-
2017 оны 6 сарын 13
Монгол Улсаас албадан гаргагдсан гадаад иргэдийн гаргасан зөрчлийн 47.2 хувийг Монгол Улсад оршин суух зөвшөөрлийн хугацаагаа хэтрүүлсэн зөрчил, 27.7 хувийг эрх бүхий байгууллагын зөвшөөрөлгүй хууль бусаар хөдөлмөр эрхэлсэн, ирсэн зорилгоосоо өөр үйл ажиллагаа явуулсан, 12.8 хувийг Монгол Улсад байх визийн хугацаа хэтрүүлсэн, 6.7 хувийг виз, бүртгэлийн журмыг жилд 2 удаа зөрчиж, Гадаадын иргэний эрх зүйн байдлын тухай хуульд заасан хариуцлага хүлээсэн зөрчил, 5.4 хувийг бусад зөрчлүүд эзэлж байна.
Албадан гаргасан гадаадын иргэдийг иргэний харьяаллаар нь авч үзвэл 54 хувийг БНХАУ, 15.5 хувийг БНАСАУ, 6 хувийг БНСВУ, 4.7 хувийг ОХУ, 19.5 хувийг бусад улсын иргэд эзэлж байна.
Сүүлийн 3 жилийн байдлаар Монгол Улсаас албадан гаргагдсан гадаадын иргэдийг эхний хагас жилийн тоон үзүүлэлтээр харьцуулбал 2015 онд 18 орны 188 иргэнийг, 2016 онд 25 орны 313 иргэнийг тус тус албадан гаргажээ. Харин 2017 оны эхний хагас жилд 148 гадаадын иргэнийг албадан гаргасан байна.
2017 оны эхний хагас жилд албадан гаргасан гадаадын иргэдийн тоог 2015 оны мөн үетэй харьцуулахад 27 хувиар, 2016 оны мөн үетэй харьцуулахад 111.4 хувиар тус тус буурсан байна.
Ийнхүү буурах болсон шалтгаан нь гадаадын хөрөнгө оруулалт буурсан, эдийн засгийн нөхцөл байдал хүндэрсэнтэй холбоотойгоор гадаадын иргэдийн Монгол Улсад зорчих хөдөлгөөн багассанаас гадна сүүлийн үед хил дээрх хяналт шалгалт сайжирч зөрчилтэй иргэдийг хил дээрээс буцаах, хяналт шалгалт явуулж, иргэдэд хууль эрх зүйн зөвлөгөө мэдээлэл өгөх, аливаа зөрчлөөс урьдчилан сэргийлэх ажлыг тогтмол зохион байгуулж буйтай холбоотой аж. Түүнчлэн хууль эрх зүйн орчин сайжирч, гадаадын иргэдийн Монгол Улсын хууль тогтоомжийг дагаж мөрдөх ухамсар дээшилсэн байна.
-
2017 оны 6 сарын 13
Нийслэлийн Засаг даргын 2016-2020 оны үйл ажиллагааны мөрийн хөтөлбөрт “Иргэд, аж ахуйн нэгж, байгууллагуудаас сургууль, цэцэрлэг байгуулах үйл ажиллагааг дэмжиж, сургууль цэцэрлэгийн хүртээмж, хамрагдалтыг нэмэгдүүлнэ” гэж заасан байдаг. Энэ жилийн хувьд нийт 73 иргэн, аж ахуйн нэгжээс сургалт эрхлэх тусгай зөвшөөрөл хүссэн байна. Нийслэлийн Засаг даргын орлогч Ш.Анхмаагаар ахлуулсан ажлын хэсгийн дүгнэлтийг үндэслэн нийслэлийн Засаг дарга С.Батболд барилгын норм дүрэм, сургалтын орчны стандарт, эрүүл ахуйн шаардлагыг хангасан 35 цэцэрлэг, 11 сургуульд сургалт эрхлэх тусгай зөвшөөрөл олгох захирамж гаргажээ. Нийслэлийн Засаг даргын орлогч Ш.Анхмаа өнөөдөр дээрх 35 цэцэрлэг, 11 сургуулийн удирдлагуудад тусгай зөвшөөрлийн гэрчилгээг гардуулан өгөв.
“Та бүхний үүрэг оролцоотойгоор энэ жил нийслэлийн хэмжээнд цэцэрлэгийн хүүхдийн хүчин чадал 2536, сургуулийн суудлын тоо 3464-өөр нэмэгдлээ. Улс, эх орны ирээдүй болсон бяцхан үрсээ асран хамгаалах, сурган хүмүүжүүлэх нэр төртэй ажлыг өндөр хариуцлагатайгаар биелүүлнэ гэдэгт итгэж байна. Боловсролын салбарт хүчин зүтгэхээр сэтгэл шулуудан үйл ажиллагаагаа зориглон эхлүүлж буй та бүхэнд ажлын амжилт хүсье” хэмээн нийслэлийн Засаг даргын орлогч Ш.Анхмаа энэ үеэр хэлсэн юм.
