-
2017 оны 10 сарын 23
Завхан аймагт үүссэн нөхцөл байдалтай холбогдуулан ОБЕГ-ын дарга, хошууч генерал Т.Бадрал
-
2017 оны 10 сарын 23
Дэлхийн ур чадварын 44 дэх тэмцээн АНЭУ-ын Абу Даби хотноо амжилттай зохион байгуулагдаж өндөрлөв. Манай улс 2015 онд есөн мэргэжлээр анх удаа оролцож байсан бол энэ удаад гагнуур, мужаан, сантехник, өрөг угсралт, тогооч, цахилгаан гэсэн зургаан мэргэжлээр оролцлоо. Мэргэжлийн олимп хэмээгддэг тус нэр хүндтэй олон улсын тэмцээнд 59 орны 1300 оролцогч, 51 мэргэжлээр ур чадвараа сорилоо.
Монголын оролцогчдоор гагнуурын төрөлд оролцогч Ж.Жанлав-Ойдов 700 оноогоор Тусгай байрын шагнал хүртэж, Үндэсний ялагчаар шалгарсан нь Монгол улсын 2015 оны амжилтыг ахиулсан үйл явдал боллоо. 2015 онд мужааны оролцогч 480 оноо хүртэж (энэ жил 200 оноогоор нэмэгдэж 700 болсон) баг хамт олноо манлайлж байсан юм. Ж.Жанлав-Ойдов ийнхүү Тусгай байрын шагнал хүртсэнээр гагнуурын төрөлд оролцсон 34 орноос 18-д орлоо. Мужааны төрөлд оролцогч Н.Эрдэнэмөнх 691, цахилгааны Л.Төгөлдөр 674, тогоочийн Б.Дагвасүрэн 673, сантехникийн Ц.Долгормаа 660, өрөг угсралтын Ц.Мягмарсүрэн 659 оноо тус тус хүртлээ. Чансаа өндөр энэхүү олон улсын тэмцээнд Монгол улс хоёр дахь удаагаа оролцохдоо 2015 оны амжилтаа ахиулна гэж зорилго тавьж байсан. Нийт зургаан оролцогч маань өмнөх тэмцээний амжилтуудаа төрөл бүр дээр ахиулсан амжилт гаргалаа.
Дэлхийн ур чадварын тэмцээний Монгол дахь зохион байгуулалтыг Хөдөлмөр, нийгмийн хамгааллын яам хариуцан ажилладаг бөгөөд дэмжигч байгууллагаар Германы олон улсын хамтын ажиллагааны нийгэмлэг, Оюутолгой компани, Мэргэжлийн боловсрол, түншлэл ТББ, Монголын зочлох үйлчилгээний холбоо, Модны чадамжийн төв, Хүнс, технологийн политехник коллеж зэрэг олон байгууллага ажиллалаа.
Хоёр жилд нэг удаа зохион байгууллагддаг Дэлхийн ур чадварын тэмцээн 2019 онд ОХУ-ын Казань хотод зохион байгуулагдана. 2021 оны тэмцээний эрхийг БНХАУ-ын Шанхай хот саяхан хүлээн авлаа. Иймээс дараа дараагийн тэмцээнд Монгол улс илүү олон мэргэжлээр оролцох бодлого барин ажиллаж байна.
Тэмцээнд оролцсон хүүхдүүдээ тосох үеэр тэмцээнд амжилттай оролцсон Ж.Жанлав-Ойдовоос бид тэмцээнийх нь талаарх сэтгэгдлийг сонслоо
-Тэмцээнд амжилттай оролцоод ирсэнд баяр хүргэе. Гаргасан амжилтынхаа талаар сонирхуулахгүй юу?
-Гагнуурын төрөлд оролцож 700 хүртэж, медаль хүртсэндээ баяртай байна. Ур чадварын олимп гэдэг утгаараа өрсөлдөөнтэй боллоо. Гагнуурын төрөлд 34 орон өрсөлдсөн. 2015 оны монголын оролцогчийн амжилтыг ахиулсандаа бас баяртай байна. Дэлхийн ур чадвар тэмцээний гагнуурын төрөлд оролцож шагналт байранд шалгарч, үндэсний ялагчаар тодорсон. Энэ удаагийн тэмцээний онооны босго өндөр болсон байсан. Би 700 оноо авч шагналт байранд орох болзол хангасан.
-Тэмцээний даалгавар хэр хүнд байв. Бэлтгэл дээр хийж байсантайгаа харьцуулахад ямар байв?
