-
2017 оны 8 сарын 04
Үндсэн хуульд оруулах нэмэлт, өөрчлөлтийн төслийн талаарх бүсчилсэн сургалт Говь-Алтай аймгийн төвд боллоо
-
2017 оны 8 сарын 04
Хан-Уул дүүргийн 15 дугаар хороо, Богд Жавзандамбын гудамжны уулзварын өргөтгөл шинэчлэлтийн ажлын хүрээнд автозамын хучилтын ажил хийгдэх тул 2017 оны наймдугаар сарын 5-ны өдрийн 06:00 цагаас 2017 оны наймдугаар сарын 7-ны өдрийн 06:00 цагийн хооронд автозамын зорчих хэсэг хаагдах болно.
Иймд тус замаар дайран өнгөрдөг нийтийн тээврийн үйлчилгээний дараах чиглэлүүдэд түр хугацаанд өөрчлөлт орно. Үүнд:
Ч:8 “Зайсан-Цэцэг төв-Хайлааст”
Ч:42 “Сүлжмэл-Нарны гүүр-Зайсан”
Ч:45 “Ган хийц-ХМК-Зайсан”
Ч:52 “3,4-р хороолол-Тэнгис кино театр”
Ч:55 “Зайсан-Дэнжийн 1000-ЗГАБ-Согоотын гудамж” чиглэлүүд120 мянгат, Ажилчдын соёлын ордон, Дунд голын замаар орж Энхтайвны гүүрэн доогуур явжүндсэн замналдаа орно.
Ч:36 “Гачуурт-Офицеруудын ордон-Зайсан” чиглэл Төв цэнгэлдэх хүрээлэнгээр богино эргэж иргэдэд үйлчилнэ.
Мөн Зайсангаас Оргил худалдааны төв хүртэл 3 тээврийн хэрэгсэл богино эргэлтээр 5 минутын зайтай үйлчилнэ.
Иймд иргэд та бүхэн зураглалын дагуу зорчилтоо төлөвлөж нийтийн тээврийн үйлчилгээг авна уу.
Үйлчилгээтэй холбоотой санал, хүсэлтийг 323176, 326352 дугаарын утсаар 24 цагийн турш хүлээн авч шуурхай шийдвэрлэнэ гэж нийслэлийн Тээврийн газраас мэдээллээ.
-
2017 оны 8 сарын 04
Нийслэлийн Хот төлөвлөлт, ерөнхий төлөвлөгөөний газрын орлогч дарга Ш.Уртнасангаас “Автомашингүй гудамж” төслийн талаар дараах зүйлийг тодрууллаа.
-“Автомашингүй гудамж” төслийг хэрэгжүүлж эхлээд байна. Энэ талаар тодорхой мэдээлэл өгнө үү?
-Сүхбаатар дүүргийн 4 дүгээр хороо, хичээнгүй сайд Б.Цэрэндоржийн гудамжны газар доорх үйлчилгээ бүхий тохижилтыг хийх ажил албан ёсоор эхлээд байна. Тохижилт хийх газрыг 2016 онд олгосон бөгөөд мэргэжлийн зөвлөлөөр хэлэлцүүлж “Автомашингүй гудамж” төсөл болгон хэрэгжүүлэх нь зүйтэй юм байна гэсэн дүгнэлтэд хүрсэн. Улмаар Улаанбаатар хотын автозамын түгжрэл, иргэдийн амгалан тайван зорчих боломж нөхцөлийг хангах үүднээс олон улсын томоохон хотуудад хийгддэг төслийн жишгээр уг ажлыг хийхээр болсон юм. Ажлын зураг төслийг 2017 онд баталсан. Нийслэлийн Засаг даргын Тамгын газар, Монголын үндэсний барилгын ассоциацитай хамтарч байгаа. Хотын төв хэсэгт орчин үеийн жишигт нийцсэн газар доорх тохижилттой, иргэд, жуулчдын ая тухыг хангасан орчин бий болох юм.
-Төсөл хэрэгжиж дуусахад түүхийн дурсгалт зүйл болох хөшөөнүүдийг эргэж тавих уу?