Мөн тэрбээр “Нийслэлийн хэмжээнд өнөөдрийн байдлаар гурван ээлжээр хичээллэдэг 34 сургууль байдаг. Мөн цэцэрлэгүүд хоёр дахин илүү ачаалалтай ажиллаж байгаа. Энэ мэтчилэн олон тулгамдсан асуудлыг шийдвэрлэхэд хувийн хэвшлийнхний оролцоо маш чухал” гэдгийг онцолж байлаа гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 6 сарын 13
Улсын онцгой комиссын ажлын хэсэг Сүхбаатар аймгийн Мөнххаан, Баруун-Урт, Асгат, Дарьганга, Эрдэнэцагаан сум, Бичигт олон улсын худалдааны боомтонд ажиллаж, аймгийн Онцгой комиссыг хуралдуулсан байна.
Тус аймагт мал, амьтны гоц халдварт өвчин энэ оны 01 дүгээр сарын 24-нд гарч, улмаар 04 дүгээр сард хорио цээрийн дэглэмийг цуцалсан. Гэвч Дарьганга, Түвшинширээ суманд вакцин тарьсан малаас дахиж өвчний сэжигтэй тохиолдол илэрсэн. Түвшинширээ суманд хорио цээрийн дэглэм үргэлжиж байна. Уг өвчнөөр нийт 9 сумын 28 голомтод 2932 мал өвчний ил шинж тэмдэгтэйгээр өвчилснөөс 2800 малыг зориудаар устгасан байна.
Аймгийн Хүнс, хөдөө аж ахуйн газрын мэдээлж байгаагаар нийт 2,7 сая малыг вакцинжуулсан нь 96,7 хувьтай байна. Аймгийн Засаг даргын нөөц хөрөнгөөс шүлхий өвчинтэй тэмцэхэд 176 сая төгрөг зарцуулжээ.
Сүхбаатар аймагт Засгийн газрын 2016 оны 163, 2017 оны 08, 55, 56 дугаар тогтоолоор хуваарилсан нийт 238,6 сая төгрөгийн өвс, тэжээл, 4 автомашин, малын эм биобэлдмэл, мөнгөн хөрөнгийг зориулалтын дагуу зарцуулж, хяналт тавьж ажилласан аж.
Мөн хээрийн түймрээс урьдчилан сэргийлэх ажлын хүрээнд төрийн байгууллагууд, хуулийн этгээдийн бэлэн байдлыг хангуулж, Засаг даргын нэрэмжит үзлэг, шалгалтыг явуулж, сургалт зохион байгуулав. Онцгой байдлын ерөнхий газраас ирүүлсэн 70 ширхэг үлээгч аппарат, Шилийн гол аймгийн Ойн шугуйн албанаас өгсөн 20 ширхэг аппаратыг нөөцөд нийлүүлсэн. Масс мессежээр 3700 хүнд сэрэмжлүүлэг мэдээлэл хүргэж, нүүрсний болон ашигт малтмалын уурхайнуудад түймрээс хамгаалах шороон даланг босгуулах ажлыг хийлгүүлж, хяналт тавин ажиллаж байна. Аймгийн хэмжээнд нийт 16 бүлэг, 150 албан хаагч, 13 автомашиныг томилгоожуулжээ.
Тус аймагт 1,3 сая хээлтэгч мал байдгаас одоогийн байдлаар 82,3 хувь буюу 1,1 сая хээлтэгч төллөж 1,1 сая төл бойжиж байна. Нийт нутгаар зуншлага хэвийн байна.
Улсын онцгой комиссын Ажлын хэсэг иргэдээс ирүүлсэн гомдлын дагуу 6 дугаар сарын 6-7-ны өдрүүдэд Сүхбаатар аймгийн Эрдэнэцагаан суманд байрлах Бичигт авто замын шалган нэвтрүүлэх боомтод очиж, хилээр өвс экспортолж буй үйл ажиллагаатай танилцав.
Шилийн гол аймагт ажиллах үеэр Улсын онцгой комиссын нарийн бичгийн дарга, хурандаа М.Энх-Амар, Сүхбаатар аймгийн Онцгой байдлын газрын дарга, хурандаа Т.Энхбаатар нар Эрдэнэцагаан сум дахь Гал түймэр унтраах, аврах 47 дугаар ангийн барилга байгууламжийг барих санхүүгийн асуудлыг шийдвэрлүүлэх асуудлаар Шилийн гол аймгийн Зүүн үзэмчин хошууны орлогч дарга н.Алтансүх, Ойн шугуйн албаны дарга н.Баатар нартай уулзав.
БНХАУ-ын зүгээс, Гал түймэр унтраах, аврах ангийн барилгыг барих, бараа, материал, техник, тоног төхөөрөмжийн тусламж үзүүлэх боломжтойгоо илэрхийлсэн байна.
