдүүлсэн, эцсийн хэлэлцүүлэг/;
Зөрчлийн тухай болон холбогдох бусад хуулийн төслүүд /Засгийн газар 2015.02.05-ны өдөр өргөн мэдүүлсэн, эцсийн хэлэлцүүлэг/;
“Авлигатай тэмцэх, хариуцлага, шударга ёсыг бэхжүүлэх үндэсний хөтөлбөрийг батлах тухай” Улсын Их Хурлын тогтоолын төсөл /Монгол Улсын Ерөнхийлөгч 2015.11.19-ний өдөр өргөн мэдүүлсэн, хэлэлцэх эсэх/;
Үл хөдлөх эд хөрөнгийн барьцааны тухай хуулийн зарим заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2015 оны 15 дугаар дүгнэлт;
Бусад.
2.Мянганы хөгжлийн зорилтууд болон ядуурлыг бууруулах асуудлын дэд хорооны хуралдаан 09.00 цагаас “Б” танхимд:
Хэлэлцэх асуудал:
Тогтвортой хөгжлийн зорилтууд 2030 хөтөлбөрийн танилцуулга /Монгол Улс дахь НҮБ-ын төрөлжсөн байгууллагуудын суурин төлөөлөгчид оролцоно/.
3.Нийгмийн бодлого, боловсрол, соёл, шинжлэх ухааны байнгын хорооны хуралдаан “Б” танхимд үргэлжилнэ:
Хэлэлцэх асуудал:
Хамтын тэтгэврийн тухай хуулийн төсөл /Улсын Их Хурлын гишүүн С.Эрдэнэ нарын 7 гишүүн 2014.01.13-ны өдөр өргөн мэдүүлсэн, эцсийн хэлэлцүүлэг/;
Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Д.Батцогт нарын 17 гишүүн 2015.11.06-ны өдөр өргөн мэдүүлсэн, анхны хэлэлцүүлэг/;
Хөдөлмөрийн тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.06.15-ны өдөр өргөн мэдүүлсэн, анхны хэлэлцүүлэг/;
Нийгмийн даатгалын үндэсний зөвлөлийн гишүүдийг сонгох тухай;
Бусад.
4.Байгаль орчин, хүнс, хөдөө аж ахуйн байнгын хорооны хуралдаан 14.00 цагаас “А” танхимд:
Хэлэлцэх асуудал:
2012-2015 оны Улаанбаатар хотын агаарын чанарын үзүүлэлт, 2015 онд агаарын бохирдлыг бууруулах чиглэлээр Засгийн газрын хийсэн ажлын тайлан, 2016 онд хийх ажлын төлөвлөгөөний талаар холбогдох байгууллагын мэдээллийг сонсоно;
Намрын ургац хураалтын дүн болон 2015-2016 оны өвөлжилтийн нөхцөд байдлын талаар Монгол Улсын Шадар сайд болон Хүнс, хөдөө аж ахуйн сайдын мэдээлэл сонсох.
4.Өргөдлийн байнгын хорооны хуралдаан 14.00 цагаас “В” танхимд:
Хэлэлцэх асуудал:
Өмнөговь аймгийн Тост, Тосон бумбын нурууг улсын тусгай хамгаалалтад авах талаар 1059 иргэнээс ирүүлсэн өргөдлийн дагуу Байгаль орчин, ногоон хөгжил, аялал жуулчлалын сайд Н.Батцэрэгийн мэдээллийг сонсох;
Хөдөө аж ахуйн “Халх гол” чөлөөт бүс байгуулах тухай Улсын Их Хурлын 2015 оны 75 дугаар тогтоолын талаар ирүүлсэн 3000 иргэний өргөдлийн дагуу Хүнс, хөдөө аж ахуйн сайд Р.Бурмаагийн мэдээллийг сонсох.
5.Эдийн засгийн болон Төсвийн байнгын хорооны хамтарсан хуралдаан 15.00 цагаас “Б” танхимд:
Хэлэлцэх асуудал:
Олон улсын зах зээлд гаргасан Засгийн газрын үнэт цаасны арилжаагаар төвлөрсөн хөрөнгийн зарцуулалт, эргэн төлөлт болон санхүүжүүлсэн төсөл хөтөлбөрийн сонголт, хэрэгжилтийн явц байдлыг шалгасан дүнгийн тухай.
-
2015 оны 11 сарын 30
Н.Номтойбаяр: Тэтгэврийн зээлийн хүү 4.8 хувь болох боломжтой
-
2015 оны 11 сарын 30
УИХ-ын дарга З.Энхболд Хөдөлмөрийн яамны үйл ажиллагаатай танилцав
-
2015 оны 11 сарын 30
Ц.Даваасүрэн: 4,2 тэрбум ам.доллар орж ирсэн бол валютын ханш огцом унах байсан
-
2015 оны 11 сарын 30
АН: МАН-ын хоосон улс төржүүлж байна
-
2015 оны 11 сарын 30
Л.Жамбалжав нь МАХН-ын дарга Н.Энхбаярын эмчээр ажиллаж байсан гэдгийг иргэд мэдэх биз ээ.
-
2015 оны 11 сарын 30
Мөн Хөгжлийн банкинд хийсэн хяналт, шалгалтын асуудлаар МАН-ын бүлэг хэлэлцсэн байна. Энэ талаар “Хөгжлийн банкны шалгалтын дүнг АН-ын бүлгийн гишүүд зөвшөөрч гарын үсэг зурахгүй байгаа юм байна. Хөгжлийн банкны мөнгийг МАН-ынхан өөрсдөө авсан гэх мэдээлэл гадуур их тархаж байна. Тухайлбал, ягаан, ногоон тасалбар тараах үед манай намын дарга М.Энхболд АПУ-ийн 10 ширхэг хувьцаа авсан юм байна. С.Бямбацогт гишүүн “Говь” компанид 200 ширхэг хувьцаа эзэмшдэг юм байна. МАН-ын дарга М.Энхболд болон бүлгийн дарга С.Бямбацогт нар 10 тэрбум төгрөгийн зээл авсан гэж ярьж байна. Говь компани төслийн шаардлагыг хангаад зээл авсан байхыг үгүйсгэхгүй. Гэтэл АПУ компанид 7 сая 800 мянган хувьцаа байдаг. Түүнээс 10 ширхэг хувьцаа эзэмшсэн хүнийг ярьж байна. Гэтэл 10 ширхэг хувьцаа эзэмшсэн хүн нь 10 тэрбум төгрөг авсан гэж байгаа. Ийм зүйлүүд гарч ирж байна. MCS-тэй холбож бичихдээ УИХ-ын гишүүн Л.Энх-Амгалан их мөнгө авсан байна гэх мэтчилэнгээр бичиж байгаа. Тиймээс бүх асуудлыг ил, тод гаргаж тавъя гэж байгаа юм. АН-ынханд шударгаар уриалж байна. Бондын мөнгийг авсан хэрэгт нэр нь холбогдоод байгаа АН-ынхан айж эмээгээд сониноор дайрч давшлаад байх шаардлагагүй. Та нар ил тод яриад “Миний эхнэрийн компани. Манай компани. Ийм зээл авсан” гэдгээ зарлах хэрэгтэй.