-Тэгэлгүй яахав. Зураг төслийн дагуу Хичээнгүй сайд Б.Цэрэндоржийн гудамжид байгаа хөшөө дурсгалуудыг байршилд нь хэвээр үлдээнэ. Тодруулж хэлбэл, зураг төслийн дагуу одоо байгаа газрын түвшин, хэмжээ, тохижилт хэвээр байхаар газар доорх тохижилтын ажил хийгдэнэ. Тус гудамжинд 1 усан оргилуур, 2 хөшөө байдаг. Хөшөө дурсгалыг түүхийн дурсгалт зүйл гэдэг утгаар нь хадгалж үлдэнэ. Усан оргилуур, ногоон байгууламжийг төлөвлөлтийн зураглалын дагуу илүү сайжруулж хийнэ. Үүнийг иргэд ойлгох хэрэгтэй. Иргэд Шөнийн гудамжийг эхлээд шүүмжилж байсан ч одоо нэмэлт тохижилт хийснээр иргэдийн талархлыг хүлээсэн газрын нэг болоод байгаа.
-Газар доорх үйлчилгээний байгууламжийн ажил хэр хугацаанд хийгдэх вэ?
-Уг ажлыг үе шаттайгаар хийж гүйцэтгэнэ. Эхний ээлжийн тохижилтын ажлыг ирэх арваннэгдүгээр сард дуусгахаар төлөвлөсөн. Төслийг 1-2 жилийн дотор хийж дуусгах төлөвлөгөөтэй байгаа. Газар доорх 2 давхар байгууламж гэдэг нь инженерийн тооцоололтой нэлээн том ажил. Тиймээс тодорхой хугацаа зарцуулагдах нь ойлгомжтой. Аса циркийн хойно Сөүлийн гудамжнаас Их дэлгүүр урд талын уулзвар хүртэлх талбайг төслийн хүрээнд тохижуулна.
Иргэд Автомашингүй гудамж гэхээр ямарч машин явуулахгүй болгоод түгжрэл нэмэгдэнэ гэж ойлгоод байх шиг байна. Өдрийн цагаар тус гудамжинд автомашин чөлөөтэй зорчино. Тодорхой цаг хугацаанд иргэдийн тав тухыг хангах зорилгоор хааж чөлөөт цагаа зөв боловсон өнгөрүүлэх боломжийг олгох гэж байгаа юм.
-Энэ төслийг хэрэгжүүлж буй Монголын барилгын үндэсний ассоциацийн талаар мэдээлэл өгнө үү?
-“Автомашингүй гудамж” төслийн санаа 2014 оноос эхлэн яригдаж эхэлсэн юм. Тухайн үед хувийн хэвшлүүдээс олон санаа гарч байсан боловч Улаанбаатар хотын маань нүүр царай болсон энэхүү гудамжийг тохижуулах төсөлд хариуцлагатай, нэр хүндтэй байгууллага оролцох шаардлагатай гэдэг үүднээс шийдэгдээгүй байсан. Төслийн хэрэгжүүлэгч байгууллага бол Монголын барилгын үндэсний ассоциаци. Монголын барилгын үндэсний ассоциаци нь барилгын салбарт үйл ажиллагаа явуулдаг 150 гаруй аж ахуйн нэгжүүдийг гишүүнчлэлдээ багтаасан барилгын салбарын хамгийн том нэр хүнд бүхий байгууллага байдаг. Энэ төсөлд шаардагдах бүх хөрөнгө оруулалтыг төсөл хэрэгжүүлэгч буюу Монголын барилгын үндэсний ассоциаци хариуцаж байгаа. Төслийг хэрэгжүүлэхэд нийслэлээс нэг төгрөг ч гарахгүйгээр хийгдэж байгаа гэдгийг онцлон хэлмээр байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 8 сарын 04
ОХУ-ын Сибирийн ойн түймрээс дайжсан хүр эрвээхэйнүүд манай нутагт ихээр нүүдэллэн орж ирсэн. Уг хүр эрвээхэйг устгах ажлыг хотын ойролцоох зуслангуудад хийж эхэлсэн байна. Хүр эрвээхэйн тоо толгойг багасгах, устгах ажил Найрамдал зуслангаас эхлэн Бэлх, Сэлх, Хадат вилла орчимд “Гэрлэн урхи”-иар үргэлжилж байна.