Аймгийн Онцгой комиссоос мал, амьтны гоц халдварт өвчинтэй тэмцэх зардалд шаардагдах нийт 2,0 тэрбум гаруй төгрөг, Дарьганга сумын Засаг даргын тамгын газарт 1 автомашин, Эрдэнэцагаан суманд тохиолдсон хүчтэй шуурганы улмаас орон гэргүй болсон 5 өрхөд улсын нөөцөөс 5 гэр олгох, Эрдэнэцагаан сумын Засаг даргын тамгын газрын автомашины гүйлтийн норм дууссан тул гамшгийн үед дайчлагдан ажиллуулах, иргэдэд төрийн үйлчилгээг шуурхай хүргэх зорилгоор 1 фургон автомашин олгох, Хилийн цэргийн 0146 дугаар ангиас шүлхийн үеэр постод хэрэглэхээр аваад дахин ашиглах боломжгүй болсон 14х6 хэмжээтэй майхны зардлын асуудлыг шийдвэрлэх хүсэлтийг Улсын онцгой комисст тавьсан байна гэж Онцгой байдлын ерөнхий газраас мэдээллээ.
-
2017 оны 6 сарын 13
Нийслэлийн нийгмийн хөгжил хариуцсан төслүүдийн удирдагч- Нийслэлийн Засаг даргын орлогч Ш.Анхмаагийн ахалсан 72 сургууль, цэцэрлэг болон бага сургууль цэцэрлэгийн цогцолборын барилгын ажилтай холбоотой шуурхай ажлын хэсэг өнөөдөр хуралдлаа. Шуурхай хуралд Үндэсний хөгжлийн газрын дарга Б.Баярсайхан, Нийслэлийн Засаг даргын Тамгын газрын Нийгмийн бодлогын хэлтсийн дарга М.Эрдэнэжаргал, Нийслэлийн Боловсролын газрын дарга Ж.Гантулга, Нийслэлийн Хөрөнгө оруулалтын газар ОНӨҮГ-ын орлогч дарга А.Хаянхярваа, Нийслэлийн Газрын албаны орлогч Д.Нямдаваа болон Нийслэлийн Хот төлөвлөлт ерөнхий төлөвлөгөөний газрын Хот төлөвлөлтийн ахлах мэргэжилтэн Д.Хан-Уул болон гүйцэтгэгч компанийн төлөөлөл оролцлоо.
Монгол Улсын Засгийн газрын 2013 оны 317 дугаар тогтоолоор Улсын төсвийн концессоор нийслэл хотод 72 бага сургууль, цэцэрлэгийн цогцолборыг барихаар шийдвэрлэсэн байдаг. Энэхүү бага сургууль, цэцэрлэгийн цогцолбор барих төслийг хэрэгжүүлэгчээр “Рич голден буллс эдукэшн” ХХК шалгаран ажиллаж байгаа юм. Тус компани өнөөг хүртэл 15 бага сургууль, цэцэрлэгийн цогцолборын барилга угсралтын ажлыг 5-70 хувийн гүйцэтгэлтэй үргэлжлүүлж байна. Дээрх үргэлжлэн баригдаж байгаа 15 бага сургууль, цэцэрлэгийн цогцолборын барилгыг ирэх аравдугаар сарын 1-нд ашиглалтад оруулах бөгөөд нэмж 15 бага сургууль, цэцэрлэгийн цогцолборын барилгын ажлыг энэ онд эхлүүлэхээр төлөвлөж байгаа аж
Нийслэлийн Засаг даргын орлогч Ш.Анхмаа шинээр баригдах 15 бага сургууль, цэцэрлэгийн цогцолборын байршлыг судалж, яаралтай дүгнэлт гаргахыг Нийслэлийн Хот төлөвлөлт, ерөнхий төлөвлөгөөний газарт, газрын байршилтай холбоотой асуудлыг шийдвэрлэн Нийслэлийн Засаг даргын захирамж гаргуулан шийдвэрлэхийг Нийслэлийн Газрын албанд, байршлын судалгаа болон бусад байдалд хяналт тавьж ажиллахыг Нийслэлийн Боловсролын газарт, газар чөлөөлөлт болон бусад тусгагдаагүй зардлын асуудлыг төлөвлөгөөндөө тусган ажиллахыг Нийслэлийн Хөрөнгө оруулалтын газарт үүрэг болголоо. Мөн эхний ээлжинд баригдаж буй 15 барилгын ажлыг хугацаандаа багтаан хүлээлгэн өгөх, шинээр баригдах 15 барилгын ажлын зураг төсөвт нөхцөл байдалтай уялдуулан өөрчлөлт хийхийг “Рич голден буллс эдукэшн” ХХК-д даалгасан юм.
