-
2017 оны 6 сарын 09
Гадаад улсад байгаа иргэд салбар комиссын тогтоосон санал авах байранд энэ сарын 10,11-ний өдөр очиж тухайн улсын орон нутгийн цагаар 07.00 цагаас 22.00 цаг хүртэл хугацаанд саналаа өгнө.
-
2017 оны 6 сарын 09
2017 оны 06 дугаар сарын 08-ны Лхагва гарагт цагдаагийн байгууллагаас гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 49 жолоочийг илрүүлэн саатуулж ажиллаа. Замын цагдаагийн албаны ЖШУХ дээр нийт 344 дуудлага, мэдээ мэдээлэл хүлээн авснаас, зам тээврийн ослын 245 дуудлага бүртгэгдсэн бөгөөд осол, хэргийн улмаас 5 хүн хүнд, хөнгөн байдлаар гэмтсэний 1 нь хүүхэд бүртгэгдсэн. Улсын болон орон нутгийн чанартай автозамд онхолдох хэлбэрээр 2 зам тээврийн осол гарч, 2 хүний амь нас хохирсон харамсалтай хэрэг гарсан байна.
Тухайлбал:
1. ЧД-ийн нутаг дэвсгэр 57-р сургуулийн урд замд явган зорчигч Х нь мөргүүлж гэмтсэн байна.
2. БЗД-ийн нутаг дэвсгэр Нарантуул олон улсын худалдааны төвийн “Шилэн дэлгүүрийн урд замд явган зорчигч Б нь согтууруулах ундаа хэрэглэсэн үедээ мөргүүлж гэмтсэн байна.
-
2017 оны 6 сарын 09
Сүхбаатар дүүргийн 11 хорооны нутаг дэвсгэрт байрлах сонсголын бэрхшээлтэй хүүхдийн 29 дүгээр тусгай сургуулийн хашаанд газар олгосон байсныг Нийслэлийн Засаг даргын А/184 тоот захирамжаар хүчингүй болгосон билээ. Тухайн хэсэгт барилга барихаар барилгын түр хашаа барьсан байсныг буулгаж газрыг бүрэн чөлөөлж, сургуулийн захиргаанд хүлээлгэн өглөө гэж нийслэлийн Газрын албанаас мэдээллээ.
-
2017 оны 6 сарын 09
Бурхан Багшийн Их Дүйчин өдөр зургаадугаар сарын 9-ний Баасан гаригт тохиож буй. Энэ өдөр ”Сэтгэл ариусахуй” уриатай ёслолын сүрт жагсаал, шашин ёслолын үйл ажиллагаа болно.
Сүрт жагсаалд Улаанбаатар хотын бүх сүм хийдийн төлөөлөл, Бурханы шашны ТББ болон сүсэгтэн олныг хамруулах аж.
“СЭТГЭЛ АРИУСАХУЙ” СҮРТ ЖАГСААЛЫН ХӨТӨЛБӨР
СОЖИН САХИЛ
05.00-06.00- Гунгаачойлин, Идга чойнзинлин дацан-“Таны буянд даган баясъя” төв
ТАХИЛ ӨРГӨХ
06.00 - 19.00 өдрийн турш Жавзандамба хутагт төв
МАРШРУТ
Гандан-Сүхбаатарын талбай 16.30-18.30- зам чөлөөлөх цаг
Гандангаас хөдлөх
Түр хөтөлбөр-Номин их дэлгүүрийн өмнө
Жагсаал Сүхбаатарын талбайд хүрэх
СЭТГЭЛ АРИУСАХУЙ ТӨВ ТАЛБАЙН АРГА ХЭМЖЭЭ
Сүхбаатарын талбайд зохион байгуулах арга хэмжээ
18:00-18.05 Хөтлөгч Нээлт
18:05-18:10 Гандантэгчэнлин хийдийн тэргүүн их хамба, гавж Д.Чойжамц үг хэлнэ.
18:10-18:15 НЗДарга бөгөөд Улаанбаатар хотын захирагч С.Батболд үг хэлнэ
18:15-18:25 Мандал өргөх ёслол, Монгол уншлага, Гандан хийдийн лам хуврагууд /Итгэл, Ганданлхавжаа, Мандал, Жинлавчогзол/
18:25-18:30 Чингисийн сан
18:30-18:40 Морин хуурын чуулга
18:40-18:45 Уртын дууч Г.Бямбасүрэн -Уяхан замба тивийн наран,
18:45-19:05 Гандантэгчэнлин хийдийн Да лам Х.Бямбажав- Далай багшийн мэндчилгээ, Бурхан багшийн намтар
19:05-19:15 Дуучин Т. Дэлгэрмөрөн Янжинлхамын дуулал, Наян булаг, УДБЭЧ бүжиг
19:15-19:25 Увертура хамтлаг
19:25-19:30 Жонон Ханчэн гэгээн уриалга, сургааль
19:30-19:40 Дуучин К.Номинжин Бурхан багш,
19:40-20:00 Төрийн Соёрхолт Найруулагч Н. Наранбаатар “Бурхан Багшийн ариун дагшин газар” лекц, илтгэл
20:00-20:20 Д.Нямсамбуу гавж “Сэтгэл ариусахуй” лекц,-Бясалгал Флаш Моб /Зааврын дагуу 20 минут/ Соёмбо хэлбэртэй
20.20-20:25 Дуучин Чингэс
20:25-20:35 Жонон хамтлаг
20:35-20:40 Хаалтын үг Гандантэгчэнлин хийдийн ОНХА лам Ж.Одгарьд.