-Тэмцээний даалгавар нэлээд хүнд байсан. Мөн шүүлт өмнөх жилүүдээс чанга болсон байсан учраас нэлээд хэцүү байлаа.
-Манай улс хоёр дахь удаагаа оролцож байгаа. Энэ жил тавьсан зорилгоо багаараа биелүүлж чадсан уу?
-Дэлхийн ур чадвар тэмцээнд бид хоёр дахь удаагаа л оролцож байгаа. Манай баг энэ жил өмнөх жил гаргаж байсан амжилтаа ахиулж, дотоодод гаргаж байсан амжилтуудаа ахиулах зорилт тавьж оролцсон. Бусад таван оролцогч маань тус бүртээ зорилгоо биелүүлж өмнөх жилийн хүүхдүүдийн гаргаж байсан амжилтыг ахиулсан
-Энэ амжилтыг гаргахад тусалж дэмжсэн олон хүн байгаа байхаа. Тэр хүмүүстээ талархалаа илэрхийлэхгүй юу?
-Биднийг амжилттай оролцоход тусласан бүх хүн, албан байгууллагууддаа баярлалаа. Мөн гэрийнхэндээ болон багшдаа баярлалаа.
-
2017 оны 10 сарын 23
Уулчдын талаар мэдээлэл авах тусгай утас ажиллуулж байна
-
2017 оны 10 сарын 23
МУГТ, уулын спортын олон улсын хэмжээний мастер Б.Гангаамаа Улсын онцгой комиссын хуралд оролцсон бөгөөд хурлын дараа сэтгүүлчдийн асуултад хариуллаа.
-
2017 оны 10 сарын 23
Өвөлжилтийн бэлтгэлийг шуурхай ханган ажиллахыг үүрэг болгов
-
2017 оны 10 сарын 23
Өнгөрсөн нэгдүгээрс сард Улсын Дээд шүүхийн хяналтын шатны эрүүгийн хэргийн шүүх хуралдаанаар
-
2017 оны 10 сарын 23
Төрийн тусгай албан хаагчдын нэгдсэн эмнэлэг (ТТАХНЭ)-ийн “Урьдчилан сэргийлэх хилийн хөдөлгөөнт бүлэг”-ийн 6 дүгээр ээлж 2017 оны 10 дугаар сарын 23-ны өдөр Улаанбаатар хотоос хөдөллөө.
-
2017 оны 10 сарын 23
”Оюу Толгой”-г шүүхэд өгсөн Ц.Чинбат гомдлыг хэлэлцэнэ
-
2017 оны 10 сарын 23
БНСУ-ын Пусан хотын урлагийн 55 дахь наадам болж байна. Уг наадмын хүрээнд БНСУ, Монгол Улсын залуу зураачид хамтарсан үзэсгэлэнгээ анх удаа Пусан хотод гаргаж байна. Үзэсгэлэнд манай улсын 25 зураач, солонгосын 33 зураач дүрслэх урлагийн бүтээлээ толилуулж байгаа юм. Өнгөрсөн онд Улаанбаатар хотноо зохион байгуулагдсан “Шинэ давалгаа” үзэсгэлэнд Солонгосын төлөөлөл оролцож, уран зургийн хамтарсан үзэсгэлэн зохион байгуулах санал тавьсан. Пусан хотын соёл урлагийн нэгдсэн холбооны дэмжлэгтэйгээр Монголын урчуудын эвлэлийн хорооны дэргэдэх “Залуу уран бүтээлчдийн холбоо” хамтран анх удаа энэ үзэсгэлэнг гаргажээ.
Монголын урчуудын эвлэлийн хорооны дэргэдэх “Залуу уран бүтээлчдийн холбоо”-ны тэргүүн С.Зэсээ энэ үеэр “Энэхүү үзэсгэлэнд 40-өөс доош насны зураачид дүрслэх урлагийн бүтээлээ олон улсад сурталчилж байгаагаараа онцлог. “Пусан-55’’ урлагийн наадамд ирсэн бүтээлүүд нь Монгол үндэсний өв соёл, уламжлал, орчин үеийн урсгалыг багтааж чадсан. Тиймээс ч үзэгч, сонирхогч ихтэй байна” гэв. Нийслэлийн Засаг дарга бөгөөд Улаанбаатар хотын Захирагч С.Батболд залуу зураачдыг дэмжиж, ”Пусан–55” уран зургийн үзэсгэлэнд зочилсондоо талархаж байгаагаа илэрхийллээ. Ирэх жил Монгол Солонгосын хамтарсан зураачдын үзэсгэлэн Улаанбаатар хотод гарна. Үзэсгэлэнг Монгол Улсаас Пусан хотод суугаа Консулын газрын дарга Д.Бямбадорж, Нийслэлийн Соёл, урлагийн газрын дарга Ж.Дамдинцэрэн, Нийслэлийн Залуучуудын хөгжлийн газрын дарга С.Сүх очир нар үзлээ гэж нийслэлийн ЗДТГ-ын Хэвлэл, мэдээлэл, олон нийттэй харилцах хэлтсээс мэдээллээ.