Нийслэлийн Засаг даргын 2016-2020 оны мөрийн хөтөлбөрт сургуулийн өмнөх боловсролд хамрагдалтыг 70 байсныг 85 хувьд хүргэх, гурван ээлжээр хичээллэж буй 33 ерөнхий боловсролын сургуулийг хоёр ээлжид шилжүүлэхээр тусгасан. Энэ онд дээрх 30 бага сургууль, цэцэрлэгийн цогцолбор барих төсөл хэрэгжсэнээр ерөнхий боловсролын сургуулийн суудлын тоог 4800, цэцэрлэгийн хүүхдийн суудлын тоог 3600-аар тус тус нэмэгдэх юм байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 6 сарын 13
Нийслэлийн Засаг даргын санаачлагаар Сөүлийн гудамжийг автомашингүй, шөнийн гэрэлт гудамж болгон тохижуулсан билээ. Хамгийн харамсалтай нь гоё нэртэй ч голоо цохьсон хэдэн гэрэлтэй, хав харанхуй газар байсныг харсан иргэдэд үнэндээ хэлэх үг олдоогүй.
-
2017 оны 6 сарын 13
09.00 цагт “Blue sky” зочид буудалд Европын Сэргээн Босголт Хөгжлийн Банкнаас ”Хандивлагчдын зохицуулах уулзалт” зохион байгуулна.
-
2017 оны 6 сарын 12
2017 оны 06 дугаар сарын 07-ны өдрийн Нийслэлийн Иргэдийн төлөөлөгчдийн хурлын тэргүүлэгчдийн хурлаар “Нийслэлийн эрүүл мэнд” дэд хөтөлбөрийг хэлэлцэн баталлаа. Тус дэд хөтөлбөр нь нийслэлийн эрүүл мэндийн салбарыг дунд хугацаанд хөгжлийн нэгдсэн бодлогоор хангах анхны баримт бичиг юм.
Монгол Улсын Тогтвортой хөгжлийн бодлого-2030, Төрөөс эрүүл мэндийн талаар баримтлах бодлого, Монгол Улсын Засгийн газрын болон Нийслэлийн Засаг дарга бөгөөд Улаанбаатар хотын захирагчийн 2016-2020 оны үйл ажиллагааны хөтөлбөр, үндэсний бусад бодлого, эрх зүйн баримт бичигт тусгагдсан эрүүл мэндийн зорилтыг тус хөтөлбөрийн хүрээнд хэрэгжүүлж, нийслэлд тулгамдаж буй эрүүл мэндийн асуудлыг шийдвэрлэнэ.
“Нийслэлийн эрүүл мэнд” дэд хөтөлбөрийн хүрээнд нийгмийн эрүүл мэндийн чиглэлээр олон асуудал төлөвлөснөөс эхнээсээ хэрэгжиж эхлээд байна.
Үүнд:
- БЗДХ,ХДХВ,ДОХ, сүрьеэгийн тусламж, үйлчилгээний чанар, хүртээмжийг сайжруулах зорилгоор “Сүрьеэ, БЗДХ-ыг бууруулахад салбар дундын оролцоо” сэдэвт зөвлөлдөх уулзалтыг нийслэл, дүүргийн засаг даргын холбогдох хэлтсийн удирдах ажилтны дунд зохион байгуулж, гарсан зөвлөмжийг хэрэгжүүлэн ажиллаж байна.
- Халдварт өвчний дотор сүрьеэ өвчний идэвхитэй илрүүлэг, эмчилгээний хамрагдалтыг нэмэгдүүлэх чиглэлээр “Сүрьеэгүй Улаанбаатар” төслийг хэрэгжүүлэхээр төлөвлөж, Хан-Уул дүүргээс эхэлсэн бөгөөд цаашид нийт дүүрэгт үргэлжлэх юм.
- Койка олон улсын байгууллагатай хамтран Чингэлтэй дүүрэгт зорилтот бүлгийн 12000 орчим иргэдэд сүрьеэгийн идэвхитэй илрүүлэг үзлэг хийж, өвчтэй илэрсэн хүмүүсийг хяналтанд авч, эмчилж эхэлсэн. Монголын Улаан загалмайн нийгэмлэгтэй хамтран орон гэргүй 900 хүнд сүрьеэгийн илрүүлэг үзлэг хийж, өвчтэй илэрсэн хүмүүсийг хяналтанд авч, эмчилж эхлээд байна.
-
2017 оны 6 сарын 12
С.Зоригийн амь насыг хөнөөсөн гэх хэргээр Содномдаржаа, Ц.Амгаланбаатар, Т.Чимгээ нар анхан болон давж заалдах шатны шүүхээс 24-25 жилийн хорих ял сонсоод байгаа билээ.
