-
2017 оны 6 сарын 09
Д.Оюунхорол: Хүн бүрийн тэгш эрх, оролцоог хангасан ногоон хөгжлийг цогцлооход даян дэлхийн болон монгол залуусын санаачилга маш чухал
БОАЖ-ын сайд Д.Оюунхорол JCI байгууллагаас зохион байгуулж буй Ази номхон далайн бүсийн манлайлагч залуусын нэгдсэн чуулганы Ногоон хөгжил форумд “Монгол Улсын ногоон хөгжлийн асуудал ба залуусын оролцоо” сэдэвт илтгэл тавилаа. Ази номхон далайн бүсийн манлайлагч залуусын нэгдсэн чуулганд 40 гаруй орны 3500 гаруй залуу оролцож байгаа бол “Ногоон хөгжил” салбар форумд байгаль орчны чиглэлээр үйл ажиллагаа явуулдаг 300 гаруй залуу манлайлагч хүрэлцэн ирсэн юм.
Уншигч та бүхэнд БОАЖ-ын сайд Д.Оюунхоролын илтгэлийг бүрэн эхээр нь хүргэж байна.
Эрхэм хүндэт зочид, төлөөлөгчдөө,
Хатагтай, ноёд оо,
Ази, Номхон Далайн бүсийн манлайлагч залуусын чуулганд хүрэлцэн ирж, дэлхий нийтийн хөгжлийн шинэ загвар болсон Ногоон хөгжлийн талаар хамтдаа хэлэлцэж, эерэг өөрчлөлтийг бүтээхээр энд хуран цугларсан Та бүхэнд энэ өдрийн мэндийг хүргэж, Монгол оронд тавтай морилон саатахыг урьж байна.
Дэлхий дахинаа тогтвортой хөгжлийн үзэл баримтлалыг дэвшүүлж, улс орон бүр хөгжлийн бодлогоо энэхүү үзэл баримтлалд нийцүүлэн, өнөөгийн хэрэгцээгээ хангаад зогсохгүй, ирээдүй, хойч үеийн тэгш эрхийг хангасан байдлаар авч үзэж байгаа энэ үед, олон улсын ЖиСиАй байгууллага Ази Номхон далайн бүсийн чуулганаа Монгол улсад зохион байгуулж байгаа нь ихээхэн завшаантай явдал юм.
Чухамдаа байгаль орчин, нийгэм, эдийн засгийн асуудлыг цогцоор нь уялдаатай авч үзэх нь тогтвортой хөгжилд хүрэх гол зарчим бөгөөд хүн бүрийн тэгш эрх, оролцоог хангасан ногоон хөгжлийг цогцлооход даян дэлхийн болон монгол залуусын санаачилга, хувь нэмэр, хамтын ажиллагаа ихээхэн ач холбогдолтой гэж манай яам үздэг. Манай гарагийн байгаль орчиндоо ээлтэй, гэгээлэг ногоон ирээдүй залуучууд, залуу лидерүүд та бүхний гарт байна.
2017 онд дэлхийн байгаль хамгаалах өдрийг “Хүн байгалийн хүйн холбоо” сэдвийн доор тэмдэглэх шийдвэрийг НҮБ-аас гаргасан нь байгаль эхээ хайрлах, түүнд талархахыг уриалсан хэрэг билээ. Монголчууд бид олон зууны турш байгаль дэлхийгээ шүтэн амьдарч ирсэн сайхан уламжлалтай ард түмээн. Монголын аль ч нутагт онголон тахиж хамгаалсан, нутгийн зон олны шүтэн биширдэг уул, ус, ургаа мод олныг үзэж болно. Ялангуяа хур бороо хайрладаг хөх тэнгэр, хангай дэлхийгээ нүүдэлчин монголчууд эртнээс гүнээ хүндэлж, түүнийг дагасан ёс заншил, шашин шүтлэгийн арвин их өв санг хуримтлуулсан билээ. Монголчуудын нүүдлийн соёл бол хатуу ширүүн уур амьсгал, байгальд олон зуун жилийн турш дасан зохицсон хүний нөр их тэмцлийн үр дүн юмаа.
Гэхдээ өнөөгийн Монгол улсын ногоон хөгжилд тулгамдаж байгаа бэрхшээлүүд нилээд байнаа. Хорь гаруйхан жилийн өмнө Монгол Улс нийгэм эдийн засгийн нэг системээс нөгөө системд шилжих ихээхэн ярвигтай замыг эхлүүлсэн. Энэ шилжилтийн үе бидэнд олон ололт, сургамж, эерэг сөрөг үр дагаврыг авчирсан ч өнөөдөр манай улс ардчилал, шинэчлэлийн замд эргэлт буцалтгүй орж чадлаа. Энэхүү шилжилтийн үеэс үүдэлтэй ядуурал, байгаль орчны доройтол зэрэг зарим асуудал нь өнөөгийн ногоон хөгжлийн сорилт болсоор байгаа билээ.