-
2017 оны 10 сарын 23
БНСУ-ын Пусан хотод албан ёсны айлчлал хийж байгаа нийслэлийн Засаг дарга бөгөөд Улаанбаатар хотын Захирагч С.Батболд тус хотод зохион байгуулагдаж байгаа “Нэг Ази” фестивалийн нээлтэд оролцлоо.
-
2017 оны 10 сарын 23
Жимс идээд л залуужаад байна гэвэл итгэх хүн гарахгүй байх. Тэгвэл чацаргана жимс залуужуулагч онцгой үйлчилгээтэй гэдгийг дэлхийн шинжлэх ухаан нотлоод байгаа аж. Иймээс ч чацарганы 100 хувь цэвэр охь “Хуба хаяа” брэндийн таван ид шидийн нэгд “ЗАЛУУЖУУЛАГЧ” үйлчилгээ нь зүй ёсоор нэрлэгдэж байгаа билээ.
“Хуба хаяа”-гийн үндсэн бөгөөд цор ганц түүхий эд болох чацаргана жимс хүнийг хэрхэн залуужуулдаг вэ. Байгалийн жам ёсоор явж байгаа хөгшрөлтийн эсрэг онцгой үйлчилгээ нь чухам юундаа байдаг юм бол. Энэ талаар “Хуба хаяа” үйлдвэрийн зөвлөх инженер Д.Ганзоригоос тодруулахад “Хүний биеийн эс амьдралын явцаа хуваагдаж, хөгшрөх процесс үргэлж явагдаж байдаг. Эс хуваагдах бүртээ үргэлж муудаж, чөлөөт радикаль буюу хортой нэгдлүүд үүсэж байдаг юм. Үүнийг арилгадаг зүйл бол жимс жимсгэнэ. Тэр дундаа чацаргана жимс. Учир нь, чацаргана жимсэнд антиоксидант бодисын агууламж маш өндөр байдаг. Өөрөөр хэлбэл, тэр бодис нь чөлөөт радикалиудыг устгаснаар хүн залуу, эрч хүчтэй байх бололцоог хангаж өгдөг юм. Ингэснээр хүний хөгшрөх процессыг удаашруулж, саармагжуулдаг” гэж байлаа.
Чацаргана жимсний 100 хувь цэвэр охь “Хуяа хаяа”-г өдөрт нэг шилийг уухад л хөгшрөх процесстой тэмцээд зогсохгүй дархлаагаа сайжруулах бүрэн боломжтой юм.
-
2017 оны 10 сарын 23
Отгонтэнгэр ууланд авиралт хийгээд буцах замдаа цасан нурангид өртөж сураггүй алга болсон иргэдийг эрэн хайх ажиллагааны явц болон цаашид авч хэрэгжүүлэх арга хэмжээний талаар Улсын Онцгой комиссын шуурхай хуралдаан боллоо.
Завхан аймгийн Отгон сумын Буянт багийн нутаг Отгонтэнгэр ууланд Уулын спортын мастер Н.Сүрэнжаваар ахлуулсан 30 хүн (27 уулчин, 3 жолооч)-ний бүрэлдэхүүнтэй баг авиралт хийгээд буух явцад цасан нуранги үүсэж 17 хүн сураггүй болсон (3 жолооч уулын бэлд үлдсэн, 10 иргэн уулнаас буусан) тухай дуудлага 2017 оны 10 дугаар сарын 22-ны өдрийн 14:33 цагт Онцгой байдлын ерөнхий газрын Гамшгийн шуурхай удирдлага, зарлан мэдээллийн төвд ирсэн.