-
2017 оны 6 сарын 12
Нийслэлийн Засаг даргын “Хүүхдийн зуслангийн талаар авах зарим арга хэмжээний тухай” 2017 оны 05-р сарын 19-ны А/321 дүгээр захирамжийн хүрээнд хүүхдийн зуслангийн үйл ажиллагаанд хяналт шалгалт хийх ажлын хэсэг байгуулагдан батлагдсан удирдамжийн дагуу Хүүхдийн зуслангийн ерөнхий шаардлага Монгол улсын MNS5633:2013 стандартын хэрэгжилтэнд 2017 оны 06-р сарын 05-ны өдрөөс 06-р сарын 08-ны өдрийг хүртэл нийт 24 хүүхдийн зусланд хяналт шалгалт хийсэн.
Ажлын хэсгийн бүрэлдэхүүнд Нийслэлийн Засаг даргын Тамгын газар, Нийслэлийн Мэргэжлийн хяналтын газар, Нийслэлийн Онцгой байдлын газар, Нийслэлийн Эрүүл мэндийн газар, Нийслэлийн Цагдаагийн газар, Нийслэлийн Хүүхэд, гэр бүлийн хөгжлийн газар зэрэг мэргэжлийн 6 байгууллага нийслэлийн ногоон бүсийн 3 чиглэлд ажилласан.
Нийслэлийн ядуурлыг бууруулах, хөдөлмөр эрхлэлтийн асуудал хариуцсан төслүүдийн удирдагч-Нийслэлийн Засаг даргын орлогч Д.Энхтөр даргаар удирдуулсан ажлын хэсэг 2017 оны 06-р сарын 12-ны өдөр хуралдаж хүүхдийн зусланд хийгдсэн хяналт шалгалтыг дүгнэн хэлэлцэж хүүхдийн 20 зуслангийн үйл ажиллагааг эхлүүлэх боллоо.
Ажлын хэсэг нийт зуслангуудад зөвлөмж, шаардлагатай зуслангуудад хугацаатай албан шаардлага хүргүүлж гүйцэтгэлийн шалгалтыг 2017 оны 07-р сарын эхээр хийхээр боллоо гэж Нийслэлийн хүүхэд гэр бүлийн хөгжлийн газраас мэдээллээ.
-
2017 оны 6 сарын 12
Улаанбаатар цахилгаан түгээх сүлжээ ТӨХК нь нийслэлийн 8 дүүрэг, Төв аймгийн 16 сумын нутаг дэвсгэр дэх 350 мянга гаруй хэрэглэгч буюу Монгол Улсын нийт хүн амын 50 орчим хувийг цахилгаан эрчим хүчээр хангах үйл ажиллагаа эрхэлдгээрээ эрчим хүчний дотоодын зах зээлд томоохон байр суурийг эзэлдэг, 85 жилийн түүхтэй, салбарын ууган компаниудын нэг юм.
Тиймээс ч Эрчим хүчний яамнаас нийслэлд зохион байгуулж буй эрчим хүчний салбарын “Нээлттэй хаалганы өдөрлөг”-т онцгой ач холбогдол өгч, өргөн бүрэлдэхүүнээр оролцоно.
УБЦТС ТӨХК-ийн хэрэглэгчид Сүхбаатарын талбайд байрлаж буй нэг цэгийн үйлчилгээний асраас 6 дугаар сарын 12, 13-ны өдрүүдэд 15 нэр төрлийн үйлчилгээг авахаас гадна сүүлийн жилүүдэд үйл ажиллагаандаа шинээр нэвтрүүлээд байгаа цахим үйлчилгээний http://my.tog.mn, түгээх сүлжээний өгөгдлийн менежментийн Arc GISсистемүүдтэй танилцах боломжтой.
Талбай дээрээс шууд үзүүлэх үйлчилгээний нэрс:
· http://my.tog.mnхэрхэн ашиглах тухай зөвлөгөө, мэдээлэл
· Цахилгаан хэрэглээндээ хэрхэн хяналт тавих талаар зөвлөгөө
· Гэрээний мэдээлэл шинэчлэнэ
· Тоолуурын заалт шалгах хүсэлт хүлээн авна
· Цахилгааны төлбөр хураана (᠌пос машин)
· Цахилгаан эрчим хүчний болон бусад үйлчилгээний үнэ тарифын мэдээлэл
· Орон сууцны борлуулалтыг хүлээлгэж өгөхөд шаардлагатай мэдээлэл, зөвлөгөө
· Ажлын захиалга хүлээн авна
· Санал хүсэлт, өргөдөл хүлээн авна
· Тоолуурын баталгаажуулалтын тухай мэдээлэл, зөвлөгөө
· Тоолуурын заалтыг хэрхэн авдаг тухай мэдээлэл
· Цахилгаан хэмнэх энгийн аргууд
· Техникийн нөхцөлийн тухай мэдээлэл, зөвлөгөө өгч, хүсэлт хүлээн авна
· Гэрэлгүй, хүчдэлийн уналттай айл өрхийн хүсэлтийг хүлээн авч, холбогдох мэдээллийг өгнө
· Дэд станц, цахилгаан дамжуулах шугамыг ашиглалтад хүлээн авах, сүлжээнд залгах, өмчлөл шилжүүлэхтэй холбоотой мэдээлэл, зөвлөгөө
-
2017 оны 6 сарын 12
Хөвсгөл аймгийн Мэргэжлийн хяналтын газраас Хөвсгөл нуурын усанд гэдэсний эмгэг төрөгч нян байгааг илрүүлжээ. Лабораторийн нян судлалын шинжилгээний
-
2017 оны 6 сарын 12
Ц.Дуламсүрэн: Богдхан ууланд гарсан түймэр иргэдийн дутуу унтраасан тамхи, шүдэнзнээс үүдэлтэй
Сүүлийн өдрүүдэд Богдхан ууланд олон удаагийн гал түймэр гарч, багагүй хохирол учраад буй. Тиймээс энэ талаар Богдхан уулын ДЦГ-ын Хамгаалалтын захиргааны дарга Ц.Дуламсүрэнтэй ярилцлаа.