Нөгөөтэйгүүр монголчууд бид нэг талыг харсан шийдвэр гаргах боломжгүй хөгжлийн хэд хэдэн сонголтын өмнө ирээд байна. Тухайлбал, шинэчлэл үү эсвэл уламжлал уу, нүүдэлчдийн үнэт зүйлс илүү чухалуу эсвэл зах зээлийн ашиг олох зарчим чухал уу, нүүдэлчний эрх чөлөөтэй дураараа сэтгэлгээ юу эсвэл хот газрын хатуу дүрэм журамтай баригдмал байдалд орох уу гэсэн аль нэгийг нь орхигдуулж боломгүй мөртлөө хослуулан шийдэхэд ярвигтай асуудлуудтай тулгарч байна.
Түүнчлэн Монголын ногоон хөгжлийн нэг томоохон сорилт нь уур амьсгалын өөрчлөлт болоод байна. Манай оронд уур амьсгалын өөрчлөлт дэлхийн дунджаас илүү эрч хүчтэй явагдаж байна. Сүүлийн 70 гаруй жилийн хугацаанд агаарын жилийн дундаж температур 2.1 хэмээр дулаарсан нь дэлхийн дундажаас 3 дахин их байна. Үүний улмаас гол ус хатаж ширгэх, мөнх цэвдэг, мөстөл хайлах, хөрс бэлчээр доройтон цөлжих, ган, зуд, салхи шуурга зэрэг байгаль, цаг агаарын аюулт үзэгдлийн давтамж, эрч нэмэгдэж байна.
Ногоон хөгжилд тулгамдаж байгаа асуудлыг даван туулах зорилгоор Монгол Улсын Их Хурлаар Уур амьсгалын өөрчлөлтийн Парисын хэлэлцээрийг 2016 оны 9-р сард соёрхон баталж даян дэлхийн нийтлэг зорилгод нэгдэж байгаагаа батлан харуулсан.
Ногоон хөгжлийг Монгол Улсад цогцлооход хүүхэд залуучуудын оролцоог дэмжих зорилгоор БОАЖЯ-ны зүгээс тогтвортой хөгжил, ногоон хөгжлийн суурь зарчмууд, байгальд ээлтэй ногоон амьдралын хэв маягийг хүүхэд, залууст таниулах, мэдлэг олгох чиглэлээр олон улсын байгууллага, төсөл хөтөлбөртэй хамтран ажиллаж, сургалтын хөтөлбөр, гарын авлага боловсруулан хэвлүүлж, 96 сургагч багш бэлтгэн, 190 гаруй удаагийн сургалт, семинарыг зохион байгуулснаар 7800 орчим хүнийг хамруулан сургаад байна.
Түүнчлэн, хүүхдийн сурах орчныг ая тухтай байлгах үүднээс сургууль, цэцэрлэгийн жишиг ногоон барилга байгуулах, ногоон зээлийн сан, эко урамшуулал, татварын хөнгөлөлт зэрэг эдийн засгийн хөшүүргүүд бий болгох, орон нутагт эко сургууль, байгаль хамгаалах клүбүүдийг дэмжих ажлыг манай яам хэрэгжүүлж байна. Эко сургуулийн хүүхдүүд орчноо цэвэр байлгах, мод тарих, байгаль орчны төрөл бүрийн сурталчилгаа хийхэд маш чухал хувь нэмэр оруулдаг юм.
Залуучууд, хүүхдүүдийн эх дэлхийгээ хайрлан хамгаалах, байгальд ээлтэй хандлага, зөв дадлыг төлөвшүүлэхэд чиглэсэн шинэ санаа, үйл хэргийг үлгэрлэн манлайлах хүсэл эрмэлзлэлийг дэмжих зорилготой “Ногоон элч” санаачилгыг өрнүүлэн ажиллаж, үүнд 10 гаруй их, дээд сургуулийн оюутан залуус нэгдээд байна.