-
2017 оны 6 сарын 09
Хүнс хөдөө аж ахуй хөнгөн үйлдвэрийн салбарын нээлттэй хаалганы өдөрлөг энэ сарын 9,10-ны өдрүүдэд Сүхбаатарын талбайд болно.
Энэхүү нээлттэй хаалганы өдөрлөгөөс мал аж ахуй, газар тариалан, хүнс, хөнгөн, жижиг дунд үйлдвэрлэлийн бодлого, шинэ техник технологи, худалдаа үйлчилгээ, хуульзүйн зөвлөгөөг нэг дороос авах боломжтой юм. Тодруулбал, Хүнс, хөнгөн, жижиг дунд үйлдвэрлэл, мал аж ахуй, газар тариалангийн салбарт төрөөс үзүүлж байгаа бодлого, инновацийн бүтээгдэхүүний үзэсгэлэн, тариаланчдад үзүүлэх дэмжлэг, жижиг дунд үйлдвэрлэлийн зээлд хамрагдах боломж, тусгай зөвшөөрөл, хөдөө аж ахуй их сургуулийн, эрдэм шинжилгээний байгууллагын сургалт зөвлөгөө мэдээллийг өгнө.
Мөн төмс хүнсний ногоо, жимс жимсгэнэ тариалахад зориулсан техник тоног төхөөрөмж, үрслэгээ суулгац, малын зохиомол хээлтүүлгийн талаар энэхүү нээлттэй хаалганы өдөрлөгийн үеэр сонирхох боломжтой хэмээн ХХААХҮЯ-наас мэдээллээ.
-
2017 оны 6 сарын 08
Монгол Улсын Ерөнхийлөгч, Зэвсэгт хүчний ерөнхий командлагчийн нэрэмжит тусгайлсан чиг үүрэг бүхий байгууллагуудын дунд зохиогддог Марш тактик тусгай бэлтгэлийн цогцолбор тэмцээн маргааш буюу 06 дугаар сарын 9-нд эхэлнэ.
Энэхүү тэмцээн нь тусгайлсан чиг үүрэг бүхий байгууллагуудын албан хаагчдын хувьд цэргийн бэлтгэл, сургуулилт, бие бялдар, сэтгэл зүйн тэсвэр тэвчээр, ур чадвар, авхаалж самбаа, бэлтгэл, бэлэн байдлыг шалгасан томоохон сорилт болдог. Тус тэмцээнд Онцгой байдлын албаа төлөөлөн оролцож байгаа баг тамирчдыг Онцгой байдлын ерөнхий газрын удирдлага хүлээн авч, хүндэтгэл үзүүлэн, бэлтгэл сургуулилтаа сайтар базааж, бэлтгэлээ хангаж байгаа баг тамирчиддаа баяр хүргэн тэмцээндээ амжилт гарган оролцохыг хүсэн ерөөж сэтгэлийн дэм, урам зориг хайрлалаа. Энэ удаагийн марш тактик-тусгай бэлтгэлийн цогцолбор тэмцээнд ОБЕГ-ын харьяа Аврах тусгай анги, Уул уурхайн аврах анги, Нийслэлийн Онцгой байдлын газар, Дархан-Уул, Дорноговь, Орхон, Өвөрхангай, Хэнтий, Хөвсгөл аймгийн Онцгой байдлын газар, хэлтэс, анги байгууллагаас 40 орчим тамирчин оролцож байна.
-
2017 оны 6 сарын 08
Нийслэлийн цагдаагийн газар, Нийслэлийн Аялал Жуулчлалын газар, Монголын Оюутны холбоо хамтран оюутан залуучуудыг гэмт хэрэг, зөрчлөөс урьдчилан сэргийлэх ажилд татан оролцуулах, аялал жуулчлалаар яваа гадаадын иргэдийн аюулгүй байдлыг хангах, жуулчдад аялал жуулчлал, соёлын үйлчилгээний мэдээлэл түгээх “Оюутан цагдаа” арга хэмжээг уламжлал болгон нийслэлийн хэмжээнд 4 дэх жилдээ зохион байгуулж байна.
Энэхүү арга хэмжээний хүрээнд нийслэл хотод гадаадын иргэд ихээр зорчдог, төвлөрдөг газруудад 30 оюутан цагдаа жуулчдад мэдээлэл сэрэмжлүүлэг, зөвлөгөө өгөх, хууль тогтоомжийг сурталчлах, гэмт хэрэг, зөрчлөөс урьдчилан сэргийлэх ажилд цагдаагийн байгууллагад дэмжлэг үзүүлж хамтран ажиллах юм.