-Богдхан ууланд сүүлийн саруудад хэдэн удаагийн түймэр гарсан бэ. Улирлын чанартай хуурайшилт гал түймэр гарахад нөлөөлөх гол хүчин зүйл болж байна уу?
-Хуурайшилт эхэлснээс хойш буюу дөрөвдүгээр сараас хойш Богдхан ууланд нийт 10 удаагийн түймэр гарсан. Өнөөдрийн байдлаар Богдхан уулын Зайсангийн ам, Залаатын ам, Түргэний эх зэрэг газарт гал түймрийн зургаан цурам байна. Зургаадугаар сарын 6-наас хойш л гэхэд яг явган аяллын маршрутын дагуу ойрхон ойрхон таван түймэр гарсан. Энэ таван түймрийг цаг алдалгүй шуурхай арга хэмжээ авч унтраасан. Одоо цурмын байдалтай байна. Уулын түймэр хамгийн аюултай байдаг. Энэ түмэр цурмын байдалтай газар доогуур явж байдаг юм.
-10 удаагийн гал түймэр хэдэн га талбайг хамарсан бэ. Мөн гал түймэр унтраахад ямар хүндрэл, бэрхшээл тулгарав?
-Манай Богдхан уулын ДЦГ-ын хамгаалалтын газар 35 ажилтантай. Бид Богдхан уулын 42 мянган га талбайг байгалийн унаган төрхөөр нь авч үлдэх, гэнэтийн аюулаас хамгаалах, энд байгаа аялал жуулчлалыг хуулийн дагуу үргэлжлүүлэхэд хамгаалах үүрэг хүлээн ажилладаг. Сүүлд гарсан түймрээс хойш буюу зургаадугаар сарын 6-наас одоог хүртэл 24 цагаар харуул, хамгаалалт гарган ажиллаж байна. Хүндрэл бэрхшээл их бий. Хамгийн сүүлд л гэхэд Түргэний эхэд гарсан түймэрт машин очих боломжгүй байсан учраас усаа явган зөөсөн. Гэх мэт хүндрэл бэрхшээлүүд олон байдаг. 10 удаагийн түймрийн эхний гурван түймрээс болж 10 гаруй га талбай шатсан. Харин одоо цурмын байдалтай байгаа учраас га талбайг тодорхойлох боломжгүй байна. Га талбайг тодорхойлоогүй учраас хохирлын хэмжээг мөн тодорхойлох боломжгүй гэсэн үг.
-Богдхан ууланд гарч байгаа түймэр ихэвчлэн дутуу унтраасан тамхи, шүдэнзний цогоос үүсдэг гэдэг...
-Тийм. Жишээлбэл, Нүхтэд гарсан түймрийн шалтгаан нь тамхины цог байгаа юм. Тодруулбал, тус газарт харьцангуй амьдралын боломжтой хүмүүс аялал жуулчлалын чиглэлээр, эсвэл лагерийн зориулалтаар байшин бариад амьдардаг. Гэвч харуул, хамгаалалтын ажилтандаа бие засах газар бэлдэж өгөөгүй байсан. Улмаар тэндхийн нэг айлын газрыг харж байсан харуул ил бие засч байгаад тамхиныхаа цогийг алдсан байгаа юм. Мөн Богдхан ууланд аялж явсан гурван залуу мөн л тамхиа асаагаад шүдэнзээ дутуу унтрааснаас болж түймэр гарсан байдаг. Бид хаа хаанаа хариуцлагатай байх ёстойг энэ мэт жишээнээс харж болно. Түүнээс гадна сүүлийн үед гарсан түймрийн эзэн нь олдохгүй байгаа. Уг нь түймэр алдсан хүн нь сэтгэл гаргаад, түүнийгээ мэдэгдээд бидэнтэй хамтарч ажиллаад түймрээ унтраах ёстой юм шүү дээ. Ингэсэн тохиолдолд ирэх хариуцлага нь ч багасдаг. Ер нь эцсийн дүндээ хариуцлагагүй байдлаасаа болж гал алдсан бол түүнийгээ холбогдох газрууд, хүмүүстэй хамтарч унтраах, илүү их талбайг хамраагүй байгаа дээр мэдэгдэх зэрэг сэтгэл гаргахыг л иргэдээс хүсч байна.