-
2017 оны 8 сарын 04
Дундговь аймгийн Гурвансайхан суманд хорио цээрийн дэглэм тогтоожээ. Тодруулбал тус сумын Дэрсэнэ Ус багийн нутаг Цагаан хошуу хэмээх газарт малчин Б-ийн гурван үхэрт шүлхий өвчнийх байж болзошгүй шинж тэмдэг илэрснийг аймгийнхаа мал эмнэлэгийн лабораторит мэдэгдсэн байна.
Үүний дагуу мал эмнэлэгийн лаборатори үхрээс дээж авч МЭАЦ-ийн төв лабораторит явуулаад байсан бөгөөд шинжилгээний хариу өчигдөр гарч, шүлхий өвчин мөн болохыг тогтоож сумын Засаг даргын захирамжаар өчигдрөөс эхлэн хорио цээрийн дэглэм тогтоосон байна.
Хорио цээрийн дэглэм тогтоосон Цагаан хошуу хэмээх газар нь Гурвансайхан сумын төвөөс 20 шахам км-т оршдог бөгөөд хорио цээрийн дэглэм 28 хоногийн турш үргэлжилнэ.
-
2017 оны 8 сарын 04
Монгол Оросын хувь нийлүүлсэн УБТЗ нийгэмлэгийн түүхийг бүтээсэн үе үеийн ахмадууд, төмөр замын өнөөгийн хөгжилд хөдөлмөр, зүтгэлээ зориулж яваа төмөр замчид, бидний залгамж халаа болж маргаашийг бүтээлцэхээр шамдан суралцаж буй залуустаа Монгол-Оросын Хувь нийлүүлсэн “УБТЗ” нийгэмлэгийн 68, Монгол Улсад төмөр замын тээвэр үүсч хөгжсөний 79 жилийн ойн баярын мэнд хүргэе.
Ган замчид бид 2017 онд биелүүлэхээр зорьсон зорилгынхоо тэн хагаст ирээд байна. Өнгөрсөн хагас жилийн хугацаанд улс орны хэмжээнд эдийн засгийн үзүүлэлтүүд буурсан амаргүй цаг үе байсан ч түүхэн хөгжлийнхөө туршид аливаа бэрхшээлийг хамтдаа даван туулж, ачааны хүндийг ажралгүй өргөж ирсэн жишгээрээ төмөр замчид бид амжилт бүтээлийг цогцлоож чадлаа. Тухайлбал оны эхний зургаан сарын байдлаар Замын хэмжээнд 10287.7 мянган тонн ачааг тээвэрлээд байгаа нь төлөвлөгөөт үзүүлэлтийг 101.61 хувиар буюу өнгөрсөн оны мөн үеийнхээс 12.2 хувиар давуулан биелүүлэв. Үүнээс импортын тээвэр 1010.37 мянган тонноор буюу төлөвлөгөөт үзүүлэлтийг 108.64 хувиар хангаж, өнгөрсөн оныхоос 5.30 хувиар давууллаа. Мөн экспортын тээврийг 3628.65 мянган тонн буюу төлөвлөгөөг 102.50 хувиар биелүүлж, өнгөрсөн оны мөн үеийнхээс 16.41 хувиар давуулаад байна. Энэхүү амжилтынхаа үр шимийг хүртэж нийт төмөр замчид мэргэжлийн баярынхаа өмнө цалингаа 10 хувиар нэмүүллээ. Энэ бүхэн зүтгэл нэгт ган замчид Та бүхний хамтын амжилт юм.
Үлдсэн хагас жилийн хугацаанд төмөр замчид Та бидний өмнө дутуугаа гүйцээж, дундуураа дүүргэх их хариуцлага хүлээж байна. Улс орныхоо хөгжлийн түүчээ, хөдөлмөр зүтгэлийн нүүр царай байхын тулд төмөр замчид бид илүү хичээж, илүү хөдөлмөрлөж, илүү сэтгэх нь хамгаас чухал юм. Хүн бүр үүрэг хариуцлагаа ухамсарлах, хүчин зүтгэлийнхээ нийлэмжээр техник технологийнхоо хүчин чадлыг сайржруулах, орчин цагийн хэрэглэгч, захиалагчдын өндөр шаардлагад хүрч ажиллах нь та бидний тэргүүн зорилт байх учиртай. Үүнийг төмөр замчид та бид хамтдаа бүтээж чадна гэдэгт бат итгэж байна.