-
2017 оны 6 сарын 08
Нийслэлийн цагдаагийн газраас алба хаагчдын сахилга, ёс зүйн байдалд дүн шинжилгээ хийх, сахилгын зөрчлийн шалтгаан нөхцөлийг тогтоох, арилгах, бууруулах, урьдчилан сэргийлэх, цаашид авч хэрэгжүүлэх арга хэмжээг тодорхойлох зорилгоор “Сахилгын зөвлөгөөн”-ийг өнөөдөр /2017.06.08/ Нийслэлийн Иргэний танхимд зохион байгууллаа.
Зөвлөгөөнд Цагдаагийн ерөнхий газрын даргын зөвлөлийн гишүүн Мөрдөн байцаах албаны дарга, цагдаагийн хурандаа Д.Наранбаатар, Нийслэлийн цагдаагийн газрын дарга болон даргын зөвлөлийн гишүүд, алба хаагчид оролцсон юм.
Энэ үеэр 2017 оны эхний 5 сарын байдлаар алба хаагчдын сахилга, ёс зүйн талаарх мэдээллийг Хяналт шалгалт, үнэлгээ, ёс журмын хэлтсийн дарга, цагдаагийн дэд хурандаа Г.Төгөлдөр танилцуулж, алба хаагчдын санал хүсэлтийг сонсож, сахилга ёс зүйн зөрчил, гарсан шалтгаан нөхцөлийг арилгах, дахин давтан гаргуулахгүй байх, бусад алба хаагчдыг энэ төрлийн зөрчил гаргахаас урьдчилан сэргийлэх зорилгоор Нийслэлийн цагдаагийн газрын бие бүрэлдэхүүнээс “Уриалга” гаргаж түүний мөрөөр тодорхой ажил, арга хэмжээг зохион байгуулж үр дүнг тооцож ажиллахаар боллоо.
НИЙСЛЭЛИЙН ЦАГДААГИЙН ГАЗРЫН АЛБА ХААГЧДААС ГАРГАСАН УРИАЛГА
-
2017 оны 6 сарын 08
Хүнс хөдөө аж ахуй хөнгөн үйлдвэрийн салбарын нээлттэй хаалганы өдөрлөг 2017 оны 06 дугаар сарын 9.10-ны өдрүүдэд Сүхбаатарын талбайд болно. Энэхүү нээлттэй хаалганы өдөрлөгөөс мал аж ахуй, газар тариалан, хүнс, хөнгөн, жижиг дунд үйлдвэрлэлийн бодлого, шинэ техник технологи, худалдаа үйлчилгээ, хуульзүйн зөвлөгөөг нэг дороос авах боломжтой юм. Тодруулбал, Хүнс, хөнгөн, жижиг дунд үйлдвэрлэл, мал аж ахуй, газар тариалангийн салбарт төрөөс үзүүлж байгаа бодлого, инновацийн бүтээгдэхүүний үзэсгэлэн, тариаланчдад үзүүлэх дэмжлэг, жижиг дунд үйлдвэрлэлийн зээлд хамрагдах боломж, тусгай зөвшөөрөл, хөдөө аж ахуй их сургуулийн, эрдэм шинжилгээний байгууллагын сургалт зөвлөгөө мэдээллийг өгнө.
Мөн төмс хүнсний ногоо, жимс жимсгэнэ тариалахад зориулсан техник тоног төхөөрөмж, үрслэгээ суулгац, малын зохиомол хээлтүүлгийн талаар энэхүү нээлттэй хаалганы өдөрлөгийн үеэр сонирхох боломжтой .
-
2017 оны 6 сарын 08
Нийслэлийн Эрүүгийн хэргийн давж заалдах шатны шүүхэд Г.Дэнзэн нарт холбогдох хэргийн шүүх хурал болж байна. Тус хуралдаанд илтгэгч шүүгчээр М.Пүрэвсүрэн, прокурор Н.Бадамцэцэг болон шүүгдэгчийн өмгөөлөгчид оролцож буй юм. Гэвч тус шүүх хуралд Г.Дэнзэнгийн өмгөөлөгчийг оролцуулсангүй.
-
2017 оны 6 сарын 08
Хүүхдийг осол гэмтлээс урьдчилан сэргийлэх чиглэлээр эцэг, эхчүүдэд өгөх зөвлөмж
-
2017 оны 6 сарын 08
“Улаанбаатар зам засвар, арчлалтын газар” ОНӨААТҮГ-ын Үйлдвэрлэлийн алба нь Авто замын хэвтээ тэмдэглэгээний ажлаа 2017 оны 05 дугаар сарын 17-ны өдрөөс эхлүүлэн ажиллаж байна. Уг ажлын хүрээнд Энхтайваны өргөн чөлөө Зүүн дөрвөн замаас Хөдөө Аж ахуйн яамны уулзвар хүртэл 399 метр авто замд хоёр талдаа 119,7м2 тэмдэглэгээг дөрөв буюу түүнээс олон эгнээнээр зорчдог замд тээврийн хэрэгслийн хөдөлгөөний эсрэг урсгалыг тусгаарлах үргэлж шугамыг стандартын дагуу тавьж гүйцэтгэлээ.