-Богдхан ууланд аялж, амарч байгаа хүмүүс гал түймэр алдахгүй байх тал дээр хэрхэн анхаарах, сэрэмжлэх ёстой вэ. Богдхан уулыг хамгаалж ажиллаж байгаа хүний хувьд та тэдгээр хүмүүст хандаж юу гэж хэлэх вэ?
-Монголчууд Богдхан ууландаа аялах эрхтэй. Тэгвэл эрхээ эдэлж байгаа бол үүргээ биелүүлэх ёстой. Хариуцлагагүй, анхааралгүй байдлаасаа болж уулаа шатаагаад байж болохгүй шүү дээ. Уг нь Богдхан ууланд аялах нөхцлийг бүрдүүлэх гэж БОАЖЯ бодлого барьж, дэд бүтэц бий болгох чиглэлд ажиллаж байгаа. Ингэж ажиллах явцад түймэр тавиад байж болохгүй. Нөгөө талдаа ганцхан хүний болгоомжгүй байдлаас бий болсон түймрийг унтраахад маш их зардал гардаг. Зөвхөн манай газраас л гэхэд гал түймрийг унтраахад 3 сая төгрөг зарцуулсан. Түүний цаана Онцгой байдал, цагдаагий байгууллага хэдий хэмжээний мөнгө зарцуулж байгаа юм мэдэхгүй. Мөн хамгийн чухал нь байгаль дэлхийд маш их хэмжээний хохирол учирч байна. Нэг хэсэг нь гал түймэр гаргахгүй гэж тэмцэж байхад нөгөө хэсэг нь өөрсдийн анхаарал болгоомжгүйгээс болж гал гарах нөхцлийг бүрдүүлдэг. Тэгэхээр бүх хүн сэтгэл гаргах хэрэгтэй байна. Бүгдээрээ нийлж Богд уулаа, байгаль дэлхийгээ хамгаалцгаая. Хариуцлагатай, анхаарал болгоомжтой байцгаая. Мөн ойн түймэртэй байхад аялж, амрахгүй байхыг зөвлөе. Ойн түймэр газар доогуур явдаг болохоор мод доогуураа шатаад гэнэт унах аюул байдаг. Гал унтраах машины цонхыг мод унаад хагалсан тохиолдол бий учраас ийн сэрэмжлүүлж байна.
-
2017 оны 6 сарын 12
Автотээврийн үндэсний төвөөс 2017 оныг “Автотээврийн менежментийг сайжруулах жил” болгон зарласантай холбогдуулан иргэд, тээвэрчдэд чиглэсэн, улс орны эдийн засгийн өсөлтийг
-
2017 оны 6 сарын 12
Олон Улсын Хөдөлмөрийн Байгууллагаас санаачлан дэлхий нийтээр хүүхдийн хөдөлмөрийн нөхцөл байдалд анхаарал хандуулж, түүнийг устгахад бүх нийтийн дэмжлэгийг бий болгохын төлөө Хүүхдийн хөдөлмөрийн эсрэг дэлхийн өдрийг 2002 оноос эхлэн тэмдэглэх болсон.
-
2017 оны 6 сарын 12
Сөүлийн гудамж буюу Циркийн хойд уулзвараас “Наран плаза” төв хүртэлх 440 метр авто замыг АВТОМАШИНГҮЙ, ШӨНИЙН ГЭРЭЛТ ГУДАМЖ болгон тохижуулж,
-
2017 оны 6 сарын 12
Батлан хамгаалахын яамны албан тушаалтнууд байс гээд АТГ-т шалгагддаг нь хэвийн үзэгдэл мэт болжээ.
-
2017 оны 6 сарын 12
Тохижолт үйлчилгээний ажилтан 50 орчим насны эрэгтэйг хоёр эмэгтэй зодсон талаарх энэ сарын 05-ны өдөр олон нийтийн сүлжээнд бичлэг тавигдаж, багагүй дуулиан тарьсан.
-
2017 оны 6 сарын 12
Г.Шийлэгдамба нарт холбогдох шүүх хуралдаан өнөөдөр 13:30 цагаас Сүхбаатар дүүргийн эрүүгийн хэргийн анхан шатны шүүхэд болохоор товлогдсон.
-
2017 оны 6 сарын 12
Хичээл сургууль амарч нийслэлээс орон нутгийг зорих, чөлөөт цагаа зөв боловсон өнгөрүүлэх газар байхгүйгээс хүүхэд, багачууд болон аялал зугаалгаар явагчид аагим халуун өдрүүдэд гол, ус бараадан амардаг.