Дэлхийн дөч шахам орноос Монгол улсад хуран чуулж байгаа залуус та бүхэнд хандаж манай монголын “биеэ засаад гэрээ зас, гэрээ засаад төрөө зас” гэдэг ардын зүйр цэцэн үгийг хэлж өгөхийг хүсч байна. Энэ үгний утга учир бол өнөөдрийн бидний ярьж байгаа ногоон хөгжил, ногоон амьдралын хэв маягийн асуудалтай ихээхэн холбоотой юм. Чухамдаа байгаль дэлхийдээ ээлтэй бусдад тустай байх гэдэг нь хувь хүнээс, өрх айл бүрээс эхэлж байж улс орны томоохон хэмжээний өөрчлөлт болох учиртай. Энэ утгаараа та бүхэн бол хувь хүний түвшнээс даян дэлхийн түвшинд эерэг өөрчлөлт хийх зоригтой зөв шийдвэрийг өөрсөддөө гаргаад энэ мөрөөдөлдөө хүрэх эхний томоо алхмаа хийж байгаад чинь би талархан баяр хүргэж байна.
Та нар бол өөрийн эх орондоо аз жаргалтай, айх аюулгүй ногоон амьдралыг цогцлооход үнэтэй хувь нэмэр оруулах маш чухал хүмүүс бөгөөд бусдыг араасаа үлгэрлэн дагуулах ирээдүйн манлайлагчид билээ.
Иймд та бүхний энэ ариун үйлсэд би өндөр амжилт, аз хийморийг хүсэн ерөөж байна.
Мөн та бүхнийг өнөөдрийн хэлэлцүүлгээр олон чухал зүйлсийг бие биенээсээ суралцаж, хийж бүтээх шинэ санаа олж, мэдлэг, туршлагаа хуваалцана гэдэгт бат итгэлтэй байгаагаа илэрхийлж чуулганы үйл ажиллагаанд амжилт хүсье.
Баярлалаа.
-
2017 оны 6 сарын 09
Төр нийгмийн зүтгэлтэн С.Зоригийн амь насыг хөнөөсөн хэрэгт Т.Чимэгээ, Б.Содномдаржаа, Ц.Амгаланбаатар нарыг буруутган хоёр шатны шүүхээс 24-25 жилийн хорих ял оноосон. Харин тэд анхан болон давж заалдах шатны шүүхийн шийдвэрийг эсэргүүцэн Улсын дээд шүүхэд гомдол гаргаад байгаа юм.
-
2017 оны 6 сарын 09
Сэлэнгэ аймгийн Баянгол суманд Төмөр замын гарамын засварын ажил хийгдэхтэй холбогдуулан зургаадугаар сарын 14-ний 03.00 цагаас 14.00 цаг хүртэл уг хэсгийн замыг хаахаар болжээ.
-
2017 оны 6 сарын 09
Нийслэлийн Засаг дарга бөгөөд Улаанбаатар хотын Захирагч С.Батболдын урилгаар “Жей Си Ай-AСПАК-2017” Ази-номхон далайн бүс нутгийн 51 орны 3500 залуус Улаанбаатар хотод чуулж байна. Чуулга уулзалтын нээлт өчигдөр Буянт-Ухаа спорт цогцолборт боллоо. Нээлтийн ажиллагаанд Шадар сайд У.Хүрэлсүх, нийслэлийн Засаг дарга бөгөөд Улаанбаатар хотын Захирагч С.Батболд, JCI байгууллагын тэргүүн дэд ерөнхийлөгч Даун Хетзел, JCI Монголын Үндэсний Ерөнхийлөгч П.Батхишиг болон гишүүн улсын үндэсний Ерөнхийлөгч нар оролцсон юм.
Улаанбаатар хотын Захирагч С.Батболд чуулга уулзалтыг нээж хэлсэн үгэндээ “Хувь хүний итгэл үнэмшил, үнэт зүйлийг эрхэмлэн хүндэтгэж, түүнийг нь зөв чиглэлд хөгжүүлж улмаар хүн төрөлхтний амьдралын сайн сайхны төлөөх үйлсэд оруулж буй байгууллагын хувь нэмэр асар их билээ. Монгол Улс ч мөн адил энэхүү зарчмыг хүндэтгэн үзэж, төрийн болон хувийн хэвшлийн байгууллагууд JCI Монгол байгууллагатай хамтран нийгмийн сайн сайхны төлөө чиглэсэн олон арван төсөл хөтөлбөрийг дэмжиж, хамтран хэрэгжүүлсээр байгаа юм. Улаанбаатар хот нь Зүүн хойд Азийн бүс нутгийн бизнес, соёл, аялал жуулчлалын зангилаа бүс болох зорилтыг дэвшүүлэн ажиллаж байна. Энэ зорилтыг хэрэгжүүлэхэд залуучуудын оролцоо нэн чухал юм” хэмээгээд чуулга уулзалтад оролцогчдыг Улаанбаатар хотод тавтай морилохыг урилаа.