Төмөр замчид бидний зорьсон үйл бүхэн бүтэмжтэй байх болтугай.
УБТЗ-ын дарга / Д.Жигжиднямаа /
-
2017 оны 8 сарын 04
Цаг уур, орчны шинжилгээний газрын “Цаг агаарын урьдчилан сэргийлэх мэдээ”-гээр ойрын өдрүүдэд ихэнх нутгаар хүчтэй, усархаг бороо орох төлөвтэй байгаа тул иргэд, аж ахуйн нэгж байгууллагууд цаг агаарын мэдээллийг тухай бүр хүлээн авч болзошгүй үер, усны аюулаас сэрэмжилж, аюулгүй байдлаа хангахыг зөвлөж байна.
Үер, усны аюулын үед юу хийх хэрэгтэй вэ?
https://youtu.be/qypgvGONOzs
Үерийн аюулаас хамгаалах уламжлалт аргыг ашиглан эрүүл мэнд, амь нас, эд хөрөнгөө аврах, хамгаалах /гэрийн хаяагаа шуух, бэхэлгээ хийх, хүүхэд, жирэмсэн эх, өндөр настан, хөгжлийн бэрхшээлтэй хүмүүсийг аюулгүй газар байлгах/
Байшингийн дээвэр, ургаа мод зэрэг аль ойрхон өндөрлөг газар гарах
Үер бууж болзошгүй хавцал, хонхор, нам дор газраас хол байж аль ойр байгаа өндөрлөг гарч тэндээ хүлээх
Цахилгаан хэрэгслийг хүчдэлээс салгах
Усархаг, үргэлжилсэн хүйтэн бороотой үед болон аадар, мөндөр орж байхад мал хариулах, эрэлд явах, аян замд гарахыг хойшлуулах
Өрх гэрт гарсан хохирол болон өөрт байгаа мэдээллийг, холбогдох байгууллага /эрүүл мэнд, онцгой байдал, нутгийн захиргаа гэх мэт/-д мэдээлэх, бусдад хүргэх
Гол мөрөн үертэй үед усанд орох, гол гатлах, зугаалах, аж ахуйн үйл ажиллагаа эрхлэхгүй байх, загасчлах, мал услах, туухгүй байх
Үер, усны аюулын дараа юу хийх хэрэгтэй вэ?
https://youtu.be/jiQZNf5Z1f8
Өөртөө болон бусдад туслах
· Эвдэрч нурсан газраас холдож аюулгүй газар очих
· Барилга байгууламжийн гадуур устай байвал дотогш оролгүй хүлээх
· Үерийн ус барилгын суурийг гэмтээж, барилга нурах аюултайг анхаарах
· Хийн шугам гэмтэж хий алдагдах, цахилгаан дулаан болон цэвэр усны шугам сүлжээ эвдэрсэн байх магадлалтай тул холбогдох мэргэжлийн байгууллагаас зөвшөөрсөн тохиолдолд гэртээ эргэж очих
· Шаардлагатай тохиолдолд эмнэлгийн байгууллагад хандах
· Үерийн усаар халдварт өвчний нян тээгддэг тул цэвэрлэгээ хийх, энэ ажилд Эрүүл мэндийн байгууллагуудаас гаргасан зөвлөмжүүдийг хэрэгжүүлэх
НИЙСЛЭЛИЙН ЭРҮҮЛ МЭНДИЙН ГАЗАР
-
2017 оны 8 сарын 04
Даншиг наадмын арга хэмжээний хүрээнд өнөөдөр, маргааш Монголын бурхан шашинтны төв Гандантэгчинлэн хийдэд Хүрээ жахар цамын хурал хурж, дотоод цам харайна.
-
2017 оны 8 сарын 04
Нийслэлийн нутаг дэвсгэрт ‘’Хог хаягдлын тухай’’ хуулийн хэрэгжилтийг хангах зорилгоор хөл газрын ургамал болон шарилж, зэрлэг ургамлыг устгах, тархалтыг хязгаарлах ажлыг өрнүүлж байгаа.