-
2017 оны 6 сарын 12
Залуучуудын хөгжлийг дэмжих, тэднийг чөлөөт цагаа зөв боловсон өнгөрүүлэх нөхцөлийг хангах зорилгоор Нийслэлийн Засаг даргын хэрэгжүүлэгч агентлаг Нийслэлийн Залуучуудын хөгжлийн газрын дэргэд “Нийслэлийн Залуучуудын хөгжлийг дэмжих төв”-ийг байгуулаад удаагүй байгаа юм. Хөгжлийн төвийн дэргэд мэдээллийн технологийн чиглэлээр залуучуудыг үнэ төлбөргүй сургах төвийг БНСУ-ын Хамтын ажиллагааны байгууллага (КOIСА)-ын санхүүжилттэй төслийн гүйцэтгэгч “Эм Кэй Ай Ти” (”МКIТ” )сургалтын төвтэй хамтран ажиллуулж байна. Өнөөдөр тус төвд JAWA хөгжүүлэлт болон вев програмчлалын хоёр дахь удаагийн сургалт эхэллээ. Сургалтад суухаар нийт 230 гаруй иргэн шалгалтад орж, 54 хүн тэнцэн JAVA болон web хөгжүүлэгчийн ангид гурван сарын хугацаанд үнэ төлбөргүй суралцахаар боллоо. Нийслэлийн Залуучуудын Хөгжлийн газрын дарга С.Сүх-Очир “Бид мэдээллийн технологийн чиглэлээр залуучуудыг үнэ төлбөргүй сургалтад хамруулж өндөр цалинтай ажилд ороход нь дэмжлэг үзүүлэх бололцоог бүрдүүлж байгаа юм. Монгол залуучууд маань мэдлэг оюунаа дайчилж, дэлхийн түвшинд хүрэх, амьдралын чанараа дээшлүүлэх, өөрийн эх орондоо байгаа хэдий ч дэлхийн өндөр хөгжилтэй орнуудын төсөл дээр хамтран ажиллах тогтолцоог бүрдүүлэхээр ажиллаж байна. Саяхан болсон “Нийслэлийн Залуучуудын хөгжлийг дэмжих төв”-ийн нээлт дээр Солонгосын мэдээллийн технологийн тэргүүлэх 8 компанийн төлөөлөл хүрэлцэн ирж цаашдын хамтын ажиллагааны тухай ярьсан. Энэ төвийн сургалтад сууж амжилттай төгссөн иргэдийг гадны төслүүд дээр ажиллуулах талаар шат дараатай арга хэмжээ хэрэгжүүлнэ. Та бүхэнтэй адил энэ сургалтад суух хүсэлтэй олон залуучуудад энэ мэдээллийг түгээж хамтран ажиллаарай. Мөн сургалтдаа идэвхтэй оролцож сайн төгсөөд дараагийн шатны хөтөлбөрүүдэд хамрагдан дэлхийн хэмжээний боловсон хүчин болж эх орныхоо хөгжилд хувь нэмэр оруулаарай” хэмээв. “Эм Кэй Ай Ти /MKIT/ төвийн сургалтын төвийн гүйцэтгэх захирал Ш. Төгсбаяр “Манай сургалт дадлага давамгайлсан аргаар яваддаг учраас гурван сарын дотор суралцагчид маань өндөр түвшинд хүрнэ. Мэдээллийн технологийн чиглэлийн гадны төслүүд дээр ажиллаж байгаа туршлагатай, тэргүүлэх зэргийн багш нар хичээл заана. Бид одоогоор сургалт явуулахаас гадна мэдээллийн технологийн чиглэлийн 15 төсөл дээр ажиллаж байна. Сайн суралцсан суралцагчдыг “Бизнес инкубатор төв”-дөө дадлага хийлгэж, дадлагын хугацаанд “Эм Кэй Ай Ти /MKIT/ сургалтын төвөөс сар бүр дөрвөн зуун мянган төгрөгийн санхүүжилтийг олгох боломжтой. Цаашлаад гадны төслүүд дээр баг бүрдүүлж ажиллуулах юм. Та бүхэндээ амжилт хүсье” гэлээ.
Программ хангамжийн суурь сургалтад гурван сарын хугацаанд суралцсан иргэд мэргэжлийн сертификаттай төгсөх бөгөөд амжилттай төгссөн тохиолдолд сургалтын төвийн “Бизнес инкубатор төв”-д хамрагдан мэдээллийн технологийн чиглэлийн төсөл, хөтөлбөрт хамтран ажиллах боломж бүрдэх юм. Сургалтын талаар сонирхож буй залуучууд та бүхнийг “Нийслэлийн Залуучуудын хөгжлийн газар” пэйж хуудаснаас мэдээлэл авахыг урьж байна. Мөн 70122999 дугаарт холбогдож сургалтын талаар тодруулна уу гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