Баянзүрх дүүргийн Энхтайваны өргөн чөлөө, Хан-Уул дүүргийн Чингисийн өргөн чөлөөнд нийт 1337 м2 замд хийж гүйцэтгэсэн байна. Үүнд Баянзүрх дүүрэг, Офицеруудын ордоноос Жуковын музей хүртэл 174 м2 тасархай шугам, Офицеруудын тойрог Эскадрилын хөшөөг тойроод 52 м2 тасархай шугам, Энхтайваны гүүрнээс Яармагийн гүүр хүртэл 271 м2 үргэлж шугам, Яармагийн гүүр Станцын гэрлэн дохио хүртэл 2 талдаа тасархай зураас 264 м2, Станцын гэрлэн дохиотой уулзвараас “Мишээл” экспо хүртэл үргэлж шугам 274м2, “Мишээл” экспогоос “Улаанбаатар Цахилгаан Түгээх Сүлжээ” ХК хүртэл үргэлж шугам 302м2 нийт 1456,7 м2 хэвтээ тэмдэглэгээг стандарт техник шаардлагын дагуу тавьж гүйцэтгэлээ гэж Улаанбаатар зам засвар, арчлалтын газраас мэдээллээ.
-
2017 оны 6 сарын 08
Татварын ерөнхий газар, Гааль татвар санхүүгийн мэдээлэл технологийн төв УТҮГ болон Хэрэглэгчийн систем нийлүүлэгчидийн холбоо ТББ-ууд өнөөдөр Монгол Улсын нутаг дэвсгэрт үйл ажиллагаа явуулж байгаа бизнес эрхлэгч хувь хүн, хуулийн этгээдэд“Татварын ерөнхий хууль”, “Нэмэгдсэн өртгийн албан татварын тухай” хууль, “Нийслэл хотын албан татварын тухай” хуулийн хэрэгжилтийг хангахад дэмжлэг үзүүлж цахим төлбөрийн баримтын системийг боловсронгуй болгох замаар Нэмэгдсэн өртгийн албан татварын урамшууллын системийн төлбөрийн баримтын бүртгэлийг автоматжуулах, хэрэглэгчид хялбар системийн шийдлийг боловсруулан нэвтрүүлэх зорилгоор хамтын ажиллагааны санамж бичгийг үйлдэв
Санамж бичигт ТЕГ-ын даргын үүргийг түр орлон гүйцэтгэгч Б.Заяабал, ГТСМТТ-ийн УТҮГ-ын захирал Ц.Орхонтамир, ХСНХ ТББ-ын гүйцэтгэх захирал Ж.Баянмөнх нар гарын үсэг зурлаа.
Уг санамж бичгийн хүрээнд иргэдийн худалдан авалтын НӨАТ-ын цахим төлбөрийн баримтын бүртгэлийг автоматжуулж, цаасгүй цахим баримт олгох технологын шийдлийг боловсруулан нэвтрүүлэх юм. Энэхүү шийдэл нь бүх банкны картаар бэлэн бус гүйлгээ хийхэд худалдан авалтын НӨАТ-ын баримт автоматаар ebarimt.mn системд бүртгэгдэхээс гадна бүртгэлтэй мэйл хаягт цахимаар илгээгдэх юм.
Цаасгүй, цахим төлбөрийн баримтын үйлчилгээг Монголын програм хангамжийн салбарыг тэргүүлэгч тогтвортой үйл ажиллагаа явуулж буй 15 компани ”Хэрэглэгчийн систем нийлүүлэгчдийн холбоо”-нд нэгдэж өөрийн бүтээгдэхүүн үйлчилгээндээ ePOS карт уншигч төхөөрөмжийг нэвтрүүлэн хамтран ажиллаж байна.
“Хэрэглэгчийн Систем Нийлүүлэгчдийн Холбоо” ТББ нь Хэрэглэгчийн системийн нийлүүлэгчдийн бүтээгдэхүүнийг олон улсын болон Монгол улсын стандартад нийцэж буй эсэх шалгалтыг зохион байгуулах, нийлүүлэх эрх олгох, зөвлөгөө, мэдээллээр хангах зэрэг үйл ажиллагаа явуулдаг бөгөөд одоогийн байдлаар тус холбоонд НӨАТУС-ын ebarimt.mn сайтад бүртгэгдсэн 39.500 баримт хэвлэх цэгийн 50% буюу 20,000 хэрэглэгч бүхий Монголын програм хангамжийн салбарыг тэргүүлэн, тогтвортой үйл ажиллагаа явуулж буй 11 компани гишүүн байгууллагаар элсэж, төрийн болон төрийн бус байгууллага, аж ахуйн нэгжүүдтэй хамтран, тодорхой төслүүдийг санаачилж хэрэгжүүлэн ажиллаж байна.