Чуулга уулзалтын нээлтэд үг хэлсэн Шадар сайд У.Хүрэлсүх “JCI Ази номхон далайн бүс нутгийн чуулга уулзалтыг Улаанбаатар хотод амжилттай зохион байгуулахын төлөө сэтгэл зүрх, итгэл үнэмшил, цаг зав, эд хөрөнгөө зориулж эх орныхоо сайн сайхныг анд нөхөд, зочиддоо бахархалтайгаар үзүүлэхийн төлөө олон жилийн турш зүтгэж ирсэн “JCI Монгол” байгууллагын удирдлагууд болон нийт сенаторууд гишүүд, дэмжигчиддээ МУ-ын Засгийн газрын нэрийн өмнөөс талархаж байгаагаа илэрхийлмээр байна” хэмээсэн юм.
“Жей Си Ай-AСПАК-2017” чуулга уулзалт Улаанбаатар хотноо дөрвөн өдрийн турш “Ази, Номхон далайн бүс нутгийн хөгжил” сэдвийн дор үргэлжлэх юм. Энэ өдрүүдэд нийт 84 төрлийн арга хэмжээг зохион байгуулахаар төлөвлөөд байгаа аж. Мөн бүс нутгийн хөгжлийн тулгамдсан асуудлаар есөн төрлийн асуудлаар форум хийх аж. Үүнээс хоёр нь Монгол Улстай холбогдох сэдэв байгаа юм. Тухайлбал Монгол Улсад бизнес эрхлэх боломж болоцооны талаар болон Улаанбаатар хотын ногоон хөгжлийн талаар хэлэлцэх аж гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 6 сарын 09
Газрын тухай хуулийн хэрэгжилтийг хангах, газрын зөрчил арилгах үйл ажиллагааг эрчимжүүлэх, нийтийн эзэмшлийн газар ашиглалтыг сайжруулах, иргэдийн эрүүл, аюулгүй орчинд амьдрах нөхцөлийг хангах зорилгоор газрын зөрчил арилгах нэгдсэн арга хэмжээг нийслэлээс зохион байгуулж байгаа билээ.
Энэ ажлын хүрээнд авто машины болон явган хүний замыг хааж хаалт, хашаа барьсан, орц гарцыг хааж байрлуулсан бусад төрлийн объектуудын судалгааг гарган хугацаатай мэдэгдэл өгч, газар чөлөөлөх ажлыг Нийслэлийн Газрын албанаас үе шаттайгаар хийж гүйцэтгэж байна. 2017 оны 06 дугаар сарын 08-ны өдрийн байдлаар 59 байршлын газрыг чөлөөлж орц гарц, нийтийн эзэмшлийн зам талбайг нээгээд байна.
Газрын зөрчил арилгах нэгдсэн арга хэмжээг иргэд ихээр дэмжиж байгаа бөгөөд нийслэлийн Газрын албанд бичгээр болон цахимаар ирүүлсэн хүсэлтийг хүлээн авч судалгаанд хамруулан нэн түрүүнд чөлөөлөх боломжтой газруудын зөрчлийг арилгаж, нийтийн эзэмшлийн зам талбайг чөлөөлж эхлээд байна.
Тухайлбал, Баянзүрх тус дүүргийн 22 дугаар хороо, 1000 оюутны байрны автобусны буудал дээр явган хүний замыг хааж байрлуулсан 2 ТҮЦ-ийг буулгаж газрыг чөлөөллөө.
Баянгол дүүргийн 8 дугаар хороо ”Ирмүүн булаг” ХХК-ний эзэмшил газраа хэтрүүлэн барьсан хашааг албадан буулгаж газрыг чөлөөлөв.
Баянзүрх дүүргийн 1 дүгээр хороо 22, 23 дугаар байрны дунд олон жилийн хур хогийг хуримтлуулсан чингэлгийг ачиж газрыг чөлөөллөө. Ингэснээр ойр орчмын оршин суугчид эрүүл аюулгүй орчинд амьдрах нөхцөл бүрдэж байгаа юм.
Сонгинохайрхан дүүргийн 19 дүгээр хороо, нэгдсэн эмнэлгийн талбайд зөвшөөрөлгүй байршуулсан граж, чингэлгийг авч газрыг чөлөөллөө.
Энэхүү арга хэмжээнд иргэн, аж ахуйн нэгж байгууллагууд ч идэвхтэй хамтран ажиллаж шаардлагын дагуу зөрчлөө арилгаж байна. Тухайлбал, Баянгол дүүргийн 13 дугаар хороо 3, 4 дүгээр хорооллын эцэст иргэн Ш.Оросоо явган хүний замыг хааж барилгын түр хашаа барьсан байсныг дүүргийн Газрын албанаас шаардлага хүргүүлсний дагуу тухайн иргэн зөрчлөө арилган явган хүний замыг чөлөөллөө. Энэ мэтчилэн газрын зөрчил арилгах нэгдсэн арга хэмжээ шат дараатайгаар үргэлжлэн хийгдэж байна.