-
2017 оны 8 сарын 04
ОБЕГ-ын харъяа Давтан сургалт, сэргээн заслын төвийн дэргэдэх “Жаргалант” сувилал Эрүүл мэнд, нийгмийн даатгалын ерөнхий газартай Эрүүл мэндийн даатгалын гэрээ байгууллаа.
-
2017 оны 8 сарын 04
2017 оны 08 дугаар сарын 03-ны өдөр Баянгол дүүрэг дэх Мэргэжлийн хяналтын хэлтэс, Цагдаагийн 1 дүгээр хэлтсийн хорооны байцаагч дэслэгч Б.Мөнхбаатар, ахмад Б.Гантулга нартай хамтарч дүүргийн 1дүгээр хороо, вокзалын арын автобусны буудал дээр ил задгай худалдаа хийж байсан иргэдийн үйл ажиллагаанд хяналт шалгалт хийлээ. Шалгалтын явцад Б.Баасанбаярын борлуулах гэж байсан 3 ширхэг тарвагыг илрүүлэн Зооноз судлалын үндэсний төвд хүлээлгэн өгч ойр орчмын талбайд ариутгал халдваргүйжилт хийлээ.
-
2017 оны 8 сарын 04
Онцгой байдлын ерөнхий газрын дэд дарга, хурандаа П.Баттогтох өнөөдөр Жайкагийн Нагоя дахь салбарын ажилтан Сато Куника тэргүүтэй төлөөлөгчдийг хүлээн авч уулзлаа. Уулзалтад МУИС-ийн Олон улсын харилцаа, нийтийн удирдлагын сургуулийн захирал, доктор С.Баттулга, Японы Нагоя их сургуулийн профессор, доктор Ясухиро Сузика, ОБЕГ-ын Бодлого, төлөвлөлт, хамтын ажиллагааны газрын хэлтсийн дарга, хурандаа Ч.Ариунаа, Гамшиг судлалын хүрээлэнгийн Эрдэмтэн нарийн бичгийн дарга, дэд хурандаа Д.Сэржмядаг нар оролцов.
Уулзалтын үеэр Хатагтай Сато Куника Жайкагийн “Өвсний үндэс хөтөлбөр”-ийн хүрээнд уур амьсгалын өөрчлөлтөөс үүдсэн гамшгийн эрсдэлийг бууруулах чиглэлээр иргэд, орон нутгийн удирдлагыг чадавхжуулах зорилготой төслийг Японы Нагоя их сургууль санаачлан МУИС, ОБЕГ-тай хамтран Ховд аймагт хэрэгжүүлэхээр болоод байгааг дуулгаж, профессор Ясухиро Сузуки төслийн зорилго, үйл ажиллагаа, үр дүнг товч танилцуулав.
Хурлын үеэр хурандаа П.Баттогтох уур амьсгалын өөрчлөлтөөс үүдсэн гамшгийн эрсдэл нэмэгдэж байгаа энэ үед газар зүйн байрлалын хувьд ихээхэн эмзэг бүс нутагт хамаарах, баруун бүсийн тулгуур төв Ховд аймагт энэхүү төсөл хэрэгжих болсон нь тун чухал асуудал юм. Мөн бүсийн тулгуур төв Ховд аймагт хэрэгжсэн төслийн үр дүнд бий болсон арга барилыг тухайн бүсийн аймгуудад төдийгүй, бусад бүсийн аймаг, орон нутагт хэрэгжүүлэх тал дээр Онцгой байдлын байгууллагын зүгээс онцгой анхаарч ажиллана гэдгээ илэрхийллээ.
Харин Жайкагийн Нагоя дахь салбарын ажилтан Сато Куника ОБЕГ-ын зүгээс төслийн ач холбогдлыг онцгой үнэлж байгаад талархаж буйгаа илэрхийлээд Ховд аймаг дахь Онцгой байдлын газрын дэмжлэг, Японы Нагоя их сургуулийн болон Монгол Улсын Их сургуулийн эрдэмтдийн мэдлэг, арвин их туршлагад тулгуурлан энэхүү төсөл амжилттай хэрэгжинэ гэдэгт итгэлтэй байгаагаа дурдсан юм.