-
2017 оны 6 сарын 08
Санхүүгийн зохицуулах хороо өчигдөр буюу 2017.6.07-ны Лхагва гаригт ээлжит хуралдаанаа хийлээ. Хуралдаанаар “Бага хээр ҮЦК”, “Бумбат шигтгээ ҮЦК”, Догсон ҮЦК”, “Превалент ҮЦК”, “Сэлэнгэ түмэн ҮЦК”, “Финанс линк групп ҮЦК” “Говийн ноён нуруу ҮЦК”, “Би Би Эс Эс ҮЦК”, “Зюс капитал ҮЦК”, “Эм Даблью Ти Эс ҮЦК” үнэт цаасны ХХК-ууд, мөн даатгалын хохирол үнэлэгч “Капитал Эстимэйт” ХХК болон “Ханбогд Зайсан”, “Дамба инвест” хадгаламж, зээлийн хоршоодын тусгай зөвшөөрлийг гурван сарын хугацаагаар түдгэлзүүллээ.
Үнэт цаасны компаниуд сүүлийн найман улиралд буюу хоёр жилийн хугацаанд ердөө 1-2 удаа тайлан өгсөн, ихэнх улиралд тайлан тэнцлээ ирүүлээгүй буюу үндсэн үйл ажиллагаагаа огт явуулахгүй байгаа юм. Даатгалын хохирол үнэлэгч компани тусгай зөвшөөрөл авснаасаа хойш буюу мөнхүү хоёр жилийн хугацаанд үндсэн үйл ажиллагаагаа явуулаагүй бол нэр бүхий хоёр хадгаламж, зээлийн хоршоо гурваас дээш улиралд зохистой харьцааны шалгуур үзүүлэлтийг хангаж ажиллаагүй, Хорооноос явуулсан газар дээрх шалгалтад хангалтгүй үнэлгээ авсан, нийслэлийн хоршоодод хийсэн нэгдсэн үзлэг шалгалтанд хамрагдаагүй зэрэг олон зөрчил, дутагдал гаргажээ.
Санхүүгийн үйл ажиллагаа бол тогтмол, байнгын үйл ажиллагаатай байх ёстой мэргэжлийн ажил юм. Хороо зохицуулалттай аж ахуйн нэгжүүдээ санхүүгийн болон мэргэжлийн өндөр чадвартай, харилцагчийн эрх ашигт нийцсэн тогтмол, найдвартай үйл ажиллагаатай байхыг шаардан, цаашид энэ талаар онцгой анхаарч ажиллах бодлого, зарчмыг баримтлан ажиллаж байна.
Мөн хуралдаанаар “Уран барилга” ХК-ийн хувьцааг тус компаний Хувьцаа эзэмшигчдийн хурлын шийдвэр, хүсэлтийн дагуу нийтэд санал болгохыг зөвшөөрсөн үнэт цаасны бүртгэлээс хаслаа. Анх 1973 онд “Түүх, соёлын дурсгалт зүйлийг сэргээн засварлах газар” нэртэй байгуулагдсан тус компани 2004 онд үндсэн үйлдвэрлэлээ бүрэн зогсоосон бөгөөд хувьцааныхаа дансыг Үнэт цаасны төвлөрсөн хадгаламжийн төв ХХК-д нээлгээгүй байна. Компаний хувьцаа 2016 оны зургадугаар сарын 8-ны өдрийн байдлаар хаалтын ханш нь 2200 төгрөг, зах зээлийн үнэлгээ нь 352.3 сая төгрөг байжээ. Нийт хувьцааны 76.47 хувийг дөрвөн хувьцаа эзэмшигч, 23.53 хувийг 904 хувьцаа эзэмшигч эзэмшиж байгаа юм. Тиймээс хувьцаа эзэмшигчид өөрийн эзэмшлийн хувьцааг эргүүлэн худалдан авахыг шаардах болон өөрт ноогдох ноогдол хувийн мөнгийг авахгүйгээр шинээр өөрчлөгдөн байгуулагдах ХХК-ийн хувьцаа эзэмшигчээр үлдэх эрхтэйг Хороо тогтоолдоо онцлон дурдаж, эдгээр эрхийг хувьцаа эзэмшигчдийн өөрсдийнх нь хүсэлтийн дагуу шийдвэрлэж ажиллахыг “Уран барилга” ХХК-д даалгалаа.
Түүнчлэн Хорооны ээлжит хуралдаанаар зарим банк бус санхүүгийн байгууллага, хадгаламж зээлийн хоршоонд шинээр болон нэмж тусгай зөвшөөрөл олгох асуудлуудыг хэлэлцэн шийдвэрлэв.
-
2017 оны 6 сарын 08
Амралт, зугаалгын цаг эхэлсэнтэй холбоотойгоор иргэд найз нөхөд, гэр бүлийхэнтэйгээ хөдөө аялал зугаалгаар явах нь ихэсч, үүнийг даган орон нутаг руу болон орон нутгаас нийслэл хотыг зорих тээврийн хэрэгсэл, иргэдийн тоо нэмэгдэж байна.