Нийтийн эзэмшлийн зам, талбайн газрыг чөлөөлснөөр орчны тохижилтын ажил гүйцэтгэх, авто болон явган хүний зам барих боломж нөхцөл бүрдэх, эзэмшил, ашиглалтад байгаа газруудын байнгын болон барилгын түр хашааг стандартын дагуу бариулах, өнгө үзэмжийг сайжруулж, хур хог үүсэх зэрэг орчны бохирдол үүсэхээс урьдчилан сэргийлэхээс гадна иргэдийн эрүүл, аюулгүй орчинд амьдрах нөхцөл бүрдэх ач холбогдолтой юм гэж нийслэлийн Газрын албанаас мэдээллээ.
-
2017 оны 6 сарын 09
Өнгөрсөн дөрөвдүгээр сарын 12-нд Сүхбаатар дүүргийн эрүүгийн хэргийн анхан шатны шүүхэд Монгол Улсын заан Ц.Баярсайханд холбогдох хэргийг шүүх хурал болох байсан ч тодорхой шалтгааны улмаас хойшилсон. Өнөөдөр Сүхбаатар дүүргийн эрүүгийн хэргийн анхан шатны шүүх дээр Ц.Баярсайхан зааны шүүх хурал эхэлсэн байна.
Монгол Улсын заан Ц.Баярсайханыг бусдын эд хөрөнгө залилсан гэх хэрэгт буруутгаж, 11 жилийн хорих ял оноосон билээ. Харин шүүгдэгч Ц.Баярсайхан давж заалдах шатны шүүхэд хандсанаар түүний хэргийг анхан шатны шүүхээр дахин хэлэлцүүлэх шаардлагатай гэж үзэн буцаагаад буй юм.
-
2017 оны 6 сарын 09
Нийслэлийн Засаг даргын 2017 оны 6 дугаар сарын 5-ны өдрийн А/385 дугаар захирамжаар Баянгол дүүргийн 8 иргэнд, Баянзүрх дүүргийн 51 иргэнд, Сүхбаатар дүүргийн 17 иргэнд,Чингэлтэй дүүргийн 21 иргэнд, Хан-Уул дүүргийн 25 иргэнд, Сонгинохайрхан дүүргийн 179 иргэнд, Налайх дүүргийн 11 иргэнд, Багануур дүүргийн 8 иргэнд, Багахангай дүүргийн 6 иргэнд нийт 326 иргэнд гэр бүлийн хэрэгцээний зориулалтаар газар өмчлүүллээ. Өмнө нь гэр бүлийн хэрэгцээний зориулалтаар дундаа хамтран газар өмчилсөн 138 өрхийн 383 иргэний дахин газар өмчлөх эрхийг нээлээ гэж нийслэлийн Газрын албанаас мэдээллээ.
-
2017 оны 6 сарын 09
Монгол Улсын Ерөнхийлөгч, Зэвсэгт хүчний ерөнхий командлагчийн нэрэмжит тусгайлсан чиг үүрэг бүхий байгууллагуудын дунд зохиогддог Марш тактик тусгай бэлтгэлийн цогцолбор тэмцээн эхэллээ. Тэмцээн өнөөдөр маргааш хоёр өдөр үргэлжлэн явагдана.
-
2017 оны 6 сарын 09
“Тэнгэрт диваажин, газарт Ханжоу” гэсэн алдартай үг бий. Хөгжил цэцэглэлт, ололт амжилтаараа тэргүүлж буй газрын диваажин болсон Ханжоу хотод сэтгүүлчдийн баг аялалынхаа гуравдахь өдрөө морилон саатав. Торго, цайгаараа алдартай Ханжоу хотод алдарт Алибаба, БНХАУ-ын инновацийн төв хотхон, Мөрөөдөл хотхон гээд дэлхийд тэргүүлдэг олон байгууллага, аж ахуй нэгж оршино.
-
2017 оны 6 сарын 09
УБЦТС ТӨХК”-ийн энэ сард хийх урсгал засварын ажил Монгол Улсын Ерөнхийлөгчийн сонгууль болохтой холбогдуулан зургадугаар сарын 10-ны өдрөөр дуусгавар
-
2017 оны 6 сарын 09
Гадаад улсад байгаа иргэд салбар комиссын тогтоосон санал авах байранд энэ сарын 10,11-ний өдөр очиж тухайн улсын орон нутгийн цагаар 07.00 цагаас 22.00 цаг хүртэл хугацаанд саналаа өгнө.