Уг төслийн хүрээнд 08 дугаар сарын 7-10-ны өдрүүдэд Япон, Монгол талын хамтарсан баг Ховд аймагт ажиллах юм гэж Онцгой байдлын ерөнхий газраас мэдээллээ.
-
2017 оны 8 сарын 04
УДШ яллагдагч нар болон хохирогч талын гомдлыг хэлэлцэнэ
-
2017 оны 8 сарын 04
Өнөөдөр буюу наймдугаар сарын 4-ий баасан гарагт хоёр дүүрэгт цахилгаан хязгаарлана. Иймд хэрэглэгчид засвар хийх хугацаанд хэрэглээгээ түр зохицуулна уу.
-
2017 оны 8 сарын 04
Үс засуулбал: Өвчин эмгэг ирнэ
-
2017 оны 8 сарын 04
Улаанбаатарт өдөртөө 20 хэмийн дулаан байна
-
2017 оны 8 сарын 03
Иргэдийн аялал зугаалгын улирал эхэлсэнтэй холбогдуулан Баянзүрх дүүргийн Засаг даргын Тамгын газраас Туул, Улиастайн гол дагуух хог хаягдлыг цэвэрлэхээр болжээ. Их цэвэрлэгээг энэ сарын 5-ны өдөр зохион байгуулах бөгөөд дүүргийн Засаг даргын Тамгын газрын дотоод хэлтэс, албадууд болон 9,10,11,20,23 дугаар хороод, Нийтлэг үйлчилгээний газрууд, Иргэдийн бүлэг, Батлан хамгаалах их сургуулийн 1000 оюутан цэрэг оролцоно.
Бүх нийтийн их цэвэрлэгээний үйл явцад Тамгын газрын Тохижилт, нийтийн аж ахуйн хэлтэс, “Шинэ тосгон” ТББ-аас хяналт тавих бөгөөд цэвэрлэгээнийажилд хангалтгүй оролцвол хуулийн дагуу захиргааны арга хэмжээ авч ажиллах юм. Иймд холбогдох хэлтэс, албад, харьяа байгууллагууд болон иргэд, аж ахуйн нэгж, байгууллага, хороодыг бүх нийтийн их цэвэрлэгээнд идэвхтэй оролцохыг уриалж байна. Мөн их цэвэрлэгээнд оролцохдоо албан хаагчид болон иргэд та бүхэн бээлий, шуудай, хүрз, шүүр зэрэг бусад багаж хэрэгсэлтэйгээ ирэхийг анхаарна уу хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.
-
2017 оны 8 сарын 03
Нийслэлийн Засаг даргын Тамгын газар, Монголын Бурхан шашинтны төв Гандантэгчэнлин хийдтэй хамтран “Даншиг наадам-Хүрээ цам” шашин соёлын наадмыг 3 дахь жилдээ зохион байгуулах гэж байна. Наадмын албан ёсны нээлт энэ сарын 5-нд болох юм. Уг наадмын бэлтгэл ажилтай нийслэлийн Засаг даргын Ногоон хөгжил агаарын бохирдлын асуудал хариуцсан орлогч Ж.Батбаясгалан, нийслэлийн ЗДТГ-ын дарга, “Даншиг наадам-Хүрээ цам 2017” наадмыг зохион байгуулах ажлын хэсгийн дарга М.Отгонбаяр болон зохион байгуулах ажлын хэсгийн гишүүд өнөөдөр танилцлаа.
“Даншиг наадам-Хүрээ цам 2017” наадмын үзэгчдэд улаан болон цэнхэр гэсэн хоёр төрлийн үнэ төлбөргүй тасалбар тараах юм. Улаан өнгийнхөөр эхний өдөр, цэнхэр тасалбараар хоёр дахь өдөр Даншиг наадам үзэх аж. Тасалбарыг Даншиг наадмын өдрүүдэд Төв цэнгэлдэх хүрээлэнгийн хаалга бүр дээр тараана. Төв цэнгэлдэхийн нэг болон хоёрдугаар хэсэгт Гандантэгчэнлин хийдийн лам нар, 3-6 дугаар хэсгийг жуулчдыг суулгахаар төлөвлөсөн байна. Наадмын эхний өдөр Хүрээ цам болон хүчит 256 бөхийн эхний дөрвөн даваа барилдах юм. Харин хоёр дахь өдөр бусад давааны барилдаанууд болно гэдгийг НЗДТГ-ын Цэргийн штабын дарга, хурандаа Ж.Болдбаатар танилцуулав.