Хурд нь зам тээврийн осол, гэмтлийн үндсэн нэг шалтгаан юм. Ялангуяа, хэт болон зохисгүй хурд нь замын хөдөлгөөний мөргөлдөөн, зам тээврийн осол гэмтэл, нас баралтын гол эрсдэлт хүчин зүйл болж байна. “Хэт хурд” гэдэг нь тээврийн хэрэгсэл зөвшөөрөгдсөн хурдны хязгаараас давсан хурдтай байхыг хэлнэ. “Зохисгүй хурд” гэдэг нь тээврийн хэрэгслийн хурд тодорхой нэг зам, цаг агаар, замын ачааллын нөхцөлд тохироогүй ч, зөвшөөрөгдсөн хурдны хязгаараас даваагүй байхыг хэлж байгаа юм.
Дундаж хурд өссөнөөр, осол гэмтэл үүсэх магадлал мөн өснө. Тээврийн хэрэгслийн дундаж хурд 1 км/цагаар хасахад, осол гарах магадлал 4-5%-иар буурна. Өндөр хурдтай явж буй тээврийн хэрэгслийн урд болон хажуугийн суудалд зорчиж буй иргэд гэмтэх эрсдэлтэй боловч зам тээврийн ослын ноцтой хүндрэлүүд ихэнхдээ “эмзэг” бүлгийн хүмүүс буюу явган зорчигч, дугуй, мотоциклоор зорчиж буй иргэд, хүүхэд болон өндөр настангуудад тохиолддог байна.
Насанд хүрсэн явган зорчигч нь 50 км/цагаас доош хурдтай явж байгаа автомашинд мөргүүлэхэд нас барах магадлал 20% байдаг бол 80 км/цагийн хурдтай машинд мөргүүлэхэд, уг эрсдэл 60% хүртэл өсдөг гэсэн судалгаа байна.
Хурдад дараах хүчин зүйлсүүд нөлөөлдөг байна.
Тухайлбал: Замын хажууд тавигдсан хурдны хязгаарыг заасан самбаруудаас гадна жолоочийн нас, хүйс зэрэг нь хурдад нөлөө үзүүлдэг бөгөөд ихэнх улсад эрэгтэй ба залуу жолоочид хурд хэтрүүлэх тохиолдол түгээмэл буюу хурднаас үүдсэн зам тээврийн осолд тэдгээр хүмүүс илүү өртөмхий байдаг байна.
Бусад хүчин зүйлүүдэд жолоочийн цусан дахь согтууруулах ундааны хэмжээ, замын гадаргууны чанар болон тухайн тээврийн хэрэгслийн хурдны хязгаар гэх мэт хүчин зүйлс багтдаг байна.
Иймд эрхэм жолооч та хурдыг тогтоосон хязгаараас хэтрүүлэлгүй, тохирох хурдыг зөв сонгон хөдөлгөөндөө анхаарал болгоомжтой оролцоорой.
ГҮЙЖ ЯВАА ХҮН Л УНАДАГ, МӨЛХӨЖ ЯВАА ХҮН УНАДАГГҮЙ. ЖОЛООЧ ТА ХУРДАА БАЙНГА ХЯНАЖ ЯВААРАЙ.
-
2017 оны 6 сарын 08
Хөгжлийн банкны санхүүжилтээр он дамжин хэрэгжиж буй Орбитын уулзвараас Толгойтын эцэс Үйлдвэрчний эвлэлийн гудамж хүртэлх 3,6 км авто замын өргөтгөл шинэчлэлтийн ажлын хүрээнд 2017 оны 6 дугаар сарын 10-ны өдрийн 00:00 цагаас эхлэн 21-ний өдөр хүртэл Далангаас Бага наран хүртэлх 1,7 км авто замын зорчих хөдөлгөөнийг хязгаарлаж, хучилтын ажил хийхээр боллоо. Үүнтэй холбогдуулан Нийтийн тээврийн доорх 6 чиглэлд өөрчлөлт орж байна.
Ч:6 “Толгойт-Нарны зам-Ботаник” 18, 13 Үйлдвэрчний эвлэлийн гудамжаар ордог байсныг урдуураа Москвагийн гудамжаар оруулан Толгойтын эцэс дээр буцаж эргүүлэх,
Ч:16 “Баруун салаа-Далангийн зам- 10-р хороолол” 8,5 Далангийн замаар ордог байсныг чигээрээ Үйлдвэрчний эвлэлийн гудамж, Баянхошууны замаар оруулан Баруун салаа орохоор
Ч:22 “Шадивлан- Бөмбөгөр- Чингис Соосэ-Далангийн зам” 17,11 Далангийн замаар ордог байсныг Ханын материал дээр буцаж эргүүлэх
Ч:44 “Нарангийн гол-ТЭЦ-3- Дүнжингарав худалдааны төв” 12,9 Толгойтын гудамжаар Нарангийн гол ордог байсныг урдуураа Москвагийн гудамж, Нарангийн гудамж, Хүнсчдийн гудамжаар оруулан Нарангийн гол орох,
Ч:46 “Улаанчулуут- Их наран- Вокзал” 9,7 Толгойтын замаар Улаанчулуут ордог байсныг Чингис Соосэ дээр буцаж эргүүлэх,
Ч:57 “Улаанчулуут- Их наран- МУИС” 14,10 чиглэлийн замналд өөрчлөлт орох болно. Толгойтын замаар Улаанчулуут ордог байсныг Чингис Соосэ дээр буцаж эргүүлэх, Улаанчулуутаас Арвайн үндэс хүртэл богино эргэлтээр 1 тээврийн хэрэгсэл 20 минутын зайтай иргэдэд үйлчлэхээр төлөвлөлт хийгээд байна. Нийтийн тээврийн чиглэлтэй холбоотой санал хүсэлтээ 11-323176, 11-326352 дугаарын утсанд мэдэгдэж болно.