-
2017 оны 6 сарын 09
2017 оны 06 дугаар сарын 08-ны Лхагва гарагт цагдаагийн байгууллагаас гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 49 жолоочийг илрүүлэн саатуулж ажиллаа. Замын цагдаагийн албаны ЖШУХ дээр нийт 344 дуудлага, мэдээ мэдээлэл хүлээн авснаас, зам тээврийн ослын 245 дуудлага бүртгэгдсэн бөгөөд осол, хэргийн улмаас 5 хүн хүнд, хөнгөн байдлаар гэмтсэний 1 нь хүүхэд бүртгэгдсэн. Улсын болон орон нутгийн чанартай автозамд онхолдох хэлбэрээр 2 зам тээврийн осол гарч, 2 хүний амь нас хохирсон харамсалтай хэрэг гарсан байна.
Тухайлбал:
1. ЧД-ийн нутаг дэвсгэр 57-р сургуулийн урд замд явган зорчигч Х нь мөргүүлж гэмтсэн байна.
2. БЗД-ийн нутаг дэвсгэр Нарантуул олон улсын худалдааны төвийн “Шилэн дэлгүүрийн урд замд явган зорчигч Б нь согтууруулах ундаа хэрэглэсэн үедээ мөргүүлж гэмтсэн байна.
-
2017 оны 6 сарын 09
Сүхбаатар дүүргийн 11 хорооны нутаг дэвсгэрт байрлах сонсголын бэрхшээлтэй хүүхдийн 29 дүгээр тусгай сургуулийн хашаанд газар олгосон байсныг Нийслэлийн Засаг даргын А/184 тоот захирамжаар хүчингүй болгосон билээ. Тухайн хэсэгт барилга барихаар барилгын түр хашаа барьсан байсныг буулгаж газрыг бүрэн чөлөөлж, сургуулийн захиргаанд хүлээлгэн өглөө гэж нийслэлийн Газрын албанаас мэдээллээ.
-
2017 оны 6 сарын 09
Бурхан Багшийн Их Дүйчин өдөр зургаадугаар сарын 9-ний Баасан гаригт тохиож буй. Энэ өдөр ”Сэтгэл ариусахуй” уриатай ёслолын сүрт жагсаал, шашин ёслолын үйл ажиллагаа болно.
Сүрт жагсаалд Улаанбаатар хотын бүх сүм хийдийн төлөөлөл, Бурханы шашны ТББ болон сүсэгтэн олныг хамруулах аж.
“СЭТГЭЛ АРИУСАХУЙ” СҮРТ ЖАГСААЛЫН ХӨТӨЛБӨР
СОЖИН САХИЛ
05.00-06.00- Гунгаачойлин, Идга чойнзинлин дацан-“Таны буянд даган баясъя” төв
ТАХИЛ ӨРГӨХ
06.00 - 19.00 өдрийн турш Жавзандамба хутагт төв
МАРШРУТ
Гандан-Сүхбаатарын талбай 16.30-18.30- зам чөлөөлөх цаг
Гандангаас хөдлөх
Түр хөтөлбөр-Номин их дэлгүүрийн өмнө
Жагсаал Сүхбаатарын талбайд хүрэх
СЭТГЭЛ АРИУСАХУЙ ТӨВ ТАЛБАЙН АРГА ХЭМЖЭЭ
Сүхбаатарын талбайд зохион байгуулах арга хэмжээ
18:00-18.05 Хөтлөгч Нээлт
18:05-18:10 Гандантэгчэнлин хийдийн тэргүүн их хамба, гавж Д.Чойжамц үг хэлнэ.
18:10-18:15 НЗДарга бөгөөд Улаанбаатар хотын захирагч С.Батболд үг хэлнэ
18:15-18:25 Мандал өргөх ёслол, Монгол уншлага, Гандан хийдийн лам хуврагууд /Итгэл, Ганданлхавжаа, Мандал, Жинлавчогзол/
18:25-18:30 Чингисийн сан
18:30-18:40 Морин хуурын чуулга
18:40-18:45 Уртын дууч Г.Бямбасүрэн -Уяхан замба тивийн наран,
18:45-19:05 Гандантэгчэнлин хийдийн Да лам Х.Бямбажав- Далай багшийн мэндчилгээ, Бурхан багшийн намтар
19:05-19:15 Дуучин Т. Дэлгэрмөрөн Янжинлхамын дуулал, Наян булаг, УДБЭЧ бүжиг
19:15-19:25 Увертура хамтлаг
19:25-19:30 Жонон Ханчэн гэгээн уриалга, сургааль
19:30-19:40 Дуучин К.Номинжин Бурхан багш,
19:40-20:00 Төрийн Соёрхолт Найруулагч Н. Наранбаатар “Бурхан Багшийн ариун дагшин газар” лекц, илтгэл
20:00-20:20 Д.Нямсамбуу гавж “Сэтгэл ариусахуй” лекц,-Бясалгал Флаш Моб /Зааврын дагуу 20 минут/ Соёмбо хэлбэртэй
20.20-20:25 Дуучин Чингэс
20:25-20:35 Жонон хамтлаг
20:35-20:40 Хаалтын үг Гандантэгчэнлин хийдийн ОНХА лам Ж.Одгарьд.