Нийслэлийн Аялал жуулчлалын газрын орлогч дарга Ц.Энхтүвшин “1-4 дүгээр секцид нийслэлийн Аялал жуулчлалын газар хуваарилагдсан байгаа. 2000 орчим суудлыг Аялал жуулчлалын холбоогоор дамжуулаад аж ахуйн нэгжүүдэд зар хүргүүлсэн. Үнэ төлбөргүй учраас нэгдсэн журмаар тараахаас гадна жуулчдын бичиг баримтыг шалгаад шууд оруулахаар төлөвлөн ажиллаж байна. Жуулчдын суух газар тайзтай их ойрхон учраас сэтгэл ханамж өндөр байна гэж найдаж байгаа. 1-4 дүгээр секцийн гадна жуулчны мэдээллийн төв ажиллуулна. Мөн жуулчдад зориулсан шашин соёлын үзэсгэлэн худалдаа гарна” гэв.
Нийслэлийн Соёл урлагийн газрын дарга Ж.Дамдинцэрэн “Даншиг наадмын 2 өдрийн арга хэмжээний үеэр Очирваани шүтээний тахилга, баруун талын тайзан дээр нээлтийн үйл ажиллагаа болон лам нарын мэтгэлцээн, ном хаях арга хэмжээ зохион байгуулагдана. Улаанбаатар чуулгын уран бүтээлчид бүрэн бүрэлдэхүүнээрээ ажиллана. Гадна талбайд “Монголын гайхамшигт урлаг” хэмээх 9 дүүргийн ардын авьяастнуудын тоглолт болох юм. Энэ нь наадамчин олонд ардын урлагийг сурталчлах зорилготой юм” гэлээ.
“Даншиг наадам-Хүрээ цам 2017” наадмын үеэр нийслэлийн Мэргэжлийн хяналтын газраас 50 байцаагч, нийслэлийн Цагдаагийн газрын 250 алба хаагч, нийслэлийн Онцгой байдлын газрын 40 алба хаагч ажиллаж иргэдийн аюулгүй байдлыг хангах юм байна. Наадмын үеэр Төв Цэнгэлдэх хүрээлэнгийн гадна талбайд ЮНЕСКО-гийн дэлхийн өвд бүртгэгдсэн соёлын өвийн “Дэлхийн өв-Монгол соёл” аялал жуулчлалын үзэсгэлэн, нийслэлийн 9 дүүргийн ардын авьяастнуудын “Монголын гайхамшигт урлаг” тоглолт болно. Түүнчлэн энэ үеэр лам нарын дунд унзад хоолойтны, голч, балин болон тосон урлалын тэмцээн, ном хаялцах мэтгэлцээн болох аж. Хүрээ цамын хурлын уншлага, бүрээ бишгүүр тэргүүтэй хөгжимчид, бясалгагчид, Гандантэгчинлэн хийдийн 120 гаруй лам хувраг Даншиг наадамд оролцох юм.
“Даншиг наадам-Хүрээ цам 2017” шашин соёлын наадмын бэлтгэл ажилтай танилцсаныхаа дараа нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан иргэдийн аюулгүй, амар тайван наадамлах боложмийг бүрдүүлэх чиглэлд анхаарч ажиллахыг холбогдох газрууда
-
2017 оны 8 сарын 03
Л.Мөнхбаясгалан: ”Яруу найрагчаа, та шүлгээ бичнэ үү”
-
2017 оны 8 сарын 03
Өвөрхангай аймгийн Нарийнтээл суманд үргэлжлэн орсон их борооны улмаас гүүр болон автозам сэтэрч, тээврийн хэрэгсэл зорчих боломжгүй болсон мэдээллийг та бүхэнд хүргэж байсан билээ.