Замын хөдөлгөөнд хязгаарлалт хийсэнтэй холбоотой иргэд, жолооч нарыг хурд хэтрүүлэлгүй замын хөдөлгөөнд соёлтой оролцохыг Замын цагдаагийн албанаас анхаарууллаа гэж Нийслэлийн Авто замын хөгжлийн газраас мэдээллээ.
-
2017 оны 6 сарын 08
БНХАУ-ын төрийн зөвлөлийн мэдээний захиргаанаас зохион байгуулсан “БНХАУ-ын Инновацийн хөгжилд анхаарлаа хандуулъя” сэдэвт Монгол Улсын сэтгүүлчдийн Хятад дахь айчлалын үеэр Нинбо хотыг зорьж, тус хотын инновацийн хөгжлийг үзэж сонирхон, “Нэг бүс нэг зам”-ийн гол зангилаа болсон Нинбогийн Жөүшан усан боомтын үйл ажиллагаатай танилцсан юм. Тэгвэл бид энэ удаа дэлхийн дөрөв дэх том боомт болох Жөүшан боомтын талаарх мэдээллийг хүргэж байна.
-
2017 оны 6 сарын 08
Өчигдөр буюу 6-р сарын 7-ны өдөр Баянгол дүүргийн 6-р хорооны нутаг дэвсгэр, орон сууцны арын далан дээр нас барсан хүн байна гэх дуудлага цагдаагийн байгууллагад иржээ.
-
2017 оны 6 сарын 08
2017 оны 06 дугаар сарын 07-ны Лхагва гарагт цагдаагийн байгууллагаас гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 32 жолоочийг илрүүлэн саатуулж ажилалаа.
Замын цагдаагийн албаны ЖШУХ дээр нийт 317 дуудлага, мэдээ мэдээлэл хүлээн авснаас, зам тээврийн ослын 239 дуудлага бүртгэгдсэн бөгөөд осол, хэргийн улмаас 7 хүн хүнд, хөнгөн байдлаар гэмтсэний 3 нь хүүхэд бүртгэгдсэн. Ослын шалтгаан, хэлбэрээр нь авч үзвэл явган зорчигч мөргөж гэмтээсэн 7, мөргөлдсөн 5 осол, унадаг дугуй, мотоцикль, мопедтой холбоотой осол 1 тус тус бүртгэгдсэнийг ЗЦА-ны Гэмт хэрэгтэй тэмцэх хэлтэст шалгаж байна.
Улсын болон орон нутгийн чанартай автозамд онхолдох хэлбэрээр 2 зам тээврийн осол гарч, 2 хүний амь нас хохирсон харамсалтай хэрэг гарсан байна.
Тухайлбал:
1. БЗД-ийн нутаг БХИС-ын баруун туслах замд H.Sonata-3 маркийн автомашины жолооч Б нь унадаг дугуйтай 13 настай Т-г мөргөж гэмтээсэн.
Орон нутагт:
1. Булган аймгийн Рашаант сумын нутаг “Үнэгт” гэх газар асфальтан замд T.Ist маркийн Ц жолоочтой автомашин онхолдож, зорчигч 25 настай Г-н амь нас хохирсон.
Амралт, зугаалгын цаг эхэлсэнтэй холбоотойгоор иргэд найз нөхөд, гэр бүлийхэнтэйгээ хөдөө аялал зугаалгаар явах нь ихэсч, үүнийг даган орон нутаг руу болон орон нутгаас нийслэл хотыг зорих тээврийн хэрэгсэл, иргэдийн тоо нэмэгдэж байна.
Хурд нь зам тээврийн осол, гэмтлийн үндсэн нэг шалтгаан юм. Ялангуяа, хэт болон зохисгүй хурд нь замын хөдөлгөөний мөргөлдөөн, зам тээврийн осол гэмтэл, нас баралтын гол эрсдэлт хүчин зүйл болж байна. “Хэт хурд” гэдэг нь тээврийн хэрэгсэл зөвшөөрөгдсөн хурдны хязгаараас давсан хурдтай байхыг хэлнэ. “Зохисгүй хурд” гэдэг нь тээврийн хэрэгслийн хурд тодорхой нэг зам, цаг агаар, замын ачааллын нөхцөлд тохироогүй ч, зөвшөөрөгдсөн хурдны хязгаараас даваагүй байхыг хэлж байгаа юм.
Дундаж хурд өссөнөөр, осол гэмтэл үүсэх магадлал мөн өснө. Тээврийн хэрэгслийн дундаж хурд 1 км/цагаар хасахад, осол гарах магадлал 4-5%-иар буурна. Өндөр хурдтай явж буй тээврийн хэрэгслийн урд болон хажуугийн суудалд зорчиж буй иргэд гэмтэх эрсдэлтэй боловч зам тээврийн ослын ноцтой хүндрэлүүд ихэнхдээ “эмзэг” бүлгийн хүмүүс буюу явган зорчигч, дугуй, мотоциклоор зорчиж буй иргэд, хүүхэд болон өндөр настангуудад тохиолддог байна.