-
2017 оны 6 сарын 09
Хүнс хөдөө аж ахуй хөнгөн үйлдвэрийн салбарын нээлттэй хаалганы өдөрлөг энэ сарын 9,10-ны өдрүүдэд Сүхбаатарын талбайд болно.
Энэхүү нээлттэй хаалганы өдөрлөгөөс мал аж ахуй, газар тариалан, хүнс, хөнгөн, жижиг дунд үйлдвэрлэлийн бодлого, шинэ техник технологи, худалдаа үйлчилгээ, хуульзүйн зөвлөгөөг нэг дороос авах боломжтой юм. Тодруулбал, Хүнс, хөнгөн, жижиг дунд үйлдвэрлэл, мал аж ахуй, газар тариалангийн салбарт төрөөс үзүүлж байгаа бодлого, инновацийн бүтээгдэхүүний үзэсгэлэн, тариаланчдад үзүүлэх дэмжлэг, жижиг дунд үйлдвэрлэлийн зээлд хамрагдах боломж, тусгай зөвшөөрөл, хөдөө аж ахуй их сургуулийн, эрдэм шинжилгээний байгууллагын сургалт зөвлөгөө мэдээллийг өгнө.
Мөн төмс хүнсний ногоо, жимс жимсгэнэ тариалахад зориулсан техник тоног төхөөрөмж, үрслэгээ суулгац, малын зохиомол хээлтүүлгийн талаар энэхүү нээлттэй хаалганы өдөрлөгийн үеэр сонирхох боломжтой хэмээн ХХААХҮЯ-наас мэдээллээ.
-
2017 оны 6 сарын 08
Монгол Улсын Ерөнхийлөгч, Зэвсэгт хүчний ерөнхий командлагчийн нэрэмжит тусгайлсан чиг үүрэг бүхий байгууллагуудын дунд зохиогддог Марш тактик тусгай бэлтгэлийн цогцолбор тэмцээн маргааш буюу 06 дугаар сарын 9-нд эхэлнэ.
Энэхүү тэмцээн нь тусгайлсан чиг үүрэг бүхий байгууллагуудын албан хаагчдын хувьд цэргийн бэлтгэл, сургуулилт, бие бялдар, сэтгэл зүйн тэсвэр тэвчээр, ур чадвар, авхаалж самбаа, бэлтгэл, бэлэн байдлыг шалгасан томоохон сорилт болдог. Тус тэмцээнд Онцгой байдлын албаа төлөөлөн оролцож байгаа баг тамирчдыг Онцгой байдлын ерөнхий газрын удирдлага хүлээн авч, хүндэтгэл үзүүлэн, бэлтгэл сургуулилтаа сайтар базааж, бэлтгэлээ хангаж байгаа баг тамирчиддаа баяр хүргэн тэмцээндээ амжилт гарган оролцохыг хүсэн ерөөж сэтгэлийн дэм, урам зориг хайрлалаа. Энэ удаагийн марш тактик-тусгай бэлтгэлийн цогцолбор тэмцээнд ОБЕГ-ын харьяа Аврах тусгай анги, Уул уурхайн аврах анги, Нийслэлийн Онцгой байдлын газар, Дархан-Уул, Дорноговь, Орхон, Өвөрхангай, Хэнтий, Хөвсгөл аймгийн Онцгой байдлын газар, хэлтэс, анги байгууллагаас 40 орчим тамирчин оролцож байна.
-
2017 оны 6 сарын 08
Нийслэлийн цагдаагийн газар, Нийслэлийн Аялал Жуулчлалын газар, Монголын Оюутны холбоо хамтран оюутан залуучуудыг гэмт хэрэг, зөрчлөөс урьдчилан сэргийлэх ажилд татан оролцуулах, аялал жуулчлалаар яваа гадаадын иргэдийн аюулгүй байдлыг хангах, жуулчдад аялал жуулчлал, соёлын үйлчилгээний мэдээлэл түгээх “Оюутан цагдаа” арга хэмжээг уламжлал болгон нийслэлийн хэмжээнд 4 дэх жилдээ зохион байгуулж байна.