Тус дуудлагаар Онцгой байдлын ерөнхий газрын тэргүүн дэд дарга бөгөөд штабын дарга, бригадын генерал Г.Ариунбуянгаар ахлуулсан 3 алба хаагч, Завхан аймгийн Онцгой байдлын газрын 12 алба хаагч, Шүүхийн шинжилгээний албанаас 4 алба хаагч, уулчдын холбооноос 3 уулчин, аймгийн нэгдсэн эмнэлгээс 10 алба хаагч, аймгийн Цагдаагийн газраас 10 алба хаагч, Говь-Алтай аймгийн Онцгой байдлын газрын 6 алба хаагч, Увс аймгийн Онцгой байдлын газрын 7 алба хаагч, нийт 55 хүн, 9 автомашинтайгаар 10 дугаар сарын 22-ны өдрөөс эхлэн ажиллаж байгаа юм.
Мөн Онцгой байдлын ерөнхий газрын даргын шийдвэрээр Гамшгийн шуурхай удирдлагын газрын дарга, хурандаа Б.Мандахгэрэлээр ахлуулсан 3 алба хаагч, Аврах тусгай ангийн 8 алба хаагч, нийслэлийн Аврах ангийн 4 алба хаагч, Давтан сургах, сэргээн засах төвийн 1 алба хаагч, Гэмтэл согог сэргээн заслын төв эмнэлгээс нарийн мэргэжлийн 3 эмч, 2 сувилагчийн бүрэлдэхүүнтэй баг, нийт 21 хүн, Зэвсэгт хүчний 303 дугаар ангийн МИ-171 нисдэг тэргээр өчигдөр орой нислэг үйлдэж, өнөө өглөө эрэн хайх ажиллагааг эхлүүлээд байна.
Түүнчлэн Онцгой байдлын байгууллагын 5 алба хаагч, 3 уулчны хамт нөхцөл байдлыг тандан судлах зорилгоор 10 дугаар сарын 23-ны өглөөний 06:05 цагт Отгонтэнгэр уул руу авиралт хийсэн бол 9 хүний бүрэлдэхүүнтэй хоёрдугаар баг 08:30 цагаас Отгонтэнгэр уул руу авиралт хийж эхлээд байна.
Уулнаас бууж ирсэн иргэд “10 дугаар сарын 21-ний өдрийн 08:00 цагийн орчим 27 хүн ууланд авиралт хийж 16:30 цагт оргил дээр гарчихаад уулын зүүн бэлээр бууж байх үед цасан нуранги үүсч 17 хүн сураггүй болсон. Эсэн мэнд бууж ирсэн уулчдаас 3 уулчин буцаж авиралт хийж үзэхэд ууланд их хэмжээний цас овоорсон, ямар нэгэн ул мөр олдоогүй” гэж мэдэгдээд байгаа юм гэж Онцгой байдлын ерөнхий газраас мэдээллээ.
-
2017 оны 10 сарын 23
ХЗДХ-ийн сайд Ц.Нямдорж ажлаа авангуутаа ЦЕГ-ын удирдлагуудтай уулзаж, дараахь асуудлаар үүрэг чиглэл өглөө. Үүнийг бүрэн эхээр нь хүргэж байна.
-
2017 оны 10 сарын 23
Завхан аймгийн Отгон сумын Буянт багийн нутаг Отгонтэнгэр ууланд авиралт хийгээд буух явцад цасан нуранги үүсч, 17 иргэн сураггүй болсон билээ.
-
2017 оны 10 сарын 23
2017 оны аравдугаар сарын 23-ны Даваа гарагт хийх засварын хуваарийг танилцуулж байна. Хэрэглэгчид ээ, засвар хийх хугацаанд хэрэглээгээ түр зохицуулна уу.
-
2017 оны 10 сарын 23
Том оврын ачааны автомашины аккумляторыг хулгайлдаг этгээдүүдийг илрүүлэн шалгаж байна
-
2017 оны 10 сарын 23
Отгонтэнгэр хайрханд авиралт хийж явсан 27 иргэний 19 нь буух замдаа ор сураггүй алга болсон байна. Тэд аравдугаар сарын 21-ний 16.00
-
2017 оны 10 сарын 23
09:00 цагт: Отгонтэнгэр ууланд авиралт хийгээд буцах замдаа цасан нурангид өртөж сураггүй алга болсон иргэдийг эрэн хайх ажиллагаа, авч х
-
2017 оны 10 сарын 23
Үс засуулбал: Бие эрхтний хүч сайжирна.
Наран ургах, шингэх: 07.28-17.55
Барилдлага: Идэр
Шүтэн барилдлага: Мунхрахуй
Суудал: Огторгуй
-
2017 оны 10 сарын 23
Отгонтэнгэр ууланд 27 иргэн авиралт хийгээд буух явцад цасны нуранги үүсч,