Насанд хүрсэн явган зорчигч нь 50 км/цагаас доош хурдтай явж байгаа автомашинд мөргүүлэхэд нас барах магадлал 20% байдаг бол 80 км/цагийн хурдтай машинд мөргүүлэхэд, уг эрсдэл 60% хүртэл өсдөг гэсэн судалгаа байна.
Хурдад дараах хүчин зүйлсүүд нөлөөлдөг байна. Тухайлбал: Замын хажууд тавигдсан хурдны хязгаарыг заасан самбаруудаас гадна жолоочийн нас, хүйс зэрэг нь хурдад нөлөө үзүүлдэг бөгөөд ихэнх улсад эрэгтэй ба залуу жолоочид хурд хэтрүүлэх тохиолдол түгээмэл буюу хурднаас үүдсэн зам тээврийн осолд тэдгээр хүмүүс илүү өртөмхий байдаг байна. Бусад хүчин зүйлүүдэд жолоочийн цусан дахь согтууруулах ундааны хэмжээ, замын гадаргууны чанар болон тухайн тээврийн хэрэгслийн хурдны хязгаар гэх мэт хүчин зүйлс багтдаг байна.
Иймд эрхэм жолооч та хурдыг тогтоосон хязгаараас хэтрүүлэлгүй, тохирох хурдыг зөв сонгон хөдөлгөөндөө анхаарал болгоомжтой оролцоорой.
-
2017 оны 6 сарын 08
2017 он гарсаар улсын хэмжээнд ой, хээрийн түймэр нийслэлд 10, 12 аймгийн 42 суманд 69 удаа, нийт 79 удаа гарсан байна. Өнөөдрийн байдлаар Сэлэнгэ, Төв, Хөвсгөл аймаг, Нийслэлийн Байнзүрх дүүрэгт гарсан ойн түймрийг цурманд оруулсан, бүрэн унтраахаар ажиллаж байна. Харин Булган аймгийн Хутаг-Өндөр суманд гарсан түймрийг бүрэн унтраасан байна.
Тухайлбал, Сэлэнгэ аймгийн Ерөө сум, Төв аймгийн Эрдэнэ сумын зааг “Арцат” уулын орчим гарсан ойн түймэрт /2017.05.17/ ОБЕГ-ын харьяа Аврах тусгай ангийн 12 албан хаагч, Мандал суман дах Онцгой байдлын хэлтсийн 26 албан хаагч, Дархан –Уул аймгийн Онцгой байдлын газрын 21 албан хаагч, Хан Хэнтийн тусгай хамгаалалтын газрын 6 ажилтан, орон нутгийн 26 иргэн, нийт 91 хүн ажиллаж 2017 оны 06 дугаар сарын 07-нд цурманд орууллаа.
Мөн Хөвсгөл аймгийн Цагаан-ҮҮр сумын Уйлган багийн “Барсага” гэдэг газар /2017.05.27/ гарсан ойн түймэрт тус аймгийн Онцгой байдлын газрын 12 албан хаагч, орон нутгийн 25 иргэн, нийт 37 хүн ажиллаж 2017.05.31-ний өдөр цурманд оруулсан.
Нийслэлийн Баянзүрх дүүргийн 11 дүгээр хороо, Богдхан уулсын “Залаатын ам” гэдэг газар /2017.06.05/ ойн түймэр гарч Нийслэлийн Онцгой байдлын газрын Аврах анги, Гал түймэр унтраах, аврах 63, 35 дугаар ангиудын 45 албан хаагч, Богдхан уулын дархан цаазат газрын хамгаалалтын захиргааны 7 ажилтан, орон нутгийн 12 иргэн, нийт 64 хүн ажиллаж, түймрийг 06 дугаар сарын 05-ны өдөр цурманд оруулсан.
Булган аймгийн Хутаг-Өндөр сумын Хантай багийн “Тасархай нугын Сагалдраг” гэдэг газар /2017.05.27/ гарсан түймрийг тус аймгийн Онцгой байдлын газрын 20 албан хаагч, орон нутгийн 51 иргэн, нийт 71 хүн ажиллаж, 2017 оны 06 дугаар 07-ны 18:45 цагт бүрэн унтрааж орон нутагт хүлээлгэн өгөөд байна.
Цаг агаар халж, хур тунадас бага, хуурайшилтын зэрэглэл өндөр байгаа энэ үед иргэд та бүхэн амралт, аялал зугаалгаар явахдаа, ногоон бүсэд зорчихдоо ил задгай гал түлэхгүй байх, асаасан гал, шүдэнз, тамхины галыг бүрэн унтраах, халуун үнс нурамыг ил задгай асгахгүй байж ой, хээрийн түймрээс урьдчилан сэргийлэхийг Онцгой байдлын ерөнхий газраас анхааруулж байна.