Энэхүү арга хэмжээний хүрээнд нийслэл хотод гадаадын иргэд ихээр зорчдог, төвлөрдөг газруудад 30 оюутан цагдаа жуулчдад мэдээлэл сэрэмжлүүлэг, зөвлөгөө өгөх, хууль тогтоомжийг сурталчлах, гэмт хэрэг, зөрчлөөс урьдчилан сэргийлэх ажилд цагдаагийн байгууллагад дэмжлэг үзүүлж хамтран ажиллах юм.
-
2017 оны 6 сарын 08
Нийслэлийн цагдаагийн газраас алба хаагчдын сахилга, ёс зүйн байдалд дүн шинжилгээ хийх, сахилгын зөрчлийн шалтгаан нөхцөлийг тогтоох, арилгах, бууруулах, урьдчилан сэргийлэх, цаашид авч хэрэгжүүлэх арга хэмжээг тодорхойлох зорилгоор “Сахилгын зөвлөгөөн”-ийг өнөөдөр /2017.06.08/ Нийслэлийн Иргэний танхимд зохион байгууллаа.
Зөвлөгөөнд Цагдаагийн ерөнхий газрын даргын зөвлөлийн гишүүн Мөрдөн байцаах албаны дарга, цагдаагийн хурандаа Д.Наранбаатар, Нийслэлийн цагдаагийн газрын дарга болон даргын зөвлөлийн гишүүд, алба хаагчид оролцсон юм.
Энэ үеэр 2017 оны эхний 5 сарын байдлаар алба хаагчдын сахилга, ёс зүйн талаарх мэдээллийг Хяналт шалгалт, үнэлгээ, ёс журмын хэлтсийн дарга, цагдаагийн дэд хурандаа Г.Төгөлдөр танилцуулж, алба хаагчдын санал хүсэлтийг сонсож, сахилга ёс зүйн зөрчил, гарсан шалтгаан нөхцөлийг арилгах, дахин давтан гаргуулахгүй байх, бусад алба хаагчдыг энэ төрлийн зөрчил гаргахаас урьдчилан сэргийлэх зорилгоор Нийслэлийн цагдаагийн газрын бие бүрэлдэхүүнээс “Уриалга” гаргаж түүний мөрөөр тодорхой ажил, арга хэмжээг зохион байгуулж үр дүнг тооцож ажиллахаар боллоо.
НИЙСЛЭЛИЙН ЦАГДААГИЙН ГАЗРЫН АЛБА ХААГЧДААС ГАРГАСАН УРИАЛГА
-
2017 оны 6 сарын 08
Хүнс хөдөө аж ахуй хөнгөн үйлдвэрийн салбарын нээлттэй хаалганы өдөрлөг 2017 оны 06 дугаар сарын 9.10-ны өдрүүдэд Сүхбаатарын талбайд болно. Энэхүү нээлттэй хаалганы өдөрлөгөөс мал аж ахуй, газар тариалан, хүнс, хөнгөн, жижиг дунд үйлдвэрлэлийн бодлого, шинэ техник технологи, худалдаа үйлчилгээ, хуульзүйн зөвлөгөөг нэг дороос авах боломжтой юм. Тодруулбал, Хүнс, хөнгөн, жижиг дунд үйлдвэрлэл, мал аж ахуй, газар тариалангийн салбарт төрөөс үзүүлж байгаа бодлого, инновацийн бүтээгдэхүүний үзэсгэлэн, тариаланчдад үзүүлэх дэмжлэг, жижиг дунд үйлдвэрлэлийн зээлд хамрагдах боломж, тусгай зөвшөөрөл, хөдөө аж ахуй их сургуулийн, эрдэм шинжилгээний байгууллагын сургалт зөвлөгөө мэдээллийг өгнө.
Мөн төмс хүнсний ногоо, жимс жимсгэнэ тариалахад зориулсан техник тоног төхөөрөмж, үрслэгээ суулгац, малын зохиомол хээлтүүлгийн талаар энэхүү нээлттэй хаалганы өдөрлөгийн үеэр сонирхох боломжтой .
-
2017 оны 6 сарын 08
Нийслэлийн Эрүүгийн хэргийн давж заалдах шатны шүүхэд Г.Дэнзэн нарт холбогдох хэргийн шүүх хурал болж байна. Тус хуралдаанд илтгэгч шүүгчээр М.Пүрэвсүрэн, прокурор Н.Бадамцэцэг болон шүүгдэгчийн өмгөөлөгчид оролцож буй юм. Гэвч тус шүүх хуралд Г.Дэнзэнгийн өмгөөлөгчийг оролцуулсангүй.
